رواية خاتم في اصابع رجال -10
علي استوعب الكلام
سمعته يقولي اذا سألوج منو اللي ظربج ولا سوا بج جيييه بتقوليين حمدد زيين
رديت عليهم باستغراب : بس حممد ما ظربني انا أحب حممد
بو ححمد (بعصبية) : انا اقولج قولي حممد وان سمعتتج تقوليين حد غيررره بظررربج فاهمه بخلي امج وابوج يودونج ف المدرسسة حق اللي ما يمشون ويروحون عننج
خفففت يا حمد والله خفت ما رمت اسوي شي بس اني قلت انزين وانسدحت عشان ارقد بس انصدمت من امك وابوك يشقوون ملاابسسي ويظربوني ظرب
وبعدها غبت عن الوعي بطبيعة جسسمي الضعييف
ومآ نشييت الا وانا ف المستشفى وشفتك بويهي وما شفت اهلك كرهتتتك كررررهتك لأن هذيلااك أهلللك
بس انصدمت يوم عرفت ان اهلللك طردوووك واستغربت من برودهم ولييش ما صاحوو حتى اهلي عصبوا يوم دروو انهم طردووك بس قالو تربية الشوارع واحنا ما نباه
كانو يبون يعلقووون اللي سووه فيييك بس ما اعرف شو غرضهم يمكن عشان يتخلصون منك بس انت ولدهم لييش يبون الفككه منك !!! والله يا حمد كل ما ابا اخبر اهلي اخااف اخاااف احس امك وابوك نظراتهم تلاحقني ما اقدرر
خلصت وديمة من كلامها وانا احسس ان قلبي بتوقف نبضاته ف اي وققت مستحييل اللي تقوله مستحييل اهلي يسوون جيه انا ولددهم حسييييت شي ينززل ع خدي تميت اتحسسه دمووع !!
مستحييل لييش اصييح وديمة تجذذب مستحيل اهلي يسووون جيه هم كانو فرحانين يوم حصلوني ف الحرم لييش يبون يتخلصوون منني !! تجذذذب هالبنت تجذذذب
بو الجماااجم (بعصبية وعيونه تقطر دموع ) : وددددديمة انا احبببج هيييه وبسامحج هيييه لكن لا تيييلسيين تتبليين على اهلي مستحييل يسوون جييه شو بيكون غررضهههم !!
آخررر مره اسمع هالكلاام منننج
حسيييت اني قسييت عليها بس صدمتي كبييرة شفتها تطالعني وهي تصيح متأثرة بحالي والكلمة اللي ترددها : والله والله
ما قدرررت اتحمل واسمع كلام اكثر ظهرت من بيتها معععصب وانا اصيييح بقههررر
شعور مؤلم ان تعرف بأن من أنجبوك في الدنيا ساهمو في التخلص منك !!
فَــــارِس
دِخلللللت البيت ورآآسِي دآآيخ مش قاادر أتحممل هلكآن ومززجم وتعبااان وشكل الحمى يايه ف الطريج والله يستر الدوام في الشركة مُتتعب صح اني بس يالس ع المكتب واقول سوو ولا تسوون بس شي نآس يذبحححون الوآحد مآ يفههمون !!
دخلت البييت ويالله ع الإزعااااج كالعاده ظرابة بين حورية ومريم استغفرالله العظييم
متى بيعقلن الثنتين
تمييت اتبع صوتهن لين مآ حصلتهن ف الصالة ومنظرهن عجيب غريب
او بالأصح كنت اشوف جدآمي
مصارعة ثيرآن
حورية شاده شعر مريوم ومريييوم تعض ايدها @.@
شو هآآ اولاد ف بيتنا اولاد مب بنات الله يعين رياييلهم
شفت حورية بدت تصيح والمشكلة انهن مش حاسات بورحابي
فارس : مريييييييييييييييييييييييييييييييم هدييييهاااااااااااااااااااااا :@
شفتهن اخترعن وهدن بعض وحورية تركض صوبي وتصصيييح
حورية : فارس والله مآ سويت شي كنت اطالع تلفزيون ويت صوبي شلت الريموت عني وجلبت ع قناة ثانية زين انا كنت اطالع طيور الجنة لييش تجللب ويوم قلتلها ردي ع طيور الجنه قامت تضربني والله عورتني شووف
شفت ايدها وانا مصددوم دممم ينززل وآثار اسنان مرييوم محفورة ع ايدها
حضنت حورية اهديها لعل وعسسى تسسكت مسكينة هالبنت مظلومة بإخت شرسة شرات مريوم والمشكلة انها ع قد نياتها وما تقدر تضرب مريوم
اللي قاهرتني مريوم هذا وهي اكبر عنها جيه تسوي بها
فارس : مريووووووووووم حق شو مسويه بالحور جيييه هاااه
مريم : لأنها حماره مآ تفهههم كبرت هي خلاص حق شو اطالع طيور الجنه بنت ف 3 اعدادي لييش تطالع طيوور الجنه ؟!!!
بغيت انجللللط شو هالبببنت !! كيف تفككر
فارس : مريييييييييييييييييييوم يا يا ... استغفرالله العظيييم انتي كيف تفكرييين شووو ها كبرتي انتي حرام عليييج تظربينها شوفي ايدها كييف وحق شوووو حق شي تافه والله والله يا مرييوم وربي ان شفتج تمدييين ايدج عليها مره ثانية بكسسرها لجج !!
حسيتها انصدمت من عصبيتي لكن انا صدق تعبان ودوم انا اسكت يوم تضرب حورية لكن قمت اشوف البنت تستقوى كل يوم ظاربتنها ومفلعتنها والبنت دايماً ساكتته عن حقها لكن مصصختها
مششيت وشغلت لحورية طيور الجنة وعطيتها الرموت وحسيتها استحت من دلعي لها هالبنت وايد تستحي مني غير عن مريوم الجريئئة
رحت عنهم وعطت مريوم نظرة ترعبها وتسكتها اسبوع هي تعرف اني لو عصبت بتروح فيها فأحسن لها تتأدب عن اجلب الدنيا فوق راسها
صح اني وايد احبها وتضحكني لكن خل تلزم حدودها احسن
سرت جناح امي وابوي وحصلته مقفول اكيد رقود الساعه 3 الظهر
دخلت حجرتي وع طول توضييييت وبدلت ملابسي وطحت طيحة ع الشبرية
هلكآآآن وهالبنتين صدعاً براسي
المشكلة انهن كآنن قبل سمن ع عسل وكل حد يمدح ف محبتهن لبعض والحين اعوذ بالله مآدري شو اللي جلب مريوم ع حورية واللي يقهرني
حب حورية لمريوم وايد تحب مريييوم لدرجة انها تسكت عنها اغلب الأحيان
شفت فوني يدقق يالله منو اللي مآعنده مذههب دآق الحين شفت الاسم وحصلت اسم سعيد ظاهر ع الشاشة
يالله هذا مب كأنه مصخهآ كل ساعه داق علي جني ريله !!
ضحكت ع تفكيري اتخيل سعيد مرتي ههههههه استغفرالله
رديت علييه باسلوب
فارس : نعععععععم !!
سعيد : اعوذبالله لا صرآآحة الاسلوب يبشر بالخيير لحظة بزقر لك محمد خل يضحكك شوي
فارس : لالالالالالالالا بليييز مب ناقصنه حدددي تعبان والله .. آمر سعيد اخاف ارقد ومآ اسمع كلامك عقب
سعيد : والله يا فارس مآ ادري شوا قولك
فارس : خير ان شاءالله شو مستوي حد من اهلك صايبنه شي لا يكون اختك !!
سعيد : لا الحمدالله الكل بخيير وعافية لكن اتصلو علي اهل منصور لو تحيده الولد اللي يبناه من السعودية
فارس : هيه طبعاً اذكره وشو يقولون ؟
سعيد : سألوني اذا انا شفت اخته وياه لأن الولد مب راضي يرمس يته حاله نفسسييه وودوه عند أكثر من مستشفى والحين بيودونه عن شيخ يقرا عليه !
فارس : لا حول ولا قوة الا بالله البنت كانت ضايعه بعد !!
سعيد : هيه وهنيه المصيبة البنت اللي ضايعة اخاف تكون هذييك اللي شفناها في الفندق مع البنت البكمى واللي صبت عليك الزبالة ذاك اليوم لأن رمستها من رمستنا وتشبهها !!
حسيت بلووعه من تذكرت الشي اللي انصب علي ذاك اليوم بس ع طول طيرت افكاري الحين سالفة البنت اهم !!
فارس : لا يكووووون زين انت مآ سألتهم ولا لا
سعيد : سألتهن قالت وحده منهن انها بنت ييرانهم ... يالله يا فارس واايد أحاتي هالشي كله مني كيف ماعرفت البنت وانها بنت ييرانا واقولك اتصل علي ابوهم وانا اسمع صراخ الولد والأب مبين ان العبرة ف حلجه والمشكلة انه صغيير مب كبيرر مآدري كيف بيتحمل ... الله يصبرهم
فارس : لاحول ولاقوة الا بالله العلي العظيم الله يعينهم وشو بتسوي الحين
سعيد : مآ ادري انا افكر اسافر السعودية مره ثانية بس أول ابا اخذ منك رقم حمد وعبدالعزيز وراكان اللي عرفتنا عليهم .. اذكر اني شفتهم يرمسون هذييك اللي صببت عليك الزبالة فأكيد يعرفون البكمى والبنت الثانية !!
فارس : والله يا سعييد ماعرف اذا يعرفونهن ولا لا يمكن بس جيه سولفو وياها انا بتصل بهم واشوف زين !!
سعيييد : ما تقصر الشيخ والله ومب لازم تتصل الحين ارقد شوي وعقبها اتصل
فارس : لاعادي ما بيظرني شي خل نساعد بو منصور وحليله مآ يستاهل
سعيد : من طيب أصلك والله يلا الحين بخليك
فارس : فمان الله
بندت من سعيد وانا مصدوم لو طلعت البنت هي نفسها اخت منصور ليش خبوا الأمر عنّا !! ليش مآ قالو البنت ضايعة
معقولة مآ يدروون قلبي معورني ع هالعيلة الله يعينه
مسكته فوني ودورت اسم حمد سعودية
وضغطت زر اتصال
/ بقلمي
--------------------------------------------------------------------------------
خَــــــــــــــــــالِــد
شو هالبِبنت لآ ذوق ولآ أدب مآعرف شو هالأخلاق الجميلة اللي عندها
من الصِبح تتأمر علي بذبحهآ ماصدقت سمعت امي تقول
ام خالد : خالد يا ولدي الله يرضى عليك وصلها لشقتها الوقت تأخر وانا هب متطمنة تروح مع اخوهآ الضايع
استغفرالله العلي العظيم نآقص انا ناقص انا يالله اتحملها كل يوم يوم اوصلها لببيت اخوانها بالرضاعه الحين اوديها شقتهم استغفرالله
افنان : لا ياخالة ما يحتاي ما فيها شي ما يروم يسوي بي شي
لطيفة : لا افنان مب زين تظهرين ويا واحد مافيه عقل ولا عنده دين ف هالليل لا يسوي بج شي
افنان : محد يخاف علي يلا الحين تصبحون على خير اشوفكم باجر ان شاءالله
شفتها تطلع بكل ثقة مادري ليش أحس ان لازم اني انا اللي اوديها بس صدق انا تعبان واخوها ما بيسوي فيها شي ان شاءالله ليش نكون متشاءمين
مشييت لحجرتي وانسدحت يالله هلكااااااان احس بتعب فظيع متى برتاح !!
تميت افكر ف حالنا من عقب ما يتنا افنان
احس البيت متغير وااايد عن قبل
ضحكها وضحك امي ولطييفة يوصلني دايماً
نفسيت أهل البيت تغيرت
وصراحة حتى انا
قمت اتحمس ارد البيت اشوف شو تسوي من اشياء غريبة
ابا اسمع حسها كيف !!
ورمستها الغريبة
وأهم شي تخيلاتها وجرأتها ف الحديث وياي !!
ساعات استغرب منها لكن يوم أفكر انها عاشت بلا أم واب تعبان أعذرها زين منها محافظه ع حجابها !!
بس شو الفايدة حجاب بلا أخلاق
لازم حد يأدبها وان شاءالله بتتأدب ع ايدي
نشيت من افكاري ع فكره غريبة يت ف بالي
شو بتسوي لو تعرض لها واحد من اخوانها بالرضاعه الخربانين !!
يلمسها او يسوي بها شي نفقد بعدها حس دعابتها وروحها المرحه
اففف ما بعرف أرقد اذا ما اطمنت انها وصلت
لو استوا بها شي بكون أنآ السبب لأني وافقت انها تسير ويا اخوها بهالليل
نزلت تحت ورحت صوب لطيفة اللي كانت تحل واجبتها
يالله هالبنت من يوم مآ يت افنان وهي مهملة دراستها الله يستر وما تفتح الكتب الا الساعه 11 الليل يعني بعد مآ تظهر افنان من عندنا
ناوي اعصب عليها وأشد عليها بس مب الحين واهم شي مب جدام افنان اخاف تاكلني
عليها لسان هالبنت الله يعين ريلها عليها !!!
توقفت عند هالكلمة ريلها !!
معقولة هالبنت بتتزوج
لا مستحيل مآ اباها تتزوج لأن اعرف ان ريلها وعيالها بينظلمون خلها تكون استقلالية وبروحها أحسن عشان محد ينظلم وهي مآ اتوقع تبا تعرس
هيه هي تبا تكون ويانا دوم ومآ تبا تعرس
يالله شو هالأفكار الغبية اللي قامت تتييني
الظاهر من التعب والنعآس
لازم اطمن ع أحوال هالبنت وأسير أرقد
عن اتييني أفكار أغبى مثل ( أتزوج أفنان )
يالللللله شو هاللي قمت افكر فيه لا حول ولا قوة الا بالله
ظهرت من البيت وانا مب عارف وين اسير أصلا وين بيتها !!
شو هالغباء اللي فيني
رديت دخلت سألت لطوف
خالد : لطووف وين بيت البنت !!
لطوف : اي بنت ؟! تقصد أفنان !!
خالد : يعني منوو !
لطوف : لييش ؟
خالد : لططططوف يالله قولي ؟
لطوف : ماعرف والله ويت بدقلها اسأل
خالد : لا طرشيلي رقمها ؟
لطوف : أوووه حركات والله !! تبا تغازلها هااه !! قل انك وقعت ف حبها وفكنا
خالد : استغفرالله العلي العظيييم بتعطيني ولا اخلي ربيعتج تنذبح ويضيع مستقبلها واسير ارقد ؟!
لطوف : خلاص بطرشه لك ولا ويت يمكن وصلت خل أسألها
شفتها تتصل وفجأه بدت ترمس
لطوف : هلا والله فون فون
لطوف : ههههه انتي وين
لطوف : مآشاءالله وصلتي منو اللي ساق بج قمت اشك انكم طرتوو !!
لطوف : أهآ تاكسييي !! وليش مآرحتي ويا اخوج ؟
لطوف : علينا علينا اعترفي كنتي خايفة صححح !!
لطوف : هههه صدقتج صدقتج خلاص الحين رصيدي بيخلص ببااي وتصبحين على خير وأوشووفك بووكرا
لطوف : خلاص ارتاح يا روميييو وصلت جولييت لبيتها !!
طالعت هالبنت اللي مآتستحي بنظرات ورحت فوق ارقد خساره في ربيعتها هالمحاتاة لو رقدت من البداية احسن
سَــــــــآرة
ناظرت ساعتي !!
6 ساعات من يوم بديت والحمدالله ما ماتت الحرمة شي جميل نشيت وأنا أتذكر اني تأخرت وايد عن المقر وان شاءالله رابح يعذرني أصلا غصباً عنه يعذرني ياييبه بيزات تسده وبزيادة بعد
ولذلك قررت التمرد
هيه نعم قررت التمرد
مآ بعطيه البيزات كلها انا ببدا أسوي بنصييحة ام عبدالعزيز اللي تشتغل وياي ف هالشغلة وببدا ادخر بيزات لي ولأخواني ف المستقبل
اخواني اللي ما يابتهم أمي اخواني اللي داريتهم من يوم هم صغار ولين مآ اموت بداريهم
مستحيل أخليهم يبتعدون عني لحظة وحده
تذكرت حَدث استوى فالماضي وللحين أحس بتأنيب الضمير يوم أذكره
بو الجماجم يوم حصلوه أهله كنت حاقده عليهم لأنهم ردوو وخذووه
لييش ياخذونه عني بو الجماجم كان صديق الطفولة كنت وايد أحاول اجذب اهتمامه مع انه أصغر عني بس شخصيته كآنت حلوه هه
تذكرت يوم ردييت ذاك اليوم أصيييح ليش انه بات عند أهله وانه بيرد وياهم
كان شي عامل هندي اسمه كومار ايي ف الإسبوع مره ويطمن علينا أو بالأحرى يطمن علي انا بالذات كنت أستغرب من معاملته ونظراته لي
وتوقعت انه بيخطفني او شي لكنه ما سوى بي شي كآن اييب وياه حلويات واشياء كل طفل يتمناها كنت آخذ منه الحلويات والأشياء اللي ييبها لي بفرحة
ومآ اخفي عليكم كنت اناديه بابا
ضحكت وانا اتذكره كيف يستانس يوم اناديه بابا
كان دايم يقول : انا مافي هلوو سيمسم انتي يأني انا مافي بابا انتي بس انا ف حوب انتي كثير
كنت كل إسبوع انتظره عشان ايي ويعطيني ....
مآ كنت أهتم اذا عطاني شي ولا لا أهم شي أشوفه مش هو الأب اللي اخترته أنآ
المهم مآ علينا يوم رديت اصيييح ذاك اليوم كان كومار ياي يشوفني أتذكر يوم قلتله
ان بو الجماجم بيروح واني بقعد بروحي
أذكره يوم خذني بسيارته الفخمه وقام يحاوط بي ليين نسيت بو الجماجم وأهله ونسبه
رديييت ذاك اليوم المقر وانا مستانسة وكنت أشوف الغيرة بعيون الكل
مآ كنت أهتم لنظراتهم عدا نظرات السفاح والشبح اللي كانو أكثر ناس محببين لي
ودوم انا وهم واليميع كانو يستغربون لييش رآبح يكون موافق ع ظهرتي وياه !!
انصدمت بعد إسبوع وأنا اشوف بو الجماجم رد لنا وهو يصيح بانكسار يصيح صيآح
صحت وياه ذاك اليوم
كنت طفله شرسسة والكل انصدم يوم شافني أصيح حتى كومار
يوم يا وشافني اصيح انصدم تم يقول هازا بو جماجم في ايجي ليش في سوي صياح !!
استغربت منه كيف عرف عن بو الجماجم شكييت للحظة ان هو السبب وانه رد وخطفه
بس جاوبني ا ناهله مآ عندهم الامكانية ينفقون عليه وردوووه !!
ما بقولكم ان الحيلة انطلت علي بس طوفتها بمزاجي لأن الشي الاهم
مرت الأيام والسنوات ومعاملة بو الجماجم تتحول لمعاملة شرسة وبالتالي انا اللي ما اقبل الاهانة قمت اعامله بالمثل لين ما وصلنا لهالحال
نشيت من مكاني عسب انظف لأن ريحة الدم كتمتني
وانا طرت ع بالي ذكرى غريبة أذكرها بكل تفاصيلها
من سنتين تقريباً يوم بديييييت أشتغل صح ووفهمت الشغلة هذي زين
أحيييد الحرمة اللي استخرجنا كليتها كانت مريضة
وع وشك الوفاة يتنا عشان نستخرج كليتها استغربت منها كيف يايه بكل قوة
لكن عرفت بعدين انها تبا الكلية لريلهآ
ف البداية رفضت ام عبدالعزيز بس بعدها يوم شفتها تترجآني وتصيييح رحت لأم عبدالعزيز واقنعتها
كانت الحرمه تقول ان التصاريح ف المستشفيات بطول وهي ما تضمن عمرها تكون حية تبا تشوف ريلها وهو بصحة قبل ماتموت
سوينا لها اللي طلبته منا وعطييناها الكليية
اول مآ يت بتسير طاحت
كان منظرها ماعرف كيف اوصفه كنت خايفة خايفة عليها وايد
حبيت هالحرمه وكلامها وطيبتها وتضحيتها
تجربت منها وكآنت انفاسها سريعة
سمعت كلام وايد منها قبل موتها سبحان الله قالت كل وصاياها وعقبها ماتت
اولها أعطي ريلها كليتها !!
وثانيها أعطي ريلها صور بناتها المفقودين يدور عليهم
كانت تقول وحده بالحرام رماها ابوها بعد ماعرف ف الميتم
والثانيه عند محمد
كان نفسها يزيد وكلامها يتقطع وبالتالي ما فهمت كلامها
دخلت علي بعدها ام عبدالعززيز ولفظتها الشهادة
وماتت الحرمة
بعدها بيوم رحت للمستشفى اللي وصفته لي عشان أعطي ريلها الكليية !
لكن اللي عرفته انه مآت
صحييت وانا اتأمل الصورتين اللي ف ايدي صورة لبنت رضيعة
والثانية لبنت عمرها ما يتجاوز السنتين
يا ترى هل أتحاسب لأني مآ وصلت الأامآنة
بس ريلها مات وانا ماعرف حد من اهلها
خشييت الصورة اللي ملازمتني دايماً
وظهرت رايحة للمقر التعيس
السفاح : ياربيييي ابا اررررقد بس يوعااان !!
الشبح : ياخي اذيتنا رحح شف لك عند الييران يمكن تحصصل أكل
السفاح : اففف لا انا عاهدت نفس ما اشحت
الشبح : خلاص عيل اسكت ابا ارررقد ابا انسى هاليووع
السفاح : يارب ان ساره تييب أكلل لوياها يارب
بو الجماجم : اغسسل ايدك ساره يوم تتأخر ما تييب وياها شي صح رحاب
التفت الكل لرحاب اللي استوى ويها يخرع من الإرهاق
السفاح : اللهم سكنهم مساكنهم يا رحاااب خلاااص انسي انسي اللي استوا البنت ف الجنة
السفاح
شفت رحاب تتأف وتصد ويها عنّا يالله شو هاليوم الكئيب
من عقب منصور واليازية البهجة راحت افف
بو الجماجم وعيونه منتفخه شكله صاح صياح
ورحاب وويها اللي تقول سكنيية
والشبح اللي مأذينا يلا نشرد نشرد
وساره اللي توها وصلت وأكياس الأكل وياها
حسيت من الفرحة عادي اقوم ابوس راسها
السفاح : ساااااااااره شكككككراً على الأكل ما تقصرين
ساره : منو قال انه حقك هذا حق رحاب !!
السفاح : سااااااااااااااارا بلييييييييييييييز والله يوعام رحاب مآ يحتاي تاكل
ناظرت ف رحاب اترجاها تقول خذذه
وشفتها تأشر بلا
انصدمت شوه النذالة اللي نزلت عليها فجأه
صديت صوب الجماعة الأولى وشفتهم يضحكون
السفاح : ايا ياللي ما تستحون تذلوني وتتطنزون علي
شفت ساره تبتسم بغيت انجلط
هاي من متى تبتسم
يالله اليوم بدى يحلى وشكل مزاج ساره تووب
الله يتمم اليوم على خير
واكيد بيمر على خير يوم اني باكل
حتى لو يا رابح بعدها وكفخني تكفييخ ماهمني بيتم حلو
دام هالأكل الطيب بيطيح ف بطني
فجأة سمعت صوت فون بو الجماجم يرن يآ ترى من اللي ممكن يتصل عليه غيرنا
بو الجماجم : اوه هذا الإماراتي فارس تحيدونه
بو الجماجم (بهدوء) : الو السلام عليكم ورحمة الله وبركاته
هذا جزء اليوم :)
قرآءة ممتعة ، وان شاءالله بحاول انزل جزء ثاني نهاية الاسبوع
اتمنى احصل الردود والتوقعات :)
الجُزء الثالث عَشر
السفاح
يالله حديي مصدووم معقولة اللي سمعته !!
ومن حلج منو!!
حلج ساره
كيف جيييه !!
انا متأكد اني سمعتها بإذوني الست !!
عفوا اقصد الثنتين <~ تأثير الصدمة
تقول بنظهر نشترري!!
شو بنشتري
تتخيلون وياي قالت
بنروح وبنشتري االلي خاطركم به !!
كيف جيه معقولة
بعد اكثر من 13 سنة بنتهنى بحياتنا
معقولة ساره صحت وبتصحينا وياها
شو هالطيبة اللي نزلت عليها فجأه معقولة تبا تغايظ بفارس !!
هيه صح أمس شو كان يبا فارس !!
انا بس سمعت طراريش من رمستها وياه
أنه يبا رحآآب ويبا يعرف من وين يبنا منصور ووين البنت الصغيرة اللي كانت ويا رحاب ومنيرة وسارة وافنان ف الفندق ف الاسبوع اللي توفى فيه بو افنان <~ ها كله طراطيش
ههههه أذكر ساره كيف عطت بو الجماجم الفون بكل برود اونه تفاهم ويا استاذ نظيف
شو هالإسم اللي سمته به !!
قالي بو الجماجم ان فارس وسعيد ومنصور وأهله بييون !!
والظاهر انهم يايين عشان اليازية !!
معقولة منصور مآقالهم انها انجتلت
اصلا خايف ع منصور سار من عندنا وحالته فظييعه >,<
أخاف استوى به شي
الله يستر
زين المصيبة الحين كيف بنتفاهم ويا اهله ؟
كيف بننقل لهم خبر وفاتها ؟
أصلاً ليش أخاف دام السالفة بيد سارة فكل شي بيكون زين ان شاءالله
تأملت عمري مب كأني مآخذ راحتي بزيادة !!
الشلة كلهآ ظهرت ويالسين يتريقون وانآ بعدني منسدح ع هالأرض اللي كسرت ظهري
لحظظظة كأني قلت ريووق صححححح من اليوم بدينا ندلع
يا سلااام :d
نشيت بسرعة ع الحماام (عزكم الله )
غسلت ويهي ع السريع
لحظظة انا صليت الفير اليوم ولا لا صلييت ولا لا
استغفرالله هالسالفة قامت تأرقني !!
ماعرف اذا صليت الفير ولا لا
سرت صوب الشلة ف الحجرة الثانية
السفاح : حد منكم شافني أصلي اليوم الفير !!
الشبح : يالعبيييط تراك انت بروحك وعيتنا !!
السفاح : وانا راقد وعيتكم !! ولا مآ حيد حتى اني صلييت
بو الجماجم : ههه مالت عليييك مب ويه التزآم انت تعال تريق
السفاح : صح اليوم لازم تكون عندي قوى خارقة عشان ايمع بيزات لربووح وعقبهآ ارووح اتشرا
سارة : مآشاءالله عليك الطاقة اللي عندك تكفيك وزيآدة مآ فينا تزييد اليوم وتنفجر انت ف النهآية
الشبح : هههههه السفاح ما تلاحظ انهم بدوا يقعطونك وانت ساكت
السفاح : لاحظت بس بعدني تحت تأثير الصدمة يلاااااا وسعوا لي باكل
يلسسست آكل وتذكرت سالفة فارس
السفاح : اقول شو بتسوون بفارس اللي بيي هو واهل منصور
بو الجماجم : ماعرف والله انا بروحي متلعوز !! متحمس حق الطلعة وياكم وماعرف اسير استقبلة مثل مآ طلب ولا لا
سارة : رحاب تبيين زعتر ؟
شفت رحاب تهز براسها بلا وشكل دموعها تهدد بالنزول
الظاهر تذكرت اليازية
والحين فهمت القصد من مقاطعة ساره لي تباني أأجل السالفة
الشبح : ناس غبية
السفاح : جب اصلا نسيت السالفة
تميت آكل وانا أفكر شو بشتري
أحس اني جريء بس صدق انا اعتبر ساره اختي الكبيرة وعادي لو طلبت منها
بس تصدقون ساعات احس اني استحي بنت و تصرف علينا
ونحن كلنا رياييل اهانة صراحة !!
لازم ارد لها جميلها وجريب ان شاءالله
فَــــــآرِس
اليوم بنسافر ان شاءالله احس امي وايد زعلانة ع سفرتي
كأنها تقول مصختها !!
بس مآ بيدي شي حرام
أهل الولد يبون بنتهم وانا كأني عرفت مكانها فلازم أساعدهم هاي امانه ف رقبتي
نزلت تحت ع اساس اتريق وع العصر ان شاءالله بتكون رحلتنا
سمعت صراخ امي ومريم وحورية صدقق خفففت
ركضت ركييض ابا اشوف بلاهم
ويوم وصلت حق حجرة الأكل انصدمت بالمنظر الصحون طايحة ع الأرض ومتكسرة
ومريم تضررب حورية بشككل ففظيييع
بغييييت انجلط
وامي تحاول تشل مريوم عن حورية وهي تصيييح
هنيه عاد مآ رمت اتحمل مريوم فيها شي مستحيل تكون طبيعيه
تحركت بسرعه يوم شفت امي تتأوه الظاهر ايدها انلفت
او استوا بها شي
سحبت حورية ف حظني وهي تشاهق من الصياح
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك