رواية تفرقنا سنين وماجمعنا غير الجرح -1
رواية : تفرقنا سنين وماجمعنا غير الجرح و ليت الجرح بعد قربه تعدانا ..
الكاتبه لاتغرك الضحكه ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بسم الله الرحمن الرحيــم
السلام عليكم والرحمه والاكرام ـــ..
رجعت بعد فترة غياب كانت بالنسبة لي طويله..
بفضل تشجيعكم وكلماتكم ورسائلكم كتبت روايتي
هذي واتمنى انها تعجبكم مثل سابقتها..الاولى
(تعال إنثر هنا ليلك وخل ويلك يولعني....)
...
روايتي الثانيـــــة...
تفرقنا سنين وماجمعنا غير الجرح و ليت الجرح بعد قربه تعدانا
....
البارت الاول ـــــــ....
تدري وش إللي بعّد فرقاك .. قطّعنـي .؟؟
إنّ المفارق قراره كـان فـي طوعـي .!!
كنت أنتظّر دمعتّك لا قلـت :- وادعنـي
وأقفيّت تضحك .. وأنا إللي سالت إدموعي ...
واقف في الحديقه يطالع في ولده اللي يعتبره احلى
شي رزقه ربه فيه..
صد بنظراته لمكان بعيد يوم كان يجلس معاها
ويلعبها ويسمع نغمة بكاها..
وباله يرجعه لقبل خمس سنوات تقريبا..؟
وقف وهو مصدوم ..وبذهول:خال انت اش قاعد
تقول..مستحيل ماصدق..
طالعه خاله بملل..وبثقه:انت ماتفهم البنت تبي ولد
عمها خلاص انتهينا عاااااد...
ابتسم وهو يبلع ريقه :خال بس انا احق فيها..
..تافف خاله وبمكر كان مدبرنفسه لكل شي لانه
يدري بردة فعل ولد اخته.. طالع بزوجته ..
وبثقه:نادي على بنتك خلينا نخلص..
دخلت وعيونها على ابوها قربت منه وجلست
بجنبه..
قبل لايتكلم خاله اشر له يسكت وهو اللي يبي يتكلم
قرب منها وجلس بجنبها وببتسامه
مصطنعه:حلاي امممم يعني انتي موافقه على
سيف..؟؟؟انتي تدرين انو سيف متقدم لك صح.؟
طالعة ابوها بخوف ملحوظ..
حس انو الموضوع فيه انه..مد كفه ولف وجهها
لجهته وبحنان تعودته:حلاي تكلمي اذا موب
موافقه ماراح يصير شي ...
توتر خاله ..وبلعثمه:وبعدين معاك خلاص ترى
زوتها بالمره..قلت لك البنت تبي سيــــف..
رفع وجها وهو متجاهل كلام خاله الجارح..
وتلاقت عيونهم ببعض ..بلع ريقه بخوف.
وبهمس ميت:قولي مابيك عشان اصدقهم..
نزلت راسها بتردد وبالها يعيد كلام ابوها
لو ماوفقتي على سيف ... امك على بالحرام
لو ماوفقتي على سيف .... امك على بالحرام
رفعت عيونها له..وبثقة طفله..:مابيك!!!
قطع ذكرياته اللي عاشت كل لحظه معاه صوت
الجوال اللي رجعه لارض الواقع..
طلعه من جيبه ورد بدون لايطالع الاسم.
.وبجمود:نعـــم...؟
جهاد بتوتر:ذياب ابوي يبيك تعال بالمجلس..
غمض عيونه بتعب..وببرود:ماقال اش يبي فيني؟
جهاد بكذبه:لالا مادري انت تعال وشوفه وش يبي.
تنهد بضيق ..:اوكي..سلام..
رجع نظراته على ولده ..وببتسامه مصتنعه: باسل
اترك اللي بيدك وخل نروح حق بابا محمد
باسل رمى اللعبه اللي بيده وجرى لجهة ابوه
ومسك ايده..وببتسامه حلوه:بابا ابي لعبه نفس
اللي شفتها امــس
ضحك :من عيون بابا يابطـــل
(ذيـــــاب الناشي..انسان حاد في تعامله ..جدي..
عصبي..كلمته مسموعه عند الكل ..هيبة تفرض
على الكل احترامه..قليل مايبتسم الا لولده..وسيم
اسمر بدرجه تناسبه..عيونه واسعه ..شعره ناعم
لحد رقبته..طويل ..معظل..عمره 31..ومطلق)
(باســـل..عمره 4حلو مررره..ابيض..يشبه ابوه
وخاصصه في عيونه ..ذكي..ونحيف..)
**
وقفت وهي مصدومه اطالعهم وهي حاسه ان الدنيا
ادور فيها ودموعها على خدودها..
وبهمس مرعب:لالا مستحيل يتركني بعد ماضيعت
عمري وياه وبخدمته..
قرب منها اخوها تركي حضنها بقوه وبحنان:قولي
الحمد الله هذا امر ربك..
شهقت بصوت عالي :الحمد الله..بس وشلون
يتركني من بعد العنـــاء لحالي..
عايلة ابو تركـــي..
سالم ابو تركي..60عمره..طماع تهمه الفلوس كثير..
ام تركي..عمرها 45..حبوبه ..وطيبه..
تركي..27العمر..طويل ..ابيض..حنون..وطيب..
يشتغل محامي...
حلا..عمرها 21..طويله بيضاء عيونها عسليه.
شعرها يوصل لنهاية ظهرها ناعم لونه بني..عنده
غمزه بخدها الايسر..انفها سلة سيف ..وشفايفها
صغارتوتيه..عنيده..احيانا تكون شقيه..تزوجة ولد
عمها وعمرها 17..)
**
شوق لفت عليه روب الحمام بهتمام بعد ماشالته من
البانيو..ضمته على صدرها وطلعت فيه لغرفته
وهو لف ايدينه على رقبتها وغامر وجهه بصدرها
حطته على السرير وقفلت الباب..
جلست على الارض مقابله..وببتسامه:عموري
بردان..
ضحك ببراءه:لالا ماما بس بسرعه قبل يروح
خالو ومايشيلني..
باسته بقوه وهي تلبسه ..وبحماس:موب رايح
ارتاح..
مشطت شعره وعطرته..وبرضى:يلا حبيبي اطلع
لــ احمد بس لاتزعجه انزين..
نط بفرحه وهو يمشي ناحية للباب:طيب ماراح
ازعله
شالت السله وصارت تجمع فيها ملابسه واغراضه
من بعد الشور..لفت على وراء وهي تسمع ولدها
يناديها..:ايواء عموري ليش رديت
قرب منها وهو يشدها تنزل لمستواه..وبزعل:ماما
بابا مايحبني صح..؟كل اصحابي بالروضه يقولون
ليش بابا مايجي ..؟
تجمعت الدموع في عيونها واللي خايفه منه صار
بلعت ريقها والغصه تخنقها زود..جلست على
الارض لان الرجفه اللي برجولها عجزتها توقف
رفعت عيونه له والدمعه تمردت على خدودها
وبسخريه يبطنها الالم..:بــ.......
دخل المجلس والكل سكت والتزم الصمت..
قرب من ابوه..وببرود:مساء الخير
الكل:مساء النور
جلس وجلس باسل بجنبه.ورجع يطالع ابوه..
وبجمود:امر يبه يقولون تبيني..
نزلت امه راسها وهي خايفه من ردت فعله من
يسمع الكلام اللي منادينه عليه .وبختصار:لازم
نروح حق خالك ابو تركي الـــيوم..
التفت لامه بقوه وهو يحاول يكتم غضبه..:يمه
انتي تدرين اني حالف مادش بيت خالي بو تركي
صـــح...؟
طالعه زياد بخوف حاول يخفيه: بس حلفانك صار
عليه سنين و
قاطعه ذياب بصرخه :جهاد لاتخليني اغلط عليك
رفع ابوه ايده وهو يشد على ايد ولده ..:بس لازم
نكون معاه بهالفتره وخاصه بوقت الاحزان مهما
كانت الخلافات اللي بالوسط..
بسرعه ركز عيونه بعيون ابوه وقلبه شوي
ويطلع من محله..غمض عيونه بقوه يااارب الطف
بحالي يكفيني عذاب ..رجع طالع ابوه وهو يبلع
ريقه ..وبخوف واضح للكــل:في مين ..؟
تنهدت امه بصوت عالي..وبحزن:في سيف زوج
حـــــــــــلا....
جمدت عيونه على امه بدون لايرمش وقلبه للحين
يهزه بعنف ..ياللـــه مستحيل اش قد الدنيا صغيره
نزل راسه..وبجمود:ماراح احظر العزاء بس
متى ماحسيت اني فاضي رحت وسويت الواجب
وطلع قبل لايسمع تعليق على كلامه..
عايلة ابو ذياب..
محمد(الاب)..شخصيته قويه وبنفس االوقت حنون
يشتغل هوو ذياب في مجموعة شريكاتهم ..
ذياب..سبق التعريف عنه..
جهاد..عمره 26..متوسط الطول ..مدرس ..
خاطب..
فاطمه..عمرها 28..متزوجه وعندها بنت عمرها
10سنوات..حليوه ومقبوله..
ميس..عمرها 25..متزوجه ولد عمها ..عايشه
بالمانيا...جذابه ..وملفته..وتزوجت عن حب..
روز..20عمرها..حلوه وبيضاء..وتحب الكل..
**
جلست على الكرسي المقابل لامها وبيدها كاس
حليب وبالثانيه صحن الاكل..
شالت الملعقه وقربتها لفم امها وببتسامه:سمي يمه..
نزلت دمعه على وجها المجعد من تعب الزمان
وبحزن:الى متى وانتي متحمله وماتشتكين..انا
كبرت وكبرت مصاريفي عليك وانتـــ
قاطعتها مها وهي تحط ايدها على فم امها..
وبتسامه:يمه دنيا انتي موب فيها مابيها,وبعدين
مصروف الكليه كافيني وزود
ورجعت تشيل الملعقه وتقربها لفم امها
وبتصريفه:يلا حبيبتي لازم تاكلين عشان الدواء
..
الام (نوره)..كبيره في السن..وبنتها هي اللي
متحمله مصريفها بعد ماتوفى زوجها واولادها
مها عمرها 24... عيونها عشبيه.... جميله
متوسطه الطول .. شخصيه محبوبه .. اهم شي
عندها راحه امها ..معيده بالجامعه..جذابه..
ومتميزه ..مالها احد لانها متقاطعه مع اعمامها
بسبب..؟)
**
عصر كفه بقوه وهو موب حاس بحرارة السيجاره
اللي داخل كفه..وبجنون:تخيل مشاري يبوني
اروح للمكان اللي مت فيه..بذبحها ..مثل ماذبحتني
وقف بعد ماحس بخنقه وهو يحرك راسه بنفي
وبصوت عالي:مجنون لو رحت ولقيتها قدامي
مارح اتحملها ولا تحمل روحي ..
وقف مشاري صديق طفولته وسحبه وجلسه
قدامه ..وبجديه:اللي قاعد اشوفه الحين ذياب ابو
ثمان والعشرين سنه ..ذياب اصحي..اللي يبيعك بيعه..
اللي يبعيك بيعــــه.....
اللي يبعيك بيعــــه.....
اللي يبعيك بيعــــه.....
كلمات صديقه رجعته لارض الواقع المر ..
نزل راسه بضيق وهو يمرر ايده بين شعره..
رجع طالع بصاحبه..وبتنهيد:ماكنت ابي ازودها
عليك... اللي فيك مكفيك..
مشاري حاول يبتسم بمحاوله فاشله:ولا يهمك
احنى اخوان ومالنا غنى عن بعض...
ذياب ركز بلمعة الحزن اللي بعيون مشاري..
وببرود:كالعاده ماعرفت عنها شي... صح...؟
مشاري وعيونه على اللي رايح واللي راد..
وبتعب: كأن الدنيا انشقت وبلعتها..
مشاري...عمره 31..صديق واقرب شخص لذياب.
دكتور اطفال..طويل.. ابيض.. وسيم ..يميل
للهدوء بسبب..؟شخصيته حلوه وقت الجد جد
.ووقت المزح مزح..
**
في المانيـــا..
ميس ضحكت بصوت عالي وهي تحضن
حبيها..وبهمس:احبك ..
خالدابتسم بفرحه وهو يضمها على صدره:مابغيتي
تقولينها ..وانا اموووت عليك..
طالعته بثقه وهي تسبل بعيونها:ادري..
رفع حاجب ..وهو يبتسم:ومن قالك..؟
اشرت على بطنها بخجل:هذا اللي قالي..
شهق من الوناسه وهو يشيلها :طلعتي حامل
وجلس يضحك بجنون:اوريك مسويه زعلانه
وهو يقلد صوتها..ياليتني طلعت حامـــل...
واخذ يدور فيها من الفرحه والوناسه اللي فيه..
...
خالد..ولد عم ذياب..تزوج ميس عن حب..عمره
27..طيوب..ومتفائل...
ميس تكلمنا عنها...
**
انحنى على جدته وهو ناوي يبوسها على راسها
بس منعته وهي زعلانه..
عقد حواجبه وجلس بجنبها:افا يمه زعلانه على
ذياب ولدك..؟
طالعته جدته بغضب:لاتسلم علي وانت ماواسيت
خالك بزوج بنته اللي بتكمل السنه على وافاته
وانت للحين ماجبرت بقلوبهم..
عصر ايده بقهر وهو يسمع كلمة زوجها ..
ناظر بجدته ..وببرود مصطنع:واللي يرضيك..
طالعته جدته بفرحه:نروح لهم الحين وتقوم
بالواجب..
ضعط على عيونه بتعب..وبجديه:اللي يريحك يمه
الحين الحين..
قربت منه جدته وباسته على خده
..وبستفسرار:كفرت عن حلفانك..
تنهد بضيق وهو يحرك راسه بالايجاب..
نادت على الخدامه اللي جابت عباتها ولبستها
وطلعت مع ذياب على بيت ابو تركي..
(الجده..كبيره في السن تحب تجمع الكل حولينها..
شخصيتها قويه ..والكل يحترمها..تحب ذيــاب
وتميزه عن الكل ...
...
بعد نص ساعه وقف بسيارته قدام البيت..
وكل الذكريات اللي فاتت جثت على صدره ..
نزل من السياره وهو يشوف جدته تنزل قبله..
دخل لداخل واول ماقرب من غرفة الضيافه
حس انه ندم وتمنى لو انه رفض من البدايه
استنشق له اكبر كميه من الهواء وتقدم لداخل
**
رفعت عيونه له والدمعه تمردت على خدودها
وبسخريه يبطنها الالم..:بابا مسافر..
ميل شفايفه بزعل :ماما..بابا دايم مسافر مسافر..
وقرب شفايفه من اذنها وبهمس:اذا كلمك قولي له
عموري زعلان منك ..عشان يجي وماتركه يروح
مره ثانيه..وبسرعه ابتعد من امه وهو يسمع خاله
ينادي عليه انه يجي..
اول ماطلع من عندها ولدها جرت على الحمام
تستفرغ من الذكريات اللي رجعت لها اليــوم..؟
**
له ساعه وهو جالس قبال خاله قام بواجبه وزود
خلاص حس انه مافيه يتحمل اكثر..
المشكله المكان اللي هو فيه يخنقه اكثر واكثر
وقف بدون سابق انذار وفجأه عم الهدوء على
الكل وانظارهم عليه..
طالع بخاله وعيونه مركزه عليه:يلا بالاذن يالخال
وضيافتكم زي ماتفقنا الاسبوع الجاي..
طالعه خاله وبعيونه كلام كثير والندم كان اكبر
دليل..وبصوت راخي:وين تو الناس..
ابتسم بسخريه ماكان هذا كلام خاله قبل كم سنه
بس اليوم الموازين اختلفت..
وبجديه:عندي كم شغله ولازم اخلصهم..
انتبه لحركة خاله وهو ياشر حق ولده تركي على
اساس يوصل ذياب للباب..
وقبل يوقف تركي اشر ذياب بيده وبجمود:مايحتاج
ادل المكان عدل ..وبسخريه..ولانسيت..وطلع ..
قبل يركب سيارته طالع بساعته :اوفف يعني
عندي ساعه اكمل فيهم اغراض باسل..
رجع لداخل واتوجه للحديقه الخلفيه اللي فيها
الاطفال..
ابتسم على سعادة ولده وهو يلعب وقبل يقرب
منه وقف جامد محلــه وعيونه مفتوحه على الاخر
وهو يسمع صوتها متاكد انو هذا صوتها ولو انه
متغير عليه وصاير انعم واحلــى..
حس انه يتحلم حرك راسه يمين ويسار وهو يطرد
هالافكار من راسه وقبل يتقدم لقدام..
طاحت عيونه عليها ..ماقدر يشيل عيونه عنها..
خاصه وهو يسمع صوت قلبه اللي جالسه يرجف
بجسمه..تنهد تنهيده طويله تحمل كل معانات
الليالي ..اللي تعذبها دونها..
ماهو قادر يصدق انو هذي حلا طفلته ..طفلته
صارت غير ..اقل كلمه بيوصفها فيها..قتنه ملاك..
معنو مو باينه الا طرف منها..
حلا..ماقدرت تتحمل وتجامل الحريم اللي جايين
عشانها..استاذنت منهم وخبرت امها انها راح تطلع
تشم شوية هــواء..
اول ماطلعت لبراء طاحت عيونها على طفل في
عمر الاربع سنوات تقريبا وعيونها مركزه بعيونه
ماتدري ليش قلبها تحرك بعنف بلعت ريقها
بصعوبه وهي تقرب منه وفي بالها مستحيل ..
اكيد مجرد شبه..اول ماصارت قبال الطفل نزلت
لمستواه وعلى فمها ابتسامه مصطنعه..
وبتردد: اش اسمك حبيبي..؟
رفع ايده بشقاوه ..وبصوت عالي:انا باســــل
البطل..
ابتسمت بتوتر وهي تشوف انو الشبه كبير
خاصه والطفل قريب منها..
قربت منه عشان تبوسه واول ماصارت شفايفها
على خده..غمضت عيونها بقوه وهي تشم ريحته
اهـــو هذي ريحته اللي مستحيل تنساها
باسته برجفه ورجعت اطالع في عيونه واصابعها
تمر على حواجبه بنعومه..
نزلت ايدنها ليدينه وحضنتهم بين ايدينها ورجعت
نظراتها على وجهه وبصوت متقطع:باسل منو
بابا..
تصلبت مكانها وهي تسمع الصوت اللي وراها
بالضبط..
الصوت اللي ياما حلمت فيه وياما حاولت تنساها
بس ماقدرت...
لاتغرك الضحكه؟
انتهى الباااارت...
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فاصل إعلآني ^_^ / ..
لا احلل مسح اسمي مع على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بسم الله الرحمن الرحيــــم
البارت الثانــــــــــــي..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك