رواية تضحية الأخت الأم -9
ساره : بس امي شلون راحت وخلتنا شلون منو لنا غيرها منو اهي الوحيده اللي كانت تراعي شيماء اللي اول مره شيماء اتطيح هالطيحه و ولا وحده فينا فكرت تساعدها اهي اللي كانت اتحاتينا اذا تأخرنا اهي اللي كانت تحس فينا قبل ما نقول ألآآآآآآآه هذي امي يا مها امي
غرام : ليش يما ليش رحتي وخليتيني ليش مو انتي اللي وعدتيني ما تخليني مو انتي اللي وعدتيني تعوضيني حنان ابوي ليش رحتي ما ليش
شيماء كانت حابسه نفسها بالغرفه مع نوف
نوف : امي راحت
شيماء : يعني ما راح انشوفها بعد
نوف : ليش راحت وخلتنا ليش
شيماء : نوف قوليلي منو الحين لنا اذا ابوي مات وامي ماتت
نوف : محد
شيماء : ليش ماتت وخلتنا ليش
نوف راجت ورمت نفسها بحظن شيماء وهي كانت تبجي وتشاهق من البجي
شيماء وهي تبجي : مابي اروح المغيسل
نوف عدلت قعدتها ومسحت دموع شيماء : لا يا شيماء لأ هذي امي لازم كلنا انروح وبشاير لازم مها اتطلعها ولازم اتشوف امي قبل ما...........
نوف ما قدرت تكمل وتمت تبجي
شيماء : ما احب اوقات الفراق ما ابي اودعها ما ابي
نوف : شو فيها وبوسيها وطلعي
وبعد ساعه كانوا البنات كلهم قاعدين ومحد قادر ينام وامهم مو موجوده بالبيت صارت الساعه 7 الصبح
نوف : مها روحي طلعي بشاير
مها : خليها تولي
نوف : خليها تودع امي لا يصير قلبج قاسي يا مها روحي
مها من بعد تفكير :ساره امشي معاي
راحت ساره مع مها وبعد ساعتين بشاير رجعت معاهم وكانت غير بشاير اللي قبل كان شكلها ذبلان مكسوره بالظبط نفس شكل شيماء
بشاير وهي اتطالع خواتها : امي ماتت بسبتي انا ادري انا سودت ويهها انا اللي سويت فيها جذي الذنب كله ذنبي انا اللي ذبحتها انا
دموع بشاير بجت خواتها اللي كانوا يحاولون يتماسكون جدام بشاير وكانت كل وحد ه تخفف عن الثانيه
مها : يالله قوموا البسوا خلونا انروح المقبره
راحوا البنات يلبسون وكل وحده كانت تحس انها بتموت
ساره مابي اشوفها مابي
بشاير شلون قلبي يطاوعني اشوفها شلون
مرام موقادره اشوفج يما مو قادره اشوفج واخليج
غرام شلون راح اقدر اتحمل اشوفج وانتي ما راح تكلميني ولا تردين علي
مها راح افقد حظنج يما حظنج اللي هو قوتي راح افقده
نوف انتي ثالث شخص احبه ويروح مني
شيماء لا تخليني يما لأ مابي اروح واخليج الحالج موقادره قلبي ما يطاوعني اشوفج مكفنه
وبعد ساعه تجمعوا البنات كلهم وام محمد وبناتها وام بدر وبناتها وراحوا المغيسل وهناك
كانوا كلهم ينطرون وبنات ام مها كانوا يبون الوقت يطول علشاان ما يشوفونها بس الوقت كان يمشي بسرعه
وبعد ثواني دخل احمد ومعاه خالد عيال ام بدر وهم شايلين ام مها وهي مكفنه ودخلوها
البنات جن جنونهم وكل وحده بدت تصيح بصوت عالي
مها وهي تشيل الكفن عن ويه امها : يما شوفيني انا مها بنتج يما شوفيني انا مها شــــــــــــــوفيني
غرام وهي تبوس امها : يما ليش رحتي ليش خليتيني انا محتاجتلج واااايد الله يخليج كلميني ردي علي ولهانه على صوتج
شيماء :يما انا اتكلم يما سمعي صوتي انا شيماء يما شيماء الله يخليج لا تخلينا اللحالنا الله يخليج
مرام : يما قومي قومي يما احنا ما نسوى شي من غيرج قومي اوقفي بعرسي قـــــــــــــومي
ساره : يما لاتروحين يما الله يخليج لا تروحين
بشاير : يما سامحيني يما والله انا احبج انتي امي حياتي انتي كل دنيتي منو لنا بعدج يما منو
ام بدر وبناتها وام محمد وبناتها كانوا يبجون على شكل البنات اللي محاوطين امهم وموقادرين يهدونها
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فاصل إعلآني ^_^ / ..
لا احلل مسح اسمي من على الرواية ..
تجميعي : ♫ معزوفة حنين ♫..
نوف :يـــــــــــما قــــــــــــــــــــــــومي قومـــــــــــــي
نوف كانت تحرك امها بقوه
احمد وخالد كانوا يطالعون البنات ودموعهم كانت تنزل من غير شعور
احمد : تعوذوا من ابليس واذكروا الله هذا يومها
قرب احمد من ام مها وحط على ويهها ماده غريبه وغطى ويهها غرام وشيماء ما تحملوا طلعتهم ام بدر برى المغيس عند بدر اللي اول ما سمع رجع على طول وعند نواف اللي كانوا ماسكين البنات ومومخلينهم يدخلون
غرام كانت حاظنه شيماء
غرام وهي اتطق شيماء : قوليلها لا تروح قوليلها
شيماء :ابي ادخل
نواف :لأ ما تدخلون خلوكم هني
بدر : تعوذوا من بليس وذكروا الله هذا يومها لازم تكونون اقوى من جذي انتوا مو يهال
احمد وخالد طلعوا وكانوا شايلين ام مها بيدينهم والبنات طلعوا وراهم وكانت حالتهم تقطع القلب
وبعد مرور سنتين من وفات ام مها واللي كانت بالنسبه للبنات 100 سنه
ام محمد دقت على مها وفاتحتها بموضوع الزواج بس مها قالتلها ما اقدر اخلي خواتي انا رافضه الزواج ومرام خليها تتزوج بس انا لأخواتي برقبتي ما اقدر اخليهم
حددت ام محمد موعدعرس مبارك ونوف اقصد مرام
وبالعرس
كانوا البنات لابسين لبس هادي
انخطبت بشاير وشيماء ومها وافقت لأنهم مو صغار بس قالتلهم يدقون عليها ويصير خير
شيماء كانت مسويه لوك الكل انصدم منها كانت مركبه خصل شعر وكانت حاطه مكياج كلاسيك وردي وكانت لابسه ثوب ناعم لونه اسود بكرستال
شيماء تغيرت 180 درجه من بعد موت امها وغرام كسرت خطها والتليفون باعته على وحد من فريجهم كانت حيل مع غرام وقررت تبدأ صفحه جديده
دخل مبارك الصاله والصدمه كانت صدمتين
صدمه مبارك بشوفته لنوف ولا شنو اخت مرام بعد وصدمه نوف وجود مبارك بالعرس والصدمه الاكبر انه اهو المعرس نوف سحبت نفس قوي وداست على قلبها وسلمته لمرام بشاير وشيماء طارت نظراتهم لنوف اللي كانت تبتسم من ورى قلبها
بشاير : شيماء مبارك اهو الـ .......
شيماء : بشاير شوفي نوف تضحك
بشاير : مو من قلبها انا اعرفها عدل
مبارك شاف نوف واقفه عند مرام وتهدي عليها وعرف انها اختها ودمعته نزلت
يا ليتج انتي العروس بس انتي ما رحمتيني وهديتيني من اول غلطه اسويها
نوف حبست عبرتها وبدت تقرأ آيات على اختها
نوف وهي تكلم مرام : لا تخافين مرام اذكري الله وديري بالج تنسين ذكر الله
مرام من الخوف حست انها مو قادره توقف على ريولها
مبارك قعد ومسك ايد مرام ونوف وقفت اتطالع ايد مبارك مشبوكه بأيد مرام وحست ان الدنيا كلها تفتر فيها وموقادره تثبت نفسها
بندر كان يطالع اماني ويوزع عليها ابتسامات واماني كانت تستحي وتدور ويهها الصوب الثاني
ومحمد كان يطالع مها اللي ضيعت عمرها علشان خواتها ويا ليتهم عاد يحسون
طلعوا الشباب اللي موجودين بالصاله من بعد ما رقصوا رقص الصاله كلها اهتزت << خخخخ
راحت نوف بعيونها الجامده وتمثيل الفرحه
نوف وعيونها بعيون مبارك : مبروك اخوي مبارك ودير بالك على اختي
قالتها وحست ان الكلمه ثقيله عليها ومو قادره تبلعها
مبارك وهو دمعته خانته وهو يناظر حبيبته اللي راحت من ايده بشكل نهااااائي من بعد زواجه من منوووو اختها
خلص العرس ورجعوا البنات البيت ومرام راحت مع مبارك الفندق
غرام : تمنيت امي تكون معانا
مها : أي واللـــه
شيماء : شفتوا مروم كان شكلها يجنن
بشاير : مها انا بعد ابي اتزوج متى عرسي
مها : اصبري خلينا نشوف الولد ونسأل عليه بلأول هههههه
مبارك : مرام انا بطلع واخليج تغيرين ملابسج براحتج
مرام سكتت ونزلت راسها
طلع مبارك ومرام فصخت فستانها ولبست قميصها الأبيض وفكت تسريحتها وسوتلها تسريحه بشعرها لأنها حاطه تركيبات على شعرها
وشعرها الأصلي مو مسويين فيه شي بس كانوا مسوينه مموج
اختمت كشختها برشه خفيفه من عطر lovely وقعدت على السرير تنتظر مبارك
دخل مبارك اللي انبهر من شكل مرام اللي يذوب وعطرها الهادي اللي يجذب دخل مبارك وقعد جبال مرام اللي ستحت ونزلت راسها
مبارك نسى نفسه ومسك ايد نوفونزل عليها وباسها
مرام ماتت من الخوف مرام يماااااا ابعد عني ابعد عني
مبارك : مرام خايفه مني
مرام كانت ميته من الخوف وماردت عليه طنشته
مبارك حبه الخاله اللي بخد مرام جننته ومن غير شعور باسها
مبارك : في احد قالج من قبل انج تاخذين العقل
مرام ما كانت ترد عليه بس اللي كانت تسويه تسكر عيونها حيل من الحيى
مبارك من غير شعور شال شعر مرام من على رقبتها وبدى يبوسها على خدها وبعدين بدى يبوسها وكان ينزل حبه حبه لين ما وصل عند رقبتها ومصهااا مرام كانت تتألم وتوخره عنها بس مبارك ما قدر يقاوم جمال مرام اللي كانت تصارخ عليه هدني تكفى هدني ومبارك كان ماسكها بكل قوته ومو قادر يهدها وكان يبوسها بكل مكان ومرام كانت توخره عنها وموقادره لأن مبارك كان هاجم عليها بكل قوته
وبعد ثلاث ساعات من الصراخ والبجي مرام كانت تعبانه ومو قادره تقوم شالها مبارك وحطها بالبانيو اللي بالحمام وطلع
نوف دخلت غرفتها وسكرت الباب وكانت تبجي وتندب حظها ليش يا ربي ليش مبارك ما تزوج الا اختي ليــــــش لو متزوج وحده غير اختي كان اهون لأني ما كنت بشوفه بس اهو متزوج اختي يعني مجبوره اشوفه ولا بعد وين داخل بيتناااا أأأاخ يا قلبي
مرت الثلاث ايام بسرعه على مرام ومبارك
مبارك كان كل ما يشوف مرام يتذكر نوف وهالشي خلىمبارك يتعلق بمرام زياده
رجع مبارك مع مرام البيت وهناك
مبارك : السلام عليكووووووم
مرام : السلام عليكم
الكل : وعليكم السلام
كانوا كلهم متجمعين ابو محمد وام محمد ومحمد وشروق وشوق وبندر
بندر : يا هلا بمعرسنا
شروق :هاا بروك عسى مروم رفيجتي ما اذتك
مبارك وهو يطالع مرام ويبتسم : ها مرام اقــــــــول
مرام خزت مبارك بنظره يعني اعقل
مبارك وهو يرقع الموضوع : ههههه لا شدعوه مرام تأذيني
مبارك كان ماسك ايد مرام وهالشي لفت انتباه شروق الي شافت مبارك قبل عرسه بيوم كان يبجي ويتمنى انه ما تزوج بوحده غير نوف شلون غيرته مرام ب3 ايام
مرام : مبارك يالله ابي اروح حق امــ........ اقصد خواتي
مبارك: يالله ياجماعه احنا بنرجع بس بنفتر شوي بالكويت
مرام : يالله مع السلامه
ام محمد : حافظكم الله
طلع مبارك مع مرام اللي كانت كاشخه وكشختها تجنن
بندر : اللــــــه مرام تجنن
ام محمد : أي ماشاء الله عليها
شوق : أي والله تهبل ما شاء الله عليها ما توقعتها جذي
شروق : أي وشنو على بالكم هذي رفيجتي
بندر :يما الله يخليج انا بعد ابي اتزوج ابيج تخطبيلي اماني بنت خاله مرام
شروق : ههههههههه لي الحين حافظ اسمها
بندر : أي والله هالبنت تنحب
شوق : ووين حبيبتك
بندر : انتي جب جب مالج شغل
مرام ومبارك وصلوا عند باب بيت ام مها ووو
مبارك : يالله مرام انزلي سلمي وتعالي
مرام : ماراح تنزل
مبارك : لا فشله بيتكم كله بنات وخواتج لي اللحين مو متعودين علي
مرام : انزين انزل علشان يتعودون عليك
مبارك : مرام خلاص انا قلت ماراح انزل وبنطرج هني
مرام : براحتك
نزلت مرام من السياره ووصلت عند باب بيتهم وهي الفرحه مو سايعتها بشوفكم اليوم يا خواتي بشوفكم
مرام طقت الجرس وكالعاده علقت عليه
غرام : هذي مرام والله مرام اعرفها شلون اتطق الجرس مثل الخبله
راحت غرام وحظنت مرام حــــيل
غرام : مشتاقتلج يا الخايسه
مرام : هههههه حياتي وانا بعد
دخلت مرام الصاله وصار عليها هجوم من خواتها كل وحده كانت تبوسها بمكان نوف كانت واقفه بعيد ونطرتهم يخلصون جنونهم وراحت سلمت على مرام بكل برود وقعدت مرام تضايقت من حركه نوف الغير معتاده
البنات كلهم كانوا يسألون مرام عن الزواج وشنو رايها فيه وكانت ترد عليهم وتمدح مبارك جدام نوف اللي حست ان نار الغيره بتاكلها
نوف وهي واقفه : عن اذنج انا نعسانه وابي انام تصبحين على خير
مرام : وانتي من اهل الخير
راحت نوف وبعدها بخمس دقايق
مرام : يالله بنات انا رايحه
مها : وين
مرام : مبارك حياتي واقف برى ينطرني
نوف كانت تسمع مرام ومن القهر : حياتي ؟؟ ما اقول غير الله ياخذج وياخذ حياتج معاج
مها : مروم عاد تعالي مو تنسينا
ساره : أي وقولي حق مبارك بنشوفه عاد
مرام : ان شاء الله
طلعت مرام وركبت السياره
مرام : طولت عليك
مبارك : مبارك لأ ما تأخرتي ها شلون نو...خواتج
مرام : والله الحمد الله بس نوف ما ادري شفيها ما قعدت معاي مو عادتها حتى سلامها كان بارد وعلى طول راحت غرفتها ما ادري شفيها تقول نعسانه بس انا اعرف نوف ماتنام هالحزه
مبارك : ههههه يمكن فاقدتج وما تحب اتطلع مشاعرها
مرام : لا بالعكس نوف عاطفيه واللي بقلبها على لسانها انت لي الحين ما عرفتها
مبارك الا اعرفها اكثر من نفسي هذي نوف يعني حياتي ودنيتي مرام سامحيني اذا ما حبيتج
راح مبارك مع مرام يتمشون راحوا مطعم وبعدين راحوا على البحر وبعدين دخلوا فلم ورجعوا البيت الساعه وحده وهم يضحكون
بندر كان قاعد بالصاله وسمع صوت ضحكهم
مبارك : هااا بندر انت لي الحين قاعد
مرام : السلام عليكم
بندر : وعليكم السلام مبارك مرام ليش لي اللحين تستحي مني
مبارك : لا والله وشرايك تقعد ترقص جدامك علشان اتطيح الميانه بينكم
مرام : مبارك حياتي شوي شوي على بندر اهو ما قال شي
مبارك حس ان كلمه مرام ثقيله عليه وحس بقصه بصدره
بندر : مرام يا قلبي ابيج تخطبيلي اماني بنت خالتج
مرام : وليش تحبها ههههههههه
بندر : بصراحه أي
مرام : خلاص يا الجريئ انا بكلم خالتي بعد جم يوم
مرت الايام بسرعه على مرام اللي كانت طايره من الفرحه وبشاير وشيماء تحدد موعد عرسهم بعد 7 شهور لأنهم مخطوبين حق اخوان وساره خطبها سعود رفيج احمد ولد خالتها وكان عرسها بعد عرس خواتها بشهرين
مرام كلمت خالتها عن اماني وطبعآ وافقت على طول بس مرام ما قالت لهم الا بعد 3 ايام علشان ما يقولون انهم قاطين انفسهم عليهم حددوا عرس اماني وبندر بعد عرس ساره ب4 شهور
مر على زواج مرام شهرين وهي عايشه بسعاده ما كانت تحلم فيها
مرام وهي تكلم مبارك : حــــياتي
مبارك وهو متظايق من كلمتها : هلا
مرام : انا .......... انا .....
مبارك : شفيج انتي شنو
مرام : اناحــــــامل
مبارك مو عارف شنو شعوره اذا كان متضايق او فرحان ومن غير شعور مسك مرام ولمها على صدره
مبارك : مبروك يا ام عيالي
مرام وهي تبعد مبارك عنها :هههههه مسرع انطر شوي
ساره كانت تكلم بويه اسمها شيماء كانت بالضبط نفس شيماء القديمه اللي هي اختها ساره ما كانت مهتمه لزواجها من سعود عندها عادي عكس مرام اللي كانت طايره من الفرحه بزواجها استمرت شيماء مع ساره اللي مسكينه ماتدري ان ساره بتتزوج وبالصدفه درت من رفيجه ساره كان اسمها زينب دقت على شيماء وقالتلها وبهالطريقه ساره وشيماء هدوا بعض
نوف كانت شبه كومه حزن محبوسه داخل بعض وزاد حزنها حمال مرام اللي كان خبر مفرح للكل الا نوف بشاير وشيماء كانوا يتابعون حاله نوف أول بأول وكانوا يشوفون نظرات مبارك ونوف لبعض نظرات الشوق والهيام والوله مرت الايام بسرعه وقرب عرس بشاير وشيماء
بشاير : مها انا ما خلصت تجهيز وعرسي ما بقاله شي
شيماء : أي مها حتى انا ما خلصت
مها : خلا ص بعد شوي بنروح
غرام : مها انا بعد ابي اروح
ساره : مها وانا بعد لأن عرسي ورى عرسهم بشهرين بس وانا لي اللحين ما خلصت
مها : خلاص باخذكم كلكم بعد المغرب
ساره : نوف بتروح معانا
شيماء : لا ما اعتقد تروح
مها : شنو؟؟ لا لازم تروح مايصير تقعد بالبيت بروحها
ومن بعد حنه ورنه وافقت تروح معاهم وهناك شافت مبارك مع مرام وكانت مرام ماسكه ايد مبارك وهو يختارلها فستان حق عرس خواتها ويكون مناسبها خصوصآ ان مرام حامل وهي اللحين بالشهر الخامس واكيد بطنها بتكبر
شافت نوف مبارك يتلمس بطن مرام ويضحك وكانت نار الغيره تحرقها كانت كل يوم تموت الف موته بس ما كانت تقول حق احد لأنها انهت علاقتها مع مبارك من سنين ولا يمكن ترجعها
اماني : الـــو
بندر : هلا قلبي
اماني : بندر ابي اقولك شي بس ابيك تتفهمني
بندر : قولي
اماني : انا انخطبت وعرسي شهر واحد يعني بعد ست شهور
بندر : وانا
اماني : انت شنو خلاص يا بندر احنا لازم نفترق وخلني اشوف حياتي انا صارلي سنين معاك ولا فكرت تشوفني وكل ما اقولك ابي اشوفك تتهرب انا اللحين عمري 22 سنه يعني مو ياهل
بندر : الله يوفقج
اماني : بندر لا تزعل مني انا ما تعودت اخون احد وانا اللحين قاعده اخون خطيبي بمجرد اتصالي فيك بس اكيد اهو عاذرني لأني قاعده احط حد لعلاقتنا وانهيها وبفتح قلبي لخطيبي واحاول احبه كثر ما حبيتك بس الأكيد اني ما راح انساك
سكرت اماني من بندر وكسرت خطها على طول علشان ماتحن وتتصل عليه مره ثانيه او هو يتصل عليها المشكله ان اماني ما تدري ان بندر هو نفسه خطيبها ونفسه اللي شافته بالسينما
رناتوظفت بمدرسه انجليزيه لأن تخصصها English وساره توظفت بمدرسه عاديه كانت مدرسه عربي حسب تخصصها ومرام اشتغلت مع شروق اللي هي رفيجتها وبنفس الوقت حماتها وشهد توظفت بأكبر شركه بالكويت بصفتها المحاميه وشوق تدرس طب وهذي اخر سنه لها وبندر تخرج من سنتين وتوظف بشركتهم وكان مكتبه عند مكتب مها وريم
ومها استمرت بالشغل عند محمد العاشق الولهان وريم نفس الشي مع مها بنفس الشركه وطبعآ واكيد ان الغيره موجوده بينهم بس الغيره النظيفه اللي تساعد على التحسن
وغرام ونوف وبشاير وشيماء مثل ما اهم بالبيت
مرت الايام بسرعه يوم بعد يوم بعد يوم لين ما وصل يوم عرس بشاير وشيماء
اثنينهم كانوا بنفس الصالون وحطوا نفس المكياج وسوو نفس التسريحه ونفس المسكه ونفس الفستان كانوا نسخه مستنسخه من بعض كانت اشكالهم اتجنن وكانوا يضيعون بينهم خلص العرس وطبعآ نوف ما كانت تكلم مرام الا اذا كانت تبي تسألها عن شي وطول العرس ما عطتها ويه خلص العرس وراحت شيماء مع احمد وبشاير مع مشاري كانوا حاجزين غرف مقابله بعض
رجعوا نوف وغرام ومها وساره البيت وكانوا كلهم فرحانين الا مها اللي فقدت 3 من خواتها بوقت واحد حست ان البيت فاضي ومافيه روح
مرام رجعت مع شروق من العرس وبالسياره
مرام : شروقه حياتي وديني عند اهلي
شروق : شروق اوكي بس ليش رايحه الحين الوقت متأخر
مرام : لا بس ابي انام عندهم حاسه اني تعبانه
شروق : خلاص اوكي
شوق: شروق اقول حق مرام
مرام : شنو قولي
شروق : ههههههه قوليلها
شوق : مرام ما ادري في واحد كان معاكم بالجامعه اسمه نايف الـ.......
مرام : نايف نايف أي أي تذكرته شفيه
شوق : ههههه خطب شروق
مرام : امـــــــــــانه حلفي
شوق : أي والله
مرام : شروقوه ليش ما قلتيلي هذا وانا معاج بنفس البيت وانا اخر من يعلم
شروق : كنت ابي اسويها مفاجأه بس هالملقوفه خربتها
واصلت مرام بيت خواتها اللي لازالوا بلبس العرس وكانوا يسولفون على العرس وعلى شيماء وبشاير دخلت مرام ونوف طلعت تغير ملابسها لبسه بيجامه لونها بنفسجي بفوشي وهذي الوان مبارك المفضله وعلشان جذي كانت ملابس نوف من زمـــــــــــــان بهلألوان
مها : ياقلبي يا خواتي والله فاقدتهم
ساره : عاد والله ما ادري اذا بتشتاقيلي انا بعد ولا بس شيوم وبشور
مها : اقول اسكتي بس انا ما افرق احد عن احد كلكم خواتي
دخلت نوف الصاله : يــــــــوه وأخيرآ غرفتي بروحي
غرام : وانا بعد مابقى الا شهرين وافتك من ساره وغرفتي تصير بروحي غرفه غرام هههههه
ساره : اللـــه ياخذج قولي امين
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك