رواية من أعماق أحضان مجنونة -52
جراح بقوة قاصد منو ياوليد؟علي؟؟مااظن...لو قاصدها مادخلته على اختك ياراعي الغيرة!!!!قاصد اختك؟؟؟طيب اذا كنت قاصدها ظل هنا طول العمر محد بيساْل فيك؟
وليد بنرفزة انت من متى يهموك عيال العراقية؟
جراح باستفزاز ومن متى ماهموني اصلا!!طول عمرهم يهموني اكثر من غيرهم!!
وليد بتاْفف ورجاء جراح تكفى ياولد خالي...انا مااعيش بها الاماكن ومااقدر اظل فيها..
جراح بشماتة بالعكس انا احسها تناسبك؟
سكت وليد وكمل جراح بسخرية يمكن تاْدبك وتخليك رجال؟
انقهر وليد وتغيرت لهجته وقال بعصبية انا اصلا مو محتاج لك وامي مابتتركني هنا...
جراح بضحكة عالية انا جاي بعد ماامك ترجت فيني اجي....ماتقول لي وش اخذت؟
وليد بحقد لايكون انت تحب بنت العراقية بس وجالس تدافع عنها؟
جراح بحذر وان شاءالله تبيني احبك ولااحب خواتك يعني؟امك وانا من زمان علاقتنا عليها اكس؟
وليد بعصبية هذا لانك سرقت حلال جدي ولهفته كله وماتركت لامي ولاشي...انت حتى ابوك ماتركت له شي؟
جراح وتبي تطلع بعد!!!اقول اجلس تربى كم يوم لين تصير رجال وتعدل لسانك شوي,,,
وقف وكمل قبل لايطلع من غرفة المحقق انا ماسرقت حلال احد...جدي بحياته عطاني ها الخير كله ومحد جبره وحتى يوم اني رفضت اخذه حلف علي واصر انه محد ياخذه غيري!!!ماهو ذنبي اذا كنت احبه واحترمه وقايم فيه بعز احتياجه ووقت اللي اهملوه ابوي وامك؟
سمعتني انا ماسرقت شي كل شي تم حسب القانون وبتوقيع شهود....
تردد كثير قبل يجي بس اخذت رجله لقسمهم بعد صلاة العصر وتمنى هي تفتح له الباب,,,
وده يشوفها...اشتاق لها,,,,مايدري عمته وش اللي ناوية عليه بس ايا كان لازم الكل يفهم انه مو مستغني عن دارين ولابيتركها لااي سبب كان,,,
ياليتها هي تفتح واتعطر بانفاسها واذوب بعيونها ياليت..
خاب امله يوم اللي فتحت هالة وكتم اه بصدره,,,,
ظلت هالة تناظره وماتكلمت..
مطلق بعد صمت طويل قال الوالد موجود؟
هالة ببرود مايرد اللحين من الشركة؟
سمعت صوت تنهيدته وماعلقت باي شي,,,,
مطلق ومتى يرجع؟
هالة بعد الخمس...
ظل ساكت وماتحرك من مكانه,,,
هالة بهمس مطلق....
رفع عيونه لها ..
هالة بهمس اكبر ممكن نتكلم مع بعض شوي على انفراد؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,
ام وليد يرضيك يااخوي وليد مرمي بالتوقيف..
ابو مطلق لاوالله يااختي انا مادريت..
ام وليد بدمعتين كذا جراح يسوي فيني وانا عمته عاد..مايدري انه ولدي الوحيد....طالبتك ياخوي...كلمه وقوله انا مقدر ابات وولدي هناك..
ابو مطلق مايصير خاطرك الا طيب يااختي...
ام وليد يوم شافت شيخة تمشي قالت أي وصحيح ابو احمد يقول...ماهو موافق على زواج مطلق ودارين؟
البارت الثالث والستين,,,,,,
ام وليد يوم شافت شيخة تمشي قالت أي وصحيح ابو احمد ماهو موافق؟
ابو مطلق بذهول شلون يعني يااختي ماهو موافق؟
ام وليد هو قايل لي ابلغك...
ابو مطلق ام وليد...ابو احمد قال لي انه موافق وماعنده مانع وبياخذ راي البنت الليلة وبيعطيني خبر؟
ام وليد استحى منك يوم بنته رفضت وقال لي ابلغك؟
ابو احمد من وراهم وهو داخل مع جراح تبلغينا بلساني عن شنو ياام وليد؟
سكتت ام وليد وقال ابو مطلق بانفعال عن الخطبة؟
جراح ليه شصار فيها؟
ابو احمد يابو مطلق...اختك ماتبي ولدك ياخذ بنتي!!!
ام وليد بعصبية مايناسبها؟
ابو احمد ليش ان شاءالله وين العيب..في بنتي ولا في ولد اخوك؟
جراح بنفخة اخوي الف وحدة تتمناه....ومااعتقد بنتك ياابو احمد تنعاب وانت مربيها.....
قامت ام وليد وقالت بضيق وصوت عالي مطلق مايناسب دارين وبرجع اقولها لكم...واذا انتوا مصرين على ها العرس تراني مو موافقة ولاراضية...
قالتها وطلعت وقال جراح بقوة ويعني اذا ماوافقت عمتي شبيصير؟هو يبيها واذا هي تبيه الله يبارك لهم يبى,,,,
هالة بهمس مطلق....
رفع عينه لها وماتكلم...
هالة بهمس اكبر منه ممكن نتكلم مع بعض على انفراد؟
دارين اللي كانت واقفة ورى باب المجلس يوم سمعت هالة واقفة تكلم مطلق وقايلة ها الكلمة دق قلبها بالقوة وماعرفت شتسوي...
انشدت اعصابها واخذتها افكارها لبعيد,,,,,
ظلت واقفة تسمع اللي بيقوله.....
هالة تفضل....
مطلق بتدخليني ومافي احد..
هالة بحدة اعتقد اني محترمة حالي وانت كذلك؟
دخل مطلق وظل واقف عند باب الصالة ماابتعد كثير.....
قال وهو مكتف يدينه خير....
هالة بتنهيدة اختي...
مطلق شفيها؟
هالة انت خاطبها؟
مطلق أي...ووين المشكلة؟
هالة كم رقمها بحياتك يامطلق؟ماهو مهم كم رقمها الاهم هل بتدوم معها ولامفكر تتسلى فيها وترميها؟
تنهد مطلق وقال بصدق هالة انتي تؤمنين بالحب؟
هالة بقوة لا
مطلق مو مهم اذا كنتي تؤمنين ولالا...انا ماعرف ها الشي ولااعرف وش يسوي الحب بالانسان...وحياتي كانت لعب بلعب وماانكرت ها الشي ولاراح انكره...بس اللي ابيك تعرفينه وتوصلينه لها اذا هي عندها شك...انا من شفتها كل حياتي تغيرت!!وكل علاقاتي انقطعت!!
هي وبس اللي دخلت قلبي وعايشة فيه...ودي اخذها واسعدها وتسعدني...ابيك تصدقين ها الشي ياهالة؟
تنهدت وقالت ان شاءالله..
مطلق هذا اللي كنتي تبين تقولينه؟
هالة لا..في شي ابي اقوله لك من زمان بس كنت مترددة ويوم صار وانت واقف قبالي بقوله لك؟
دق قلب دارين بها اللحظة بقوة.....
مطلق خير....
هالة بحدة جراح.......
تغيرت ملامح دارين.....
مطلق شفيه؟
هالة انت عارف شفيه واذا منت عارف روح قوله وخله يجاوبك؟اخوك ماهو صاحي يامطلق....قوله احسن له يبعد عن دربي!!
مطلق اذا كنتي مفكرة انك تتكلمين عن جراح كاانسان عاقل بها الدنيا فاانتي غلطانة؟انا اكثر واحد عارف جنونه فيك وش معناه؟اسليني عنه وانا بقولك..من قبل زواجك وهو عاشق وهايم وانتي ماتدرين عنه..
هالة قاطعته بعصبية مطلق لو سمحت...
طنشها وكمل كلامه وقال بقوة اكبر ويوم تزوجتي جن جنونه وكل شي له صلة بالعقل طار منه!!!رجعنا هنا وصار يشوفك وتعذب اكثر واكثر واللحين يوم انك تطلقتي رجع الامل من جديد....
هالة يمكن جراح مايصارحك بها الشي لانه دايم يخفي مشاعره...بس اللي ابيك تعرفينه...ترى جراح مايشيلك من باله ابداّ!!!انتي كنتي الاولى وبتظلين الاخيرة بذاكرته رغم كل شي.....
حبك والحب الحقيقي صعب نسيانه!!!!
طلع بعد ماقال لها اللي عنده وكانت دارين تناظر بهالة اللي تنهدت ومسحت دمعة نزلت منها وهي تربط السالفة في بالها...جراح يحب هالة؟؟
مايناسب ابدا!!!!
ابو مشاري ماتشوفين لااخوك بنت حلال يازينة وتكسبين فيه اجر؟
ابتسم مشاري لزينة اللي بادلته الابتسامة وقالت خله يعطيني مليون وادور له وش اللي يمنع عاد؟
مشاري وش ها الاستغلال؟
زينة ههههه
ابو مشاري مليون من عنده ومليون من عندي وش تبين بعد!!
زينة ول ول ول....كذا الخطابات يعطونهم؟مليونين..واحد من العريس وواحد من ابوه.؟لابالله بشتغل خطابة؟
ابو مشاري بتعب اللي يبي يشوف استقرارعياله يدفعها يازينة....
زينة شفت انك قاعد علة على قلب ابوي ياحظي؟ولاانت حاس؟
مشاري ابتسم....
ابو مشاري انا ابي اتطمن عليكم....ابي اشوف كل واحد عايش بحياته ومستقر...
مشاري يبى.... بنستقر وبتطمن علينا انت بس لاتشغل بالك...
ابو مشاري محد عارف متى يومه يابوك..
زينة بزعل لاتقول ها الحكي يبى...الله يعطيك طولة العمر.....
ابو مشاري هذا كلام الحق يابنتي ومايزعل احد...
زينة تغير السالفة يبى انا شايفة له وحدة من بنات الحلال..بس يبيلي وقت على مااشوف الوضع بينهم واعطيه مواصفاتها وانقل لها مواصفاته...كذا يعني ازبط الوضع...
ابو مشاري اهم شي هو يقتنع فيها...
مشاري لامقتنع يبى مقتنع....
ابو مشاري الله يوفق....مو تنامين عاد بها السالفة....حركي نفسك ولك الحلاوة اذا زوجتيه وريحتيه؟
مشاري بسخرية خلاص انا بجيب لها معرس بعد!!
تغيرت ملامحها مرة وحدة وسكتت...
ابو مشاري كيف تجيب لها معرس واحمد خاطبها؟
زينة بسرعة يبى.....انا ماابي احمد؟
ابو مشاري شنو يعني ماتبينه؟
زينة بتنهيدة يعني فكرت فيها وشفت اني مابرتاح؟
ابو مشاري بشوية حدة مو هذا اللي كنتي مقتنعة فيه وتبينه وماعندك مانع تكونين خدامة تحته وتحت مرته؟وش اللي صار؟شايفة العرس لعبة يازينة؟
زينة لايبى بس....
مشاري انا يبى مو موافق على ها العرس ابدا!!!انا ماارضاها لزيون تاخذ واحد متزوج وان كان احمد؟
ابو مشاري شتبيني اقوله اللحين؟
زينة قوله مالك نصيب....شفيها؟
دخل البيت وحملها وهي لافة عنه وقام يبوسها..
فاطمة وهي تضحك نزلني مو قادرة بموت..
جراح مو منزلك وش بتسوين يعني!!
فاطمة بعضك..
جراح عضيني وانا بعد بعضك...
فاطمة نزلني اقولك نزلني..
جراح مو منزلك يعني مو منزلك...انتي مو تقولين زعلانة مني...هذا انا جيت اراضيك ياحلوة...
فاطمة وهي تعدل شعرها بعد مانزلها واللي يجي يراضي يجي ويده فاضية؟؟
جراح يمه منك ومن عيارتك؟؟قايل لك الصباح وش تبين قلتي ماابي شي..ماجبت معي شي؟
فاطمة واذا قلت ماابي شي خلاص ماتجيب شي لو بالغلط؟
جراح اسفين مدام فطوم وش خاطرك فيه...
فاطمة عمي..
جراح حبيبي....
فاطمة بدلع عمي انت مو عندك فلوس واااجد...
جراح بدينا بالحسد...
فاطمة وهي تلعب بشعرها يعني ليش ماتشتري محل العاب وتعطيني اياه....
جراح بس..هذا اللي تبينه...محل العاب...يبى غالي والطلب رخيص....
اوديك تشترين كل اللي نفسك فيه وش تبين بعد!!
فاطمة لاماابي اشتري اللي نفسي فيه...ابي المحل كله لي علشان اذا رحت اخذ كل شي ببلاش لانه حقي!!
جراح ان شاءالله حبيبي لك اللي تبيه....
فاطمة بحماس الله وناسة بروح اقول لشيخوه وعايشوه..واخليهم يبكون ويتحسرون..
جراح بسرعة لاحبيبي المحل لك ولاخواتك بعد!!
فاطمة بنرفزة شنو؟
جراح انتي ماتحبين خواتك؟
فاطمة بدون نفس يعني هم بياخذوا الالعاب الحلوة وبيتركون لي اكيد الالعاب حق الاولاد اللي مااعرف لها؟
احمد علامك زعلانة وداقة بوز؟
ريم بزعل لاتكلمني..
ركع عند رجلها وقال ليه ياقلبي وش فيك....
ريم وهي تلعب بشعره اللي كان مبلل لانه توه متحمم,,, يعني انا ماشبعت منك؟
احمد أي هذا انا جنبك وين بروح؟
ريم قصدي بسرعة انتهت الاجازة وبكرة بتداوم؟
احمد ماتبين اداوم...
ريم لا
احمد ليه؟
ريم لاني ارتاح وانت قربي...
احمد اممم واذا قعدت بقربك منو بيصرف علينا؟
ريم محد..
احمد وكيف بنعيش؟
ريم مو لازم نعيش مدام بنموت سوا عادي...
احمد يعني كل الامور محلولة....
ريم ببتسامة أي....
احمد يالله قومي ننام...
ريم احمد حرام عليك ماجت الساعة سبع ونص تبي تنام؟
احمد وراي دوام بكرة اروح يمين وشمال عند الممرضات والدكتورات وارز نفسي واتفلسف واشوف وش مسوي فيهم غيابي..
ريم لاتطمن محد فيهم لاحظ غيابك اصلا!!
احمد ههه ها هاذي شكلها حق قهر ياريامي...
ريم لاقهر ولاغيرة ولاهم يحزنون؟ادري فيك ماتلفت الانظار ابدا!!
احمد زين مشكلتك ماتصدقين يبيلي يوم اصور لك الممرضات الفلبينيات كيف يموتون لاشافوني..بس يجيهم وقت فاضي تلاقينهم عند الصيدلية رازين الوجه يبون نظرة مني!!
ريم يعني انت عمرك شفت فلبينية ماترمي روحها على مين ماكان يااحمد..عادي مو شي غريب...
احمد يعني انا مين ماكان؟
ريم امممم أي...اصلا وش فيك من زود عن العالم؟
احمد اللحين متى بتقولين لي امزح؟
ريم أي بس انا ماامزح؟
احمد شوف بنت ال...
ريم بنت شنو؟
احمد وهو يضحك بنت العم...
ريم ع بالي بعد!!!
احمد ول صايرة تخوفين؟ههههه
ريم وهي تجر شعره والقهر اني مو طالعة بنتيجة معك....
اروى علامك انتي رايحة جاية بالغرفة ازعجتينا من جد؟
مريم بقهر مارجع؟مااءثر فيه الكلام اللي قلته لاابوه اصلا!!
اروى احمدي ربك انه ماقاله لاابوي والله كان علومك انتي تحت البحر؟
مريم ياربي مدري وش جاه وانقلب..
اروى خله يولي اللي جابه يجيب غيره..
مريم بحقد أي بس انا ماابيه الا هو؟
اروى اللحين حلى بعينك؟
مريم أي اللحين حلى بعيني!!!
اروى شيليه من بالك احسن واريح...ترى كم يوم وبتسمعين عنه ارتبط من جديد ذولا مايعوقهم شي..كل شي تحت يدهم وسيطرتهم!!!!
مريم بحقد اكبر ومن قال عاد اني بتركه يتهنى مع غيري!!!
بخرب عليه حياته وسعادته وين ماراح وبيشوف منهي مريم اللي تركها اذا مايرجع لي مذلول ويبكي!!!
اروى فتحت الجريدة وحطتها قبال وجهها وقامت تضحك بسخرية,,,,
غسان مساء النور..
لفوا ثنتينهم له وقامت دارين تركض له..
غسان وهو يحضنها هلا والله...الا كل مرة اشوفك فيها حليانة اكثر عن المرة اللي فاتت؟
دارين وهي تضمه اشتقت لك؟
هالة وهي تناظرهم وتبتسم اشتغلت الافلام الهندية...
دارين الا قولي اشتغلت الغيرة؟
غسان ماعليك منها الدكتورة انا اعلمك فيها....
تقرب من هالة وباس راسها وضربته بالمجلة اللي بيدها وهو يضحك..
هالة مليون مرة قايلة لك لاتبوس راسي!!!وش شايفني جدتك على غفلة؟
غسان وهو يضحك هذا احترام شفيك انتي!!!
هالة شخبارك....
غسان وهو يتمدد على الكنبة والله يوم شفتكم احس اني مبسوط مرة..
دارين مو شي جديد...
هالة خاطري اتعشى برى احد بيشاركني..
دارين وغسان بصوت واحد طبعاً!!
هالة ماتصدقون على الله؟
دارين هههههه وأحد يفوت عزومتك...
هالة انا ماعزمت أحد انا قلت بتعشى برى...
غسان نفس الشي....دويرين دوري بسرعة اغلى مطاعم عندنا مدام العزيمة عليها..
هالة جيبي جيبي التلفون بدق على ابوي واحمد علشان نتعشى سوا,,,
علي بنرفزة خير ليه داق وقايل انك تبيني؟
وليد بانزعاج انت حتى ماسئلت عني؟
علي وليه اسئل عنك ان شاءالله؟
وليد ها...انت ناسي اني هنا بسبتك؟
علي بثقة وانا مالي اصلا!!
وليد بعصبية انا وش له ضربت جراح مو علشانك؟
علي والله ضربته من غبائك وسوء تخطيطك...منو اصلا قايل لك اطلع بسكين يالعاقل؟
وليد انت جاي تحاربني؟
علي بشراسة انا ماضيعني الا انت وغبائك يوم قلت لي اعتمد ترى الجو امان فكرت اني معتمد على رجال مو على بزر؟
وليد انا مدري من وين طلع جراح فجاْة؟
علي بحقد بعد شنو؟بعد ماخسرني كل حلالي!!!بعد ماسحب المشروع الوحيد اللي رسى على شركتي!!!
وليد علشان كذا ها المرة لازم نتفق انا وياك على جراح؟
وقف علي وقال هذا لانك غبي!!!انت فكر تطلب رضاه علشان تطلع من ها المكان مو تفكر ترسم عليه من جديد؟
وليد وحلالك اللي ضاع عادي؟
علي بتنهيدة اللعب مع جراح خطير...مو بعيدة يذبحني ها المرة ويطلع يضحك ويمشي فوق جنازتي!!!التوبة من اللعب مع جراح؟
وليد بحقد بس انا مااعلنت التوبة؟بس اطلع من هنا بوديه لقبره وانا وليد وبرتاح منه للابد؟؟
طلعوا ثلاثتهم وكانوا اروى ونسايم واقفين عند خيمة جراح اللي كان جالس هو فيها مع فطوم....
فاطمة قامت من حضن جراح بس هو مسكها..
فاطمة بروح لغسان..
جراح بتهديد اذا رحتي له وتركتيني انا اللي بزعل منك ها المرة,,,,,
جلست وهي مو طايقة بس ماتبيه يزعل منها..
سلم غسان وانتبهت له نسايم وماشالت عينها عنه وقالت لااروى بهمس متى غسان وصل؟
اروى بدون نفس وهي تناظر بجراح اللي يناظر صوبهم مدري عنه متى راح ولامتى رد؟
غسان تقرب وسلم ورد عليه جراح وابتسم لفطوم اللي كانت تبتسم له.....
غسان يكلم اروى تجين معنا؟
اروى بدون نفس لا
غسان انتي مادريتي وين بنروح؟
اروى بنرفزة يعني وين بتروحون الجنة؟انتوا قعدتكم هي اللي تخرب الجو؟
هالة بحدة تاْدبي وانتي تكلمين اخوانك؟
اروى وهي مو طايقة تكلمت المطلقة..
دق جوال هالة وردت هلا يبى...ها....شلون يعني نتقدم وانت تجينا....خلاص بشوف وين يرسون وبعطيك اسم المطعم بعدين....اي كلمناه قال بكرة بيدوام ومايبي يسهر كثير...
دارين ها..ماهو جاي معنا؟
هالة وهي تمشي وهم معها قال انتوا روحوا وانا جايكم بس عطوني اسم المكان اللي بتروحونه؟
غسان ها دويرين شرايك وين نودي الدكتورة اللي بتدفع عنا؟
هالة كل واحد يدفع عشاه انا مو دافعة عن احد..
دارين وهي تضحك مو بكيفك بتدفعين يعني بتدفعين....
طلعوا وهم يسولفون ويضحكون مع بعض وسط الانظار اللي مافارقتهم,,,
في المطعم,,,
ابو احمد انت شلون دراستك..
غسان الحمدلله ماشية....
هالة مانبي ماشية نبي نشوف شي ..اثبات...اوراق الامتحانات ..التقارير...
غسان ضحك وانا بكذب يعني؟
دارين اللحين خلونا من دراسته وشوفوا مشكلتي؟انا طالبة شوربة فطر وماجابوها؟
هالة شوف النا س وين وهاذي وين؟
غسان هههههه
ابو احمد اقول دارين..
دارين نعم يبى...
ابو احمد اتركي عنك الاكل شوي واسمعيني....
ظلت النظرات كلها متعلقة عند ابو احمد....لان هالة وغسان معهم خبر عن الموضوع هو قايل لهم ...
ابو احمد في واحد خطبك مني اليوم...وانا موافق عليه.....انا مااشوف فيه أي عيب...
هالة هذا كانه اجبار؟
ابو احمد بعتب هالة...
دارين بعد صمت ثواني منو؟
ابو احمد مطلق ولد اخو ام وليد......
غسان بعد سكون أي بس هو عنده ثلاث بنات يايبى؟
ابو احمد هذا شي هي تقرره مو انتوا...تركوها تقول رايها بدون ماتعطوها ارائكم....
ابو احمد دارين يبى...مطلق صدق منفصل عن مرته وعنده ثلاث بنات بس هذا ماهو سبب يعيبه ابدا...انا اعرفه رجال زين واسمه بالسوق مشهور وخيره والحمدلله وكلمت اخوك احمد عنه ومدح فيه بس الراي لك انتي!!
ظلت ساكتة وماشالت عيونها من الطاولة....
ابو احمد انا ماابي ها السكتة يادارين انا الليلة برد عليه شرايك؟
هالة يبى كيف ترد عليه الليلة هذا زواج؟
ابو احمد بلهجة لاتحتمل النقاش هذا الرجال قريبنا وساكن معنا بنفس البيت ممكن تقولين لي حضرتك وش له التاْخير والتطويل والتعريض؟
هالة لازم دارين تقعد معه وتشوف هل هي متقبلته ولالا؟لازم تفهمه وتفهمه هي وش تبي وتشوف مدى التقبل من الطرفين؟
سكت ابو احمد وقالت هي بتشجيع يبى هذا مصير...لاتتركها تقول أي ولا لا الا اذا قعدت معه وهذا حقها.....
شال ابو احمد تلفونه ودق لمطلق وسط نظرات عياله....
ابو احمد السلام عليكم...عسى بس ماازعجتك يامطلق...اي رديت البيت ولالسه بالمعرض....حلو...كنت بقولك ..انا كلمت البنت عنك وقالت تبي تشوفك وتتكلم معك...اي...احنا محنا بالبيت احنا بمطعم بيت التنور...تجينا...خلاص بنتظارك؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,وصل مطلق بعد اكثر من ثلث ساعة قضتها دارين بربكة وسكوت لين وصل وسلم على الكل واستئذن انه يقعد معها بطاولة ثانية وقاموا اثنينهم...
ظلت ساكتة لفترة طويلة وهو يبتسم وبس...
تنهدت وقال سلامات....
رفعت عيونها له شوي شوي..وبعدين نزلتهم...حست ان ابوها واخوها واختها يناظرونها وحتى اذا ماكانوا فهم قريبين حييل منها...
مطلق وش بغيتي تتكلمين فيه ياقلبي!!!
تنهدت وماقالت شي...
مطلق برومنسية بعدك عندك شك في اني خطبتك؟
دارين بتبرير ام وليد قالت انك تبي بنتها؟
مطلق وانتي بزر كل شي تقوله ام وليد تصدقينه!!
دارين حاسة اني خايفة..
مطلق من الارتباط فيني!!!
دارين من الوضع كله...اهلك مايبوني!
مطلق انا ابيك وهذا الاهم!!وبعدين منو قال اهلي مايبونك؟عمتي ماتعني الكل يادارين؟
دارين بيجينا وجع راس كثير؟
مطلق انتي ليه قاعدة تلفين وتدورين قولي اللي تبينه بصراحة؟
دارين بتنهيدة ابي الامان منك يامطلق..
مطلق بهمس ذايب انا اموت فيك...انا اعشقك يادارين...اوعدك تكونين مرتاحة معي.,,,وش تبين بعد!!
تنهدت وسكتت...
مطلق بهمس مشتهي....
قاطعته بسرعة ابوي بنفس المكان اللي انا فيه يامطلق؟
ابتسم بخبث وقال بس انا ماقلت وش اللي مشتهيه بالضبط؟
دارين بخجل ادري فيك بتتهور وتقول كلام ماصخ؟
مطلق طيب عنادا فيك ..كنت بقول مشتهي نملك ها الليلتين وش رايك انتي!!
دارين مدري.....
مطلق خلاص قولي لاابوك انك موافقة وانا بحدد معه ها اليومين ولاتعترضين طيب,,,
هزت راسها بالموافقة وتنهد بارتياح,,,
اشوفكم بكرة على خير ان شاءالله,,,
هههههه اي والله شاطرين بدمج البارتين مع بعض علشان ماانزل ههههه عجبتيني ياطلع القمر عرفتي الاجابة الصحيحة,,,
انا ماقلت لكم اني بنزله بس بالنهار يعني مالي وقت ثابت انزله فيه بس انتوا تعودتوا الفترة اللي راحت تلاقونه قدامكم بالنهار...
عموما يسلموا على اهتمامكم وسؤالكم وها المشاعر ماهي غريبة عليكم ياحلوين,,,
يالله قراْة ممتعة ولاتنسوا بصمتكم وراها,,,
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك