رواية همس الموت - Whisper Death ™ - 19
شهد بصوت خافت : مــ ...مريوم......!!!!!!!؟
قلت : شهــ..ــد...هـيـ.ـه انا مــريم..
شويه...واطلقت صرختها.....!!!!
اسمعها تصرخ بفررح...وتصييح فـ نفس الوقت...!!
قلت احاول اهدّيها : شهـــــد....شهّووده...وطّي صووووووتج..!!!
قالت وهي تشهق ك: ويييينج مريووم...ليش اختفتي.....!!!!؟ ماتدرين كيف كنّا عايشين بدوونج.....وو في شي لااااااازم تعرفيينه.......أأأ..
قاطعتها : اشششششش....مب الحين هالكلام....! انا فـ وضع ما يسمح لي اطوّل..
شهد بخوف : لييش....؟!
طنشتها وقلت : اخبااركم..؟ امي وابوي شحالهم...؟
شهد بحزن : امي تخبلت من عقب ما اختفيتي...وابوي وآآيد تعب...
تنهدت بحززن..وحاولت امنع دموعي تنزل..
قلت : وامي وابوي ويينهم....؟
شهد : الحين محد في البيت الا انا ولمآر...
قلت بشوق : ابا اكلم لمآآر...
شهد : اووووكي....الحين بزقرها....
.....
: آآلووووو.....؟
ابتسمت ..فديت صووتها وحشتني..
لمآر : شهــــــد....منوو اللي يباني ع التيلفوون...والله لو طلع مقلب سخيف منج بكفخج...!
قلت بهدوء : لمآآآآآآآر..
لمآآر : ......
مريم : هههه ما عرفتيني.......؟
لمآآآر بصررخه : مريووووووووووووووووم....!!!!
.
وبعد صيآآح وصرآآخ وسؤال عن الاحوال..
رديت اكلم شهد : شهد....الحين ببند...بس ابيج تطمنين امي وابوي واخواني..
انا بخيير...بس....بس لا تدورون عليّ لانكم ما بتحصلوني....
قالت بخوف : لييش...انتي وين.....!!؟
قلت بأسى : مادري انا وين.....لكن....انا فـ ماكن خطير.....وو....احتمال ما اطلع منه حيّه....
قاطعتني وهي تصيح : لا تقوووولين جيي..بتردين لنا...انا متاكدة...
قلت : شهّوودة...الله يخلييج سمعيني.....هالرقم لا تدقّون عليه مهما صاار...لانّي يالسة ارمسج بالدسّه...ووو حتى اظن انه مراقب....!
ما ردت عليّ.....بس اسمع شهقآتها..
نزلت دموعي بالغصب....همست : احبكم كلكم.......وو ما بنسآآكم....
وبسرعه بندت...
مسحت دموعي....مابي اكون ضعييفة.....لازم اقوي نفسي...
\\
ريــــــم
.
مادري ادق ولا لا..من بعد ما جفت مريوم....كسرت خآطري اكيد الحينة متألمة..
الحين شو ا سوي...؟
لا بدق احسن......
ووبسرعه ضغطت ع الارقام قبل ما اغيّر رايي..
.
بدا يرن ...
وو....ردّ عليّ صوت طفولي : آلوو..
حيآآتي..ها سعّووودي : آآلوووووو....
سعّود : آآلوو..منووو.؟
قلت بفرح : سعّوووودي...أنااا ريم..!!
قال بفرحه : ريييم....!!!!! " سمعته يكّلم حد عدّاله " عواااس..رييم..رييم...
.
يآآني صووت عواش : ريــــــــــــــــم....!!!
قلت بسرعه : عوآآش..هيه اناا ريييم....
قالت بهجووم : ويييييييييينج يا مسودّة الويه.....؟!!!!! وين رحتي...وو مع منووو...؟ ولج ويه تدقييين.....!!!؟
عآفاانا الله...حتى وانا بعيدة عنها تضآآرب...
قلت بقهر : جب يالخسفة....!..ولو سمعتج تقولين هالكلام عنّي بقصّ لسآآنج..
قالت : هه..شو بتسوين يعني..؟ " وبقسوة صرخت عليّ " سمعي...امي وابوي تبرّوا منج.......ما نباااج تدقين ولا تردين البيت....فآآهمه..
وو..طآآخ.....بندت فـ ويهي...!!!!!
شفف هاللي ما تستحي..!
طالعت فـ التيلفون بقهر.....
حطّت مريوم ايدها ع كتفي تهدّيني ..
مريم : يلا ريم.....لازم نردّه قبل ما يحصلونه عندنا...
قلت باستهزاء : وتظنين ..انهم ما يعرفون انه عندنا...
هزت كتوفها : يمكن..!
حقـــــآئِق اكتشفت...!
بعد التحقيق في قضية اختطاف مريم وريم.....و بعد البحث المتواصل..
اكتشف فريق التحقيق.....ان مريم توأم ريم....!
وهذا الاكتشاف كان صدمة للعائلتين....!
وو الاهم من ذلك.....انا والدا مريم....هم العائلة الحقيقة للتوأم...!
والقصّة...انه في ذاك الوقت انجبت ام مريم طفلتين ..وفي نفس الوقت...انجبت ام ريم ...طفلة..
وبعدها.. حدث خطأ في حضانة الاطفال....وتم استبدال طفلين عن طريق الخطأ..
وهو اخذ ريم...واستبدالها بالطفلة الاخرى...
وبعد يوم يومين....توفيت الطفلة الاخرى....فلم يبقى لام مريم....الا طفلة واحدة وهي مريم...!!!
\\
فجـــر..
\\
الحين انا جدام بيت علي...
نزلت انا وبدُور من التآكسي...ودقيت الجرس..
دقايق وظهر لي علي.....عطيته بدُور....اللي دوم اخلّيها عند اخته وعمته اذا بظهر مكان..
بعد ما دخّل بدُور داخل.....ظهر وركبنا السيارة...
وو توجّهنا للبحر..
.
وصلنا ...
حصلنا الشباب نصهم متيمعين..
نآصر..وفهد...حمد...جآسم...خليفة...عمر...والباقي شكلهم بعدهم ما وصلوا..
سلمنا عليهم وقعدنا...
..
بعد ربع ساعه...الكل كان موجوود..
كنّا نسوولف ونضحك ومستآآآنسيين حدّنآآآآآآ...!
حمد وجاسم وناصر..
هم اللي يشوّون...والله يستر كيف بيطلع الاكل عقب..
اما انا وسالم وعلي وخليفة....يالسن نتمشى ع البحر...
والباقي يلعبون ورقة..ويسولفون..
.
وانا امشي...ما حسيت بعمري الا وحد سحبني وطيحني في البحر ..و ماسك راسي ومدخلنه في الماي..
تحركت بسسرعه..حاولت ابعده..بس ما قدرت..
حسيت ا ني بختنق...!!
بس رفع رااسي...
وشهقت بقووة اتنفس..
سمعت ضحكته......هاا سآآلم الـــــدب....!!
وردّ مرة ثانية ودخّل رآآسي...
وطلّعه ...قلت بسرعه : سآآآآآآآآآآآآآآآآآلم..بسسسس.....!!
طالعت ف علي وخليفة اباهم يساعدوني.....جفتهم يضحكون...
والله براويهم...!
ياا سالم بيدّخل راسي...شكلها عيبته السالفة..
بس بسسرعه سحبت ريوله وطآآآح....
وقفت على طول..ومسكته بقووة...
كان بعده مغمّض عينه من الماي المالح...
ضحكت باجرآآآآم....انا ماحب هالنوع من المزح...بس برآآآويه..
قال باستسلااام : لااااااا...آآآسف وربي آآآسف..
قلت : ههههااااااااي...آآسف...؟ شوو هااي آسف بعد....؟
مسكت رااسه وهو يصرخ ودخلته في المااي وانا مستاانسة...
وسويت له نفس ما سوواا فيني..
.
بعدها كسر خاطري..ورحمته...
تركته....
وابتعدت عنه......جفت خليفة وعلي اللي كان عايبهم الوضع..
وبدون ما ينتبهون....صنعت كورتين من الرمل المتخيس بالمآآي...
ووو.....طآآآخ....ع ويووهم...
خخخخخ..لا انا اليوم بموووت....!!
بعدهم سااكتين...يستوعبون شو اللي ع ويههم..!!
وعقبها...صرخوووا باعلى صووتهم...وهم متحلفين حقي..
وانا....ماجافوا الا غبآآري...!!
صديت ورا اجووفهم....هههه يلحقوووني...ويمسحون الرمل من ويههم...!
ركضت باقوى ما عندي....
لازم انقذ حيآآتي....!
جفتهم تعبوا ووقفوا...
هههههه شكلهم صدق معصبيين.....يستآآهلون والله..محد قالهم يضحكون عليّ..
وقفت.....ويلست بتعب..
وانا اطالعهم من بعييد...
تعمّدت اضحك بصووت عالي ..اغايضهم..
خخخخ ادري ما فيهم حيل يلحقون وراي..
.
انسدحت ع الرمل ارتاح بعد ع الركض..
غمضت عيوني...
حليلهم صدق لعوزتهم.....بس سلّوم يستآآهل..دوومه يتنذل وياي...!
وهذيلا ما يصدقوون يضحكوون وياه...
تذركت شكل ويهم بعد ما فريت عليهم الرمل..
ضحكت بصووت عاالي...
.
فتحت عيوني..وجفت حد واقف عند راسي ويطالعني..
ما انتبهت لملامحه....
قلبي طاح فـ بطني..ياا ويلي..اكييد يا سالم او علي او خليفة..
بس من سمعت صووته تجمدت اطرافي...
كآبتن يوسف : هه...لهدرجة عايبنج الوضع..؟ تضحكين بروحج..؟
غمضت عيوني...احاول اهدي نفسي....لازم اكون قوية واواجهه..
يلست... وانا معطتينه ظهري..!
قال بسخرية : هااه....! عكرت مزااجج صح..؟
يلا فجر...ردّي عليه....يلااا ...لازم تراوينه انج مب ضعيفة..
خذت نفس عميق وقلت : هه...!! لا ابدن...بالعكس اليوم مزآآجي رآآيق ع الاخر..
حسييته استنكر نبرتي...!!!
لانه تجدم ووقف جدآمي...
رفعت راسي..وطالعته بتحدّي...
بجووف شو اخرتها معااك.....ياا......كابتن يووسف..!
\\
~| نهـــــآية الهمسة الثامنة عشــر |~
~| الهمسة التاسعــــــة عشـــر |~
\\
فجــــر
،
نزل لمستواي وطالعني بنظرة تفحصية..
طالعته بتحدّي اكثر..
رفع حواجبه : وبعععد.....رآآيق ع الاآخر....! هه...وليش رآيق ع الاخر...!.؟ عشآآن منوو..؟
وآآآآآآضح يبا يدّور مشكلة عسب يضارب..ويحط حرته فيني...
ما رديت عليه......مادري اقوم اردّ عند الشباب واطنشه.....وولا اوقفه عند حده..!؟ اقدر اواجهه الحينة...؟
تحولت نظرتي لبرود...وقلت : شو المطلوب..؟ اختصر الوقت اذا ماعليك امر..
عقد حواجبه...بس بسرعه رفعهم بتعجّب..
اقترب منّي اكثر.......وو مسكني من ذقني....آآه...اكررررررره هالحركة لما يسويها فيني...!!!!!
عيني معلقّة فـ عينه...
لانت ملامحي...وو
مسكت ايده بخّفه..و ابتسمت ع جنب...
من ملامحه اللي يحاول يخفيها..حسيته استغرب ...!
.
تفآجأ....لمّا قست ملامحي.....ووو غرست ايدي فـ ذراعه..وبقووة.....فرّيتها بعيد..
وو عقبها وقفت...
جفته على ويهه ملامح الصدمة من حركتي وبعده على وضعيته....!!
تجتفت ...لما اخيرا استوعب ووقف مجابلني..
طالع فـ ايده..عقب طآلعني....
واخيرن نطق وقال بهمس : انتـــي.......انتي تعرفين شو سويتي....؟!!!!!
خذت نفس عميق.....احاول ابعد اي خوف يحاول يتسلل لدآخلي..
قلت ببرود : ليش..؟!!!! شو سويت...؟!
نزّل نظآرته الطبية.....وحطها فـ جيبه...
جفت عيونه تنطق بالغضب...!
قال بحدّه مخيفه: محد..!!......ما جد حد تجرأ و لمسني......" شدّ ع قبضة ايده...وقال بتقزز " ووو..انتـــي..!!! انتــــي...تــ...
قآطعته : هه....مسكين والله...هيه انا تجرأت....يآآ كـَ....يآ يوسف..
" وبتقزز مسحت اثر لمسته من ذقني....وبجرأة " صدّقني..... لو حاولت تسوي شي......ما بلمسك وبفرّ ايدك شرات هالمرة........لااا.......بكسرها لك...!
طالعني مستنكر .....قريت فـ عيونه....ليش جي تغيرت...؟!!! شو اللي غيّرها..؟
.
الفترة الاخيرة..كنت اتجنب المشاكل وياه....واحاول ما التقي ويا ه الا في فترات التدريب...
واكيد انه فسّر تصرفي على انه خوف...!!
وتفاجىء فيني الحين..
قال باستنكار : انتي اكيد نآوية ع عمرج..!!!!! واكيد تعرفين شو بيكون نتيجة تصرفج هذا..!!!
قلت باستهزاء وانا داخلي ميته من القهر : هه..! نآوي ع عمري....؟ ليش الاخ ناوي يقتلني...؟ " هزيت اكتوفي بلامبالاة " هذا انا جدامك...تعآل واقتلني...!
وو ولا بتضربني....؟ تعآقبني..؟ تعآل وجرّب حظك..!
" مديت سبآبتي فـ ويهه بتحدي " بس قبلها بحذرك....!
فجـــر....البنية..المسكينة...الضعيفة....هآآي....ان محت من الوجود " ضربت كفوفي فـ بعض " خلاآآآص...مآآتت....!!!
وانولد بعدها فآرس.....!!! اللّــــ...
قطع كلامي حركته السريعه....مسك ذرآآعي...ولوّها وراا ظهري...
تألمت من حركته....
قرّب رااسه من اذني وهمس : فآآآرس هااه......؟ لو شو ما سويتي بتمّين فجر....وما برضى تكونين غير جي..!
صرخت عليه : الحين فجر...هاه!! قوولوا حق عمآآركم هالكلام...مب لي.......!
وو ورضيت ولا ما رضيت..انآآ فآآآآآآرس....تفهم..!! فآآآآآآرس..!
شدّ ع ذرآآعي بقوة...صرخت بداخلي ....وغمضت عيوني متألمة..
رصّ ع ضروسه : يعوّر...؟! ههه..لا حبيبتي ما جفتي شي....! وتتحدّيني بعد...؟ عيل يآآ انا يآآ فآآرس...!!
شدّ ع ايدي اكثر......خلااااااص حسيتها بتنجلع..!
ماقدر اتحمّل........شدّيت قبضة ايدي الثانية المتحررة منه..
ووو بحركة سريعه وقوية....ضربته فـ بطنه بـ كوعي.....!!
ترك ذراعي وركع وهو ماسك بطنه متألم من حركتي المفاجئة..
.
رفع رآآسه....وطآلعني بغضب..!!
خذيت نفس عميييييييق...استعد للمواجهه الكبرى....!!
ركض صووبي...وو هجم عليّ..!
طحت ع الرمل....و هو يضربني ويضربني ويضربنــــي بكل قووته!!
غطيت ويهي بذراعي احميه من ضربآته...
حاولت ابعده عنّي....بس ثقييل وايد...!
ماعطاني فرصة اضربه !
غير ان عضلااته قووية.....
.
فجأة ابتسمت بمكر....
وعضلاتي قوية وتقدر تهزمه...!
.
رفعت ريولي..وبعدته عنّي بقوة...
افتقد توازنه وطاح ع الرمل...
استغليت الفرصة...و انقضيت عليه....
وهنــــي....ظهرت كلل حرتي فيه...!
كفخته من كل خاااطري....رفسته....ضربته باقوى ما عندي....صفعته ع ويهه..
ماعطيته اي فرصة للدفاع...
.
اول مرة اكون بهالوحشية والهجوم العنيف...
هالانسآآن...ما يتسآآهل الرحمة....لازم يذوق العذاب اللي يذوقه للناس....!
خلاآآص....احسّ بغييض منه...لين متى بتحمّله هو ابراهيم....؟
.
مآآ انقذه منّي الا الشباب...اللّــي تجمعوا حولنا مستغربين....
سآلم و نآصر وجآسم..
يودوني بقووة..
وخليفة و عمر و حميد جفتهم ميودين يوسف...
اللي يتنفس بغضب..وخشمه ينزف...!
تذوقت طعم دمّ فـ حلجي..
مسحت بكمّي الدم اللي ينزل من شفايفي..
.
يت عيني بعين علــي اللي واقف بعيد....ومتجتف...
ويجوف الموقف ببرود..
ابتسم يشجعنـــي....!
هيـــه...هاللّـي اباه ..التشجييع..!
.
رديت اطالع يوسف اللي يقاوم ويحاول يبعد الشباب..
ابتسمت بسخرية اغاايضه..
حسيت دمّه فار منــي..!
لانه بدا يضرب الشباب بدون ما يحسّ ويحاول يبعدهم عنه..
فهد يهدّيه : كآآبتن....هدّي شوي...!!! ما يستوي تضاربون..!! شو اللي صار بينكم...!!!
قلت انرفزه : لااا خللّه....هه..ابا اجووف الخديه شو بيسوي....!؟
هنــي وبشراسة بعدهم عنه.....وتجدم صوبي وعيونه يتطاير منها الشرر...
فلتّ من ايد الشباب....
وو ردّت الضرآآبه بينا..
.وو محد قدر يوقفنا..!
.
كنت اسمع همسآتهم المستنكرة من ضرباتنا...
كيف فجأة جلبنا اعدااء...؟ كنا فـ نظرهم احسن مدرب ولاعب...!
هه مايدرون ان نحن من يومنااا اعدآآآء..!
.
من كثر ما يوسف ضربني...خلااااص ماصرت احس باي الم..جسمي كله تخدر..!
الليلة هذي يمكن تكون الاخيرة لي...وادري انها ما بتعدّي ع خير....
بس عآآدي..انا مب ندمآآنه...!
اهم شي انتقمت لنفســي..!
،
اخيـــرن....كل واحد فينا تعب....ونفذت قوته.....وقدروا الشباب يفرقونا....
شلّوا يوسف بعييد عنّي..
.
سحبوني الشباب...وقعدوا يهدّوا فيني...
عطيت حد سالفة...فريت عمري ع الرمل..وانسدحت بتعب...
والبسمة ما تفارق شفاتي...
و ما فاتتني ملامح الاستغراب ع ويوهم..!
عقبها يا ناصر وبايده شنطة صغيره للاسعافات الاولية..يابها من سيارته..
وو بدا يعالج الخدووش اللي فـ ويهي...
//
بعد يومـــــين..
//
ريـــم..
،
هاليومين مرّوا بسلام....
تدرون..كنت احسب بيسوون لنا شي...من عقب ما رمسنا اهلنا من دون ما يعرفون...
بس ما سووا ولا شي.....وهالشي يمكن دليل انه مافي مراقبة مشددة علينا..
مادري...اليوم يت ع بالي فكرة...
بس ماعرف اذا نقدر ننفذها او لا...!
طالعت فـ مريوم الرآآقدة.....افف...
هاي كللله تنآآم...!
سحبت اللّحآف عنها....
بس ما تحركت.....قربت منها ويلست عند راسها..
صآرخت فـ اذنها....كفختها....غنيت عند راسها....
بس كل ها ما منه فاايدة....نومها ثجيــــــــــــل..!!
.
والله متحمسة حق الفكرة....بس هاااي تخرب حمآآستي...!
مافيا لا طريقة وحدة عسب تنش.....هع...المآآي....
مع اني ادري انه عادي تذبحني هني اذا رشيتها بالماي...
هههه مرة سويت لها هالحرمة وليتني ما سويتها...كنت بصيح من خوفي منها..!
يممه تخررع كانت...!
ضحكت بمكر : هههههآآي..مريوم ما بتنشين صح...؟ اوكي حبيبتي رقدي..رقدي...
.
يبت غرشة المااي.....مممم لحظة..!
لازم اخذ احتيآطآتي....!
حطيت الغرشة ع الطاولة.....
ولبست عبآتي وشيلتي.....وسرت وخليت الباب مفتووح بكبره....
ربطت عبآتي ع خصري...
ورفعت اكمآآمي....ووو طاالعت الهدف بنذآآله...
مسكت الغرشة وبطّلتها....
ووو فرغتها كلها ع راس مريوم....
.
جفتها فزّت متخررعه....ويلست وهي تشآآآهق...
رمشت بعيونها بسرعه تستوعب اللي صار.....
عقبها مررت نظرها بـ غرشة الماي....وفيني وانا شاااقة الحلج...!!
وو قبل ما اسمع صرختها فريت الغرشة ....وشرردت برآآآآ......
مريم بصرآآخ : ريموووووووووووووووووووووووه.....!!!!!!!!
ههههه....حلييلها ما بتقدر تلحق ورااي....
يلااا زين بعد..يمديني انخش فـ مكآآن....
بسس..!
سمعت صوت وراي..
التفت بسرعه...
جفت مريوم واقفة عند الباب...وهي متخررسه بالمااي ..وتتنفس بغضب...وبايدها غرشة الماي....وتلتفت تدورني....وو من جااافتني......
يت تررركض وهي تصررخ باسمي....!!
يمممه...!! شكلها معصبة من الخآآطر...وبعدها ما استوعبت الوضع اللي هي فييه..!!
فضحتنآآآ هالبنت....!
شرردت بسرعه وانا احاول ازوود سرعتي...مابيها تنقض عليّ...
التفت وراا اجوفها ..
قلت بتمثيل صوت باكي : مريوووووم...آآآآآآآآآسفه.........آآخر مرررة...
صدقيني ما كنت اقصصد...!!
صآآرخت : مآآكنتي تقصصدييين هآآآه....؟ لو تحلميييين ما بساامحج...!
.
صرخت لما قدرت تمسك طرف شيلتــــي....
بس وااصلت الركض...
وهي سحبت شيلتي بقووة...وو
انفصخت الشيلة من ع رااسي....وتمت فـ ايد مريوم وماقدرت تمسكني..
وقفنا بعيد عن بعض...
وكل وحدة تطالع فـ الثانية..
انا اطالعها ببراءة...وهي تطالعني بغيض...
قلت وانا التفت : مريووم بليز ردّي شيلتي.....اخاف حد ايي....وو انتي بعد سيـ
جفتها ردّت تركض صوبي.....يآآآربي منها.....ما تتعب...؟
انا خلاااص طااقتي قرربت تخلص..
جفت دري جدآمي...وو بسسرعه نزلت منه..
وهي لااازالت صاامدة وتركض وراي..
وانا انزل من طابق لطآآبق....!
لين وصلت للاخييير.......بسس.... ع اخر طآآبق بس فيه باب حديدي....شكله ممر سردآآب..
يآآربي ويين اروووح....!
ووو..
طآآآآخ...آآآآآآآي....تعثرت ع اخر الدري...
التفت بسرعه بجووفها...
بس مالحقت...لانها انقضضت عليّ.....ووو رشت المآآآي كلللللله فـ ويهي..
شهقت بقووة من بروودته.......ووو كح كح....دخل الماي فـ حلجي...!
.
بعد ما خلصت عملها الاجرامي......تنهدت بارتيآآح...
يلست ع الدري وهي شآآقة الحلج...!
صددق ما تستحي...!
وقفت انفضّ الماي عن ويهي وشعري...
وعقبها يلست عدّآلها...
قلت وانا ابتسم : اففف...تعبتيني...!!! ههه..تخوفين لما تعصبين...!
ضحكت : هيه....تراا اذا عصصبت ما ارحم..!!
قلت بخوف مصطنع : يممه مننج..!!
كملت وانا مبوزة : موولت عليج...كنت ابا اقوولج خطتي اللي فكرت فيها اليوم....بس شكلي بنفذها برووحي...
طالعتني بفضول : لييش...اي خطّه..؟ ما قلتيلي عنها...!!
طالعتها باستنكآر : وانتي خليتي اقولها....؟!!!
مريوم : افف منج رييموو....انتي اللي بديتي...خلاااص انا آآسفه قوولي خطتج..!
طالعتها بنص عين : فضووووولية..!!!!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك