رواية تفرقنا سنين وماجمعنا غير الجرح -4

رواية تفرقنا سنين وماجمعنا غير الجرح -4

الكل تفاجاء من رد حلا وبقى الصمت زي ماكان

وعيونهم مسلطه عليها وعلى جراءتها..

ساره ماتوقعت ردها بيكون كذا ..وبنفس الوقت

ابتسمت بنصر وهذا هو اللي تبيه ..

قطع افكارها

صوت الجده نوره وصوتها العالي:تكذبين يالحلا ..

حلا رفعت نظراها لجدتها وبثقه:يمه الدكاتره كلهم

يقولون كذا وانا راضيه بحكمه ..

..**..

بعد العشاء الكل توجه لسيارته واخذ اهله وتوكل

بقت عايله ابو ذيــاب وابو تركي والجده نورهـ

ابو ذياب بستفهام:اش فيه وجهك مانه على بعضه

طالعته الجده:لا ياولدي مافيني الا العافيه

لاتهوجس..

جهاد بعفويه:الا يمه مادريتي انو فهد ولد ابو

سيف خطب حــــلا...

بسرعه وجهة نظراتها على ذياب اللي قاعد يحرك

جواله بتوتــر وضيق..

تركي اول مالاحض نظرات جدته استغرب

وبستفهام :يمه تبين شي..؟

طنشة سؤال تركي وهي تناظر ابوه ..وبغضب:انا

اش قلت لك اليوم ياابوتركي ولاشكلك نسيت..؟

شتت نظراته وبتعالي:يمه البنت باخذ رايها وعقب

بنتفاهــم

ابتسمت امه بقهر ..وبسخريه:اها اشوفك بالاوله

اخذت رايها..؟

ذياب اول ماسمع جملة جدته رفع راسه بسرعه..

وهو ينتظر اجابة خالــه...

معقولــه يكون غاصبها اول مره..

مستحيل انا متاكد انها وافقت من قناعتها

قطع افكاره صوت خاله الواثق:يمه قلت لك لازم

اكلم بنتي بالاول ..

ليش موب راضي يجاوب السؤال اللي محيره

سنين..؟

وقف بتعب وهو ناوي يطلع يجلس مع ولده براء

افظل من هالجو اللي يخنق..

اول ماشافه باسل تعلق فيه وصار يبوسه بحب

جلس على العشب وجلسه بحضنه..

وبشوق:كيفك بابا..وحشتــك

هز راسه بحماس وهو يناظر للسماء:ايواء بابا انا

احبك كثير ..

ضحك بدون نفس وهو يحضن باسل:ماتبي تعرف

شنو هديتك..؟

وقف بسرعه وهو يقفز ويصفق بيدنه:الا بابا ابي

اعرف ..ابي اشوفها الحين ..يلا قوم روني اياه..

..**..

...من بكره العصـــر...

حلا وهي تبكي:يمه حرام عليك لاتظلميني..

الجده بقسوه ظاهريه:أي ظلم انتي للحين ماتعرفين

مصلحتك..

فتحت عيونها بتعجب..وبقهر:يمه انتي مستوعبه

شنو يعني رجال يبي مرته ويحبها..يمه شلون

تبيني ادخل بينتهم صدقيني صعبه يالغاليــه..

صرخة فيها جدتها بغضب :ان ماخذتيه صدقني

راح ازوجك فهد اللي كان حماك ..

...من بكره العصـــر...

حلا وهي تبكي:يمه حرام عليك لاتظلميني..

الجده بقسوه ظاهريه:أي ظلم انتي للحين ماتعرفين

مصلحتك..

فتحت عيونها بتعجب..وبقهر:يمه انتي مستوعبه

شنو يعني رجال يبي مرته ويحبها..يمه شلون

تبيني ادخل بينتهم صدقيني صعبه يالغاليــه..

صرخة فيها جدتها بغضب :ان ماخذتها صدقني

راح ازوجك فهد اللي كان حماك ..

بدون شعور:موافقه على فهد يمه..

جدتها انجنت من عنادهم وبقهر:وذياب..؟

تنفست بغيض وهي تمسح دموعها:ذياب بيرد ام باسل..

وقفت جدتها بزعل وهي تمشي ومعطيتها

ظهرها:اجل اطلعي من بيتي ومابي اشوف وجهك

مره ثانيه

رفعت ايدها على فمها وهي تكتم شهقاتها والمها

ومشكلتها اللي مو عارف وشلون بتحلــها..

..**..

مهــا:يمه اش رايك نطلع نتمشى اليــوم..

مسكت ايد بنتها بخفه..وبطيبه:انزين وانا بعد ابيك

بموضوع خاص بيفرح قلبك..

ضحكت لامها بامــل .وهي تتربع

بجنبها..وبفضول: يلا ياحلا ام بدادنيا كلهــا قوليه..

ضربتها امها على راسها بخفه ..وهي مبتسمه:

عن المصالح وقومي زهبي حالك ولاحقين على

الكلام..

ميلة شفايفها بزعل..:يمه تدرين بنتك مافيها صبر

ناظرتها امها بجديه مصطنعه:ولا اقولك بلاها

طلعه وبلاه حكي خلينا هنا اريح..

وقفت مها بسرعه وهي تعدل بجامتها..وبسرعه:لا

لالا يالغاليه وش بلاها ما بلاها الحين بنتك تتجهز

وتجيك طيران انتظريني دقايق بــس..وطلعــت

نزلت دمعه حاره على وجهها المجعد وهي تدعي

ربها انو بنتها توفقها الراي وتسوي اللي تتمناه

من زمــانـ

..**..

تلمست خده الوردي وشهقت بخوف:عموري

يعورك شي..

فتح عيونه بكسل..وبصوت تعبان:ماما بلعومي

يعورني عقب البارد امس

وقفت بغضب وهي ادور على عباتها:انا قايله

لاحمد بس مافهمني الله يصلحه بــس..

لبست عباتها وشالته بسرعه وطلعت للسواق..

..**..

تعب يتصل فيها ماترد يدري انها زعلانه منه ..

ومن رفضه لحلا ..

بس مافيه يصبر عنها اكثـــر..

شال مفاتيحه وعلبة السيجاره وطلع يشوف امه وابوه..

تقدم من امه وباس على راسها:قـوه يمه..

امه وهي تصب له الشاي:قوه ذيــاب..

جهاد وهو داخــل:السلام عليــكم..

الكل:وعليك السلام..

جلس وهو ناوي يطلع كل اللي بقلبه..ناظر اخوه

وبهدوء:ذيــاب ..فهد موصر على طلبه توني

جاي من المقهى وهو جالس مع اخوها وقاعد يقنعه..

صر على اسنانه من القهر وهو يمثل البــرود..

وبجمود:زين يسوي الله يوفقهم..

جهاد بصوت عالي:ذياب لاتتصنع البرود ..اساسا

انت موب حاس على حالك من توفى زوجها وانت

انسان ثاني مو ذياب اللي عرفته..يأخي صحصح

على حالك..

ذياب بصوت اعلــى:أي وبعد اش رايك تقوم

وتطقني..وبعدين هذي حياتي انا.. مااعتقد انتم

احرص فيها مني صح ولا انا غلطان..

امهم بقهر:انتو ماقمتو تحشمون احــد..

طالعها ذياب وهو يحاول يكبت غيضه وبصوت

راخي :السموحه يالغاليه..بس انتي تدرين انـــ

قاطعته امه بصدق:انــك للحين تبيها وتتمنى قربها

...انقهر وشلون اهله موصرين انه يحبها..

وقف بملل وبجمود:لايالغاليه لا ابيها ولاابي قربها

ومرتي بردها عشان باســل ولا انا عفت الزواج

من اساسه..

..**..

وقف على ارجوله وهو معارض انو امه تشيله

شوق بحنان وهو تمشي لداخل المشفى:عموري

حبيبي خلني اشيلك..

طالع امه بعيون ذبلانه وهو يحرك راسه بالنفي:لا

انا صرت رجال كبير مايصير تشيلني..

ابتسمت له بحب ويدها تحضن كفه:انزين يارجال

تعال نشوف الدكتوره..

قربت من النيرس وبتوتر:ممكن اشوف دكتورة الاطفال ...؟

النيرس ببتسامه وهي تمشي قبلهم:تفضلو معاي

جلست مقابل الدكتوره وصارت تشرح وضع عمار

د بدريه:من متى وياه الحراره

شوق :من كم ساعه..

بدريه وهي تناظر عمار وتبتسم لوسامته الجذابه

وبحنان:الحين يابطل بعطيك الدواء وان شاء

تصير بخير..

.....:دكتوره بدريه وين اوراق المريض اللي من شوي..

تصلبت مكانها وهي تسمع نفس الصوت

اللي من سنين..ماقدرت تلف وتشوف اذا كان

هو او لا...

معقولــه بيجمعهم القدر مره ثانيــه..؟

غمضت عيونها وهي تحس فيه يمر من وراها

ويقرب للدكتوره اللي مقابلها..

قلبها ورجفة جسمها توهتها اكثــــــر ..

ماتبي تفتح عيونها وتنصدم بالواقــع المــر..

شدة على ايدنها وهي تفتح عيونها ببطى..

..**..

مها بصدمه:يمه انتي اش قاعده تقولين..؟

امها بتعب:اللي سمعتيه وانا اثق في حاتم ولد

جارتي واكيد انه بيصونك ويحافظ عليك..

مها بواقعيه:يالغاليــه وانتــي..؟

امها ببرود:الله مكثر هالخدم بنجيب خدامه تقوم فيني..

ابتسمت مها بالــم:وشلون تبيني ائمن عليها

الشخص الوحيد اللي يعتبر سر راحتي في اخرتي ودنياي..؟

طالعتها امها بجديه:كل البنات قالو مثلك وكاهم

تزوجو وتيسرو ببيوتهم وماصار شي..

ركزت بعيون امها ..وبثقه:بس انا غير عنهم ..

انا ماعندي الا انسانه وحده اهي امي ابوي اخوي

كل شي الكل يمه تدرين شنو يعني الكــل..

تنهدت امها بتعب وبصدق:اذا تبين رضاي وافقي.

نزلت راسها بحزن ودموعها على وشك انها تنزل

وبهمس:بشــرط يمه..اللي يبيني ..يرضى تكونين

معاي من اول يوم اعرفــه

انصدمت من شرط بنتها ..وبخوف:واذا مارضى..

طالعت امها بثقه:اللي مايبي امي من الاولــه

بيعيفني في التاليـــه..

..**..

ذياب وهو كاره نفسه:يمه تكفين انسى الموضوع وريحني ..

الجده بغيض..:انتو ناوين تموتوني انت تبي ترد

مرتــك واهي موافقه على فهد..

شد ضهره وهو يبلع ريقه بصعوبه رجعت تتخلى

عنه من جديد..!!!

تبي فهد فضلته عليك وش تبي اكثر من كذا

هه مثل ماذبحتيني بالاولــه هم ناويه تذبحني..

طالع امه ببتسامه كذابه:اجل الله يوفقها يالغاليه

ركزت عيونها بعيونه ..وبخوف:انت ناوي على

شي مو زين صح..؟

يستغرب شلون جدتــه تفهمه احيــانا

شتت نظراته باللي قدامه ..وبعمق:كل شي بوقته

حلو يمــه..

..**..

ماتبي تفتح عيونها وتنصدم بالواقــع المــر..

شدة على ايدنها وهي تفتح عيونها ببطى..

وبسرعه طاحت عيونها بعيـــونه المرسومه في

ذهنها..

طالعها وهــو

يحس كان الكون غاب كله ومابقى غير دقــات قلبه..

ماقدر يشيل عيونه وهو يطالع بعيونها البنيه

قطع عليهم صوت الدكتور:دكتور مشاري فيه شي؟

فتحت عيونها على وسعهم بعد ماعرفت اسمه

نزلت راسها بتوتر ..

اهو ماخاب احســـاسها..

وشلون مافكرت انهم ممكن يلتقون بيوم من الايام

بسرعه طرى في بالها عمار

لفت لجهته وهي تمسك كفوفه بقوه..

وقفت بعثره والرجفه باينه عليـــها..

شالته بين ايدينها وسط نظراتهم لــها

وقبل تطلع من البــاب..

وقفها صوت الدكتوره:لحظه لحظه انا للحين

مانتهيت من معاينه المريـــض

وقفت مكانها وهي تحس بخنقه فضيعه..

نزلت ولدها وهي باقيه ماسكه بكفه بقــوه..

ماراح يعرفني..

لازم مايعرفيني..

رفعت راسها بعزم وخوف وهي تلف وترجع

تجلس مكانها اللي كانت فيه من قبــل..

ماقدرت ترفع عيونها وطول الوقت نظراتها على

عمار ..

ماقدرت تناظر للشخص الجامد محلـــه كانه تمثال

وهو للحين مو مصدق اللي يشوفه

معقولــه تكون اهـــي..

مستحيــل بس هذي وياها طفـــل

يكون ولـــدها..؟؟؟

حس بطعم الموت من هالفكره اللي طرت في بالــه

وشلون يتاكد اذا كان اهي او لا..

ركز نظراته على الطفل وهويسمع سؤال الدكتوره

عن اسمــه

عمار ببرائه:انا عموري

الدكتوره ببتسامه:لالا قولي اسمك الكامــل..

شوق بسرعه.:اسمه عمار احمــد

عمار طالع امه بستفهام ..

مشاري بدون شعــور:وانتــي شنو اسمــك..؟

طالعته د بدريه بتعجب اول مره يسال عن اسم ام

المريـــض..

شوق بقــوه مزيفه:اسمي وعــد

نزل عيونه عنها اول ماسمع اسمها وطلع بخيبه

وبقلبـــه..

وعـــد

هه الله يوعدنــي على خير واشوف اللي عذبتني

تنهد بصمت ..سبحان الله وشلون تشبها..

وشلون بنام الليــله وقلبي من الضيم محروق

..**..

ابو تركي بطمع:خلاص حياكــم بكره ولاتنسى

جيب الاهل معاكم ينبسطون

فهد بسعاده لاتوصف:ولايهمك ياعـــم ..

ابو تركي:اجل سلم عليكم وانا ابوك

فهد :ان شاء الله في امان الرحمــن..

سكر من فهد وناظر بنته اللي تبكي جنبه بصمت

طالعها بملل..وبخبث:الحين ابي اعرف ليش

تبكين ..ذياب ورفضتيه وفهد ووافقتي..

الا اذا تبيني اكلم فهد واقوله انك ماتبينه ..وابلغ

ذياب بموافقتك عليه فماعندي مانع

حركت راسها بنفي وهي تمسح دموعها:لالا يبه

ابي فهد ومالي عليه اعتراض

ابتسم ابوها بنتصار..:اجل مبروك عليك ولد العز

والغنى..

قامت من عند ابوها وهي ترثى حالــها وشلون

يكون يكون هذا اب ..

..**..

دخل مكتب صاحبه وهو مستغرب انه للحين مانتبه

عليه..

قرب من الطاوله وضرب عليها بخفيف

اول ماتلاقت عيونهم استغرب نظرة مشاري

التايهه..وبستفهام:مشاري فيــك شي..؟

مشاري وهو ياشر على الكنب اللي بزاويه الغرفــه

:تعال نجلس هنا واحكي لك...

ذياب انصدم من الكلام اللي قاعد يسمعه ..

معقوله تكون هي بس خبت على مشاري

او

معقولــه حبيبة صاحبه تزوجت..

وصار عندها بيبي وصديق عمره عايش بعذاب

نفض هالافكار من راسه وهو يناظر بعيون

مشاري المرهقه..

تنهد بصمت ميت..معقوله الحب يذبح لهالدرجـــه

ويذل رجــــال ...

حط ايده على ايد مشاري ..وببتسامه مزيفه:قمت

تخرف يامشاري وتتوهم انك تشوفــها

مشاري بضياع:مادري ليش احسها هـــي

وسرح لبعيد..ولا ليش كانت ترجف..

رجع ناظر بذيــاب وبصدق..ذياب شفت في عيونها

نظره غريبه كلها الــم..

ليش قلبي موب مصدق انها مو اهــي ..ليش؟؟

غمض عيونه بتعب وهو يريح جسمه على الكنب

وبالــم واضــح:احنى يامشاري مالنا الا القهر..

طالعه مشاري وتوه ينتبه لشكل ذيــاب المبهذل

وبستفهام:وانت اش فيك ..ليش حالك مو معجبني

رد عليه وهو على نفس وضعه..:ولا راح يعجبك ابد..

مشاري عقد حواجبه وبستفهام :ليـــش..؟؟

فتح عيونه ونظراته لسقف..وبهمس:بتتزوج..!!

مشاري بتعجب:بتتزوج..؟وانت

ابتسم بسخريه:ماتبيني تبي فهــد اخو حبيبهــا

انصدم من كلمة ذياب..وبصوت راخي:وانت..؟

رفع كتفه وهو يتنهد:انا..؟انا ولاشي بالنسبه لها..

طالع ذياب بجديه:لاتخليها تروح من يدك وتندم..

لو انا منك ماخليها تروح لغيري..

عدل جلسته وهو يحرق السيجاره:بكره حفلة

خطوبتها هه من جد حالـــه..

مشاري جن جنونه من برود ذياب

,وبقهر:ذياب سو أي شي صدقني بتموت لو تزوجت..

ذياب وعيونه على دخان السيجاره وبعمق:صدقني

اهي لــي..من صغر سنها..بس خلها تلعب الحين

على راحتها ..الين ارجع اربي فيها من جديـــد..

..**,,

لها ساعتين وهي تبكي وموب راضيه تهدى

جلست قبالها مها بحيره :شواقه وبعديــن..؟

مسحت دموعها وهي تشهق:والله شفته..؟

كنت شاكـــه بس من نادت باسمه الدكتوره تاكت

انه اهو..

مها بصدمــه..:مشـــاري..؟؟؟

حركة راسها بالايجاب:أي مشاري ..ياليتني ذقت

الموت قبل عيني تعرف عيونه..

مها بخوف وهي تبلع ريقها:وعرفــك..؟

شوق براحه:لالا معنو اشك انه لاحظ خوفي

وتوتري..حتى عموري غيرت في اسمـــه..

رفعت أيــدها على قلبها وهي تتنفس براحه:

طحيتي قلبي الله يصلحك على بالــي عرفــك..

اجل ليش كل هالدموع ..؟

شوق ودمعه تمردة على خدها واهي تضرب على

صدرها بقــوه:فيه اشيــاء صحت هنــا كانت ميته

من زمـــان..

..**..

الساعــه ثمــان في بيت ابو تركــي

في ضيافة الرجال,,,

الكل تجمع ماعـــدا ذيــاب للحيــن مابيــن..

بعد العشــاء ..

فهد قرب من عمه ..وبهمس:ياعم ابي اشوف حلا

اذا مالــك اعتراض..

ابتسم له عمه بفرحه وهو يوقف:تعال يابوك هذا

من حقك ..

وقف معه فهد وتوجهو للغرفه الجانبيــه ..

لف عليه عمه وبسعاده:اجلــس هنـــا على

ماجيبها معاي..

ناظر بابو تركــي ..وببراحه:خذ راحتك ..

قبل يجلس سمع الصوت اللي وراه

..وبجمود:الحين تفسخ الخطوبـــه قبل ماتشوفها

لف على وراء بغضب ..وبسرعة البرق اختفت

ثقته وكبريائه وحل محلـــها .......؟

لاتغرك الضحكه؟

الى هنا ينتهي البــــارت...

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

فاصل إعلآني ^_^ / ..

لا احلل مسح اسمي مع على الرواية ..

تجميعي : ♫ معزوفة حنين ♫..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بسم اللــــه الرحمن الرحيـــــم

البــــــااارت الخامـــس...

يتبع ,,,,

👇👇👇

تعديل المقال