رواية يا لبيه يا الدنيا العجيبة -4
تركي:اممم اوك بس ما اوصيك ..مثل كل
مره انتبهي لجوالك لاتعطينه احد لا خواتي
ولابنات عمي.. انا عادي بالنسبه لي لكن
خايف عليك من كلامهم و...
رشا:داااااريه حبيبي مايحتاج توصي لنا
3سنوات على هالوضع.. اسمع امي تناديني
تركي:طيب حبيبتي روحي لها وانا برجع البيت
حاس بارهاق باخذ شور وانتي اذا كنتي
فاضيه دقي
رشا:لا ارتاح ماصارت كل اللي نمته من
امس 3ساعات
تركي: ماعليك مني دقي
رشا:تروك اسمع كلامي ..شوف انا ابيك
ترتاح وتنام واذا من بكرا بدق
تركي:بس لو تقلبت وصحيت بدق
رشا:زين ياقلبي
وقفل منها فرحان ومستانس
,,,,,,,,, ,,,,,,,,, ,,,,,,,,,, ,,,,,,,,,,
يالبيه يالدنيا العجيبه
.......................
في بيت ابو فيصل
كانت دانه قاعده ع اللاب تتصفح النت دق
باب غرفتها
دانه:تفضل
ودق الباب
رفعت صوتها:تفضضضل
ورجع دق الباب
دانه:يوووووه وش ذا ادخلوووووووا
ورجع دق دقات كثيره ورا بعض
عصبت دانه وراحت للباب فتحت مافي احد
طلعت من الغرفه تطل يمين وطلت يسار وفجأه طلع صوت
بووووووووووووووووووووووو
دانه :يممممممممممم
طلعت نوف:هههههههههههههههههه
خواااااااااااااااااافه
مسكت دانه على صدرها وكانت مغمضه وشكلها تتألم..
نوف خافت:دانه وش فيك
ماردت وغمضت عيونها بقوه
خافت نوف وبكت:دانه وش فيك والله
ماكنت اقصد ورب الكعبه امزح
دانه لارد وراحت تمشي على اقل من مهلها
وتدور طريقها بيدها
مسكتها نوف ودموعها تجري على خدها
وتقعدها ع السرير: دانه والله ما اعيدها
وش صار لك...ياااربي وش سويت.. قسم بالله اسفه وشفيك ردي علي
اول ماجلست دانه ع السرير طلعت لسانها قالت: عسى ماتعبتك معي خخخخخخ
انصدمت نوف وظلت تطالعها ودها تذبحها
ودانه ماتت ضحك على نظراتها
دانه:عشان تتوبين تخوفيني بهالطريقه ههههههههههه..
نوف:كلي تبن.. ياليته توقف قلبك صدق والا
انعميتي عشان تبطلين تمثلين
دانه:ههههههههههه بعيد الشر.. والله شكلك
يحزن ليتك شفتيه
طلعت نوف من الغرفه وصفقت الباب وراها
ودانه فاقعه ضحك..
دخلت ساره
ساره:وش في نوف ماده البوز
دانه:ضربني وبكى سبقني واشتكى
ساره:لا والله ماشكت قلت لها وش فيك
قالت كلي تبن
دانه:ههههههه لعينه هالبنت.. شوفي وش
صار وحكت لها.........
ساره:هههههه والله انكم خبلات من جد
دانه:والله سويره ليتك شايفه وجهها تحزززززن كنها شارلي شابلن
ساره: ههههههههه.. المهم ها باقي بنطلع
دانه:يس
ساره:وانا على بالي كنسلتوا.. لان دحومي
نايم مارد علي وبيزعل لو اطلع بدون اذنه
دانه:يالفاهيه الطلعه بكرا ..تستأذنين اليوم
ساره:انتي ماتعرفينه لازم انسق معه من
اليوم
دانه:الحمدلله والشكر.. اذا رفض اطلعي
محد بيقول له..
ساره:جد
دانه: واتوقع لو تطلعين من غير شوره
بيعلقك مع قرونك
ساره:هههههه ماعرفنالك ضد ومع.. اجل
اتق شر الحليم اذا غضب ...الحين مافي امل
يصحى بس بزعجه ياكثر ما ازعجني..
وطلعت
دق جوال دانه
دانه:اهلييييييييييين
رشا:وسهليييييييين
دانه:زعلانه عليك آآآآآد الدنيا
رشا:وليييش
دانه: قطوعه ماتسألين.. لو ما ارسلت لك
مسج اعلمك فيه بطلعتنا مادقيتي
رشا تشهق : اناااااااا!!
دانه:ههههههههه
رشا:الله اعلم من القطوع..
دانه:والله الايام اللي راحت انشغلنا في زواج
تركي ولد عمي
رشا:لاتبررين ياقلبي عادي كل انسان
وظروفه
دانه:وربي تمنيناك معنا بس انتي عارفه
الوضع بين الكبار.. متى عمي محمد وابوك
يرجعون زي قبل
رشا:اااه يالييييييت كانت اجمل 3سنوات مرت
في حياتي كأني اعرفكم من زمان ولولا
الخلاف بين ابوي وعمك كان الحين لازلنا مع
بعض
دانه:والله بتظلين بنفس المكانه بقلوبنا
مافي شي تغير..
رشا:اكيد مايحتاج تعلميني
دانه:مع وجهك الحين ليش تذكريني في
الماضي داقه تختبرين ذاكرتي؟
رشا:هههههههه لاوالله بس سيره وانفتحت ع قولهم.. داقه بشوف اكيد بكرا بتطلعون؟؟
دانه:ايه لايكون هونتي
رشا:وخري مناك قال اهون ..والله فيني
اغلقه ودي اطلع
دانه:اجل بكرا نتقابل في الفيصليه
رشا:بخلي سواقي يوصلني وبجي معكم واذا جيت برجع دقيت عليه يجي
دانه:اووكيشن
واستمروا سواليف
الغرفه مظلمه
وباااااارده رن جواله ورن
ورن ورن ورن
عبدالرحمن:يااااااااااااالله مايخلون الواحد ينام.. الوووو
ساره:ياليت توزع ع الفقراء خيش نوم من
اللي عندك
ابتسم عبدالرحمن وتثاوب:يادبه يامزعجه
اذكري ربك
ساره:لا اله الا الله.. من زمان ادق شايف
كم مكالمه
عبدالرحمن:اكلمك وانا مغمض ماشفت
المكالمات والله تعبان كأن لي سنه مانمت
ساره:سلامة روحك بس داقه ابي الاذن
وبعدها ارجع كمل نومك
عبدالرحمن:امري
ساره:بطلع مع البنات
عبدالرحمن:متى
ساره:بكرا
عبدالرحمن:ااخ منك من الحين داقه
ساره:لازم انسق معك من الحين ادريبك
عبدالرحمن:ههههههه لا بجيك
ساره بمزح:اقصد اليوم بطلع
عبدالرحمن: اها طيب بجيك
ساره:حدد متى بتجي؟
عبدالرحمن:انتي متى بتروحين؟
ساره :اليوم وبكرا
عبدالرحمن:طيب كلها بجيك
ساره:دحومي والله حرام كل ما اقولك
بطلع قلت بجيك
عبدالرحمن:افا يعني ماتبيني اجي
ساره:المشكله تقول بتجي وماتجي
عبدالرحمن:نصابه بس مرتين قعدتك
وماجيتك
ساره:يعني قاصد
عبدالرحمن:هههههههههههه
ساره:شفت.. زي اللي يقول لاتطلعين بس
بطريقه ثانيه
عبدالرحمن:وربي مايردني عنك الا شغل
وبعدين اغار عليك
ساره:طيب زهقانه ابي اطلع
عبدالرحمن: طيب
ساره فرحت:يعني اروح
عبدالرحمن:لا بجي
ساره:والله يادحوم ان ماجيت اني ما اكلمك
ثلاثه ايام
عبدالرحمن:ههههه زين اطلعي بس رجاء''
لاتتأخرين
ساره:من عيوني اي اوامر ثانيه
عبدالرحمن:بوسه قووووويه
ساره:اسفه يلا باي
عبدالرحمن:اجل انسي تطلعين
ساره:لالالالا خلاص بعطيك
عبدالرحمن:لحظه لحظه
ساره:وشوووو
عبدالرحمن:ابي استعد واتخيلك قدامي.. وغمض عيونه:يلا هاتي
ساره:هههههه طيب
اممممممممووووووووووووواح
عبدالرحمن ساكت
ساره:الووووو
عبدالرحمن:معك
ساره:وش فيك
عبدالرحمن:دخت وتخيلتها ع الطبيعه اااخ
بس لو انها لايف كان جبت العيد
ساره استحت:يلا باي
عبدالرحمن: اسمعي
ساره:وشو
عبدالرحمن:والله مقدر اخليك تطلعين
بتاكلني الغيره
ساره:لالالا واللي يخليك ابي اطلع
عبدالرحمن:لا بجيك الحين وبكرا بعد بجيك
ساره:والله مالك داعي ادري من الاعيبك
عبدالرحمن:جايك اليوم وبكرا الله لايعوق بشر
ساره بقلة حيله:طيب
..................
في لندن
رجع البيت مستانس دخل الشقه شافها
بالصاله مبين انها توها متحممه لابسه بجامه
طويله خضراء ورابطه شعرها ذيل طالعه
كيوت.. وقاعده ع الانتريه وقدامها طاوله
حطت عليها الاكل اللي جابته سميره ..كانت
بتاكل على طاولة الطعام بس بعيده عن
التلفزيون.. ماطالعته وظلت تاكل وهي
تتفرج شاف الاكل ماقاوم قرب له كرسي قبالها وجلس ياكل.. تفاجأت من الحركه وكانت مستحيه منه ويالله تبلع اللقمه.. اما
هو قعد ياكل عاادي بدون مايطالعها
تركي:انتي طابخه؟
جوري:سميره جارتنا جابته
مارد وكمل اكل
بعد ماشبع دخل ياخذ شور
وتأخر في الحمام كان محتاج هالشور يبي
يريح اعصابه.. طلع ولبس شورت بدون
فانيله وكان يدور الفراش يبي ينام.. حس
حلقه ناشف طلع المطبخ بيشرب.. شافها
واقفه تغسل المواعين..
راح للثلاجه ..
جوري شافته وشافت صدره العاري ارتبكت
وطيحت الصحن
قزها تركي باحتقار وصب له مويه وقعد
يشرب
خلصت جوري وراحت الغرفه وهو كان
مبقق عيونه ليش تدخل الغرفه!!!! ..
حط الكاس بسرعه ودخل وراها كانت توها
بتنسدح
تركي:هييييه هيييييييييه انتي وش تسوين
جوري طالعته وانسدحت وغطت نفسها:بنام
حرام
تركي:نامي في اي مكان اما هنا لا
جوري:وين بالظبط
تركي:الصاله والا الغرفه الثانيه
جوري:الصاله انتريهات والغرفه الثانيه مافيها
ولا اثاث.. انام بالارض والا بغرفة الغسيل
يعني؟!
تركي:موشغلي يلا قومي
ماردت عليه وطفت الاباجوره اللي جنبها
قرب منها:جوري بسرعه قومي ترا ماهو في
صالحك
جوري:ماراح اقوم مو كافي نمت في الفندق
ع الكنبه الحين دورك وبعدين انت رجال
تتحمل انا لأ
شال الغطا عنها:يلا اخلصي علي
وقومي
جوري:لو تذبحني ذبح ماراح اقوم
تركي بخبث:ماراح اذبحك بس بسوي شي
تندمين عليه لاتنسين انك زوجتي
جوري فهمت قصده وتوترت: ماراح اخاف
من تهديدك حنا زوجين على ورق فقط
تركي عصب:لاااااااه ومن قال
جوري:طبيعي انا اكرهك وانت تكرهني
فياليت تشيل هالشي من بالك نهائي
تركي قرب منها وهي ع بالها بيضربها
غمضت عيونها وانكمشت على نفسها
وماحست الا ببوسه قويه على شفاتها لقط
شفايفها بعنف
جوري وخرته:يانذذذذل
تركي:شفتي اخذتها ببساطه.. انا لو ابي
اخذت اللي ابي بابسط من كذا
جوري ارتفع ضغطها وماردت عليه
وهو انسدح:اجل تحملي نتيجة عنادك..
وقرب منها ولصق فيها وضمها وكان يتعمد
مضايقتها
جوري ماتحملت وقعدت:انت وبعدين معك..
ماظنيت اننا اطفال
تركي:يا انا يا انتي ع السرير يا
جوري:يا وش؟
تركي:انتي عارفه
جوري قامت:اوك اشبع به
تركي تنفس الصعداء مرتاح
ع الاخيرررررر :فكككككه..
طلعت جوري من الغرفه بعد ماخذت معها
بطانيه صغيره وانسدحت ع السرير الهزاز
اللي بالصاله طريقته كانت زي كرسي
الاسنان بس خشب مخرم ويتحرك ورا وقدام
نامت عليه واستسلمت للنوم
وتركي نفس الشي كان مجهد فنام على طول
في الصباح قامت جوري منهد حيلها مانامت زي الناس تحس بارهاق فظيع طول الليل تتقلب ماتعودت تنام على كرسي
دخلت الغرفه ع اساس تاخذ ملابس لها وبتروح حمام الغرفه الثانيه عشان ماتضايق تركي.. بس ماشافته حمدت ربها واخذت شور لبست بنطلون ابيض سكني وبلوزه حمراء طويله خيوط من فوق وجعدت شعرها ولبست صندل احمر وحطت قلوس
هي دايم كذا تحب تتكشخ لنفسها وراحت
للمطبخ فتحت الثلاجه واخذت لها عصير
برتقال مالها نفس تاكل تحس ودها تنام
وقعدت بالصاله وفتحت التلفزيون..
فتح باب الشقه ودخل كان لابس بنطلون
اسود وبلوزه سوداء ونظاراته فوق راسه
شافها قاعده ماعبرها دخل الغرفه اخذ
اوراق ورجع الصاله وقعد ويحوس فيها
دق جوالها
جوري:هلا مليووووووون
منى:هلابك مليارات مساء النور
جوري:قولي صباح النور عندنا الصباح
منى:يؤ يؤ نسيت دايم انسى فارق الوقت
بين الرياض ولندن
جوري:طيب دبدوبه لاتنسين مره ثانيه وش
اخبارك و وش اخبار الكل بدون استثناء
منى:كللللللللنا بخير والله فقدناك عن بكرة
ابينا
جوري:ههههههههههههه اتشقق انا.. والبيبي
شلونه
منى:والله متعبني..
جوري : مابقى شي وترتاحين وتهيصين بعد
منى:اي وربي حتى اليوم البنات طالعين
يتمشون السوق وبيتعشون برا وانا مو قادره
امشي يادوب حركتين الا وتنفخت رجولي..
احلم باليوم اللي ارتاح فيه
جوري :لاحقه ع الطلعات ياروحي اهم شي
صحتك وصحة النونو
منى تقلد العجايز: على قولتس الا وينهو
بعلتس فيذا
جوري:ههههههههههههههه ياطعسه ايه
موجود
منى:لعيونك طعسه.. وكيفه معك زين
جوري: لا ماعليه ماشاءالله خوش انسان
تركي كانت اذنه معهم
منى:ها وكيف الامور
جوري:تمام
منى:اقصد الامووووور
جوري انحرجت:اقول تقلعي
منى:هههههههههههههااااي يانبي مثتحيه
جوري:والله انك فاضيه
منى:المهم عطيني تروك بسلم عليه
جوري ماتبي تحاكيه:دقي على جواله بعيد عني
تركي مستغرب
منى:زين حبوبه باي
وقفلت ورجعت تشوف التلفزيون
دق جوال تركي
تركي:هلا مناوي
منى:هلابك تروك شلونك
تركي:بخير شلونك وشلون فيصل والاهل
منى:نسأل عنكم ودنا ترجعون اليوم قبل
بكرا
طبعا جوري ماكانت تسمع منى
تركي: انتم تخليتوا عني
منى:افااا زين انها بعيده ماتسمع
تركي: وخير ياطير اخر همي
منى: تركي فديتك تقبل الموضوع مثل
ماهو صدقني مع الايام بتحس انك تقبلتها
هي بعد
تركي:يكفي نصايح انا اعرف كيف اتجاوز
المحنه
جوري عرفت انهم يتكلمون عنها وحست ان
ودها تبكي مو لشي بس لانها كانوا معتبرينها
زي الاطرش في الزفه
تضايقت منى من كلام اخوها.. وتركي حب
يغير الموضوع لانه كسر بخاطرها
تركي:الا وش اخبار تركي الصغير
منى:مااااااشاءالله سميته خلاص
تركي ضحك:ههههههههه عادي امون
جوري اول مره تسمع ضحكته وتشوفه فارد
وجهه كان جنااااااان ومع هذا كانت تحسه
شيطان قدامها
منى:تمون على راسي تركي تركي
تركي:لالالالا امزح اكيد فيصل بيسميه على
عمي سلطان مانبي نحرجه
منى:لكل حادث حديث.. ممكن طلب
تركي:تم
منى:اوووف بدون ماتعرف يمكن تغير رايك
تركي:ماراح اغير راي رجال من ظهر رجال
منى:والنعم والله
تركي:ها وش طلبك والله لو تطلبين عيوني
ماتغلى عليك
منى ''الله يستر'':كن ن نت ا اب ي
تركي:وشوو
منى:ها لابس طلبتك عشان ابوي الضعيف عامل البنت باحترام ..مو مثل يوم العرس والله احرجتها ..ع الاقل قدامنا اما بينكم انتم
احرار بكيفكم.. اتمنى اذا رجعت تعاملها
وكأنك متقبلها وتبين لهم انك غيرت نظرتك
فيها ..والله تروك انت مايرضيك فيصل
يعاملني كذا.. والعشم كبير انك تتغير جد مو
تمثيل
تركي زالت ابتسامته وبانت محلها التكشيره بس مسك نفسه:ابشري ماطلبتي شي
منى:يلا عاد اخليك باي... وقفلت
كره نفسه انه صار بهالموقف يعني هو مظطر ينافق ويجامل على حساب نفسه
بس على الاقل عنده فرصه اذا صاروا
لوحدهم يسمعها اللي يبي
تركي يبي الشر: ثاني مره اذا كنت جنبك
وأحد يبيني تعطيني الجوال.. فاهمه
جوري مفوره اعصابها وتطالع التلفزيون
ماتبي ادنى احتكاك معه وهي بهالحاله لانها
تعرف نفسها بتغلط عليه: انشاءالله
تركي ماعجبه البرود كان متوقع بترد: والا
بشيل الجوال منك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك