رواية يا لبيه يا الدنيا العجيبة -5
تركي زالت ابتسامته وبانت محلها التكشيره بس مسك نفسه:ابشري ماطلبتي شي
منى:يلا عاد اخليك باي... وقفلت
كره نفسه انه صار بهالموقف يعني هو مظطر ينافق ويجامل على حساب نفسه
بس على الاقل عنده فرصه اذا صاروا
لوحدهم يسمعها اللي يبي
تركي يبي الشر: ثاني مره اذا كنت جنبك
وأحد يبيني تعطيني الجوال.. فاهمه
جوري مفوره اعصابها وتطالع التلفزيون
ماتبي ادنى احتكاك معه وهي بهالحاله لانها
تعرف نفسها بتغلط عليه: انشاءالله
تركي ماعجبه البرود كان متوقع بترد: والا
بشيل الجوال منك
جوري: مو اتفقنا تعرض عني واعرض عنك..!
ليش تحاول تستثيرني بكلمه عشان ارد وتقوم تحطها براسي
واذا عشان الجوال خذه ما ابيه
وحطته ع الطاوله اللي جنبه
تركي مايدري وش يقول مالقى شي يعصب
عليه: احسن هاتيه.. وحطي في بالك اني
مزاجي وبأي لحظه بقلب عليك واخلق مشكله
انقهرت جوري من اسلوبه''الظاهر ماينفع معه شي ذا'': اجل توقع المثل
تركي:وش قلتي
جوري:مثل ماسمعت ورب البيت ياتركي ما
اسكت لك عن كلمه
تركي:وش قصدك
جوري: ماعندي وقت اشرح
تركي:يعني كذا
سكتت جوري
تركي:زين نشوف.. وشال الاوراق وطلع
....................
اليوم الثاني في السوق
دانه: خلاص تعبت دايخه وجوعانه خل نتعشى
رشا:بدري ع العشاء خل نشوف هالسوق عندهم فساتين تهوس
دانه:لالالا مو قادره ابي هم هم
ندى: شكل معدتك مفقوعه مو قبل مانطلع
وحنا ماكلين
دانه تكش عليها: خمسه وخميسه مالك دخل
رشا:ههههه بس ازين مافي دانه جسمها
مايتأثر بالاكل من يوم عرفتها وهي نفس
الوزن
دانه:ياروووووحي انتي.. لسانك يقوطر عسل مو هذي
ندى:وجع امززح.. خلاص ولايهمك بعشيك على حسابي
دانه صارخت:ياااااااااااااااااااااااربيه
البناات:وش فيك
دانه:لا بس تذكرت اللي كانت تعشينا على
حسابها
ندى:اااااااه قصدك جوري.. والله فديتها دايم
نقول لها معنا فلوسنا تكفينا وزياده بس
كانت تقول لا.. عشان اذا تذكرتوا اني
اعشيكم تدعون لي بظهر الغيب يارب
اسعدها
رشا اسودت الدنيا في عينها من بعد ماجابوا
سيرتها مو هي اللي خذت حبيبها
دانه:الله يوفقها دنيا واخره والله غيابها مأثر
علينا وتلقينها نايمه في العسل
ورشا حست بقهر قاعده تغلي منه
ندى:والله شكله بصل
دانه:افا ليش
ندى:والله خايفه عليها اخوي مو شي معها
رشا لانت تقاسيم وجهها اصلا هذا اللي تبي
تسمعه وتصنعت الحزن:مسكينه ليش
اخوك مايبيها
ندى: مايبيها!!!
دانه: شف بتكذب البنت مو توك تقولين بصل
يعني واضحه
ندى:يامتنحه اقصد الله يعينها انا شفت ايد
تركي مطبعه بجسمها ويوم سألتها انخطف
لونها صار قوس قزح عاد افهموها
دانه:هههههههههههههههه اوووخس ياتركي
منتب هين اجل شرس والله راحت فيها جوري
ندى:والله ماكنت اتوقع انه كذا صدق ان
الساكت سم ناكت
دانه:خليهم على راحتهم اهم شي مرتاحين.. وبعدين وش دخلنا بخصوصياتهم
عيب
ندى:ههههههههههه وانتي الصادقه يلا مشينا نتعشى
رشا كانت في عااالم ثاني كانت تغلي من
القهر هذا اللي قال انه لي لوحدي.. طيب
ليش يكذب ليييش يقول انه مايبيها وكارهها..
اجل واللي سمعته الحين وش اسميه ..ع
الاقل كان قال لي هو مايغطي علي هو
وعدني اي شي يصير بيعلمني ..بس
ماتوقعته يغطي ..انا كل شي بتحمله بس
يصارحني ..ما اختلفنا هي زوجته ويحق له
بس لااااااااااااااااا هو قال يكرهها دام
يكرهها ليش يقرب منها .. هو وعدني انه
لي.. لي انا بس وانا وعدته اكون له ما اكون
لغيره.... ااااااه ياتركي ياكذاااااااااااااااااااب
قعدوا ع الطاوله
ندى:والله حسافه ليت نوف معنا
دانه:هههههه والله عقب اللي سويته فيها
كرهتني يوم جيت اقولها يلا معنا قالت
اذلفي وتغطت ونامت
ندى:هههههههه مصيرها ترضى قلبها ابيض
طيب وريم
دانه:دقيت عليها قالت اخوالها معزومين
عندهم
ندى: يلا البركه في رشا معنا ع الاقل نغير
وجيه.. وتكلم رشا:صح ريوشه
رشا:هااه
ندى:وش فيك من قعدنا وانتي ماش
دانه:قبل شوي وش حليلك لايكون طفشتي
رشا:لا بالعكس بس نعست بدق على
سواقي يجي
دانه:اوك حبيبتي اللي يريحك
قراءه ممتعه
يالبيه يالدنيا العجيبه
البارت السابع
بعد عدة ايام
جوري مرتاحه بعد ماخلصت من الغرفه
اللي أأثتها بمساعدة سميره.. وطلعت من
اروع مايكون احلى من غرفة تركي بشي
كثير.. وزودتها بعد بثلاجه فيها كل شي كله
عشان ماتطلع برا وتصادفه لانها قاطعه الصله فيه..
وماتطلع المطبخ الا اذا طلع من الشقه او دخل غرفته
وتركي طول وقته بغرفته يدق على رشا كل
دقيقه والثانيه بس مافيه فايده تعبت نفسيته
حتى ماصار يطلع وان طلع راح السوبرات ..
ومايرد على احد مين ماكان
بيت ابو طارق
كانت ريم بغرفتها تذاكر
ام طارق:السلام عليكم
ريم:وعليكم السلام هلا يمه تفضلي
ام طارق:لاياقلبي جايه اشوفك محتاجه شي
ريم:فديتك سلامة راسك
ام طارق: زين لأن الخدامه نايمه خفت تبين شي
ريم:مشكوووووره
ام طارق:طيب انا بدخل انام
ريم:نوم العوافي.. ولاتحاتين اذا بغيت حاجه صحيت الخدامه
ام طارق: لا حرام انزلي انتي لاتخافين خالد بالصاله
ريم :ان شاءالله.. وطلعت امها
دق جوالها ردت بسرعه لأنها كانت تنتظر
وحده من صديقاتها تدق
ريم:هلا
-حي هالصوت
عرفت الصوت هالصوت مميز:انت وبعدين معاك ترا ماصارت
-لاتعصبين بس وجع
ريم:يوجع بطنك يلا فارق ياحمار
-ريم احترمي نفسك يازفته ناسيه من انا
ريم: اقول لايكثر ترا عطيتك وجه.. وربي
لأعلم عمي عن سواياك ياعديم المرجله
-عديم المرجله!! اهاااا طيب شرايك
ماني خايف عادي قوليله وانا ببهذلك
اشاعات اذا ماخليتك تبكين دم
ريم: على تبن وانا الحين بدق على عمي
محمد واقوله نادر مأذيني
نادر: زين وسلمي عليه ياقشطه
قفلت منه مقهوره''هذا مايحس هذا من
وش مصنوع .. ليش يلاحقني كذا
هذا وانا من لحمه ودمه ومن عرضه''
كانت بتدق على عمها محمد (ابو تركي) بس
تراجعت.. نادر مايخاف من أحد واللي براسه
يسويه.. وزود على هذا ماتبي مشاكل بين
العايله..
رجعت للكتب اللي قدامها لازم تركز هذي
اخر سنه وتبي تجيب نسبه تبي تدخل طب
في الاستراحه التابعه لبيت ابو تركي
كان نادر قاعد مع حمد
ولد عمه(ابو فيصل)
حمد: والله انت منت ناوي تجيبها على بر
نادر:وش سويت
حمد:بكل برود وش سويت
نادر:يس
حمد:واللي تو وشو
نادر:عادي
حمد: ياخي الحين تلقاك شلعت قلبها ترا
الامتحانات ع الابواب وانت تمارس ضغطك
عليها
نادر:طيب؟!
حمد: انت شفيك كذا وش فيك عليها
نادر: خلني ساكت بس
حمد يستدرجه:لايكون عشان السر اللي قاله لنا ابوي لاتنسى تراه حلفنا مايغير شي ابد
نادر:والله انا ماكان لي نيه اسوي اللي
سويته بس ياخي كم مره نتصادف والله
العظيم تعاملني زي الحثاله.. تخيل يوم اروح
اجيبها هي وندى من المدرسه لاطعتني برا نص ساعه في الشمس ..
وكلمتها بحسن نيه كان من المفروض ماتتأخر تدري وش ردت
قالت كنت عند مدرسة الأحياء تشرحلي جزئيه..
قلت لها كان أجلتيها بكرا قالت هذا كلام الفاشلين بكرا وبكرا تبيني زيك فاشل
حمد بقق عيونه: وانت وش قلت لها
نادر:والله من صدمتي مارديت.. انت عارفني ما أحب أتمشكل
حمد:طيب وهاللي تسويه الحين
نادر:هذا تأديب عشان آخر موقف
حمد:ليش ماتقول لي طيب
نادر: ماله داعي ينقال بس صدقني لو تعرفه وربي بتقول هذي .........
حمد:طيب ماراح اضغط عليك واقول لك قول بس يانادر خلك اعقل منها واتركها
نادر:يمين بالله ما أتركها الا عقب ما أمردغ دميجتها اليابسه في التراب
حمد: وش تبي بالفضايح ترا محسوبه علينا بنت عم قدام الناس
نادر:لاتخاف ماراح اسوي شي يضر سمعتنا لأنها زي ماقلت محسوبه علينا بنت عم
واذا صار شي بيشمل العايله كلها
حمد: اجل أكيد بتقول لها السر اللي قال لنا اياه ابوي
نادر: هذا آخر حل يمكن ألجأ له وماتدري يمكن استخدمه اليوم بكرا بعده..
اهم شي اعطيها درس عشان تعرف كيف تعامل الناس من وراهم وقدامهم هالحيوانه
حمد:انا استأذن بتقعد تلمح وانا واحد ماعندي صبر ابي اعرف..
عشان كذا بروح ابرك لي ...وطلع
لف نادر شريط الذكريات وتذكر الموقف
اللي صار له معها
(( كان بغرفته حس بالجوع نزل المطبخ
ياكل كان جالس على الطاوله..سمع
خطوات اقدام جايه تذكر ان ندى قالت له
لاينزل لأن بنات بيجونها قام دخل مستودع
صغير في المطبخ فيه بعض الاغراض
القديمه وماقدر يسكره لان صاحب الخطوات وصل خلاص فما حب يثير جلبه
وينتبه له
-خلاص انا مليت
-........
-كلهم معقدين وجهله
-.........
فضول نادر قاده انه يشوف من صاحبة
الصوت قام يطالع لين شافها واقفه عند
المغسله وعينها على باب المطبخ خايفه أحد
يجي.. جلس يطالعها اخر مره شافها عمرها 12سنه وبعد كذا صار يشوفها بالعباه...
كل شي تغير فيها كانت دبدوبه وبيضاء وجميله تغيرت كثير
الا زفارة لسانها على ماهي عليه
وتذكر نفسه كان يعايرها بالمنطاد ابتسم
بس ابتسامته زالت اول ماسمع اللي قالته
ريم:تصدقين انا اصنف نفسي اني عايشه في حضيره
انتي ماتدرين اعمامي متخلفين وعيالهم كتله من الغباء
هههههههه تحسين انهم حمير مايفهمون
مدري شلون طلعنا انا واخواني غير
-.........
ريم:ايه وأكثر انا الوحيده في العايله بدخل طب والا كلهم ينرحمون
-........
ريم:ههههههه تبين موجز ابشري.. اممممم
شوفي انا بقولك عمي سلطان هذا مسكين
إمممعه اكثر واحد يطبق مثل مع الخيل
ياشقرا تصدقين يطيع زوجته
-...........
ريم:لالالا مو متفاهمين هو يطيعها طاعه عمياء والله احيان اشك انها تجلده ههههههههه
-..........
ريم:الا عنده خروفين وثلاث صخلات
فيصل عمره 28سنه تخرج تجاره حره وانضم في الشركه
ماخذ الطعسه البلهاء منى بنت عمي محمد
لا وحامل الله يعين ولدهم بيطلع ابله ههههههههههه
والخروف الثاني حمد هذا اكبر لوووووح في
العالم يقولون طيب وانا اقول ساذج
ساره ودانه توم اعمارهم من عمرمنى 24سنه تعرفين وش معنى اكرههن
مسويين فيها حنا بنات سلطان والله والتبن عل التراب
-...........
ريم:يوووووووه انتي بعد وخير ياطير واذا عمي ترا كلمة الحق تنقال
-............
ريم: لا مابالغت .. المهم بكمل لك اما نوف
عمرها 18 سنه هي القراوه بعينها ياكثر
ماتفشلني الله يغربلها استحي امشي معها
-............
ريم: عمي محمد هذا يقولون انه درس برا
بس اشك في عقليته احسه غبي وديكتاتوري
اكبر عياله تركي عمره ثلاثين شايب مترزز
بعمره لاومغرور ودي اعرف على وشو
الغرور.. صايع ضايع والا واحد بهالعمر
ماتزوج الا الحين.. خلف الله على اختي
ماتعرف مصلحتها قلت لها لاتتزوجينه بس طنشتني بعمر الزهور 23سنه وتاخذ هالشايب
-...........
ريم:لا ياشيخه من قال .. انتم مخربتكم هاالاقوال قمة النضوج وكلام فاضي
-...........
ريم:زين زين وعبدالرحمن اتوقع اصغر من تركي بسنه
دبسوه في ساره عزالله طاح المتعوس على خايب الرجاء
-............
ريم:الا عندهم اختين وحده تدرس معي
اسمها ندى اعمارنا 19 تأخرنا في تسجيل
المدرسه من زود فهاوة عمي
وندى اتقبلها نوعا معا احب اذا رحت
المدرسه وسووا مقارنه وقالوا انتي علمي ليش بنت عمك ادبي
احس بوناسه لأن هالمقارنه ترضي غروري انا وين وهذي وين
والثانيه منى اللي قلت لك ماخذه فيصل
-............
ريم تفكر:لا مانسيت احد
-.........
ريم:اللي جا اخذنا امس!
-..........
ريم:شكلك تقصدين اخوي طارق صح؟
-............
ريم:حتى طارق صغير ترا عمره27 سنه
-...........
ريم:اجل شكله اخوي خالد هو اصغر عمره 25سنه
-...........
ريم:ايه صادقه قد شفتيه اجل مين تقصدين
-...............
ريم:امممم سيارته بي ام دبليو وجا ياخذنا امس مين مين
ايييييييييييه قصدك نادر
ههههههههههههههههههههههههههه
نادر ومااااااااا أدراك مانادر
حمااااااار خالص ثور جحش اعجز عن وصفه
يقولون اهله ذكي يدرس ثالث جامعه قسم انجليزي الحين الذكي يدش هالتخصص<<من وجهة نظرها
-............
ريم:وخري باااااااس وش هالطموح البيئه
-............
ريم:اما مزيون لا وينه عن الزين شكله ها ها مقبول
-.........
ريم: انا اتزوج هالاشكال هذا ااعتبره هامش ..هذا رأيي لايهمك شكله تراه فاااشل
-...........
ريم:والله انتي اللي ماعندك سالفه مدري وش لاقيه فيهم وليش تسألين عنهم اصلا
وفجأه سكتت دخلت ندى المطبخ
ندى: ريومه وش مقعدك هنا يلا الخيمه مافي احد.. تعالي بسرعه بنبدأ المسابقه وطلعوا..
طلع نادر من قوة حر المستودع جبينه
وجسمه كله عرق .. كان حرااااااان بس
حرارة اللي داخله كانت اضعاف ...
انصدم من كل اتهام سمعه ..ماخلت احد
في حاله حنا عايلتها تتكلم فينا عند الاغراب
وياليته صدق.... هذاك اليوم مانام ابوه كان
مسافر لازم يكلم احد لازم احد يوقفها عند
حدها... راح بيت عمه فيصل ماكان موجود
قعد مع حمد لين يجي وسط تساؤلات حمد
بس كان مطنشه جا ابو فيصل وشاف التوتر اللي كان ظاهر ع الشباب
حمد على طول طلع يجيب مويه لنادر
ونادر على طول سرد لعمه كل الحكايه
بالحرف الواحد وكان يتوعد ويهدد..
أخذه ابو فيصل المكتب وقفلوا عليهم
رجع حمد شاف مكانهم خالي.. نغزه قلبه
ابوه مايروح المكتب الا اذا صاير شي كبير
ولأنه كان قاعد قريب من المكتب فسمع
ابوه يصرخ:خله سرررررر والله ان يطلع
ذبحتك بيدي ترا بتدمر ناس وناس لو
تكشفه.. وباقي الكلام ماسمعه
بعد ساعه طلعوا وكان هادي نسبيا ..
السر اللي قاله له خلاه كأنه يشوف دراما مصريه ...بس الغضب واضح على قسمات وجهه
حمد:عسى ماشر
ابو فيصل: خير ان شاءالله
حمد:يبه وش السر
ابو فيصل:قاعد تتنصت ياولد
حمد:لاوالله يبه تربيتك ما اسوي هالحركات
ابو فيصل:اجل كنك ماسمعت ابد .. والتفت لنادر: وانت لا اوصيك هنا حفرنا وهنا طمرنا
نادر:بس ريم
حمد:وش دخلها ريم وش السالفه
ابو فيصل: شوف انا بقول لك بس مصيرك من مصيره لو يطلع
حمد:وشو يبه خوفتني
قال له ابو فيصل السر بس ماقال له اللي سمعه نادر
لأن دام هذي ردة فعله وهو اطيب واحد من الشباب وثار كل هذي الثوره
عاد مابال الشباب العصبيين امثال تركي وفيصل والباقي..
وكل الخوف يروح هالكلام لأخوه ابو طارق
حمد مبلم من السر بس كان حاس ان فيه شي ثاني اكبر اثار هالسر
ولكن فضل السكوت ماحب يكون ملقوف اكثر من اللازم
ونادر ماقدر يتحمل يقعد دقيقه اكثر
توجه لبيته وقد اقسم انه بيعطيها درس
ماراح تنساه طول حياتها((كسرة خشم
ويمكن أكثر تستاهلين اللي بيجيك))
تابع
البارت السابع
بعد مرور شهر
كان حابس نفسه بغرفته اهمل نفسه
وشغله بعد ما أنهك روحه بالاتصالات ولكن
لامجيب والسبب ان رشا مغيره ارقامها
كلها.. ماكان متصور انها بتتركه بالطريقه ذي
ولا كان متصور انه بيتدمر بهالطريقه.. في
اعتقاده ان السبب ورا اللي هو فيه
ابوه وجوري
هالشخصين الوحيدين اللي زلزلوا حياته
وقلبوا اعلاها سافلها.. تعب من التفكير ويبي
شي يبل ريقه له كم يوم ما أكل وشربه قليل
قام من فراشه ماقدر يسند طوله يمشي
خطوه ويتعثر خطوتين طلع الصاله يجر رجوله جر وقعد ماقدر يواصل سيره للمطبخ
يحس نبضات قلبه ضعيفه وجسمه مخدر والشي الوحيد اللي كان يفكر فيه وهو بهالحاله رشا
وجوري كانت بغرفتها تتفرج وقدامها صحن
شيبس وسلطه ومافي مشاكل بينها وبينه
طالما هي بعيده عنه فبتقدر تعيش بعيد عن
ممارسته الضغط النفسي عليها
اكلت بعد ماخلصت طلعت المطبخ تغسل
الصحن..
شافته كانت بتغير رأيها وترجع بس كملت
وارتاعت من شكله لها اكثر من يوم ماشافته تحسه ذااااااابل حيل
ونحفان مو تركي نهائي كان بالاصح حطامه
''يارب استر وشفيه''
تجاهلته وراحت المغسله وقلبها يدق طبول خايفه من المنظر اللي شافته
وتمت تغسل الصحن وكانت تسمع صوته
ماتدري وش يقول بس كبريائها خلاها تطنشه.. خلصت ومشت من عنده ولكن يده
استوقفتها !!!!!..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك