بداية

رواية والله ان عذابي عظيم بدونك -6

رواية والله إن عذابي عظيم بدونك - غرام

رواية والله ان عذابي عظيم بدونك -6

اما البنات فاتجهوا للدمام عشان قضاء الوناسه ,, رحلتهم لبحر المغازل والتفحيط والاستهبال و والخناق مع الشباب والهبال مع اصحاب المحلات ,, ورقص بالاستراحات والشباب يتسمعون من خلف الجدار ,, واللي قابلت حبيبها ,, واللي صارت هوشه بين الحريم وام عبد الله تشعل الفتنه عشان تستانس ,, وسامي خطب بنت السفير واللي انجن لما شافها وكأنه يشوف المذيعة علا الفارس وحتى هي انجنت على وسامته .

الجزء السابع عشر

جاء وقت زواج سامي ودينا ,, وكان زواج قمة في الفخامة ويدل على عظمة الطبقة ,, الزواج كان بسفينه جدا رومانسية ,, وكانت متجهه للقارة الاوربيه ,, والجو ليل + الجو البارد وكأن السفينه تبحر في عالم الاحلام وتتجه الى ابواب السماء ,, السفينه توسطت البحر ,, السوق في الدور الثالث ,, والاول دور مراسم الحفل ,, والحريم عددهم كثير ,, البعض اجنبيات والبعض من دول عربية ,, والعصيرات من اجمل الالوان واللي اختارتها العروسة (دينا ) عل جدار السفينه من ملامسه امواج البحر انوار دقيقة بحيث تشوف يالمتخيل انوار المكان مليانه وكأن النور من مرجان البحر ,, صوت الباخرة اثناء المشي يحسسك بالنوم ,, والمظيفات لابسات فستان ابيض قصير واكليل ورد ابيض وبنفسجي وكل وحده معاها صينيه دائرية فيها 4 اكواب ( طبعا لقوانين الظيافة الغنيه ) الحريم قاعدات عالكراسي ويتأملوا مشي الصبايا ,, اللي تميل خصرها يمين ويسار ( تبي تغري الحريم ) واللي وماتشوف الحريم وكأنها سيدة اعمال ,, واللي تتهوى بمروحتها ,, واللي تسولف بهمس ,, بنات مسويات تنكر ( اللبس البدوي + اللبس الكوبوي +لبس الفضائي +لبس المهرج ) والدرج يتوسط الصالة واللي مزين بالنقوش الذهبيه الدقيقة ,, وشموع مرتفعة ,, ودريشات طويلة ,, بوفيه من كل الحلويات العربية والاجنبيه ,, مظيفات الاكل لابسات اللبس السوري القديم وحاطات طاقية حمره ,, كل جره على طاولة ,, وكل جره تمثل لعايلة حاجزينها ,, العروس دينا تتأمل نفسها وجمالها والكوافيرة تعلق الشرعة على سطح تسريحاتها بالمشبك ,, الكوافيرة ترش سبريه على تسريحتها ,, دخلت امها وبإعجاب الله الله الله ,, انا موقادره اقاوم هالجمال .
دينا استحت شكرا ماما .
ام دينا تغري بنتها شلون لو يشوفك سامي ؟؟؟ شبيسوي ؟؟؟
دينا استحت ماما ,, ترى عيوني تبي تدمع من الحيا .
ام دينا اللللللله ,, كل هذا وانا مدري ؟؟ مشالله ,, عليك مشاعر,, حلوة زيك .
دينا سامي وينه ؟
ام دينا تغمز لها هذا اللي همك ؟
دينا نو مامي ,, بس حابه اشوف وينه ؟
ام دينا انتي ماشفتيه وشلون طلع من السيارة الطويلة ,, كنه امير بيتزوج سندريلا .
دينا شلون شفتيه ؟؟؟؟
ام دينا يهبل زيك ,,, بس عاد ياقلبي ,, ابيك تسنعيه ,, ابيه مايشوف غيرك .
دينا لاتخافي ,,, انا اقدر اخليه مايقاومني .
ام دينا بعدي والله ,, بنيتي ,, مربيتها عالاغراء .
دينا مامي ,,, ممكن تعطيني الباقة ؟
ام دينا خدامتك وينها ؟
دينا يوه مامي ,,, انا مظمن نظافتها ,,, هي الحين اكيد مشغولة مع اختي سوسن وانتي تعرفي اختي كويس ,, اذا مسكت شغالتي , مستحيل تتنازل عنها .
ام دينا المهم ,,, عساك جاهزة ؟
دينا مابقى الا يشوفني سومي .
............
ميرا ونيلا على سور البحر ,, وغدير وهايدي جالسات مع خوياتهم ,, وفيافي انحرجت من وحده كبيرة بالسن بس تطالع فيها ,, اما ام سامي ففرحتها قويه لدرجة انها نست وحده اسمها حنان ,, وسامي لابس البشت ورزته وكأنك يالمتخيل تشوف عيون السحر المرعبة ,, بس رعب رومانسي ,, بعد التهنئات والسلامات جاء وقت ياخذ عروسته لفندق في السفينه بعيد عن موقع الحفل ,, لما مسك يدها ,, تأمل اصابعها ,, كيف انها خطيرة ومن نظرة تنسى امك وابوك ,, كانت اغراء حقيقي ,, دخلوا الغرفة وسامي فسخ بشته بكل رجوله ,, ودينا تراقب زول سامي الخطيرة ,, تحس ان اللي متزوجته ممثل وسيم ,, تمت تراقبه حتى لاحظ عليها وبابتسامه في شي ؟
دينا بنعومة نو .
سامي دينا ,,, انا بطلع لان خويي كلمني ويبي يباركلي ,,, تسمحين ؟
دينا بضعف افكورس .
طلع سامي واتجه للمسبح اللي كأنه مهجور من سنة فرعون ,, جلس بالارض مومصدق اني تزوجت غير حنان ,, مومصدق ,, الحين ياحنان ,, شتسوين ؟؟؟؟ تكوين ملابسك ؟؟؟ تنظفي غرفتك ؟؟ تاكلي اكلتي المفضلة ؟؟؟ تتكلمي مع خواتك ؟؟؟ والله اني مقدر افكر بغيرك ,, حتى لما تزوجت دينا ,,, حسيت ان هي ولا شي ,,, حنان ,,, لاتتركيني
طلع لغرفته وشاف دينا لابسه بيجامه نوم ,, هو اول ماشافها ,, مر خيال حنان حتى العاشقة متلبس اللي تلبسيه دينا .
دينا هلا .
سامي ممكن اطلب منك طلب ؟
دينا متحب احد يأمرها بس عشان جماله تبي تعرف ايش يبي ايش ؟
سامي ياليت هاللبس اللي لابسته ماشوفه عليم مره ثانيه ,,, احب البنات ينغسل فيها الحيا ,,, مو ميانه زي لابسك .
دينا انجنت على طلبه ايش ايش ايش ؟؟؟؟ ششايف بلبسي ؟؟؟ صايعه ؟؟ داعرة ؟؟؟ ليش تطلب هالطلب ؟
سامي دينا ,,,, تكفين ,,, طيعيني .
دينا ماعشت دامني اطاوعك على شي انا اموت فيه .
اتجهت للدالوب واخذت الحاف ومخده وجت بتطلع سديت نفسي الله يسد نفسك .
وطلعت بدلع وسامي منجن على ردة فعلها !!!!!!!!!!.
طلع سامي وشافها تتفرج عالتلفزيون ,, سامي دينا ,,, استهدي بالله وتعالي للغرفة .
دينا بعناد ماني رايحه .
سامي عجز التفاهم دينا ,,, بقولك كلمة ,, ارتاح منها وبنفس الوقت ممكن تعقلك ,,,,, ( ببساطه ) انتي طالق .
لفت دينا مومتوقعه ايش ؟؟؟؟؟؟؟؟؟؟
طلع سامي من السفينه واتجه لسور البحر وبصوت شاعر
اه على قلبي تحملت الكثير لجل الجوهرة
تحملت ضيم الكلام وشدة القسوة ليالي
رحت للطيبين ومنهم ,, الدكتور ميسرة
عساني القى الحب عنده والقى علاجي
( طلعت دينا من غرفتها وبالصدفة سمعت قصيدة سامي )
كم يومن شفت بعيني طعون الحنجره
كم ساعات شفت الموت بعذابي
تمنيت لو أحد يحس انه بالمقبرة
لجل يلين قلبه ,, ويرجعلي غرامي
( بحة الحزن ) اه ياحنان وينك ؟( تجمعت الدموع بعيونه ) وينك يالشاعرة ؟
داويني المشاعر وقوليلي قدامي
( غمض عيونه وجه وجهه للارض ) احبك واحبك ,, واحبك مو كلمة مبزرة
اعضك من قهر البنيات ,, عرايس زواجي
طحت على ارضي وحرقني جمر المبخره
وانا ابكي وابكي ,, وافجر اهاتي
اه
دينا محست بالغيرة ,, بس نزلت دمعتها على الشعر الرومانسي في مكان رومانسي ,, التفت مقهور وبصوت شاعر
عشانك اتعب واعذب وحدتي
اربي الخلية بضرب الابر كل يوم
بضيع من قهري وحرة جمرتي
والظاهر حالي بيستمر دايم الدوم
تستاهل الموت وهذي عيشتي بدنيتي
ارحموا عشقي (وبصراخ )ياكبارية القوم
( طلح بالارض ) كلما انزل من الدمع ,, تنشف دمعتي
مالهف على الاكله ,, وعنها اقوم
ابتدى حزني من دخلة غربتي
اهات والانات ,, دوى المظلوم
اهئهئهئه احبك ,, احباك
( وصل صوته لسمع النجوم )
وبصوت شاعر
اه ياقلب يامحرك الاجسام
ياللي سواتك خلت الحب يعميني
سمانا زغرطت والعشق احلام
كل حلو بالهدنيا شافته عيني
دينا سالت موعها من كلمات العشق سامي ,, يعني انت تحب ؟؟؟ تحب وحده اسمها حنان ؟؟؟طيب ,,, ليش تزوجتني ؟
سامي امي اجبرتني عليك ولا انا ,,,, ماشوف غير ظلي .
دينا بس حرام عليك ,,, انت ظلمتني ,, ليش ماعلمت امك ممتي على حبك لحنان ؟
سامي بصوت شاعر
القلب شافها والعين ذابت
غيرك ياظلام الليل,, ماشوف
احبك ,, وكلمة احبك ماراحت
واحبك للممات والحب موبس حروف
دينا تحترق قهر من شعر سامي لحنان سامي ,,, الحمد لله انك طلقتني قبل ماسمع شعر ثاني يحرق قلبي .
تركته وهي تركض بقوة وكانت بتنضرب بالجدار اللي قبالها ,, اما سامي بصوت شاعر
الللله على لهفة الوحده لجل افكر فيك
كلك على طولك وعرضك روعة ياحياتي
انام الليل واشوفك بس تكفين ,, الله يخليك
تأملي المحروم من معشوقه,, ياغلاتي
ابيك ياغيثن اشتاقت البشر له ,, افرح اجيك
تضحك لي الدنيا من شجر وقمر وشركاتي
اعشقك واحبك واقطعك وموبس ابيك
ابي ظلك يفديني بجيته لي ويعيش مع ظلالي
اتجه لمكان ثاني وهو المسبح وبصوت شاعر
مرت عالمويه واوريها التجربه
شعرن وكلامن ودي تسمعه العيون
ابيها ياناس , ابيها ياكون , ابي هالعاشقة
ماتركت العقل فيني وماخلت الا الجنون
كات يحرك الماء يمين ويسار ويشوف صورته بالماء ويتخيل معاه حنان

الجزء الثامن عشر

اتجه لغرفته واللي دينا جمعت ثيابها وطلعت قبله ,,, كانت الغرفة مظلمه وفها انوار يعني اللي عينه زرقاء اليمامه يشوفها ,, اتجه للسرير واللي فوقه باقة ورد كثيفة وبصوت شاعر
الوانك يالحلو ,,ماراحت عن خيالي
تدرين اني تخليت عن جمال الكون ؟( يقصد دينا )
لو امي درت ,, ماتتركيني لحالي
اكيد رح تجيني قسوة وبوجودك ماخون( يقصد حنان )
ياترى تتذكريني حنان ولا نسيتيني ؟؟؟ والله مرت دينا علي وجمالها يكسر كل شي بس سبحانه ,, قاومتها ,, والدليل اني طلقتها ,, ليش ؟؟؟ ليش قاومتها ؟؟ لو غيري شافها ,, اكيد بينسى انه بيموت من عطش الغرام بس انا ,,, حسيت اني مسيطر على قلبي بعكس حنان ,,, حنان بكلمة خلتني خبل ,,, وبكلمة تخليني اطير ,, وبكلمة تخليني امبراطور ,, يعني مسيطرة علي سيطرة قويه ,, بس ليش انا تحت سيطرتها رغم اننا انفصلنا من 3 شهور ,,, ليش للحين مسيطرة على قلبي ؟؟؟ والله اذا شفتها انسى عين دينا ,,, واذا حكيتها احس اني ولد عمره 13 سنة ,,, ياربي ليش ؟؟؟ معقولة كل هذا حب ؟؟؟؟ لالا ,,, بس والله من اسمع اسمها ,,, احس بشعور غريب مدري ايش هو ؟؟؟ احسها مو مخلوق ,,, احسها بخار السحر اللي يتحكم بقلبي ,,, بس ليش خنت دينا وفيت بحنان ليش ؟؟؟؟
رن جواله الو .
سعاد سامي ,,,, صدق اللي سمعته من دينا ؟؟؟
سامي ايه .
سعاد بالله عاد ,,, احد يعاف هالجمال ؟؟؟
سامي سعاد ,,,, تعالي لغرفتي ,,, بقولك كلمتين .
سعاد اوك .
ومرت نص وجت سعاد سامي ,,, في كائن بشري وخاصة الرجال ,,, يعاف دينا ؟؟؟ احمد ربك انها لك ,,, ليش طلقتها ؟؟؟
سامي سعاد ,,,, صدقيني انه موبيدي ,,, شي قالي طلقها ,,,, مدري ليه لما طلقتها ,,, جاء خيال حنان قدامي ( كان يطالعها ) ,, حسيت بشعور غريب ,,, كأني صرت روميو ,,, حتى قمت اقول عنها قصيد .
سعاد متفاجئة انت ,,, تقول قصيد ؟
سامي توني اعرف ان القصيد فيني ,,, طول حياتي مادريت انه يمشي بدمي ,,,, بس حنون ( ودمعت عينه ) طلعت الموهبه فيني ,,, حنون ,,,, وينك ؟؟؟؟ وينك ؟؟؟؟
سعاد والله لو امي تدري انك للحين تحب حنان ,, والله مارح تترك حنان بحالها .
سامي ودي اوجه القصيده لحنان ,, واتمنى احساسها الحين يسمعني
وبصوت شاعر
لاترحلي عن العاشق ياشمستي
البحر عفن ,, من لمن تركتيني
اجيلك العطشان واطالعك بنظرتي
سميني شحاذها عشق واعشقيني
( بقهر )
خونيني ,, اضربيني ,, خربي غرفتي
بس اشوفك حيه وحده يغنيني
اقتليني ,, اسرقي جوالي وشنطتي
( وبقهر اكثر من اللي قبل )
العنيني اذا ودك بس لايروح خيالك بعيني
وجرت خلف القصيده الاف الاهات ,,, سعاد وبدون ماتحس بنفسها دمعت عيونها ,, تأثرت بعذاب سامي ,, تأثرت بعشقه الاول سامي ,,, خلاص انساها ,,, دام امي موجوده ,, تقدر تحقق لك اللي تبيه ,, بس مستحيل تحقق هالطلب ,, خاصتن انه تكرهه .
سامي بقهر سعاد ,,,, انا منجن ,,, ليه تطلقني منها ؟؟؟ كل هذا عشان ان حنان صارت حامل مني ؟؟؟ كل هذا عشان سمعتها ؟؟؟ انا ودي اضحي بكل شي ,, بس بحنان ,, احس مقدر اني ......
سعاد عارفه ,, مستحيل تضحي بحبك لها ,, لان الحب ,, مو احنا اللي نتحكم فيه ,, قلبنا ,, الحب اذا بيجيك,, بيجيك ,, لو قلبك اقسى من الحديد .
سامي امي ,,, ابوي ,,,,, ليش يظلموني ؟؟؟؟ انا شسويت ؟؟؟؟
سعاد سامي ,,,, لاتفكر فيها ,,,, يمكن الحين نستك ,, ولا تستبعد لو انخطبت وتزوجت وجابت عيال .
سامي جاء خوف حاد لالا ,, لالا ,, مستحيل تسويها اذا انا موجود ,,, مستحيل ,,, لالا .( وسوى اشارة الرفض )
سعاد توقع اللي مستحيل تتوقعه ,,, سامي ,,, الحين عقب عدتك ,,, ايش رايك لو اخطبلك خويتي مها ؟؟؟ البنت حبوبه واكيد بتعجبك .
سامي بس اخاف اطلقها .
سعاد لا ,, البنت دامها حبوبه ,, انشالله رح تنسى حنان واسم حنان بعد .
سامي خاف انه لو تزوج مها ينسى حنان !!!!!!!!!!!.
سامي سعاد ,,, انتي الوحيده اللي تقدري مشاعري وموهبتي ,,, ممكن اسمعك قصيده عن حنان؟

الجزء التاسع عشر

صحى سامي على ضوء الشمس اللي جاء بعيونه ,, كان يالله يشوف من الكسل ,, اتجه للحمام ( الله يعزكم ) وخذى شاور ,,, اتجه للمكتب اللي في غرفة نومه وكان عبارة عن مستودع من الكتب ,, حتى كتب الطبخ ,, قرى له كم معلومة وسكر ,, اتجه للمسبح اللي في غرفة الجلوس تبعه وانسدح ,,, دخلت عليه سعاد صباح الخير .
سامي بابتسامه صباح النور ,,, راكان وينه ؟
سعاد راكان عند سور السفينه ,,, بس تعال ,,, ليش قاعد للحين بغرفتك ؟
سامي نسيتي ان باقي لي يوم عالعدة ؟ مو عدة الرجل 3 ايام ؟
سعاد تذكرت ايه صح ,,, بس شتسوي بالعدة ؟
سامي اقرى لي كم كتاب ,, قران ,,, اي معلومة .
سعاد طيب ,,,, واذا خلصت العدة ,,, ايش ناوي تسوي ؟
سامي بوقف السفينه عشان القارب اللي بيجي بعد يومين .
سعاد وليش تطلع من السفينه ؟ احنا حنروح لبريطانيه ,, تعال معانا ,, عالاقل ,, توسع صدرك ( كان تفكيرها انه يبتعد عن خيال حنان ) مو الوناسة بخارج السعودية اروع .
سامي كل واحد وله مدينه مفضلة ,,, وانا عندي السعودية بالدنيا كلها ,,, لانها تراب رجولي ,, فهمتي ؟.
سعاد طيب ,,,, على راحتك ,,, بس يكون بعلمك ,, امي رح تزعجك باتصالاتها .
سامي بتفهم مالومها ,,, الام دايم قلبها على ولدها ,,, مالومها لو غارت علي من اي شي يخليني احبه .
سعاد وااااااااو ,,, الله يديم عليكم المحبة ,,, والله يرضى عليك برضاها .
سامي قعد امين ,,,, الا تعالي ,,,, وين عيالك توم وجيري ؟
سعاد هههههههه عيالي ؟ نايمين ,,, ياعمري ماناموا الا وقت متأخر .
سامي مالومهم ,,,, السفينه غيرت من نفسيتهم .
سعاد سامي ,,,, احسك تتكلم وكأنك حزين ,,,, شفيك ؟
سامي طبيعي ,,,, الرجل بوقت عدة ,,, ايش تبينه يسوي ؟
سعاد بدل ماتحزن ,,, اقرى لك كم ايه من القران ,,, عالاقل ترتاح نفسيا .
سامي بحب ابشري ,,, ماطلبتي شي ,,, بس انا لما ابي اقرى ,,, ابي اقرى بدون امر من احد ,,, لاني احس اني انا جيت لمه ,, مو غيري ذكرني فيه .
سعاد صح كلامك ,,,,, بس تعال ,,,, شركة ابوي مين اللي يتولاها ؟
سامي بالذكاء ,,,, ابوي .
سعاد طيب ,,,, انا رايحه افطر ,,, اتمنى لك يوم مافيه هم .
سامي مشكوره يااختي على الدعاء الجميل .
طلعت سعاد من غرفته والا راكان يتصل عليها اهلين .
راكان سعاد ,,, تعالي بسرررررررررررعة .
سعاد تحمست خير ؟؟؟؟
راكان الحقي عالحوت اللي اشوفه من بعيد .
سعاد خافت ايش ؟؟؟؟ حوت ؟؟؟؟ يمه ,,,, انا بتصل عالقبطان يغير مسار السفينه ,,, باي .
سكرت واتصلت عالقبطان كامل ,,, غير مسار السفينه .
كامل لابس عسكري ايش ؟؟؟؟
سعاد وصمخ انشالله ,,,, قلتلك غير مسار السفينه .
كامل بس احنا اقتربنا من جزيرة قبرص .
سعاد طلعت قرونها كامل ,,,, في حوت قريب مننا ,, تبيه يبلع سفينتنا ؟
كامل حوت !!!!!!!!!!!!!!!! من قالك ؟
سعاد مالك دخل ,,, بس غير .
كامل مدام ,,, الحوت مابيعيش في هالبحر ,, لانو كبير كتير ,,, ومابيعيش الا في المحيطات .
سعاد انا شقلت !!!!!!!!!!!!!!!!!؟
كامل خاف من صوتها طيب .( وبلع ريقه من الخرعة )
.................
فيافي بنات ,,,, شرايكم نستهبل على الانقليز اللي بالسفينه ؟
ميرا يمه من افكارك ,,, الله يعافيك ,,, فكينا من خبالك .
فيافي وانتي بكل شي خوافه !!!!!!؟ هذولا انقليز ,,,, يعني مارح يفهموا معنى اوف بالعربي .
ميرا اذا بتسوي خبال ,, سويها مع نيلا ,,, لانها ماجستير بالهشغلات .
فيافي اوكي ,,,, اصلا محد يونسنا غير نيلا .
طلعت من غرفة الجلوس السماوية واتجهت لملعب البلياردو واللي نيلا متحمسه بتسديد الهدف ,,,, فيافي نينووووو .
نيلا وقفت العصى بلا حركات دلع ,,,, شتبين ؟
فيافي اليوم رح نفجر السفينه بخبالنا المعتاد .
نيلا انا اليوم مشغوووووووولة .
فيافي وايش مشغولة فيه ؟
نيلا مشغولة بالكورة اللي مو راضيه تدخل بحفرة البلياردو ( وكلمت تسديد )
فيافي اوفففففففففف منكم .
طلعت من صالة البلياردو واتجهت للمسبح واللي جواته غدير ,,,, غدير هيئت نفسها للطبة بس كسرت حماسها فيافي غدغد .
غدير ودها تنتفها وبعصبية خير ؟؟؟؟؟؟؟؟
فيافي علميني اسبح .
غدير اعلمك السباحة !!!! اقول ,,,, خلي اي وحده من المدربات تعلمك .
فيافي طيب ,,,, ابيك بخدمه روعة .
غدير طالعتها بنظرة عربجيه خير ؟
فيافي بما انك خبيرة عربجة ,,,, ابيك تتهاوشي مع واحد .
غدير شايفتني راعية مشاكل ؟
فيافي يوووووو ,,, بس ابي سيرة تتكلم عنها كل السفينه .
غدير يعني مهمة خبلة ؟
فيافي ياعيني عليك ,,,, صدق انك تفهميني عالطاير ,,,, ودامك تفهميها ليش دخلتي قسم ادبي ؟
غدير ملفوف ( معيار فيافي ) لاتغيري السيرة .
فيافي طيب ,,,, بتتهاوشي مع واحد ولا لا ؟
غدير انسي ,,,, لاني تبت عقب سجني بالشرطة .
فيافي يووووو ,,, ياليتك مانسجنتي ولا كان تتحقق امنيتي قدام الناس .
.......................
بعد مرور يومين ,, طلع سامي من العدة ,,, واتجه للاليكوبتر اللي بيوديه للسعودية .
سعاد لابسة نظارة شمسية وعباية كتف مو قلت بتسافر بالسفينه ؟؟؟ شاللي غيرك ؟
سامي لابس نظارة شمسية وكأنه امريكي لا بس حسيت ان الاليكوبتر سريع ويوصلني عالسعودية بدون تعب .
سعاد اقتنعت بابتسامه طيب ,,,, عودة موفقه .
سامي ابتسم وركب بالاليكوبتر وارتفعت للسماء وهي تحاول تتوازن من اليمين لليسار ,, كان قاعد وحاط سماعة الجوال بإذنه ويطالع الكون بتأمل .
اتجه لبيته وشاف البيت وحس انه مهجور وكان في شبكة عناكب على كل قطعة في البيت .
...............
خالد نواف ,,,, شرايك نروح لبيت سامي ؟
نواف يالله .
اتجهوا لبيت سامي ودخلوا ولقوا سامي نايم بالصالة ,,, خالد ماي برذر ,,,, ياماي برذر .
سامي عصب خير ؟
خالد احد ينام بالغبار ؟؟؟
سامي والله عاد ماجبت شغالتي .
نواف اقول ,,,, اظاهر متعود على البيوت المهجوره .
خالد ياسمسم ,,,, قوم .
سامي عصب عليه خير ؟
خالد بسم الله ,,,, شفيك علي ؟
سامي وده ينتف خالد منك يالحنة ,,,, شتبي ؟
خالد ابي علك .
سامي رماه برجله انقلع ,, وانا عبالي عندك سالفة .
خالد بمرح ههههههههههههههههه .
نواف اقول خلود ,, خلنا نطلع ليجي ويطلع كل حروب الدنيا فينا .
خالد اصلا انا مشتهي هسترة ,,,, ابي اهبله .
نواف والله بيطلع عيونك ,,, تعال خلنا نروح للسوق ( وبغمزه ) نغمز لنا كم وحده .
خالد هييه ,, ترى انت خاطب ,,, ولا نسيت ميرا ؟
نواف تذكر ايه صح .
...................
ام سامي وماقالك شيبيسوي هناك ؟
سعاد لا ,,, بس اول مانرجع نخطبله مها .
ام سامي مدري ليه قلبي مو مطمن على روحته للسعودية !!!!!.
سعاد وانتي بظنك انه للحين يفكر فيها ؟؟؟ مستحيل .
ام سامي قلب الام مايكذب يابنيتي ,,,, والله خايفه انه يروح لبيتها .
سعاد لا تخافي ,,,, انا متأكده انه رح يموت بمها .
ام سامي يموت بمها !!!!!!! وليش كل هالثقة ؟؟؟
سعاد لاني قلت لمها عن سالفة سامي ,, وعن عشقه لحنان ,, وحاولت افهمها انها تخليه مسحور بجمالها وبكلامها وابيها تخليه يكره وحده مرت بحياته اسمها حنان .
ام سامي اعجبت بفكرة سعاد !!!!!!!!!!! كفو والله .
.....................

الجزء العشرون

طلع سامي من البيت ووجهه باين عليه الطفش ,, اتجه للشركة يمكن يلهي نفسه بشي ,, بس حتى لما وصل شركة ابوه وجلس مكتبه ,, ممداه يحرك شغله الا وحس بطفش مرررررة ,, طلع من الشركة واتجه لمجمع الراشد ,, بس شاف انواع التميليح هناك ( وحده تضرب شماغ واحد + ووحده رمت القلم بصدر واحد تتصنع الغلطة ) كان جالس عالطاولة ومفرج الرجلين ومتملل من المناظر السخيفة اللي قباله ,, كان يطالعهم بنظرة رجوليه ,, طلع من المجمع الي شاف منه السخافة ,, اتجه لاستراحته واللي يلقى الراحة فيها ,, دخل بكل هدوء لصالة السينما وجلس على اول كرسي من المدرجات الليلكيه ,, تنهد ورفع الريموت بيشغل فيلم رومانسي ,, الدنيا ظلام والجو بارد والسينما يعمه السكون ,, ظهر مشهد رومانسي من الخيال ( بنت وولد راكبين خيل ابيض نظيف وله جناحان يطير للسماء المدرجه ,, تغلفهم سماء الغروب بس غروب وردي ,, كانوا يطالعوا بعض بابتسامه لما طاروا ,, وكانوا بيسافروا لعالم غير عالم المجره ,, عالم كله جبال فضية وذهبية والانوار الساطعه عالخيل اللي رافع جناحه ومغطي البنت والولد الامريكيين ) سالت دموعه بشكل المشهد ,, حس ان قلبه يبكي ,, حس ان وجهه بيذوب ,, سكر المشهد بريموته مايبي يتأثر زياده ويتعذب ,, اتجه للصالة وفتح التلفزيون ,, بس شاف مشهد خلاه يتأثر زياده ,, ( وضحى زوجة نمر بتموت وهي توصيهم على زوجها ,, ومشهد نمر لما شاف شلة عند قبر حاس انه يعرف صاحبه وتحفيره وصرخته باسم وضحى ) سكر بقوة وبكى بصمت ,, وغمض عيونه بيفجر الاهات والانات وكل هذا بس بصمت ,, حس بجنون الصياح ,, طلع من الصالة يمكن يقدر يهرب من الحزن ,, لما كان بصراع مع الحزن صدم بمجسم وطاح وكان المكان مظلم ,, بس طار قلبه لما شاف اللي قباله ,, قام بهدوء عشان يستوعب اللي قدامه ,, عشان يتنفس بكل حرية حنان !!!!!!!!!!!!!!!!!!!!!!!!!!!!!.
حنان لابسه فستان زفه اهلين يالوسيم ,,,, كيف كانت ايامك قبل ؟
سامي بانفجار رومانسي حياتي ,,, باقتي ,, يالكوشه اللي الحريم يموتوا فيكي .
حنان بجدية نعم .
سامي مستغرب من ملامح وجهها حنون ,,,, شفيكي ؟
حنان صحيح اني شخصية حنان ,,, بس مو حنان الي تحبك ,, هذه حنان اللي تعاتبك على سواتك بتعاون امك .
سامي حنون ,,,, والله ....
قاطعته لاتحلف ,,, بصراحة ,,,, متوقع كذا حركاتكم مع بنات خلق الله ,, تستغلون البنت الفقيرة بزواج اللي الله حرمه ؟؟؟ انا مالوم امك ,,, انا الومك انت ,,, انت اللي تطيعها بشي يغضب ربك ,, سامي ,,, ليش سويت كذا بحنان ؟؟ مو حرام عليك ؟
سامي حنون .
قاطعته لاتدلعني ,,, انت متستاهل احد يعطيك وجه ,,, خل اوامر امك تنفعك ,,, رجال فراحنين بشي اسمه زواج مسيار ,,, على ايش فرحانين ؟؟ على زواج يضر البنت ؟؟؟ تخيل لو سعاد اختك زوجها متزوج عليها مسيار !!!! شبيكون موقفكم ؟؟؟؟ مو اكيد ماترضوا عليها ,, حرام عليك اللي تسويه بحنان .
سامي بقهر انا مسويت لها شي بس ....
قاطعته خلك بقهرك ,,, ازززززززين ,,, انجن ,,, عذب نفسك .
سامي بعذاب حرام عليك .

يتبع ,,,,

👇👇👇


تعليقات
    حجم الخط
    +
    16
    -
    تباعد السطور
    +
    2
    -