رواية تضحية الأخت الأم -10
مها : ياقلبي يا خواتي والله فاقدتهم
ساره : عاد والله ما ادري اذا بتشتاقيلي انا بعد ولا بس شيوم وبشور
مها : اقول اسكتي بس انا ما افرق احد عن احد كلكم خواتي
دخلت نوف الصاله : يــــــــوه وأخيرآ غرفتي بروحي
غرام : وانا بعد مابقى الا شهرين وافتك من ساره وغرفتي تصير بروحي غرفه غرام هههههه
ساره : اللـــه ياخذج قولي امين
غرام : ليش بعد صج انتي بس شهرين وبتتزوجين وتروحين بحضن زوجج سعود واحنا العوانس قاعدين
مها اجرحتها كلمه غرام لأنها بالفعل عانــــس والسبب خواتها وموت امها
مرام رن تليفونها وابتسمت
نوف بغيره : منو مبـــارك
مرام : أي يا حياتي اكيد يحاتيني لحظه شوي بس ارد عليه
نوف الله ياخذج وياخذ حياتج قولي امين طايحتلي فيها حياتي وحياتي
مرام : هلا حبيبي
مبارك : هلا مرام وينج ما شفت كشختج ابي اشوفها
مرام : ههههههههه يالله حياتي تعالي عند خواتي لأنهم بعد يبون يشوفونك
مبارك : يالله انا قريب عندكم عدي لي العشرين واوصل
مرام : يماااااااااا منك يا الجذاب عدي لي العشرين وتنقعني ساعه ترى اعرفك واعرف سوالفك
مبارك : لا والله انا قريب عندكم شوي واوصل
نوف ليش تقوله جذاب هذي ما تستحي ليش تقوله جذي مبارك مايجذب ومن متى مبارك يتأخر عن الموعد
نوف بغيره واضحه : شنو يبي
مرام : يبي يشوف كشختي
غرام : يا حياتي ونــــــــاسه فديتكم
نوف كانت معدله شكلها لأن نوف متعوده تكون مرتبه ومنضمه ما مسحت المكياج لأنه من الاساس ناعم وهادي وشعرها كانت مسويته كله مموج ةكانت تلعب بشعرها كل شوي كان شكلها يجــــــــــــــــنن
مرام كان شكلها حلو بعد بس لأنها حامل فكان خشمها شوي كبران وطالعين لها نفرات على خدها بس كان شكلها كله على بعضه حــــــــلو حيل
وبعد عشر دقايق رن جرس البيت
مرام : هذا اكيد مبارك قومي غرام بطلي الباب
غرام : انزين
نوف :خليج غرام انا اقوم لأني ابي اشرب ماي
غرام : يا حياتي وفرتي
راحت نوف بطلت الباب وقفت وقفه مايله كلها إغراء وماسكه خصله صغيره من شعرها بأطراف اصابعها مبارك ابتسم لها من غير شعور (( توه صحى حبك يا مبارك ))
مبارك بلهفخ عاشق : نـــــ ــــوف
نوف بدلع : منو انت
مبارك وهو ذايب بنوف : مبارك
نوف وهي اتعدل وقفتها واتطق بأصبعها :أي مبارك انزين لحظه اناديلك مرام
مبارك اشتق لصوتج اشتقت لج احبج يا نوف احبج احبج
مبارك من غير ما يحس بنفسه مد ايده ومسك ايد نوف
نوف وهي تسحب ايدها من ايده من بعد ما حست بأمان مبارك القديم حبيبها مبارك : انت ما تستحي يا زوج اختي
مبارك : نوف انا احبج
نوف سحبت نفس قوي ورجعت لها قوتها : مبارك انت زوج اختي وما لا داعي هالكلام
مبارك : نوف ابي اكلمج بس مكالمه وحده وعد مني لج لأن اليوم مرام بتنام عندكم بدق عليج وردي علي
نوف طنشت مبارك بألم وراحت
نوف : مرام مبارك يبيج
مرام : خليه يدخل
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فاصل إعلآني ^_^ / ..
لا احلل مسح اسمي من على الرواية ..
تجميعي : ♫ معزوفة حنين ♫..
نوف : مارضى حنيت عليه بس كان معيي يدخل
مرام : ليش شفيه
نوف : ما ادري يقول مشغول
راحت مرام عند مبارك دخلته بالمطبخ هههههه مكان رومانسي بصراحه المهم وطبعآ مبارك باسها وودعها وقال لها انه راح يفقدها طلع مبارك من البيت وهو متضايق ومستانس متضايق من صد نوف له ومستانس لانه شاف نوف وسمع صوتها وكلمها ودار بينهم حوار حتى لو كان صد وجفى من نوف
بشاير بنبره الرجاء : مشاري الله يخليك ابعد عني
مشاري : بشاير مو قادر موقـــــــــــادر اقاومج ابيج ابيـــــــــج افهمي انتي زوجتي زوجتي يعني ملكي ابيج ابيج
بشاير وهي تبجي : ابعد عني مشاري الله يخليك ابعد عني الله يخليك
مشاري وهو نايم فوق بشاير : اسكتي اسكــــــــــتي
بشاير :مشــــــــــــــــــاري ابعد ابعد
مشاري ما كان راد على بشاير وكان ميت عليها
وشيماء كانت تعاني نفس حاله بشاير بالضبط << الدنيا دواره
الساعه 2 ونص بالليل
شروق : والله البيت فاضي من غير مرام
بندر : أي والله
شوق : أي والله فاقدتها
ام محمد : هالبنت هذي تدخل القلب بسرعه
ابو محمد : ابو محمد : أي والله انج صاجه وموبس مرام الا بنات ام مها كلهم بلسم الجروح وأولهم مها
بندر : وانا اشهد البنت ما شاء الله عليها محترمه من أول ما توظفت بالشركه وانا الاحظ اسلوبها وطريقتها بالكلام والموظفين كلهم يحبونها
محمد من سمع اسم مها وهو انقلب حاله : يمااا انا ابي اتزوج
ام محمد : ومها
محمد : مها يما شكلها مطوله وانا خلاص مو يا هل ابي اشوف حياتي انا ما انكر ان حبيتها بس خلاص عاد البنت مصختها
ام محمد وهي دايره ويهها لأن كلام محمد مو عاجبها : على هواك
ام محمد كانت تتمنى مها زوجه لمحمد حتى لو كان عمره 50 بس مها ضيعت عمرها على خواتها
مبارك كان سرحان بنوف وضحكتها اللي طلعت منها لا شعوريآ اول ما شافت مبارك عند الباب وكلامها اللي كانت تتصنع فيه الكره تجاه مبارك كل هذا خلى مبارك يحب نوف اكثر لأنه عرف انه بعد كل هالسنين نوف لازالت تحبه
متى ادق متى ولهت على صوتها على كلامها على ضحكتها على بجيها على رومانسيتها على كل شي فيها احبها احبها احبـــــــها
ومن بعد خمس دقايق مبارك مسك تليفونه وكان يناظر رقم نوف اللي لازال مخزنه بتليفونه بأسم روح قلبي وحياتي
مبارك : يالله يا جماعه انا رايح غرفتي
شوق : عاد تقدر تنام اليوم من غير مرام
مبارك : أي وشنو يعني انا صارلي اكثر من 25 سنه انام بروحي واللحين مو قادر انام يوم واحد بروحي
شروق كل يوم ردودها تتغير مبارك يحب نوف لي اللحين ومره مبارك خلاص نسى نوف واليوم اللي واضح عليه انه يحبها
راح مبارك غرفته دخل وسكر الباب وتسند عليه كان يتخيل طيف مرام بكل زاويه بالغرفه
مرام على السرير : حبيبي
مرام وهي واقفه على التسريحه : حياتي
مرام وهي واقفه متخصره : بروكي
بكل مكان كان يتخيلها ويتخيل طيفها
لأ انا احب نوف أي احبها ومرام بس تعودت عليها مسك تليفونه ودق على نوف اللي كانت قاعده مع مرام ومها
مرام : نوف منو قاعد يدق عليج
نوف كانت ماسحه رقم مبارك بس من شافت رقمه فز قلبها وحسته حبيبها الأول مبارك براكي
مرام : نوف شفيج ليش ما تردين منو اللي قاعد يدق عليج
نوف بتوتر : هاا لا مادري رقم غريب
مها : ردي شوفي منو
مرام : جم الرقم
بدت نوف تنقلهم الرقم
مرام : هذا رقم مبارك عطيني التليفون
نوف عطت التليفون حق مرام
مبارك بصوت لهــفه : الــــــــــــو
مرام : هلا حبيبي
مبارك منصدم : مرام
مرام : أي مرام
مبارك : وين تليفونج
مرام : كاهو عندي
مبارك بتوتر : ادق عليه بس ما يمسك معاي الخط وقلت ادق على نوف لأني اشتقت لصوتج
مرام : ههههههههه يالله عاد حبيبي بس اليوم وباجر انا راجعه
مبارك : لا عادي اخذي راحتج اهم شي راحتج الا نوف وين مو هذا تليفونها
مرام : كاهي موجوده بس ماعرفت رقمك
مبارك بحسره : انزين مروم ديري بالج على نفسج وعلى وليدي
مرام : من عيوني حبيبي
سكرت مرام الخط من مبارك وحظنت التليفون
مرام : اااااااااه فديته حبيبي يحاتيني
نوف بغيره : أي حليله
مها : هههههههههه انتي بسبع شهور وجذي حبيتيه ولو كملتوا سنه شنو بيصير فيج
نوف من الغيره خذت تليفونها وراحت غرفتها ودق مبارك مره ثانيه لعل او عسى ترد عليه نوف
نوف بكل دلع وبحه صوت تذوب : الـــــــــو
مبارك غمض عيونه وسحب نفس قوي وهو يسترجع ذكرياته مع نوف ويتخيل انه يشم عطرها بس ما كان يشم غير عطر مرام
موف بدلع زايد ومتعمد : الــــــــو منو معاي
مبارك : تستخفين دمج مره ثانيه
نوف : لا بجد منو معاي صوتك مو غريب علي سامعته من قبل بس وين وين وين ما أتذكر
مبارك : انا مبارك يا ....... نوافتي
نوف : ادري انك مبارك نعم يا مبارك شنو تبي داق
مبارك : اشتقت لصوتج حتى لو كنتي كلج قسوه وصد بس المهم اني اسمع صوتج
نوف سكتت وكانت تسمع صوت مبارك وكأنها تبي تشبع منه
مبارك : ليش سكتي
نوف : مبارك انت زوج اختي افهم
مبارك : بس انا احبج انتي انتي يا نوف شفتي شلون القدر جمعنا من بعد ما فرقنا 4 سنين
نوف : أي صح القدر جمعنا بس الله حرمني عليك لأنك زوج اختي والله ما جمعنا الا لأنه يبي يعذبنه علشان يشوف مدى ايمانه علشان جذي انا اتحاشاك علشان ما اعذب نفسي
مبارك : نوف ما اقدر اعيش مع مرام مو قادر احبها
نوف : شلون مو قادر تحبها وهي حامل
مبارك : تتذكرين لمن كنتي نايمه بالمستشفى بسبتي زرتج أول مره وعطيتيني قلبج المكسور وعذبتيني وحسستيني انج ما ودج تشوفيني مره ثانيه بس انا ما قدرت اصبر على بعدج وعلشان جذي كنت كل يوم انام عند باب غرفتج وكانت بشاير تشوفني وانا اسوي نفسي نايم علشان ما اكلمها ولمن تطلع كنت ادخل عندج واقولج انا شكثر مشتاقلج وانتي كنتي نايمه كنت استمتع بعيونج وبرائتج وانتي نايمه كان شكلج مثل الطفل اللي فاقد الامان بقولج شي مو كل وحده تحمل من زوجها يكون زوجها يحبها انا ما قدرت احب مرام مو قادر احبها كل ما اشوفها اتذكرج تشبهج وايد حركاتها سوالفها ملاغتها لقافتها بس شكلها مو انتي قلبها مو انتي احساسها مو انتي انا ابيج انتي ابي نوافتي حبيبتي
نوف سكتت وبكل هدوء سكرت الخط بويه مبارك وطرشتله مسج
(( سلامتك ما عاد لي رغبه فيك لاصد قلبي صد من دون رجعه ))
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فاصل إعلآني ^_^ / ..
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مبارك قرى المسج ونعفس حاله وراح على طول عند صندوق وفتحه كان يحتفظ بكل الأشياء اللي يحبها بداخله وطلع منه صوره
ياترى صوره منو؟؟؟
نوف أي صوره نوف وكان يتأملها ويمشي اصبعه على خدها وعلى شفايفها وعلى عيونها وحظنها ونام
ثاني يوم الصبح الساعه 9
مرام : مهاوي قومي وديني البيت حاسه ان مبارك فيه شي
مها : خلاص اوكي قومي البسي
وبعد خمس دقايق مرام كانت جاهزه خذتها مها وودتها البيت وصلت مرام وماتطنت على مبارك الالمن شافته نايم
عدت ثلاث ايام على زواج بشاير وشيماء اللي كانوا بقمه سعادتهم راحوا حق خواتهم وحق مرام وراحوا حق خالتهم ام بدر وشافوا بناتها وشجعوا اماني على الزواج
عدت الشهرين بسرعه علىكل بنات ام مها الا ساره اللي كانت ميته خوف من الزواج
وبيوم العرس
مرام : مها احس اني تعبانه
مها : مرام شفيج
مرام : احس اني بولد
مها : مرام انتي بعدج بالسادس
مرام : ما ادري
مها : لا مافيج الا العافيه تحملي شوي
مرام بعد نص ساعه هدت وحست انها صارت احسن خلص العرس بسرعه وكان فرحه ووناسه رجعوا بنات ام مها البيت وهم فاقدين رابع وحده من خواتهم
وبعد اسبوع من زواج ساره الساعه 3 الفجر
مرام وهي اتطق مبارك : قوووم مبارك قووووم
مبارك : هااا مرام شفيج
مرام : احس اني راح اولد قوم احس اني بموت
مبارك راح يركض عند امه ويابها معاه عند مرام
ام محمد : مرام يما انتي توج افبدايت السابع شلون يايتلج الولاده
مرام : خالتي مو قادره مو قادره آآآآآآآآآآآآآآآآه
مبارك من خوفه على ......... ولده شال مرام وراح يركض فيها المستشفى \حطو مرام على سرير وكانوا يحركونها بالممرعلشان يودونها غرفه الولاده لأن الدكتور قال ان موعد ولادتها حان
مرام كان ويها اصفر ومو قادره تتكلم ولا كلمه
مرام : دير بالك على ولدي اذا مت وهو عاش
مبارك : تعوذي من الشيطان انتي اللي راح تربينه وتكبرينه
مرام : حاسه بهاليوم حلمت فيه من كنت صغيره حلمت اني راح اموت وانا بالولاده
مبارك : مرام لا تقولين جذي
مرام : دير بالك على ولدي اذا عاش
مرام مسكت ايد مبارك وحطتها على صدرها
مرام : تحس بنبض قلبي ابيك تحبه مثل ما حبيتك وحطيتك انت نبض قلبي
مبارك : حياتي لا تقولين جذي
مرام وهي تبتسم : أول مره تقولي حياتي من أول ما تزوجنا كنت انطرها بس ما قلتها
مبارك من غير شعور دموعه انزلت على ايد مرام
مرام : دير بالك على ولدي اذا عاش
الممرضه دخل مرام غرفه الولاده وسكرت الباب
ومرت ساعه بعد ساعه بعد ساعه ومبارك ينتظر وخوفه على مرام وعلى ولده ذابحه
طلع الدكتور وراح صوبه مبارك يركض : هاا دكتور بشر
الدكتور : مبروك بنت
مبارك : الحمد الله الحمدالله يارب طيب طمني عن حالتها
الدكتور : احتمال ما تعيش لأن نموها مو كامل وأحتمال ضئيل جدآ للأطفال اللي ينولدون بهالشهر انهم يعيشون
مبارك : لا حول ولا قوه الا بالله طيب طمني عن الام
الدكتور : صار معاها نزيف حاد ونقلناها العنايه المركزه
مبارك وقف جامد مو عارف شنو يقول او شنو يسوي على طول اتصل بنوف وقالها ونوف قالت حق مها وراحوا لها على طول
نوف وهي تبجي : الله يخليج خايني اشوفها بس شوي الله يخليج ابي اتطمن عليها
الممرضه : والله ممنوع اسمحيلي المريضه حالتها حرجه جدآ ما اقدر ادخلك عليه لأنه مو بصالحها
وبعد ساعه وصل الدكتور عند مبارك ومها وخواتها وقال : عظم اللـــه اجركم
مها : بمنـــــــ
الدكتور : الأم
مبارك ما كان مصدق شنو قاعد يصير ومرام شلون عرفت انها راح تموت والكلام اللي قالته قبل ما تدخل الولاده وقف ساكت ما تكلم و ولا نزلت منه دمعه عكس خوات مرام اللي انهاروا بالبجي لأنهم فقدوا ثالث شخص يحبونه ابوهم وامهم ومرام اختهم
خلص العزا ورجع مباركالبيت من غير مرام كان يتخيلها وهي تقوله دير بالك على ولدي دير بالك على ولدي اذا عاش وعادتها اكثر من مره ودموعه كانت تنزل وهو يمشي صاعد لغرفته من غير روح
شوق وهي تناظر اخوها : الله يرحمج يا مرام
شروق ودمعتها نزلت من شافت حالت مبارك اللي لي اللحين مو مصدق : يا قلبي يا مبارك شوفوا حالته
شوق : شروق مو قادره احس اني راح اموت اهى اهى
شروق وهي اتهدي على شوق : هذا يومها يا شوق ومحد يموت قبل يومه
مبارك وصل غرفته وكان يتأمل بأغراض مرام ويتخيلها ماسكه البلاشر وتقوله : لا اتطالعلي انطر بس اخلص البلاشر وشوفني بالكامي ارى مو حلوه مبــــارك لا اتطالعني
وقعد يضحك وكان يتذكرها وهي على السرير وكانت لابسه بيجامه حرير لونها فوشي : بروووكي شرايك بالبيجامه ترى لبستها مخصوص لك لأني ادري انك تحبه
ومرام وهي تختار حق مبارك بدله : من اليوم ورايح راح تلبس اللي انا اختاره لأن لبسك ما يعجبني كأنك سيلانس انا راح اختارلك مفهووووم
وكان يبتسم لها لأنه كان يتخيلها عنده بجواره تقوله احبك حياتي حبيبي
مبارك وهو يناظر اغراض مرام شاف صندوق لفت انتباهه وفتحه ولقى بداخله ورقه ولمن فتحها كان مكتوب افبدايتها
(( وصيتي ))
(( بسم الحب
حبيبي بروك انا ادري انك ماتحبني اقولها لك بس من كثر حبي لك اقولها لك مبارك زوجي لمن تقرى رسالتي هذي راح اكون انا ميته وبقبري لأن ربي عطاني عمر كافي وهو منبهني من كنت صغيره اني اموت بالولاده ابي اقولك شي يا مبارك اذا كانت لي معزه بقلبك ولو صغيره ابيك تتزوج نوف ولا تظلمها اكثر يا مبارك لأن نوف تحبك تذكر شنو صار فيها علشانك وعلشانك تغيرت حياتها كلها نست كل الناس ومن كثر ما تحبك تذكرتك بس انت لا تظلمها اكثر وتظلم نفسك انتوا تحبون بعض وأنا ادري بهالشي وادري انك نفسه مبارك حبيبها وذا كنت تبيني اكون يمك بس علشان تسألني شلون عرفت انا ما راح اتعبك راح اقولك اول شي يا مبارك انت كنت دايمآ تغلط بأسمي وتقولي نوافتي وانت ماتدري شكثر هالكلمه تجرحني بس انا كنت اطوف بس لأني احبك وثاني شي نظراتكم حق بعض نظرات الحب اللي عمرك ما طالعتني فيها كنت اتمنى اني اصير نوف لدرجه اني بديت اقلدها بكل شي علشان اعوضك عنها بس ما قدرت وثالث شي اتصالك فيها اللي تغير ويه نوف كليآ كنت حاسه ان اللي متصل انت علشان جذي سألتها اكثر من مره بس ما قالتلي انه انت ونوف كل ما اقول حبيبي مبارك احس انها راح تذبحني ورابع شي اسم نوف بتليفونك (( روح قلبي وحياتي )) وانا كنت مسجلني مرام وخامس شي صورتها اللي لقيتك حاظنها ونايم بيوم عرس ساره تدري ليش حظنتها لأنك ايت بيت اهلي وشفتها وقعدتوا تسولفون لأن نوف تأخرت لمن ايت وقالتلي انك برى ولمن قلت لها دخليه لون ويهها تغير وتدودهت وقالتلي انك انت اللي ماتبي تدخل وسادس شي الرسايل اللي لقيتهم بالصندوق اللي كنت ناسيه على السرير قبل لا تنام انا شلت الصوره والصندوق بهدوء علشان ما اقعدك او ازعجك وكان مبين عليك انك نايم متأخر انا كنت بهذاك الوقت خايفه عليك وكنت حاسه ان فيك شي وانك بحاجتي بس الله كان يبي يقطع شكي باليقين وقعدني الساعه 9 الصبح وانا ما نمت الا الساعه 6 الصبح تزوجها يامبارك تزوجها لأني ماراح اتطمن على ولدي الا عند نوف مع حبي واخلاصي لك
محبتك : مرام ))
(( ظل لك ميزة في كل شئ شوفتك
بسمتك طيبتك حتى غيبتك ))
لهالدرجه تحبيني يامرام لدرجه انج ماقلتيلي انج تدرين اني احب نوف علشان ما تخسريني آآآآآخ يامرام آآآآآآآآآخ انا اللي ضحيت فيج مافي احد بهالكون كله اوفى منج مستحيل
مبارك كان فاقد مرام وايد لدرجه انه لمن كانت تقعده شروق من النوم كان يقولها مروم خليني شوي عفيه وكل يوم يقولها مروم خليني شوي عفيه وكان كل يوم يقولها حق شروق اللي كانت تتحسر على حال اخوها
مر على وفاه مرام شهر ووو ..........
مبارك : الــــــو
المستشفى :السلام عليكم
مبارك : وعليكم السلام
المستشفى : اخوي مبارك تقدر اليوم تتفضل عندنا تاخذ بنتك
راح مبارك على طول المستشفى اللي ماتت فيها مرام وهو متضايق لأنه راح ياخذ ولده البيت والام للمقبره ومن نفس المكان بس كل واحد راح لمكان الطفل للبيت والام للمقبره كانت امنيه مرام تشوف مولودها لكن الله خذى أمانته قبل ما تكحل عيونها بشوفت ولدها
بندر أجل عرسه الا مابعد سنويه مرام وبشاير تعتقدون شنو صار فيها مع شيماء
مشاري بعصبيه :بشاير
بشاير : هلا حبيبي شفيك
مشاري : قومي جمعي اغراضج وروحي بيت اهلج
بشاير : وايش حياتي انا مافيني شي مو تعبانه ليش اروح
مشاري : لأنج طـــــــــــــالق
بشاير مصدومه : مشاري لأ لأ ليش شفيك
مشاري : أسألي خالد حبيبج شفيني
(( خالد حبيب بشاير كان متصل على مشاري وعلى احمد ومعطيهم صور لبشاير وشيماء وهم بشقه وكانت شيماء ماسكه قلاص خمر وحاظنه سامي << سبب ضياعها وبشاير كان خالد لامها من ورى ويبوسها برقبتها وبهالشي تطلقت بشاير وشيماء ورجعوا اثنينهم عند مها ))
مها : بشاير شفيج شنو اللي صار قوليلي ليش تطلقتوا
بشاير كانت ساكته وتبجي وشيماء نفس الشي وبعد ثواني بشاير وشيماء كانوا يحسون بلوعه وانهم يبقون يقطون الأكل اللي افبطنهم خذتهم مها للمستشفى وطلعوا اثنينهم حوامـــــــــل
مها اتصلت على مشاري واحمد وقالتلهم واللي من طيبتهم على طول راحوا ورجعوا بشاير وشيماء
مبارك انا لازم اكلم نوف واقولها على رساله مرام يمكن توافق اتزوجها
شروق من تحت السلم : برووووووووك تعال اخذ مروم
مبارك وهو طالع من غرفته : يالله كاني ياي
نزل مبارك وشال وأبتسم : يا قلبي منو حبيب بابا ها مرومي قولي بابا يالله حياتي قولي بابا
ام محمد : شوي شوي على البنت بعدها بزر ما تتكلم
ابو محمد : عطني بنيتي اليوم ما شفتها شروقوه ماسكه فيها
شروق : ههههه والله يبا مو قادره اشبع منها تهبل
بندر : أي ما شاء الله تشبه امها يخلق من الشبهه 40
محمد : أي والله نسخت مرام الله يرحمها
مبارك : اقول يما ترى انا اليومباخذ بنيتي بطلعها يعني اشبعوا منها
شوق : وين بتاخذها
مبارك : باخذها عند خالاتها وبعدين باخذها الديوانيه
شروق : ههههههههههه والله انك مينون مو مصدق ان عندك بنت
مبارك وهو رايح صوب بنته اللي عند ابوه وباسها : فديتها اهي اللي معطيتني القوه
اماني كانت تحن على بندر ((الصوت )) وايد وبين فتره وفتره كانت تمسك التليفون وتحاول انها تتصل فيه بس كانت تمسك نفسها وتتحمل
وغرام كانت ماسكه نفسها عدل وكانت اتضيع وقتها انها تقعد مع خواتها وايد خصوصآ ان اهم 3 بس وحتى النت قطعته لأنه هو سبب ضياعها
ونوف كانت ميته على صوت مبارك وتحاول تسويلها أي عذر علشان تتصل فيه وطبعآ ما عندها عذر غير مرام الصغيره
مها : غرام
غرام وهي متابعه التليفزيون : هاااااا
مها : شرايج بخالد ولد خالتي
غرام : حلو
مها : مو عن الجمال يعني عن الاخلاق وجذي
غرام : ما اعرفه عدل وبعدين ليش تسألين جذي وايد
مها : لأنه خطبج
غرام : شنــــــــــــو
مها : أي خطبج شفيج
وبين حديثهم رن جرس الباب
نوف : انا انا انا اللي بفتح
راحت نوف بسرعه تفتح الباب
نوف على طول نظراتها راحت على مرام الصغيره اللي بأيد مبارك
نوف من غير شعور : حيـــــــــــــــاتي
مبارك ابتسم وكأنها قالتها له نوف كانت فرحانه بمرام شالتها وباستها وبعدين ........
نوف وهي تكلم مبارك : تفضل
مبارك : لا بس انا قلت اجيبلكم مرومي تشوفوني وانا بعد ساعه برجع أخذها
نوف : لا مبارك عفيه خلها تنام عندنا اليوم
مبارك وهو مبتسم : بس انا ما أقدر اعيش من غيرها
افهمي يا نوف افهمي ما اقدر اعيش من غيرج احبج احبج
نوف : ولا انا ما اقدر اعيش من غيرها احبها
افهم يا مبارك افهم احبك وما اقدر اعيش من غيرك
مبارك : يا ريت بس انا مواعد الربع اجيبها لهم اليوم
نوف : خلاص اوكي بس لا تجي لا بعد ساعتين نبي نشبع منها
مبارك وهو يبوس بنته وأستغلها فرصه يشم عطر نوف اللي اشتاقله
مبارك : ديري بالج عليها ترى هذي بنتي يعني قطعه مني
نوف : انزين
راح مبارك وكانت فرحته مو سايعته كان مستانس وفرحته كانت اكثر من أي مره فرح فيها
مرت الايام بسرعه وكملت مرام سنه على وفاتها وبهذاك الوقت كانت بشاير والده ويايبه بنت وسمتها مرام وشيماء بعدها بأسبوع ولدت ويابت ولد وسمته خالد << على اسمها القديم
اماني تزوجت بندر اللي بأول يوم اعترف لها انه نفسه اللي بالمسنجر واللي كانت تكلمه وكانت طايره من الفرحه لأنه اهوا نفسه علشان ماتحن وتتصل على يندر ((الصوت))
وغرام تزوجت بعد مرام بشهرين وعقلت خالد بنفسها كأنها ربته من اول ويديد
وبهالحاله ما بقى افبيت ام مها الا نوف وطبعآ مها
مبارك مسك تليفونه وأتصل على نوف لأنه ما قدر يصبر يكتم سر نوف اكثر من جذي
مبارك :نـــوف
نوف : نعم
مبارك : ابي اشوفج
نوف : وبصفتك منو
مبارك بأستعباط : ابو بنت اختج
نوف : بلا عبط بخصوص شنو بتشوفني
مبارك : ابي اعطيج وصيه مرام
نوف : وصيه مرام
مبارك : ايه
نوف : خلاص تعال البيت وعطني اياها عند الباب
مبارك : خلاص انا ثواني وأكون عند بيتكم
وبعد عشر دقايق كان مبارك موجود عند باب بيتهم وعطى الورقه حق نوف وراح وكان ينتظر ردها على نار
وبعد ثلاث ايام
نوف : مبارك
مبارك : عيونه ونبض قلبه
نوف : انا موافقه اتزوجك
مبارك والفرحه مو سايعته :: احلفي قولي والله احلفي
نوف : واللـــــه
راحت ام محمد وأخطبت نوف وكان ودها تخطب مها بس بهذاكالوقت كان محمد خاطب عبير بنت خالته حددوا العرس بعد سنه بتاريخ
6_5_2008م تاريخ تعارفهم 6_5 1999م عدت هالسنه على مبارك ونوف طويـــــــــله لأنهم كانوا يبون يكونون مع بعض اليوم قبل باكر واليوم وأخيرآ تزوجوا
((مبــــــــارك & نـــــــوف ))
ومها تمت على حالتها وحيده مالها احد خذتها خالتها وقعدتها عندها لأنها بنت واللحالها بالبيت وتخاف عليها ام بدر ما كان عندها الا احمد وريم لأن شهد انخطبت حق صاحب الشركه اللي كانت تشتغل فيها << يا حظها
ورنا انخطبت حق اخو زميلتها بالدوام
والكل تزوج وعاش حياته الا مها
نوف تزوجت الانسان اللي تحبه من بعد فراق 6 سنين او اكثر وحامل منه
وأماني تزوجت بندر اللي تحبه من 4 سنين ومن غير ما تدري انه حبيبها
وغرام تزوجت خالد ولد خالتها الصايع <<سابقآ قبل ما تدخل غرام بحياته
وبشاير وشيماء من يصدق انهم تزوجوا وعاشوا حياتهم مع عيالهم
ورنا تزوجت وشهد تزوجت أكبر تاجر بالكويت وشروق تزوجت زميلها بالجامعه وشوق تخرجت من الجامعه وتوظفت بمستشفى راقيه وساره حملت وقررت تسمي اللي افبطنها منيره على اسم أمها اذا ولد سعود قرر يسميه احمد لأنه هو الي ساعده بزواجه بساره الأنسانه اللي يحبها
ومحمد تزوج عبير وعاش حياته من غير قلبه اللي نساه عند مها
وريم خطبها واحد يشتغل معاها بالشركه
وهذ هي الدنيا كلآ عاش حياته بس اللي عاش حياته علشانهم وينه وشنو هي حالته؟؟؟؟؟؟؟؟؟؟؟؟
مها عايشه عند خالتها بين خوفها على خواتها ونسيانها انوثتها ومشاعرها كأنثى نست شي اسمه زواج لأن خوفها وحرصها على خواتها من بعد ماصار بشيماء وبشاير خلاها تعيش حياتها علشانهم
&&النـــــــــــهايه&&
قبل لا تصعد فوق ابي اقولكم خاتمت القصه
(( الزمن يفرض سؤال كل إجاباته محال
السعـــــاده شي واضح ولا من وحي الخيال
كلنا محد سلم من تعاسه او ألم بس منهو
اللي فينا من وسط قلبه ابتسم انا مو قصدي
التشاؤم ولا في جرحك اساهم انا مــــــن
قلبي احاول بس القى انسان فاهــــــــــــم ))
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تجميعي / ♫ معزوفة حنين ♫ ..
اللهم لك الحمد حتى ترضى وإذا رضيت وبعد الرضى ,,, اضف تعليقك