رواية همس الموت - Whisper Death ™ - 43

رواية همس الموت - Whisper Death ™ - 43

بعّدت كرسي...ونزلت تحت الطاولة..!!!

ثواني وظهرت وبايدها اوراق...

يت صوبي ومدّتها لي..

قالت وهي تطالع صوب الباب خايفة : هذ..هذي..كانت لـ علي....وكان دوم فـ غرفته مجابلنها....وهوو حطهن فـ مكان سري ودوم كنت اراقبه من دون لا يدري.....بس لما مات....عرفت ان موته كان مب طبيعي..والدليل هالاوراق..

القيت نظرة سريعه ع الاوراق...

عقد حواجبي..

مافهمت..كلله رموز وو كلام مب مفهوووم..؟

قالت باستعجال: هذي شفرات....مم..مادري من وين يت..عرفت انها مهمة لان علي كان حريص ان محد يجوفها..فـ خشيتها من عقب ما مات.......وو في حد يالس يدوّر عليها..ويبيها.......وو مرة تسلل لـ بيتنا....وقعد يدوّر عليها.....

طالعتها متفااجئة...

لـهادرجة مهمة..؟ وشو هالاوراق اللي ما قالي عنها علي..؟

ومنوو هالشخص اللي تسلل .؟

قالت بتوتر : انـ..أ..انا جفت ويهه.....وو عرفته...

طالعتها باهتمااام...

أشرت لها باستعجال " منووو ..؟ "

همست بارتباااك وبعدها تطالع صوب الباب : مدربكم....اللي يلبس نظارة....

؟

لحظة..؟

مدربنا اللي يلبس نظاااارة....

محد يلبس نظاارة غير..............يوسف...........!!!

ظهرت فوني بسرعه وكتبتلها " يوووسف...!!"

هزت راسها بـ هييه...قال بتاكيد : هييه..هوو...هو نفسه...

كتبت بتوتر " انتي متأكدة انه الكابتن يوسف..!!!!! "

بلعت ريجها وقالت : هييه..متأكدة......الله يخلييك...انتبه......انا بروح....ومابي عمتي او اي حد يدري عن هالاوراااق..وصلهن الشرطة او اي مكااان بلييز....

وظهرت بسسرعه...

مسكت الاوراق....وانا مصدوووووووووومة...

يوسف...!! ياا هني....كان يدوّر هالاورااااق...!!

يعني...يعــــني...

هالاورااق تخص المنظمة...!!!

حطيت ايدي ع حلجي....

يمكن عسب جذي قتل علي...!!!

لان الاورااق مهمة بالنسبة له..

حطيت الاوراق فـ شنطتي...وحطيتها ع كتفي..

وظهرت بسرعه...

طرشت مسج لـ حمد " لقيت شي مهم واااااايد....عن المنظمة ...لازم اجووفك فـ اقرب وقت"

بعد دقايق ردّ " عن المنظمة..!!! لحظة..لالالا ...بنمشي ع الخطة...وبعد ما نلتقي قوليلي "

عضيت ع شفايفي..صح...لازم ما نلتقي الحين..

.

مسحت كل المسجات...احتياطا...

وحطيت الفون فـ جيبي لما وصلت النادي...

.

وقفت اتأمله من برااا...

شكثر انا كآآآآرهتنه الحين....!!

ولو مب عشان علي...ما كنت رديت له...

.

خذت نفس عمييق...

ودخلت..

،

دخلت قسم الادارة....

جفت كم واحد....سلموا عليّ..وتحمدولي بالسلامة..

.

عقبها رحت لغرفة التبديل...

المكااااان هاااااااادي....وين النااااس..؟

عقيت شنطتي...

وظهرت رايحة للملعب..

.

تأملت المكاان....

غريبة....وييينهم..؟

لايكون اليوم إجازة وانا مااادري..؟

صديت ورا بروح اسال أي حد في الادارة...

،

بوووووووووووووووووف...بوووووف....بووووووووووف..

نقزززت متخررعه من الصووووت...

طالعت الاورااق الملونة اللي تطيح عليّ من فووووق....!!

رفعت راسي ..

جفت الشباااااااب كلهم واقفين ع المدرجاات ويضحكوووون....

عقد حواجبي....

جفتهم نزلوا تحت...وركضوا يااايين عندي...

جفت سلّووم ماسك جدر كبير ويطبّل علييه بحماااس..!

ووفهد يصفّر بصوت عااااالي..

وماايد وربعه يصفقوون ويغنّوووون...

وخلّوف وسيف ونصّوور يجمعون الاوراق الملونة من الارض ويدورون حولي ويعقّونها عليّ...

طالعتهم متفااجئة....وابسمت من خباالهم...! شفيييهم.؟

سلّوم بصووته النشاااز يغنّي : فروووووص فروووووصي...ردّ لنا فروووووصي...عآآشوو....عآشوو.....صفقوووا يا شبااب صفقووووا...

فهد قاطعه منزعج : بسسس...ما نباا نسسسمع صووتك....وررربي..يرفع الضغط والسسسكرررر....!!!! انا ما حذرتك قبل.؟

سلّووم كمّل يغني وهو يرحب فيني....

تفاجئت بـ ناصر يضرب راسي من ورا..

ناصر بابتسامة : وياا ويهك....ما بغيت تداوم...يلسنا نترياك يومين عقب ما سمعنا انك ظهرت من المستشفى...

خليفة تكتف جدآمي : و وطوال هاليومين كنا نراقب باب النادي نترياا حضرتك تشرررف...

سيف بضحكة : هههه انت لو تجووف اشكالنا..كيف مجهزين الاستقبال طوال هاليومين...واخر شي نتقفط..!

سالم : الا فقدنا الامل.........ويا ويهك..

اقترب فهد مني وهو شاق الحلج...

ابتسمت له..بس ..مسرع ما مسحت الابتسامة..

فهد..!

واحد منهم...ووو....

نفضت هالفكرة....لالا....يوسف هو اللي قتله....وهالشي اكييد..

طوّق ذراعه برقبتي...وقال : الحمداللـــــــــه ع السلااامة ..يا فرووووصة....والله وحششتنا وياا هالعيووون ..

ضحك حميد : تقول عيوون بوووومة...

فتحت عيووني.....!!

انا عيوني عيون بووووومة..؟

ههه اصلا شو يخص عيوني..؟

كشّر : لا و بعد يبطّلهن زيااادة...!! يااخي هن برووحهن كبآآآر...لا تخرعنا اكثر..

سالم قرّب مني وطوّق هو الثاني ذراعه برقبتي....وو دخّل اصبعه بـ عيوني : وهاا الرمووش تقول ريش طااووس.....يااخي...فهمني هي لين وين تباا تووصل..؟

فتحت عيوني وغمضتها بسرعه...فركتها بايدي...احححح...

يعلللك يااا سااااااالم....يبااا يظّهر عيني المعففففن..

دزييتهم بعيييد عنّي...

ضحكوا الاثنين..بنذاااله..

سالم قال فجأة : يآآآي.....فروووص...احس شكلك صاير بنووووووتي....

هااااااااه...!!!

بققت عيني فييييه....

طالعت فـ شكلي بسسرعه..

يمممه....لايكون كششفني..!

او تغيّر شكلي وانا مادري.؟؟

ضحك بقووة هو فهّد..

سيف بضحكة : ماعليك..هو غيران من شعرك الطوييل....والنّآآآآآآآآعم " شدد ع الكلمة الاخيرة " مب هوو...كل ما طوّل شعره...افف الله لا يراويك كيف يكون...شي لا يُرى..!! اللهم لا شمآته..

ضحكوا الشبااب ع سلّووم...

سالم ينفخ صدره : جب..جب... اصلا كل ححد يتمنى شعري..

فهد بطنازة : يااا حاافظ..!

خليفة يطالع فهد بنص عين : صل ع النبي لا تصكه بعين بس ...

سيف بصووت عاالي : المهـــــــــم..خلونا من هالكلام الفاضي...اليوم ماشي تدريييييب... بنحتفل بمناسبة رجوع فرووس للنآآآدي...

تفاجأت.....احتفاال.؟

سحبوووني الشبااب للطاولة اللي توني جفتها..

وعليها اكل وكييك وحركآآآت..!!!

فآآجأووني الصراااحه...

طالعت الطاولة باعجااب...كل هاا هم مسوينه..؟ وحقي..؟

ظهرت فوني وكتبت بمزاح لخلّوف اللي واقف عدالي : لايكون هالكيك وهالاكل من يومين وهو هني...؟

خلّوف طالعني متفاجىء...وقال بصوت عالي : قصووووورك بعد ..تبانا نبدّل لك الاكل كل يوم.ولين ما حضرتك تشرررف؟احمد ربك يبناالك هاا كلله...." سكت شوي " وبعدين شسسمه تراا زين هالوحووش ما هجموا عليه....اول مرة يكون عندهم صبر..

هههههههه...

سالم ضحك : الا قوول ملييناا منه...يومين ونحن نااكله.!! وهالمرة انت بتاكله كله..

قررب فهد منّي ومسك ايدي...وقال بصوت عآآلي : شبااااب....انا وعروستي بنقصّ الكيكة..

يلااا سلييمة....اطربيينا بس مب بصووتج واللي يسسلمج...بالجدر مااالج....وينه حمييد..حمييدوووه.....انت غرّد لنا..وو..ويينه السكّين...عطووني..... " خذ السكّين " لحظة..! شووو هااا....! صدق ما تستحون..الحين هاا سكّين رومانسي..؟ لا لمعآآن...ولا شريطة الحمرا...يايبين لي سكّين ذبااايح...! الله يقرفكم...

هههههههه....

حاولت اخفي ابتسامتي لما جفت ويوه الشبااب...

فهد برومانسية : مااعليه يا قلبي...اهم شي اللحظة الرومانسية نفسسها..مايهم لا السكّين ولا الكيكة...

بققت عيني فيه...ها مصصدق نفسه...

والله بدييت اشكّ انهم كاشفيني...

.

سحبت ايدي بهدووء..

جاسم تكلم وهو ياكل : تريووو..تريوووا....انتو سويتوا الزفة اصلا.؟ يلا فهيدان..خذ عرووسك..واوقف هنااك...وبنسوي زفة..والله بيكوون كششخه...

ناصر : ههههههه...انتوووا ايييييييه...استحوا ع ويووهكم...تخيلوا حد يدخل ويجوفنا...!! عاد نحن لازم نحاسب ع تصرفاتنا....صرنا مشااهير..

ماايد : اووهو....عاادي يااخي...خلنا نتونس شوي..

سالم دق بقووة ع الجدر : وو...ألف..الصلااااة...والسلااام..عليـ...

فهد صرخ عليه : لااااااااااااع....مب انت....مب انــــــــــت رجآآآآآآآءن...!!

ضحكوا عليه...

خليفة : يلاااا عااد...قصصوا الكييكة...

سلّووم بدا يطبّل ع الجدر...

حميد : ألف الصلاااااااة...والسلاااااام عليك يا حبييب الله محمـــــــــد....

وبدا التصفييييير والتصفييييق...والكل تحممممس....!!

طالعتهم بتوتر....

هذيلاا من صدقهم...!!!

فهد لاعب الدور صح : يلا حيآآآآتي....حطّي ايدج ع ايدي..وبنقص كيكة بداية حُبنا...

حكيت راسي بارتباااك...

لالا....فجر خلييج طبيعية....اهدي...

ابصصم بالعشر ان فهد كااشفني...!!

فهد قرّب ويهه من ويهي...

تفاجأت..وتراجعت ع ورا شوي..

هاا شفيييييه...!

تم يتفحصني.....!!

حسييت بحرررر...وبتووتررر ....

يااربي...الحين بنفضح....!!!

بسس..

تعجبت لما جفته يلس ع الكرسي بقووة ونقع ضحك من خاااااااطره....!!

قال بين ضحكاته : جــ....جفتوا ويهه...!!!! ههههههههههههههه....لالالا...ماااقدر....ماقدر عليك يا فااارس...لاااااعب الدوور عدل....هههههههههههه جفتوا كييف ويهه صار احمر..!! ههههههههههههه

ضحكوا عليّ...

ابتسمت باحراااج....

وتنهدت براحه....يعني محد كاشفني.....؟

افف مني....انا اللي بفضح نفسي..

خذت السالفة بـجدية...

،

قصينا الكيكة...وتموّا يسولفون ويا بعض ويضحكون..

بعدين يااا الكابتن ستييفن..ويلس ويانا شوي..

وانا طول الوقت اترياا يووسف...

ويينه.؟ وليش مب هني...

بس اتمنى ما الاقيه.....مادري اذا بقدر اواجهه او لا...؟

،

استاذنت بروح غرفة التبديل...

.

دخلت...ووقفت جدام المنظرة...

تأملت شكلي.....

لا..ما يبيّن ابدا اني بنية...

مسكت شعري...

يمكن عسب شعري..؟ عادي..هذا سيف شعره اطول عن شعري..

ولا يمكن لان شعري كستنآآئي وناعم وايد..؟

تنهدت برااحه.....بس ما يمنع اني اكون حذره اكثر..

.

يلست ع الكرسي مبتسمة..

وانا اتذكر شو اللي سوووه لي..

آآخ..ليتنا نرد لايامنا اللي قبل...ويا علي...وبدون أي مشاكل..

،

على طاري علي..؟

الاوراااق اللي عطتني اخته.؟

كيف وصلت له هالاوراق...؟

و شو كان يسوي فيهن..؟

هييييييييييي...لحظة...الاوراااااااااااااق....

.

وقفت بسرعه..ورحت صوب الشنطة اللي عقّيتها بلا اهتمام..

فتحتها بسسرعه...

وآآه....الحمدالله....موجوودة...

اففف...شو هالغبااء اللي فيني..!!

لا ويايبتها وياي هني..

,

لبست الشنطة وحطيتها ع جنب..

وظهرت عند الشباب..وانا مخططه اظهّره منهم الكلام..

،

جفت انقسموا كل مجموعه ويا بعض بروحهم يسولفون..

سرت عند مايد وشلته..

انا مب وايد وياهم...بس بحاول آخذ واعطي وياهم..

يلست وياهم بعد ما أشرت لهم بايدي " سلاااام "

مااايد بترحيب : هلا ومرحبا فرووس....حيااك..

ابتسمت له....

قعدت اسمع سوالفهم..واكتب لهم سوالف...

.

بعد شوي...

كتبت لهم واوني تذكرت : وين الكابتن يوسف..؟

مآيد باستغراب : الكاابتن..! اووه..ما تدري..؟ اعتزل الكابتن يوسف..

فتحت عيوني....اعتزززل....!!

متى وكييف..؟؟

مستحيييل....!!

مايد يصحح : هو مو اعتزل اعتزل....ع قولت المدير يمكن يرد لنا بعد فترة...

اووف..!! شو اللي صاااار...؟

كتبت : انزين...ومتى اعتزل..؟

مايد بتفكير: اممم...انا كنت اجووفه هني....بس اخر مرة دربنا كان في النهاائي..انت عادي تجوفه هني...بس ما بيدربنا..

كتبت وانا احاول اسحب الكلام منه : اهاا.....انا اخر مرة جفته في الحادث...اممم.بس قبل ما يحترق المستودع....ما جفته...ماكان في الملعب...حتى دوّرت عليه عسب واحد من المذيعين طلب مقابلتي ومقابلة الكابتن..

الله ع العذر بس..!

مايد يحاول يتذكر : بس اذكر انه كان ويانا طول الوقت..." سكت شوي...عقب قال بتأكيد " هيه صح كان ويانا...بس لما سمعنا عن الحريقة....تركنا وهو يركض..وعقبها جفته وهو يظهرك من النار..!

كل اللي ويا مايد اتفقوا وياه ع الكلام...

طالعتهم بتفحص...

كتبت : انزين وعمّوور اخبااااااره المعفّن..؟ محد جاافه..؟

كلهم سكتوا يطالعوني..

كتبت بسرعه : ادري انهم يقولون يمكن هو اللي حرق المستودع...بس انا اعرف عمّور..مستحيل يسّويها..

واحد من لاعبين الاحتياط : هيه كلنا متأكدين انه مب هوو....بس عاد شو نسوي ما عندنا دليل..

مايد بحيرة : عمّور طيب مستحيل يسوّيها..بعدين لما انتهت المباراة انا جفته بـ عيني لما استاذن من المدرب لانه تعب فجأة وقال بيرد البيت...يعني بالعقل وااحد تعباان بيسير يحرق لكم مستودع بكبره..؟..بس المشكلة ماادري وين اختفى...! " سكت شوي " انا قلت هالكلام للمفتش والضابط...و شبه اقتنعوا..

طالعتهم بتعجب..

عمّور كان تعباان .؟

،

يلست وياهم شوي...وبعدها

استاذنت منهم...ورحت عند حميد وفهد و جاسم ..

لما وقفت عندهم ابتسموا لي..

فهد يستهبل : وييينج حيااااتي....تأخرتي عليّ...

كفخته ع راسه ويلست وياهم..

حميد : شوو مليت من قوم ميّوود وييت هني..؟

ابتسمت وكتبت له : لا ابدن...حليلهم ما ينملون ابد..

جاسم وهو ياكل : عيل شو كنتوا تقولون..؟

فهد يطالعه بنص عين : يااا خي شهاللقااافة.؟

جاسم : جب..

كتبت استغل لقافته : كنا نتكلم عن الكابتن وعن عمّور..

فهد بتعجّب : عن الكابتن.؟ اي كابتن.؟

كتبت : يوسف..

حميد : شفيه..؟

كتبت : توني ادري انه اعتزل...

جاسم بلا مبالاة : هيه..اظني الادارة بس يايبته حق الدوري اللي طاف..ويمكن انتهى العقد اللي بينهم......بس ياا هي راحه من دووونه...َ!

فهد : هييه والله...

كتبت : اهاا..انزين...وبعد سمعت الناس يتكلمون عن عمّور وانه حرق المستودع..! اصلا وينه...وليش مختفي..!!

لما قرا حميد كلامي عصّب : لا مب هوو....! و كلهم جذابين...عمر مظلوم...

كتبت : ادري انه مظلوم...بس ماشي دليل...!!!

تنرفز وقال يدافع : هو كان وياي بعد المباراة في غرفة التبديل... قالي انه استأذن من الكابتن وبيرد البيت لانه تعباان..وانا جفته صدق كان تعبااان.....وو بعدين انت لا تحطّ ببالك ان علي مات بسببه....واذا ما كنت مصدقني اسال فهّود وجسّوم..كانوا ويانا في الغرفة..

فهد بجدّية : هيه صدق...عمّور كان ويانا.." قال بحقد " مالت عليهم هالشرطة...بس لانه ماكان موجود قبل الحادث قالوا هو اللي السبب...وشوّهوا صورته...

كتبت : انا اصدقكم....وادري ان عمّور مستحيل يسوي هالشي..

حميد بحزن : انا بس ابي اعرف وين اختفى..!! اكيد هو خايف لان هالـ*** لبسوه التهمة..مع انهم في النهاية رفعوا التهمة عنه...لكن بعد شو.؟

هزيت راسي بأسف..

بعد دقايق كتبت : انزين منو تتوقعون اللي حرق المستودع..؟

جاسم باستغراب : اللي حرق المستودع..؟ مادري الصراحة ما يا ع بالي...انا احس مصادفة...يعني يمكن كهرباا او شي ثاني...بس الشرطة تباالغ وتقول انه مقصود...

فهد : يا غبي..الادلة وااضحة انه مقصود..

حميد بحقد : ودّي اعرف منوو اللي حرقه...عسب احرق شيفته الـ***..!

تحمست لتفاعلهم كتبت : انتو بعد المباراة وين كنتوا..؟ لو عرفنا كل واحد وين كان...يمكن نعرف من اللي حرقه....وعقبها عمّور بيعرف انه برىء وبيرد لنا اكييييد..!! هو الحين يظن ان الشرطة مسويه له كمين عسب يرد ويقبضون عليه..

تعجبّوا لما قروا اللي كتبته..

جاسم : هيييه صصح..كلامك منطقي.

فهد يطنز : يابوو المنطق انت...." طالعني بشكّ " انزين..ليش ما يكون اللي حرق المستودع واحد ما نعرفه...مثلا من الجمهور..؟

هييي..فاجأني سؤااله..!

افف..فهّود ما يفوته شي..

ع العمووم..انا متأكدة انه يوسف....

بس شو اسوي لـ حمد..؟ لازم استجوب الكل..واجوف كل واحد وشو يقول..

تداركت سؤاله وقلت : تقول واحد من الجمهور او حد ما نعرف..؟ ومن وين لهم المفتاح.؟

فهد ببساطة : و الدريشة شو فايدتها ..!

توهقت...صح الدريشة.؟

مادري اذا كانت مبندة او لا..؟

والباب انا متأكدة انه كان مفتوح...لاني جفت علي دخل منه...

بس لما رديت له مرة ثانية كان مبند...!!

كتبت امشي السالفة عليهم : حتى الدرايش كانت كلها مبندة.....وها يدل ان الفاعل واحد من هالنادي....المهم ماعلينا...اول شي بنجوف الشباب..عقب بنحقق ويا العاملين والاداريين..

حميد قال بتفكير عميق : نحن الثلاثة ما ظهرنا من الغرفة ابدا الا عقب ما سمعنا عن الحريقة...

كتبت بسرعه : لالا...قبلها في الملعب...بعد الاحتفال منو جفتوا هناك.؟

فهد : كان الكل متواجد...مايد وشلته ويا الكابتن يوسف..وو مممم سلّوم سيفوه ونصّور كانوا يرقصون ع المنصة عقب ما خلصت المغنية " قال بحالمية "...آآخ...ياهي كانت عذاااب..! تحمست افوز فـ كل المباريات بس عشانها...ووه...فدييتها..

طع هذا..!

طنشته وكتبت : ومنوو بعد..؟

فهد حط ايده تحت ذقنه : امممم لحظة انت اظني كنت وياها..!! ايي يالخااين.. مسوي فيها انا المحترم اللي ما عندي هالسوالف....شو كنت تقوولها..؟ هههه والله انك مب هيّن يا فرووووص...يبت راسها بكم قووول..ولا عااد هذااك المقطع اللي عرضوه اغلب القنوات ....لما حضنتك....كان شي ثااني..اشتهرت فيه....فضحتك بنت الذين هههه.." كفخني ع راسي "عنبووك..عندك كل هالمهارات ولا تعلمني..!! ولا كأني ربيعك..!

طالعته متفاجأة....متى هذا صاار..؟

عطاني جسّوم بكس خفيف ع بطني : يااخي لا تسوي رووحك بريء...

اهاااااااااااا...يعلللهم...الحين كلهم مسكووها عليّ..؟

ههههه حليلهم...عيل لو يدرون اني بنية شو بيسوون.؟

كتبت : ماالت عليكم...انزين خلونا في الاهم.....كمّل يالشيخ نمر...

فهد : نمر بـ عينك...انا فهد طال عمرك.." كمل بلا اهتمام " انزيين وين وصلنا...أممم...هيه عند علي " همس " الله يرحمه.....هو..كان قاعد بروحه ما تحرك من مكانه..وو.اما نحن بعد الحفل واللقاءات والخرابيط...رحنا غرفة التبديل...وو بسس..

هزيت راسي بتفكير....ماطلعت شي مفيد منهم...يعني ماجافوا يوسف اذا اختفى فجأة من الملعب او لا....

.

غيّرت الموضوع...ويلسنا نسولف فـ اشياء ثانية...

,

بعدها اقترحوا عليّ العب وياهم كورة....بس رفضت بحجة مالي خلق..

لما ابتعدوا عنّي..

سرت عند الشلة الخربانة...سلّوم وخلّوف و ناصر وسيف..

وبعد السوالف وجي..

فتحت الموضوع .كتبت لهم : شبااب...شصار وياكم مع فهد والباقي.؟ بعدهم يتعاطون.؟ كلمتوهم .؟

سالم بجدية : لا...حاليا نحاول ناخذ المنشطات عنهم من دون لا يدرون..اول شي بنخليهم يخفّون من تعاطيها لين ما يتعودن...وعقبها بنمنعها منهم نهائياً...بس اذا ما نفع...بنضطر نواجهم..!

كتبت : هييه شباب الله يخليكم...هذيلا ربعنا..مهما يصير لازم نوقف وياهم...

سيف بموافقة : هيه...ترا الربع هم اللي وياك وقت الشدّة....وواجب علينا نساعدهم..حتى ولو ما يبون...غصبا عنهم.....

خلّوف : لمصلحتهم طبعا....

ناصر بحيرة : الشي الوحيد اللي ما ندري عنه..من ويين اييبونها هالمنشطات.؟ منو اللي يبيعها لهم ويعطيهم..؟

سالم : ياخوفي تكون من نوادي ثانية عسب يطيحون سمعتنا..!

طالعتهم بتفحص...الحين ببدا اسحّب الكلام منهم....

احم......بديت ادخل وياهم في الموضوع بطريقة غير مباشرة....

،

وو

بعد محاولات مني مناك وياهم......هالنتايج اللي ظهرت لي ..

//

كلهم اتفقوا ان يوسف كان ويا قوم مايد...ولما سمعوا عن الحريقة..هو اول واحد توجّه للموقع..

بعد انتهاء الاحتفال..الثلاثة كانوا يرقصون...وخليفة كان يجري احدى اللقاءات ..

اما عن شلة فهد..عمر اول واحد ترك الملعب...وكان شكله تعبان..والباقي بعد الاحتفال محد جافهم في الملعب..

و بعدها هالاربعه قابلوني عند غرفة التبديل وقالولي عن الحريقة اللي سمعوا عنها ولما ركضت...لحقوني كلهم....

,

يلست بعيد عنهم وعضيت ع شفاتي...

يااا انهم كلهم مشتركين في الجريمة....و يغطّون على يوسف..

او..

مجموعه منهم هم السبب في كل هذا..

انزين لو الاحتمال الثاني صح..؟

منوو هم..؟

تذكرت كلام حمد....والمشتبهين الثلاث....

عمر, يوسف , فهد..!

اذا شطبنا اسم يوسف...؟ بيكون المشتبه الثاني عمر...!!

يتبع ,,,,

👇👇👇

تعديل المقال