رواية تفرقنا سنين وماجمعنا غير الجرح -13

رواية تفرقنا سنين وماجمعنا غير الجرح -13

رفع راسهاا عشان تقابله وبصوت هز البيت..:احمد يكذب مووو..؟؟؟

جن جنونه لما قابله الصمت منها

رماها على

الارض بقوته وصاار يضرب على

بطنهاا وهو يبكي قهر..وبحده..:ليش

وطيتي روسناا يالخايسه..

ليش ..؟ انا اش قصرت فيه عشان

تجازيني بهالجزاء..؟؟

نزل لمستواهاا بعد ماطاحت عيونه

على الدم اللي صار تحتهاا

..وبحده..:من منـــــــووو.؟؟

شوق بهمس ميت..:من زوجــي..

وقف بغضب وجلس يضرب فيهاا من جديد

وبقهر..:أي زوج وهوو رااح

وتركك..؟أي زوج

وللحين مااصرتي ببيتـــه..

حرك راسه يمين ويسار وكنه يبي

يمحي هالذكرى

من بالـــه...:اخخخ يااشوق كرهت الديره واللي

فيهاا بسبب خطااك وفي الاخير للحين محتفظه

بولــده..

.....

...في المزرعه...

ذيااب بحده..:نعم تبين شي..؟

سااره اللي كانت منتبه لحلاا انها كنت قريبه

من ذيااب بس مااقدرت تسمع منهم شي قررت

تتدخل بينهم..وبكذب..:أي سمعت صوتك تصارخ

خفت لايكون فيك شي..

بعدت عنه وهي تعطيهم ظهرهاا تنفست بقوه

وهي تضغط على عيونهاا.. وبقلبهاا

مو وقتك مابي اصيح ماارح اخليهم

يضحكون علي...

لفت على كلامة ذياب الاخيره..

ذيااب ..:سااره ادخلي داخل ابي حلا شوي..

حلاا ببتسامه فاشلــه..وهي تتصنع القوه..:لالا

وين تروح وانت توك تسال عنهاا

حولت نظراتهاا لساره وبهدوء عكس البراكين

اللي داخلهاا..تعالي اساسا يبيك تجين

من اول اليوم..

فتح عيونه بقهر من كلامهاا وبرودهاا وبحده.:

انت واااعيه للي تقولينه ولا صاب

عقلك شي..

تنفست بتعب للخطوه اللي ناويه

تسويهاا فيه... رجعت عيونها عليه

تناظره وهو باين عليه ينتظر منها

جواب ابتسمت بسخريه وهي تتقدم

منه اول

ماصارت بجنبه رفعت نفسهاا وقربت شفايفها

من خده وباسته بنعومه ..حست فيه وشلون تشنج

من حركتها الغير متوقعه قربت من اذنه وبهمس

صادق..:هذي البوسه مكافئت الطراق

اللي هدم كل شي لك بقلــبي..

ابتعدت عنه وهي ناويه تدخل على

دااخل..

وقبل تبعد مسكهاا مع ايدهاا

وبضياااع ..:على وين

انا للحين ماخلصت كلامي..

نزلت ايدها على ايدها وهي تبعدهاا..وببرود

ضاهري وبهمس:لالا مو الحين لانو حبيبت تنتظرك..

ومشت بخطوات سريعه عشان تختلي بروحهاا.

.....

......عند مهـــااا...

حااتم بثقه..:هاا فكرتي في كلامي

اللي قلته..؟؟

مهاا بستفهاام..:أي حكي..؟

حاتم..:الوظيفه ماامدااك تنسين..

مهاا بثقه..:مااراح اترك وضيفتي ولو

شو مااصار...

حاتم بغضب..:بس لازم تسمعين كلام

زوجك صح..؟؟

مهااا..:مو زوجي يدري من قبل انو

انا اشتغل وماعارض..

حاتم بثقه ..:بس رااح تتركيـــن..

مهاا..:حاتم انت ليش تقدمت لي من البدايه

حاتم..:لاني احبـــك..

مهاا بتوتر..:بس انا مااقدر اتركها

هالوضيفه بالذات هياا الضمان لي في

اشيااء كثير ..

حاتم..:حبيبي طيب وانا وين رحت..

مهاا برجااء..:تكفى لاتضغط علي..

تنهد وهو مبتسم انه قدر ياثر فيها ولو شوي

وبهمس..:من عيون حبيبك مابضغط عليــك..

بس تعالي قولي لي انا مشتاق لك متى اشوفك

مها بخجل..:متى مااحبيت تعال..

ضحك بصوت عالي وهو مبسوط من نفسه

..:اجل بكره العصر بمرك...والحين تامرني بشي..؟

مهاا ..:لا سلامتك مابي شي..

حاتم..:يلا سلااام

قفل الجوال وهو يرميه على صااحبه علــي

وبقهر..:علي شوف ماافيني اتحمل

ذنب المسكينه

يااخي انت تقدر تتزوجها بدون لاحد

يعارضك

علي بعصبيه..:وبعدين انت ماتفهم

اقولك ابيها مكسوره ابيها مذلوله والا

اناااقدر اتزوجهاا بسهوله

حاتم بتصرفيه..:طيب ابوك مو عمهاا

خله يزوجك

واعتبرهاا ولاشي بحيااتك

وقف على بغضب..وبصوت

عالي..:انت ماتفهم بالمره...

..........

..في غرفة البنااات...

روز وهي تطق الباب..:حلا فكي

الباب الله يخليك

.الكل يسال عنك..؟

حلا بصوت متقطع..:مابي اتركوني لوحدي..

روز..:الله يخليك فكي الباب..

وقف بتعب وهي تجر خطواتهاا

وفتحت الباب

وهي تعطي روز ظهرهاا

وببرود..:نعم تبين شي..؟

روز وهي تقفل الباب تقدمت منهاا

وقفت قبالها

وهي تتامل وجهها شلون متنفخ من

كثر البكاء

وبصدق..:حلا غلط اللي سويتيه من شوي.!!

حلا رفعت راسهاا بستنكار

وبصدمه..:انا الغلط؟

روز وعيونها بعيون حلا..:أي

صحيح هو طقك

بدون لايسمع عذرك بس انتي بعد

خربتي الدنيا

انا كنت وراء الطوفه وشفت كل شي قلتيه

على فكره انتي اليوم ذبحتيه توقعت

انك لما تشوفي

ساره راح تكسبينه مو تقدمينه لهاا..

مشت وهي كاارهه تسمع اكثر جلست على الارض

وهي دافنه راسهاا بالكنبه االي قدامهاا

وكل قوتها اللي كانت تتظاهر فيها

انتهت

رفعت صووتها وهي تصيح :انا

مااقدرت اعيش

بدونه حتى وانا مع شخص ثاني

..كنت احبه بكل

مافيني..بس اهواا لالا عايش

ومايدري عني بشي من اخذني وانا

اعاني بسببه..ورفعت وجها

لروز وبحده وهي ترفع ايدها على

وجها..بس

بعد الطراق اللي اخذته اليوم حسيت

قلبي كارهه

او يمكن مايبيه بالمره..انا خلاص

مليت منه ..

روز جلست بجنبها وهي تحضنها

بحنان..:خلاص

حبيبتي ارتاحي وانا اقدر افهمه الموضوع..

سحب نفسها من روز بعنف وهي

تمسح دموعها

وبحده..:لالا مابي يفهم شي خليه

اعمى..بس

من تحل امي نوره الموضوع وتخليه

يتركني

مثل ماجمعتني فيه راح اقوله..

روز بخوف..:انتي ناويه تقولين لامي بالسالفه

وقف حلا ورمت نفسهاا على السرير

وبتعب واضــح..:ابي ارتااح الحيــن

روز فهمت قصد حلا قربت منها

وباستها على خدها

وبصدق..:انا اسفه ياروحي

اعذريني..

...

....في المزرعــه....

جهاد تعب يتصل فيهاا مااترد احتار شلون

ممكن يوصل لهااا

ارسل لهاا رساله وبقلبه ياارب نور لي طريقي

جلس بجنب تركي وبهمس..:تركي شفت لي ذياب

تركي بختصاار..:لا

تنهد بصوت عالي..:وينه طول من راح للحين ماجاء..؟

تركي لف على جهااد وتوه ينتبه لملامحه

وبستفهاام..:جهااد فيك شي..؟

جهااد وهويشوف عيال عمانه الباقين متجهين

ناحيته..وبهدوء..:بعدين احكي لك...

..........

في المزعه في مكان ثااني....

ساااره بخوف..:طيب انت ليش معصب علي..

ذياب بحده..:انت شلون تفهمين لي سااعه اقولك

روحي تعيين تستوعبين حكيي..

ساره بحب..:قلبي قارصني عليك مابي اروح

وانت بهالحاال..

غمض عيونه وهي يصر على اسنانه..:ساره

مابي اغلط عليك اكثر اعتقد ماني بزر تخافين

عليه..

ساره بحزن..:ليش مو قابل حتى الكلمه مني

ناظرها بحده..:انتي وبعدين ويااك..

ساره وهي تشوف باسل قرب منهم وبهمس.:بكيفك

بس ماكنت اتوقع انها تقدر تخرجك عن طورك

رفع حاجب وبسخريه..:نعم..؟؟

ناظرت بباسل وبقهر..:يلا باسل على داخل..

باسل قرب من ابوه وهو متجاهل كلام امه

وببراءه..:انا بروح مع بابا مابي اجي معاك

انحى لمستواه وهو يمسح الكاكاو اللي بفمه

وبهدوء..:تبي تروح معاي عند الرجال

ابتسم وهو يحرك راسه بالايجاب

ماقدر يرد له الابتسامه وقف ومسك بكفه ومشى

وببرود..:دشي لدااخل ماله داعي تتعبين نفسك

باسل اول مابتعد عن امه ناظر ابوه اللي ساكت

وملامحه باين عليها الجديه..

شد على ثوب ابوه وببراءه..:بابا صدق انت

بتتزوج حلا

ناظر بباسل وبتعب..:ايه ليش..؟

رفع كتفه ببراءه..:انت ماراح تحبني اذا صارت

ببيتناصح..؟

طالع في ولده بتعجب..:ومن قال..!!!

باسل..:ماما تقول..

ذياب بقهــر..:اهياا ماتقصد بالعكس انا احبك كل

يوم ومستحيل احب احد كثرك..

باسل بستفهاام..:بابا ليش ينادونهاا حلا..مو انت

قلت اسمهاا غدر..

ذياب انصدم انو باسل للحين محتفظ بهالشي

وبلخبطه..:امم لالا انا غلطت ذاك اليوم باسمهاا.

.....

....في بيت اشوااق..

شوق ببتسامه..:شااطر حبيبي والحين يلا خلناا

نشرب الحليب..

عمار بحمااس..:أي عشان اصير كبير بسرعه

شوق ..:أي عشان افرح فيك وتعوضني عن الدنيا

عماار..:ماما امم الهديه اللي جبتيهاا لي من بابا؟؟

شوق وهي تبلع ريقهاا.:أي حبيبي من بابا

عمار ..:طيب وانا بعد بعطيك هديه له..

تفاجات من طلب عمار وبهمس..:انزين

جلس على الكرسي وبيده كاسة الحليب

وبحب..:ماما ابيك تعلميني شلون اكتب اسم بابا

وانا راح اكتبه بكرت حلو وابرسل له رسومات

كثيره من رسومااتي.

ضغطت على راسهاا بتعب..:اوووف وبعدين

مع هالموااال اللي لازم اسمعه كل يوم..

........

...في غرفتة ذيااب بالمزرعه..

دخل لغرفته وهويشوف الوقت وشلون صار متاخر

فصخ التي شيرت بتعب وهو يرمي بجسمه

على السريرةهو متاكد النوم اليوم مجافيه

سمع طق الباب وبهدوء..:تفظـــل..

روز من وراء الباب..:فيني ادخل..؟؟

سحب التي شيرت ولبسه على السريع..:ادخلي

طالعهاا وشلون منزله راسها وباين انها متردده

تنهد بضيق..:نعم روز تبين شي..؟

ارفعت عيونها له..وبنعومه..:ممكن اتكلم معك

بدون لاتعصب علي..؟

ارتخت ملامحه من شاف الخوف بعيونها..:قولي

روز بتوتر..:انت اليوم غلطت مع حلا صدقني

انت فاهم خطاا..

ذياب وهو يحاول يتمالك اعصابه وببرود.:وغيره

روز ..:اهياا ماكانت تتكلم عن احد لما سمعتها اليوم

ذياب بسخريه..:بجد زين اللي قلتي لي

روز بسرعه من لاحضت ملامح السخريه

على وجهه..:مستعده احلف لك لو تبي

ذياب بحده..:يعني كنت احلم..انا سمعتها بنفسي

تقول احبه ومايفهمني الا اهو وصوره ومدري

وشوو والحين تقولين لي ماتتكلم عن احد وتبيني

اصدقــــــك..؟؟؟

روز بصدق..:انت تذكر الخيل اللي جبته لها

لما اتخرجت ..؟

ذياب وعيونه عليهاا متتظر باقي الكلام..:....

روز بهدوء..:حلا كانت تقصده والدليل انها

محتفظه بصوره للحين بجوالهاا

ذياب بشك..:واكيد تبيني اصدقك

روز قربت منه وجلست بجنبه وبصدق باين

عليهاا..:انت شوف جوالهاا..كمان تتوقع اني راح اسمح

لنفسي اسمعهاا تتكلم عن شخص غيرك وببقى

ساااكته..؟؟؟؟

جمد بمكانه وهو مصدوووم من كلام روز

مستحيل اكون ضالمـــــهااا

وبصوت راخي.:يعني ضربتها على شي مايستاهل

روز ابتسمت براحه انو اخوهاا فهم عليهاا

وبطيبه..:ايه ..بس هياا رافضه اقولك

وبتررد..:تقول اهياا اللي بتخبرك بعد ماتكلم

امي نوره..

ذيااب بستفهاام..:امي نوره اش لهاا بالموضوع؟

روز وهي توقف ناويه تطلع..:مادري بس

تقول زي ماربطتكم مع بعض تفصــ

قاطعهاا ببرود ضااهري..:اوكي خلاص فهمت

روز ..:يلا تصبح على خيــر..وطلعت

رجع رمى بجسمه على السرير وهو للحين مصدوم

من نفسه وشلون تسرع وضلمهااا..

كل شي قااعد يعذبه كلامه لها وسبه فيهاا

اسلوبه معااهاا وغيرته عليهاا اللي معميه عيونه

غمض عيونه بقوه وهو يتذكر بوستها على خده

وصوت انفاسها للحين باذنه وكلامهاا للحين

يتردد بداخــله..

هذي البوسه مكافئة الطراق اللي هدم

كل شي لك بقلــبي.....

هذي البوسه مكافات الطراق اللي هدم

كل شي لك بقلــبي.......

ضغط على راسه بقوه وهو يزفر بضيق

اخذ جواله وبدون تفكير ضغط على رقمهاا..

.....

تركي وهو تحت اللحااف ..:جهاااد بسك عااد من

كثر خرجتك ودخلت طار النوم..

جهاد بتعب..:اسف مااخذت في بالــي..

تركي جلس وبستفهاام..:جهااد مين مضايقك ..؟

جهاد وهو يشيل كتيب صغير من على الطاوله

ومتوجه للباب ..:ولا ااحد انت نام يلا تصبح على

خيـــر..

تركي وهو يرجع في مكانه..:وانت بخير

طلع وهو متضاايق من حااله جلس بطرف من

الجلسه اللي بجنب جلسة الحريم وعيونه على

الكتاب اللي بيده وباله لبعيـــد..

صحاه من افكاره صوت جواله ناظر بالاسم

وهو مستغرب ..وبهدوء..:هلا فاطمه

فااطمه.بهمس..:احد بيجلس معاك ولا انزل

جهاد بستفهام..:وانتي اش عرفك اني لوحدي

فاطمه بنفس همسهاا..كشفتك من الشباك..

ها والحين انزل ولا..؟

جهاد ..:تعالي انتظرك...

...

تعب يتصل فيهاا ماترد ...

معقوله نااايمه...المشكله النوم مجاافيه بعد مااعرف

انه ضلمهااا..

هذي طفلته وحبيبته وشلون يضربهاا ويزعلها منه

طرت عليه فكره وبدون تردد اتصل على روز

روز استغربت اتصال جهاد فيها ومن ثاني

نغمه ردت وعيونها على حلا..:هلا ذياااب

لاحظت وشلون توترت حلاا من ذكرت اسمه

ذيااب بختصار..:حلا عنـــدك..

روز :أي تبيهااا

ذياب بقهر انها كانت تطنشه..:ايه

روز مدت الجوال لحلا..:خوذي يبي يكلمك

حلا بصوت راخي..:خليه يتصل على جوالي

روز ..:ذياااب تقول اتصل فيهاا على جوالها

ذيااب..:يلا سلااام..

وقفت بعجله بعد ماسكرت روز منه

وبتوتر..:يلا بنات استاذن بكلم ذياب وعقب بنام

البنات..:اذنك وياااك..

دخلت الغرفه بخطوات سريعه وهي تشوف

رقمه على الجوال جلست على سريرهاا

وهو مصممه على اللي براسهاا بعد ماوقف يتصل

ارسلت لها رساله وقفلت الجوال وهي تتمدد

عشان تنااام وتنسى هاليوم الطويـل..

......

..عند فاطمه وجهاااد..

فاطمه بتعجب..:انزين ليش هدى تصرفك!!!

جهاد وعيونه لبعيد..:انا لو ادري ماكان شفتي

حالي بهالشكل..

فاطمه..:طيب اهياا تدري انك كنت ناوي تملك

عليهاا هالفتره..

جهاد وهو يتنهد..:المشكله من خطبتها كل ماقلت

ابي نملك ترفض وتتحجج مادري ليش

فاطمه بحيره..:غريب امرهاا..تبيني اكلمها.؟؟؟

جهااد بسرعه..:لالا انا بتصرف

فاطمه بعجز..:نفسي اسااعدك بس شلون.؟؟

ابتسم لها بحب ..:فديتك ياام جنى يكفي انك

تعبتي نفســـك وجلستي معي..

....

وصلت له رسالتهاا وهو يغلي من القهر

فتحها بسرعه وهو محتار وشو ممكن تكتب

(.ممكن ماتتصل فيني مره ثانيه لاني كارهتك.)

ماصدق عيونه اللي يقراءه ورجع يقرها من جديد

رجع يتصل فيهاا واعصابه تلفت منها ومن

تطنسشها لــه..

رمي الجوال بقهر وهو يشوفها قفلت جهازهاا

رفع الخداديه وهو يحطهاا على وجهه ويضغط

عليهاا بقهر...

.........

.....في المزرعه...

الساعـــــه 10 الصبااح..

الجده ..:وين امك ياجنــى..؟

جنى..:امم فوق تكلم ابوي على الجوال اناديهاا يمه...

الجده نوره..:لالا خليهاا تاخذ راحتهاا..

ام خالد بطيبه..:حلا يابنتي روحي افطري للحين

على لحم بطنك...

حلا بضيق..:ان شاء الله خالتي من احس بجوع

راح افطر..

يتبع ,,,,,

👇👇👇

تعديل المقال