رواية من أعماق أحضان مجنونة -55

رواية من أعماق أحضان مجنونة -55

اروى ناظرت في بشاير بحقد ولفت لهم زينة تكلم اروى ماشفت مريم عزتني لاامس ولااليوم؟مع ان الوالد الله يرحمه كان عاز مقدارها ومعلي شانها...استثقلت تعزينا فيه؟

اروى أي بس هي بالامس جت يوم طلعوا الناس..تعرفينها انتي ماتحب الزحمة والقعدات هاذي؟

زينة بشدة أي بس الواجب واجب....كاهي دخلت البيت وعزت مشاري وطلعت!!ماعرفت تعزيني انا بعد!!

نسايم بتاْ ييد أي والله وانتي الصادقة يانسايم مالها سالفة ومالها حجة ولاعذر...يعني اقل شي تسويه لكم انها تلازم معكم بوقت العزا...

لفت زينة عنهم وشالت لها مصحف تقراْ فيه..

ولفت اروى بغضب لنسايم انتي ليه توقفين معها ضد مريم؟

نسايم بخبث لازم نوقف معها مو ضدها..انتي مو شايفة نفسيتها كيف قالبة من توفى ابوها..اللحين هي تبي أي احد تحط الحرة فيه وتتهاوش وتزعل وتتعب..خلنا نهذر عن بعض بس مانعطيها مجال انها تتعب والكل يحط اللوم علينا..

اروى بتفكير أي والله معك حق...

بشاير هزت راسها بااسف واخذت لها مصحف تقراْ فيه,,,

كان احمد طالع من العزا ووليد طالع والتقوا بالنص...

احمد مافي سلام ولاكلام..

وليد وش تبي اقولك ان شاءالله,,,,

احمد انا اخوك الكبير ياحظي,,,,

وليد أي وماقصرت بعد!!!تركتني ومااهتميت!!

احمد وانا شكو.؟انت اللي غلطت وانا اتحمل غلطتك؟

وليد بحقد بكلمة منك كنت تقدر تطلعني مو تشوش ابوي ضدي وتخليه يتركني مرمي اربعة ايام ولايسال فيني..

احمد بتعب مع اللي صار لك لاتعلمت ولاتاْدبت ياوليد.,...

وليد بقوة ولابتعلم ولابتاْدب انت شكو بالله؟

احمد لاترفع صوتك علي انا اخوك الكبير حط لي شوية احترام لو بالاماكن العامة...

وليد انا مو معترف فيك اخو..

ناظره احمد بغضب بس ماعلق ومشى عنه كم خطوة ..

وليد روح لاابوك اطلع معه وامشي معه وين ماراح ووين مايجي...وكانك لاشخصية ولاهم يحزنون؟

احمد لف له وقال بحدة لمى اطلع مع ابوي بالمناسبات وبالايام العادية حتى اكون بلاشخصية؟

وليد باحتقار تكفى لاتقولي بر الوالدين مابر الوالدين ماابي اسمع ها الحكي...

احمد هذا يسمونه رد جميل لسندي بالحياة ورفعة راس لي انا...

الحمدلله امشي جنبه وهو عن يميني واقول لكل الناس ان هذا الرجال هو اللي رباني وكبرني وعلمني وخلاني شي بالمجتمع...واني مازلت اتعلم منه مهما كبرت...

فاطمة يمه..

ام مطلق نعم يمه....

فاطمة بقولك شي..

ام مطلق شنو...

فاطمة وماتعلمين احد....

ام مطلق لا..شنو..

فاطمة اخاف تعلمين بس؟

ام مطلق خلصيني اكلي فطورك....

فاطمة ماابي...مو حلو هذا الاكل....

ام مطلق وشنو تبين بالله؟

فاطمة ابي ليز الحاااار....

ام مطلق لامايصلح من الصبح ياكلون ها الخرابيط؟

فاطمة زعلت منك....

فاطمة ماما احنا بنقعد هنا ولابنروح عند امي؟

ام مطلق والله مدري يايمه....

فاطمة احسن نقعد هنا انا ماابي اروح عند امي هناك خالي صلاح دايم يصارخ علينا!!!

ام مطلق اذا تزوج ابوك يايمه اقنعوه تظلون معنا انا مااقدر استغني عنكم يايمه...

فاطمة زين.....احنا بعد نبي نظل هنا....

ام مطلق الله يجعل اللي فيه الخير ان شاءالله...

فاطمة ماما..منهي اللي حرقت صدر عمي جراح تعرفينها؟

ام مطلق شنو؟

فاطمة وهي تاْشر على صدرها عمي جراح مو هنا فيه حرق بصدره وفيه شاش وضمادات..

ام مطلق من متى؟

فاطمة من امس....

ام مطلق انتي شفتيه؟

فاطمة أي وقال لي انها هي السبب....

ام مطلق انتي ماتعرفين اسمها؟

فاطمة لا....

ام مطلق وماقال لك شي عنها..

فاطمة مدري...قال كلام مافهمته تعرفينه هو يحب يهذر واجد ولدك ويفكرني افهم له....

هالة بهمس علامك سرحانة؟

دارين ولاشي....

هالة هذا كله علشان الباشا رايح دبي وتاجلت الملكة كم يوم؟

دارين انتي شعرفك انه رايح دبي...

هالة هو قال لاابوي الصباح انه رايح دبي.....

دارين تنهدت وسكتت...

هالة شفيك....بتغيرين رايك؟

دارين السالفة مو كذا...

هالة اجل شنو....

دارين اخته نسايم نظراتها لي مو طبيعية...

هالة انا هالانسانة ماحبيتها من اول ماشفتها ولاارتحت لها بالمرة....

دارين شسوي,,,

هالة اطلبي منه سكن خاص ومنفصل عنهم هو مقتدر وماالمفروض يرفض لك ها الطلب...

جت ريم وجلست جنبهم..

هالة تاخرتي..

ريم بتعب احمد الله يحفظه قال بيرجع شوي يريح....

هالة وشلونه..

ريم بخير....

هالة وانتي شخبارك..

ريم تنهدت الحمدلله..

دارين احنا ماعلينا منك اهم شي ولد اخونا لايصير فيه شي....

ابتسمت ريم وابتسمت لها هالة,,,,

ابو احمد مشاري يبى تعال اجلس بحاكيك شوي..

جلس جنبه مشاري بتعب....

ابو مشاري حط يده على كتفه وقال اللي فقدته انت ابو يامشاري وانا اخ عزيز وصديق غالي مابلاقي مثله...

ابيك تعتبرني بمنزلته ومايردك الا لسانك وقت اللي تحتاج أي شي ياولدي يامشاري..

مشاري تسلم ياعمي ماتقصر...

ابو احمد انا ادري فيه الله يرحمه ماراح الا يوم علمك الشغل كله بس انا بستلم عنك الشركة ها اليومين لين ترتاح وتنظم امورك انت واختك ...

مشاري عمي لاتحرجني...

ابواحمد وبلغ زينة بعد لاتخلي بخاطرها شي...

خلها تجي وتعلمني بكل اللي تبيه وتتمناه...

مشاري بتعب اختي تعبانة ياعمي تعبانة...من يوم سمعت الخبر وهي مصدومة...لادمعة ولا زعل مافي غير الصدمة وبس....

ابو احمد لانها مو مصدقة الخبر يامشاري بعدها...بكرة ترجع لعقلها وتلاقيها رجعت طبيعي..

مشاري احسها بتنفجر باي لحظة ياعمي...ووقت اللي بتنفجر مدري شبيصير فيني..

ابو احمد لامافيها الا العافية ان شاءالله...

مشاري بتمتمة ان شاءالله...

ريم يعطيك العافية..

احمد الله يعافيك....

ريم كيف كان عزا الرجال اليوم...

احمد زحمة بشكل مو طبيعي...

ريم أي الله يرحمه معارفه ماهي قليلة....الله يرحم ويغفر له..

احمد ان شاءالله...

ريم كيف مشاري ونفسيته..

احمد والله اذا تبين الصدق ماهو بخير...لأو ماهو رجال لقيتيه انهار..بس مشاري شديد ...وقوي...

ريم بتنهيدة عكس اخته...الصدمة بعينها للحين وماهي مفارقتها...احس وقت اللي بتطلع منها مدري شبيصير لها....

احمد الله يسهل عليها...

ريم احمد...ابي افاتحك بموضوع...

دق جواله وكان غسان اللي متصل وظل يسولف معه...

ريم في بالها ياترى اللي بسويه صح ولاغلط؟انا ابي ارضي ضميري وبس مهما كان ومهما جرى,,

ام جراح وين كنت اليوم؟

جراح بالعزا..

نسايم بحدة ابوي قال انك رحت العزا شوي بس وطلعت..

جراح أي كان عندي شغل ورحت اخلصه,,,

نسايم شنو؟

جراح وانتي شكو؟

ام مطلق تعال جنبي..

قام من مكانه وقعد جنبها....

ام مطلق جراح انت محترق؟

جراح سكت وماعرف يعلق بشي..

ام مطلق يعني صدق محترق..

جراح شي صغير مايسوى,,,,

ام مطلق بشوفه..

جراح بنرفزة وش تشوفين بس يمه...

ام مطلق ابي اشوف الحرق اللي على قولتك مايسوى,,,

جراح رجال طول بعرض تبين اوريك؟

ام مطلق جراح...

جراح يمه انا كنت رايح مع مطلق الورشة و..

ام مطلق بعصبية لاتكذب علي ياجراح...

سكت جراح وظل يناظرها ونسايم عدلت قعدتها تسمع السالفة باهتمام....

ام مطلق منها صح..

جراح منهي؟

ام مطلق بعصبية ذيك البنت اللي قلت لنا مرة عنها انها تركتك؟

جراح بعصبية يمه شها الكلام؟

ام مطلق تلاحق وحدة متزوجة ياجراح؟ماتستحي.....

جراح يمه..

ام مطلق زوجها اللي حرقك؟

قالتها وهي تناظره وقامت من مكانها وتركته بروحه مع نظرات نسايم اللي تناظر باستفهام,,,,,

دارين كانت قاعدة بغرفة زينة ودق جوالها وكان مطلق اللي متصل..

ناظرت بالباب وبالجوال..

زينة تحت مع اخوها ومابتصعد لهااللحين ومطلق دق وهي مشتاقة له وتبي تسمع صوته...

تنهدت وردت عليه بهمس الو...

مطلق بنفس همسها عن منو متخبية وماتبينه يسمعك تكلمين؟

دارين بخجل مو عن احد؟

مطلق وليه تحكين بهمس؟

دارين لاني مو بالبيت انا راقدة عند زينة...

مطلق اخ يازينة...يابختك...قمري نايمة عندك .....

دارين بخجل اسكت..

مطلق بهمس مو ساكت وش بتسوين؟

دارين متى وصلت؟

مطلق صار لي اربع لخمس ساعات بس توقعتك تكونين بالعزا فما دقيت لك...

دارين كيف الجو هناك..

مطلق بسخرية اكيد مو ثلوج وامطار....

دارين لاالجو العام..

مطلق والله بنات حلوين رايحين جاين قبالي....

دارين أي تتهنى عينك..

مطلق ههههه ياغيورة,,,,

دارين ابدا ابدا ولااغار ولاهم يحزنون...

مطلق يعني اناظرهم بكيفي ماتزعلين..

دارين لاابدا ليه ازعل....هذا حقك..

مطلق بزعل ماتحبيني؟

دارين بعناد لا...

مطلق زعلت منك....

دارين أي يالله باي اجل...

مطلق شوف اللي ماتستحي....

دارين مو تقول زعلت....

مطلق زعلت يعني تراضيني..مو تقولين لي باي....

دارين مااعرف اراضي....

مطلق اعلمك وش ورانا....

مشاري راحت دارين؟

زينة لافوق بالغرفة....

مشاري وشخبارك انتي اليوم؟

زينة بتنهيدة الحمدلله...

مشاري زينة انا جنبك يالغالية....

زينة مشاري ابوي صدق مات ولاانتوا تمزحون وهو مسافر؟

ناظرها باسى وتقرب منها وحضنها...

مشاري اطلبي له الرحمة يازينة..

زينة بصدمة كيف راح بدون مايودعني؟لمنو تركني بها الدنيا ؟منو وصاني عليه...

مشاري حضنها بقوة وهو يمسح دموعه بشماغه زينة لاتكسرين ظهري بها الحكي تكفين؟انا وين رحت يالغالية...انا جنبك وبظل جنبك..

زينة بصدمة انا مو مصدقة ان ابوي توفى يامشاري...احس انه حلم وبقعد منه باي لحظة!!!

جراح الحمدلله على السلامة...

مطلق الله يسلمك...بس غريبة مالك بالعادة تتصل فيني تحمدني السلامة...

سكت جراح..

مطلق أي عدل قول ان في شي مضايقك...شفيك..

تنهد جراح بقوة وقال مطلق...

مطلق يانعم....

جراح ابي مفتاح الشقة؟

مطلق بصدمة شنو؟

جراح سمعتني ابي مفتاح الشقة لبكرة بس....!!!

اشوفكم بكرة على خير ان شاءالله,,,,

هلا وغلا فيكم,,,

ههههه معليش سامحوني على الوقت بس والله نومي مقلوب فوق تحت ها اليومين

البارت التاسع والستين,,,,

مطلق تبي الشقة؟ليه؟؟

جراح بتعب عندي شي....

مطلق بحدة عندك شي بالشقة؟شنو؟

جراح بتعطيني اياها ولالا؟

مطلق جراح...ماهي قضية بعطيك اياها ولالا..القضية انت ليه تبيها؟

جراح ابي اقعد فيها كم يوم....ابي افكر بروحي...

مطلق وش عندك ان شاء الله تبي تقعد يعني بروحك؟

جراح بتنهيدة تعبان ومتضايق...

مطلق والسبب مفهوم..الدكتورة هالة؟

تنهد جراح وماعلق....

مطلق انت بدل الشقة عندك عمارتين ياجراح وش معنى تبي شقتي انا!!!

جراح ماابي مكان باسمي ويدل علي...ابي شي غير..

مطلق والله اني مو فاهمك ياجراح وش تقول....

نسايم انتي ماتعرفينها؟

فاطمة لا...

نسايم تذكري يمكن انه جاب سيرتها ولااسمها قدامك وانتي ناسية؟

فاطمة بنرفزة يو.....قلت لكم مااعرف اسمها؟؟؟يعني بكذب انا!!

ام مطلق خليها عنك...انا سئلتها وقالت لي نفس الكلام....لو كانت تعرف كانت قالت لي...

نسايم لا يمه هي اكيد سامعة الاسم منه وبالمرة والمرتين والثلاث بتتذكره..

فاطمة لامو متذكرة شي؟انا اصلا مااعرف أي اسم علشان اتذكره؟وبعدين روحي سئلي عمي جراح وش اسمها وريحي حالك بدل ماتسئليني انا!!!

نسايم ماابي اسئله ابيك انتي تقولين لي!!

ام مطلق بنرفزة خلاص يمه نسايم اتركي فطوم تروح تلعب وبلا ها الاستجوابات اللي مامنها فايدة؟

نسايم يمه فطوم عارفة بس ماهي متذكرة..

فاطمة هاذي اللي بتجنني؟؟؟كل مااقول لها ماادري ومااعرف قالت تذكري....وش اتذكر بالله!!!عمرك شفتي احد يتذكر شي هو مايعرفه اصلا!!!

نسايم طيب بسئلك سؤال ثاني.....هو قال لك شلون حرقته هي مدري زوجها؟

احمد أي حبيبي وش كنا نقول...

ريم بنعس صباح الليل..خلصت مكالمتك؟

احمد أي توي خالص...

ريم ماصار ذا تلفون يااحمد..طولت!!

احمد مشكلة لاصرت الاخو الكبير....

ريم عدال يالاخو الكبير...

احمد الا انتي ليه نعستي بسرعة كذا!!!

ريم شسوي بعد يا قلبي..ولدي تعب وقال لي ماما خلينا ننام نرتاح...

احمد أي وخلي البابا يولي عنك؟

ريم هذا قوله مو قولي..

احمد ياسلاااام...مؤامرة شرسة بين الام وولدها....ينامون ويتركون البابا اللي يحبهم بروحه؟

ريم بصدق اذا هو يحبهم مرة...فهم يدفعون عمرهم كله بس علشان يرضى عنهم!!!

تنهد وتقرب منها....

قال برومنسية انتي عندك شك في اني احبك..

ريم ابدا والله....

احمد ريم حاسك تبين تقولين شي....قولي انا اسمعك..

ريم بحساسية احمد انت تحبني..

احمد طبعا ياغلاي....

ريم واذا طلبت منك طلب تسويه وماترفضه..

احمد وش ماكان ها الطلب يالغالية.....اسويه وانا عيني مغمضة...يكفي انك انتي اللي طالبته!!!

بشاير جراح....ممكن اكلمك شوي....

اكتفى بانه يناظرها وبس...

دخلت وجلست جنبه وقالت بالم شلونه؟

قال بتنهيدة وهو شبه سرحان واحد متوفي ابوه شبيكون لونه بالله يابشاير؟

تنهدت وبانت فيها دمعتين وقالت بغصة انا تعبانة ياجراح,,,مو قادرة افكر بشي معين....احس ان كل شي مشوش ومضطرب عندي.....

اللي جاي اصعب من اللي راح بكثير.,,,,

وعمتي ام وليد راسمة عليه وتبي ترده باي طريقة لبنتها....

وانا موعارفة شسوي ولاشقول,,,,

زينة امس تقولي اذا شفتوا لكم فرصة بعد العزا علشان ترتبطون لاتتركونها تضيع منكم,,,,,

وهو يوم اشوفه كان تعبان ومتضايق ومهمو م وقال لي بشاير انا محتاجك...وانا وربي محتاجته كثر ماهو محتاجني وابي اظل جنبه واواسيه بس شسوي....

قول شي ياجراح لاتظل ساكت!!!

جراح بتنهيدة انا اللي فيني مكفيني يابشاير ومو قادر افكر بشي زيادة؟

قالت وهي تناظره هالة سبب الحرق اللي فيك ياجراح صح؟

ماعلق واحترمت هي سكوته ومازادت كلمة وحدة,,,

غسان ابد والله بس ما كنت فاضي...

ناريمان بنرفزة ماصاروا خوات ذولا اللي من تنزل لهم تطنش كل الدنيا ورى ظهرك؟

غسان للعلم بس انا ماجلست مع خواتي بروحنا من نزلت!!!بس بقولك شي ياناريمان...خواتي والقعدة معهم يسوون الدنيا ومافيها؟

ناريمان بنفس اللهجة أي تتهنون في بعض....

تنهد وماعلقت...

وبعد فترة سكون قال عمي بومشاري...

بزعل قالت شفيه؟

غسان بالم عطاك عمره امس...

بصدمة قالت شنو؟

غسان .............

ناريمان بانحراج كبير وانا اللي اقول وش عنده مطنشني ومو مهتم فيني!!!اثاريك كنت بالعزا وانا.....استغفر الله العظيم....الله يرحمه ويصبر اهله...

غسان ان شاءالله.....

ناريمان بانحراج اكيد بكرة بتكون بعد بالعزا....اتركك ترتاح وادق لك بعدين..تصبح على خير....

غسان بدون اعتراض وكاْنه يبي ها الشي يصير وانتي من اهله....

سكرت السماعة ورمى جواله على الطاولة وباله مشغول ومشوش باشياء كثيرة.....

نسايم,,,ناريمان,,,زينة,,,,الصورة بمخيلته مو قادرة ترسي على شي معين ولاتفكر بشي؟؟؟

جراح يمه....,,

وقفت عند باب غرفتها وقالت بدون نفس نعم وش تبي...

جراح بلعثمة يمه,,,يمه شفيك؟

ام مطلق بصرامة مافيني شي.....

تنهد وماعلقت بشي...

وقال بارتباك يمه انا...

ام مطلق انت شنو ياجراح قولي!!!انت من صدقك تلاحق وحدة متزوجة؟

جراح ماهي متزوجة يمه..هي..

ام مطلق انت قلت قبل انها تركتك وراحت لغيرك؟

جراح بعلثمة لا يعني ماتركتني....

ام مطلق وحدة عرفت غيرك بحياتها وش تبي فيها؟

تنهد بقوة..

قالت بدون رحمة هاذي يوم شافت خيرك وعزك وفلوسك قالت ترجع لك من جديد وترجع لحياتك....

جراح بالم ماهي محتاجة فلوسي يايمه....

ام مطلق اجل وش تبي بالله!!

جراح باندفاع يمه انا احبها...انا ابيها من زمان....

ام مطلق بصرامة قلت لك..وحدة حطت غيرك في بالها بيوم من الايام تشيلها انت من تفكيرك سامعني؟

قالتها ودخلت غرفتها وتركته بروحه وبتنهيداته اللي مالية صدره,,,,

اليوم الثاني,,,,

طلعت للسيارة وكان متسند على سيارتها,,,

يوم شافته تنهدت ها الجراح متعبها فعلا متعبها.....

قالت بحدة وهي تتقرب للباب نعم..خير.. في شي من صباح الله خير؟

شال نظارته من عليه وقال وهو يعتدل بوقفته أي فيه..

هالة لاتقولي بنتكلم مابنتكلم تراني مو فاضية لك...

جراح بغيت اقولك وفري على نفسك روحة المشوار اليوم ....

هالة بسخرية وليه ان شاءالله مقدم لي طلب اجازة؟

جراح بشماتة وانتي الصادقة طالب لك نقل ..

هالة نعم!!!

جراح اقولك لاتروحين.....

حقرته ودخلت السيارة وهو يهز كتوفه ويقولها بكيفك لاتسمعين كلامي وروحي ولاتهتمي....بس على فكرة هذا تنبيه بس انك ماتحطين بالك وبالي من جديد!!تراني جراح اذا حطيت احد في بالي انزع الفرح من حياته وانتي بعيونك شفتي وش سويت مع علي ومع وليد؟

هالة بقوة ماتهمني...

جراح طيب....

مشت سيارتها وهي طول الوقت تناظر هل مشت سيارته ورى سيارتها ولالا بس ماقدرت تلمحها لان جراح كل يومين ثلاثة مغير السيارة...

تنهدت يوم وصلت باب المستشفى ودخلت....

راحت توقع وهناك عطوها خبر ان مدير المستوصف يبيها..

دق قلبها..معقولة يكون كلام جراح صحيح....!!

يوم دخلت على المدير قال لها بدون أي مقدمات وهو يسلمها مجموعة اوراق علشان توقع عليهم عندك نقل للجنوب يادكتورة هالة...

هالة بصدمة نعم!!!

مدير المستوصف لاتخافين عندك ثلاثة ايام تنظمين امورك فيهم والسكن بيكون تابع المستشفى العلم اللي بتروحينه..

هالة لحظة لحظة...خل افهم اول السالفة,,,,

المدير مستشفى ابها العام طالب دكتورة اسنان تغطي عندهم لمدة شهرين وكلمنا مدير الصحة وطلع الاختيار عليك...

هالة وليش يكون الاختيار علي انا!!

المدير لانك الجديدة بينهم والصغيرة..

هالة بذمتك هذا سبب!!

المدير والله عاد انتي كنتي ماخذة اجازة مفتوحة لمدة خمسة شهور و..

هالة بعصبية كانت اجازة استثنائية وبدون مرتب...

المدير ممكن ماتناقشين لان انا مايخصني اسمك وصلنا من فوق مخصوص ,,,,

هالة بعصبية انا اعرف يخلون الوحدة تغطي مستشفى ثاني بس بحدود المنطقة مو بمنطقة ثانية...هي بشرق وتروح جنوب؟

المدير سلمها الاوراق ورفع سماعة التلفون يكمل تلفوناته وماكانها واقفة قباله وهي كتمت عصبيتها ها المرة اللي عارفة ان السالفة كلها مالها غير سبب واحد والاكيد انه جراح!!!!

يتبع ,,,,

👇👇👇

تعديل المقال