رواية من أعماق أحضان مجنونة -57
البارت الواحد والسبعين ,,,,
بروحها ريم كانت واقفة بنص الشقة ودموعها مالية وجههها....
كل ماتجي ترفع جوالها تدق عليه تلاقي جواله اللي طلع وتركه بمكانه وترد الجوال على الطاولة وهي تمسح كم دمعة.....
يمكن ان احمد فهمها غلط؟ويمكن هي ماعرفت تفهمه من الاساس؟
ماتدري...
بس الاكيد ان بالها مشغول عليه...
من طلع صار له اكثر من ساعة....
ماتدري وين راح وهو بها النفسية السيئة؟
شبيقول احمد اللحين؟شنو بيفكر؟
انها ماتحبه؟انها مستعدة تعطيه لااي وحدة تصادفها بالطريق؟؟
ها الشي مو صحيح بس كلام بو مشاري قاعد يكبر بداخلها لحظة بعد لحظة وماتبي تكتم ها الشي وماتصارح احمد فيه؟
تنهدت بقوة وهي تناظر ببطنها...
معقولة يفكرني ابوك ياولدي اني بتخلى عنه؟ولاان حبه بقلبي شي عادي؟
هالة كانت بحالة انهيار شديدة...
كلام جراح لها بها الوقت فجر فيها مشاعر الايام اللي فاتت...كل شي كانت تكتمه وتكابر عليه بالفترة اللي راحت طلع اللحين وقدامه وبحضنه؟
ليش هو دون غيره ماتدري؟؟؟
كل اللي تعرفه انها اللحين بحضنه....
وانها مو واعية للي حوالينها...وان كلمة انتي ماراح تكونين ام ترن بااذنها ؟؟
جراح بهمس هالة اسمعيني...
رفعت له عيونه ودموعها تخالطوا بالمطر وخلوها تكون كئيبة جدا وذابلة...
جراح برقة وخوف انا احبك...
بانهيار قالت عطني جوالي...
جراح بقوة ليش؟علشان تكلمين علي..
هالة ببكي برد له...عيشتي مع علي ولااني اموت بها البيت كل يوم وكل ساعة وكل دقيقة وانا اسمع ها الكلمة من الكل؟
تنهد بقوة ومسكها بقوة اكبر وهي نصها غرقان بالمطر وقالت اتركني..ابعد....
جراح هالة...انا مو قصدي....انا عارف اني غلطت بس صدقيني ماكنت ابي اجرحك....
كنت شنو؟كنت شنو؟
قالتها وهي ماسكته من ياقة ثوبه وتبكي بحرقة...
وكملت بعصبية اكبر ودموع اكثر ماكنت تبي تجرحني؟اجل وش كنت تبي؟اذا مو شماتة شنو ياجراح شنو؟
جراح انتي ليه في بالك اني اتشمت فيك؟؟؟انا اكثر واحد بها الدنيا راضي ومقتنع بالقدر اللي باخذه ياهالة...
هالة بدموع جريحة شفت...هذا انت رجعت لشماتتك من جديد...
قاطعها بقوة وقال اسمعيني بس...
هالة بانهيار ماابي اسمعك ماابي...اكرهك...اكرهك...من اليوم اللي عطيتني فيه السلسلة وقلت ذيك الكلمة وانا اكرهك...؟اتركني بحالي ماابيك....
انا عارفة انك تكرهني وماتحبني وقاعد تسوي كل شي تعاندني وتضرني فيه؟لكن لاياجراح لا...مو هالة اللي ينقص عليها بكلمة احبك؟
انا اكبر منك وعقلي ماهو مثل عقلك...
مثل ماجرحتني بظل اجرحك...وبتشوف...
قامت من وسط حضنه رغم انه كان ماسك يدها بقوة وقالت له وهي تمسح دموعها فاشل...جبان.....وبتظل فاشل ياجراح....
لملمت باقي كبريائها اللي انكسر قدامه ومشت...
دخلت داخل وتركته بروحه تحت المطر.....يناظر ساعة بطيفها اللي مشى وساعة بالمكان اللي طاحت فيه...وساعة بحضنه اللي كانت فيه؟؟؟؟
بملل قالت اروى لمريم اللي تروح وتجي بالغرفة ترى ضيقتي خلقي بقومتك وقعدتك وش عندك ان شاءالله؟
مريم ابي اسوي شي؟
اروى شي مثل شنو؟
مريم مشاري....
اروى شفيه؟
مريم ابي ارده....
اروى وهي تضحك بصوت عالي شنو يعني تبين تردينه؟
مريم مدري...ابي يرد لي باي طريقة؟
اروى مو على اساس انك انتي اللي ماتبينه ومايلزمك وبتاخذين سيد سيده...؟وش اللي صار؟
تنهدت مريم وماردت...
اروى أي طريقة شلون يعني....اكيد مو فيها ابوي لان ابوي مستحيل يعرضك على مشاري اللي لو يسويها بياخذك بدون أي اعتراض على ابوي؟
مريم بقهر ام محمد تعرفينها؟
اروى أي ام محمد؟
مريم ام محمد ماغيرها...اللي تقرب الرجال من مرته؟
سكتت اروى وظلت تناظرها...
مريم بثقة زوجي ولازم يرجع لي....وبدفع أي شي علشان ارجعه.....اي ثمن يااروى أي ثمن......؟؟؟
مطلق رسل لها رسالة(لاتقولين نايمة لاني ادري فيك صاحية مو نايمة)
ردت عليه وهي تبتسم(وش عرفك اني صاحية مو نايمة)
ماعطاها مجال ودق علطول وضحكت يوم تشوف اتصاله ويوم ترد عليه كانت بعدها تضحك...
مطلق بهمس فديت الضحكة وراعيتها...
دارين بدلع كيف عرفت ياذكي اني لسه مانمت!
مطلق بسيطة..
دارين اممم كيف..فهمني....
مطلق بثقة مابيجيك نوم وانتي تفكرين فيني؟
سكتت وماردت عليه بس تنهدت...
مطلق بهمس شفتي ان كلامي صحيح وانك تفكرين فيني...
دارين بهمس متى بترد ترى طولنا.....
مطلق تنهد بحرقة وقال اشتقتي لي..
بدون تردد قالت طبعا....وجودك بالبيت يريحني كثير....
مطلق قلبي انت .....نازل لك صدقني نازل لك..
دارين مطلق بلا عيارة اذا ماعندك شغل تعال ترى بجد افتقدك...
مطلق ياعمري انت...والله اني ابي ساعة قربك قبل لاانت تبي ساعة قربي....صدقيني بختصر اشغالي كلها بها اليومين وبنزل علشان نملك واخذك معي واكمل كل شي براحتي وانتي قربي...
تنهدت وماردت عليه.....
نسايم شتسوين؟
بشاير رفعت راسها وقالت ولاشي...اكتب واشطب....مافي شي مهم...
نسايم بالي مشغول...
بشاير بشنو؟
نسايم بمطلق...
بشاير فديته مكلمته انا قبل ساعة ياحليله مافيه الا العافية....
نسايم ادري مافيه الا العافية اخوك ابو سبعة ارواح ماينخاف عليه...
بشاير بضيق نسايم وش ها الحكي...
نسايم بنت العراقية؟
بشاير دارين؟
نسايم واكو غيرها؟
بشاير شفيها؟
نسايم ماابيه ياخذها؟
بشاير ليه؟
نسايم لان مو هذا مستوى اخوي...
بشاير نصيحة يانسايم.....اتركي جراح ومطلق بحالهم ويقررون حياتهم مثل مايبون وبدون تدخل منك....
نسايم بقوة انتي اطلعي منها ومن وجه الخير اللي مسويته لهم...انا ابي مصلحتهم...بنت العراقية داخلة عليه وهي طمعانة فيه وفي فلوسه؟
بشاير البنت بنت عز وابوها عند خير واخوها ماهو قليل...ليه حاطة في بالك ها الشي عاد؟
نسايم انتي ماقلتيليتي هي وش تبي بواحد عنده ثلاث بنات بالله؟
بشاير مطلق رجال مايعيبون بناته يانسايم...
قامت نسايم وهي تهز راسها انتي الحكي ضايع معك اصلا...بس وين بتروح مني بنت العراقية بخرب عليهم قبل لايتم بينهم أي شي وانا نسايم؟؟؟
احمد بروحه كان قاعد قبال البحر...
قبال المكان الوحيد اللي يعطيه اسراره بدون خوف ولاخجل....
عارف انها شاغلة بالها فيه...
وعارف انه هي ماقالت هالشي ونيته سيئة...
ريم بسيطة جدا وحبها له كبير...بس موت ابو مشاري قدامهم وكلامه لااحمد خلوها تحمل ها الشي في بالها...
تنهد وهو ينفض عن ثوبه الغبار ويحط شماغه على كتفه ويمشي...
لازم تروح يااحمد وتكلمها...ريم حامل وتعبانة وتلاقيها ميتة خوف عليك...
فهمها ان مافي شي بالدنيا ممكن يبعدها عنك وعن قلبك...وانك متفهم تفكيرها...
بس ماراح تتملكك حرمة ثانية غيرها مهما صار.....
ركب سيارته وراح الشقة ويوم فتح الباب كانت واقفة بالنص وعيونها مغرقينها من الدموع تقدم منها ببطء واشواقه حارقته اصلا...
من شافته رمت نفسها بحضنه وقامت تبكي بصوت عالي..
ريم من بين دموعها تفكر اني مااحبك؟تفكر اني ابيك تروح لغيري يااحمد؟
حط يده على راسها وقال لها وهو يضمها اهدي اهدي...ماصار شي انا عارف بشنو تفكرين...
ريم بدون مقدمات احبك....وعلشان اللي في بطني انا احبك زيادة....احمد...
حط اصبعه على فمها علشان لاتقول شي وهو يتنهد...
احمد برقة ريم تعالي ارتاحي وبعدين بنتكلم...انا عارف انتي وش بتقولين وعارف انك ماعرفتي توصلي احساسك صح...وعارف ان ضميرك يوجعك...صدقيني ياريم انا عارف كل شي...وعارف انك عارفة ان قلب احمد مافيه الا ريم بس بعيدها لك من جديد ..قلب احمد مايبي الا ريم؟؟؟
صباح اليوم الثاني,,,,
كان جراح بخيمته اللي ماتحرك منها من البارح وهو عيونه مابين مكانها اللي كانت تبكي فيه وبين باب بيتهم اللي يمكن انه يلمح طيفها فيه لو انفتح ,,,,,
ظل يتنهد بقوة وهو يلوم نفسه بلللي قال لها الامس وكيف اننه جرح مشاعرها بكلمته,,,,,,,
ماكان يبي يقسى عليها بس مايدري ليش عاندها وقال لها ها الكلمة..؟علشان تبقى معه وقت اطول؟ولاعلشان يشوفها ويمتع نفسه بشوفتها قدامه حتى وهم يعاندون بعض؟؟
مايدري...كل اللي كان يعرفه انه مقهور..متضايق...مخنوق...ومو عارف وش يسوي..
يبي يتطمن عليها...
صحيح انها قبل لاتقوم كملت له بداية اللي هو سواه واستفزازه لها بس بعد يدري انها انجرحت منه وجرحه لها كان كبير...
كان لازم يمسك نفسه ومايجيب طاري العيال ابدا مهما كان.....
تنهد بقوة وغمض عيونه ومافتحهم الا وهو يسمع صوت فطوم تغني جنبه قلب قلب قلب قلب...
جراح بضيق شبغيتي؟
فاطمة شفيك؟
جراح تنهد وقال بتعب ولاشي بس ابي اظل بروحي؟
فاطمة ليه؟مايصير,,,
جراح فطوم خليني بروحي حبيبتي وانا اذا رقت بجيك اسولف معك..
فاطمة قلت لك مالازم تقعد بروحك....
جراح ظل يناظرها بدون مايتكلم..
فاطمة ولاكاْنها تسمعه قلب قلب قلب..وين وين...
قال بدون مرح خربتي حتى الاغنية؟
فاطمة ببراْة هههههه
ابتسم لضحكتها وقال بدون مقدمات فطوم انتي مرتاحة ومبسوطة..
هزت كتوفها وقالت مدري.......
اليوم وعلى غير العادة قاك وليد من نومه بدري..
رغم انه لادوام ولاوظيفة ولادراسة ..جالس عطالي بطالي وقت نومه ووقت قعدته بكيفه...
بس يمكن من كثر مافكر في بشاير البارح وكيف انه لازم يوصل لها باي طريقة صحى بدري علشان يشوفها او على الاقل يكون سوى خطوة اولى بدل ماينتظر انها تجيه من السما؟؟؟
وكان حظه ضارب....وبالقوة بعد ..
لان السايق كان مطلع السيارة يوم يسئله وليد وقال له انه بيوصل بشاير الجامعة؟؟؟
تبسم ابتسامة خبث ونصر بينه وبين نفسه...
السالفة ماطولت وجته اسرع من اللي هو متوقعه؟؟؟
صرف السايق للسوبر ماركت وركب هو مكانه وافكاره كلها رايحة لمكان واحد...
وين يوديها اذا اخذها من البيت؟
الشاليه اللي بالجبيل؟؟؟ولا الشقة اللي بالخبر حقة صاحبه؟؟؟
الجبيل بعيدة شوي ومو ضامن الطريق بس الخبر اسلس...
وفي غمرة افكاره اللي انقطعت مرة وحدة دخلت بشاير السيارة؟؟؟
اشوفكم على خير بكرة ان شاءالله ياحلوين,,,,
معليش اسفة للتاْخير...
اصلا نسيته وزين تذكرت قبل لااانام ههههه
البارت الثاني والسبعين,,,
ابو احمد زينة بالمستشفى؟
ام وليد أي ويعني وش تبيني اسوي لها؟
ابو احمد وش ها الحكي اللي توي اسمعه؟
قالت بلااهتمام وهي تقولب بالمجلة اللي بيدها ان شاءالله تبيني ازورها بعد؟
ابو احمد ووين الغلط بالله؟اشوف الاول تركضين لها؟
ام وليد يوم ان اخوها طلق بنتي اشوفها سكتت وماعلقت وكاْنها راضية؟
ابو احمد بعصبية لاتخلطين الامور في بعض ياام وليد...وبعدين هم مااتفقوا....لازم يعني يكملون؟
ام وليد بعصبية والله الناس مايعرفون شنو يعني مااتفقوا؟؟؟وكل اللوم بيطيح على البنت وبيقولون لو ماشاف فيها شي ماتركها؟
وهو حضرته بيطلع منها باردة مبردة وبيتزوج وحدة وثنتين وعشر وماهمه شي؟
ابو احمد انتي شتبين توصلين له ياام وليد؟
رمت المجلة وقالت شوف يابو احمد...انت واقف معهم وقفة محد يوقفها حتى الاهل....تارك حلالك على عيالك ومداري حلالهم!!عاطيهم وقتك واهتمامك...واول جزى جاك منهم قال لك مشاري ماابي بنتك؟
انا اقول الناس لسه ماعرفت انهم انفصلوا ومحد عنده خبر الا احنا وانت اذا قلت له بنتك تبيه وتعال خذها مابيقول لك لا ابدا؟؟؟
البنت سمعة ومدامه تركها وهم ماتزوجوا تاْكد ان نصيبها بينقطع مليون بالمية ومحد بيجيها والسبب ولاشي ...بس قلة وفا منه لك؟
هو بيعيش حياته وبنتك بتنحرم من حياتها والسبب كلمته اللي اقنعتك بلحظة...مااتفقنا يااعمي؟
اذا صاروا في بيت بيتفقون...
وخل مصلحة بنتك تهمك لو شوي بس ياابو احمد وفكر بكلامي زين....
قالتها وقامت عنه وتركته يفكر بروحه بكلامها,,,,
نسايم هلا وغلا بلللي قريب تصير زوجة اخوي الغالي؟
قالتها يوم شافت نسايم دارين طالعة من بيتهم رايحة الجامعة ووقفت مكانها ...
ظلوا يناظرون في بعض بدون أي كلمة زيادة...
نسايم باحتقار اقول لايكون مفكرة نفسك صدق بتاخذين مطلق وترتبطين فيه؟تراه يلعب بعقلك حلاوة يابنت العراقية؟
بحدة قالت دارين وانتي ليه خايفة علي؟؟مو انا بنت العراقية بالناقص مايجيني؟
نسايم قلت اقولك علشان ابري ذمتي لااقل ولااكثر....
شوفي اذا مفكرة ان حضرته رايح دبي تجارة وشطارة فاانتي غلطانة تراه رايح يتونس مع ذيك اللبنانية المزيونة وطبعا مابتصدقيني؟
ابوك رايح اليوم حسب ماسمعت وانا تعمدت اجي اعطيك خبر علشان اعطيك فرصة تشوفينه بعيونك وبدون محد يقولك....وانتي قرري بكيفك؟
قالتها ومشت عن دارين ودخلت لداخل بيتهم وتنفست الصعداء....
من قامت تفتش بغرفة مطلق اللي شالت مفتاحها من امها بالخلسة وهي تحوس باغراضه وشافت عقد زواجه من يمنى وهي ترتب للموضوع هذا؟
صدق العقد قديم والتاريخ بعد قديم وانه طلقها بس بعد ماهي خسرانة بالمحاولة ابدا..
مسكت جوالها تدق على يمنى تاْكد عليها وتتفق معها.....
يالله يادارين الباقي عليك لازم تروحين وتتركينه للابد!!!
صباح الورد والحب...قالها احمد ولفت له ريم وتركت كل شي بيدها وتقربت منه وباست خدوده وسندت راسها على كتفه وقالت صباح الحب حبيبي....
قال وهو يلعب بخصل شعرها وش مصحيك بدري؟وش عندك ها الحوسة ماتقولين لي!!
قالت وهي مغمضة عيونها ومبتسمة اشتهيت كريم كراميل وجلست اصلح لي!!!
احمد بهمس وهو يناظرها انتي على ها الحلى اللي تاكلينه بتجيبين لنا بنت اكيد؟
قالت بنص عين ومن قال ان البنات هم الحلى عاد؟انتوا الحلى....؟
قالتها وابتسمت وبادلها ابتسامتها......
ريم بيجيك ولد؟
قالتها وحطت يده بعد ماسحبتها على بطنها؟
احمد بهمس وش عرفك لسه مااخذنا تصوير؟
ريم بهمس احساس الانثى...؟
احمد كل الهدايا اللي بتجيني منك بحبها وبتكون حلوة اكيد.....
ريم فتحت عيونها وقالت بغيرة واضحة علشان تلفت انتباهه انا وهم سوا...
احمد وهو يضحك ومسوي انه جاد أي لاني مااحب افرق واحب الكل يكون سواسية؟
ريم زين قلت لي اجل؟
احمد المهم حبي انا طالع مع غسان بعد الدوام اتغذى فلاتتعبين نفسك...
ريم احسن بعد علشان بحط راسي وبنام البارحة ماسويت فيني خير وماذقت النوم وانا احاتيك؟
احمد كله منك؟كان نمتي وارتحتي واذا جيت صحيتي وسويتي روحك خايفة علي؟
قالت وهي تضحك يبي لي اجربها معك...
جر خدها بقوة قبل لايمشي بس بعدين رجع وقال وهو يباعد خصلاتها ريم..وش سالفة شعرك مو راضي يطول ابدا!!انتي تقصينه من وراي صح؟
ريم بضحكة اقول حبيبي روح الدوام لاتتاْخر بس...
وليد في السيارة كانت ملازمته حالة هدوء غريبة...
كل تفكيره انه الباب يتسكر وياخذ بشاير الى جهنم الحمرة....
طبعا ها التفكير رادوده وهو يتخيل شكل بشاير وفي نفسه يقول,,,ان بشاير حلوة مو من شيانتها؟
فتح عيونه يوم زادت الهمهمات وناظر بالمرايا...
لقى بشاير متسندة على كرسيها...بس بنات مطلق شيخة وعايشة معها...والادهي والامر ان حرمة خاله كاهي ركبت معهم!!
أي جهنم حمرة ياوليد؟انت مع ذولا حتى الزرقة مابتروح؟
تاْفف وماانتبه انه صوته كان مسموع الا يوم سكتوا وناظروا فيه...
حس بالارتباك وتدارك نفسه وسلم على مرة خاله شلونك ياام مطلق؟
ام مطلق بصدمة وليد؟؟؟؟؟
وليد بتبرير مصطنع ومبين انه مرتبك انا عطيت السايق سيارتي يوديها الورشة...ماعليه باخذكم لمشواركم؟
ام مطلق ماعليه يمه السموحة تراه ماقال لنا...دقت له بشاير وماعطانا خبر..
وليد انا توي بدق لاامي تدق لكم لاتتفاْجئون بس انتوا سبقتوني وجيتوا...وين بتروحون؟
قالها وحرك السيارة ومشى..
ام مطلق لايمه خلاص بنخلي جراح يوصلنا لاتكلف على نفسك..
وليد لالالا خالتي عادي ماعندي شي...
ام مطلق بنقط بشاير جامعتها وبروح مع البنات المستشفى عندهم مراجعات اليوم؟
بشاير اللي كانت تقراء مسج واصلها قالت بسرعة لايمه مو رايحة الجامعة؟
ناظروها كلهم وقالت بتبرير ام منال بالمستشفى وبدخل ازورها واسلم عليها وبعدها بنزل لك بالعيادات...
وليد خلاص مو مشكلة بنتظرك؟
قالت بشماتة بدق لجراح بعدين بنسق معه باقي مشواري!!!.
دارين يبى وين بتروح؟
كانت عارفة الاجابة مسبقا بس عندها فضول تسمعها مرة ثانية.....
ابو احمد وهو يلملم اوراقه رايح دبي...في اجتماع مشاري مابيقدر يروح له علشانه مع زينة وانا بخلصه له...بس تراني مو مطول يبى الليل انا هنا...
سكتت شوي وبعدها قالت يبى خذني معك؟
قام يناظرها وماعلق بشي فقالت بتشجيع يبى انا هنا جالسة بروحي ومحد معي فمافرقت...
ابو احمد شبتسوين هناك؟
دارين بتسوق...اتركني بالمول اللي بيكون قريب من الفندق اللي فيه اجتماعك وبعدها خذني ...
سكت ابو احمد بلاتعليق....
دارين ها البس عباتي لاااْخرك يبى....
ابو احمد يالله...بس ماتقولين ابي وماابي المول القريب بتنزلين فيه وكلها اربع خمس ساعات واحنا هنا..
دارين ان شاءالله..ثواني بس وبلبس عبايتي.....
احمد أي ماقلت لي ليش عازمني؟
غسان ومايصير اعزمك يعني؟
احمد غسان لاتضيع الوقت انت قلت تبي تتكلم معي فقول انا اسمعك...
غسان تنهد وبعدها قال زينة...
رفع احمد راسه وماعرف شيقول...
غسان ابي اتزوجها....
ظل مصدوم من كلمة اخوه.....لاهو قادر يقوله انت خطبتها قبل ورفضت!!ولاهو قادر يقوله هي تحبني ومدري اذا شالتني من بالها صدق ولالا؟ولاهو قادر يقول أي شي....
غسان احمد شفيك...لايكون مفكرني باخذها شفقة عليها...لا والله ياخوي انا عمري مافكرت فيها كذا؟
بدون مقدمات قال احمد بجدية خواتك قالوا لي انك متعرف على وحدة معك بالجامعة وش اللي صار بينكم؟
غسان مسوي انه مستحي وخواتك هذولا بخور الشرقية؟زين لكن بالعقال؟منهي فيهم...الدكتورة ولااختها؟
ابتسم له احمد وقام يضحك...
غسان بجدية احمد احسها ماتناسبني...مدري هي تحب شخصيتها وتحب تعرف كل شي حتى علاقتي فيكم تبي تعرف الكبير والصغير فيها...فيها صفات ماقدرت اتقبلها ولااحسها تبي تغيرها....والشي الحلو احنا على بر مااقدر اجبر نفسي على شي انا ماابيه...المهم شرايك بزينة...
مرت وحدة وقالت لغسان انت مو سعودي صح؟
غسان نعم....
البنت انا شايفتك بقطر الاسبوع اللي فات.....الا اذا كنت مشبهة عليك...
غسان بثقة سعودي ولي الشرف...انا من احلى ارض واطهر مكان ومحد قدنا عيال السعودية...
يوم مشت البنت قال احمد وهو يبي اصلا يغير موضوع زينة قوم كفخها بعد؟؟
غسان شنو؟
احمد وش ها اللهجة الجديدة ياغسان؟
غسان مايحق لي افتخر بارضي...
احمد والله اللي انا شايفه بداية غزو فكري...واذا قدروا عليك ...فهذي مصيبة؟
سكت غسان وقال احمد بقول لك شي واسمع مني انا اخوك الكبير...يوم اني درست صيدلة بالمانيا...كانا بالشقة مجموعة اغراب..كل واحد من بلد..الكويتي والسعودي والاردني والتونسي والسوداني والامارتي....واللبناني والمصري...بس كلنا كنا قلب واحد...كلنا كلمتنا وحدة...لان احنا مؤمنين بان الرب واحد وكلنا نعبده والبيت واحد وكلنا نطوفه ونحج له؟
للحين نتواصل ومافرقنا أي شي...
اذا اليوم خلوكم تنظرونها كذا ويقولون لكم انت سعودي وانت قطري وانت بحريني...قولوا لهم كلنا خليج واحد ليه نفترق؟
كلنا مسلمين وكلنا خليج وكلنا عرب....ياغسان هذا غزو هم قاصدين منه غايات مو شريفة...كل يوم بيطلعوها لنا بنمط؟يوم خليجي وعربي..ويوم سني وشيعي..وخذ لك من اللي جاي...
انت مجتمع ياغسان واذا قدروا على مجتمع يعني قدروا على امة بحالها وخل كلامي دايم في بالك.....
ظل يناظر بااخته والتعب هالكها...
من مات ابوه وجتها الصدمة كان متوقع انهيارها باي لحظة وكاهي فعلا انهارت......
زينة بتعب خلته يرفع راسه.... مشاري مابتروح الشركة؟
قال بلهفة ابي اتطمن عليك...
زينة بنفس التعب انا مافيني شي...انا بخير ...روح يامشاري روح...
تقرب منها وقال بحنان بظل جنبك...
لا...قالتها بكل تعب....
وكملت بتعب اكبر لاتزعلني منك....الشي اللي بنيتوه انت وابوي..لازم يستمر يامشاري لازم..لاتعبي ولاغيره يخليك تهد ها الامبراطورية اللي صارت بتعبكم وسهركم وراحتكم!!تكفى...الله يرضى عليك...روح ماابي اشوفك قبالي تحسسني اني انا السبب في اللي بيصير...بس احتاج لك بدق لك صدقني...
مشى بدون مايقول ولاكلمة وطلع من غرفتها وظل في غرفة الاستقبال لاللي بالجناح حقها ماطلع منه...
كان عاطي ظهره الباب وهو مقابل باب غرفة زينة اللي تو طلع منها....
يوم سمع صوت بشاير تقول له سلامات تنهد بقوة للصوت اللي يحب يسمعه..
ولف لها وكانه ياْكد لنفسه انها وصلت مايتخيل؟
مشاري بتبرير انا اسف...اضطريت ادق لك يوم تتعب زينة ماعرفت شسوي والله..
بشاير زين ماسويت.....بشر عساها بخير...
كانت تنهيدته هي الجواب......
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك