رواية من أعماق أحضان مجنونة -42
انا اقول زينة نعرفها ووقفت معنا.......افهمها انت يااحمد...
قالتها وقامت من الطاولة بكبرها وتركته يناظر بطيفها اللي اختفى وبدموعها اللي كانت بعيونها..
واثقل تنهيدات طلعت من صدره...
في المستشفى,,,
بقوا ثنتينهم بالغرفة بعد مااستئذنت بشاير وراحت وبعد ماطلعت مريم بدون أي سلام للثنتين...
كانت دارين قبال زينة...
دارين شلونك اللحين...
زينة بضعف الحمدلله...
دارين زينة انتي قوية لاتخلين شي ياْثر عليك...
زينة تنهدت وبانت فيها دمعة....
دارين وش اللي مضايقك يازينة....
زينة ولاشي يادراين لاتشغلين بالك..
دارين حطت يدها على زينة وقالت تخبين عني يازينة...؟اعتبريني مثل اختك وشاركيني همك؟
زينة انفجرت بالبكي وحضنتها دارين بسرعة وهي تمسح على شعرها..
زينة بضعف وتقطع احبه يادراين احبه.....ياربي ماابي اضعف واذل نفسي اكثر من كذا,,ادري انه يستاهل لو ادوس نفسي علشانه ...بس خلاص..انا تعبت ومو قادرة؟ياليتني ماشفت احمد بحياتي يادارين ياليت.....
دارين بهمس هانت يازينة..انتوا بتتزوجوا وبتنتهي ها المعاناة اللي عندك وهو جنبك؟
زينة ببكي اكثر لا يادارين لا...مارح يتم ها الموضوع ابدا!!!
ماراح اخرب حياته يادارين هو يحبها وغيابها عنه اربعة ايام تركه مجنون ومو شايف الدنيا قدامه؟
دارين تنهدت وسكتت..
زينة بلغيه سلامي..وبلغيها احترامي لها واني ابيها تسامحني؟؟
دارين زينة كل شي بيد الله ماتدرين وش اللي مكتوب يصير لك بها الدنيا...
ابتعدت عن حضن دارين وقامت تمسح دموعها وقالت بحنان شكراً دارين...احس وجودك اليوم خفف عني الكثير....
دايم كنت اتمنى تكون عندي اخت اكبر مني ولااصغر اشكيها وتشكيني بس ماصار...لكن وجودك اليوم جنبي ريحني...
دارين احنا خوات واكثر لاتقولين ها الحكي يازينة....مافي شي يفرقنا ان شاءالله..
زينة بترجي يعني اذا قلت اجلسي معي الليلة بتجلسين مابتقولين لا؟
دارين ليش لا...بس خلني استئذن من ابوي قبل واشوف رايه....
زينة بفرح صحيح بتجلسين معي...
دارين زينة متى بيرخصونك؟
زينة قال الدكتور ها اليومين بس تستقر حالتي...
دارين طيب وش رايك اقترح عليك اقتراح؟
زينة شنو؟
دارين تعالي عندنا البيت ارتاحي كم يوم وبعدها روحي بيتكم!!
زينة اجي عندكم البيت؟
دارين أي....
هالة بالبيت تعرفين لسه بالعدة تونسك وتونسيها طول ماانا بالجامعة الصباح وبعدين بعرفك على شلة ثلاثي الانس هذولا ثلاث بنات فريدين من نوعهم بيخلونك تضحكين لين تموتين من الضحك....بدل قعدتك بالبيت بروحك مع مشاري وعمي...وش بيسوون لك ها الاثنين بالله؟
زينة بتردد أي بس ماراح تتضايقون من وجودي؟
دارين وش نتضايق انتي بعد!!لو بنتضايق ماقلنا لك تعالي؟
زينة أي بس هذا اقتراحك انتي؟
دارين وهالة اكيد بتشاركني اياه لانها طول الصباح تكون متمللة بروحها وابوي تعرفينه يحبك ووجدوك بالبيت بيسعده....
فكري فيها واعطي عمي خبر وبعدين تعالي اذا ماشالك البيت نشيلك بعيونا...
في الحوش,,,
كانوا ثلاثهم قاعدين وسوالف بخيمة جراح..
شيخة اللحين تتوقعون ابوي منو بيجيب تصير لنا ام جديدة؟
فاطمة الام مايبدلونها ياحظي؟
عايشة بتاْْيد أي صدق الام مايبدلونها؟
شيخة ادري مايبدلونها بس عمتي نسايم قالت ان ابوي بيتزوج يعني بتجينا وحدة جديدة غير امي؟
فاطمة وليه مايتزوج امي؟هو تزوجها قبل يعني عادي يتزوجها اللحين....نعرفها احنا عادي ونبيها بعد!!
شيخة مو على كيفنا على كيفه هو؟
عايشة انا اذا تزوج كله بقوله ابي فلوس علشان يعطيني ومايعطي زوجته الجديدة...
فاطمة ياحظي هي بيعطيها بطاقة حقت البنك وبيحط لها فلوس واجد ماتشوفينهم انتي بعدين لاراحت السوق تشتري فيهم وانتي ماتدرين؟
عايشة انا بعد بقوله ابي بطاقة مثلها لانه هو ابوي مو ابوها خل تقول لاابوها يعطيها فلوس اذا تبي!!!
فاطمة تمددت ياه وحشني غسان...
شيخة وانا اكثر....
عايشة بتفكير اللحين احنا ليه ماعندنا رقمه ونتصل فيه اذا راح؟؟
لفوا لها يناظرونها وهم معجبين بتفكيرها....
عايشة بنفخة ادري انكم اغبياء ومافكرتوا فيها من قبل بس ترى ها الفكرة هي الصح....وانا الذكية اللي بينكم؟
شيخة بس شلون بنجيب رقمه؟
فاطمة وقفت وقالت وهي متخصرة الحل عندي وانا بو هندي....
عايشة وانتي شنو؟
فاطمة وهي تدق على صدرها مافي مسكل يابابا انا يزيب رقم مال غسان؟
شيخة من وين بتجيبنه؟
فاطمة تبونه ولالا؟
عايشة طبعا نبيه؟
في الشركة..
وليد بقهر يبى خلص الدوام كلهم طلعوا..
ابو احمد بلامبالاة واذا...
وليد بتاْفف متى برجع البيت؟
ابو احمد ابشرك محنا راجعين البيت؟
وليد ليه؟
ابو احمد لان احنا اصحاب الحلال ولازم صاحب الحلال يداري حلاله بنفسه ياوليد يايبى ويباشر كل شي بنفسه؟
وليد وش فايدة انك تحط لك محاسبين وسكرتارية تحت يدك؟
ابو احمد وانت تضمنهم ياوليد؟بالشغل مالازم تضمن حتى نفسك...
وليد تاْْفف وسكت...
ابو احمد بنطلع ندور على اقسام الشركة وبعدها بنروح المخازن وبتدخل تتاْكد من البضاعة وبعدها تروح لي المينا تعاين طلبيتنا اذا وصلت ولا وتشوف المواصفات المطلوبة تتطابق مع اللي هم فارضينا..
وليد بصدمة انا؟
ابو احمد وان شاءالله كيف بتتعلم اذا مو انت اللي سويت ها الشي؟
وليد ماابي...
ابو احمد بصرامة نعم؟
وليد بخوف لا يعني مو كلهم اليوم يبى...شوي شوي مابتعلمهم اذا كلهم سوا....
ابو احمد بلهجة ماتقبل النقاش لابلى كلهم اليوم واذا يمدينا بعد نروح نشوف المستودع الجديد اللي بنتاْجره بنمره مو ماْخرين شغلنا ...وش وراك اخ وليد ان شاءالله؟
وليد بتاءفف ماوراي شي...
ابو احمد حلو...قدامي اجل على قسم المحاسبة....
بعد ماراح لاامه وابوه ووضح لهم الصورة وانه يبي دارين مو هالة واسكتوا بلاتعليق لان هو اللي اختار وقالها بشكل مايسمح للنقاش ابدا راح لعتبة الباب وجلس عليها..
جاه جراح من وراه وهو متضايق من نفسه ومتنرفز...
جراح بصوت خفيف مطلق...
مطلق سوا روحه مايسمع...
جراح نزل لمستواه وحط يده على كتف اخوه وقال بصوت واطي مطلق ياخوي انا اسف...ماكنت ابي اشكك فيك وبصدقك وبكلمتك بس الشيطان لعب فيني يوم دريت ان امك وابوك يفكرونها هالة....جن جنوني بلحظة يامطلق وماعرفت شسوي؟
لف له مطلق وقال بحدة كنت بلحظة بتخسرني بطياشتك وبتفكيرك الزايد فيها؟
جراح بتقطع انا احبها يامطلق احبها..
مطلق بحدة تخلي حبها يوصلك للجنون؟
تنهد جراح بتعب وماعلق بشي...
مطلق بحدة اكبر اذا كنت تحبها كلمها وقول لها عن مشاعرك؟لمتى بتضل خاش احاسيسك بعيد عنها بس ياجراح؟بكرة بتخسر كل اللي حواليك والسبب هي ياجراح ياخوي؟
قالها وقام عنه وتركه بروحه بحسرته وتفكيره وبس!!
اشوفكم بكرة على خير ان شاءالله...
البارت الثالث والخمسين,,,,,,
يوم تدق دارين التلفون شاله احمد بسرعة...
احمد هلا دارين..
دارين هلا حمودي....
احمد بتعب ها رحتي لزينة؟
دارين بتنهيدة أي انا معها اللحين؟
احمد وهي تسمعك؟
دارين لا..انا طالعة بكلم ابوي استئذنه علشان انام معها...
احمد شلونها اللحين؟
دارين نوعا ماطيبة....
احمد جبتي لها سيرة مثل ماوصيتك؟
دارين بتنهيدة أي..
احمد بلهفة وش قالت؟
دارين قالت انها تحبك وتموت بقربك بس ماتبي تدخل حياتك خلاص بتظل تحبك بينها وبين نفسها والزواج هذا ماتبيه يتم لو شيصير؟
احمد ليه؟
دارين تقول شافت ضيقك وتعبك يوم تبعد عن ريم وماتمنت انها تشوفك بها الحال وعطت نفسها وعد تنهي ها السالفة خلاص....
تنهد احمد وماعلق....
دارين في شي بعد تبي اعرفه ولااقولها عنه..
احمد بهدوء دارين انتبهي لها تراها تعبانة ومحتاجة احد قربها؟
دارين بتنهيدة انا اللي تعبانة يااحمد والامور كلها مختلطة علي؟حاسة ان جيتي كلها كذب وخداع!!انا فعلا احبها وجاية ازورها بس بنفس الوقت انت كنت تبيني اوصل لها رسالة بكلامي واستشف لك ردة فعلها حسيت كاْني اخدعها...ومو قادرة اكمل
احمد لايادارين ظلي معها وخففي عنها مدامها متقبلتك لاتتركينها...
دارين ان شاءالله تامرني على شي..
احمد لاسلامتك بس يصير شي عطيني خبر..
دارين طيب يالله سلام وسلم على ريم....
دقت قسم بيت العراقية وفتحت لها الباب هالة اللي ماكان غيرها هناك وكانت متمللة...
يوم شافتها عرفت انها تبي غسان لانهم مايجون الا اذا هو هنا على كلام دارين...
وقفت تناظرها بهدوء وبدون ماتتكلم...
كانت فاطمة قزم صغير يتعب اللي يشوفه من فوق لانها قصيرة مرة وشعرها الصغير طايح على وجهها دايما ومغطي عيونها وماعليه أي شي
نزلت هالة لمستواها وقالت بلهجة خالية من أي عاطفة نعم..تبين شي؟
تقربت منها فاطمة وسوت انها مستحية وباستها على خدودها وقالت بخجل مصطنع شلونك خالتي؟
ماردت عليها هالة وظلت ساكتة...
فاطمة غسان مو هنا صح؟
هالة يعني تعرفين انه ماهو هنا؟
فاطمة طيب فيني اطلب منك طلب..
هالة خير...
فاطمة ابي رقمه؟
هالة تبين رقمه؟ليه؟
فاطمة ابي اكلمه واتطمن عليه مدري وصل الكويت ولاماوصل؟
ابتسمت لها هالة وكملت فاطمة بنفخة بالي مشغول عليه....
تنهد من كلام اخوه اللي هو عارفه وحاس فيه وتسند على العمود اللي جنب بوابتهم وشافته اروى وبغتها من الله يكون بروحه وجته بسرعة وهي تتميلح...
وقفت وراه وقالت بدلع عسى ماشر ليه جالس بروحك؟
مالف لها بس غمض عيونه لايشوفها وقال بلامبالاة ولاشي....
اروى بدلع حاستك متضايق ياولد خالي...
جراح بحدة مافيني شي....
اروى ليه واقف بروحك؟
جراح وش اللي يمنع؟
اروى مدري مافي شي يمنع بس في ناس ودها تكون معك وانت تحرمها من ها الشي؟
اكتفى انه يتنهد ومايرد عليها.....
تقربت منه اكثر وقالت بهمس جراح...شفيك ياعمري...
فتح عيونه على وسعها وماقدر يلف لها لان اللي كانت قباله هالة واقفة مع فطوم وتناظر فيه...لاوابتسمت له بعد!!!
لاياهالة لا تكفين لاتفكرين أي شي من خيالك موجود؟
انا وهي مايجمعنا شي ووقفتنا هي سوتها لنفسها مو مني؟
لف بيغسل شراع اروى لقاها ابتعدت عنه شوي لان ابو مطلق كان داخل البيت ..
ولف بيشوف نظرات هالة وش رست عليه مالقى الافطوم تمشي وهالة دخلت ماهي موجودة.....
حس بالضيق والكاْبة اللي ماجوه من قبل؟
وتوعد بااروى ان شافها مرة ثانية لايذبحها وهي بمكانها....
مشاري(ممكن اكلمك)...
بشاير(لا)
مشاري(طيب ليه)
بشاير(مشاري انا وعدت اخوي اني اترك المكالمات اللي بينا وابي اظل عند وعدي)
مشاري(بس انا تعبان ومحتاج لك)
بشاير بقهر(كانت مريم عندك اليوم واكيد خففت عنك)
ماتدري ليش كتبت له كذا ولا ليه....كل اللي عرفته انها غيرة ماكلتها ؟
رد عليها(هذا ردك وانتي عارفة كل شي...طيب شكرا)
انتظرت ثواني وماطاعها قلبها رسلت له(مشاري لاتزعل)
مارد عليه رجعت رسلت له(مشاري رد علي)
بس ماجاها من عنده أي جواب....
رفعت التلفون ودقت له بسرعة وهي متمنية يرد مو يطنش..
بس شال السماعة ماعطاها أي مجال تقول أي شي وقال بسرعة ولهفة واحتياج احبك....
تنهدت وهي تسمع كلمته اللي كانت محترقة وهي طالعة من جوفه وقامت تبكي...
مشاري بتعب تعرفين قدرك وانتي شنو بالنسبة لي وهي شنو بس مدري ليه تسوين فيني كذا؟
بشاير بدموع مااتحمل اشوفها معك بمكان واحد واحس انها لك واني بعيدة...
مشاري صدقيني لولا طيحت زينة كنا انتهينا من الموضوع...بس صدقيني بكرة بيرخصون زينة وبيصير خير....
في شقة احمد وريم...
دخلت الغرفة وبدلت وجلست فيها شوي بروحها متعمدة انها تبعد عن عيون احمد اللي كانت تناظر فيها من كانوا بالمطعم وفي داخلها الف سؤال وسؤال ماقدرت ترد عليه...
لبست الثوب الزيتي اللي يحبه وحطت عطره المفضل وتركت شعرها طايح ووجها بدون أي شي وطلعت...
كان جالس قبال التلفزيون وعيونه شاردة
يوم جت وجلست جنبه ماانتبه لها..
رجعت قامت وجلست بحضنه وانتبه لها وصارت عيونه بعيونها...
سندت راسها على حضنه وقالت بدلع سرحان فيني وانا جنبك؟
تنهد بقوة وحضنها وهي بحضنه بدون مايعلق...
ريم بهمس وهي متقطعة مافي بنت عاقلة تقول ها الحكي اللي انا قلته صح؟
احمد بياْس وعيونه تدور على بصيص امل بعيونها ماتحبيني صح؟ماعاد حبي يعني لك أي شي؟
تنهدت وقالت بحرقة احمد...
طبع بوسة قوية عليها وقال بحرقة بس انا احبك وبظل لااخر يوم احبك ومو متزوج عليك لو شيصير؟
ريم بدموع وابوها اللي وصاك عليها...
احمد ريم زينة ماعادت تبيني هي مبلغتني ها الحكي ومبلغة دارين اليوم ها الكلام...خلاص وش يجبرني اكمل معها السالفة..
ريم بتجي غير زينة يااحمد بحياتنا؟قالتها بمرارة....
قال بهمس وهو يتقرب من اذنها احمد مايبي غير ريم واللي في بطنها ياحبه...
لفت له وتعلقت برقبته وهي تبكي....
احمد برجاء حبيبي لاتبكي ولاتضايقي نفسك.....انا معك وانتي معي...وماحيفرقنا أي شي....
ريم بتقطع وعد يااحمد ماراح تاْخذك مني أي انسانة ثانية؟
احمد انتي ماتبيني؟
ريم بلهفة ابيك وابيك وابيك...وبظل عمري كله ابيك...
احمد بهمس خلاص ضميني بحضنك حيييل علشان مااقوى ابعد عنه ,,,
نسايم يمه....
ام مطلق بهدوء نعم....
نسايم بلقافة يمه وش صاير؟
ام مطلق وهي تناظر بشيخة وعايشة اللي ياكلون دونات قبالها ولاشي يمه...
نسايم باصرار بلى يمه سالفة مطلق..
ام مطلق ناظرتها بمعنى اسكتي مو وقتك...
شيخة شفيه ابوي؟
نسايم عن اللقافة ومالك شغل كلي وانتي ساكتة...
ام مطلق ماسكة نفسها بعدين يمه بعدين مو وقته اللحين؟
نسايم لا يمه بعدين يجي ابوي وماتتكلمين جنبه بشي..قولي اللحين مدامه مو موجود...منهي اللي يبيها مطلق؟
ام مطلق ماقال لنا..
نسايم لا يمه قال بس انتي ماتبين تعلميني؟
شيخة قامت تضحك بصوت عالي
وقامت لها نسايم وهي معصبة وعطتها كف..
وقفت ام مطلق وقالت بصوت عالي وانفعال يامال الوجع اللي يوجعك ليه تضربينها؟
نسايم بقهر خل تتاْدب وتعرف تضحك عدل على اللي اكبر منها؟اصلا بنات ولدك مو مربين ويبيلهم تربية من جد وجديد..
عايشة مربين ولاتقولين مو مربين ترى مابنحبك ياعمة؟
نسايم وهي تجر عايشة من اذنها لاوانا بموت بعد علشان تحبوني...اقول اخذي اختك وقوموا انقلعوا فوق الواحد مايعرف يسولف براحته وانتوا قاعدين هنا؟
ام مطلق وهي تمسح على وجه شيخة خلاص يمه لاتبكين خلاص حبيبتي...
نسايم وش فيك على البنات بس!!
نسايم مو طايقتهم زين؟
ام مطلق استهدي بالله وادحري الشيطان عنك....
عايشة ولااحنا نحبك اصلا احنا نحب بس عمة بشاير انتي كريهة....
قامت لها نسايم ورفعت يدها بتضربها وجاها صراخ جراح ووقفها...
جراح بصوت عالي يالله ضربيها ضربيها...
لفت تشوفه وجت له عايشة بسرعة تحتمي فيه..
نسايم انت مالك شغل خل اادبها..
جراح روحي ادبي نفسك زين وبعدين لفي على العيال ادبيهم؟
نسايم بانفعال وش تقصد ان شاءالله اني مو مربية ولامؤدبة؟
جاح انتي حاطة نقرك من نقر ها البنات ليه بس ابي اعرف؟
نسايم بصوت عالي مالك شغل....
جراح بانفعال تكلمي عدل وانتي تحاكيني واحترمي حالك....انا الا ها البنات مااحب احد يقرب صوبهم مابالك بعد يرفع يده عليهم!!
نسايم يالله قوم كفخني بعد....
جراح لاحول ولاقوة ألا بالله...
ام مطلق بس ياعيال صلوا على النبي مو زين اللي تسوونه..
جراح اللهم صلي وسلم عليك يانبينا...يمه انتي شايفة بنتك؟
ام مطلق بحدة نسايم انقلعي فوق لو سمحتي...
نسايم لامو منقلعة وخلي الحبيب اللي ضاعت منه حبيبته هو اللي يقوم...اقول جراح لقيتها ولالسه تدورها يوم تروح عنك؟وي انا بمكانها مااقعد لك وش ابي فيك عاد من زين المرجلة ولامن زين المرجلة فلوس على الفاضي؟
قالت كلامها كله باستفزاز
وقام جراح وبركان الغضب كله قدامه..هو باديها بهوشته مع مطلق اللي مو عارف كيف يروح يكلم اخوه ويراضيه ويكملها مع اروى اللزقة ومع هالة اللي شافته معها وابتسمت وهي في بالها الف خاطر وخاطر عليه واللحين نسايم كملتها وهي بتاخذ كل الحق باالسالفة.....
قام لها وجرها من شعرها وامه وراه تبي تهديه
ام مطلق بترجي جراح يمه علشاني اتركها هاذي سفيه وماتدري وش تقول..
جراح يمه اخذي البنات وروحي من هنا بنتك انا اللي باْدبها....
ام مطلق بترجي يمه...
قام يصطر فيها وهي تصارخ وتنادي امها
نسايم بصراخ يمه لحقي علي ولدك بيذبحني...يمه..
جراح بعصبية وهو ماسكها من شعرها ويده الثانية تصطر فيها على وجهها أي بذبحك وبعلمك وشلون الرجولة اللي منتي عارفتها...
شيخة وعايشة قاموا يبكوا وراحوالجدتهم يحتمون فيها لان هاذي اول مرة يشوفون جراح معصب ويضرب احد علشانهم
رسل لها مسج(مااشتقتيلي يومين ماسمعتي فيها صوتي)
رسلها وانتظر يجيه جواب منها بس طولت وهي مالها بالعادة؟؟
كان طفشان ومتملل ومتضايق وكل شي فيه..
من تهاوش مع جراح وهو مو عارف شيسوي.
ساعة يروح المعرض وساعة يرجع
ساعة.يروح يدور بسيارته وساعة يوقف عند البحر؟
كانت افكاره متلخبطة وغيابها عنه ها اليومين لخبطه اكثر...
هو اللي مااتصل فيها من قرر يخطبها وهو عارف انه لو مااتصل ماراح تتصل هي...
بس بعدها متعبه...تركه بحالة مزاجيه سيئة للغاية...
رجع اتصل فيها وماجاوبته وزاد قهره...
رسلت له بعد ثواني مسج(انا مو بروحي ولافي البيت)
رسل لها بلهفة(ومافيني اسمع صوتك)
دارين(لا)
مطلق بترجي(طب ليه)
دارين(انا مع صاحبتي بالمستشفى وببات عندها ومافيني اتكلم بالجوال)
مطلق(طيب طلعي شوي كلمي وردي لها الغرفة)
دارين(لا عيب)
مطلق(أي بس انا مشتاق لصوتك يالغلا وودي اسمعه)
دارين(صباح الخير..مو انت اللي تاركني يومين وماتساْل فيني؟اللحين فجاْة لقيت انك اشتقت لي)
تبسم بينه وبين نفسه وهو يتخيل شكلها زعلانة...
مطلق(توقعتك تولهين علي وتدقين بس كنتي قاسية ياحبي ومااهتميتي)
دارين(؟؟؟؟؟؟؟؟؟؟)
مطلق(طيب عندي لك خبر حلو )
دارين مطلق عن جد مااقدر اواصل معك بالرسايل بس تصير عندي فرصة برجع اراسلك واعرف الخبر اللحين مضطرة اتركك لانها تتكلم معي وانا مو مركزة بالسوالف)
تنهد بارتياح بعد مااحييت فيه شوية امل برسايلها اللي ريحته نوعا ما...
وليد...وليد....
لف وليد للصوت اللي يناديه وهو اصلا مو طايق يشوف أي احد يعرفه ولامايعرفه...
يوم لف انصدم بالشخص اللي واقف قدامه يناديه وفتح عيونه على وسعها
وليد بذهول علي.....
علي وليد بدون مقدمات وبدون أي شي انا ابي ارد هالة بس ماابي ابوها ولااحمد يتدخلون بالسالفة؟
وليد شلون يعني؟
علي انا مستحي من عمي ومن احمد من يوم طلقتها بالمحكمة ماكان بينا أي كلام وحابك تكون وسيط خير وتردها لي!!!
وليد انا اردها لك؟كيف...
علي وانا ليه جايك ...ابيك تدبرني...
وليد أي بس انا مااعرف....
علي هي اللحين بالعدة ومابتطلع من البيت اكيد فيعني......
سكت وهو يناظر وليد اللي سكت مرة وحدة...
بعدين قال انت ليه تبي تردها؟مو هي ماتجيب عيال؟شبتسوي فيها؟
علي بحدة هذا شي خاص فيني انا ولاتساْل اكثر من حدودك...
سكت وليد وتفشل....
علي ها شقلت؟
وليد بتفكير كيف يعني مافهمت......
علي يعني انا اجي البيت لها....
وليد أي طيب واذا جيت انت البيت وش بيصير يعني؟بترجع لك اذا قلت لها ارجعي انت تعرفها اذا قالت لا يعني لا...
سكت يوم شاف علي وساكت ومافهم نظراته وش تقول ذيك اللحظة؟؟
اشوفكم بكرة على خير....
البارت الرابع والخمسين ,,,,,,,,,,
جلس على الكنبة اللي وراه وهو يتنهد بقوة وعدم ارتياح....
بشاير وهي متكتفة من وراه شبعت اللحين؟
لف لها بحزن وماعلق بشي...
بشاير جلست جنبه وقالت بتاْنيب كان لازم سالفة هالة ترفع لك ضغطك بها الطريقة وتخليك تنسى اللي حولك ياجراح؟
تنهد بقوة وقال بتعب بشاير لاتلوميني انا بروحي متضايق واللي فيني مكفيني!!
بشاير بعتب وهمس جراح شفيك...انت طول عمرك الهادي والحليم...ماقدرت تمسك اعصابك عن اخوانك شوي؟اللي تهاوشت معه واللي طيقتها ؟وعلى مين الدور الجاي ؟علي ولاعلى البنات ولاعلى امي وابوي؟
جراح بتعب بشاير...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك