رواية احبك لين تنزلني أيادي الناس في قبري -7
بس اساليني عن فؤادي ومافييه
وصلناا بيت ابووية...نزلنا ورااح رااشد الميلس.ودشيت انا الصالة ...سلمت ع المووجووديين
شوي ودشت عبيير..يت وسلمت علييه
وبعد ما تعشيينا
تمييت اسوولف ويا خوولة...يتنا عبيييير
طالعتها بنظرة وصدييت الصوب الثااني
عبير: بصرااحة علياا اختج واايد ناايس
عليا: شو اسوي لج يعنيي
عبير: لا بس اعتقد لو كانت عايشة ويااكم من قبل جاان خذاهاا راشد
صرخت عليها: تخسيين
خولة ترمس عبير: رااشد يمووت على عليا وانتي تقوليين هالرمسة بس عسب تقهريين علاية
عليا: اييه انتي تتحسبيني بنقهر من كلاامج ..حبيبتي انا وحدة وااثقة من عمرهاا...واشكالج ما يقهرني
حسييت بهاا قفطت ورااحت صووب مناال
خولة: هييه صح علاية شو علاقتج ويا اختج
عليا: لا تقوليين اختج ماعندي خواات غيير الرييم
خولة: حراام علييج....يوم سلمت علييها حسيتها وايد طيبة
عليا: لا تيبين لي طااريها ماداني اسمع طااريها لا هي ولا امها
خولة: تعاالي ابوج من ويين عرف سارة
عليا: اللي اعرفه عن ساارة ان اهلها نااس على قد حاالهم وابوها قبببل كاان دريول عندنا ويوم جاف ساارة راح وخطبها
خولة: وجان بوافقوون
عليا: اكييد بتواافق ..اشكره ماخذة ابوي عشاان فلووسة
خولة: لا يسمعج ابووج والله بيجلب الدنيياا على رااسج
آآه وانا نااقصة يكرهني اكثر
بعد ما راحواا الناس ..تموا الاهل ودشوا اخواني وراشد وجاسم وابوية وعيال خالو حصة سعييد وعبدالعزيز
انا وخولة والريم وعبير ومنال يالسية ف صالة والشباب يالسيين ف الصالة الثاانية
شوي واستاذنوا جاسم والريم وردوا البيت
راشد ينش من مكاانة: عليا حبيبي يلا نروح البييت
عبير: لييش تو النااس ولا ما تبوون تيلسوون وياانا
راشد يطالعها بنظرة: لا بس بغيينا نتحوط
عليا: اوكي عمري بس برووح اطمن على عباادي اخووي
رحت فووق صوب حجرة عباادي وشفته رااقد سالت المربية مالته وقالت لي ان تعشى ووصييتها علييه شووي ..وعطييتها رقمي اي وقت اذا
صاار شي حق عباادي تكلمني
نزلت من ع الدري ..وانا ف نص الدري وقفت مكااني انتبهت على سعييد اللي من دش ما شل عيوونة من منال
نزلت تحت وشلييت شنطتي وظهرنا انا ورااشد
ف الطرييج
راشد يمسك ايدي: حبيبي تبين شي من باسكن روبينز
حطييت راسي ع جتفه: لا عمري مابغييت شي
راشد:ويين بغييتي ترووحيين
عليا: مابغييت ارووح مكاان ..بنتحوط في السياارة
تحوطنا ليييين 2 ونص الفيير وعقبهاا رديينا البييييت
ع السااعة 3 رقد راااشد وتميييت انا سهراااااانة اجووف التييفي .....طول الوقت افكر ف زواج ابووية
الله يستر ماادري هالدنيا شو بتسوويييي فييني اكثر من اللي استوا
الجزء ال12
نشييييييييت على صووت تلفوووني "خوولة"
عليا : الوو
خولة: اففف عننز تقهريين كل ها رقااد
عليا : كييييييفي اف خلييني ارقد
خولة: تدرين الحين الساعة كم
عليا: كم يعني
خولة: 6 المغرب!!
عليا: قولي والله...ماحسيييييت رااقدة الساعة 8 الصبح
خولة: ماشاءالله علييج
عليا: بس رااشد ويينه
خولة: راشد من الظهر ف الميلس ..ويوم سالته عنج قال رااقدة وان دقييتي تزعجيينها ياوييلج
عليا مستحية: فدييته.....زين برووح اتسبح وبنزل لكم تحت
خولة: لااااا نباا نظهر بليز
عليا: وين تبينا نروح
خولة: بنروح السييينما..فيلم هندي رووعة
عليا: واااو هندي..بس يمكن رااشد ما يخليني اظهر
خولة: بنروح من ورااه
عليا: اييه هبلة انتي
خولة: عاادي بس اليوم ما بيستوي شي
عليا: شكلي بتطلق اليووم...زين يلا تزهبي انا بتسبح وبتلبس
خولة: اوكي باي
عليا: باااي
بعد ما تسبحت تلبست على طووول ...بعد ما خلصت نزلت تحت شفت خوولة جااهزة
خولة: تو الناس جان اتاخرتي اكثر
عليا: مب وقته خل نرووح قبل لا يجووفناا رااشد
خولة: اوكيييه
ف الطريج
خولة:شو راايج نمر على فطوم بنت خاالتج
عليا: اوجييه فكرة حلوة
اتصلت بفطووم
فطوم: هلا عليا
علاية: اهلين ..اشحالج
فطوم: بخيير اشحالج انتي
عليا: فااين..اقولج انا وخولة بنروح السينما وبنمر علييج
فطوم: اي فيلم
عليا: نسييت اسمه بس هندي
فطوم: وناااسة..يلا ناو بتزهب
عليا: بسرعة نحن ربع سااعة وبنكوون عندي
فطوم: اوكي عيل باي
عليا: باااي
ع الساعة 8 وصلنا صحـارى...خذنا بيبسي وبوبكورن وهالسواالف ودشيينا الفييلم..
كاان روماانسي واااايد ويصييح..ونحن ما نصدق اي شي يستوي كنا نصييح علييه والناس يضحكوون عليينا
بعد ماظهرناا من الفييلم جيكت ع تلفووني اللي كاان ساايلنت
4 مسجاات 17 مسكووول وكلهم من رااشد
اول مسج
وييينج ؟
ثاني مسج
انتي ويين راايحة بدوون شووري
ثالث مسج
ردي البييت بسرعة
4 مسج
والله يا عليياااا ان ماردييتي البييت بسرعة بتجووفيين اللي بييج
عليا: اويييييه خل نرد البييت
خولة: اييه علييووو بعده وقت
عطييتها تقرا اخر مسج
خولة: طااف اونج ناسية الفوون في السيارة
عليا:حسبي الله علييج وعلى افكاارج..انا شو اللي خلااني اسمع كلاامج
خولة: لا تستويين خواافة يلا بنروح نتعشى
فطووم: لا خوولة والله انا خاايفة على علياا اخاف رااشد يعصب علييها
خولة: افف
ظهرناا من المووول ووصلت فطاامي بييتهم ورحنا انا وخوولة البيييت
اول ماا دشيينا الصااالة ما شفناا حد....رحنااا فوق ودشت خوولة حجرتها ودشييت قسمي ..شفت رااشد ياالس في الصاالة
لكنه من جااافني دش الحجرة وعق عمره ع الشبرية وتلحف اونه رااقد
عليا:رااشد
راشد:................
عليا: حبيبي
راشد:عليا انا تعباان وباجر ورااية دواام خليني ارقد
عليا: ماتهوون عليه ترقد وانت زعلاان
نش رااشد من مكاانة: ليش ماخبرتيني انج بتظهريين
عليا: خفت ما تواافق
راشد: ايووااا وظهرتي بدوون شووري
عليا:..........
راشد: يعني ماتقدريين تااخذيين شووري قبل لا تظهريين..شو كان بيستوي يعني بيطيح نصج
عليا:................
راشد:اليوم ظااهريين بمزااجكم ..الله يستر بااجر شو بتسوون
تمييت سااكتة بس اطاالعة بخووف
راشد: وييييين سرتي
عليا: رحناا صحاارى ودشيينا السينما
راشد: بس؟
عليا: هييه بس
راشد: انتي وخولة ومنوو
عليا: وفطاامي بنت خاالوو حصة
راشد : خلااص ما علييه انا بساامحج هالمرة بس اوعدييني ماتعييديينها
عليا تحط رااسها ع جتفه: اوعدك ماعييييدهااا
ابتسم لي: زيين خلااص خليينا نرقد باجر ورااية دواام
علااية:هييه صح بااجر الصبح برووح مدرسة عباادي اخووية
راشد: لييييش
علاية: باجر مجلس الامهات
راشد: ماعليه رووحي
.................................................. ................................
نشييييت ع صووت المنبة ....انتبهت للساعة كاانت 8 ونص....نشييت تغسلت وتسبحت
جففت شعري.....فجييت الكبت
ظهرت لي تنوورة بنية وبدي بني وبييج ..حطييت مييك اب على لوون لبسي..لبست عبااتي وشيلتي
شليت شنطتي ورحت صوووب سيااارتي..ترييتها تحر
اوول شي مرييت المحطة خذت لي بيبسيي وكييندر وكم شيي
وبعد المحطة ....رحت الاسكوول
وصلت المدرسة ودشييت الريسيبشيين.....سالت عن اساامي مدرساات عبوود وسجلته بوورقة
رحت عند اول مدرسة "ريتا" وقااالت لي ان عباادي شااطر ويحل واجبااته وكله رااقد في الحصة
اكييد هالخيااس مب مخليينة يرقد عدل لكن ما علييه
بعد ما سالت عنه عند بااقي المدرساات.........ظهرت من قسم الكييجي
ورحت صوب الريسيبشيين ..دشت وحدة طويلة وبيضة وفييها ملاامح مني ..احس اني اعرفهاا
انتبهت لها اكثر ......ومن شافتني ابتسمت ويت صوبي تسلم علييه
.....: اشحالج عليا
من صووتهاا عرفت انها منال
عليا: انتي شو يايبنج هني
منال: ياية اسال عن عباادي
عليا: انتي ما يخصج ف عبوود تفهميين مايخصج انا اخته وانا المسؤولة عنه
منال:...........................
عليا:بليز منال لا تدخليين بشي مايخصج فييه...كفااية خذتي ابووية مني وبعد تبيين تااخذين اخوااني
ظهرت من المدرسة...وتمييت اتحوط بالسياارة......شوي ويااني رقم غرييب لكني طنششته وماردييت علييه واتصل فييه اكثر من مرة لكني ما ردييت وحطييييته سايلنت
شوي واشوف تلفووني كاان يرن"فطاامي"
فطامي: صباح الخير
عليا: صباح الورد
فطامي: ويينج ما ترديين
عليا: سووري بس حاطتنه سايلنت ...
فطامي: اهاا وينج
عليا: مااشي اتحوط
فطااامي: اوكييييه شو راايج نتريق ف ستاار بووكس
عليا: اممم اوكييه ..امر علييج ولا
فطاامي: لا بي بسيارتي
عليا: اوكييه لا تطولييين
فطامي: ان شاءالله بااي
عليا: باي
وصلت ستاار بووكس شوي ويتني فطامي
سلمت علييها.....ورحت وطلبت لنا كروسوون و ميلك شييك وجييز كييك
بديينا نترييق ..انتبهت ع الطااولة اللي جداامنا كاان اخووية حمداان ومعااه وحدة وشكلهم كاانوا يتضااربوون على شي ..بس الحمدلله هو مانتبه علييه ولا فطااامي انتبهت علييييييهم
ظهرنااا من ستاار بووكس وكل وحدة منا بسياارتها..لكني طوول الدرب افكر منو هااي اللي كان يتضاارب وياها حمدان
وصلت البيييييت ودشيييت الصالة شفت عموو
عليا: السلام عليكم
ام جاسم: وعلييكم السلام..اشحالج عليا
عليا: الحمدلله عمووو
ام جاسم: عليا تراا عمتج وبنتها عبير بيوونا ع الغدا
عليا: ان شاءالله
رحت فووووق ودشيييييت قسمي...انتبهت للساعة 1ونص ...تلبست وكششخت ..شوي ودش علييه رااشد..
عليا: الحمدلله ع السلامة حبيبي
راشد: الله يسلمج عمري
تجدم صووبي وحظني: تولهت علييج حبيبي
باااسني على خدي: يلا برووح اسبح نااو وبننزل تحت مع بعض
عليا: اوكييييه
بعد ما خلص رااشد الشور تلبس....ونزلنا تحت و ف نص الدري انتبهت على عبيير كاانت ياالسة تحت
حطييت ايدي بايد رااشد ...من جاافتنا حسييت انها انقهرت
رااح رااشد الميلس ..وتمييت انا ويااهم ....ليين يا وقت الغداا وتغديينا....رن تلفووني وكان رقم غرييب نفس الشخص اللي اتصل بي الصبح
وطنششته.......يا ف باالي اني ارووح بييت ابوووية
استاذنت منهم ورحت فووووق وجفت رااشد وشكله يبغي يرقد
عليا: رااشد
راشد: هلا
عليا: بروح بييت ابووية
راشد: اوكي حبيبي رووحي بس الفليل بمرج وبنظهر
عليا: امم خلها بااجر الفليل بغييت اروح محل تصميم عبي ماالي
راشد: زين براحتج عمري
رقد رااشد....ورحت انا بيييييت ابوووية
.................................................. .................................
دشيييت البيييييت وما كااان فيي حد.....ركبت الدري ورحت فوووق دشييت حجرة عباادي لقييته رااقد ..بسته ع خده...
ظهرت من حجرته ودشييت الصالة اللي فووق انتبهت على مربية وكان ويااهاا بيبي واايد كيووت
سالتها منو هذا تقول لي حميد سالتها ولد منو لكني مافهمت ردها ...سالتها عن اخواني قالت لي سلطاان رااقد وحمدان ف حجرته
رحت صووب حجرة حمدان...دقييت الباب ودشيييت
عليا: هااااي
حمدان: هايااااات
عليا: منو هالياهل
حمدان: قصدج حميد
عليا: هيييه
حمدان: ولد ربيعي
عليا: وليش الولد عندنا
حمدان معصب: اووووووووه عليا لا تساليييييييين واااااايد قلت لج ولد ربيعي وخلااص
ظهر من حجرته وهو معصب.
تمييت انا ياالسة ف حجرتي اقرا قصة ...وبعد المغرب ..رحت محل تصميم عبي
وتمييت ارسم دزاينااات ...شوي ودشت علييه وحدة عمرها مابين 21_23
.........: السلام عليكم
عليا: وعليكم السلام
......: انتي عليا منصور آلـــــ......ي
عليا: هيه انا عليا منصور
......: اتصلت فييج كم مرة وماردييتي علييه ..ومن عرفت انج بداوميين اليووم ييتج وبغييتج بموضوع وان شاءالله تسااعدييني
عليا: اامري بس انتي منو
......: انا شوق حرمة اخووج حمدااان
نهاااية البارت
الجزء ال13
تمت شووق تقوولي سالفتها ويا اخووية حمداان انصدمت من الخااطر .....ماتوقعت ان يتزوج وعنده ولد بعد
من سمعت السالفة ...وعدتها اني اساعدهاا...ظهرت من عندي ورحت انا بييت ابووية اول مادشييت البييت
شفت حمييد ولد حمداان تجدمت صووبه وبسته كان يشبه حمااني الله يرحمه
انتبهت على حمدان اللي دش البييت وكان متضاايج
عليا: حمداان
حمدان: عليا انا متضاايج خلييني برووحي
عليا: شو فييك
حمدان: مااشي
عليا: ماشاءالله عليه ولدك وايد كيوت
تم حمدان يطالعني وكان مصدوم: ولدي!!
عليا: هيه ولدك حمييد
حمدان: منو قالج ان ولدي
عليا: اليوم يتني حرمتك شووق وقالت لي انك متزوجها من سنتيين بدون علم ابوي
حمدان:مب حرمتي....
عليا: عيل حرمة منووو
حمدان: هاي حرمة حمااني الله يرحمه
عليا: شووووو!!!!! حمااني؟؟
حمدان: هيه حمااني
عليا: كيف شووق تقولي حمداان
حمدان: تقص علييج وجان مب مصدقة باجر بيبين كل شي في التحااليل
عليا:...............
حمدان: اليوم كنت ويااها وتقوولي تزوجني وقولهم ان حميد ولدك واني انا ما تزوجت حمااني.....قلت لهاا مستحييل اللي تفكريين فييه....وعلى فكرة حماااني مطلقنها
عليا: باجر بنسوي التحالييل
حمدان: خلااص بيينا الساعة 10 الصبح في المستشفى
عليا: اوكييه بس حمااني ليش ما قال لنا عن زوااجة
حمدان: لانه من زماان يدري ان خوولة تحبه ومابغى يجرح مشااعرها لان يعزهااا وااايد
عليا: حليلك حمااني والله يعيين خوولة لو درت بالموضوع
حمدان: انتي لا تقووليين هالسالفة حق حد ليين نتاكد بااجر وبعدهاا يصير خييير
عليا: ان شاءالله
حمدان: يلا انا بروح ارقد
انتبهت ع الساعة شفتهاا 11 الفلييل
عليا: هييه انا تاخرت ع البيت بعد مافييه على حشرة رااشد
حمدان: ههههههههههههههههههه محد مادبنج غيير رااشد
عليا: جبب...يلا بااي
وصلت البييييييييت ودشييييت قسمي ماحصلت رااشد......تسبحت وتلبسست..نشفت شعري
اتصلت برااشد
راشد: هلاا وغلاا
عليا: اهليييين
راشد: ويينج حبيبي
عليا: في الهووم ....انته ويينك
راشد: في الميلس
عليا: اهااا بتطول
راشد: هيه والله شووي
عليا: اوكي حبيبي انا برقد الحيييين
راشد: نوم العوافي عمري ...سوري لاتزعليين بس ماقدر اهد الشباب ف الميلس
عليا: لا عمري دونت ووري انا لازم ارقد باجر بروح المستشفى
راشد: لييش شو فييج
عليا: هاا
مالت علييه شو قلت له اناا
عليا: لا بس بروح عند ربيعتي مريضة
راشد: هيه سلامتها ماتشوف شر..يلا عمري بااي
عليا: باي
راشد: لحظة
عليا: ها
راشد: تغطي عدل
ابتسمت ف خااطري مستاانسة ان مهتم فييني شراات ايام الملجة: ان شااءالله عمري باي
راشد: باي
رحت صوب الشبرية وحااولت ارقد وكنت افكر في المشااكل اللي بتستوي يوم بيعرفوون ان ولد حمااني...
.................................................. .................................................. ......................................
نشيييييييت على صووت المنبه شفتها الساعة تسع.....صدييت صووب اليساار ماشفت رااشد اكييد راح الدواام
نشيييت من مكااني تغسلت ......فجييت الكبت
ظهرت لي بنطلوون جينز وبدي احمر........تلبست ع السريييع
ورحت صووب سياارتي ....حتى ماترييتها تحر ..احس اني متااخرة وااايد
رن تلفووني"حمدان"
عليا: صباح الخير
حمدان: صبااح النوور
عليا: شوتباا
حمدان: وييييينج نحن سوينا التحاالييل والاورااق عندي...تعالي بييت ابووية وبرااويج
علاية: اوكيي
حمدان: يلا باي
عليا: بااي
رحت بيت ابووية وشفت اوراق التحااليل وتاكدت ان ولد حمااني
يلست ع القنفة: آآه شو بنسوي الحين
حمدان: مادري والله بس ابووية لازم يدري
عليا: ليش هو مهتم لنا اصلا...مايهتم الا حق سارة وبنتهاا
حمدان: حرام عليج عليا احسهم يحبوونا
عليا: يمثلووون عليينا حبيبي......المهم خلنا من منالوو وامها.....شو عن الموضوع
حمدان: اممممممممم
عليا: عن الاهل انا بتفااهم وياااهم بس شووق لا تعطوونهاا الولد انا فهمت من كلاامها اذاا انته ماتزوجتها بتاخذ ولد خاالتها...بس اذا تبا تجووف ولدها خلها تزورنا هني ما بنمنعهااا...وحميد ولدناا ومابنقصر عليييه بشي
تميت ويا حمدااان لين اذن الظهر ورااح حمدان المسييد ورحت انا حجرتي توضييت وصلييت...
فتحت اللاب وبدييت اتسمع اغااني علي بحر
أحبك موت لوتدري
حياتي دنيتي تفداااك
شوي ودشت منال
صكيييت الاغنية
نشيييت من مكاااااااني وانا معصبة علييها: انتي امج ماعلمتج الادب..ماعلمتج يوم تدشيين حجرة حد لازم تدقيين الباب
منال: لااا بس انا دقييت الباب وانتي ماردييتي علي كنتي معلية ع صووت الاغااني
عليا: ثااني مرة ان دشييتي الحجرة بدون ماتدقيين الباب ياويلج
منال:...............
عليا: حتى لو ماردييت علييج لا تدشيين ......فاهمة
منال: آسفة ...بس تعالي تغدي
ظهرت من حجرتي ونزلت انا الصالة وشفتهم يتريوون ابوية
من نزل ابووية رحت وسلمت علييه
بدييينا نتغدى وما كملنا 3 دقاايق الا ومنااال تنش من مكاانهاا
بو حمدان: وييين مناال حبيبتي ما كلتي شي
عليا: خلهاا برااحتها ابووية
بوحمدان: انتي اسكتي مايخصج
موول ماتوقعت ابووية يرد علييه بهالرد؟؟ انا يقولي مايخصج عشاان مناال
اللي قااهرني ان على ايام امي الله يرحمهاا كان مسوووي لي طااااف كلت ولا ماكلت
ما كنت اهمه....
رحت فووق ودشييت حجرتي شلييت شنطتي ومن ظهرت شفت مناال
منال: عليا
صرخت علييها: شو تبين انتي وامج دشييتوا بيتنا وخربتواا حيااتنا..حسبي الله علييكم
ظهرت من بيت ابووية ورحت البييت
دشييت قسمي وعقييت عمري صوب الشبريية ....تذكرت امي الله يرحمها كيف كانت مدلعتني وكيف كنا متعلقين ببعض
......وكييف ابووية يعااملني ..طاحت دموعي
دش رااشد الحجرة وشاافني ..يا ويلسني ف حظنه
راشد: عليا حبيبي شووفييج
عليا: متضاايجة وااايد
راشد يرص علييه: فديتج عمري من شو
طالعته: بتخلييني راشد
راشد: مستحييل اخلييج عليا ..مستحيل اخلي رووحي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك