رواية تفرقنا سنين وماجمعنا غير الجرح -19

رواية تفرقنا سنين وماجمعنا غير الجرح -19

عيونه اللي تنطق بالشرار..

ارفعت ايدهاا بتبرير ..:صدقني انت فااهم غلط

قرب منهاا بسرعه مسك بعضدهاا بقوه..:انتي

اش سويتي فيني هااااه..؟؟

صاحت بصوت عالي وبرجفه...:ذياااب اسمعني

بالاول بعدين احكـــم..

ذيااااب بصوت عالي...:اش تبيني اسمع أي كذبه؟

تبيني اكذب عيوني واسمعك..؟

تركي من وراهم...:ذيااااب خلااااص..

لف على جهته ذياب..وبحده..:زوجتي وبكيفي انت

لاتتدخل..

قرب منه تركي وشد حلا من ايده وصار مقابله..

وبثقه..:اختى ماتسوي الشينه مفهووووم

قربت من الباب بصعوبه وهي تحاول تمشي

بسرعه ..

دخلت بهدوء وصفقت الباب وراهاا بقوه

وبجديه..:بس انت ويااااه...

تنهد ذياااب بقوه ...:يمه الله يخليك مشكلتي وانا

ادراء فيهاا انتو اطلعو منهااا...

الجده بصوت عالي..:انت تطرني يالذيب..

تركي بسخريه..:لايمه ذيااب شايلناا من باله بالمره

ورجع عيونه عليه وبسخريه اكبر..:على باله

قاطين اختي عليه..

قرب من جدته وهويرجف بشكل واضح..:يمه تكفين

افهميني شفتهاا بعيووني ويا فهد اش تبيني اسوي

هاااه..

شفقت عليه وعلى شكله المبهذل قربت منه مسكت

بيده وبيدها الثانيه عصاتهاا قربته من السرير

وجلسته وجلست بجنبه..وبجديه..:يمه انت تعرف

حلا قبل ماتاخذهاا انت تدري انهاا ماتسويهاا

رفع عيونه على حلاا وبشمازااز..:يمه اللي اعرفه

ان الشيطان للحين مامات

انفجرت خلاااص ماتقدر تتحمل اكثر وتكون

صامته وتشوفهم يقررون على نواياهاا..

ناظرت امهاا وبصياح..:يمه صدقني ماصار شي

كل السالفه انو طلع قدامي بالصدفه وذيـــ

رفع ايده وبحده..:لاتنطقين اسمي على لسانك

وقفت قدامه وبتصميم وهي تمسح دموعها بعنف..:

طلقني احنى عكس بعضنا في كل شي..

وقف بسرعه من بعد كلمتتها اللي طعنته بالصميم

قالتها قدااام الكل بدون لاترحم حالــه..

قرب منهاااا وصدره يرتفع وينزل وبجديه...:لك

اسبوع ياحلااا وانتي بيبتي بدون لاحتفال ولاهم

والا...

تركي قاطعه بصوت عالي..:الى هنااا حدك يالذيب

ذياب لف على جدته وهو يشد على شعره

وبجديه..:يمه الخميس الجاي بتكون في بيتي والا

حلااا بتوصلهااا ورقتهااا وانتو عااد قررو.....

الجده بصدمه..:انت اش قاااعد تقول...

مشى لجهة الباب وقبل يطلع رجع عيونه على حلاا

وبحده..:اللي حصل اليوم ماراح انسااه ..كل شي

ابي اعرفه كل شي مفهوووم...

وطلع بسرعه..

........

ابتسمت له اول مالاحظت حركة جفونه ...

طالعهااا لثواني..وببرود..:انتي ليش مارحتي البيت؟

قربت منه وجلست بجنبه ..:اممم انا ماتعوت ابعد

عن حبيبي...

طالعهاا ببرود وصد بنظراته لبعيد...

مدت ايدهاا ومررت اصابعهاا على خده

وبهمس..:اشتقت لك ..

تنهد بصوت مسموع بدون لايتكلم..

قربت منه بنعومه وباسته ..:امم ليش مصمم انك

تعذبني ...؟

غمض عيونه وبهدوء...:ابي ارتاح ممكن؟؟

رجعت تبوس عيونه..وبهمس..:لا مو ممكن..

تنرفز منهاا ولف عليهاا وبحده..:ميس لو تروحين

للشقه احسن لك ولي صح...؟

رفعت كتفهاا ببراءه..:لا مو صح ..لانك ماعلمتني

ابعد عنك مشكلتك عاااد....

ابتسم على جنب وهو يرجع يقفل عيونه..:انزين

خليك هناا لاتروحيـــن..

نزلت راسهاا على صدره..:مابروح انت ارتاح..

......

واقف قبال البحر وعيونه متحجر على قداام وهو

للحين مصدوم من اللي شافه..

قرب منه مشاري وبهدوء..:ذياااب يمكن فهد يبي

يبعدك عنهاا فكر زين لاتخلي تفكيرك محصور

غمض عيونه بقوه ..وبصوت يرجف..:بس انا

سمعته يقول انه يحبهاا واهياا تحبه..

مشاري بواقعيه..:هذاا انت تقول اهو اللي قال

مو حلااا ياذياب..

لف على مشاري وبقهر..:ليش حظي ميت..كل

ماقلت برتااح صرت اتعس..يعني لاارتحت

بزواجتي الاولى وشكل الثاانيه خيبه

طالعه مشاري وبصدق..:وشلون وانت تحبهاا

صرخ بصوت عالي..:الحب ماايكفي اذا قلبها

وتفكيرهاا مع غيري افهم يــااخي..

جلس مشاري وبجديه..:اسمعهاا بالاول وعقب قول

اللي تقول..لو حبيبتي بنفس الموقف كنت بكذب كل

العالم واصدقهاا لوحدها..

ذيااب بقهر...:بتكذب حتى عيونك..؟؟

مشاري بالــم..:حتى عقلي بكذبه مو بس عيوني..

ولف عليه..وبهدوء..:والحين الحل اللي وصلت له

انك تترك الكل بالمزرعه وتجي هنااا.

ضغط على عيونه بقوه.وبسخريه.:لازم اساافر

وابعد عن الكل ماراح اجي الا بيوم زواجي

الاسطوري...

مشاري لف وجهه وبسخريه..:هه هذا انت ماتتغير

عنيد وتمشي اللي براسك...

........

جلست قبال جدتها بعد ماطلع تركي

وبصوت يقطع القلب..:يمه انا مابيني وبين فهد شي

يمه تكفين صدقيني..

حركت راسها بالايجاب..:انا عارفه كل شي ادري

انو فهد يبيك من زمان وخاصه من بعد ماتزوجتي

اخوه بكم شهر..

حلا اختفى لونهاا وبفتور..:يمه انتي تعرفين كل شي

صح.؟؟

تنهدت جدتهاا بقهر..:أي عرفت بس عقب ماطاح

الفاس بالرااس ولامااتركتك تتعذبين..

شهقت من بين دموعهااا وبقلة حيله..:يمه مارح

اصبر على العذاب من جديد لازم اتطلق من ذياب

طالعتها جدتها بحزم..:يوم الخميس بتكوني ببيته

فتحت عيونهاا ..وبصدمه..:مستحيل يمه

وقف جدتهاا بتعب..:يمه انتي اللي جنيتي على نفسك

وبتركيز...انتي تدرين انو ذياب تعذب من كلمتك

له واليوم بكل قوه تقولينها له وهي تقلد صوتها

طلقني...اجل لازم تاخذينه بدون اعترض..

...

حاتم وهو يحضنهاا اكثر...وبهمس..:تدرين انك ملاكي..

مهاا بخجل..:حاتم خلااص..

قرب شفايفه لخدها وهو يبوسها ..:اممم اش اسوي

يعني ماااقول شي..

رفعت عيونه بعيونه..وبصدق..:انا بديت اميل لك اكثر

من اول..وببراء..كل يوم افكر فيك..

ضحك بصوت عالي وهو يحضنها اكثر..:وانا احبك

ودوووم ساكنه بقلبي..

مهااا بخجل..:اممم يعني حتى انت دوم تفكر فيني..

تركهااا وتعدل بجلسته..وبصدق..:أي كل يوم افكر فيك..

مهاا بفضول..:انزين شنو اللي يخطر ببالك لي..؟

رفع عيونه عليهاا وبقلبه...

لوتدرين شلي افكر فيه انا وعلي ماسألتيني هالسؤال

مهااا بتوتر من نظراته..:امم صعبه تقول..؟

حاتم وبيده كاس العصير..:لالا مو صعب بس كل

شي بوقته حلو..

ابتسمت له ببراءه وقلبهاا فرحان فيه

رد لهاا الابتسامه وهو يمد لها علبه سكريه

بشكل الاسطوانه..:هذي هديه بسيطه اتمنى تعجبك

..*.*..

تركي..بصدمه...:انت متاكد انو جدتي اهياا اللي

فركشت خطوبة فهد بحلاا..؟؟

جهاد..:أي متاكد واذا شاك بكلامي اسال اختك..

تركي وعيونه على جهاد...:ليش ماقلت لي هالحكي

من قبل ليش توك تقوله الحين..

جهاد ..:لاني اشوف كرهك على ذياب كل يوم يزيد

عن اليوم اللي قبله..وبعد كنت ابيك تعرف هالشي

منه مو مني ..

تركي بقهر...:انزين ليش امي تفرض هالشي على

ذياااب يمكن ماكان يبي حلا من الاساس

جهاد بنرفزه..:تركي انت اعمى..انت ماشفت وشلون

تعب ذياب لما تزوجت حلااا..حتى انه من توفى

سيف وهو متغير صاير متقلب بشكل مزعج..

تركي بتشتت..:كل هالفتره وعلاقتي متازمه معاه

بدون سبب.. اثاريني طلعت غبي ومادري عن شي

جهاد وهو يتنهد..:ذياب اكيد راح يتفهمك لو كلمته

تركي بتشتت اكبر..:تتوقع لو كلمته عشان ياجل

الزواج بيسمعني..

جهاد...:اممم مااتوقع لانه اذا قال كلمه مايترجع فيها

..وبواقعيه..تركي وين المشكله لو تزوج الاسبوع

الجاي..؟

تركي بحيره..:بس ذياب يبيه يوم عادي يعني حفله

بسيطه ويشيلهاا..

جهاد ..:لاتنسى اهيااا جربت فرحة الزواج وكمان

اهواا فما راح تفرق بالنسبه لهـــم..

........

**في لبنان**عند ذيااب

رمى القلم من ايده بوسط الاوراق اللي قدامه

وعيونه على جواله..يبي يتصل بس متوتر من اللي

بيسمعه

تنفس بعمق وهو يتصل في امه ..

ذياااب من بعد ماسمع صوت امه..:قوه يمه..

ام ذياااب...:هلا يمه..هلا ذيااااب..وينك يمه ماتسال

ريح جسمه على الكرسي..وبهدوء..:تدرين يالغاليه

اني مشغول وماقدرت اتصل..

ام ذياب ودموعها بعيونها...:اربع ايام يمه ماقدرت

ترفع التليفون وتكلم امك اللي تحاتيك من سافرت

تنهد بصوت مسموع..:السموحه يالغاليه...

مسحت دموعهاا..وبصدق..:مسموح يمه مسموح..

ذياااب بتعب..:الا شلونك وكيف ابوي والجماعه كلهم..

ام ذياب..:كلنا نسال عنك ماعلينا باس..حايسين

بتجهيز العرس جدتك الله يسعدهاا ماتركت شي

الا وسوته...

قفل عيونه وبهمس...:وحـــلااا

ضحكت امه بفرحه بدون ماتنتبه لنبرت الحزن اللي

بصوته..:أي يمه وحلا ماقصرو البنات ماتركو شي

الاماجهزوه لهااا..

تنفس بقوووه..يعني واااافقت يكون الزواج الخميس

يعني تبيه ومو مثل ماتقول انها ماااتبيه..

قريب بيشوفهااا وبيحااسبهااا وبيحتويهاااا..

صحى من سرحانه على صوت امه..

ام ذياب..:الا يمه متى بتجي مابقى شي على العرس

ذياااب بثقل..:مادري يمه بس ماراح اطول

هاليومين بشوف لي حجز واجيكــم

ام ذياااب ..:ان شاء الله يمه..الا خذ ساره تبي تكلمك

اخذت الجوال وابعدت عن ام ذياااب .

وبعتب..:وينك ذياااب ليش ماترد علي..

ذيااااب بقهر..:قبل العتب ليش ماتسلمين..

ساره بملل..:لو تبي السلام كان اتصلت او رديت

على اتصالاتي...

ذياااب بطفش..:والمطلوب..؟؟؟

ساره بصوت باكي..:اتركهاا لاتتزوج وتحرق قلبي

ذيااب بحده..:ساره لاتمثلين وتوهمين

نفسك انك مهتمه فيني او تدرين عني شي..

وبصوت عالـــي..على بالك ماادري بلعبت

الحمل

ساره بتوتر..:أي مو حاااامل ومابي احمل الحين

يكفي

هالعله اللي مطلع روحي.

ذيااب بصدمه..:تقصدين بااااسل..

ساره بخوف..:انا مااقصد..

صرخ بصوت عالي..:هين ياساره كذبتك وعديتهاا

لك وقلت يمكن تعترفين وطبعا ولا على بالك..

بس توصل لـ باسل مستحيل اعديــهاا لك..

سد الخط وهو يرمي الجوال على الطواله..

قفل عيونه وهو يتنفس بقوه ماراح ينسى صدمته

فيهاا من قالت له جدته بسالفة الحمل

ذيااب بذهول..:شلون عرفتي يمه!!!؟

الجده بصدق..:اليوم البنات كلهم يصلون الا هي

وبالغلط قالت مالهاا صلااة يعني مو حااامــل..

وقف بسرعه وعيونه تنطق بالشر..:يمه ماراح

اعديها لهاا صدقيني راح اخليها تكره اليوم اللي

فكرت تكذب علي فيه..

الجده وهي واقفه قدامه..وبرجاء..:اذا كان لي غلاة

عندك يالذيب لاتعلمهاا بشي وتركها اهياا اللي تقول

من نفسهاا..صدقني لو تأذيهاا راح تخسر شي

كبير من غلاتك عندي...

عصر على كفه وهو يفتح عيونه ويطالع بالاوراق

اللي قدامه..

حياته مشتته وعاجز يرتبهاا ويلاقي حلول تنصفه

اخذ القلم وهوناوي يخلص شغله وباله ابعد من

الشغل والتجااااره...

...........

**ببيت شـــوق**

عمار..:ماما معليه انادي صاحبي يجي يلعب

معاي هنا ببيتناا..

شوق وعيونها على التليفزيون..:أي حبيبي عادي

ورجعت عيونها عليه..بس بشرط اول شي قول

لخالك احمد..

احمد من وراهم...:يقولي عن شنو..

جرى له عمار من سمع صوته وهو يتعلق

فيه..وببراه..:ابي صاحبي يجي يلعب معاي هناا بالبيت..

احمد..:خلاص متى ماحبيت يجي قول لي عشان

اشتري لكم اللي تبون..

ضحك ببراءه وهو يحضن احمد..:شكراا خالو..

باس عمار على خده..:العفو يابابا..

جلس بجنب شوق..وبتردد..:اممم كلمت راشد امس

لفت عليه وباين بعيونهاا الفضول..وبهدوء.:كلمته

في الموضوع..؟؟

احمد وعيونه على عمار..:أي بس اهوو معند يقول

تختارين ياا..انااا يااا عمار وماعندي حل ثالث...

غمضت عيونها بعد ماطاحت دموعهاا من جديد

هذاا اهوااا راشد القاسي من بعد حملهاا وهو شخص

ثاااني مجرد من الرحمه..

....

**عند حلااا**

الصباح الساعه 8....

لبست على السريع وهي كارهه نفسهاا رفعت

شعرها ولبست اسود باسود..

قربت من المرايه وهي تطالع وجهاا اللي خالي

من الحياااه..

ابتسمت بسخريه وهي تتذكر انو موعد زوااجهاا بعد

يومــين..

لفت على جهة الباب وهي تسمع صوت تركي ينااديها..

قربت من شنطتهاا والعبايه وشالتهم بيدهاا وهي

تلبسهاا على السريع.

تركي التفت لها من عقب مادخلت للسياره واهيا

صااامته..

مد ايده ومسك بكفهاا.:ناقصك شي يالغاليه..

حلا بختصار..:لا

تركي وعيونه على الطريق..:ليش ماقلتي لي انو

امي اللي جمعت بيك وبينه..

حلا..:.....................

تركي وهو يتنهد..:انتي بتجلسين كذاامثل الميت

حلا..:ليش انا اعتبر من اعداد الاحيااء..؟؟

تركي بواقعيه..:ادري انو تصرف ذياب مأثر فيك

بس لما تخيلت انو هالموقف حصل معاي يمكن

اتصرفت بتهور ومو مثله اللي كان متفهم..

حلا بسخريه..:اهاا كل اللي صار وكان متفهم..اجل

زواجي بهالسرعه يعتبر تفهم...؟؟

تركي..:انزين بنكمل كلامناا متى مارجعتي من

الجامعه ..

تنهدت وهي تفتح الباب..:ماله دااعي نعيد في القديم

يلاا سلااام..

...

**عند ميـــس**

غصب عنهاا نزلت دموعهاا..وبقهر..:وبعدين معاك

خالد وهو يجر الحاف على وجهه..:اطلعي براء ابي

اناام الحين

ميس بقهر..:خالـــد...

خالد وهو على نفس وضعيته..:يعني شلون اطلع

اكمل نومتي بالصالــه..؟

قربت منه وهي تنحنى لجهته..وبحنان..:طيب

طالعني ..

جلس بضجر وهو يناظرها بقوه..:نعم تبين شي..؟

رجعت على وراء من حركته المفاجئه..

قربت منه اكثر وهو تجلس بجنبه..:انت ليش متغير؟

غمض عيونه بالم ورجع يركز فيهاا..:انتي اللي

متغيره من حصل اللي حصل وانتي وحده ثاانيه..

ميس بصدمه..:انااا؟.؟

خالد بثقه..:أي انتي..وبختصار..:انا حجزت لك

تذكره عقب يومين عشان تنزلين لاهلك منهااا

تولدين هنااك ومنهاا ترتاح نفسياااتك..

ميس بخوف..:بس انا مرتاااحه معاااك..

خالد بالم..:ماحب الشفقه ولهجة التعاطف هذي..

وقف بغضب..وبصوت عالي..:انت اصحى أي

تعاطف واي خرابيط انت لو الجرح بداخل عيونك

اش كنت بتسوي فيني هاااه..

بس لازم تتاكد مو انا يااخالد اللي ترمي نفسهااا

ولانو فعلاا انا مليت من تفكيرك المتخلف مابي

اكون معاااك بمكان وااااحد..

خالد بشك..:يعني تعترفين اني خلااص مااعت

اعجبك ولا اهمك..

ميس بخنقه..:اووووف منك ومن عيشتك القرف

..ابي اروح لهلي بس مو عشان اولد عشان اكون

معاهم طول العمر..

......

**بالجااامعــه**

مهاا ابتسمت بامتنااان..:مشكوره يــااا

حلاا ببتسامه ممثاله..:اسمي حلااا

مها ..:مشكوره حلااا..مدري اش اللي صارلي

ودخت وماحسيت بحالي..

حلاا ..:ماتشوفين شر حيااتي..

مهاا وهي تجلس في الكرسي المقابل لحلا..:انتي

طالبه جديده هنااا موو..؟

تنهدت بصوت عالي..وبهدوء..:أي مالي كثير

من سجلت..

مهاا بتردد..:شكلك للحين وحيده ومامعاك احد..

حلاا ببرود..:ايه للحين ومايهمني اصلاا..

مهاا بتردد..:امم عادي متى ماحبيتي تعالي هنا

بمكتبي حتى انا وحيده ومالي علاقاات كثيره..

حلاا ببتساامه..:بصراحه ماراح افوت كذا عرض

وخاصه

اني ارتحت لك بالمره..امم طيب ممكن تحكين لي

عنــك...؟

مهااا بكل راحه بدت تحكي لهااا عن شوق

صاحبتهاا والاهم عن حاااتم اللي صار عايش بقلبهاا

قاطعهم صوت جوال حلاا بعد مااكانو مندمجين في

السوالف..

ردت بهدوء..:هلا حبيبي..

......

ابتسمت بحب...:اوكي شويات وانزل لك انت

صرت قريب من الجامعه صح...

.......

حركت راسهااا بالايجاب..:ان شاء الله تركي يلا

سلام...

قفلته ورجعته للشنطه وعيونها على مها..:مهاوي

سواليفك ماتنمل ياليتني عرفتك من زمان..

مهاا وهي توقف مع حلا..:ولا يهمك الايام جايه

والحين يلاا لاتتاخرين على زوجك..

حلاا اختفت الابتسامه من على وجها ..:هذا اخوي

مو زوجي..

مهاا..:اسفه حبيبتي على بالي زوجــ

قاطعته حلا بمراره واضحه..:لالا لاتتاسفين اساسا

زوااجي عقب يوميــن..

مهاا بصدمه..:بعد يومين وانتي لسى هناا..

حلاا وهي ترفع كتفهاا..:عادي وين المشكله..

وبرجااء..:تكفين مها تعالو انتي وصااحبتك وامك

للزوااج..

مهاا بخجل..:بس يعني تونا متعرفين على بعض

ومادري اش اقول حق امي.,.

حلاا ..:مومشكله اعطيني رقمك وامي بتتصل بامك

وراح يتفاهمون كذاا حلووو..؟

مهاا بحيره..:مادري بس يلا خلينا نجرب..

.........

**بيوم الزواج(ذياااب)...

عيونه تناااظر الكل بنظراات خاليه من أي تعبير

جالس بس ماايحس بروحه..

قرب منه تركي..:ذيااب يااخي النااس بدت تسال

اللي يشوفك يقول محزن مو كانه يوم زواااجك..

رفع عيونه على تركي..ناظره لثواني :يصير

خير...

يتبع ,,,,,

👇👇👇

تعديل المقال