رواية خاتم في اصابع رجال -23
دموعي بدت تطيح
وانا تذكر اني شفت رابح واقف عند بيتنا اللي كان سعيد
تميت نص ساعة وبدا خوفي يزيد المكان بدى يظلم وما بقى شي على أذان المغرب وخايفة بعد ان حمد وسارة صابهم شَي
حسيت بالقهر من نفسي اكيد هم يتظاربون وياه وانا قاعده هنيه شو من قلب عندي
لازم اروح اساعدهم واوقف معاهم
لازم اخلي الخوف والدموع ..
نشيت بسرعه وشليت كيس الأغراض
ما ادري هالأغراض بتنحط في الثلاجة ولا لا
ييت بطلع من المكان وما ادري ليش تكونت صورة مشوشة جدامي
ومسرع ما اختفت
خفت وايد وظهرت من المكان وانا اركض
لاحظت نظرات الناس المستغربة مني بس ما عليه
انا وايد خايفة
وصلت للبيت ودخلت
ووقفت مكاني مصدومة وانا اشوف رابح معصب ويوجه كلامه لساره خفت وايد
شفت ساره انتبهت علي وتجدمت مني
ناظرت بعينها ابا اعرف بشو تحس
بس صعب هالشي سارة انسانة غامضة محد يعرف باللي تحس به
اقتربت مني وشلت الأكياس اللي انا شايلتنها
شفتها تحرك حلجها
سارة : انا ما قلت لا تطلعين من البيت !
نزلت براسي بإحراج مادري ليش خفت اني انا سبب معرفة رابح لمكانا
رفعت راسي بصدمة من هالفكرة وعيوني بدت تمتلي دموع
شفتها تبتسم بس مبين ان الابتسامة مش من قلبها
سارة : يلا روحي ادخلي واطبخي لي شي يوعانة ، وانا بظهر ويمكن أتأخر ف خلي الأكل برا لين ما ايي ,, زين ؟
هزيت راسي بطواعية ما اقدر ارفض لها طلب
مع ان في خاطري امسكها واقولها انا خايفة لا تروحين عني
بس ساره انسانة صعب نطلع مشاعرنا تجاها يمكن لانها ما تعطينا ردة فعل
مشيت لداخل البيت وما خفت علي نظرات رابح
رابح : إيييه يرحم ايام اول قبل لا شافتني هالصعلوكة ارتجفت وانخشت بزاوية والحين تحقرني ، معلوم معلوم والكلاب خلو مني مهزلة
يتني رجفة من كلامه شقصده ؟
قفلت الباب بسرعة ابا اكتم صوته ، صوته يرعبني
ركضت بسرعة لحجرتي انا وسارة وحطيت الأكياس داخل
خايفة وايد خافية
قعدت في الزاوية أحاول ابعد صوته اللي علق ف ذهني
ضميت ريولي لصدري وفي بالي اشياء وايد اولها الصورة اللي ظهرت جدام عيني وشو بيسوي رابح بسارة وهل بترد حياتنا شرات قبل ..
فزيت وانا اتذكر اني أخرت صلاة المغرب
وديت كيس الأغراض المطبخ وحصلت حمد داخل
حمد : مرحبا رحوب
هزيت له راسي
حمد : شو بتسوين عشا بليز فول
ابتسمت له مسكين مهما حاول يسوي نفسه عادي يبين انه مطعون
هزيت راسي بحماس وانا ابتسم
واشرت بإيدي ان فيه شي ثاني بطبخه
حمد : بتطبخين شي معاه يعني
هزيت راسي بإيه
حمد : تعرفين طعمه
ضحكت وهزيت راسي بلا
حمد : عيل لا تتفلسفين اطبخي فول وبس مافينا ع الحريق
طالعته بنظره اوني الومه وهو على طول ضحك
حمد : خلاص آسفين حقج علينا مافينا ننحرم من الأكل بعدين مستقبلنا مرهون بج ..
ابتسمت له ورحت أحط الأكل في المطبخ
وتوجهت لحجرتي ويوم ييت بقفل الباب
تفاجأت بحمد واقف عند بابي
استغربت من حركته بس شكله كان كأنه حرامي
حمد : اقول رحاب (وبهمس) وينها ساره ؟
ضحكت عليه شكله يبا يشرد
حسيت ان ماله داعي يدري ان رابح رد ما فيني مزاجه يتعكر
فقلتله داخل ، كذبت عليه لأني ما اباه يظهر من البيت فلو كانت ساره محد فهو بيظهر بعد ..
وانا أخاف اقعد بروحي
شفته يبتعد مني وشكله ملان
قفلت علي الباب
ودخلت الحمام اتوضى
سعِيد
يَالِس بالصالة أتريا الأعزاء فارس ورحاب يظهرون من الحجرة
والله قمت أشك ان هم الحريم
لو رحت جناح الحريم متأكد مليون بالمية انهن خلصن
بس الشيوخ اللي عندنا يتمخطرون وكل شوي يطالعون اعمارهم بالمنظرة
شو هالسخافة
نشيت وانا احس اني بنفجر فيهم مرت ساعه الا ربع من يوم ما دقن الحريم قالن جاهزات
وهيل مادري شو يسووون
دخلت الحجرة معصب ووانافخ
سعيد : انتو يلااااااااااااااااا أخرتونا بيي العصر ونحن ما ظهرنا
تأملتهم واحد يالس يطالع بدلاته اللي ف الشنطه وكأنه محتار شو يلبس
والثاني يقصقص ف شنبه ..
هيييل بيجلطوني
صارخت بكل ما أوتيت من قوة علهم يحسون
سعيد : فارس وحارب قسم بالله ان محد يظهر وياكم شوه السخافة
حسيتهم انصدموا مني انا الأخ الحنون الطيب البارد جيه اسوي مصيبة
فارس : خلاص يلا اخترت بدله اسبقني
سعيد : والشيخ حارب عايبنك شكلك الحين ولا لا
حسيته انحرج وع طول حط المقص ع الطاولة
حارب : من زمان انا مخلص بس اتريا فارس
سعيد : خلاص تعال بنركب وهو خل يلحقنا ، وع فكرا باخذ اهلك عشان نرتب المكان .. انت الحقنا بس بسرعه
فارس : اوكي اوكي .. ياي ما بتأخر ان شاءلله
ظهرنا من الجناح انا وحارب ودقيت على امي عشان يظهرون
حسيت من رمستها انها معصبة واعصابها محروقة من الانتظار
من حقها صراحة أخرناهم .. او بالأصح هم أخروهم انا ما يخصني ..
نزلنا للاستقبال وخليت حارب يسير صوب الباص اللي حجزناه عشان يبلغ الدريول
وانا يلست اتريا الحزب الانثوي
انفتح اللفت وطلع حزب حريم سرت صوبهم
سعيد : يمه ..
ام سعيد : هلا سعيد ، حشى والله ماعرف شو تسوون من الصبح نترياكم البنات اللي هم البنات خلصوا ..
سعيد : ها فارس أخرنا , عمتي انتو دوم تعانون وياه !!
ام فارس : ههه اسمح لنا والله جان عذبك ولدي بس هاي عادته لازم ينقعنا
سعيد : انا اتحسب بس يوم نحن الشباب بنظهر ما توقعته جيه دوم !!
ام فارس : هههه ماعليه بأدبه
التفت يوم شفت فاري يتجدم منا سويت عمري معصب
سعيد : يلا بنمشي للباص حارب سبقنا ..
شفته يتجرب مني
فارس : بلاك معصب
سعيد : مب معصب
فارس : لا فيك شي
سعيد : فارس رجاءً خل نمشي اعصابي تلفانة
حسيته تحسس من كلامي واسلوبي وسكت ، انا صدق مادري شفيني متنرفز
الأحلام اللي أحلمها هالأيام مب طبيعيه
ركبنا الباص ويلست انا حذال راعي الباص ..
أمرت السايق يبدا يودينا الأماكن السياحية اللي في باريس ..
بما انه يشتغل دليل سياحي .. وسايق باص
دق تلفوني فجأه ..
محمد متصل ابتسمت يمكن يغير مزاجي الزفت اليوم
سعيد : يا مرحبا والله
محمد : سعووووووووووده يا حمار
سعيد : سعوده ف بطنك يالدب
محمد : احلف اني دب احلف
سعيد : هيه ومكرش بعد
محمد : غيراااااااااااااااااااااااااااااان
سعيد : على شو غيران يا حسرررة
محمد : لاني تزوجت
سعيد : من صدددددددددقك !!
محمد : هيه والله
سعيد : يالدددددددب كيف تتزوج من دون ما تقول ولا تتريانا يالخاين
محمد : مثل ما سويتو فيني يالسبلان ، مخليني بروحي في الشقاء والعناء والحررر
سعيد : كيف جيه محمد !!
التفت لورا مكان ما فارس وحارب يالسين
سعيد : تصدقووون ان محمد خططب وتزوج بعد
فارس : لا جدد !!
حسيت ملامح حارب تغيرت ، الظاهر تذكر خطيبته
سعيد : زين محمد ومنو تعيسة الحظ
محمد : في عينك تعيسة الحظ .. الشيخة zozo
سعيد : وبعد مدلعنها .. محمد لا تستهبل الحين صدق عرست ولا كيف !!
محمد : هيه الحرمة يت وخطبتني مو انا .. وبعدين انا وافقت عليها بعد ما استخرت
سعيد : هاه !!
محمد : الحرمة يت وسمتني ريلي عاد انا سميتها مرتي .. ياذكي يعني خذت لي حرمة وهمية
سعيد : يا الهررررررررررررم يعني تستهبل ما تزوجت !!
محمد : بطيت اذني ايييه اعصابك ,, كل ها عشان ما تزوجت !!
سعيد : هيه تدري بي اغار عليك , يعني ما بقدر ارتاح وانا اتخيل انك ويا مرتك
محمد : اييييييه الله يخسسك شو هالكلام ، احسك اليوم مستخف !!
سعيد : هيه والله ، دامني ويا حارب وفارس زين اذا وصلت البلاد وانا حي
محمد : هههههه وحليييلك والله ، مسكييين
سعيد : جب جب
محمد : ووينهم الحمير ؟
سعيد : ورا
محمد : انتو وين
سعيد : في الباص سايرين نتفسح
محمد : اها ان شاءالله ما تستانسون !!
سعيد : اقول محمد انجلع .. تبا ترمسهم ؟
محمد : لا طبعا زعلان منهم
سعيد : صدق ؟
محمد : يب يب يلا انا بقفل الحين خسرتني !!
سعيد : زين فمان الله
محمد : مع السلامة ، لو استوى بكم شي خبروني عشان استانس
سعيد : نذذل
محمد : بااااااااااااااااااااااااي
طالعت الفون بعد ما قفل هالدب ..
عجيب هالريال الله يحفظه ..
ساره
يالسة في مطعم انا ويا هاللي ما يتسمى !! من ساعتين وانا يالسة وياه وهو مش راضي يفهم
أو بالأحرى انا اللي مب فاهمة شي
من يوم ما ياني للبيت وانا مب فاهمة شو يقول
بس فالح يردد " قوليلهم لا يلحقوني "
سارة : منو هم اللي ما تباهم يلحقونك ؟
رابح : كم مرة اعيد لج غبية انتي غبية !!
سارة : احترم نفسك انا الحين ما اشتغل عندك !! اي غلط يصدر منك على طول للشرطة
رابح : والله واستقويتي يا سارة
سارة : خلصني شو تبا الحين !
رابح : انتي تقدرين تبعدينهم عني !! من يوم الحريق وهم يطاردوني !! قوليلهم انج تبيني ويا ويله اللي يلمسني
سارة : قصدك الأفرع اللي في العصابة اللي كنا فيها يلاحقونك !!
رابح : هيه
سارة : وبأي صفة اقولهم ؟
رابح : لا تستهبليييييييين على مخي وتسوين نفسج ما تدرين
سارة : شو هو الشي اللي لازم اعرفه وانته تتحسبني اعرفه
رابح : يعني بتمين تتغيبين ؟
ساره : افهم يا بقرررررة انا ما استهبل انا اقول الصدق , انا ما اعرف عن شو تتكلم ...
شفته يتجدم صوبي يبا يخنقني ، الظاهر يتحسب اني استهبل وياه
من الصبح يعيد هالجملة علي ... لاتسوين نفسج ما تدرين
زين انا صدق ما ادري
تميت اطالعه ببرود خل يمد ايده علي , ويشوف شو بيصير ..
حط ايده ع رقبتي وبدا يرص عليها
حاولت اعضه بس مافيه فايدة احس بدوخه فظيعه ..
ومن الله راسي هالأيام مب طبيعي وايد يعورني
تمت ارافس بريولي عل وعسى تييه ظربه من ريولي
واللي يقهر ان نحن ف طاولة في الزاوية ومحد يقدر يطالعني وينقذني
رفست الطاولة بقوة لأنها الأقرب لي وعشان يسمعون الناس الأصوات وينقذوني
غمضت عيني بعد ما حسيت اني بموت ..
حسيت فجأه بحد يسحب ايد رابح فتحت عيني بضعف وانا اتمنى ان هالشي صدق
انصدمت وانا اطالع كومار واقف يسحب ايد رابح
حسيت بإيد رابح ترتخي وملامح الرعب في ويهه !!
استغربت لكن يوم شفته هد رقبتي بديت اتنفس واكح .. كنت بموت
شفت رابح يقوم بسرعه خايف يبا ينسحب من المكان ..
لكن كومار مسكه بإيده
كومار : وين رايح ؟
رابح : أأ خلاص بروح .. عندي كم شغلة
كومار : وظنك بخليك تروح بهالسرعة ؟
رابح : سو بي شي واسوي بكم اشياء .. ولاتنسى ان هذي موجودة ..
استغربت من كلامه لكن بينت اني مب مهتمة
نشيت وطلعت سمعت أذان العشاء
رددت مع المؤذن مثل ما تسوي ام عبدالعزيز
احترت من رابح وشو يريد
واحترت اكثر من كومار .. شمعنى هو اللي ياي
وليش يلحقونه كومار وجماعته
لكن كل هذا ما يهمني ...
كل شي بعرفه بوقته
مشيت محتاره هل اروح بيتنا ولا اروح عند ام عبدالعزيز
اخاف تحتاجني وهي تشتغل ..
لكن فكرت في رحاب يوم يت وحصلتني ويا رابح شكلها ما كان يطمن ..
وغير هذا لازم اكلم المحامي حق عبدالعزيز والغي اللي سويناه
الله يهديك يا عبدالعزيز .. ضيعت عليك فرصة
حسيت اني مصدعة واذا رحت عند ام عبدالعزيز بتعبها اكثر من اني افيدها
توجهت للبيت بعد ما ركبت تاكسي
عشر دقايق ووصلت للبيت استغربت يوم شفت سيارة موقفة حذال بيتنا
نزلت .. ناقصه انا
فتحت البيت بالمفتاح ودخلت
اول ما فتحت باب الصالة انصدمت وانا اسمع حس راكان وعبدالعزيز وحمد
حسيت اني اتخيل لكن يوم شفتهم وقفوا كلهم يوم شافوني عرفت اني صاحية للحين وما فقدت حسي
ابتسمت لهم ولاحظت ملامح عبدالعزيز المرتبكة .. ههه الظاهر مستحي مني
لاحظت ان بو راكان كان موجود بينهم
تكلمت بهدوء
ساره : زارتنا البركة ..
وتجدمت ايلس حذال رحاب
كنت مجابلة راكان اللي مبين انه متشقق من الوناسة وابوه وعبدالعزيز
وفي الكرسي اللي خذالهم حمد اللي مبين من ملامحه المنتفخه انه توه نش من الرقاد
راكان : ساااااااااااااره يالدبه يالحماره قومي احظنيني سلمي علي عبري عن وناستج بشوفتي .. كم صارلي ما شفتج هاه .. يالله كيف انتي باردة بتذبحيني
ابتسمت له والتفت لابو راكان
اللي كان يظرب ولده بكوعه يباه يصطلب ..
ساره : شخبارك عمي ؟
بو راكان : الحمدالله ,, شخبارج ساره
ساره : الحمدالله ، نورتونا والله .. ما توقعنا نشوفكم
بو راكان : يايين ناخذ حق عبدالعزيز من الظالم عمه .. انتو بحسبة اولادي وما ارضى عليكم
ساره : تسلم ما قصرت .. عيل ما باقي شي ع المحكمة كلها ربع ساعة
شفته يوقف ...
بو راكان : عيل يلا قومي وياي .. وعبدالعزيز ويانا بنروح
راكان : وانااااااا
ساره : ماعليه عمي تقدر تروح انت وراكان وعبدالعزيز احس احسن انت ريال وانا مب خبيرة في هالأشياء
بو راكان : عيل عطيني رقم المحامي ولا وما وكلتي
ساره : اسمه ذياب ال... , وهذا رقمه ....
بو راكان : يلا حمد قوم ويانا
حمد : مممم ماعندك مانع يعني ؟
بو راكان : لاطبعا يلا قوم
عبدالعزيز : هيه حمد عشان اتشجع والله اني خايف
حمد : زين يلا ببدل وبيي
بو راكان : بسسسسرعه يلا لأن نحن بنصلي وبنروح للمحكمة اخاف تروح علينا
حمد : زين طيران بييك اسبقوني للمسجد
ظهروا وكلهم وانسدحت انا ع الكرسي .. مرررهقة احس مب قادرة اتحمل الصداع
شفت ملامح رحاب الخايفة
ابتستمت لها اطمنها ...
ساره : شو طبختي اليوم ؟
شفتها تأشر بيدها ماعرف
ضحكت عليها
ساره : يا سلام تبين تموتينا اليوم
شفت ابتسامتها الهادية .. هالبنت ملامحها ساحرة تعجبني
نشيت متوجهه لحجرتي ..
ساره : رحاب حبيبتي يوم ييون القوم قوليلي انا برتاح شوي
شفتها تهز راسها
ف رحت انا ادخل حجرتي والأفكار والصداع بيذبحوني
رابح شو قصده اني اعرف واقدر اني ابعد رجال العصابة عنه
كومار معقولة كان يتنصت علينا ولا كيف يا فجأه وعرف مكانا
مادري كيف يت افنان على بالي وبسرعه مسكت الفون صارلي منها حوالي الأربع ايام ما كلمتها ..
اخاف استوا بها شي مع هالريال الغريب ..
دقيت عليها ما ترد
ياربي ... يمكن تصلي
او كالعادة فاره فونها ..
برقد وبعدين برد اتصل بها .. احس مافيني حيل حتى أصلي
استغفرالله
ارتميت ع الشبرية ومسرع ما تعمقت في الرقاد
خالد
صار لي ساعة افرفر في الشوارع من الملل .. مب اجتماعي وايد لذلك نادرا ما اكون ويا ربعي .. اذا كان عندي ربع أصلا ..
يا في بالي البنت اللي شفتها الصبح .. افنان ..
تذكرت انها قالت بتيي بيتنا .. زين اصلا اهلي محد في بيت عمي ..
ههههه احسن خل تنقع برا البيت محدب يفتح لها
حسيت برغبة اني اروح واشوفها
مادري ليش تخيلت انها يالسة عند باب البيت شرات الطرارة ..
ضحكت وانا اتخيل شكلها .. الخاينة .. تزوجت سكير وخلتني
خلت انسان عاقل يقدر يأمن لها كل اللي تباه وخذت سكير
ليش انزين ؟
انا اللي استاهل ماعرضت عليها الزواج .. واصلا ماعمري بينت لها اني مهتم فيها
طارت افكاري لنسرين .. طلعت الصورتين من بوكي
وكالعاده اسوي مقارنة عشان احس بالذنب
طالعت صورتها قبل .. ملاك ملامحها حلوه ..بيضاء شعرها ناعم فاتح
وطالعت صورتها بعد .. جثه محروقة سودا ..
كله مني كله مني
رفعت راسي بسرعه وحاولت اتدارك الرصيف اللي كنت بدعمه
حسيت السيارة بدت تنحرف عن المسار
وما لقيت غير اني ادخل في الرملة عل وعسى اقدر اتحكم فيها
دخلت في الرملة والعجلتين اللي على اليسار بدن يرتفعن ..
حسيت ان السيارة بتنجلب والموت قرب ..
الحين ببدا اتعذب مثل ما عذبت نسرين
ضحكت بألم .. هههه خلاص نسرين افرحي بتعذب بتشوفيني اعاني
هههه بموت ههه
حسيتا ني استخفيت لذلك بدت تدمع عيني
والسيارة الظاهر من فترة توازنت لكن بسبب افكاري الغبية ما حسيت
شفت سيارتين وقفوا الظاهر يبو يتطمنون علي
فتحت الجامة واشرت لهم اني بخير ..
وبعدها مشوا
رديت السيارة للشارع وتوجهت للبيت وعيوني تدمع واردد .. انا اتعذب اتعذب ...
احس ان صورة نسرين هي السبب في اللي انا فيه .. ولا يتني فترة نسيتها
الفترة اللي تعلقت بأفنان حسيتا ني بديت اتناساها
لكن الحين بديت افكر فيها والاحلام دايما تطاردني تأنبني على اللي سويته فيها
في شي واحد متأكد منه الحين .. ان مابيني وبين الجنون الا شعره ..
ربع ساعة ووصلت للبيت
وقفت السيارة
ودخلت ما كان لي خلق اروح بيت عمي ويشوفوني بهالحالة ..
دخلت حجرتي وارتميت على الشبرية استغفر عل وعسى ارتاح نفسيا
راكان
يالقهرررررر ضاعت علينا الفرررضة .. تأخرنا عشر دقايق من ما خلاهم يطلبون الناس اللي بعدنا وتأجل موعد عبدالعزيز وعمه لبعد اسبوعين
اللي مصدوم منه ان عم عبدالعزيز طلع واحد من معارف ابوي
وانه له قيمة بالسوق على قولت ابوي
ابوي وايد متضايج يقول الحمدالله اللي اكتشفه قبل ما يأسس هو وياه شي ماعرف شو هو
ابوي يقول كلام كبير وانا ما افهم له
المهم ان ابوي كلم عم عبدالعزيز .. وطبعا الدب هذا بدا يقول ان عبدالعزيز نصاب وهو ما يعرفه ومن هالقبيل
وابوي تم يتناقش وياه .. الزبده انه ما رضى وتوعد انه بيحاكم ابوي اذا تدخل
سمعت حس ابوي يرمس عبدالعزيز
بو راكان : عبدالعزيز
عبدالعزيز : هلا يا عمي
بو راكان : لا تخاف بإذن الله حلالك بينأخذ من الظالم عمك انت بس ادعي الله ينصرك
ابتسمت عبدالعزيز حتى يخاف يدعي على عمه
التفت لحمد اللي من ياه اتصال وحاله منجلب ومبينه الحيره في ملامحه
راكان : حمد شفيك ؟
حمد : أأأ ماشي بس ياني اتصال ومستغرب منه بس
راكان : اها
حمد : عمي تقدر توصلني على طريقكم جده ابا اروح اعزي ناس
بو راكان : لا اله الا الله منو هييل اللي توفى لهم احد
حمد : خالتي وريلها توفوا .. في حادث
بو راكان : يالله الله يرحمهم .. وانت عندك اهل يعني .. ليش مب ساكن وياهم
تدخلت بلقافتي المعتادة وسردت لابوي قصة حمد
حسيت ابوي استغرب وتأثر
بو راكان : لا اله الا الله كلكم مظلومين الله ياخذ بحقكم .. كل واحد حياته اغرب عن الثاني ، لكن سبحان الله على كثر اللي استوى فيكم اشوفكم شباب ناضجين صالحين تعرفون ربكم ..
عبدالعزيز
كان بو راكان يتكلم وانا اضحك عليه عيل احنا صالحين ونعرف ربنا ..
لو يدري بفعايلنا قبل شو بيقول ، واصلا لو لا ساره ما كنا ربع من اللي احنا فيه الحين ..
التفت صوب الجامة وانا اتذكر ملامح عمي وهو يطالعني بغيض بعد ما رمسه بو راكان
مادري ليش احس خوفي منه قل وانه الحين ما يسوى شي
احس الحين وراي حد يقدر يحميني منه وهو بو راكان ..
بو راكان ما قصر وياي ومن ساعه شوي ويبوس راسي يقول رد ويانا جدة ...
بس ساره بتزعل وبعدين عيب كم بقعد عندهم بروح عند ساره ورحاب احسن
وصلت البيت واستغربت يوم شفت حمد نزل وياي مب هو قال انه بيروح جدة عشان خالته اللعينة توفت .. ليش رد ؟
عبدالعزيز : ايه راكان وقف ما بتروح ..
لكن هو تجاوزني ودخل البيت ركض
صديت صوب سيارة راكان وابوه طالعتهم باستغراب وهم نفس الشي
نزل راكان وا صوبي وظربني على ظهري
راكان : حتوحشششنيني يا رحاب
عبدالعزيز : ايه عن السخافة لا تستوي سخيف
راكان : زين صدددق بتوحشني
عبدالعزيز : حتى انت بس يلا انقلع .. مليت منك اليوم
راكان : كذااب ادري بك شوي وتصيح لأني بروح
عبدالعزيز : هيه صح كيف عرفت .. الحين يلا روح
راكان : لا حرام بروح عند ساره اودعها .. تعال وياي عشان انرفزها
عبدالعزيز : هههه شكلها اليوم تعبانة حرام عليك
راكان : مين ساروه تتعب ، تستهبل انت ..
عبدالعزيز : مشكلتنا دوم نعتبرها شي قوي ، لكن في النهاية هي بتظل انثى ..
راكان : اوووه كلام كبيييييييير يا عبدالعزيز , امش يلا
سحبني راكان لداخِل وانصدمت انا اسمع صوت صياح والظاهر انه حمد
اووووه استوى حمد يصيح شراتي ... احس اليوم شي غريب خخخ
أشرت لرحاب وينه وأشرت لي ان عند حجرتهم
مشينا ووقفنا يوم شفناه يصيح عند باب سارة
وسارة واقفة عند الباب تطالعه ببرود
ساره : حمد ادخل الحجرة بتفاهم وياك ، وانتو شو تطالعون ؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك