رواية تضحية الأخت الأم -1
رواية : تضحية الأخت الأم ..
للكاتبة بشروني شمرية ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الســلام عليكم انا اليوم بقدم لكم الروايه القصيره يعني ما تاخذ من وقتكم 4 ساعات بقلمي
طارحه فيها بعض مشاكل الدنيا وشلون التوبه وبعد التوبه شنو راح يصير والتضحيه بالحب وللحب
انا ماراح احرق عليكم القصة اقروووها وعطوني ردودكم وانا استمر بتنزيل باجي البارتات
مها 25 سنه شخصيتها قويه عصبيه ما تضعف الا عند امها
شيماء 24 سنه بويه تحب البنات وعيبها انها تشرب وايد
نوف 23 سنه رومانسيه هاديه مالها ولا عليها
بشاير 22 سنه صايعه تحب تكلم شباب وتواعد غرامها الخيانه
مرام 21 سنه شخصيتها ضعيفه ماسكتها شهد عن الخطأ
ساره 20 سنه تحب البويات وشخصيتها قويه اكبر من سنها
غرام 18 سنه مراهقه تمشي ورى كلام اماني بنت خالتها كل ما تقولها شي تقنعها على طووووول
ابوهم متوفي من خمس سنين بحادث سياره مع ابو بدر زوج خالتهم امهم كبيره وفيها الكلى وكل أسبوع تسوي غسيل الكلى
والحين اعطيكم نبذبه عن شخصيات
بنات ام مها
ساره تدرس أدب انجليزي بالتربيه الأساسيه دايمآلبسها مرتب ومنظم وتعرف تختار الألوان بأناقه لون عيونها أسود وعيونها وسااااع بدرجه جذابه ما تحب تحط مكياج قوي تحب النعومه تحط أي لاينر فوق العين وماسكرا تبرز عيونها وقلوس احمر او وردي ناعم دايمآ تسحر الي بالكليه بجمالها الطاغي
مها من أول ما دورت لها على شغل وما لقت وأيقنت ان حياتها راح تقتصر على البيت والشغل بس خصوصآ ان امها تعبانه تعقدت وصارت حياتها كئيبه محبوسه بالبيت وما تطلع الا حق بيت خالتها تقعد مع ريم الي تنسيها دنيتها وما تحس معاها بأي حاجز ما عندها صديقات لأنها تعتقد ان الصداقه بهالزمن مصالح وكلأيركض ورى مصلحته خواتها يحترمونها ويخافون منها كأنها امهم جمالها رسمي ملامحها بارزه مها درست هندسه معماريه بجامعه الكويت مع ريم بنت خالتها
شيماء تحب البنات من الله خلقها وهي تحب البنات وربعها شباب وايد بس تحب البنات كأنها صبي غرور حبيبتها حلوه بس شيماء ما كانت حيل معاها لأن غرور تخونها شخصيتها حلوه مرحه وحبوبه وتحب الناس وايد وتحب تضحك وماتقدر تخبي ضحكتها عن الناس من كثر ما تعرف شباب علموها على الشرب وعلى الشقق احسبوها واحد من الشباب اللي يعرفونهم شيماء حلوه حيل جمالها بناتي بس اهي عكس هالشي شيماء انجحت بالثانوي بنسبه 60% وقعدت بالبيت
نوف هاديه رومانسيه ما تجادل أي احد عاطفيه لدرجه ان أي فلم تشوفه رومانسي تقعد تبجي عليه كانت تعشق فلم هندي اسمه ((زيرو زارى )) من كانت صغيره وهي تحلم للبعيد انها تتزوج واحد غني يعيشها بقصر ويطلعها من الفقر الي عايشته لمن لقت مبارك اللي عمى عيونها عن شباب الكويت كلهم نوف حلوه حيل حنطاويه لون بشرتها يجذب اجتماعيه ما تحب التكبر واتحب تخالط الناس بسرعه ما تدرس خلصت من الثانوي وقعدت بالبيت
بشاير دلوعه هاديه تحب الشباب وتحب الخيانه تحب واحد اسمه خالد وعشانه تكلم شباب عشان تجيبله فلوس وتخليه ما يحتاج لغيرها كانت تخونه لمصلحته كانت تطلع مع شباب وايد 24 ساعه مواعده وتطلع من غير ما تستأذن من امها لأنها تدري ان امها ما تقول شي وما تطلع الا لمن تكون مها لاهيه عشان ما تحقق معاها وين وليش وماكو طلعه بشاير ويهها مدور حنطاويه عيونها وساع خشمها كأنه حد السيف حيل حلوه خدودها اذا استحت يحمرون اخدودها تصير طماطه شايفه نفسها حيل متكبره دايمآ تفتخر بنفسها وباللي تسويه بشاير ما تدرس خلصت الثانوي وقعدت بالبيت من بعد الدور الثاني
مرام شخصيتها ضعيفه حيل كلمه توديها وكلمه تجيبها ودها تكلم شباب من كثر ما تتكلم عنهم بشاير اللي ما تخش عن مرام شي بس كانت تخاف من مها ومن شهد لأن شهد صديقه عمرها وتخاف تسوي شي وتخسرها أي شي تقوله شهدتسويه من غير نقاش لانها واثقه بشهد وتصرفاتها مرام طويله بشرتها بيضه ويهها مدور وعلى خدها اليمين حبه خاله زايده جمالها عيونها وساع ناعسه تدوخ مرام تدرس بجامعه الكويت حقوق
غرام مراهقه
حياتها كلها النت اللي 24 ساعه قاعده عليه اهي واماني بنت خالتها ولا مره تجرأت وكلمت واحد بالتليفون الا لمن شجعتها اماني اللي نفس الشي عمرها ما تجرأت وكلمت مع واحد بالتليفون كانوا ماخذين الحياه لعب ومصخره الابلات كل يوم يشتكون عليهم ولا ابله امدحتهم الا ابله الاحصاء كانت تحب غرام اللي كانت متميزه بلأحصاء لانها كانت مادتها المفضله علشان جذي كانت شاطره فيها وبالمواد الثانيه كانت قمه بالفــــــــــــــشل لأنها ما كانت تهتم و24 ساعه تسولف مع اماني ما يخلون سالفه ما يقولونها غرام تشبه بشاير حيل واللي مزود جمالها حبه الخاله الي على خدها اليمين
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
ام مها: وهذا هو البيت يا ابو محمد مثل ما تشوف ثلاث غرف وصاله وتكرم حمام ومطبخ
ابو محمد: طيب انتي وعيالج وين تنامون خصوصآ ان اهم وايد ما شالله
ام مها : انا ومها بنيتي بغرفه وغرام ومرام وساره بغرفه و شيماء وبشاير ونوف بغرفه
ابو محمد: اها الله يخليهم لج يا ام مها احنا ما راح انقصر معاكم كل شهر راح امشيلكم معاش 500 دينار
ام مها: الله يعطيك العافيه يا ابو محمد وما تقصر
ام محمد: اقول يا ام مها انتي ما خلفتي صبيان يعني كلهم بنات
ام مها: لا والله الله ما كتب لي بس الحمدلله البنات شايليني ولله الحمد
ام محمد : أي والله وانتي الصاجه البنات يا زينهم انا عندي بنتين بس و3 صبيان
ام مها: الله يخليهم لج يارب محمد جم عمره
ام محمد: والله محمد عمره 27 سنه
ام مها : الله يخليه لكم وتشوفون عياله الا صج اهو مو متزوج
ام محمد: لا والله لي الحين يقول ابي اكون نفسي وما يندرى متى هالنفس بتتكون
ام مها: ههههههه الله كريم لا تضغطين على الولد خليه يعيش حياته
ام محمد: الا قوليلي انتي على مها جم عمرها شايفتج متعلقه فيها وايد
ام مها: أي والله مهاوي بنيتي اكبر وحده واهي الي شايلتني وتهتم فيني تدرين مره عوده اكيد بتعب ابهالعمر
ام محمد : أي والله انتي صاجه
ام مها: مها عمرها 25 سنه تخرجت من الجامعه من 3 سنين ومالقتلها شغل وتمت قاعده بالبيت
ابو محمد: ليش اهي شنو ادرست بالجامعه
ام مها: هندسه معماريه
ابو محمد: عاد احنا من زمان اندور على احد ابهالتخصص خليها تجيبلي اوراقها وانا اوضفها عند محمد ولدي بالشركه
ام مها: خيرك سابج يا ابو محمد ومالا داعي تكلف على عمرك
ابو محمد: لا كلافه ولا شي انا اقولج احنا اندور على هالتخصص
ام مها: الله يطولنا بعمرك يا ابو محمد ولا يحرمنا منك
ام محمد :الا وين البنات ما شفتهم
ام مها: والله بشاير وشيماء ونوف طالعين مع صديقاتهم ومها ومرام وساره وغرام عند خالتهم ام بدر
ام محمد: سلمي عليهم
ام مها: يوصل ان شاء الله
ابو محمد وهو قايم: يالله يا ام محمد مشينا
ام محمد: يالله يا ام مها مع السلامه
ام مها: تو الناس وين رايحين
ابو محمد : والله العيال ينطرونا بالبيت تدرين اليوم جمعه وماكو دوامات الا عند محمد
ام مها: مع السلامه ولا تنسون تزورونا مره ثانيه
ام محمد: اكيد ان شالله
______________________________________
مها: اقول خالتي وين ريم ما اشوفها
ام بدر:ريم بدارها قاعده على النت
مها : انا قايمه اشوفها
(ام بدر اخت ام مها عندها 4 بنات و4 صبيان
ريم 25 سنه عفويه واللي بقلبها على اللسانها وما تخش شي على مها
شهد 21 سنه عصبيــــــــه نفسيتها خايسه مع الكل معقده نوعآ ما ما تهتم الا بالدراسه وبس
رنا 20 سنه عفويه حبوبه مرحه مع الكل معطيه البيت جو
اماني 18 سنه أنانيه استغلاليه تحب الفلوس شخصيتها متقلبه لأنها مراهقه غرامها النت
ابوهم متوفي مثل ما قلنا ابحادث سياره مع ابو مها >> الله يرحمهم يا رب
امهم كبيره بالسن بس متعافيه وشايله نفسها تحب شغل البيت وايد ما تهتم للخدامه لأنها تحب تطبخ بأيدها
بدر 30 متزوج بالسعوديه وعنده بنت وولد رهف وعبدالله شخصيته قويه ويثبت وجوده قصب عن الكل
نواف 28 سنه متزوج وعنده ولد اسمه وليد ساكن بكويت مع زوجته افبيت الحالهم يشبه بدر بكل شي حتى بلأطباع
احمد 26 سنه مرح يحب الضحك والفرفشه ما يحب النكد والكئابه واذا شاف بيت ما فيه ضحك يحاول يطبع بصمته بالضحك
خالد 22 سنه مغازلجي يحب يلعب على البنات ويحب ............................... السبايــــــكي
والحين النبذه الصغيره عن عيال ام بدر
ريم عفويه ودايمآ تقعد مع امها واخوانها شخصيتها قريبه من شخصيه رنا ما تحب تشوف احد متضايق واذا شفت احد يبجي تحاول تضحكه وتخفف عنه وتعرف شنو فيه اللي يشوف ملامحها على طوووول يرتاح لها لأن ملامحها مألوفه وتريح اللي جدامها ما تحقد على احد ولا تعرف الكره شخصيتها عكس شخصيه مها عشان جذي ما يتفقون على اشياء وااايد وديمآ تكون بينهم خلافات بالرأي
ريم ملامحها ناعمه حيل مو حلوه وايد ملامحها رسميه لأبعد درجه
شهد عصبيه مهتمه بالدراسه وايد وكانت دايمآ تاخذ المراكز الأولى بالدراسه والمراكز الأولى بلأدب والأخلاق ما عندها وقت للصيلعه والمياعه وقله الأدب دايمآ كلامها برسميه وما تحب احد يعلمها شنو تسوي او وين تروح لانها تعرف شنو تسوي والغلط بعيد عنها جمالها يجذب اللي ما ينجذب كان الكل يشبهها اب أشواريا الممثله الهنديه لبسها كلى كاجول على قدر م هي عصبيهوما تحب سوالف البنات الصياعه والمياعه الا انها تهتم ابنفسها واايد وتحب تلبس وتكشخ وتهتم ابنفسها ابشكل جنوني لأن عندها احترام الأخرين من احترامها لنفسها واهتمامها فيها
رنا فيها عفويه وطيبه تحب تسمع الناس وتحب تقعد مع اللي تشوفه متضايق او مهموم ما تحب النكد تحب الضحك والفرفشه وعلى كل هذا رنا ماتحب تقول حق احد اللي فيها او اللي مضايقها الا حق ساره بنت خالتها تحب الشباب بس ما تحب تكلمهم تحب تطلع وتتمشى ماتحب ما تحب تقعد بالبيت وايد اللي تعتبره منبع للنكد << راح تعرفون بالقصه شنو تعني هالكلمه لرنون رنا حنطاويه شفايفها مليانه عيونها وساااع مكحله جسمها مخصر يجنن شعرها اسود ناعم يوصل لي نص الظهر تحب النعومه حيل ستايلها يشبه ستايل ساره بنت خالتها وايـــــــــــــــــد
اماني استغلاليه انانيه ما تحب تعطي شي من غير مقابل تحب كل شي لها عندها الفلوس منبع الحياه مراهقه ملقوفه << يعني مشاغبه وايد اماني ملامحها صغيره كأنها ياهل ضعيفه فيها شبه بسيط من شيماء علي << بس مو الشفايف اكيد خخخ حلوه حيل < ما شاء الله حياتها كلها سوالف ما تقدر تسكت 5 دقايق على بعض واذا سكتت تموت او تصير فيها جلطه ههه اماني اكثر الوقت مع غرام اللي هي صديقه الطفوله عندها
احمد اطباعه بالضبط نفس اطباع رنا << يعني رجه خخخ
بس المختلف فيهم ان رنا ما تقول الي بقلبها الا حق ساره اما احمد لا اللي بقلبه على السانه اذا تضايق يلقى نفسه على غرفه رنا او ريم وبعض الاحيان اذا لقى خالد قاعد يقوله او امه بس رنا لا ما تقول الا حق ساره احمد مملوح طويل شعره كثيف اسود يسوي قفل لأنها حركته المفضله ومستحيل يغيرها الا اذا طلبت منه زوجة المستقبل احمد عيونه مكحله حلو حيل كأنه حرمه لابسه دشداشه ومسويه لحيه هههه
خالد مغازلــــــــــــــــــــــــــجي
يحب يلف على البنات مكلم نص بنات الكويت واللحين لاف على اللبنانيات يحب اللبس الكاجول او السبورتي يحب يهتم بنفسه وااايد يحب الطلعات والافنيووو غرامه دايمآ مطيح هناك يحب يسوي سبايكي حلو حيل في شبه من احمد وايد خالد خبل متين شوي كلامه كلا هووواش ماعنده نقاش او تفاهم ما يحب احد يقوله لأ شخصيته متقلبه حنون حيل اذا شاف احد يبجي يقعد يبجي معاه هههههه
مرام: اقول شهود انتي ما تملين من الدراسه يعني حياتج كلها دراسه خليتيني ازهق واصير معقده مثلج
شهد بعصبيه : مرام شهالحجي احنا ندرس حقوق مو ادب انجليزي علشان نستهين بالدراسه لازم ندرس ونجتهد لكل مجتهد نصيب
مرام: خلاص خلاص خلاص يبا يا كلمه وردي بمكانج كليتيني
شهد : اقول مروم درسي هذا والي مو فاهمته قوليلي افهمج
مرام بملل: اووووف انزين
ساره : هههههههههههههههههههههه الله يقطع بليسج يا رنون من صجج عاد
رنا : ههههههه أي والله عاد تخيلي شكلها لمن قلت لها ما ابيج هههههه
ساره : مو هذي هنوو الي ذابحتنا فيها
رنا بثقه: لا اول يمكن بس الحين لا مستحيل انا ما احب بويه افهمي
ساره طارت بخيالها وماهي عارفه لوين بيوديها
رناتصارخ: سويررررررررررررررررررره
ساره بفزع: ويعه شنو تبين
رنا : هاااااا وين وصلتي قولي قولي
ساره بتوتر : ها لا ولا شي
رنا : قوللللللللللللللللللللللي
ساره: رنون ما كو شي شفيج
رنا : انا بسكت وبنطرج تقولين وهذا حلجي وبسكره
ساره : انزين انزين ويع ويع بس تحنين بقولج خلاص
رنا : يالله قولي
ساره : امال بنت عمة امي دقت علي امس وقالتلي ان صالحه بنت خالتها تبيني اصير حبيبتها
رنا : وين شافتج صالحه هذي
ساره : رنون تذكري معاي صالحه الي شفناها مره افبيت امال لمن كنا رايحين لها علشان خطوبت امل اختها
رنا : أي تذكرتها راجو خخخخ وانتي ان شالله تبينها من زينها هذي انتي اذا تبين تصيرين ليدي صيري حق وحده حلوه مو سحت تشبهه راجو سايقنا
ساره : يووووه رنون انتي ما تونسين اذلفي خليني اروح حق امون
رنا : نعـــــــــــــــــم تبين اتخربين اختي انتي بعد
ساره : أي
رنا : ههههههههه سارون انا بقولج شي اذا انتي تبين هالشي سويه خصوصآ ان اهيا بنت يعني مو ولد وتقدرين تتغلبين على الوضع
وما تسوين اثم اذا كلمتي ولد والبنت مهما كانت بتم بنت
ساره : رايج جذي
رنا : أي
ساره : خلاص انا بكلم امال واقولها تعطي صالحه رقمي
غرام : امون تعالي شوفي هذا شنو يقولي ههههه
اماني: شنو شنو
( يا جعلني فدا لوطاج يابعد حالي انتي بس لو تقولي تعال يا عبد الرحمن اجييج على ركبي)
اماني: هههههههههههههههههههههههههه استغفر الله مينون هذا وانتي هبلتي فيه
غرام: والله ما سويت شي انتي الي عرفتيني عليه وبعدين ما بينا شي بس نت
اماني: انا بشتري خط واحطه بجهازي من غير ما تدري امي ونتم نكلم كل الشباب الي يغازلونا نسحب منهم رصيد
غرام : هااا لا لا اماني كلا ولا هالشي بليز لا نخربها على اخر شي
اماني: اقول اسكتي بس الناس كلهم عندهم خطوط ثانيه وانتي شدراج ان ساره ومرام ما عندهم خطوط من وراكم ولا بشاير او شيماء او نوف
الي ما تدرون عنهم يمكن مرام لا لان اختي شهد ما سكتها بس ساره والباجي انا احلفلج ان عندهم خطوط
غرام سكتت وماهي عارفه شنو تقول او اتدافع لانعا صج ما تدري عن خواتها 24 ساعه مع بعض ومسكرين عليهم الغرفه او طالعين مع رفايجهم ومحد يدري وين يروحون ولا من وين ييون
اماني: ها غروومي انييب ولا لأ
غرام من بعد صمت : خلا ص اوكي بس منو الي بييب لنا
اماني وهي تاخذ الاب توب : لحظه شوي وانا اقولج منو الي ييب لنا
دخلت على واحد بالمسنجر كان نكه
دخـــيلًً عيًَُِــونًُكٌ الحٌـلَِــوه واسمه بندر
اماني كان نكها
مـــًٍُن بٍُِــــاع احـــًَُساسي بعًٍَُِته مًٌٍَُِن السًَُــاسًَُ لي الــًَُراسٌََُِ
: اقول حبيبي انت مو قلتلي انك تبيني اكلمك
دخـــيلًً الحٌـلَِــوه عيًَُِــونًُكٌ
أي حبيبتي قلتلج
مـــًٍُن بٍُِــــاع احـــًَُساسي بعًٍَُِته مًٌٍَُِن السًَُــاسًَُ لي الــًَُراسٌََُِ
انا ابي اكلمك بس مو عارفه شلون لان ما عندي تليفون مثل ما قلتلك لان اهلي عقليتهم شوي متخلفه وما يحطون لنا تليفونات الا لمن نخلص دراسه
دخـــيلًً الحٌـلَِــوه عيًَُِــونًُكٌ
ولا يهمج حبيبي انا يوم الاحد عند باب المدرسه ولج احسن تليفون واحسن خط والرقم الي تختارينه يا بعدي من لي غيرج انا
مـــًٍُن بٍُِــــاع احـــًَُساسي بعًٍَُِته مًٌٍَُِن السًَُــاسًَُ لي الــًَُراسٌََُِ
امواااااااااااااااااااااااااااح تسلملي يا بعدي انا
دخـــيلًً الحٌـلَِــوه عيًَُِــونًُكٌ
ههههههههه
حياتي انتي
والله احبج يا امون والله احبــــــــــــــــــــــــج
استمرت اماني تواعده على يوم الاحد وشلون بتشوفه وتاخذ منه التيليفون والخط
وغرام كلمت عبد الرحمن وتواعدت معاه انه يجيب لها تليفون وخط
مها :الله يهديج يا ريم مطيحه بهالنت هذا خلاص عطيني وقت ابي اسولف والله فيني غمته
ريم : مهاوي حياتي والله عندي شغل وباجر لازم يكون موجود على مكتب المدير
مها ابتنهيده اسمعتها ريم : الله يوفقج يارب
ريم هدت اللاب توب وقربت من مها : شفيج مها عسى ماشر
مها تحاول تخفي ضيقتها : لا ريوم ما فيني بس مليت منج بس ما سكه هالاب توب
ريم : لا انتي فيج شي
مها:ريم لا تضغطين علي قلتلج ما فيني شي ولو فيني شي بقولج اكيد انتي تدرين اني ما اخبي عنج شي
ريم: والمشكله اني ادري وياريتني ما دريت
مها: افا ريوم شفيج
ريم : انتي مو راضيه تقوليلي شفيج
مها : ما فيني شي بس متضايقه من نفسي ومن الدراسه الي خذت من عمري 16 سنه على الفاضي
ريم : اذكري الله والطيبين وايد واكيد بتلقين احد منهم بس انتي قولي يارب
مها بصوت مخنوق : يـــارب
بشاير : شيماء وين حبيبتج غرور ما اشوفها
شيماء : والله ما ادري قالت شوي واجي والله ما اخليها
نوف : انتو هي خفو على البنت شوي حرام يمكن بتشوف امها
شيماء : ماشي يا غرور انا لج
نوف خلتهم وراحت مع مبارك الي دق عليها وقالها انه تحت حاجز كبينه لهم
بشاير خلت شيماء مع غرور وراحت حق خالد حبيبها الي تخونه علشان تجيبله فلوس
نوف : حبيبي متى تتقدملي
مبارك : حياتي انتي تدرين ان انا ما اقدر اتزوجج الحين لان اهلي ما راح يرضون
نوف صكت فيها الدنيا ومن الضيقه نزلت دمعتها قصب عنها
مبارك مسح دمعتها بيده وهو متضايق عليها : نوف يا بعد قلبي لا تبجين دموعج تذبحني وربي
نوف بدت تصارخ : انت ما تحس انت ما عنك ضمير انا لعبه عندك متى ما تبيني تاخذني ومتى ما زهقت اتقطني
مبارك : نوف حياتي انا راح اتزوجج لو حتى اذبح امي وابوي واخذج وربي احبج وما راح اتخلى عنج انتي لي لي انا وبس
نوف بدى التفائل يدخل قلبها من بعد كلام مبارك لها
مبارك انتي تعرفين عدل ان اناما اقدر اخونج وان انتي حياتي واشتريج بروحي
نوف : وين ما شفت شي يا مبارك ابي اشوف أي شي يبين لي انك تحبني
مبارك : نوف وربي احبج تبين تصدقين لحظه شوي امشي معاي
نوف : مبارك شنو بتسوي يا مينون
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك