رواية تفرقنا سنين وماجمعنا غير الجرح -3

رواية تفرقنا سنين وماجمعنا غير الجرح -3

بسم الله الرحمن الرحيـــم

البـــارت الثالث..و..الرابع

((ودي اجيك من التعب ثم أضمك

وتشوف أنا وشلون عايش بلياك

قربك عطر ودي من البعد أشمك

أخاف يبرد مابقى لي بذكراك

أبنثرك في عروق قلبي ولمك

وأحسسك بالحب في يوم لقياك

باقي معي أغلي هديه تهمك

صورتك كاتب فوقها مقدر انساك

متى يزين الوقت وأكون يمك

اقلها اعرف ظروفك ودنياك

يا ليتني في أنفاس روحك ودمك

أبقى معك وأعيش الأيام وياك

يا كثر ماني بغربتي شلت همك

أنشد نجوم الليل من عقب فرقاك

عليك اخاف اكثر من ابوك وامك

والله ما تلقى مثل قلبي أغلاك

مارتاح أنا من الوله لين أضمك

وأعلمك وشلون حالي بلياك

وقبل لايدخل لمجلس الضيافه شده الاضاه الخلفيه

بالشاليه ..عقد حواجبه ..مين فــــيه..وانا

محذرهم مايقربون هالمكان..

مشى بهدوء وفي باله مين اللي كسر كلمته..

توه قرب وسمع صوت ناعـــم..استغرب الصوت

وقبل يطالعها.. عرفها من صوتها ..

وقف محله مو لانه يبي يسمع كلامها لانو كلامها

اهو اللي وقفه بدون لايتاكد اذا كانت اهي او لا

حلا بضيق:ميوسه حبيبتي صدقيني فهد مثل اخوي

ماقدر اتزوج اخوي صح..

جن جنونه تتزوج..تتزوج مره ثانيه,,يعني اهي

ناويه تذبحه للمليون...

ثار وهو يحس انو الدنيا قاعده تلف وادور فيه من جديد..

وبدون وعي مشي ناحيتها وهو مسرع بخطواته

قرب منها وهي ماحست عليه..وعيونها للمزروع

اللي قدامها..

صار واقف وراها بالضبط وبغضب الدنيا مسك

زندها ولفها عليه بقوه الين صارت مقابله تماما

ومايفصل بينهم الا شي بسيط..

تلاقت عيونهم بعد غياب سنين..

وكل واحد يناظر الثاني بمشاعر واحاسيس ثانيه

بعد ماطاحت عيونه على الملاك اللي قدام عيونه

وتخيل انها بتكون مع فهد اخو سيف كل شياطين

العالم التمت قدام عيونه..

ضغط على ايدها وعيونه بعيونها وبهمس:يعني

ماكفاك سيف فصرتي تخططي على اخوهـ

يالمتربيه..؟

تشبثت نظراتها فيه قاعده تسمع كلامه بس صوت

قلبها اعلى من همسه..

لو ركز بلمعة عيونها عرف اشياء كثير يجهلها..

نست كل العالم اللي حولينها حتى نست نفسها انها

قدامه بدون حجاب وباجمل وارقى جمالــها..

عصب وثــار اكثر من لاحظ صمتها المزعج

وفسره انها فعلا صارت تخطط على فــهد..

ابتسم بسخريه وهو يقرب وجهه من وجها ..

وبغضب..:هه ياحرام هالمره مافيك تاخذين ولد

العز لاني مارح اسمح لك..وبصوت اعلى.لو

تموتين مارح اسمح لك هالمره..!!

.....من وراهــــم وهو يصفق ايد بيد:حــلو

حلو وطلعتو تتقابلون من ورانــا واحنى ياغافلين لكم الله..

**

شــوق بحيره:يعني شنو اللي ناويته الحيــن..؟

مهــا وهي تتنهد:مادري المشكله انو مادياتي

ماتسمح اني ارفع قضيه عليهم واطالب فيها

بحقوقنا واحس بالموت لما اشوف دمعت امي

بسببهــم..

شوق بعجز:احـم مهاوي خلينا نتساعد بتكاليف

المحامــي..

مها ابتسمت بحب:الله يخليك لي ..حبيبتي انــا اكثر

وحده اعرف بظروفك..صدقيني مانقدر نسوي شي..

شــوق بالــم:ياليــت فيني اسوي اشياء كثير بس

ماباليــد حيله

مهــا وهي تحاول تغير الموضوع:الا ماقلتي لي

عموري باقي يسال عن ابــوهـ..؟

ابتسمت بحزن:عموري موب راضي ينسى ابوه

بالمره..

مها عدلت جلستها وبجديه:انزين كلمي احمد في

الموضوع..

شتت نظراتها وبالم:هــه احمد لما قلت له تدرين

شنو قــال..؟ وركزت بعيون صاحبتها..قال قولي

له مــات..

مها شهقت وهي ترفع ايدها على فمها وتحرك

راسها بالنفي..وبخوف:لالالا حذاري تقولين مثل

هالكلام حذاري..

تنهدت بالــم..:لو كان علــي انا فابوه فعلا مــات

بعد ماغدر فيني ..بس الزمن يمنعني اقول لضناي

عن اللي جواتـــي..

..**..

.....من وراهــــم وهو يصفق ايد بيد:حــلو

حلو وطلعتو تتقابلون من ورانــا واحنى ياغافلين

لكم الله..

كلهم لفو على وراء بنفس الوقتــــ

شهقت حلا وبصدمه:عمي بــو سيــف..

ابو سيف ركز نظراته عليها وبغضب:ماعرفتي

تحفظين نفسك ولا مات سيف وانفلتي..؟

تقدم منه ذياب وبجديه:نعــم.؟ اعتقد تدل مجلس

الضيافيه ولا انــا غلطان..؟

ابو سيف رجع نظراته لذياب وبقهر:انا اللي اعتقد

انو اللي قاعدين تسوونه مايرضي..؟

تنهد بصبر..وبغضب مكبوت:لو سمحت ممكن

تروح للضيافــه..

رفع جوالـه وبهدوء:ابو تركي تعال انا بالجهه

الخلفيه وجيب معاك امي نوره ..وقفل جواله..

طالعه ذياب ببتسامة سخريه:اهــا انت ناوي

على المشـــاكل وانا ماعندي مانع..؟

ابتسم ابو سيف:مالي وياك كلام الين يجي ابوها

ويشوف الستهبال اللي قدامي..

ابو تركي دخل وهو ماسك بيده الجده ...

تشنج مكانه اول ماطاحت عيونه على بنته اللي

واقفه وراء ذيــاب..

ترك اللي بيده وتقدم من ذياب وبذهول:شلي اللي

صاير وطالع ببنته.. انتي ليش هنــا..؟

ضحك ابو سيف بقهر.. وبستهتار:ولا شي كل

السالفه اني شفت ولد اختك مع بنتك ولوحدهم ..؟

فتح عيونه على الاخير وبصوت عالــي:شنـــو

انت قاعد تخون فيني ياذياب مع بنتــــــي..؟

الجده بدون شعــور:انــا اللي جمعتهم ..!!

الكل لف على الجده بعد جملتها.. بذهول ..

وقف قبالها ابو تركي وبستفهام:باي حق يمـــه..

رفعت راسها وطالعته ..وبثقه:انا ابي حلا لذياب

.وجمعتهم يشوفون بعضهم اعتقد لهم حق النظره.

ذياب فتح عيونه بصدمه جدته اش قاعده تخربط

اصدمته بكلامها اللي مايقدر يعارضه وخاصه اذا

فيه احد ..

بلع ريقه من مشاعره اللي عصفت بداخله ...

ولخبطته من تخيل انو حلا ممكن تكون له ولوحده

ماقدر يتكلم يحس انه تلجم بالكامــل وعيونه على

امه وابو حلا يبي يوصل للاخر ويفتك..

بعكس حلا اللي حست ان الدنيا تلف ودور فيها..

اهي تدري انو جدتها تبي تنقظهم من هالورطه.

.بس موب هالشكل...

ماقدرت ترمش وعيونها عليه تبي تعرف شنهي

ردت فعله بالضبط..وتاكدت من صمته انها ماتهمه

ابو حلا لف على ذياب بسرعه وعلى فمه ابتسامه

وكل الغضب اللي فيه تبخر..

الحين بس يقدر يقول انو امنيته تحققت..

قرب من ذياب ..وبهدوء:اذا كان كذا الموضوع

فما فيه مانع انك تشوفــها..

الجده بصرامه :يلا الحين روحو ابي ذياب وحلا

بكلمة راس..

اول ماابتعدو من مكانهم لفت على الاثنين

وبعيونها غضب الدنيا..

ركزت بعيونها على ذياب وبقهر:هذي تربيتي فيك

ياولد محمد..؟

نزل راسه ..وبجمود:يمه الموضوع غير اللي في

بالكــم بالمــره..

طنشته وهي تناظر حلا وتحرك عصاها:وانتي

قدامي.. خسارت ثقتي فيك طلعتي بالخفايا رديــه

حلا امتلت عيونها دموع ..وبهمس:يمه انــا...

قاطعتها بغضب:ولا كلمه وقدامي وكلمتي

ماتنكسر.. هذي النظره الشرعيــه والاسبوع

الجاي الملكله..

حلا حرك راسها بالنفي:يمه لا تكفين مو

بهالطريقه..

طالعتها جدتها بحزم..:قدامي.. نزلتو راسي

وفشلتوني..

حلا مشت ومشت بعدها الجدهـ

ذياب واقف

بمكانه جامدوهو للحين ماهو قادر يستوعب اللي

صار..وفجاه:يمه انا قلت لك ابي ارد مرتي وانــا

للحين عند كلمتي...

لفت عليه الجده بقهر..وبصوت عالي:رد مرتك

عقب ماتتزوج حلا..ومشت بعد حلا الي كانت

تمشي بسرعه ودموعها على خدودها من كلام

الكل وخاصه ذيــاب وطعونها الجديدهـ..

..**..

في داخــل الشاليــه..

سـاره وهي مقهورهـ:فوزيه لاعاد اش دعوه..

فوزيه(اخت ساره):وانــا اتكلم جد اشوفك مو على

بعضك من شفتيها حرام عليك ترى المسكينه

زوجها متوفي وقلبــها مجروح...

ساره بضحكه سخريه:ولاتنسين انها الحين صارت

حره ومو بعيده يتزوجها ذيــاب..

فوزيه وهي تتنهد:ياحياتي المكتوب لازم نرضى

فيه..انتي نادي ربك يرجعك لبيتك ولزوجك وولدك

قربت منهم رانيا بنت عمهم فارس.:هاي صبايا

لايكون قطعت عليك سوالفكم..؟

ابتسمت فوزيه..وبصدق:لا حبيبتي حياك خلينا

ناخذ اخبارك من زمــان عنــك..

..**..

ميس بقلق:خالد مادري ليش احس انو صار لها

شي موب حلو لي ساعتين ادق عليها وجوالها

باقي مقفل..

رمى بجسمه على الكنبه اللي جالسه عليها

وبتعب:ميوس وبعدين تلاقينها مبسوطه الحين

بالجمعه مع البنات وماجابت خبرك الله يهداكـــ

شهقت بفرحه وهي تنط وتبوسه على خده:تصدق

اني بدونك ولاشي ولا شلون نسيت البنات

وماتصلت في احد منهم يطمني عليــها..

ضحك وهو يغمض عيونه ويحرك راسه:الحمد الله

والشكر ربي رزقني بحرمه بزر..

فتحت عيونها على وسعهم وبدلع وهي تتصل في

اختها روز :اوريك يالدب اجل انا بزر..

..**..

تحركت تفتح الباب ببطى وهي تمسح دموعها

وتستنشق قدر كبير من الهواء لجواتها...

رفعت عيونها للي قدامها وبصوت مرهق:هلا روز

قربت منها روز وهي تمسح على خدها.وبنعومه:

ليــش...؟ من نزل دموعك وزعلك اليوم..؟

حركت راسها بالنفي وهي تضغط على نفسها

:مافي شي..!!

مدت كفوفها وهي ترفع وجه حلا قبالها:حلاي

تخبين علي انــا..؟؟

غمضت عيونها وهي تتذكر

حــــــلاي

حــــــلاي

حــــــلاي

اهي كلمته لما كان يدللها واهي طفلته...

سبحان الله وشلون صار يجرحها وهو امانهــا.!!!

وبدون ماتحس رجعت دموعها تنزل بقوه..

قربت منها روز وهي تشوف وشلون انقلب حالها

حضنتها بقوه وبهدوء:اهدي حبيبتي الحين وان

شاء الله راح اساعدك..

تشبثت بروز اكثر وهي تشهق بصوت عالي:ياليت

فيني اساعد حالي بالاولــــ

روز قفلت الباب وجلست حلا على السرير اخذت

كاس ماي وشربتها وهي تسمي عليها بخوف..

..**..

من قاله ابوه الخبره وهو ماستحمل ينتظر لحظه

وحده وفي ربع ساعه وصل للشاليه وسلم على

الكل وجلس جنب ابوه وعيونه على ذياب..

ذياب كان حاس بنظرات الحقد والكره اللي مصوبه

عليه بس حاول مايهتم.... اللي فيه كافيه..

تعب ردته من السفر..

وشوقــه لولــده باسل..

وموضوع حلا وصدمة جدته..

ومشاعره اللي تعصف فيه...

بس كل هذا كان ولاشي من سمع كلام فهد قدام كل

الموجودين وصدى طلبه يتردد باذنــه..

ياعمي انا حاب احقق وصية اخوي واتزوج حلا

ياعمي انا حاب احقق وصية اخوي واتزوج حلا

رفع حاجب وهو يصر على اسنانه وعيونه مركزه

بفهــد وخبثه الواضح...

بسرعه رجع نظراته على خالــه وهو ينتظر جوابه

....ابو تركي تفاجا بطلب فهد وانصدم..

وبقلبــه...

ياللــه بيوم واحد يتقدمون لها اثنين

وطالع بفهد بس فهد اغنى من ذياب واكيد راح

استفيد كثير وخاصه لو طلبت أي شي دام السالفه

فيها وصاه

مانكر انو ذياب له مال وعز الكل يتكلم فيها بس

هم فهد عنده وزود

ابتسم للكل وبعيونه لمعه غريبه..وبكبريا:عطني

وقت استشير البنت وارد عليك وانــا ابوك

ذياب فتح عيونه على وسعهم وعقله قاعد يكرر

الماضي..

يعني شنو خاله ناوي يغدر فيه مره ثانيه

حرك راسه بنفي..مستحيل اسمح لهم مستحيل..

وبكذبه مابيــها بس ماراح تاخذ غيري..

طالع بخاله اللي ماطالع فيه وبصوت عالــي:على

البركه يالخال ..

طالعه ابو تركي بصدمه من كلمته لانه توقع منه

الاسوء وبسرعه طاحت عيونه على عيون ذياب

الواثقه وعلى شفايفه ابتسامه غريبه..

..**..

حضنته بحنان وهي تبتسم له ..وبحب:ها يارحي

ماتبي تنام الحين..؟

مد ايده الطفوليه يمسك ايد امه وببراه:يمه ابي

اروح بكره لمدينة الالعاب طيب

ارفعت ايده لفمها وهي تبوسها:من عيوني

حبيبي..وغيره

ميل راسها وهو يسوي نفسه يفكر وعقد حواجبه فجاه..

عقدة حواجبها من انزعاجه.. وبستفسرار:عموري

اشفيك كأنك تذكرت شي مو زين..

طالع امه وعيونها فيها نظره جديده وببراه:ماما

انتي ماتقولين لبابا الكلام اللي اقولك أيــاه..؟

غمضت عيونه والم يعصر قلبها من اصرار ولدها

..وبقوه مزيفه:احم امبلا اقوله كلامك حبيبي..

ميل شفايفه بعتب..:طيب هوا مايحبني صح..؟؟

بلعت ريقها من سؤال ولدها اللي مافكرت انه

ممكن يسالها اياه ..وبغصه:اهو يحبك كثر ماحبك

وزود..

ابتسم وهو يجلس بنشاط وبفرحه ..وبفضول:وانت

ياماما..بابا يحبـــك...؟؟

عصرة ايدها بالــم.. الين هنا ومافيها تكابر اكثر

نزلت راسها بضعف ودموعها تنزل بسرعه

وهي تحرك راسها بالايجاب وكانها تناقض نفسها

بنفسها..

عمار اول مره يشوف امه بهالحال قرب منه

وجلس بحضنها وعيونه على عيونها وبصوت

متقطع:ماما لا تبكين انا اخــاف..

ماقدرت توقف دموعها جروحها اهي اللي تنزف وتعذبها اكثر..

ارفعت راسها وهي تمسح دموعها بيدين ترجف

وعلى شفايفها ابتسامه كذابه..وبصوت راخي:

خلاص عموري صار لازم تنام الحيــن..

ابتسم بفرحه لابتسامتها وبراحه:طيب بنام..

بس ماتبكين وانــا نايم عشان ماتخافين ..

حضنته بقوه وهي تنام بجنبه ..وبحب:ماراح

اخاف وانا عندي ولد كبير مثل عموري..

..**..

تشبثت بروز اكثر وهي تشهق بصوت عالي:ياليت

فيني اساعد حالي بالاولــــ

روز قفلت الباب وجلست حلا على السرير اخذت

كاس ماي وشربتها وهي تسمي عليها بخوف..

جلست جنبها بعد ماحست انها هدت وارتاحت

وبستفهام:ممكن اعرف شلي حصل لك..؟

حلا ارفعت عيونها بتعب ..وبهمس:ذيــاب

روز عقدت حواجبها وبتعجب:ذياب !!!

نزلت راسها بحزن وهي تحكي لها السالفه كامله..

روز انصدمت من الكلام اللي قاعده تسمعه..

وبصوت راخي:الحين عرفت ليش ميس خايفه

عليك ومن شوي مكلمتني اشوفك. اثاري السالفه

مو هينه..

ورجعت تركز نظراتها بحلا ..:وانتي اش رايك

بالضبط..؟

تنهدة بتعب:مابي ذياب لانه مايبيني..ولو كبرت

السالفه فهد ارحم لي من ذياب بمليون مره

روز بقصد:واذا كان يبيك ذيــاب تبينه...؟

ناظرت بروز وهي تتذكر كلامه انه يبي يرجع

طليقته ..وبثقه:مابيه حتى لو يبيني..

روز انصدمة من ردها اللي ماتوقعته ..وبصوت

حاولته يكون عادي وهي توقف:مادري اش اقولك

بس الله يكتب الخير..والحين يلا خلينا نطلع للبنات

قبل يشكون بشي..

وقفت حلا وهي متوجهه للمرايه تعدل شكلها اللي

كارهته بسبب حضها العاثــر...

..**..

مشاري بغضب:دكتوره بدورتامرين على شي ..؟

بدور بحراج:هـااا لالا مشكور عن اذنــك..وطلعت

جلست على مكتبها والدموع متجمعه بعيونها

وبالــم:متى تحس فيني يامشاري متى..؟

تعبت وانا اللمح لك بس انت حجر ماتحس..

بعكس مشاري اللي كان متضايق منها ..وبقلبه

ماقدرت افتح قلبي لك يالبدور السموحه انا مافي

قلبي غير انسانه وحده والزمن عيا ينسيني اياها.

..**..

جلست حلا وهي ترسم ابتسامه مصطنعه وتحاول

تبعد عن نظرات جدتها الزعلانه..

طالعة بفوزيه ..وبنعومه:كيفك فوزيه وكيف اولادك..؟

ناظرتها فوزيه وقبل لاتنطق جاوبتها ساره:تمااام

عايشين ..وبفضول كريه..الا ماقلتي لي انتي اللي

غريبه ماجالك اولاد ولك خمس سنوات متزوجه

وبحقد واضح..عقيـــم..؟؟

كل الحضور سكتو وعم الهدوء عليهم بعد ماسمعو

الكلمه الاخير..

وعيونهم على حلا منتظرين اجابتها على سؤال

ساره الغير متوقع..

نزلت راسها بعجز وشلون بتجاوبهم الحين..

وبسرعه طرت على بالها فكره مجنونه وفي بالها

انو هذ1الحل اللي راح يخلصها من مشاكل كثير..

رفعت راسها وطالعت بساره وعلى شفايفها

ابتسامه حلوه ..وبصوت مبحوح:أي للاسف انا عقيم.!!

الكل تفاجاء من رد حلا وبقى الصمت زي ماكان

وعيونهم مسلطه عليها وعلى جراءتها..

ساره ماتوقعت ردها بيكون كذا ..وبنفس الوقت

ابتسمت بنصر وهذا هو اللي تبيه ..

يتبع ,,,,

👇👇👇

تعديل المقال