رواية خاتم في اصابع رجال -11
اليوم بنسافر ان شاءالله احس امي وايد زعلانة ع سفرتي
كأنها تقول مصختها !!
بس مآ بيدي شي حرام
أهل الولد يبون بنتهم وانا كأني عرفت مكانها فلازم أساعدهم هاي امانه ف رقبتي
نزلت تحت ع اساس اتريق وع العصر ان شاءالله بتكون رحلتنا
سمعت صراخ امي ومريم وحورية صدقق خفففت
ركضت ركييض ابا اشوف بلاهم
ويوم وصلت حق حجرة الأكل انصدمت بالمنظر الصحون طايحة ع الأرض ومتكسرة
ومريم تضررب حورية بشككل ففظيييع
بغييييت انجلط
وامي تحاول تشل مريوم عن حورية وهي تصيييح
هنيه عاد مآ رمت اتحمل مريوم فيها شي مستحيل تكون طبيعيه
تحركت بسرعه يوم شفت امي تتأوه الظاهر ايدها انلفت
او استوا بها شي
سحبت حورية ف حظني وهي تشاهق من الصياح
بسم الله
عطيتها امي تهديها
ومسكت ايد مريوم وظربتها ف ظهرها
واعترف عورتها
أحسها ما بتنسى هالضرب طول عمرها
تستاهل شو هالمصخخرة اللي تسويها دووم !!
مينونة هي
فارس : وبعدييييييين معااااج كم مره اقولج اختج الصغيرة خليها ف حالها شو سوت بج هاااه مستقوية عليها انتي فرحانه بعضلاتج !! يلااااااااا انطقي شو سوت بج
كانت مريوم اطالعني بقواة عين واللي صدمني انها ما تصييح حشى قمت أشك انها ريال
مريم : كيييييييفي تقهرني كم مره اقولها لا تدخل حجرتي وامس الليل مآدري شو مدخلها حجرتي وسكت واليوم اسير باخذ ريوقي سألت البشكارة تقولي حورية ماخذتنه شو تبا هاااي
فارس : وكل هاااااااا عشانها دشت حجرتج وخذت أكللللج شو من اخت انتي بدال مآ تقوليين اختي يفداها الأكل تسوين هالزوبعه والللله يامريوم ان عدتي هالتصرفات مره ثانية يا ويلللج سامعه
مريم : لا مب سامعه لا تتحكم فيني انت ,, ابوي بعده حي وما يخصك فيني انت
فارس : والله يا مريييم ان عدتي هالكلام يا ويللج لا تتحديني
مريم : والله ان اخبر عليكم ابوي بتشوفون
التفت صوب حورية لازم امنعها من هالكائن الشرير خلاص خل تقطع علاقتها بها
هالبنت مستوية تخرع اعوذبالله
فارس : حورية حبيبتي تعالي شوي
يتني حورية وهي تشهق من الصيااح
فارس : حورية حبيبتي ليش ادشين حجرة هالحماره مب هي قالتلج لا ادشين حجرتها وليش ماخذه ريوقها حد ياكل اكل الحمير ؟
حورية : و والله امس رحت رحت حطيت هديتها حق حق يوم ميلادها وو اليوم قلت بدلعها عشان انت هزبتها قبل كم من يوم عشاني قلت حرام بغيت أفرحها
طالعتها كسرت خاطري وايد طيبة هالبنت حرام تكون اخت هالشريرة اللي هناك ناظرت مريوم
فارس : والله انج مآ تستاهلين اخت شراتها
مريم : مالت عليكم وعليها فرحانين بهالدلوعة السخيف خل تنجلع الله ياخذها يارب تموت ومالت عليها وع هديتها وع دلعها
انصدمت وانا اشوف امي تعطي مريوم كف !!
ام فارس : مصختيها يا قليلة الأدب والله انج مآ تستاهليين اللي نسويه حقج انجلعي لا بارك الله فيج من بنت
مريم : بتندمون والله لتندمون كلكم
يتبع
شفت مريوم تربع لحجرتها لفيت ع امي وجفتها تدمع وتمسج دموعها كسرت خاطري
فارس : حورية حبيبتي منو بيوصلج اليوم المدرسة ؟
حورية : بغيب اليوم بيسيرون رحلة للشارجة وابوي مب راضي اني اسير
فارس : اها يلا ما علييه شو تبين بالشارجة انا بوديج ف الصيف ديزني لاند شرايج ؟
حورية : صدددددددددددددددق الللللللللللللله والله حلم حياتي
فارس : هيه بس توعديني انج تتجنبين مريوم لا ترمسينها ابددد انا مسافر اليوم مآ اباكم اتعبون امي اي شي تسوي سويلها طاف او دقي علي وحسابها بعدين
حورية : ان شاءالله بس اتم ع وعدك ف الصيف نروح ديزني لاند
فارس : افا عليج كم حورية عندي بس الحين سيري برمس اماية
حورية : زين
شفتها تسير تبوس راس امي وتتأسف لها وسارت فوق
يالله شتان ما بين هالبنت وإختها الثانية
سرت صوب امي ولويت عليها احسها وايد تعاني
من مشاكلها ويا ابوي لين مشاكلنا احن
كيف كانت عايشة قبل او كيف كان احساسها وولدها الأول كان صايع يالله
الحمدالله اللي هداني
فارس : يممه محد يستاهل دموعج يالغالية عادي مراهقات بيظاربن وبيردن يحبن بعض
ام فارس : يا يمه خآيف ع اختك مريم مب طبيعيه مستويه شرانية وساعات تييها دوخه ووايد تحلم احلام وتصرخ ف الليل اخاف يكون بها مرض عصبي لا سمح الله .. تعبتني هالبنت والله
فارس : بسم الله عليها ان شاءالله ما فيها الا العافية
ام فارس : والله اني حاسه ان بها شي وتخفي انا امها وادري يا ولدي طلبتك
فارس : تم آمري وعيوني لج
ام فارس : ودها وياك مب انت تقول انهم بيودون الولد الصغير عند مطوع يقرا عليه ودها وياك خل يقرون عليها خل ارتااح شوي يمكن تهدا اعصابها
فارس : ممم والله ع عيني وراسي بس اخاف ابوي ما يرضى وبشوف اذا في حجز ف الطيارة
ام فارس : ماعليه انا بسير ارمس ابوك وانت اتصل احجز ما بطمن الا اذا هي سافرت وياك
فارس : خلاص ان شاءالله وبالمره برمس سعييد ييب اخته نوف تتسلى ويا مريوم
ام فارس : زين الحمدالله يمكن تقتنع اذا شافت وحده وياها
فارس : سبحان الله هذا هو سعيد يتصل يلا بقوله فمان الله يمه بسير اتأكد وبحجز وبييب لي كم غرض من الجمعية
ام فارس : ف حفظ الرحم قول بسم الله توكلت على الله
فارس : ان شاءالله
فارس : مرحبا سعيد
الشَّبح
كشششخه اليوم الا روعة سرنا وتسوقنا كل واحد خذ بقيمة 500 ريال
والله من الفرحة اللي فينا صح كنا مستحيين من ساره وكل شوي نشوف تعابيير ويهها اذا متضايجة ولا لا
بس اليوم صدق حسيت اني في حلم ساره كانت تضححك من قلبها
وحتى رحاب
وبو الجماجم اليوم وساره كانو يستهبلون
حسيت ان نحن ظلمنا ساره وايد كنا نزقرها بالجتالة وساعات نخبر نتبلى عليها عند الزعيم
وايد وايد ظلمناها وهي مآ ادور الا سعادتنا الله يسامحنا
شفت السفاح يظربني ع ظهر
السفاح : لا يكون طاحت عينك ع وحده ووقعت في حبها
الشبح : هيه وافكر اخذ ساره وياي نتبعها وتكون ساره بحسبت اختي وتخطبها لي
بو الجماجم : عشتوووو وينها وينها
الشبح (بطفولية ) : لا لا مآبا هاي حقي مش حقكم
ساره : هههههههه ايه بيشكون ف جنسك اصطلب
الشبح ( وهو يفرد ظهره ) : افا علييج مآ طلبتي
السفاح : عن ينكسر عمودك بس
الشبح : رححاب عطيني الماي اللي عندج
السفاح : لا حوول خل الماي لها اعوذ بالله منك
الشبح : عططشااان عادي رحاب صح
شفت رحاب تأشر بلا وهي تبتسم
انصدددمت
وناظرت الشلة واحد واحد
كانو يظحكون ضححك علي
احرااج
التفت لرحاب وشفتها تضحك وتأشر ع بو الجماجم ان هو قال انها تأشر بلا
الشبح : ماعليه ماعلييه بردها لكم بتشووفون وانتي يا رحاب ماعليه
السفاح : كفووو والله رحاب بعد قلبي انتي
الشبح : سفيييخ أصلي
بو الجماجم : اقولكم انا سمعت واحد ف المسيد يقول اللغة العربية في خطر والحين ايقنت هالشي شو سفيخ بعد ؟
الشبح : جريبه من سخيف ياخي وهالكلمة ذنوبها اقل من سفيخ
ساره : استغفرالله اقول تعشووو وفكونا ورانا رابح يتريانا
السفاح : اخيييه خلص الحلم
ساره : ليش خلص ان شاءالله كل خميس بنظهر جيه
من فرحتي قمت ببوس ساره فوق راسها
وكنت شاد حيلي اول مآ وصلت دزتني ع الخفيف
ساره : مآ يستوي مآ ما استوي لك انا
الشبح : ياللللللللللله شوفيكم اليوم عليي كل حد يقفطني اخيييه مآ حبيت الرحلة ابد ولا بظهر وياكم المره اليايه
بو الجماجم : احسن توفر بيزات ع سوير
ساره : سوير ف عينك
السفاح : ويووووووو عطوه ف الويه
بو الجماجم : اقوووووووول مب كأنه المغرب واحنا نسينا فارس
اوووووه مآ استقبلناه ف المطار
ساره : لييش ناوين تستقبلونه ؟
السفاح : عيل اخاف يبلغ الشرطة علينا يبون البنت هم
الشبح : صحح والمشكلة اهل منصور وياه ماعرف كيف ننقل الخبر
ساره : زين دق عليه بو الجماجم شفف وينه وعطني الفون عقبها برمسه
بو الجماجم : رصييدي
ساره : ترا بخبر وديمة ان الهدية ببيزاتي
السفاح : ويوووووووووو
ساره : انت منو عينك وخلاك كمؤثر صوتي
بوالجماجم & الشبح : ويوووووووووو عطووووه
السفاح ( يقلد الأطفال ) : بخبر عليكم ماما بتشووفون
الشبح : يالله حركات يزووي الله يرحمها
شفت رحاب تنش من مكانها رايحه للحمآم
تكسر خاطري هالبنية وايد تشل بخاطرها وتتضايق
الله يكون بعونها
سمعت حس بو الجماجم وهو يرمس
يتبع
بو الجَمـــــــــــــآجِم
يلست أرمس فارس واتأسف لأني انشغلت وما رمت استقبله بالمطار
قالي انه يحتاج يشوفني باجر كأقصى حد لأنه ورا شغل ولازم يرد بلاده
قلتله بكل بساطه ان البنت انجتلت تم مصدووم وان ليش مآ خبرناه
قلتله ان توني عرفت من ساره
عطيت ساره الفون عشان افتك من هالوهقة
وعقب تمت ترمسه والصراحة حسيت اسلوبها فظيع وياه كآنت تستهزأ به
كأنه عدوها من زمان
استغربت بس مآ شغلت عقلي بهم وايد
تميت افكر ف ردة فعل وديمة يوم تشوف اللي يبته لها
هو شي بسيط بس شفت وايد بنات يدشن وياخذن نفس شكل هالجوتي
قلت أكيد ان الناس طايحين عليه هالفترة ان شاءالله بس يعيبها
التفت ع ساره يوم شفتها تعطيني الفون
استغربت من ابتسامتها شكلها متوعده بالريال
ساره : خلاص باجر بسير وياك وويا رحاب نتفاهم وياهم
السفاح (باستهبال) : وانا وانا ودوني وياكم
الشبح ( يستهبل مع السفاح ) : هيه وانا بعد ابا اسيير
بو الجماجم (يكمل معاهم ) : لا مافي روحه الا يوم تقول امكم سيروو
السفاح : ماما ماما
الشبح : لحظة بو الجماجم منوا منا الحين ساره ولا رحاب
السفاح : ياغبي وين الطيبة منهن اختارها ام عشان توافق صد ناس غبية
الشبح : عيل اكيد رحاب (والتفت لرحاب) : ماما خل نروح معاكم
ساره : عيل انا شريرة هاااااااااه يلا طلعو لي قيمة ال 500 ريال
الشبح : السفاح ما لاحظت شي ؟
السفاح : لا يكون اللي ف بالي هو نفسه اللي ف بالك ؟
الشبح : هيه شكل جيه يلا
شفت العبيطين ينشوون ويمسكوون ساره ويودونها صوب النافورة ويغرقون ويها فيها
انصدددمت يا ويلهم والله
شفت رحاب تناظرهم مصدومة ومرعوبة ف نفس الوقت
واللي ف المطعم احتشروو ويصرخون
وشي عامليين شلو السفاح وعاملة قامت تنظف ويه ساره
يالله هالإثنين سووو زوبعه ويا ويلهم
شفتهم رادييين وهم يضحكون يوطنزون ع واحد من العمال
السفاح : هزا في مشكل كبيير كهرب هزا كهرب ممكن اختي مال انتا في موت ..
الشبح : والعامل الثاني ( ياخرااشي دنتا بتستعبط ولا بتستهبل ديه كهربااء انت عاوز تذبحها ولا ايه )
بو الجماجم : يا ويلكم (وقام يطبل ع الطاولة ) يا ويلكم يا ويلكم ساره بتذبحكم يا ويلكم يا ويلكم
شفت الاثنين يرقصون ويغنون وياي
السفاح والشبح : يا ويلنا يا ويلنا ساره بتذبحنا هييييييه عاشوو
لمحت كم عايلة يالسة ف المطعم يطالعونا ويضححكون الله يفظحهم فظحونا
يت ساره وهي تضحك ع اشكالهم استغربت توقعتها تعصب
بس صدق اليوم لا ينسى وان شاءالله بتكتمل فرحتي يوم بعطي وديمة الهدية واشوف ردة فعلها
خَـــــالِد
يالله شوه المصيبة اللي نزلت ع راسي فجأه ناظرت من المنظرة وشفتها راقدة فوق اختي لطوف
هالبنت بس تييب لنا المصايب
بس شو سر طيحتها
لايكون عندها فقر دم ولا شي الله يستر
بروحي متوهق لاني خذت بطاقة لطوف الصحية ع اساس انها بطاقتها
كيف هالبنت عايشة بدون بطاقة صحية
وصلنا المستشفى
قلتلهم ييبون لها شبرية متحركة
ويابوها ونقلوها ولطوف وانا وراهم
ساألت لطوف استفسر عن سبب الطيحة
خالد : شو اللي خالاها اطيح جيه كرفتوها اليوم بزيادة ؟
لطيفة : ماعرف والله هي بروحها اليوم كانت مصدعة وقالتلها امي ارتاحي مارضت سارت وخمت الحويي ف العصر والظاهر زاد صداعها وع المغرب دق حد الباب وطلع اخوها رائد مآ دري شو كان يبا منها بس انها ردت وهي معصبة وكانت تسبه وفجأه شفتها اطيح جدامي وف نفس اللحظة دخلت انت
خالد : زين هي مآ كانت تعاني من مرض ولا شي ما قالتلج
لطيفة : شعرفني خالد انا ماعرفتها الا يوم بدت تشتغل عندنا
خالد : كللله منكم منو قالكم تخلونها تخم الحويي ف هالشمس :@
لطيفة : اوووووووه لا تأذينا اللي يسمعك يقول انها حرمتك
تفاجأت من تشبييه لطيفة وبيني وبينكم بديت اتخيل وبديت افكر
مستحيل انا وافنان نتفق هي ربششة وانا راكد وساكت صعب نتفق انا وياها هي كله تمزح وانا جاد
لازم ابعد هالأفكار اللي قامت تنزل علي ف الليل
افنان شي مستحيل آخذه
شفت الدكتورة تظهر وأشرت للطيفة تسير وترمسها
عقب يتني لطيفة تقول
لطيفة : تقول دوخه عادية بس يقولون يمكن عندها فقر دم خذو عنها عينات دم وقالو بعد يومين او 3 ردوو وخذوو النتايج
خالد : زين البنت الحين نشت ولا كيف
لطيفة : هيه اعصابك من يوم مآ حسن بالابرة قامت ترافسسهم بسير عندها الحين شوي ونظهر لك
ابتسسسمت هالبنت حتى وهي مريظة مربوشة الله يحفظها
توجهت لسيارتي ودقيت ع امي اطمنها اكيد انها تحاتي لطيفة لاني خذتها من دون مآ تدري امي
أفـــــــــنــــــــــــــان
ها رائد لازم اقول لساره عنه خل تذبببحه مآ يستحييي والله سخيييف كرهني ف عيشتي الحمااار اذاني
سكران واحد يالله
بس زين ولأول مره من يوم مآ بلغت العشر سنوات ادخل المستشفىى اخيراً شفت المستشفى وعرفت كيف اشكال الدكاترة
كنت ف السيارة سرحانة والأخ خالد يسوق
يقهرني هالريال اربع وعشرين ساعه ساكت
ولطيفة ترمس بفونها افف ملل لآزم اسوي شي يوخر عني الملل
ومآ حصلت غير اني اصرخ فجأه بأعلى ماعندي عشان الأخ خالد يستفيق من سرحانه
وفعلاً صرخت ومآ حسسسيت الا براسي يظرب بجتفه
اوووووه الحين اكيد بيعصببب
وسبحان الله حدسييي صدددق
خالد : شووووووووووووووووووووووو فيييييييييييييييييج !!
افنان : بس كنت اجرب صوتي
ما سمعت الا ضحححك لطيييفة المبالغ به بعد الصرخة اللي اطلقتها
وبعدها بثواني تكلم الاستاذ خالد
خالد : نآآآآآآآآآآآآآآآآآآآآآآآآس ماعندها دمم
افنان : سبحان الله كيف عرفت انهم خلصوو دمي هالدكاترة اكيد انك كنت حاس فيني
ههه ضحكت ع شكله المعصب وع شكل لطيفة وهي تضحكك
يلا ع الأقل سويت لهم أكشن
طرا ف بالي شي واللي هو
أمي
ليييش مآ اسأل ام منيرة عنها اكيد تعرف
لازم اسأل بس يارب اني مآ انسى <~ شفتو الإهتمام كيف
رحـــــــــــــــــــآب
كنت منسدحه ف المقر واناظر الشلة كيف يناظرون الأغراض اللي اشتروها
بالنسبة لي مآ فيني حييل اتحرك وساره بعد نفس الشي لأنه اول مآ ظهر رابح سارت ترقد
وشكليي بسوي نفس الشي لاحظت ان فون بو الجماجم يرن وشفته يرمس
ووالظاهر المتصل يباني
خير ان شاءالله عسى مآ شر من متى اعرف حد انا
يمكن افنان ؟
زين ليش مآ اتصلت ع فوني اووه اكيد مغلق
خذت الفون
وحاولت اظهر صوت وانا اتنفس عسب تعرف اني ع الخط
وانصدمت وانا اسمع صوت ريال
سمعته يقول
...... : مرحبا اتوقع اسمج رحاب تحيديني انا سععيد اللي جفتج ذاك اليوم وخبرتج عن اختي انا يبت اختي اليوم وياي عشان ترمسج ممكن تيين ويا اللي بييون باجر عشان تجابلينها
سكرت الفون بسرعه منو هذآ سعععيد مآ أحيييده
بس الحيييييييييين تذكرته
هو هذاك الشخص اللي خذ اليازية ولاعبها
يالله لييش ذكرى هالبنت ما تهدني وترووح
انا مالي ذنب ف موتها مآآآآآآآآآآآآآلي ذنب
إنتَهى
الجُزء الرَآبــــع عَشر
أفنـــــــــــان
رائد : متى بتفهمين متتتتى ؟ اقولج اذا تزوجتيه بيونسسج ف حياتج بيخليج تعيشين حياة احسن عن هآي بواايد
افنان : رايد ودر عنك هالينون مستحيييل آخذ واحد مسيار ولا وفوق هذا يبيع خموور تستهبل انت ؟
رائد : لا تستهبلييين منو قالج انه يبيع خموووور ع كيفج والله يا افنان بتضيعين فرصصة عليييج
افنان : راآآآيد لاتحآول تجذب علي , اذا انت لهالدرجة خايف انه يطير عليك خل منيرة تاخذه
رايد : يخسسي الا هذا ياخذ منيرة
افنان : لييش مب هو الززين واللي بيسعدنا واللي
رائد : لا بس مآ ينفع لمنيرة ابد
افنان : اقول رايد لا تلف ولا ادوور خطتك واضحة واليوم انا مشغولة حدي ف بليييز اسكت عني .
رحت عن هالعلة اللي صار له من يوم مآ استويت ايي بيتهم وهو يحن علي يباني اخذ بايع خمور عشان ياخذ منه الخمر ابلاششش !!
لا والمصيبة يباني اخذه مسيار
مينون هالريال صدددق !
صح اني ابا يكون ف حياتي أكشششن بس مب جييه عآد مب بايعة عمري
دخلت بيت ام خآلد وفجأه رن فوني
افنان : الو مرحبا
ساره : مراحب والله وينج صار لج فترة مآ شفنااج ؟
افنان : له له معقولة اللي يالسة اسمعه ؟ ومن حلج منو حلج سارووه اخيراً حد فقدني
ساره : مينون اللي ما يفقددددج
افنان : ساآآآآآآآآآآروه يالدببببة تغيرتي كل ها من شوقج لييي ؟
ساره : ههه مآلت علييج ,, المهم عندي شغل اليوم وآيد واباج تساعديني أقدر اشوفج ع العصر ؟
افنان : مممم والله مآدري ع حسب المكان
ساره : فندقج ؟
افنان : يا حلاة هالإسم ... ممم عشان خاطرج بسس
ساره : زين يلا عطيتج ويه بسير اشتري للسبلان اللي وياي ريوق فمان الله
افنان : مع السلامة
احس حد معطني كففف كيف جيييه
ساره متغيييييييرة ووايد بععد من يصدق ان هالجآسية والساكته جييه تغيرت
يالله يالدنيا
والمشكلة استوت نبرة صوتها حلوووه وهادية وناعمه
قمت اشك انهآ تحببب اووه انا تأثرت من افلاام لطوف
دشييت البيييت وحصلتهم يتريقون وبربشششة
افنان : اس اس السلام عليكووو
ههه وشوي وترتبش وياي لطوف وادق ع الطاولة
لطيفة : طب اس اس السلام عليكووو
وفجأه يعكر صفو ربشتنا الاستاذ خالد
خالد : خيلن شو هآ يالسين ف مرقص وانا ما ادري
التفت لخالتي ام خالد
افنان : خالة قولي عني اللي تبينه مآ استحي طويلة لسان لكن ولدج فظيييع انسان جددي
ام خالد : هههه تعالي حبيبتي تريقي من بعد طيحتج امس لازم نترس هالبطن أكلل
ضحكت ع ام خالد
قبل مآ كانت تباني اصادف خالد ابددد وتحاول قدر الامكان اني مآ اوايهه بالغلط حتى
بس الظاهر حست ان الأمر عادي عندي وبدت تتعود
يلست وياهم بس فجأه حسييت بلووعة وان مالي خلق اكل شي
تمييت أتأملهم صح 3 اشخاص وشوي لكن مستانسسين
حياتهم هادية وحلوة
يحبون بعض وبينهم مودة وتعاون
ليش انا انحرمت من هالجو الجميل
دققت ف خالد
أخ كبيير ويحب امه واخته وايد و يحاول يسعدهم ومآ يمنعهم من شي
ولطيفة نفس الشي الإخت الصغيرة الدلووعة اللي الكل يحبها وهي تبادلهم نفس الشعور
والام مستانسة بعيالها
زين وين امي انا وين عايلتي ليش انا بروحي
ليش ابوي خلاني
ابوييي
هيه صح ابوي انا نسييته هالفترة
الا تناسيييته ما نسيته هه واحلامي تقدر تخليني انساه
حسيت اني بصييح فأي وقت
نشيييت وقلت بصوت مبين به الحزن
افنان : ببدا شغلي يعطيكم العافية ع الريوق
ام خالد : وين يا بنتي مآ كلتي شيي
افنان : زاد فضلج خالتي مآ اشتهييي ببدا ارتب الحجر
سرت عنها قبل مآ ترمس انا بحاجة للشغل مآ ابي احس عمري دخيلة عليهم
يكفي الاهانات اللي تلقيتها قبل من الناس
انا انسانة ولازم مآ اتعامل كالحيوان
دخلت حجرة لطيفة ف البداية برتبها
صح ان امها منعتني من هالشي عسب تتعلم لطيفة السنع
بس ماعليه خل اتسلى
تأملت حجرتها وردية وبنوتيه وايد
كتبها مفرووره ولابها مفروور
حياتها مبين فيها السعادة
اهلها يلبوون لها اللي تبيه
زين زين ابوي لييش كان مقطوع
ماعنده عايلة
وين اهلييي
لازم اليوم اسيير بيت ام منيرة استفسسر
بديت ارتب الحجرة واشل الكتب واتصفحها
هه انا حتى القرآة والكتابة مآ اعرف
شو هالعيشة اللي انا عايشتنها
مسكت فوني لأني ادري ام منيرة مآ بترمس وياي عن شي يخصني ع بالها بتأثر
وصدق انا بتأثر
لذلك دقيت ع منيرة وطلبت منهآ تاخذ معلومات
استغربت من الطلب لكن يوم حست من نبرة صوتي اني مب بخير وافقت
قفلت عنها و ظهرت من الحجرة بعد ما رتبتها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك