رواية من أعماق أحضان مجنونة -54
احمد مايمزح بكذا امور...
جلس على كرسيه بنفس الصدمة اللي سمع فيها الخبر....
وتقرب منه احمد وركع عند رجله وقال بمواساة وهو يحط كتفه على رجله يبى...هذا شرع الله وكلنا ماشيين على نفس الطريق....قوم...ترى مشاري محتاج وقفتك يبى لاتتركه ولادقيقة تكفى...يالله قوم...
كانت جالسة ومبسوطة وتبتسم لنفسها بدون أي اسباب...
ودخل وهو مو عارف كيف ينقل لها الخبر..
زينة قالها بصوت راجف وهو متمني تكون سمعته علشان لايضطر يعيدها لانه مو قاوي ينطق بحرف واحد...
بس ماسمعته..واضطر يعيدهامن جديد وهو يرفع صوته شوي علشان تنتبه لها...
ماكان قادر حتى يتقدم خطوة وحدة لقدام...
زينة..زينة..
التفتت له اخيرا وقالت بمرح شفيك؟شكلك طالع من حرب داحس والغبراء؟
لاتقولي مريم مسوية شي جديد بعد!!
مشاري ببكي وهو يمسح دموعه بشماغه ابوي يازينة ابوي....
زينة ابوي؟؟شفيه؟
مشاري بانفجار مات يازينة مات...راح وفارقنا وتركنا بها الدنيا بدون مايودعنا يااختي!!
قامت من مكانها ووقفت قباله وقالت بحدة تمزح يامشاري؟
مشاري ببكي وهو يضمها لصدره لاماامزح يازينة ماامزح...ابوك راح وتركني مكسور...راح ومحد فينا كان جنبه....راح لرحمة ربه يازينة راح...
زينة بصدمة كان معي قبل ساعتين يامشاري...راح يزور بومحمد بالمستشفى وقال بيرد؟انت شتقول؟
مشاري زينة ...صدقي يازينة صدقي....مافي شي اسمه بو مشاري خلاص؟ابونا الغالي راح؟
ظلت بنفس صدمتها ومانزلت منها دمعة وحدة وابتعدت عن حضن اخوها ووقفت قبال النافذة تناظر بصدمة وبدون ماتتكلم ولاتدمع ولاتقول أي شي زيادة؟؟؟
بشاير جراح علامك مدخلني الغرفة..
جراح سكر الباب ووقف..
بشاير بخوف صاير شي...
جراح بتنهيدة وبحزن بشاير الاعمار بيد الله..
بشاير بخوف والنعم بالله..
جراح وكلنا امانات وبنرجع يوم لخالقنا..
بشاير بصدمة وهمس منو؟قول بدون ماتحط لي مقدمات تخوفني وترعبني زيادة....
جراح بو مشاري....
جمدت مكانها....وناظرت بالارض....ونزلوا دموعها وقالت بغصة بو مشاري....
جراح وهو يضمها هذا شرع الله يابشاير...
بشاير قامت تبكي وقالت ببحة مشاري متعلق بابوه ياجراح...حييل علاقتهم قريبة من بعض...مدري شبيسوي اللحين...
متضايق حييل اكيد.....
جراح كلنا رايحين يابشاير كلنا...
بشاير ببكي اكبر ابي اشوفه واعزيه ياجراح....
جراح اللحين مابتشوفينه وين تشوفينه بس يابشاير ؟اللحين وراه عزا ورجال وقومة وقعدة...بس لك علي اظل معه للنهاية وبس اشوف وقت فراغ وفرصة ادق لك اخليك تعزينه...
بشاير انا بروح لزينة العزا ياجراح....توها البنية قبل يومين فاتحة معي علاقة جديدة علشانه ماابي اتركها بها الوقت ياجراح...
ضمها لصدره اكبر....
وقامت تبكي بشكل اكبر وهي تتذكر سوالف مشاري مع ابوه اللي كان يحكيها لها....
هالة الموت حق علينا ياريم..
ريم وهي تمسح دموعها.... عارفة ياهالة عارفة...بس انا شفته يموت قبالي....
تنهدت هالة ودارين بعدها تبكي وكملت ريم بنفس الزعل والدموع كان واقف مع احمد ويسولف معه وفجاْة طاح ياهالة...
كانت تبي تقول ووصاه على زينة بس قطعت ها الجملة وقامت تبكي...
وقامت لها هالة وحضنتها...
هالة بمواساة وهي تمسح دموعها خلاص ياريم خلاص...انتي عندك بيبي والزعل والضيق ماهو زين لك...هذا الطريق كلنا ماشيين فيه...الله يرحمه برحمته..مافي يدنا غير ندعي بالرحمة والمغفرة له وبس....
ريم بتنهيدة الله يرحمه...
دارين ببكي مو قادرة اروح ياهالة...
لفت لها هالة وقالت دارين...
دارين وهي تمسح دموعها كيف بدخل البيت ومابشوفه كيف؟بالعادة يهلي ويرحب فينا؟؟
اليوم بيته فاقده ياهالة؟
هالة الله يرحمه يادارين مو زين كذا...يالله قومي لبسي قومي...
دارين ببكي اكبر ولاني قادرة اشوف زينة ياهالة...شلون بشوفها...وهي منهارة؟ماابي ماابي...
هالة يالله يادارين لاتاْخرينا..المفروض احنا نكون معها بها الوقت مو نتركها ؟
ريم انا بعد مو قادرة اشوفها..
هالة شوفوا على ماتتفقون بكون انا رحت قبلكم لان تاءخيرنا والله ماله داعي!!
ام وليد الحمدلله على سلامتك..
وليدبنرفزة هذا اللي قدرتي عليه...
ام وليد انت ماشفتني..والله ماتركت احد ماترجيته علشانك؟شتبيني اسوي بعد!!
وليد أي صح وطلعت انا بعد!!!.اصلا لو ماسالفة ابو مشاري كان مافكروا يطلعوني!!
ام وليد ماعليه يايمه....انت بعد زودتها..
وليد بحدة انا ولد اخوك مابتركه ولابنساها له سمعتيني؟
ام وليد اتركنا من جراح اللحي وخلنا بالمهم؟
وليد أي مهم انتي بعد!!
ام وليد المهم سالفة بو مشاري وموته...
وليد أي...
ام وليد ابيك تتقرب من مشاري وزينة ..
وليد اللحين هو مو مطلق اختي؟شحقه بعد اتقرب منه؟
ام وليد الخير كله اللحين عنده وعند اخته واللي يتقرب منهم هو الكسبان والربحان الخير؟انا بحاول ارد اختك له واقربهم من بعض بس لو ماقدرت تكون انت تقربت من زينة وكسبت قلبها...ناخذ نص ولانخسر الكل؟فهمتني؟
سكت عنها وهو يفكر...
ام وليد زينة حلوة والكل يبيها وفوق هذا كله فلوس وخير ولاابو ولاام يعني اذا اخذتها انت الربحان ياوليد...
وليد انتي رايك كذا...
ام وليد طبعاً علشان كذا تقوم اللحين وتتحمم وتلبس وتروح لهم العزا وتصف مع مشاري للنهاية وبعدين تروح معه للبيت علشان تعزي زينة وانا بكون هناك وبقولك وش تسوي....
ابو احمد بتعب مشاري يبى...
مشاري ببكي انا خايف على اختي ياعمي...
ابو احمد وهو يمسح دموعه مشاري يايبى....هذا شرع الله....
مشاري دمعة مانزلت منها...احسها مو مصدقة...
صايرة مثل المصدومة....انا خايف تجمع الحزن بقلبها وتنفجر بعدين وتطيح علي طيحة ماتقوم منها الا بقدرة رب العالمين....
ابو احمد تنهد وماعرف شيقول....
احمد وهو يمسح دموعه مشاري....اسمح لي ابي اكلمها واعزيها..
مشاري تنهد...
احمد قبل لايتوفى وصاني عليها..
مشاري بحدة زينة رفضتك يااحمد وابوي كان بيبلغك بها الشي...
ظل ساكت فترة طويلة وبعدها قال ماعليه يامشاري ابي اعزيها واواسيها بكلمتين...
تنهد مشاري ودخل يسوي طريق لااحمد....
,,,,,,,,,,,,,,,,,,,,,,,,,,,,,,,,,
زينة...
كانت لابسة عبايتها وعاطية الباب ظهرها وواقفة قبال النافذة تناظر بالمجهول,,,
كانت بروحها....
جاها احمد من وراها ولفت له تناظره بعد ماكلمها...
احمد بحزن زينة....عظم الله اجرك.....وترى كلنا رايحين من ها الدنيا...
ماقالت شي وظلت تناظر بولاشي..
ونظراتها كلها صدمة اللي مو مصدق.....
احمد زينة....ابكي....لاتتركين الحزن بقلبك....ترى مو زين.....
زينة بصدمة وصوت هادى انت جاي تواسيني بموت ابوي يااحمد...
تنهد وقال زينة لاتصيرين بها البرود...انا عارف ان الخبر ذابحك...ابكي لاتكتمين الحزن مو زين...تتعبين بعدين....
زينة بنفس البرود وانت شكو يااحمد...
احمد بتنهيدة ابوك الله يرحمه...
قالت بسرعة بس بنفس الهدوء انا بلغته اني ماابيك وان مابينا نصيب....
احمد اتركينا من ها الموضوع بنتكلم فيه بعدين...
روحي مع الحريم ياازينة انا موصي خواتي عليك...بس شيلي قناع البرود والجمود اللي حاطتهم واذا بقلبك حرقة طلعيها لاتكتمينها يازينة...
لفت عنه وناظرت بالمجهول من جديد بدون ماتذرف دمعة وحدة.....
دخلت من الباب المغرب وهي توها رادة من بيت بو مشاري علشان تبدل وبترجع لهم بعدين... وكان هو توه بيطلع وشكله مستعجل ومن شافها عند الباب وقف ووقفت هي وصاروا قبال بعض...
ترددت تساله عن الحرق ولالا؟
بس حست انها بتكون غبية لو سئلته شنو يعني تذبحه وتمشي بجنازته!!
وفهم هو ترددها وقال بهمس ماهو بخير ابدا...الحرق كان كبير وانا مااتنازل عن حقي ابدا!!
قالت بحدة وعصبية اعلى مابخيلك اركبه؟
جراح وهذا انا رايح اركبه....وبما اني بقدم عليك بلاغ حرق وانتي حرمة بيستدعون ولي امرك واللي مشغول بعزا صاحبه؟
هالة بحدة ابوي ماله شغل سامعني...هالوقت بالذات لاتحط نقرك من نقره لانه بجد متضايق وتعبان...
جراح أي بس انا ابي تعويض...
هالة بحدة انت اصلا اساس السالفة...بقولهم كل مانطيت بمكان لقيته يمشي مثل ظلي!!
جراح وين الاشكالية؟
هالة انك تتحرش فيني؟
جراح تحرشي معك بالكلام بس!!وانتي حرقتيني....اختاري اروح له ابوك اللحين ولا تالي الليل اجيه...انا وليد وهو ولد عمتي وماهمني...
هالة بتنهيدة وش تبي؟
كانت تبي تنهي السالفة بسرعة وتشيل من باله فكرة انه يروح لاابوها لان بها الوقت بالذات هي عارفة نفسية ابوها ومو حلوة تزيد عليه بسوالفها بعد!!
جراح لايبيلها قعدة وتفاهم وانا مستعجل...فيني امرك بكرة المستشفى ونتكلم...
مشت عنه بدون ماتقول او تعطيه أي موافقة او رفض واعتبر هو سكوتها موافقة,,,
اشوفكم بكرة على خير ان شاءالله...
البارت السابع والستين
,,,,,,,,,,,,,,,,,,,,,,,,,,,,,,,,,,,,,,
طلعت ام وليد يوم يدق عليها وليد ويقول لها انه ومريم برى علشان تدخلهم يعزون زينة اللي كانت قاعدة بروحها بعد ماطلع الكل ومابقت الا دارين اللي صعدت فوق تبدل ثيابها وتنتظر زينة بغرفتها لان زينة اكيد بتقعد مع اخوها شوي...
وحده مشاري كان واقف بالحوش يناظر بالبيت اللي تركه صاحبه بدون أي وداع او سابق انذار,,,
دخلت مريم ووقفت معه بالحوش ومادخلت معهم لزينة..
لف يوم سمع احد يناديه...
وكانت واقفة وراه...
مريم عظم الله اجرك....
مشاري اجرنا واجرك....
مريم .................
مشاري .................
ظلوا ساكتين فترة طويلة ..وقطعت مريم الصمت يوم قالت بغرور انا ممكن اتغاضى عن اللي سويته وارجع لك؟
ناظرها بدون مايقول شي وبعدها لف عنها وعطاها ظهره وقال ماله داعي تسامحيني وتتغاضين عن شي انا ماسويته؟لاني ماابي ارد,,,,
تركها ومشى عنها..لين طلعت مع امها واخوها ودخل ولقى زينة جالسة بنفس مكانها......
مشاري تقرب وجلس جنبها وحط يده على كتفها وقال بحنية حبيبتي شفيك؟
غمضت عيونها وقالت بغصة راح الانسان اللي يحبني بها الدنيا يامشاري.....
مشاري ضمها وقال وانا شنو يازينة انا شنو؟انا ابوك واخوك وصديقك وكاتم اسرارك وكل شي يالغالية....
انا بظل معك علطول ومابيفرقنا شي يااختي,,,
رجع البيت بعد ليلة طويلة ومتعبة وكئيبة,,,
وكاْن رجع علشان يحضر عزا عمه بومشاري,,,,
لف على المطبخ الخارجي علشان يدخل منه لانه نسى مفاتيحه ,,,
غسان...غسان....
لف يوم سمع صوت يناديه.....
يوم شاف نسايم واقفة قباله ظل يناظرها وهو ساكت....
نسايم قلنا نتحمد لك بالسلامة ..
غسان بشوية حدة انتي وش تبين؟
نسايم قلت لك جاية اتحمد لك بالسلامة وبس!!!
لف عنها وقال وغيره؟
نسايم وعلامك تكلمني وانت عاطيني ظهرك؟
غسان بحدة اكبر لانك مضيقة خلقي..كل مارحت وجيت لقيتك واقفة قبالي!!!
نسايم شكلها ماتملي عينك غير ناريمان وبس!!والباقيين يضيقون خلقك؟
غسان أي ناريمان؟
نسايم انت تدري ماله داعي تسوي روحك مو فاهم؟
لف عنها وقال وهو يمشي مااحب السوالف اللي مثل كذا واذا عندك شي قوليه بالنور مو بالظلام وبروحك؟
نسايم بعصبية انا تكلمني وانت تمشي ياغسان؟طيب بتشوف والله لاادفعك ثمنها غالي وانا نسايم؟
قالتها وقال وهو متنرفز سوي اللي تقدرين عليه محد رادك؟
ام وليد وبناتها كانوا قاعدين مع ام مطلق وبناتها,,,,
ام وليد الخير كله راح لمشاري اللحين,,,
ام مطلق أي والله يتهنى فيه,,
ام وليد عاد انا قلت اذا مشاري قال بيردها ماراح اعترض وهي بتسامحه وبترضى وبتنسى اللي صار؟
نسايم ضحكت بخبث لانها عارفة موقف مشاري من مريم اليوم,,
ام مطلق والله عاد بتطلع غلطانة اذا ماتغاضت عنه وسامحته هذا اللحين راعي الحلال...ورث الحلال كله..
ام وليد وهذا اللي انا قاعدة اقوله مو معقولة مشاري راعي الحلال واللي اللحين اخذ الشركات والمصانع والفلوس كلها ولاعنده لاام ولاابو ولااخو يناشبه ويطالبه بشي يروح لغيرنا واحنا اولى فيه...
بشاير تنهدت وكتمت الف دمعة بداخلها من ها الخناجر اللي جالسة تسمعها منهم,,,,
حطت كاْس العصير اللي جابته على الطاولة وجلست جنبه...
مسح دمعة كانت نازلة منه وقالت له بهدوء يبى...
قال بتعب والم كان انسان عزيز وغالي علي ومحد ياخذ مكانه ياهالة....
ياما واساني ..وياما وقف معي وقفات ماانساها....
هالة يبى هذا الطريق كلنا ماشيين فيه....
ابو احمد بتعب راح وانا مارديت له أي جميل من جمايله علي؟
هالة يبى بو مشاري ماكان يبي منك شي..لاتقعد تلوم وتتلوم بحالك..وبعدين عياله عندك..اعتبرهم امانة ولاتنساهم....
خذ مشاري وعلمه وفهمه كل اللي يحتاجه بالشغل وبالحياة وبكل شي....
تنهد ابو احمد وقال مازعلت بحياتي الا يوم فقدت امك الغالية ياهالة,,,,
وهو الوحيد اللي وقف معي....
الوم يوم اني فقدته ماحولي احد يواسيني؟
هالة بزعل لاتقول ها الحكي يايبى,,,معك احمد..معك غسان..معك انا...كلنا معك يايبى,,,الله يخليك لنا ويطول لنا بعمرك....
تنهد بو احمد وماعلق وشالت هي كاس العصير وعطته اياه,,
هالة يبى اشرب ترى عصير الليمون بيريح اعصابك,,,,,
بعد ماطلع من الحمام واخذ له حمام سريع طلع وصلى له ركعتين...
وراح الغرفة ولقاها واقفة قبال النافذة تناظر بالظلام ودموعها بعينها...
ناداها مرتين وماسمعته لانها سرحانة,,
تقرب منها وحط يده على كتفها ولفت له مفزوعة..
احمد بخوف اسم الله عليك...لو ادري فيك سرحانة ماضايقتك؟
ريم تنهدت وماعلقت,,,
تقرب منها وقال بحنان اكلتي لك شي لو بعدك على لحم بطنك من الصباح؟
ريم بتعب مو مشتهية شي يااحمد...
احمد لامايصير ياعمري واللي في بطنك...
ريم تنهدت...
احمد بروح اسوي لك شي تاكلينه وبرد..
تعلقت بكتفه وقالت لاماابي تكفى اوقف جنبي ولاتتركني...
ضمها لصدره بقوة وانفجرت بالبكي,,,,
احمد مسح على شعرها وقال بمواساة ياعمري خلاص هدي,,
ريم ببكي الرجال كان واقف قبالي مافيه شي وفجاءة طاح ..بغمضة عين..
احمد هذا شرع الله يابنت الحلال...
قامت تبكي وهو يمسح على شعرها وقالت احمد..
احمد عيوني..
ريم وهي تبكي بغصة زينة يااحمد زينة....امانة عندك من ابوها وانت ااْمن من يصون الامانة؟
اليوم الثاني الصباح,,
في بيت بومشاري..
نزلت زينة وبيدها عبايتها وكان مشاري جالس بنفس مكانه,,,
زينة مشاري..انت ماقمت؟
مشاري صباح النور...
زينة هلا,,,,نمت ولالسه جالس؟
مشاري جافاني النوم يازينة ....قمت وتحممت وصليت ورديت مكاني.....راحت دارين؟
زينة راحت تبدل وتجيب لها كم غرض وبترد....
مشاري امممم...
زينة في وحدة جاية تسلم علي وتعزيني وتعزيك...
وقف مشاري بمكانه,,,,,
وطلعت زينة لبشاير اللي كانت جاية وسلمت عليها.... ودخلت معها..
بشاير انا اسفة يازينة ماقدرت اجي امس مع الجماعة بس..
زينه بهدوء لاعادي..ماقصرتي....
توها بتتكلم لقته قبالها...
بس كان غير...غير في كل شي...
ذيك الوسامة والحلاوة والغمازات حل محلها ضيق وهم وكدر وزعل,,,,,
قالت وعيونها بالارض احسن الله عزاك....
تنهد وقال بتعب اجرنا واجرك,,,,,
ظلت تناظر بالارض وعيونها غرقانة دموع وقال بتعب بشاير....انا تعبان ومتضايق.....انا محتاجك بجنبي يابشاير......
قالها وطلع وانفجرت بالبكي وراحت لزينة اللي كانت جالسة بصدر الصالة وجلست جنبها وحضنتها,,
زينة قالت لها بتعب والم اخوي فعلا محتاجك يابشاير جنبه تراه تعبان حييل....
بشاير اذا جتكم فرصة ترتبطون بعد العزا لاتترددين..
بشاير ببكي السالفة كل مالها تصعب وتصعب زيادة يازينة...والله تعبانة ومو عارفة شسوي,,,,
اخذت عبايتها ونزلت تركض على الدرج وهي تنادي بقوة غسان...غسان..غسان...
لايكون سواها وطلع عني..والله اذبحه,,,
راحت للتلفون اللي بالصالة وشالته تدق على رقمه ويوم سمعت صوت مطلق نزلت السماعة,,,,
مطلق ببتسامة واذا راح خله يروح....انا موجود اوصلك وين ماتبين,,, يبى اصير سايقك...
نزلت السماعة ورفعت عيونها شوي شوي...وشافته جالس بالصالة,,,,,
دارين بصدمة وش تسوي....
مطلق مااسوي شي....
دارين وليش قاعد في بيتنا...
مطلق حط رجل فوق الثانية وقال جاي ازور خطيبتي وين المشكلة؟
دارين بس انا ماصرت خطيبتك للحين؟
مطلق كنتي بتصيرين لولا ها الظرف...بس هذا مايمنع ان كل اللي في البيت يعرفون ها الشي؟
شالت عبايتها ولبستها بسرعة يوم شافته يناظرها ويناظر جسمها وهو يبتسم...
مطلق وقف وتقرب منها وقال بهمس ليه تلبسينها بس كنا مبسوطين؟
دارين بحدة وهي خجلانة من قربه لاتتقرب مني اكثر يامطلق لو سمحت...
مطلق وانا وش بسوي يعني؟
دارين بارتباك مدري....
مطلق تنهد بحرارة وقال بهمس طول موضوعنا ياقلبي..
دارين وعيونها بالارض روح...
مطلق انا جاي اسلم عليك وبس لاني ماشي بعد شوي وحبيت اني اشوفك قبل لااروح..
رفعت عيونها شوي شوي وقالت وين بتروح..
مطلق بثقة المغرب....شايف لي بنت حلوة وبتزوجها؟
قالت بحدة تتهنى...الف مبروك..
ضحك وضحكته حلته زيادة وقال ابد مافي تفاهم ولاغيرة..ولا في انت لي لوحدي!!روح تزوج؟
دارين بثقة اللي يعوفني ومايبيني ماابيه!!
مطلق طال عمرك انا رايح دبي من زمان وانا مفكر افتح فرع لمعرضنا هناك وجايني اكثر من موقع بروح اشوفهم وبشوف وش ارسي عليه..
دارين مطول يعني....
مطلق خمسة الى ستة ايام....بس اخلص شغلي بنزل....
دارين امممم
مطلق توصيني على شي يالغالية...
دارين أي..
مطلق طلبي روحي يابعد روحي واجيبه انتي بس تدللي...
دارين انتبه على نفسك وارجع لي بالسلامة يالغالي...
ابتسم لها ونزلت راسها بالارض تداري دموعها...
في المستشفى بعد ماانتهى الدوام,,,,
وقف جنب سيارتها وطلعت هي وهي واصلة للنهاية من التعب,,,,
جراح مشينا؟
لفت له وشالت نظارتها الشمسية تناظره وقالت بحدة شنو؟
جراح احنا مو متفقين ان احنا نجلس نتكلم مع بعض؟
فتحت باب السيارة ودخلت بدون ماتقول له أي كلمة زيادة
اشوفكم بكرة على خير,,,,
هلا وغلا فيكم كلكم...
اشوف في شكاية على ان البارتات قصيرة هههههه تبون تنذبحون ههههه لاماعليه اليوم البارت بيعجبكم طوله وسامحوني يالغلا على كل تقصير يجي مني....
البارت الثامن والستين,,,,
هالة لبست نظارتها الشمسية ودخلت السيارة بدون ماترد عليه واتكى هو على نافذتها وقال احنا مو اتفقنا ان احنا نتكلم؟
هالة بدون نفس انا مااتفقت مع احد....
جراح بضيق هالة انا امس قلت لك..
هالة بحدة انا ماقلت لك تعال اوقف عند المستشفى لين اطلع من دوامي وكلمني..
جراح ووين اوقف ولاانتظرك بالله؟
هالة بدون نفس قول اللي عندك يالله..
جراح لامااتفقنا على كذا ياهالة؟
هالة بحدة احنا مااتفقنا على شي اصلا ياجراح؟شوف بروحي تعبانة ويادوبي طالعة من المستشفى ويالله الحق على العزا فلا تعطلني زيادة لاني يادوبي اروح ابدل واروح...
تنهد بعمق ولفت عنه للجهة الثانية...
جراح بزعل متى يعني,,,
هالة بنفاذ صبر جراح اتركني امشي وبعدين قول اللي تبيه بكيفك..
اللحين فعلا ماعندي وقت...
تنهد وابتعد عن النافذة ومشت السيارة ووقف يناظر في سراب سيارتها اللي مشت وهو يتنهد ويقول بغصة ياليتك بلهفة جراح تحسين ياهالة ياليت!!!
في العزا
نسايم واروى جلسوا جنب بشاير اللي كانت قريبة من زينة...
نسايم بهمس موكانك جاية بدري اليوم؟
بشاير بنفس الهمس لاني ماجيت امس معكم ...
اروى شكلك بتبدين صحبة جديدة مع زينة....كان خطبتيها لمطلق بدل ماتخطبين له بنت العراقية؟؟
بشاير بقهر وضيق بس بهمس وانتي الصادقة مفكرة اخليها لجراح نسايم مشجعتها لجراح مو لمطلق ؟
سكتت اروى وهي تناظر بنسايم بقهر شلون يعني؟وش تقصد اختك بكلمتها؟
نسايم بهمس ماتعرفين بشاير شقد تغار من قربي منكم وتتمنى تكون معنا..ومن تتضايق تجيب كلام على لساني ماصار؟هي بالذات جراح مو قادرة عليه لانها عارفة هو وش يبي وياما عرضت عليه صاحباتها بس ماقدرت عليه,,,
اروى ناظرت في بشاير بحقد ولفت لهم زينة تكلم اروى ماشفت مريم عزتني لاامس ولااليوم؟مع ان الوالد الله يرحمه كان عاز مقدارها ومعلي شانها...استثقلت تعزينا فيه؟
اروى أي بس هي بالامس جت يوم طلعوا الناس..تعرفينها انتي ماتحب الزحمة والقعدات هاذي؟
زينة بشدة أي بس الواجب واجب....كاهي دخلت البيت وعزت مشاري وطلعت!!ماعرفت تعزيني انا بعد!!
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك