رواية تفرقنا سنين وماجمعنا غير الجرح -2

رواية تفرقنا سنين وماجمعنا غير الجرح -2

بسم الله الرحمن الرحيــــم

البارت الثانــــــــــــي..

ياللي تبوس الطفل وعيوني تشوف

وش حلل التبوس بخدود الأطفال؟؟

تبوس لك طفل بكى منك مكسوف

واللي بكى لك شوق ماهو على البال!!

تعال بوسني لعب فيني الخوف

خوف الفراق وهم تحطيم الامال

اول ماطلعت لبراء طاحت عيونها على طفل في

عمر الاربع سنوات تقريبا وعيونها مركزه بعيونه

ماتدري ليش قلبها تحرك بعنف بلعت ريقها

بصعوبه وهي تقرب منه وفي بالها مستحيل ..

اكيد مجرد شبه..اول ماصارت قبال الطفل نزلت

لمستواه وعلى فمها ابتسامه مصطنعه..

وبتردد: اش اسمك حبيبي..؟

رفع ايده بشقاوه ..وبصوت عالي:انا باســــل

البطل..

ابتسمت بتوتر وهي تشوف انو الشبه كبير

خاصه والطفل قريب منها..

قربت منه عشان تبوسه واول ماصارت شفايفها

على خده..غمضت عيونها بقوه وهي تشم ريحته

اهـــو هذي ريحته اللي مستحيل تنساها

باسته برجفه ورجعت اطالع في عيونه واصابعها

تمر على حواجبه بنعومه..

نزلت ايدنها ليدينه وحضنتهم بين ايدينها ورجعت

نظراتها على وجهه وبصوت متقطع:باسل منو

بابا..؟

تصلبت مكانها وهي تسمع الصوت اللي وراها

بالضبط..

الصوت اللي ياما حلمت فيه وياما حاولت تنساها

بس ماقدرت.

ياللي تبوس الطفل وعيوني تشوف

وش حلل التبوس بخدود الأطفال؟؟

تبوس لك طفل بكى منك مكسوف

واللي بكى لك شوق ماهو على البال!!

تعال بوسني لعب فيني الخوف

خوف الفراق وهم تحطيم الامال

.وبجمود وصوت ثابت:ولـــد ذيـــاب

الناشي.يـــا...ولا بلاهـــا احســن..!!

اول ماسمع سوالها لولده قرب منهم ماقدر يتحمل

وهو يشوف المنظر اللي قدامه..

تعمد اهو اللي يجاوب سؤالها..

حلا طاح عليهاكلام ذياب مثل السوط اللي ظرب قلبها..

ضغطت على ايد باسل بقوه بدون لاتحس والدموع

متجمعه بعيونها..

ماتبي احد يشوف ضعفها وخاصه بعد هالسنين

كلها..يكفي العذاب اللي عاشته ..

باسل بصرخه:أي عورتني..

شهقت بصوت مسموع وهي ترفع عيونها ليده

وتقلبها بين ايدنها..

ذياب جن جنونه اول ماسمع كلمة باسل وبدون

تفكير جر باسل من ايدها وهو واقف وراها..

وبخوف واضح:حبيبي اذتك شنو سوت لك..؟

وقفت بسرعه وهي للحين معطيته ظهرها ولامة

شالها عليها بحذر..وبصرامه:نعم شنو اذيته. انا

ضغطت على ايده بدون لاحس..

رفع عيونه وهو يطالعها وشلون متشبثه بشالها..

غريب عليه هالوضع اول غير والحين غيــــــر..!!

ضحك بسخريه وهو ماشي ومعطيها ظهره وبيده

باسل..وبقهر:وانتي اصلا من وين لك احســـاس..؟

لفت على جهته بسرعه وعيونها عليه وهو يمشي

ظربت برجولها على الارض من القهر..وبصوت

عالي:انت اخر واحد يتكلم عن الاحساس انزين..؟

وقف جامد مكانه من جملتها مين اللي فاقد

الاحساس اهو ولا هي...؟

من اللي ترك الثاني وقاله مابيـــك..ميـــن..؟

تنفس بقهر وعيونه لقدام..وبصوت يخوف:الزمي

حدودك يابنت الناس وتكفي شري احسن

لك..لاسوي لك اللي ماتتوقعينه..؟

قبل ماترد عليه قاطعهم ..باسل ببراءه:بابا من هذي..؟

طالع ولده وهويمشي تارك المكان اللي اهي فيه..

وبسخريه واضحه..:هذي غــــــدر.!!

..*..

جلست بجنب اخوها احمد وهي مبتسمه على حبه لولدها..

طالعته بمتنان:الله لايحرمني منكم..عوضته عن ابوه ياحمد..

احمد بدون مايطالعها وعيونه مع عمار:ولو هذا

عموري اهو يامر وانا انفذ..

نزلت راسها بحزن وبتردد :اممم احمد عموري

سال عنه ..؟

احمد اول ماسمع جملتها رفع راسه بسرعه

وطالعها بغضب وبصوت يملاه القهر:قولي له مات

فتحت عيونها بعجز وبصوت راخي عشان لايفهم

عليها عمار:لا احمد واللي يعافيك بكره لو اكتشف

الحقيقه وش راح اقوله غير اني كذبت عليك..؟

ضحك بصوت يملاه القهر :ومن وين على الله

بيعرفون اثنيهم انسيه ارحم لك ولولدك ياشوق..؟

تمردت الدموع على خدها وبصدق:نسيته بس

ولده دووم يذكرني بكل شي. وشلون بنسى وانا

معي جزء منه..؟

طالع بعموري وبحده:لا بتقدرين تنسين الماضي

لو خليتي في بالك اخوك اللي هجرالديره من ذيك اليوم..!!.؟

وقفت بالم وصوت شهقاتها بدت تعلى وتوجهت

لغرفتها تشكي لها المها وحزنـــها..

...*,,

قبل ماترد عليه قاطعهم ..باسل ببراءه:بابا من هذي..؟

طالع ولده وهويمشي تارك المكان اللي اهي فيه..

وبسخريه واضحه..:هذي غــــــدر.!!وطلع من

المكان اللي اهي فيه..

حلا اول ماختفى عن عيونها جلست على الارض

وبالها يردد كلمته...

غــــــــــــدر

غــــــــــــدر

غــــــــــــدر

نزلت دموعها غصب عنها..

مو انا اللي تركتك انت اللي ماتبيني..

ارتفع صوتها وهي تبكي..مو انا اللي غدرت فيك..

انت اللي عمرك ماحبيتني ..حبيتك بجنون

وماقدرت انساك حتى وانا مع غيرك..

وانت عايش ومبسوط..كل شي تبيه لقيته. الزوجه

والولد وكل شي ...وانا اللي طلعت بلا شي..

وقفت بعزم..ماراح اخليك تكسرني مره ثانيه..

مو انا الضعيفه ياذيــاب موب انـــا...

..*...

الصباح الساعه 10 في الجامعه..

دخلت لمكتبها الواسع ورمت اوراق المحاضره

على الطاوله وجلست على كرسيها ...

تعبت من حياتها اللي تمشي نفس الروتين..

جامعه وبيت مالها احد في هالدنيا غير امها المسكنيه..

ابتسمت بسخريه وهي تتذكر علاقتها بعمانها كيف

كانت قبل لايموتون اهلها وشلون اتغيرت بعد

ماشالو كل املكهم ماعدا البيت اللي عايشين فيه..

تنهدت بضيق وعجز وهي تتذكر اللي فات..

فتحت شنطتها وشالت جوالها واتصلت على امها

وبصوت حاولته يكون مبسوط:قــوه يمه..

امها ببتسامه:هلا مهاوي هلا يمه..كيفك..

ضحكت بتصنع:انا تمااام انتي كيفك اخذتي دواك..

تنهد بحزن:أي اخذته لاتشيلين همي..

غمضت عيونها بتعب..وبقلبها ماراح يهنى لي بال

لين اشوف الضحكه على شفاتك..

وبحب..:انت كل دنيتي يالغاليه ومالي غنى عنك..

والحين يمه نامي لك ساعتين ريحي فيهم..

حركت راسها بايجاب وكانها قدامها:ان شاء

الله..وانتي انتبهي على حالك..

..*..

في بيت ابو ذيــاب..

روز:فطــوم تكفين قولي حق جهاد يوصلني لــحلا

حاولت بس هوا رافض يقول ماله حيــل..

فاطمه:فطوم هاه ليش اصغر بزارينك انا..بعدين

جايه من بيتي انا وبنتي وفي الاخير تبين حلا.

ضحكت روز وهي تضرب بخفه على راسها:افا

زعلتك.. بعد ابي اتودد عندك وشكلي خبرتها

..بعدين بنتك بصراحه لاتجبينها مره ثانيه ..هذي

مصيبه حشى موب بنت..

ضحكت فاطمه براحه:بسم الله عليها الابجيبها

على راسك بعد..

جنى وهي اطلع راسها من وراء الباب:كفو امي

حبيبتي ودخلت وبيدها الشبس والعصير..وجلست

على الطاوله مقابلهم..

روز فتحت عيونها على وسعها.وبصرخه:هيه

انتي يالدب لاتكسرين الطاوله.من الرشاقه عاد..

رفعت حبة الشبس بيدها ودخلتها في فمها ببط

وهي تحرك راسها:يــم يــم لذيذه.موتويالعواذل..

....:مساء الخير

كلهم لفو على جهة الصوت اللي وراهم:هلا مساء

النور هلا ذيــاب..

وقفت جنى وسلمت على خالها ورجعت تجلس مكانها..

طالعها ذياب وبستفهام:جنى ضاقت الاماكــن..؟

ابتسمت له ابتسامه عريضه .:جربت كل الاماكن

قلت اجلس هنا وحسيته اريــح..

طالع بفاطمه وببرود:كيفك..؟

طالعته بحيره:انا زينه انت كيفك كأنــك تعبان..؟

نزل راسه وهو يضغط بجواله وبجمود:لايتهيىلك

روز تكلمت بخوف:امم ذياب ممكن تروحني مشوار..؟

بدون لايناظرها:على وين ..بعدين ليش مايطلعك جهاد..؟

روز:.........

رفع عيونه عليها بعد مالاحظ الصمت من

الكل..وببروده المعتاد:اسالك ليش ماتجاوبين..

روز بلعت ريقها ..وبهدوء:قلت لجهاد بس رفض.

احم خلاص هونت مابي اروح ان شاء الله بكره بطلع

رحمها وبستفهام:طيب وين تبين..؟

نزلت عيونها وبهمس:ابي اروح لــ حلا

رفع حاجب وببتسامة سخريه:موب ملاحظه انك

غاطه عندهم من جات واهي ولا مره زارتك..؟

توترت من سواله وبصوت راخي:تدري ظروفها غير..

ركز عيونه على اخته ..وبجمود:غير؟؟ليش شلي

غير بالضبط ..كل واحدعنده ظروف لو يبي صح.؟

روز بتوتـر:أي بــس..

قاطعها بحزم:لا بس ولا زيادة كلمه. اذاتبيك تجي

وعقبها متى ماحبيتي انا اللي بوصلك بنفسي..

روزقبل تتكلم قطع عليها الجوال اللي كان ارحم لها من كلامه..

اول ماعرفت الرقم ردت وعيونها على ذياب..

وبصوت راخي:هلا حلا

حلا :وينك تعبت انتظرك ليش تاخرتي..

نزلت عيونه بعد مالحظة انو ذياب مركز معها

وببرود..:حلا ممكن تجيني اليوم اذا ماعليك احراج..

حلا بستفهام:ليش موب جايه انتي..؟؟

روز:............

حلا شكت بوضع روز..وبتمهيد:امم احد

بجنبك..ليش ماتقدرين تجين..؟

روز:بعدين احكي لك..ها بتجين ولا..؟

ذياب بصوت عالي:اذا موب حابه تجيك زي

ماتجينها فالاحسن تقطع مكالماتها بالــمره..

روز طالعت بخوها بعيون دامعه:......

حلا تفاجات من الصوت واللي فاجاها اكثر الكلام

اللي سمعته ..وبهدووء عكس اللي داخلها:اها

الحين فهمت السي سيد مانعك..لا وبعد يبيني اقطع

اتصالاتي .قولي له بتواصل معك غصب عنه.

روز ابتسمت بفرحه:والله يعني بتجين..؟

حلا بضحكه:اكيد بجي وانا اقدر استغني..

روز بعفويه :كفو هذا حلا اللي اعرفها ماحد يهمها..

حلا ضحكت:اوكي اعطيني وقت على مااكلم تركي واجيك ..

روز:اوكي..يلا سلام..

سكرت من حلا وتنهدت براحه..

فاطمه:بتجي. مازعلت.؟

روز وهي توقف عشان تجهز الضيافه:أي

وبهمس وصل لذياب اللي يتاظر انه مشغول..تقول

غصب عنه بتواصل معاك..

فاطمه بسرعه طالعة بذياب ليكون سمع شي

وارتاحت من شكله وهو مو مبين عليه أي ردة فعل..

ذياب تفاجى من تحديها الواضح وهو يبتسم للي ناوي عليه..؟؟

..**..

ميس وهي بالمطعم:خالــد تتوقع فهد يسويها صدق..؟

خالد طالعها ..وبتعجب:وليش مستصعبه الوضع

أي بيسويها والدليل انو اليوم كلمني وقال انه يبي

يكلم ابوتركي بالموضوع..

ميس بحيره:مادري احسها بالحيل صعبه قبل مع

اخوه والحين معاه الله يعينها ..

خالد:صدقيني لاهي اول ولا اخر انسانه تصير معاها هالحــال..

ميس بغموض:ادري..بس يكفي اللي عانته

بحياتها ..مااعتقد انها مستعده تعيد هالمعاناه..؟

خالــد بتردد:لاتفكرين في هالمسائل..بعدين اممم

فهد يبك تقنعيها قبل مايكلم ابــوها..

طالعته ميس بذهول:انا ..لالالا تكفى طلعني منها

خالد برجى:الرجال لجى لي وماينفع ارده..

ميس:امم بــس..امم اوكي اتركني افكر..

خالد ابتسم براحه:كفو ميوسه اللي تحب زوجها وحبيبها..

رفعت حاجب:ابو المصالح الحين تحب وحبيبها..

ضحك بصوت عالي وهو يقرب ويجلس بجنبها..

..**..

بعد ماستقبلتها عند الباب طلعتها لغرفتها من الباب الخليفي..

روز جلست قبال حلا ..وبخجل:حلا انا اسفه على تصرف اليوم..

ابتسمت حلا ..وبتصنع:ولا يهمك اصلا نسيت

الكلام..بعدين اخوك هذا معقد ولا مايفكر بهالشكل

روز بهمس:نسيتيه..؟

حلا بسرعه شتت نظراتها وبقوه ظاهريه:نسيته...

انا مابقلبي غير سيف ..

ضغط على قبضت الباب بقوه بعد ماسمع كلمتها

الاخير . انا مابقلبي غير سيف ..

غمض عيونه بالم والجرح القديم يتفتح ويزيد جراحه..

رجع على وراء وتوجه لغرفته بعد ماكان ناوي

ياخذ بخاطر اخته..

اتصل في الشركه وعرف موعد سفرته الجايه..

شال شنطته ورتب اغراضه اللي يحتاجهم وباله

مشغول مع الكلام اللي سمعه..

لازم اعيد حساباتي ..لازم افكر زيــن..ماراح

اسمح لاحد يلعب فيني ..يكفي اللي حصل لي بسببها..يكفي..

شال شنطته مر على امه وابوه وسلم عليهم..

وهو نازل سمع صوت ولده وهو يضحك والصوت

طالع من المطبخ..

نزل اغراضه بالارض ومشى ناحية المطبخ..

اول ماناظر دار في باله شكلها لمن راح لبيتهم

...الزمن قاعد يعيد نفسه..

جالسه على الكرسي وظهرها لجهته وولده على

الطاوله يضحك معاها..

حلا بنعومه:يلا باسل نشد لي اول ..

باسل حرك راسه بالنفي:مااعرف انتي قول لي..

وفاجــاه..بــابــا تعال هنــا بجنبي..

حلا ارتجفت وخاصه شعرها ماعليه غطاء..

نزلت راسها وشعرها انتثر على وجهها ..

ذياب بخشونه:يلا باسل عشان اوصلك لماما ..

حلا بهمس بعد ماحست انه ماتحرك ولا حس على

نفسه:احم لو سمحت ممكن تطلع براء..

ضحك بستفزاز:لالا لاتقولين لي انك خجلانه من

شكلك..تراك ولا شي قدامي عشان كذا لاتتعنين كثير..

تنفست بصبر وهي تكتم غيضها:موب ملاحظ انك

مصدق نفسك وجالس تتكلم مع وحده موب محرم لك..

كلامها اهو اللي قاعد يستفزه اكثر..طالع بباسل

وبهدوء ضاهري:باسل روح للسياره ليمن اجيك

باسل وهو طالع من المطبخ:طيب..

تكتف ومال بجسمه على الباب ..وبحده:انتي

لسانك متبري منك ..وشكلك ناويه اسوي لك شي

ماتنسينه طول عمرك..

ضحكت بخفه..وبقهر واضح:ونعــم الرجوله

تكلمني وانــا بهالشكل ..اقول لا تنغر بنفسك..يكفي

اني متحملتك الحين..!!

فتح عيونه بوسعها.. قاعده تذبحه من الوريد

للوريد بدون لاتحس ..

وقبل لا يتكلم سمع صوت جنى وهي شكلها قريبه

من المطبخ ..

بسرعه قرب منها وانحنى لمستواها وصارت

شفايفه قريبه من اذنها ..تلخبط بعد مادخل عطرها

لعماق قلبه تنفس بقوه وكأنه ناوي يحتفظ بريحتها داخل صدره..

تنهد بصمت ..وبهمس..:خذيها وعد راح اذوقك

ثمن كلامك دبل وقولي قالها بو باســل..

وطلع قبل لايدخل عليهم احد...

حلا تصلبت من الموقف اللي صار لها.. كل شي

قلبها وعفسها فوووق تحت..صوته انفاسه توعده

وقربه اللي عذبــها واحيا مشاعر كانت خامده من زمــان..

دخلت جنى ولاحست فيها..

قربت منها جنى وبستفهام:حلا وش فيك ترجفين..

حتى لونــك قالب..؟؟

حلا بدون لاترد عليها رفعت جوالها..

وبهدوء وضيــاع:تركي تعال لي الحين اذا تقدر

تركي بدون لاينتبه لنبرة صوتها:اوكي اخلص

الشغله اللي بيدي وعقبها بمرك..يلا سلام..

طالعت بجنى وببتسامه صفراء:احم مافيني شي

بس شويت صداع..

جنى بطيبه:سلامتك الحين بتخفين ان شاء الله..

..**..

الجده:طيب ليش ماتردها وانا امك بدال هالمشاوير

ذياب بعجله:يمه.. مابي ارد ساره وبعدين انا

مضطر يكون باسل عندها لما اسافر ولاتنسين انها بعد امه..

جدته بعتب:بس حالك مايسر..وانت محتاج حرمه

تداري امورك...

ذياب وهو يوقف يبوس راس جدته:يمه

هالموضوع خلصنا منه ومن زمان..يلا مع السلامه..

جدته بثقه:طيب اش رايك بحلا..؟

وقف واستدار على جهة امه وعيونه مركزه عليها

..وبجمود:يمه..حلا موب كفو تكون لي الزوجه..

طالعته جدته بغضب:اجل لما كانت عمرها سبع

تعش..كانت كفو ..ولا نسيت اش صار فيك ..

لمــ

قاطع جدته بغيض:خلاص يمه لاتكملين..حلا

ماتنفع لي وانتهينا..

ناظرته جدته وبتصميم:اختار يا حلا ولا ساره..؟

اول ماترد من السفر لازم يكون ببيتك حرمه..هاه اش قلت..

ركز عيونه بعيون جدته ..وبالم..:اختار ساره ولا حلا..

ضحكت جدته بتعجب:بترد ساره ..سبحان الله

البنت اللي تعبت عليها صرت انت اللي رافضها..

نزل عيونه ..وبجمود:كنت ابيها..والحين لا..

يلا يمه اترخص..وطلــع..

..**..

مـــي:مشاري خلاص عاد تراك مزودها...

مشاري بتعب:موب راضي قلبي ينساها ..

مي بثقه:تزوج اللي تنسيك حبها..

طالع اخته ..وبجديه:انت مجنونه ناويه اعذب

بنات الناس معاااي..

مي بحيره:طيب انت اللي تشوش الواحد ..قولي

وش بيدي واسااعدك فيه..

نزل راسه بين ايدنه..وبعجز:مادري مادري شل

الحل بس اللي اعرفه اني ابيها اهي وبـــس..؟

..**..

في الشاليهات( يوم العزيمه)..

ذياب رجع من السفر بيوم العزيمه اللي وعد فيها خاله..

جهاد:ذياب خلاص روح اجلس شكلك تعبان

ذياب طالعه ورجع يشرف على كل شي..وببرود:لا

تخاف انا طيب ماعلي بــاس..

جهاد بستسلام:خلاص بكيفك بس من تحتاجني انا

هنا ..بمجلس الرجال اشوف اذا محتاجين شي.

..تاكد من كل شي طالع بساعته امم الساعه تسع

فيه وقت على مايجي العشاء..

وقبل لايدخل لمجلس الضيافه شده الاضاه الخلفيه

بالشاليه ..عقد حواجبه ..مين فــــيه..وانا

محذرهم مايقربون هالمكان..

مشى بهدوء وفي باله مين اللي كسر كلمته..

توه قرب وسمع صوت ناعـــم..استغرب الصوت

وقبل يطالعها.. عرفها من صوتها ..

وقف محله مو لانه يبي يسمع كلامها لانو كلامها

اهو اللي وقفه بدون لايتاكد اذا كانت اهي او لا

حلا بضيق:ميوسه حبيبتي صدقيني فهد مثل اخوي

ماقدر اتزوج اخوي صح..

جن جنونه تتزوج..تتزوج مره ثانيه,,يعني اهي

ناويه تذبحه للمليون...

ثار وهو يحس انو الدنيا قاعده تلف وادور فيه من جديد..

وبدون وعي مشي ناحيتها وهو مسرع بخطواته

قرب منها وهي ماحست عليه..وعيونها للمزروع

اللي قدامها..

صار واقف وراها بالضبط وبغضب الدنيا مسك

زندها ولفها عليه بقوه الين صارت مقابله تماما

ومايفصل بينهم الا شي بسيط..

تلاقت عيونهم بعد غياب سنين..

وكل واحد يناظر الثاني بمشاعر واحاسيس ثانيه

بعد ماطاحت عيونه على الملاك اللي قدام عيونه

وتخيل انها بتكون مع فهد اخو سيف كل شياطين

العالم التمت قدام عيونه..

ضغط على ايدها وعيونه بعيونها وبهمس:....

لاتغرك الضحكه...؟

الى هنا ينتهي البارت...

..**....

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

فاصل إعلآني ^_^ / ..

لا احلل مسح اسمي مع على الرواية ..

تجميعي : ♫ معزوفة حنين ♫..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بسم الله الرحمن الرحيـــم

البـــارت الثالث..و..الرابع

يتبع ,,,,

👇👇👇

تعديل المقال