رواية من أعماق أحضان مجنونة -41
ابو مطلق براحتك يبى بس تاءكد ان البيت يشيلك ويشيلها ويشيل عيالك بكل وقت....
مطلق تسلم يبى..
ام مطلق يمه..من بنته؟
مطلق وهو يناظرهم بهدوء بنت بو احمد؟
ام مطلق يعني اروى بنت عمتك...؟
مطلق لا...بنته اللي من زوجته الثانية؟
ام مطلق بنرفزة بنت العراقية؟
مطلق اسمها بنت بو احمد يايمه....
سكتوا ثلاثتهم وجاه تلفون من المعرض ورد عليه وقام بسرعة وطلع من البيت,,,,
اروى مالك نية تروحين لزينة المستشفى؟
مريم بملل لا...
اروى ليه؟
مريم انا بروحي زينة مااتحملها....
اروى أي بس لازم تجاملينها العالم داخل طالع عليها وانتي حتى تلفون مارفعتي شبيقول مشاري عنك؟
مريم ويكون هو كلف على نفسه ودق لي وقال لي عن تعبها؟
اروى امك وابوك اربع وعشرين ساعة عندها يعني معقولة بتكونين مادريتي؟
مريم لازم يتصل يبلغني بنفسه؟
اروى ليش ان شاءالله زواج هو علشان يعزمك عليه....
مريم اوووف لاتضيقين انتي خلقي بعد؟
اروى انا مالي اصلا فيك...امي بتاخذك اليوم معها يعني بتاخذك معها مافي مفر....فقومي لبسي وجهزي من اللحين ازين لك....
مريم بضيق الله يعين على غثاها ها الدلوعة....والله لوتموت نرتاح منها؟
دخل الغرفة ولفت ريم بسرعة وهي واقفة قبال المرايا تقص بشعرها انت ليه رجعت بدري؟
احمد وهو يتقدم منها انا ماخذ اجازة اسبوعين ورحت اوقعها..
وقف قبالها مباشرة ومسك اطراف شعرها اللي تقص فيهم وهي ابتسمت له..
احمد بلؤم مافي اذن انك بتقصين؟
ريم ببتسامة شعري هذا...
احمد لاماهو بشعرك هذا ملكي....كيف تقصينه بدون شوري؟
ريم احمد طولان.وانا مو حلو فيني الطويل؟
احمد مسوي نفسه مصدوم أي طولان واللي يعافيك!!انا ودي مرة اشوفه يوصل لكتوفك مايمديه؟
ريم شسوي مايناسبني الشعر الطويل؟
تقرب منها وقال بس احمد يبي يشوفه طويل..
حطت راسها على صدره وقالت احلم فيه طويل مو مشكلة محد بيقول لك لا....
احمد كذا تلعبين علي !!!.
ريم افا من يقول اني العب عليك بس!!!
احمد اجل وشو احلم فيه طويل.....
ريم ههههه
احمد قولي خلاص مو ماسكة المقص وقاصته ابدا بتركه يطول علشانك حبيبي....
ريم أي ان شاءالله..
احمد وهو يضحك ها الكلمة حفظتها مليون مرة كل مرة تجين تقصينه تعيدينها لي...
ضحكت ريم وتقرب منها وهمس باذنها احبك...
طلعت منه الكلمة عفوية وصادقة الشي اللي خلاها تتنهد وتغمض عيونها..
احمد بنفس الهمس بعوضك الليلة عن كل اللي راح صدقيني...بنعيش انا وانتي قصة حبيبين ماصارت...
بس بالاول خلنا نروح المستشفى نتطمن على البيبي وناخذ لك مواعيدك طيب حبي..
ريم ان شاءالله حبيبي...بس بعد انا ابي منك سالفة وابي اتكلم معك فيها ..
احمد انت تاْمرني ياحبيبي...
مسكت يده وقالت عسى الله لايفرقنا حبيبي...
احمد وانا اموت فيك..وفي غيابك حسيت بالجنون...ابي ترجع لي كل سوالفنا وكل لمساتنا وهمساتنا الحلوة مع بعض ياريم..
ابي ننسى ان احنا ماكنا مع بعض بالاربعة الايام اللي فاتت ونعيش ونجدد حبنا اكثر واكثر,,,
لعيونك اللي تسلب عيون وعيون
لجفي حلا كل الليالي واجيك
لو قلت لك عاقل__ ترى فيك مجنون
ارفض هوى كل المعاشيق وارجيك
يابلوة الدنيا__لا__ يابلوة الكون
يختال حسنك وسط عتمة لياليك
أهواك واحيا فيك واموت مغبون
وأموت وحيا فيك وانا حاضن يديك
أنساك بعد الموت__ ماظنتي شلون؟؟؟
أنساك دام اني أنزرعت بأراضيك!!
تعال ماعاد العمر فيه مضمون
تعال دمعتي وقلبي اليوم__مهديك
تعال وشوف بنفسك أشواق وشجون
تعال أسمع___ قلبي اليوم يفديك
تعال وخل اللي مضى يعود ويمون
تعال يكفيني ظما مواريك
تعال نبتدي قصه(جنون) ف (جنون)
في البيت كانت دارين طالعة وبشاير طالعة بنفس الوقت...
طبعا بشاير ماتدري ان مطلق يبي دارين...
وقفوا عند الباب وسلمت بشاير قبل..
بشاير هلا..
دارين بهدوء هلا...
بشاير كيف الحال...
دارين بخير الحمدلله..
بشاير صايرين ماتنشافون..
دارين ابتسمت زحمة الجامعة...
بشاير كيف دراستك؟
دارين ماشية الحمدلله....
بشاير ابتدت امتحاناتكم؟
دارين لا لسه باقي لنا اكثر من ثلاثة اسابيع...
بشاير بالتوفيق ان شاءالله
دارين لك بعد....
بشاير شكلك طالعة..
دارين أي والله رايحة المستشفى ازور قريبة لنا تعبانة؟
بشاير لاتقولين زينة بنت بومشاري؟
دارين أي..تعرفينها؟
بشاير انا كنت رايحة لها اصلا....
دارين والله؟وش ها الصدفة..
بشاير نروح اجل مع بعض لو مايضايقك...
دارين لاعادي...ماعندي مشكلة....
ابو احمد وين ولدك؟
ام وليد فديته تعبان و..
قاطعها بعصبية وش اللي متعبه ان شاءالله؟الاعمال اللي كاسرة ظهره ولاالاجتماعات اللي مو تاركته يشوف الدنيا؟
سكتت وهي مقهورة...
ابو احمد روحي صحيه كانه نايم وقولي له يجيني بسرعة...
ام وليد ابو احمد تراك قاسي حييل على وليد مايصير كذا ياولد الناس بشويش شويش عليه؟
ناظرها وقال والله....
ام وليد أي والله انت مزودها معاه كثير يابو احمد...اللي بعمره يتفهمونهم ويقربونهم منهم مو كذا صراخ وعصبية وتزعله منك؟
ابو احمد اللحين انا اللي ازعله مني مو هو اللي يزعلني منه؟
قالها بشوية صرامة..
ام وليد بارتباك يعني انت شاد كثير معه يابو احمد..
ابو احمد بصراخ بعده ماشاف شي مني !!اذا مايتاءدب ويصير رجال حاله حال اخوانه بيشوف مني اللي ماشافه قبل وانا عند كلمتي!!ترى ولدك تعبني بتصرفاته الصبيانية الطايشة...اللي كبره تزوجوا وفتحوا بيوت وهو لاشغل ولامشغلة؟
ام وليد بنرفزة من طاري اخوانه مو محتاج يشتغل والخير موجود...
ابو احمد بعصبية انتي بس طلعي منها وهو بيكون بخير...
قالها وسكتت وقال بتوعد انا بروح الشركة ساعة له بالكثيرلو ماشفت رقعة وجهه انتي اللي بجي اتحاسب معك مو هو سامعتني!!
في المستشفى,,
مريم كانت واقفة بالغرفة بدون سلام ولاكلام لانها يوم تجي كانت صاحبة زينة جنبها فظلت واقفة بعيد عنهم....
كان بو مشاري ومشاري بالقسم الثاني من الجناح حق الاستقبال...
وجت هي وقفت جنب مشاري اللي من شافها ماعلق بشي وابو مشاري طلع برى الغرفة...
علشان يتكلم معها مشاري براحته لانه شافه يلف يناظرها بين فترة والثانية فحس انه يبي يكلمها...
يوم طلع ابوه قال بشوية حدة بس بصوت خفيف خير ان شاءالله وين رايحة انتي!!
لفت له وماقالت شي...
مشاري بحدة ليه حاطة ها المكياج بوجهك؟؟وين بتروحين انتي زواج على غفلة؟
مريم بنرفزة والله لو انا اللي طايحة واختك جت متمكيجة ماقلت لها شي؟
مشاري بحدة وصوت اعلى شوي والله اختي عمرها ماطلعت وهي متكحلة مو متمكيجة؟
مريم لفت عنه وقالت بلهجة طايشة أي صدقتك...
مشاري قومي غسلي بالحمام قبل لايجي احد ويشوفك؟
مريم بعناد مو قايمة...
مشاري بتهديد احلفي يابابا؟
مريم انت لو رجال كان اتصلت ولاقلت شي مو من طلعت ما
مسكها بالقوة وقال بعصبية انا رجال وغصبا عنك يا..
دخل ابوه بها اللحظة وفكها...
كان ابوه واقف برى ويسمع كلامهم بس يبي يشوف الى أي مدى واصلة بينهم ودخل قبل لايتنرفز مشاري ويضربها ولا يسوي شي كبير,,
تنهد بقوة وبعد عنها....
مرت فترة صمت بالمكان قطعه دخلة دارين وبشاير مع بعض...
دارين السلام...
ابو مشاري وعليكم السلام ..هلا والله بالعروس...
دارين وهي تضحك ههه خلاص عمي المعاريس هجوا من كثر ماتقولون ها الكلمة انت وابوي...
ابو مشاري لا ان شاءالله بنفرح فيك عروس وبياخذك ذاك الرجال النشمي اللي يشد الظهر...
كانت بشاير ساكتة طول الوقت ولف مشاري بضيق بيطلع والتقت عيونه بعيونها وحس باضطراب بمشاعره..
قالت وهي تبعد عيونها عنه زينة معها احد...
ابو مشاري دخلوا لها يبى مامعها غير صاحبتهاروان...
راحوا لعند زينة وقام الصوت يعلى اكثر واكثر والسوالف تزيد....
ومريم بعدها معها..
ومشاري حالته حالة من شاف عيون بشاير..
ابو مشاري روحي جلسي مع البنات يبى؟
مريم بضيق لابنتظر امي ها النوعية ماتروق لي!!!
سكت ابو مشاري وكان مشاري بيتكلم بس ابوه اشر له يسكت...
وطلع من الغرفة وهو ينتظر بشاير تمر...
ظل فترة طويلة دامت اكثر من نص ساعة بعدها طلعت علشان لاتثير الانتباه وكانها بتكلم لانها شايلة جوالها بيدها...
بعد ماابتعدت عن جناح زينة لحقها وقال بلهفة وحشتيني..
كانت معطته ظهرها وقالت برقة تستاهل سلامة زينة..
مشاري بتنهيدة الله يسلمك.... تعبان والله فراقك وقطعك صوتك عني من جهة وتعب زينة من جهة ثانية وقضيتنا انا ومريم اللي يوم قلنا بنبديها تعبت زينة من جهة ثالثة......
لفت له وبعيونها دمعة ماحبت انها تنزل وقالت برقة هانت يالغالي...انا بظل لحبك طول عمري..
مشاري بهمس وانا عمري ماراح انساك...كل مابجي احب بحبك انتي وكل مااشتقت بشتاق لك انتي...ولو تروحين وتغيبين وترجعين بتلاقيني منتظرك انتي وبس!!
التقوا نظراتهم بنظرة حب قالت كل اللي يبون يحكون عنه,,,
وربي لو تغيب سنين وياخذك الزمن عنى
اببقى يابعد عمري على ذالك العهد وافى
ترى من جد حبيتك وزود الحب جنني
كتمت الحب فى صدري ولا بد يظهر الخافي
رسمت اشواقي للك ورده ابيها توصلك منى
وابي منك تعطرها وتسقيها عسل صافي
يموت بداخلى انسان ويحيا انسان ويغنى
يقول اموت في حبك وياليته بعد كافي
الا يالهفتى تكفين ابى احياك انا كلى
اعرف ان لهفتي عله عجزت القى لها شافي
ابكتب للك قصيده حب واصيغ الحان واغني
اببحر فى بحور الشوق وهو يكسر لي مجاديفي
اضم فى داخلى عبرات واهات تعذبنى
انقة من همومي هم واشيله فوق الاكتافى
والاخير
ابطلب منك ياخلي
تذكرنى قبل ترحل وبعد ما ارحل اذكرنى
مثل طفل فقد امه وهو في حضنها غااافي
تصدق لو تغيب سنين وياخذك الزمان عنى
تاكد وقت ما ترجع بتلقى قلبي الوااااااافي
قبل لاتغرب الشمس كانت الجوهرة صاحبة هالة طالعة ومعها هالة موصلتها للباب وجراح داخل...
طلعت الجوهرة ووقف يكلمها بسرعة قبل تمشي..
جراح بلهفة هالة...
ناظرته بحدة وقالت خير في شي؟
تنهد بهدوء وقال سلامتك...
هالة بحدة اكبر ممكن لاشفتني طالعة وداخلة ماتسوي لي حركات المراهقين؟
جراح بصدمة انا!!
هالة بقسوة لاانا؟
تنهد وسكت وظل يناظرها...
قالت بنرفزة من نظراته انت شفيك؟من مسلطك علي بس ياربي!!!
جراح بهمس ابيك تسمعيني لو عندك وقت؟
هالة بحدة اكبر لك ماعندي وقت سامعني!!ياليت لو تكرمني بسكوتك كل ماشفتني!!
قالتها ومشت وتركته وحده يتنهد من قساوتها معه...
كل ماحاول يتقرب تبعده اميال واميال....
هي اللي مصعبة عليه الوضع حييل...
والله ماهو قاوي يتقرب منها ولايقول أي شي....
صدها بروحه يتركه بحيرة...
بس اللي هو يعرفه ومتاْكد منه ان ورى ها العصبية والقسوة في ارق قلب بالكون ساكن,,,,
اه منك ياارق قلب قاسي...
كلّ ماناديت : وينك ، صدني عنّك قساك
يا أرقّ انسان قاسي كيف في حقي قسيت
من كثر صدمة عيوني في تغلّيك وجفاك !
كنت أشكّ انك حبيبي ذاك يوم اني سعيت
كيف قلبك طاوعك تترك مبانينا وراك
كيف كفّينك تدمّر ما بكفّينك ،بنيت
كيف كيف وألف كيفٍ صاحت بوجهك : وراك ؟
هو خطاي اني منحتك أو خطاي اني وفيت ؟
كنت لك : حضن يدفّيك ويصارع لك عناك
صرت لي : منفى تشربني عنادك وارتويت
كنت لك : صبح تسلّف نسمته من عطر فاك
صرت لي : ليل ٍ يكسّرني . ويبني ألف بيت
كنت لك : بستاان عطّر راحتينك واحتواك
صرت لي نار ٍ تحرّق راحتيني وارتميت
أجمع الذكرى شظايا ، وآتخيلني : معاك ..
وأتخيلني فحضنك من قسى بردي لقيت !
ام مطلق لاتقولي انك بتوافق ياابو مطلق..
ابو مطلق بتنهيدة هذا اختياره يابنت الحلال..وبعدين بو احمد بناته ماعليهم كلام؟
ام مطلق أي صح ومدري ليه تطلقت ؟
ابو مطلق هاذي قسمتها من الدنيا....
ام مطلق أي بس هي ماتجيب عيال..
ابو مطلق الحمدلله هو عنده ثلاث بنات..وبعدين يمكن هو متقصد انه يخطبها وهي مافيها عيال علشان بكرة لاتفرق بين بناته وبين عيالها اللي بتجيبهم؟
ام مطلق مو هذا قدر ولدي يابو مطلق ولدي ياخذ اللي تسواها وتسوى طوايفها..
ابو مطلق انا ماابي ارده مدام هذا اختياره خله يستقر مثل ماهو يشوف....
هاذي رغبته ياام مطلق وعلشان نخلي مسؤليتنا من أي شي يصير بينهم...
تنهدت ام مطلق وسكتت وبشاير اللي كانت مارة بالصدفة وشهقت بالقوة...
مطلق بياخذ هالة؟؟؟وجراح؟؟
اكيد انه مايدري عنها....
راحت بسرعة غرفة مطلق ومالقته وشافت جراح طالع من غرفتها وصار قبالها....
جراح علامك...
بشاير بربكة ها..ولاشي....
جراح مسكها من يدها وقال بصرامة بشاير قولي وش عندك؟
بشاير بحزن كنت ابي مطلق؟
جراح وش صاير...
بشاير جراح انت تدري مطلق خطب منو؟
جراح بنت العراقية...
بشاير بصدمة يعني تدري؟
جراح أي ادري هو قايل لي عنها..
بشاير بنفس الصدمة وانت كيف اقتنعت ورضيت!!
جراح وليه ماارضى عاد؟هاذي حياته وهو شايف انها تناسبه...يقول انه من عرفها تغير وضعه وتغيرت كل حركاته....
بشاير بدموع وحبك لها..تركته يروح ؟؟هو صدق مالك امل فيها بس يظل الحبيب بالقلب له مكان ماينزاح عنه...
جراح انتي شكلك ملخبطة يابشاير...
قالها وابتسم وكمل بتنهيدة مطلق يبي اختها مايبيها...
بشاير وهي تمسح دموعها بحسرة لاياجراح انت اللي ملخبط...انا توني سامعة امي وابوي يتكلمون في هالة؟مطلق خطب هالة مو اختها؟
فتح عيونه على وسعها وانقلب لمجنون بشري هايج وهو يصارخ بكلمات مو مفهومة وهو يدور مطلق..
بشاير كانت تمشي وراه وهي تحاول تهديه بس ماكان طايع لها.....
كان مطلق بها اللحظة توه راكب الدرج اللي هم بينزلون منه ..والتقت نظراته بنظرات جراح اللي كلها شر وكره بها اللحظات,,,,
وتقرب منه ومسكه من ياقة ثوبه بكل عصبية,,,,
اشوفكم على خير يوم السبت ان شاءالله وبكرة مثل مااتفقنا بتكون لي وقفة مع تعليقاتكم واستفساراتكم,,,,
البارت الثاني والخمسين ,,,,
بشاير وهي تحاول تهديه جراح امسك نفسك مو كذا تنحل الامور؟
جراح وهو شاد على ياقة ثوب مطلق اللي كان يناظره بهدوء وبدون أي انفعال كانت عيونه بتطلع من كثر الغضب اللي فيها...
وين اهدي بس يابشاير؟اخوك عارف عن اللي بقلبي ومع هذا خدعني!!!
ليتني بس ماصارحتك ليت؟
مطلق بنفس الهدوء انت جنيت ياجراح؟
جراح بعصبية اكبر بس بصوت واطي ليه كذبت علي يامطلق ليه ؟؟ليه قلت انك ماتفكر فيها وانها ماتشكل عندك أي شي؟
واثاريك مخطط عليها من وراي!!!
مطلق يوم شاف نسايم طالعة من غرفتها وجاية صوبهم شال يد جراح عنه بقوة وقال بحدة وهو يهمس له بااذنه انا رجال وعند كلمتي؟؟
وماقلت اني ابي هالة اصلا ياجراح لاني فعلا ماافكر فيها ولاافكر اخدعك واخونك؟
بس انت حب هالة الظاهر بيوصلك للجنون؟
انا نازل وبرجع اقول لهم اني ابي دارين ماابي هالة واسمعها وتأكد بنفسك يا........يااخوي!!
قال ها الكلام ونزل بسرعة عند امه وابوه,,,,,
نسايم بهمس لبشاير وش صار؟
بشاير تنهدت وماقالت شي وهي تناظر بجراح اللي نزل ورى اخوه الدرج بسرعة وكاْنه مو مصدقه...
نسايم بحدة وهي تمسك يد بشاير انتي سمعتي السالفة كلها فقوليها احسن لك؟
بشاير بضيق وهي تفك نفسها منها روحي واللي يعافيك مو وقته ابدا ها الحكي...انا وين وانتي وين؟
نسايم ابي افهم وش اللي صاير ؟
بشاير بانفعال كاهم نزلوا روحي سئليهم ليش واقفة تساْليني يعني!!!
نسايم وهي تناظر اختها بتوعد وانا بنتظرك تعزميني اكيد بنزل وبفهم السالفة لانك مو اخت عدو؟
ام وليد يوم دخلت مريم وقفت..
مريم هلا...
ام وليد لاهلا ولاسهلا..انتي ليه ردتيتي من بدري كذا..
مريم قعدت وليه تبيني اقعد اكثر ان شاءالله علشان تطلع روحي!!!
ام وليد بنرفزة انا مو قايلة لك جاملي بقد مافيك ترى ذي فرصتك اللي مابتتعوض عند مشاري وابوه؟
مريم ماابي اجامل احد على حساب نفسي؟؟
ام وليد ياسلالااااام عليك وعلى تفكيرك؟
مريم بقهر مو كفاية انه ماحط لي قيمة واعتبار وانا رايحة ازور اخته؟طنشني اخر تطنيش وطلع من الغرفة بعد ماغسل شراعي التافه؟
ام وليد ليه؟وش صار بينكم؟
مريم بقهر لانه واحد غبي ومتخلف ومايفهم بعد زين؟
ام وليد بحدة مريموه...تاْدبي وانتي تتكلمين عن زوجك؟
مريم انتي ماسمعتيه...قوم الدنيا وقعدها علشان اني حطيت لي شوية مكياج صارت ذي بالدنيا؟
سكتت ام وليد وهي تناظر بمريم اللي كانت متمكيجة....
ام وليد ابو مشاري شافك وانتي بها المكياج؟
مريم أي...
ام وليد زين زين يعني الليلة ابوك بيذبحك لاعرف انك متمكيجة وطالعة تشهدي على نفسك انا مو واجعة راسي باحد؟
كفاية اخوك من راح الصباح مارجع؟
مريم اوووووف...يعني اخذها من ابوي لو من بنته؟
ام وليد أي بنت؟
مريم بنرفزة أي بنت بعد؟بنت العراقية دارينوه اللي مسوية روحها راعية الواجب ورايحة لزينة الى قومتي وهي قاعدة معها راسها براسها مدري وش عندهم من سوالف؟
ام وليد وانتي ياحظي فضيتي لهم الجو وتركتيهم يسولفون براحتهم!!مالت ثم مالت على تفكيرك الغبي ...يعني يوم انك تدرين ان دارينوه يامال القطع اللي يقطع نصيبها هناك ليه طلعتي وماقعدتي معهم!!!
مريم لاني مااواطن الثنتين؟
قالتها وقامت وتركت ام وليد محترقة بافكارها....
طلعوا من المستشفى بعد ماتطمن على ريم وطمن قلبه انها والجنين بخير ونزلوا مطعم..
ريم باعتراض احمد انا مو جوعانة؟
احمد بدون نقاش لا مايصير من الصباح وانتي على فطورك ماتعبتي وانتي بالمستشفى والتحاليل والخرابيط؟
ريم ببتسامة انت جنبي كيف بيجيني التعب..
حط يده فوق يدها وقال تسلمين لي يارب....عساني مااعدم ها الكلام الحلو ابدا...
ريم بتنهيدة ارتياح ولااعدم وجودك جنبي ياالغالي....
احمد بجدية وبعد فترة سكون ريم انتي قلتي تبين تتكلمين معي بسالفة بعد مانطلع من المستشفى؟خير وش عندك؟
تنهدت بقوة ونزلت راسها للارض,,
احمد بحنان خير يالغالية فيك شي...مضايقك شي...
ريم بتردد احمد....
احمد عمري كله يفداك ياعمري...
ريم بعد تنهيدة زينة يااحمد.....
احمد بصدمة زينة؟؟؟شفيها؟؟
رفعت راسها والتقوا النظرات مع بعض....
كانت نظرتها حايرة..متشتتة,,,ضايعة,,,
نظرته كانت اكثر منها حيرة وقلق.....
احمد بنفاذ صبر شفيها زينة ياريم؟
ريم وهي تتنهد ومباعدة نظراتها عن احمد ومركزتها على الطاولة اللي قبالها دقت لي وانا هناك.....يمكن هي الوحيدة اللي سمعت صوتها وواستني ببعدك ووعدتني خير وفعلا كان خير وشفتك بعد كلامها لي!!
احمد انا عارفة ان ابوك بيزوجك واذا ماكانت زينة بتكون غيرها...
سكتت بعد ها الكلمة...
احمد بحذر وهمس وش تقصدين ياريم؟
نزلوا منها دموع حارة بها اللحظات وقالت بحرقة في وحدة بالعالم تكون انت زوجها يااحمد وتقولك تزوج؟
تنهد احمد وكملت هي بخنقة وعبرة ذابحتها مافي صح؟بس انا عارفة ان الموضوع مو بيدك وانك بتنجبر على ها السالفة....
وماابيك تخسر ابوك وتخسر رضاه عنك علشان موضوع مثل هذا...
انا اقول زينة نعرفها ووقفت معنا.......افهمها انت يااحمد...
قالتها وقامت من الطاولة بكبرها وتركته يناظر بطيفها اللي اختفى وبدموعها اللي كانت بعيونها..
واثقل تنهيدات طلعت من صدره...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك