رواية احبك لين تنزلني أيادي الناس في قبري -6
فتحت عيووني حسييت به استحى ...حاولت ارقد مرة ثااانية بس ما يااني رقااد......تغسلت وخذت لي شوور.....ظهرت من الحمام"عزكم الله" شفت رااشد يجوف التيفي
راشد: سوري ازعجتج
عليا بابتسامة: لا عاادي
راشد: عليا ممكن ارمسج
عليا: عن؟
راشد: عن اللي صاار البااارحة
عليا: تكلم
راشد ييلس عدالي: انا البارحة غلطت يوم اني ما رديت ع المسجاات صح بس مب معنااتة تروحين تتصلين ف ربعي..ويااريت لو كاان زيين ها اخيس وااحد من ربعي..والله يوم اتصلتي فييه عطااني تلفوونه قال لي تعرف هالرقم..انا يوم شفته ما صدقت حسييت اني احلم ..قلت معقولة عليا تخوني...عسب جي تنرفزت وعصبت علييج..و ع فكرة يوم عرف انج حرمتي قال هاي حرمتك لعاابة وخواانة ..تضااربت ويااه..حتى رقمه مسحته من الفون
عليا: سووري سويت لك مشاكل ويا ربعك
راشد:عليا انا كنت خاايف ان ينشر رقمج ولا يسوي شي..
عليا:راشد انا خفت عليييييك
راشد:فدييتج حبيبي ..تحبيني؟
هالوقت رن تلفووني على اغنية عبدالمجيد عبدالله
خلص حنانك مابقى الا قسوتك
راشد:هههههههههههههههه شو تقصدين من هالرنة
حسييت ويهي احترق: هاا مااشي
راشد: زين منو متصل بج الحييين؟
علاية: ها اخووية حمداان صج متفييج وماشي شغل
راشد: خل يولي لا ترديين علييه
.................................................. ............................................
الساعة 7 ونص الفيير رااح رااشد الشركة..تذكرت ان حمدان متصل الباارحة وماردييت علييه...دقيييييت له
حمدان:صباح الخيير
علاية:صباح الورد
حمدان: اشحالج
علاية: الحمدلله
حمدان: وينج البارحة دقييت علييييج ومارديتي عليه
علاية:لا والله حد يدق للناس 3 ونص الفير!!!
حمدان: بس جي بغييت اسولف ويااج
علاية:والله انك متفيج..
حمدان:المهم الحييين انا برقد يلا باي
علاية: بعض الناس مستوي خفاش ترقد الصبح وتنش الفليل ..
حمدان: كيفي باي
علاية:هه باي
والله يضحكني ..مادري متى بيعقل مع ان اكبر اخوااني...
.................................................. ......................
ع السااعة 11 ونص تلبسنا انا وخوولة عسب نرووح الصاالون وبنصبغ شعوورنا
وصلنا الصالوون
خولة: اي لون بتصبغيين
علاية: ماادري
خولة: اصبغي لون بني وفيه خصل باللون الاشقر..راشد يحب هاللون
علاية: اوكييه
بعد ما خلصنا رديينا البيت...خذت لي شوور ورحت صوب المنظرة الصررااحة اللون واايد حلو علييه خصوصا اني بيضة...تلبست وكششخت آخر كشخة......
............................................
ع الساعة 2 رد رااشد من الدوااام
راشد: شو هالكششخة...متى صبغتي شعرج؟
علاية: اليوم انا وخولة رحنا الصالون
راشد:هييه
علاية: شو راايك
راشد:بصرااحة اللون رووعة علييييج..اصلا انتي برووحج حلوة
علاية مستحية: ثاانكس حووبي عيوونك الاحلى
راشد: يلا حبيبي انا باخذ لي شور وبننزل تحت عسب نتغدى
علاية: انزين انا برووح بتغدى بييت ابووية..تولهت على امي
راشد يحظنها: لا مااشي طلعة اليوم...متوله علييييج من خااطري..بنتغدى وبنرووح فيستيفال سيتي
علاية: اوكييه حياااتي
.................................................. .............................
بعد ما رحنا الفيستيفاال سيتي.......رحنا السينما وتعشييناا ..انتبهت على سااعتي كاانت 12
علااية: حبيبي يلا نرد البييت...انته ورااك دواام...وانا تعباانة
راشد: ان شاءالله عمري
وصلناا البييت ودشيينا حجرتنا
بعد ما بدلت ملااابسي ..رن تلفووني "المزعج"
راشد: منو متصل فييج
علاية:ها حمدان
راشد: وها ما يتصل الا وقت الرقاد
علاية:هههه خل يولي ما برد علييييه
.................................................. ...................
نشيييييت على صووت تلفووني وشفت حمداان متصل فييه لكني طنشته ..اتصل لي مرة ومرتيين و3 ..وحطييته ساايلنت
نشييت الساعة 8 ..ما حصلت رااشد اكيد رااح الدواام
تغسلت وخذت لي شوور...تلفووني رن"المزعج"
اففف طفرني هذا
رديت عليه: هلا
حمدان:عليا
حسييييييت ان صووته متغير كان في شي
حمدان: تراا امي وحمااني سوو حاادث واتوفو
آلجزء العآشر
من سمعت الخبر...رحت صوب بييت ابوووية
دشيييت البييت شفت حمداان يالس في الصالة ومغطي ويهه بايدة..وصااك الليتاات..البييت وايد كئيب
رحت صووبه :حمداان دخييلك قولي الصدق
حمدان يصاارخ: امي وحمااني توفوا ليش مب قاادرة تصدقيييين
بدت دمووعي تنزل وصرخت علييه: مستحيييل امي تخلييني اصلا كييف تخلييني انا متولهه علييها من الباارحة.. ..كنت بمووت واشووفها والحييين تقولي توفت ....
حمدان يصيح: دخييلج عليا اسكتي
يلسست اصييح مب مستووعبة اللي صاار .....ياا حمدان ولوا علييه
حمدان: لا تصييحيين
.................................................. .............
بعد مرور 3 ايام من العزاا ...
كنت ياالسة ف حجرتي ...لاا شعوورياا رحت حجرة امي ..شفت عبود يلوون..حلييله ما يدري عن شيي
تمييت وااقفة اطاالعة كووبي بيست من امي الله يرحمهاا..شفته انتبه لي ابتسمت له..ورحت ايلس عداالة
عباادي: عليا
علاية: ها حبيبي
عباادي: وين ماما وحماني
علاية: سافروا
عبادي: عليا اتصلي في ماما قولي لها ترد بسرعة ..انا ماعرف اسوي الواجب برووحي.عليا بعد قولي لها عبادي ما بيصيح يوم بتوديينه المدرسة
يوم قال لي هالكلاام غصب عني صحت وحظنته بالقوو
عبود يطالعني مستغرب: ليش تصيحين راشد ضربج
صرخت علييه: ماصييح
رحت حجرتي وعقييت عمري ع الشبريية تمييت اصييح ..
نشييت من مكااني ورحت اتوضا وصلييت العصر......
رقدت لي شوي ليين المغرب يمكن اقدر انسى اللي استواا
.................................................. ...............
نشييت على صووت فرييم (برواز) انكسر
نشييت من مكااني وشفت الصوورة..كانت صورتي انا ويا حمااني(الله يرحمه)
دمووعي نزلت ...هو الوحييد اللي كاان يفهمني....حظنت الصوورة بالقووو
تذكرت خولة كيف كانت تصييح ف العزا وصحت اكثر قطعت قلووبنا
تغسلت وتوضيت وشلييت المصحف وتمييت اقراا ليين اذن المغرب ..صلييت..
رحت حجرة حمااني جفت سفرته معلقة شلييتها وحظنتهااااا ..شوي ودش علييه سلطان
وحظني
سلطان: دخييلج عليا لا تصييحيين..قومي كلي لج شي ...انتي من كم يوم مب ماكلة شي
صرخت علييه: ماابغي شيي ابغي امي ابغي حمااني
نشييت من مكااني ورحت حجرتي صكييت الباب بالقو
رن تلفووني"القلب"
ردييت عليييه: هلا
راشد: اهليين..اشحالج علاية
قلت ف خااطري زفت وردييت علييه الحمدلله
راشد: شو تسويين
عليا: ماسوي شي
راشد: ما تبيين ترديين البييت
عليا: خلني ارتااح هني كم يووم
راشد: برااحتج والله انا مابغصبج..بس خاايف علييج لو تمييتي هني كل شوي بتتذكرين اللي صاار
عليا: لا عادي خلني شووي بس
راشد: انزين عمري تييك كيير ناو على رووحج ..بس بغيت اطمن عليييج
عليا: يوو توو
راشد: باي
عليا: راشد
راشد:هلا
عليا: لا تخلييني رااشد
راشد: مستحييل اخلييج..حد يستغنى رووحه
عليا: ...........
راشد: يلا حبيبي باي
عليا: باي
صكييت من عنده وانا مرتااحة شوي......نزلت تحت وشفت حمداان وشكله سرحاان
علاية بابتسامة: في منو تفكر
حمدان:افكر بكلام حمااني الله يرحمه قبل لا يتوفى باسبووع كاان ينصحني يقوولي عييب اللي تسوييه ف بنات الناس..هم مب لعبة بايدك
علاية: صح كلاامه
حمداان: حليله حمااني هو اصغر مني لكنه اعقل مني وحنوون علييكم واايد ..ويوم كنتو تغلطوون هو اللي كاان ينصحكم وانا ماتفااهم على طوول اصاارخ ....وما كاان عنده هالخراابيط ويوم كاان ينصحني كنت اقوله مشكله اليهاال يوم ينصحوون
نزلت دمعتي : الله يرحمه,,والله كل ماصار شي بيني وبين رااشد فترة الملجة كان يراضيينا
حمداان: انا بظهر
مسحت دمووعي: ويين راايح
حمدان: بغيتي الصدق انا كل ما شفتج تذكرت حمااني وكل ما شفت عبوود تذكرت امي ...بظهر من البييت برووح بييت عمي(بو جاسم)
ظهر حمداان من البييت ....وتمييت ياالسة ف الصالة
شوي ودشت علييه الرييم
الريم: السلام علييكم
عليا: وعلييكم السلام
رحت سلمت علييها وحظنتها بالقوو
تميينا ياالسيين ويااا بعض ليين 11 الفليل
الريم:عليا بطلب منج طلب
علاية: اامري
الريم:انتي من بعد اللي استوا ما كلتي شي..قومي خليينا نتعشى
عليا: مااابا
الريم: افاا تردييني
عليا: اممم اوكييه من وين نطلب
الريم: الحيين سلطوون بييب لنا عشاا
عليا:هو اللي قاال لج اني ماتغدى ولا اتعشى صح
الريم: امم هيه حليله كاان خاايف علييج
شوي ودش عليينا سلطاان وكان يايب لنا من ماكدونالدز
الريم: شو ماخذ
سلطان: ماك جيكين
عليا: يوعاانة بالقو
سلطاان يطاالعني بنظرة:بعض الناس قالوا ما نبا ناكل شي
سحبت كيس الاكل من ايد سلطان: انا ماقلت شيطااني قاال
سلطاان: هييه شيطاانج يباله ظرب
حسييت ان اخوااني يسوون اي شي بس عسب استانس
الله يخلييهم لي يااارب
بعد ما تعشيينا
الريم: علياا انا برد البييت...ما بترديين وياية
عليا: لا بتم هني ويا سلطان وحمدان ولا تنسيين عبوود يااهل ولاازم اهتم فييه
الريم: عليا ترااج واايد هملتي رااشد
عليا: غصب عني لازم ايلس ويااهم ولا تنسيين ان لازم نحسس ابوية ان نحن ويااه مافيينا يرووح ياخذ وحدة
الريم: شو يااخذ وحدة؟ ياويلها اللي بتدش هالبييت من بعد اميي الله يرحمها
السااعة 1 راحت الريم البييت ورحت انا حجرتي وطرشت حق رااشد مسج
كتبت فييه
"سوري رااشد انا ادري اني مقصرة ويااك بهالفترة بس قدر ظرووفي لازم ايلس ويا ابوية واخواااني,,"
رد عليه" لا تقولين هالرمسة حبيبي والله انتي ما قصرتي وياية كل اللي بغييته عطيتيني ..وياما تحملتييني..فدييت رووحج انا مابغيت اسمع منج هالكلام مرة ثاانية..والله يا عليا ان الكل يحسدني علييج"
.................................................. .................................................. .........
ع السااعة 2 الفيير ..رحت حجرة حمداان وشفت عبوود يطالع ام بي سي 3
علاية: عبوود قوم ارقد
عبادي: مابا
حمدان: ماعلييه خلييه اليوم برقده عنديي
.................................................. ...............................
بعـد مرور شهر
بعدني كنت ارقد ف بييت ابووية وكنت واايد مهتمه لاخوااني بس ابووية ما كنت اشوفه
الا ف الاسبووع مرة وكنت اسمع ان يرقد برع البييت ..ماهتميت للموضوع واايد لان حتى على حيااة امي كان يرقد برع البيت...واذا رقد في البيت يرد لنا الفير
.....اللي قااهرني وفااة امي ما اثر فييه ..صدق زعل شوي على حمااني..لكني ماحسيته تاثر نفس ماتاثرنا نحن
بس الحمدلله نفسيتي ونفسية اخوااني واايد احسسن من قبل...
قبل اسبووع فكرت اني ارد بييت قووم رااشد وفعلا شلييت اغرااضي ورحت تمييت يوميين وماقدرت اتحمل اجووف خوولة تصييح على حماني
...ومن اجووفها تصيح ماقدر ايوود عمري واصيح ويااها......وردييت بيتنا مرة ثااانية
ظهرت من حجرتي وانا نازلة من الدري تمييت اغني اغنية علي بحر
باجر تمر القبر تلقى ترابي
تلقى معاه حبك فالحشا باقي
حبك ورد ياما رويته بدمعي
رويته بالاهات وبحسرتي ينعي
تكفى ترحم لي وعليه لا تبجي
عيش بسعادة دوم وبظل لك ادعي
وصلت عند نص الدري وانا اطاالع من فووق ابوية دااش البييت ومعااه وحدة عمرها مابين 36_38 ووحدة صغيرة عمرها
مابين 17_19
استغربت منو هاييييييل
كملت ونزلت تحت
تمييت اطاالعهم من بعييد
انتبه لي ابووية: اشفيج عليا
عليا: منو هاييل ابوي
ابوية: حرمتي واختج!!
انتهى الباارت
آلجزء 11
لحظة لحظة..مرت ابوية اوكييه بس مب جنه قال لي هاي اختج؟؟!! كيف اختي
عليا: اختي!!
بو حمدان: هييه اختج انا متزوج من 18 سنة ..على ايام امج الله يرحمهااا
شوي واجووف حمدان وسلطاان ناازليين من تحت وشكلهم سمعواا كل شي
بو حمدان:تعاالوا سلمووا على اختكم منال وحرمتي سارة
حمدان بعصبية: انا ماعندي خوواات غير الريم وعليا"وظهر من البييت وهو معصب"
اما سلطاان شفت الموضووع عنده عاادي ورااح سلم علييهم وبعدها دااح فووق
بصراحة واايد قهرني
بو حمدان: وانتي عليا ما بتسلميين على اختج
سوييت طااف ودشيت حجرتي ..نزلت دمووعي ..لييش ياابووي تسوي جيي
ما علييه يا انا وياهالاشكاال ف بييتناا......
رحت الحجرة اللي يرقد فييها عباادي..شفت منااال يالسة تسااعد عباادي في الواجب..واايد ماخذة رااحتها
صرخت علييها: اييه انتي
منال: انا؟
ردييت عليها: لا انا...حد غييرج هني
منال:..................
شلييت عباادي وقلت لها: ان قربتي صوب عباادي يا وييلج ..
منال: انا بس بغييت اسااعده...ولا تنسيين انتي اخته
عليا: انا اخته وانا المسؤوولة عنه...وبعدييين انا ما يشرفني انج تكوونين اختي..ناقص بعد هالاشكال
سمعت صووت وحدة ورااية تقولي: عييب علييج يا عليااا تقوليين هالكلام انتي بنت نااس
عليا: انتي لو تعرفيين العييب جان ما تزوجتي ابووية وجان ما دشيتوا هالبييت....بيت امي الله يرحمها
سارة: خلاص يا منال ما يخصج ف عبوود
راحت سااارة حجرتها ..القهر انها ياالسة ف حجرة امي....ورااحت مناال حجرتهاا
ونزلت انا تحت شفت سلطاان
علاية:اجوف اللي صااار عاادي عندك
سلطان: من حقة ابووية يتزوج ولا تبيينه يتم جييه
عليا: اوكي من حقة لو بعد وفاة امي لكنه متزوج من 18 سنة
سلطان: خلاص شي من 18 سنة صاار ..سوي طااف وعيشي حيااتج
عليا: والله انك باارد....والله يا سلطان يا انا وياهالمنال في البييت
سلطان: تغااريين منها
عليا: شو انا عليا اغاار من هاي؟؟
سلطان: خلاص عيل خلييها ف حاالها..
رن تلفووني"الرييم"
علاية: هلا
الريم: اهلين..صدق اللي سمعته
عليا: قصدج زواج ابوي
الريم: هييه هو متصل فييني يقولي تعاالي سلمي على حرمتي وبنتي
عليا:بعد؟؟
الريم: نااقص اهد بيتي وريلي عسب اي واسلم على هالاشكاال
عليا: ما عليينا منهم ..تعااالي والله بغييت اجووفج
الريم: خلاص برقد حموود وبييكم
عليا: لا لا ييبي وياج خل يلعب ويا عباادي
الريم: خلاص اووكي باي
عليا: بااي
بعد سااعة يتناا الرييم وولدها حمود من شفته حظنته بالقوو...تذكرت حمااني الله يرحمه يمووت ف اليهاال
ودييت حموود حجرت عباادي عسب يلعبوون مع بعض
ورحت ايلس ويا الرييم في الصااالة اللي فوووق
شوي وييتنا مناال
منال: السلام عليكم
الريم من ورى خااطرها: وعلييكم السلام
اما عني انا سوييت لها طااف وعطييتها ظهري وكملت ساالفتي ويا الريم
منال: اشحالج الرييم
صدت الريم صوبها وردت بابتسامة: الحمدلله اشحالج انتي
منال: بخيير(ويلست عدالنا)
عليا : الحيين انا اسوولف وياختيي انتي شلج راازة وييهج وياالسة ويااانا
سحبت ايد الريم ودشيييت حجرتي وصكييته بالقو
الريم تيلس ع الشبرية: حرام علييج عليا ماادري حسييتها طيووبة..تبا تيلس وياانا
عليا: خلهاا تولي هاي حدوودها حجرتها وبس..تحمد ربها هي وامها انهم يالسيين بهالبييت
الريم: انا بلوومج يا عليااا انتي بعدج متاثرة بوفااة امي وحمااني
تميينا نسولف ويا بعض لييين الساعة 12 وقررت ارد بييت قوم رااشد بااجر
.................................................. .................................................
بعد ما زهببت اغراااضي طرشت شنطتي بايد الدريووول ووداه بييت عمي.....وردييت انا بييت عمي العصر
دشييت قسمي وما حصلت رااشد اتصلت فييه وقال لي ان ف الميلس ويا الشباب وشكله كاان مستاانس اني ردييت البييت
رحت صووب خوولة وكاانت ترمس ربييعتها ومن شااافتني صكته من عندها ويت تحظني
حظنتها بالقوو..بصرااحة واايد استااانست يوم شفت نفسييتها احسسن من قببل
يلسسنا مع بعض ..لين اتصل فيييه رااشد وقال لي ان ف الحجرة
رحت صووبه ومن شاافني حظني بالقو
راشد: فدييتج حبيبي واايد تولهت علييييييج
عليا: انا بعد
راشد: هييه صح لو تبييني..جان ما هدييتيني كل هالفترة
عليا: شو اسوي عمري ..كنت ياالسة ويا اخوااني..
راشد: هييه صح اختج ساكنة وياكم
عليا: هييه هي وامهااا بعد
راشد: ع فكرة اليوم يوم رحت الشركة..ابوج قالي ان باجر بيسوي عزييمة عسب يعرفهم على منال
طالعته بنظرة: لا والله
راشد: لا تطالعيني بهالنظراات انا ما يخصني..عندج رمسة روحي قوليها لابوج
عليا: انزيين منو بيعزم؟
راشد: بييت قووم خاالتج وبييتنا وبيت قووم عموو ووايد ناااس وربااعة مناال واهل مرت ابووج
عليا: اهاا زيين عييل
الله يعييني بااجر بجوف عبيير ومناال
.................................................. .................................................
لبست تنوورة سوودة وبدي فوووشي ونص الظهر برع وبدوون اييد واللي محلي اييدي الحنا والمنكيير الفووشي......التنورة كانت لين الركب عسب جي لبست ويااه نعاال بو حباال بلون فووشي(طبعا العزييمة الحرييم في الصالة والريااييل في الميلس)
..........حطييت مييك اب على لوون لبسي
بصرااحة اليوم انا مهتمة بعمري وااااايد واايد لاني بشووف عبير ومناال ولازم اكوون انا الاحلى
......بعد ما تلبست رحت صوووب خوولة اشوفهااا شو لبست
دقييت البااب...ودشييت علييها الصراحة كاانت كااشخة تووب
عليا: اووه حق منو ها كله
اويييه انا شو قلت ياريتني لو ماقلت لها هالكلام
خولة بحزن: رااح اللي كنت اكششخ له
عليا باتسامة: ماعلييه حبيبتي الله يرحمه
غيرت الموضووع: متى بتخلصيين
خولة: بس بخلص من المييك اب
عليا: بتيين ويانا
خولة: لااا بروح ويا اختج الريم
علاية: خلاص عيل بخلييج تخلصيين وبرووح اجووف رااشد ويينه
ظهرت من حجرة خوولة ودشيييييت قسمي يلست ع الكنبة وحطييت ريل على رييل ...شوي ودش رااشد
راشد:وييلي حاالي علييج انا....شو هالدلع
غطييت ايدي بوييهي مستحية
يا رااشد ويلس عداالي: واايد ضعفاانة علاية
عليا: لا عادي شو ضعفاانة
شلني رااشد وحطااني ع ريوولة: ايييييه راااشد
راشد:ههههههههههه والله انج رييشة
حظني بالقو وباسني ع خدي كم مرة
علاية: بس خلااص خلني ارووح
راشد يرص علييه: ما بخلييج اول شي عطييني بووسة
بسته ع خده ونشيييت من مكااني
ورااح يتزهب...لبس كندوورة بيضة وسفرة وعقاال الصرااحة كاان طرر.بعد ما خلص تعطر وتدخن
لبست عبااتي طقم في علييه اشيا صوب الايد بالفووشي..ولبست شيلتي وظهرت قصتي من جداام..
حطيت ايدي بايد رااشد وظهرناا ورحناا صوب سياارته
تريااهاا تحر...وحط اغنيية "حمد العامري"
لا تسالييني في الشعر عن جديدي
بس اساليني عن فؤادي ومافييه
وصلناا بيت ابووية...نزلنا ورااح رااشد الميلس.ودشيت انا الصالة ...سلمت ع المووجووديين
شوي ودشت عبيير..يت وسلمت علييه
وبعد ما تعشيينا
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك