رواية من أعماق أحضان مجنونة -58
كان عاطي ظهره الباب وهو مقابل باب غرفة زينة اللي تو طلع منها....
يوم سمع صوت بشاير تقول له سلامات تنهد بقوة للصوت اللي يحب يسمعه..
ولف لها وكانه ياْكد لنفسه انها وصلت مايتخيل؟
مشاري بتبرير انا اسف...اضطريت ادق لك يوم تتعب زينة ماعرفت شسوي والله..
بشاير زين ماسويت.....بشر عساها بخير...
كانت تنهيدته هي الجواب......
ظل يناظرها وهو يحس انه مخنوق...وهي من كثر نظراته التعبانة حست انها بتموت...نزلت عيونها بالارض وتركت لدموعها العنان يطيحون بلا أي حساب....
مشاري بهمس تعبان...
بشاير برجى مشاري تكفى....انا مااحب اشوفك بها الضعف ابدا!!هذا مو انت...هذا واحد غيرك.....عمري ماشفتك بها الحالة وبها التعب....
تنهيدته القوية اللي طالعة عن تعب خلو صوتها يعلى بالبكي...
رفعت عيونها له وشافته يبكي قالت بتعب مشاري...انت املنا...انا وهي معتمدين عليك...تكفى لاتضعف.....هي مالها غيرك يامشاري اللحين؟وانا....انا....انا...بكل لحظة اموت علشان اللي بيصير لنا...اموت اذا قربت ساعة ارتباطنا اللي يمكن مايصير...بس انه بيهدم كل شمل عيلتي لو صار؟
ماني قادرة اتصور ولاافكر باي شي...بس رغم هذا كله,,,, ابي اقولك شي...انا احبك وبظل احبك...مهما يصير ولاراح اخذ غيرك...صدقني...
قال بتعب انا مو قادر اسوي شي ,,الشركة من جهة...مو عارف شلون بديرها في غياب الوالد الله يرحمه...زينة وتعبها من جهة ثانية...مو عارف شسوي...مو عارف احميها ولااخفف عنها ولاحتى اكون جنبها واحسسها بالامان؟
الاهم من ذا كله...انا وانتي!!علاقتنا اللي مو داري لو ين بتنتهي...وهل بنقدر نرتبط ونكون اسرة مع بعض ولالا؟
حبك قاعد ينحفر بداخلي كل يوم وانا مو عارف وش السواة يابشاير...
تقربت منه تمسح دموعه بيدها وهي اصلا بعدها تدمع ...
بشاير بتعب الله يخليك الادموعك,,,تعودت عليك الهيبة والقوة مقدر اشوف ضعفك صدقني مقدر...
مسكها من يدها بالقوة وجرها لحضنه وقال بدموع ابي احضن أي احد يابشاير ..ابي احضنك..من مات ابوي وانا انتظرك تتطبطبين علي وتواسيني....محد سئلني شلونك ولاشنو ناقصك ولااي شي؟
محتاجك تكفين ظلي جنبي ولاتتركيني؟
طلعت من البيت وطلع وراها.,,,
كان يشوف في عيونها التعب والانكسار والالم والسبب طبعا يرجع له وللي قاله؟
كان متاْكد انها مابتروح المستشفى اليوم لين تقرر وش ترسي عليه وفعلا ماراحت...
دخل وراها مجمع الراشد ويوم دخلت باريس غاليري دخل هو بعد..
ظل جنبها...يبي يحرسها حتى من نفسه...
كان عنده خوف كبير انها باي لحظة تكلم علي....ساعتها شيسوي لو كلمت علي ورجعت له؟؟؟؟
بيموت!!اي اكيد بيموت؟؟؟؟
تنهد بقوة....وانتبه انها طلبت من البايع مجموعة كريمات للبشرة ويوم ابتعد البايع علشان يجيبهم لها انتبهت هي لوجوده وناظرته بنظرة حقد وسبقها هو بالكلام وقال بشماتة ماخبري لك ميول في العطور والبشرة..كل اللي تعرفينه طب وبس!!
هالة باحتقار مو رادة عليك ابدا يالفاشل؟
جراح بقوة عيديها..
هالة بثقة لو كنت تهمني كنت عدتها لك مرة ثانية بس انت ماتهمني...واكبر دليل على فشلك تواجدك معي اللحين بها المكان......وتارك الدنيا كلها وراك؟؟؟
قاطعهم البايع يوم يقول تفضلي مدام هيدا اللي طلبتيه...
هالة طيب شكرا...غلفهم واعطيني الحساب....
البايع تكرم عيونك مدام....مابدك شي تاني..
هالة لاشكرا...
البايع اهلين وسهلين...
جراح بعصبية لاوالله؟؟؟وش رايك بعد تقوم تحضنها ؟
رفعت راسها له مصدومة من كلامه وسكت البايع مكانه....
جراح يالله سويها بعد!!
البايع انا...
جراح انت شنو يللي ماتستحي...مو شايف معها رجال ولاماعاد يهمكم؟
هالة بقوة جراح خذ نفسك وامشي..ولاتحرجنا رجاءا!!
مسك يدها بقوة وقال بمشي بس انتي بتكونين قبلي؟؟
ماتدري ليش ماعارضته يوم يجرها ...هل لانها تفشلت من ردة فعله؟ولالانها حاسته واصل قمة ضغطه وماحبت الانفجار يجي بوجهها هي؟؟؟
يوم صاروا بالممر اللي كان خالي شالت يدها منه بالقوة وقالت بحدة ممكن افهم انت وش تبي توصل له؟
اني اطلعك من المحل بس بعده مدري..والله ماحسبت حساب أي شي....ولاني عارف ليش؟كان الكلام يدور براسه بس ماتجراْ وقاله....
هالة اخ جراح...ممكن تعطيني الزبدة من حركاتك واللي تبي توصل له شنو؟
جراح ارتاح نسبيا انها فتحت موضوع يلغي صمتهم وقال بثقة متى بتروحين ابها؟
هالة ومن قال اني بروح؟
جراح وش اللي يمنعك تروحين؟
هالة كيفي..محد له عندي شي...
جراح ولا علشان سالفة المحرم..
سكتت ثواني وهي تفكر في كلامه...منو قال له...معقولة ابوي؟طب ليه بيقوله؟
جراح بثقة اكبر ماهي مشكلة ابدا سالفة المحرم لانه موجود...
بحذر قالت وش تقصد؟
جراح بهمس ورغبة ماقدر يخفيها انا بكون محرم لك؟
سكتت وهي تتابع نظراته ولهفته...اللي كملها يوم يقول نتزوج...انا وانتي نتزوج واذا تبين بالسرومانقول الا لاابوك علشان يكون متطمن عليك...
بعد صلاة المغرب وتحديدا في دبي ...
كانت دارين بالمول اللي قالت لها نسايم عنه ان مطلق بيكون فيه وركبت عند المقاهي فوق..
ظلت عيونها تجول وتجول بين الناس اللي تمشي وهي تدوره بينهم..وساعة تلف على ساعتها تشوف الوقت اللي جالس يمشي وموعد رحلتهم اللي قرب ينتهي وباي وقت ابوها بيدق عليها...
تنهدت...شي سوته وتمنت انها ماسوته بس التمني و...لو مايفيدون أي شي اللحين؟
يوم شافت خياله من بعيد مقبل ابتسمت.....وابتساماتها كانت نابعة عن ارتياح لانه كان يمشي بروحه..
عيونها ظلت تمشي معه وهي تدعي ربها يحفظ له ها الطول وها الهيبة وها الشخصية,,,,
شالت اغراضها وتقدمت خطوة علشان تسلم عليه وتفاْجه بوجودها بس ابتسامتها تلاشت يوم شافت يتقرب من طاولة البنت اللبنانية اللي كان لبسها شبه فاضح وقامت تسلم عليه بغنج ودلال.؟؟؟
حست بغصة ...لابانكسار....نادته باسمه...قالت مطلق...يعني اذني ماغلطت بها الشي اكيد.....
تقدمت منه وجلست بالطاولة اللي وراه مباشرة وهو عاطيها ظهره ورفعت جوالها ودقت له.....
تجمعوا الدموع بعيونها يوم سمعته يتاْفف يوم يشوف رقمها وياءشر على يمنى تسكت..
رد عليها بضيق انا باجتماع اللحين لاطلعت بدق لك...يالله باي...
سكر وحتى ماعطاها أي فرصة تقول اللي عندها وها الشي خلى دموعها ينزلون بحرارة....
ياليتني ماحبيتك!!!هالشي بس كان يمر في بالها ها اللحظات,,,,,,
يمنى بضحكة مابدك تغير الكزبة هي يامطلق!!شو اجتماع مااجتماع ياعمي!
مطلق بنفاذ صبر يمنى خلصيني وش تبين؟
يمنى بذهول انا شو بدي يامطلق ولاانته شو بدك؟
ماكانت دارين تبي تسمع من يمنى أي كلمة رفعت جوالها وشالته تبيه يعرف انها هنا ويشوفها علشان تقوم بكرامتها...او على الاقل بالجزء اللي تبقى من كرامتها؟؟؟؟
تنهد وشال جواله ووقف يرد عليها وقصده يبتعد عن يمنى..وتقابلوا...جت عيونه بعيونها اللي غرقانة دموع وانصدم؟؟؟؟؟
اشوفكم بكرة على خير ياحلوين,,,,
البارت الثالث والسبعين,,,,,؟؟؟؟
ــــــــــــــــــــــــــــــــــــــــــــــ ــــــــ
مطلق نزل جواله بصدمة وهو يناظرها وقال بذهول كبير-دارين؟؟
ماقوت ترفع راسها وتشوف عيونه ولاتشوف أي شي....
ظل واقف مكانه ماحاول لايتقرب منها ولايبتعد ولايسوي أي شي....
وهي بعد ماتدري وش جاها ..كانت كل ماتجي تحرك نفسها علشان تقوم تلاقي رجلها مو طايعتها ....
كان راسها بالارض وهي تمسح دموعها لايشوفهم....
انقذها اتصال ابوها بها اللحظات من عيونه...
دارين وهي تتصنع الطبيعة بصوتها ـ هلا يبى.....اي...اطلع لك يعني؟يالله جاية...
سكرت جوالها ودخلته الشنطة ومسكتها بس رجعت طلعته وقامت تحوس فيه وسط استفهاماته.....
وبعدها دخلته وقبل لاتمشي وصل مسجها له....
عطيتك قلبي وندمان كثر ماكنت متساهل,,,
ومع هذا انا الغلطان جزاي وانا استاهل,,,
على يدي عرفت الحب وعرفت شلون تتكلم؟
ولاكن مااقول الا طفل مغرور وتعلم؟ا
للي ماقدرت تفهمه وهي تمشي ليش ماقال لها ولاشي وكاءنه مصدوم؟وليش اللي معه مافكرت تقوم وتقول أي كلمة ولاحتى تفضحه؟لااصلا احترمت وجودهم مع بعض وحتى ماناظرت فيهم؟في شي مو قادرة تفهمينه يادارين؟
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
هالة بصدمة اكبرـ انت شتقول ياجراح؟منت صاحي؟
انا اصحى منك ياهالة....
هالة بذهول ـ لابالله انك مجنون رسمي....
جراح برغبة اكبر ـ قلت لك انا اعقل منك ومن كل ها العالم؟
وقفت قباله وكتفت يدينها وقامت تناظر فيه باستفهام وهو متلذذ بنظراتها الحيرانة.....
قالت بعد فترة ـ انت...انت شلون قدرت تقول ها الكلمة بالله ماتقولي؟
جراح بتنهيدة ـ هذا حل مناسب لكلينا...
هالة ـ كلينا بعد؟؟؟جراح لاتربط حلولك معي رجاء..
جراح ـ انتي محتاجة واحد يوقف جنبك...
بشماتة قالت ـ وانت عطيت نفسك الاحقية تكون انت ها الواحد طبعا؟
جراح ـ لاتنكرين ان حاجتك عندي؟
هالة بثقة ـ اسمع جراح اذا السالفة علشان روحة ابها تراني مو مجبورة اروح ابدا واذا مارحت انا مو خسرانة وظيفتي ابدا!!
تنهد وسكت..
وكملت بشماتة ـ قال شنو قال اتزوجك...؟اسمعني...شدت على صوتها بقوة وغلظة وقالت ـ انت ماتسوى فردة نعالي يالتافه؟حاسب على طلباتك اللي تبيها ها المرة؟
قالتها ومشت وماتركت له مجال يرد...وظل هو عيونه مفتوحة على وسعها من كلامها السخيف ونيرانه شبت فيه....
زين يابنت العراقية زين...اذا مااكسر لك ها الراس مااكون انا جراح؟اذا مااعلمك ان غرورك هذا مايسوى شي مااطلع جراح؟
وبتشوفين؟
تنهد ومسك الحاجز القريب منه وهو يحس بخنقة...كله منك انت ياجراح؟باي طريق تبي توصل لقلبها بس وانت تتصرف كذا معها شلون؟
ــــــــــــــــــــــــــــــــــــــــــــــــــ ــــــــــــــــــــــــــــــــــــــ
ابتعدوا عن بعضهم وسط دموعهم اللي وقفت شوي وانفاسهم اللي شوي هدت...
لفت عنه بسرعة تخفي انفعالاتها وقال باعتذار ـ اسف...ماكنت بتعدى معك أي حدود بس..
قالت بسرعة ـ خلاص لاتقول شي.....
تنهد وظل واقف بعدها قال بهمس ـ انا بمشي.....بروح الشركة....اتمنى ماتقطعين صوتك عني!!
قالت وعيونها بالارض ـ بكلم جراح اذا رضى يخليني ادق لك بدق....
مشاري بلهفة ـ بكلمه انا اذا..
قالت بسرعة ـ لاماعليه ماابي احطك بالنص يامشاري.......
تنهد وتقرب منها وقال بهمس ـ عطرك نفسه ماتغير..وانا اشمه حسيت اني قاعد اغرق؟
غمضت عيونها والوانها كلها تقلبت وهمست باسمه وناداها ـ لبيه...
بشاير وهي بعدها مغمضة عيونها وهو صدره بظهرها ـ روح خلاص لاتضيعنا اكثر.....
مشاري بهمس ـ بشاير.....تحبيني؟
فتحت عيونها بسرعة ولفت له وصاروا قبال بعض ماتفصلهم الا انفاسهم...
قالت بهمس ـ لآاخر نفس بعمري بظل احبك؟
كانت رغبته بعيونه فوق كل شي حتى قبل لايتنهد وهاالشي خلاها تموت مكانها..
قربه منها بها الطرقة مذوبينها؟
اخذت بعضها ودخلت غرفة زينة بعد ماودعت عيونه بنظرات كلها حب وحنان,,,,
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
ام وليدـ انت شتسوي؟
وليد بقهر ـ انتي شتشوفين بالله؟
ام وليد ـ ها؟ علامك تحاكيني كذا ان شاءالله؟
وليد تاءفف وقام من مكانه..
ام وليد بعصبية ـ اجلس بس بكلمك..
وليد ـ خير..
ام وليد ـ لاتفكر اني ساكتة لك على سواد وجهك اللي مسويه مع ولد خالك؟
وليد ـ أي وبعدين؟
ام وليد ـ انت متى بتكبر عن ها الطيش ماتقول لي!!
وليد ـ الجديد لو سمحتي؟عطينا الشي الجديد هذا الكلام سمعناه كثير وملينا منه بعد؟
ام وليد ـ لاوالله...
وليد ـ ماراح اكبر تطمني اذا خاطرك تعرفي الاجابة؟
ام وليد بتنهيدة قهر ـ ياليتك صرت ربع اخوانك ياحظي؟
وليد باحتقار ـ وش فيهم من زود عيال العراقية؟
ام وليد بعصبية وبراكين ثايرة ـ فيهم انهم رجال يعتمد عليهم؟مو مثلك ياحظي؟
وليد بصراخ ـ رجال وغصبا عن اللي مايرضى وبتشوفين وش اسوي؟
ام وليد ـ مايحتاج شفتك شسويت مع جراح يالرجال؟
وليد بقهر ـ بياكلها يعني بياكلها ومو ساكت له ها الحقير وبتشوفين لو احرق كل اهله علشان اقهره بسويها...
قالها وطلع وتركها بنيرانها بروحها,,,,
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
شيخةـ متى بيتزوج ابوي؟
ام مطلق بدون نفس ـ والله مدري....
بشاير رفعت راسها عن كمبيوترها وقالت ـ يمه شفيك شكلك مو فرحانة لمطلق؟
تنهدت ام مطلق وقالت بزعل ـ مو من زين العروس؟
بشاير بعتب ـوش فيها عاد دارين مو ناقصتها حلاوة ماشاءالله,,,
ام مطلق بثقل ـ كل البنات حلوين جت على بنت العراقية بس!
سكتت بشاير وقامت شيخة داخل واخذت التلفون ودقت على ابوها...
شيخة ـ بابا ..
مطلق بشرود ـ نعم بابا..
شيخة ـ اشتريت لي هدية؟
مطلق بتنهيدة ـ توي داخل المول يابابا..
شيخة باعتراض ـ ياسلاام يعني ماشريت شي؟
مطلق بنفس الشرود ـ وش تبين انتي؟
شيخة ـ كل شي وعلى شرط ماتجيب لخواتي مثله!
مطلق بتعب ـ لايابابا اذا بجيب بجيب لكم كلكم سوى..
شيخة ـ حتى اذا قلت لك شي هم مابيقولون لك عنه؟
مطلق ـ شنو؟
شيخة ـ هو سر بينا وبين عمتي نسايم عن دارين اللي انت بتتزوجها؟
طاري دارين بس خلى مطلق ينتبه لكلامها عدل.....
مطلق بعصبية ـ سر وفيه نسايم وعن دارين؟قولي بسرعة؟
شيخة ـ أي بس ماتقول لعمتي انت تعرفها اذا جت تضربنا تعورنا بابا..وبعدين هي اليوم الصباح راحت لدارين وانا البارح شفتها بغرفتك شالت المفتاح من عند ماما ام مطلق بدون ماتشوفها...
مطلق بنفاذ صبر ـ بابا شيخة حبة حبة وانتي تتكلمين علشان افهم اللي صاير...
شيخة ـ طيب اسمع............
ــــــــــــــــــــــــــــــــــــــــــــــــــ ــــــــــــــــــــــــ
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
كان جالس معها وافكاره رايحة لعند غسان ماهو عارف شيقول له,,,
حتى بعد ماقاموا حاول يدخل معه باكثر من موضوع علشان يلهيه عن ها السالفة اللي مو عارف وين بتوصلهم اثنينهم....
اللي هو خايف منه زينة....هل ممكن لو ارتبطت بغسان تقوله انها حبت احمد وماشالته اصلا من بالها وان انا ادري؟
شبيقول عني؟
عارف ان البنت تحبني وماقلت له؟ويمكن يفكر اني بعد ابادلها شعورها؟طيب لو فرضنا ان هي ماقالت له هل اتركه ياخذها؟هل زينة تصلح له زوجة؟
احمد شفيك يمكن البنت تغيرت...يمكن كانت تحبك وتبي توصل لك باي طريق ويوم شافت مامنك امل رجعت لنفسها...
حرام لاتظن فيها الشينة.....
انا بكرة لازم أروح ازورهم واشوفها واشوف نفسيتها واحاول افتح أي موضوع عن غسان واشوف مدى تقبلها له.....
ريم وهي تهز كتفه ـ حمودي وينك فيه؟
لف لها وقال ـ موجود
ريم ـ جسمك بس ولاعقلك ماهو معي!!
بارتباك قال ـ من يقول؟
ريم ـ وش كنت اقول؟
ظل يناظر بعيونها ثواني وبعدها ابتسمت له وقالت ـ شفت انك مو معي؟
بحب ضمها لصدره وقال ـ خايف اقولك عن اللي كنت افكر فيه تقومين تزعلين مني وانتي صايرة مرة حساسة ودلوعة؟
ريم بجدية ـ لابتقول طبعا واترك ها الاحاسيس السخيفة على جنب احنا واحد ومابينا اسرار مو معقول تفكر بروحك وانا جنبك ومدري وش اللي يدور في بالك؟
ابتسم وقال بضحكة ـ لحقتي تسوين معلقة؟
ريم بجد ـ لاتغير الموضوع..
ناظر في عيونها مباشرة وقال باءمر وهو ياْشر على خده ـ اول تبوسيني هني وبعدين اقولك...
تقربت منه وباسته..
ريم ـ يالله قول؟
احمد ـ كيف يالله اقول انتي بستي هنا طيب وهنا بيزعل؟
قالها وهو ياء شر على خده الثاني..
تقربت وهي تهز راسها وباسته وتقربت من اذنه وقالت بهمس ـ ـ باقي بعد مكان نبوسه لايزعل ولاخلاص؟
احمد قام يضحك وقال بخبث ـ لاتطمني مانبيك تبوسين شي بس قومي ننام!
احمد؟قالتها بدلع وضحك عليها..
ريم باصرار ـ قول ياللهّ...
احمد ـ ماتزعلين؟
ريم ـ لا
احمد ـ اكيد؟
ريم وهي تناظره بخوف ـ احمد وش صاير لاتخوفني؟
احمد مسك يدها وقال وهو يناظر في راحة يدها وهي عيونها بعيونه ـ كنت افكر لو انك جبتي بنت ياام الحلى شلون بحبها مثلك مايصير؟هي بنتي واصغر منك واحلى منك لازم احبها اكثر منك.....
يوم خلص كلامه رفع عيونه لها وهي سحبت يدها منه وقامت من جنبه بعد ماصدت بعيونها عنه كاءنها زعلانة وقام يضحك ومسكها من خصرها وحطها في حضنه وقال وهو بعده يضحك ـ تقولين مابزعل؟اشوف ماتحملتي؟
ريم ـ أي حبها اكثر مني وش بيصير عاد بذبحك انت وياها؟وبعدين انا مو زعلانة لاني بجيب ولد وبموت فيه اكثر منك؟
احمد ـ ماتقدرين؟
ريم بعناد ـ لااقدر ليش مااقدر؟
احمد وهو يحضنها بقوة ـ علشان اذبحه قبل لااذبحك؟
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ
من رجعت من دبي وهي حابسة نفسها بغرفتها....
حدها بس صلت ورجعت تجلس على فراشها...
مهي قادرة تبكي ولاتنفعل ولاتسوي أي شي وكا ءن حواسها كلها ماتت؟
مطلق يحبها..ها الشي هي واثقة منه اساسا ماكان مرتاح مع اللبنانية وكان معصب من شافها؟
ونسايم ماتحبني وتبي تفرقني عنه....بس اللي ابي افهمه شلون التقى فيها هناك وليش؟
هل يبي يقطع علاقته فيها ويقولها انه بيتزوج؟ليش نسايم اصرت اني اروح وبشوف ها الانسانة مو غيرها؟
رفعت جوالها وشافت منه عشرين اتصال من نسايم ..لاوتنزلت وجت تساءل عني لوسط البيت وهي مو من عوايدها؟
شتبي؟ليش هامها الموضوع كذا!!
الغريب ان مطلق مااتصل اصلا؟وانا اللي توقعت يذبح حاله علي من الاتصالات والترجي؟
شالت جوالها وهي مقررة تدق عليه بس ردته مكانه وهي تتنهد.....
دمعت عيونها يوم شافت اتصاله بعد اكثر من ساعة الاربع من قعدتها وشالت الجوال وسط كسرتها وزعلها...
قالت الو بس بصوت خالي من أي حياة..
جاها صوته غير ها المرة....في شي غير عن كل مرة يكلمها فيها...
خليط من ضيق وتعب ونرفزة وعصبية.....
مطلق ـ الحمدلله على السلامة....
ماردت عليه ليش ماتدري رغم انها كانت بتقول الله يسلمك؟
مطلق بنرفزة ـ دارين ممكن نحكي مع بعض؟
تنهدت بقوة وحس انها جالسة تبكي وزادت حدته بذبح نسايم اول مايرجع....
دارين بغصة ـ اسمعك قول اللي عندك؟
تنهد وقال ـ مو لازم نرتبط وانتي ماتثقين فيني!!
ظل السكون طاغي على المكان فترة طويلة وماغير تنهيداتها وتنهيداته اللي ينسمعون...
بهمس قال اسمها...ـ دارين...
قالت ببحة ـ اذا قلت لك متى بنملك بكون مجنونة يامطلق؟
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
اشوفكم على خير بكرة ان شاءالله ياحلوين
ياهلا وغلا فيكم والله..
منوريني يابعد عمري...
ــــــــــــــــــــــــــــــــــــــــــــــــــ ــــــــــــــــــــــــــــ
البارت الخامس والسبعين,,,,
ــــــــــــــــــــــــــــــــــــــــــــــــــ ـــــــــــــــــــ
مطلق سكت وماعلق بشي وقالت هي بكبرياء ـ الا اذا غيرت رايك؟
قال بعد تنهيدة تعب ـ ليه مفكرة اني بغير راي يعني؟
دارين بغيرة واضحة ـ مدري يمكن اللبنانية احلى مني!!!
ابتسم....ولااول مرة اليوم على كل مامر فيه وعلى نفسيته السيئة والموقف اللي انحط فيه معها..
كان حاسسها ملكة جمال في ها اللحظات وهي تتكلم بقهر وغيرة واضحين...
قال وهو مسوي ماسمعها ـ ليتك جلستي للنهاية علشان تسمعين كلامها؟
دارين ـ ماابي اسمع كلام احد؟
مطلق ـ دارين..
قاطعته قايلة ـ اهلك مايبوني ....ليه انت مصر نكمل؟
مطلق بشدة نسايم ها الحقيرة ماتعني ا ن اهلي مايبونك اصلا الوعد ورى بكرة لانزلت بدفنها وهي حية علشان تعرف ان الله حق؟
دارين ـ اللي مو قادرة افهمه هي وش عرفها ان الموضوع بيكون كذا وانك بتشوف ها اللبنانية هناك وبها المجمع اذا ماسمعت منك؟
قال بهمس خبيث ـ شاغلة بالك ها اللبنانية؟
قالت بثقل ـ ابدا بس يوم اني عجبتك استغربت انك تناظر بمثلها لاسيما ان جمالنا مايتساوى مع بعض؟انا بالقمة يامطلق وهي بالقاع؟؟؟؟
زادت ابتسامته وتنهد بارتياح....
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
قامت من فراشها اللي تمللت من القعدة فيه,,,,
ماهي عارفة وش تسوي ولا وين تروح؟؟
كلام جراح اليوم شيبوها بجد؟
هذا فيه جنون وها الشي هي متاْكدة منه؟؟
يحبها وصلت لها ها المعلومة بس انه يطلب منها ها الطلب لا..والف لا..
وعادي يقول لها بالسر بعد!!
وش يقصد انه يتمتع فيها ويضمن انها ماتحمل وتخرب عليه ؟؟؟
كذا حاسبها ياجراح؟؟
لاياهالة ..لاتاخذك العواطف لها المرحلة؟
انتي تعرفين انه يحبك..وانه ميت بهواك....ومن زمان...
شتسوين اللحين؟
شبيصير على المستشفى.....
فكرة اني ارو حابها كانها جت على جروحي..انا فعلا محتاجة اغير جو وابعد عن ها البييت فترة بس ابوي؟
شلون اقنعه بسالفة المحرم ذي؟
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
فكر ياجراح كيف تكسر راس ها المغرورة وترد اعتبارك شوي؟
لالالالالا وشو تكسر رايها احد يقول بيكسر راس حبيبته يالثور؟
قول كيف توصل لقلبها؟
كيف تفهمها انك فعلا تبيها وتحبها ومستعد تحارب العالم كله علشانها؟
شلون ياجراح شلون....
والاهم شلون تخليها تروح ابها وتتقرب منها هناك براحتك....وبدون شي يبعدكم ولاحواجز تفصلكم!!!
فكر في الاشياء اللي هي تحبها وتريحها علشان تسهل عليك التعامل معها مو شغلتك معها عناد وبس!!!!
اه منك يالعنيدة انتي بعد...حتى اذا قلت التوة مدري من وين تطلعين لي بسواليفك وتنرفزيني ؟؟؟
يارب...يارب حببها فيني لو يوم واحد بس!!!
ياربي بجن ابيها...احبها..مااصبر عنها...اذا هاوشتني وغسلت شراعي املك الدنيا ومافيها وكانها تسمعني كلام الحب والغرام؟
اه منك ياهالة اه...ياترى وش اللي جاي لنا بعد!!!
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
كانت تمسح دموعها بيدها وهي تبكي بنار......
ابوها راح....ابوها مابيرد...الشخص الوحيد اللي يحبها بصدق تركها بروحها؟
شبيصير فيك يازينة.....
الايام الجاية شلون بتعيشينها؟
احمد؟؟؟
بتقدرين تنسيه وتشيلينه من بالك؟
خسرتي قربه اللي تمنيتيه طول وقتك وخسرتي ابوك بعد!!
وش بتفقدين بعد يازينة بها الدنيا؟؟؟
غمضت عيونها وكملت بكيها بحرارة ونار...
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك