رواية تفرقنا سنين وماجمعنا غير الجرح -34

رواية تفرقنا سنين وماجمعنا غير الجرح -34

يحصل اللي يحصل مابخليه..

احمد..:يعني بتردين له.؟؟

شوق دمعت عيونهاا ..ليش محد رااضي

يفهمهاا..من رجعو من المزرعه وهالموال تسمعه

كل يوم ..

المشكله مافيهاا تتخلى عن ولدها اللي تحملت عشانه

كل شي..

ومافيها ترجع له وهو تركهاا وراح بدون اسباب

رفعت راسها على كلمة احمد وهي مستغربه

من اصراره العجيب..

احمد..:ها شقلتي بتردين له..

شوق بصوت متقطع..:انت ليش تبي الفكه مني؟؟

احمد غمض عيونه ورد طالعهااا..وبصدق..:راشد

جاي بعد كم يوم..لو يعرف انو مشاري يبي يرجعك

راح يرفض وبيترك عمار معاه فهمتي ..

شوق بهت لونهاا من كلام احمد..يعني راشد بيجي؟؟

تدري انه لو جاء حرمها من عمار .

بلعت ريقهاا من فكرة انها تكون بمكان وولدها بجهه

ثانيه..

ضغط على ايدهاا..وبهمس خالط دموعها..:خلاص

موافقه ارد لــه..

احمد انعصر قلبه على اخته ..بس ماعنده حل غير

انه يقول لها الحقيقه..

وقف ..:اجل عن اذنك بروح لداري ارتاح على

مايجي وقت الاذان..

دخل غرفته وهو مهموم من حال اخته اللي صار

سيئ من طلع مشاري بحياتهم..

رمى بجسمه على الكنب وهو شايل هم راشد

اللي اكيد بيقلب الدنياء لما يعرف بردة شوق

غمض عيونه وبسرعه ابتسم لما تذكر اللي

حصل قبل يوميــن؟؟

جالس ينتظر روز متشوق يشوفها من كثر ماتتكلم

عنها شوق وام مها..

رفع راسه وهو يطالع جهة الباب وصوت طقطقت

الكعب واصله له..

طاحت عيونه عليها بعد مادخل ذياب وهي وراه.

جلس ذياب وهي بسرعه جلست يمه

كان يسولف مع ذياب بس عيونها غصب عنه

تجي لها..

ابهرته بجمالها الطبيعي..وعفويته الوااضحه..

صحى من سرحانه على صوت الاذان

طاحت عيونه عليها بعد مادخل ذياب وهي وراه.

جلس ذياب وهي بسرعه جلست يمه

كان يسولف مع ذياب بس عيونها غصب عنه

تجي لها..

ابهرته بجمالها الطبيعي..وعفويته الوااضحه..

صحى من سرحانه على صوت الاذان

وقف وهو يردد..:الله اكـبر الله اكــبر..

..**..

عند مشاري وذياب..

ذياب..بتفكير..:اممم انزين ليش ماتخلي زواجك بيوم

الخميس مع ملكة احمد..

مشاري بتردد..:امم ماعتقد انها راح توافق.

ذياب بجديه..:دامها وافقت ترد لك لاتشيل هم انت

بس حاول تكلمها وتقنعهاا..

مشاري ..:اساسا ماترد علي لما اتصل.. يعني اللي

ابيه اقوله لاحمد وهو اللي يكون بيناا..

ذياب بتسوال..:انزين ليش..؟؟؟

مشاري وعيونه على اللي راد واللي رايح..:مادري

بس شكلها كرهتني..حتى من عرفت رقمي ارسلت

لي رساله اني ابطل اتصالات وكمان قالت لو فكرت

ارد راح ارد عشان عمار وبس ولاتفكر في شي

اكثر..

ذياب بمراعاة..:معليه لازم تتفهمهاا شكلهاا للحين

مجروحه منك..

مشاري تنهد بضيق..:ماراح اتحمل انه يجمعنا

بيت واحد وهي تكرهني ..وسبب جمعتناا شي

بعيد عن عواطفناا اللي لمتناا مع بعض..

..**..

في المستشفى..

تعب وهو رايح رااد واعصابه مشدوده على الاخر.

لها ساعتين من دخلت غرفة العمليات وللحين ماحد

اعطاه خبر..

فرك جبينه بتوتر بعد ماطالع ساعته..

وبسرعه رفع راسه وهو يشوف النيرس تطلع من

الغرفه اللي فيهاا ميــس..

خالد بخوف..:بشري شلونها ميس..

النيرس ببتسامه..:ميس طيبه ..وجابت بنوته حلوه

ابتسم وهو طاير من الفرحه جاء له بنت مثل ماتمنى

وفوق هذا حبيبته بخير ..

جلس وهو يتمتم..:الحمد الله ياررب..

وقف وهو يشوف ابوهـ وابو ذياب وباقي الاهل

ويااهم..ابتسم لهم وهو يقرب لهم..

ابو ذياب بخوف..:بشر يابوك ولدت ميس

خالد بفرحه ..:أبشركم صرت ابو وصار عندي

بنوته,,وميس طيبه

الكل ..:الف مبروك..اللهم لك الحمد

جهاد..:طيب شلونها ميس..

خالد..:الحين بيطلعونها..يقولون طيبه..

روز بصوت راخي وهي تنغزفاطمه اختهاا بكوعها:

وناااسه واخير ولدت الفيله ,,متشوقه اشوف بنتها

فاطمه ببتسامه..وبهمس..:عليك العوض يالمخفه

مدري شلون بيتحملك احمد ..

ام خالد وهي تناظر فاطمه..:تعالي يمه

..**..

..في اكبر القصور للزواج

مها وهي تمسح دموع شوق..وبهمس..:شواقه

خلصنااا عاد ارتاااحي الله يهداك..

شوق ببحه..:مابي اجتمع معاه في بيت واحد..مابي

اتذكر اللي حصل..مافيني اتعذب من جديد..

مهاا بواقعيه..:حبيبتي الزمن ومشاري كفيلين ينهون

جرحك,, انتي بس انسي المااضي..

شوق سكتت وهي تشوف البنات دخلو للغرفه اللي

هي فيهاا ومعاهم روز اللي تو خلصت الكوافيره

منــهاا..

روز ابتسمت لشوق وهو مبهور من جمالهاا الملفت

شوق ردت لها الابتسامه وهي تاشر لها تجي

وتجلس بجنبهاا..

شوق ببتسامه..:روز اش هالزين كله..مسكين اخوي

بيستخف اليوم..

روز وهي ترمش..:اش رايك اهبل من حلاتي..

غاده وهي تدقها على كتفها..وبضحكه...:اعقلي

يالبزر..

روز بمزح..:حاولت اعقل ماقدرت اش اسوي

عاااد؟؟

فاطمه وهي داخله على ضحك البنات..:الحين

بتعقلين بس يلا اتجهزو عشان الزفه..

وقفت روز وشوق وهم ينتظرون وقت طلتهم لبراء

انطافت الانوار وطلعت شوق بفستانها الابيض

الملفوف على جسمهاا بنعومه ..

ام مشاري ..ومي..وقفو..وعيونهم عليهاا وعلى

حلاها اللي جذب الكل..

مي..:يمه شوفيها وش حلاهاا..مشاري يستاهل الزين..

ام مشاري براحه..:مسكين اخوك مارتاح الا لما

لقاهم..

مي وهي تتذكر عمار..:يمه للحين ماني مصدقه اني

صرت عمه احسه جاء كذا بسرعه..

سكتو وهو يشوفون الزفه الثانيه بدت واللي كانت

نجمتها روز..

..**..

عند ميس..

عدلت جلستها بتعب بعد ماشافت النيرس شايله بنتها

اللي للحين ماشافتهاا..

مدت ايدنها برجفه وهي تشيلهاا وعيونها معلقه بكل

شي فيهاا

ضمتها على صدرها وهي تشم ريحتهاا الحلــوه

النيرس ببتسامه..:لازم تعطينها حليب..

ميس حركت راسها بالايجاب وعيونها باقي على

بنتهاا..رفعت ايدها وباستها بنعومه..للحين مب

مستوعبه انو صار لها طفل صغير..

قربتها منها وهي ترضعها الحليب..

بعدتها عنها بعد فتره قصيره وهي مركزه فيها

سبحــاان الله..

رفعت عيونها على الباب وهو ينفتح..

ووبصدمه..:خالـــــد؟؟؟

خالد ببتسامه..:ماقدرت اجلس بالزواج وانتي هناا..

استاذنت من مشاري واحمد وجيت..

ميس بلوم..:افرض يحتجونك.؟

خالد وهو يقرب منهاا ويشيل بنته..:الزواج مليان

رجال ماضاقت علي..

انحنى عليها وهو يشوف وجهها الصغير وهي نايمه

بحضنه باسهاا على عيونهاا..وبراحه..:يازينك..

ميس وهي تمسح على شعرها..:ياليتني بجنب روز اليوم..

خالد وهو يناظرها..:افرحي لها وهالشي

يكفي..بعدين لاتضيقين نفسك وتروحين عليك الفرحه

ميس وهي تحرك راسها بالايجاب..وبتمتمه:الله يسعدها..

..**..

في القاعه..

رفض يدخل الابعد زفت احمد ..كان حاب انو

احمد يشوف اخته بالثوب الابيض ..وهو يشوف

زوجته روز بنفس الوقت..

رفع عيونه وهو يمشي ناحيتها ومتجاهل كل اللي

يطالعونه..مايبي الاهي وبس..ومايشوف غيرها..

قرب منها وهو مجنون من شكلها اللي ياسر

وقف قبالها وهو يقرب شفايفه من جبينها ويبوسها

ابتعد عنها اول ماسمع شهقاتها اللي تذبحه ..

وكأنها تصحيه من احلى حلم..

وقف بجنبها..وبهمس..:مبروك ياشوق..

شوق ..:...........

رجع عيونها على امه ومي اخته وهم يباركون

له.ابتسم لهم ابتسامه فاشله ..وباله مع اللي

بجنبه.. ويدري انها تصيح بصمت..

مسك يدهاا عشان يمشون بعد مارفضت تصور

معاه..

حاولت تسحب ايدها بس رفض يتركها ومشى

وياهاا الين وصلو لغرفة العرسان..

سحبت ايدهاا منه بعد متاكدت انهم صارو لوحدهم..

وبحده..:لاتقرب مني انت ماتفهـــم.؟؟؟

مشاري وعيونه بعيونها الناريه..:لا مافهم..كل

اللي فاهمه اني ابيك معاي طول العمــر

حركت راسها بنفي ودموعها ترجع تنزل من جديد

وبعصبيه..:كذابـــــ

مشاري بتعب..:مستعد انســـيـ

شوق وهي تقاطعه..:وينه عموري مابي امشي

من هنا الا وهو معاي..

حرك راسه بالايجاب وهو يشوف امه تدخل

ووراها مي..

طالع بمي..وببتسامه مصطنعه..:يلا لبسي شوق

عباتها عشان نمشي..

..**..

بمكان ثاني..

احمد بضحكه..:روز انا جالس اكلم نفسي..

روز ..:...........

احمد وهو يشيل الهديه ويحطها بحظنها..:طيب

هذي هديه صغيره اتمنى تعجبك..

روز وعيونه بعيونه..:تسلــم..

احمد ببتسامه..:يسلم راسك..اممم الا ابي اعرف

ويني عنك من زماان..

روز بتوتر وهي تفرك يدينها ببعض..:بطلع..

ضحك بصوت عالي وهو يحضنهاا ..:وانا الصادق

لو ادري بهالزين كله كان من وقت متزوج و صار

عندي درزن بزارين ..

اخفت ابتسامتهاا وهي تحس براحه فضيعه ويا

احمد اللي باين عليه طيب وحباب..

..**..

عند حلا ..

حظنت مهاا اللي تبكي من طلعت شوق من القاعه

وبهدوء..:خلاص مهاوي ليش تصيحين ..المفروض

تدعين لهاا..

مها وهي تمسح دموعها..:اخاف يصير لها شي

حلا بواقعيه..:لاتخافين شوق كبيره وتعرف

تتصرف..

مها ببتسامه وهي تمسح دموعها..:كانت حلوه حيل

حلا ابتسمت لمها وقبل تتكلم دق جوالهاا ..ابتسمت بحب

وهي تشوف رقمه يزين جوالهاا..

رفعته ..وبنعومه..:هلا ذياب

ذياب ببتسامه..:هلا فيك..امم يلا انا انتظركم براء

نادي امي نوره ..وساره بعد بكلمها تطلع معاكم..

اختفت ابتسامتهاا ..وبصوت حاولته يكون طبيعي.:

انزين دقايق وطالعين..

قفلت منه..لازم اتقبل الامر ..الى متى وانا اتضايق

هي مرته مثل ماانا مرته..

ودعت مهاا وتوجهة لجدتهاا تخبرها بذياب..

ذياب مسك ايد جدته وهو يفتح لها الباب اللي

بجنبه..قربت منهم حلا وهي تجلس بالمقعد

اللي وراه..متجاهله ساره اللي ركبت بالمكان

اللي بجنبها ..واللي ريحها اكثر وجود باسل

اللي بالنص..

ذياب ركب بمكانه وعرف من الشكل انو حلا اللي

كانت وراه عدل المرايه عليها وهو يحرك سيارته

الجده..بارهاق..:وصانا بالاول وانا امك..

ذياب ..:تامرين يالغاليه..

ساره بدلع..:اممم ذياب شلون كان الحفل عندكم.؟

ذياب بخشونه..:حلوو ..كل شي فيه منظم..

الجده ببتسامه..:عقبال تركي وجهاد..

ذياب وعيونه بالمرايه..:امين..

بدى يسولف لهم باسل وتشاركه الجده وساره

بعكس حلا اللي كانت مستمه وعيونها على الشباك

ذياب يبي يسمع صوتها بس هي ولاهي داريه عنه

وتفكيرها بحياتها الغريبه..

وقف قبال البيت العود ..نزل وراح لجهة جدته

ويفتح لها بابهاا..

حلا قربت منهم ..مدت ايدها وهي ناويه تمسك بيد

جدتها ..

لامست اصابعه اصابعها اللي كانت بيد امهاا..

وبهمس..:تصبح على خير..

الجده ..:يلا يمه تصبحون على خير..

باسل هو ينزل ..قرب من جدته وتمسك فيهاا

وبشقواه..:يمه بنام عندكم..

ذياب بهدوء..:يلا باسل بكره اجيبك من بدري ..

الجده..:معليه يمه خله ينام ..

ذياب رفع عيونه لحلا اللي تمسك فيها باسل وهو

يشد عباتها وكانه يستنجد فيها عشان تقنع ابوه..

حلا رفعت عيونها له وهي باقيه بالثمه..:امم خليه

ينام لاتخاف عليه..

ركز عيونه بعيونهاا ..اللي تذبح وتشتت الذهن..

نزل عيونه عنها بعد ماحس بنظراات الكل عليها

وبهمس..:انزين..يلا سلام..

..**..

في الفندق..

جلست على اول كنبه وهي معصبه..مالهم حق

يشيلون عمار عنهاا حتى واذا كانو اهلــه..

هي اصلا ماقبلت ترد له الا عشان عمار ..

رفعت عيوونها عليه اول مادخل وقفل الباب وراه

وقفت وعيونها بعيونه..وبقهر..:ليش خليته يروح..

مشاري وهو يقرب منها..:عادي هو ماراح بعيد..

ويا امي ومي..

شوق بعصبيه مالها تفسير..:بس ولو هذا ولدي

لاتفكر اني راح اسمح لاحد يشيله عني..

مشاري بغرابه..:ومن قال انه بغيب عنك..امي

ماكان قصدها ..هي بس تبيناا نكون مع بعض بدون

ازعااج..

شوق وهي تخفي خوفها منه..:وانا مابي اكون معاك

الا وعمار بينا..ولا من قال اني ابجلس وياك

بروحي

مشاري وهو يتعداها ويجلس على

الكنبه..:ماتلاحضين انك مكبره الموضوع بزياده

شوق بغصه..:انت اللي بارد بزياده..بس تاكد اني

مستحيل اسامحك..

مشاري وعيونه بعيونه..:وانا متاكد انك راح

ترجعين لي عاشقه..

ابتسمت له بسخريه..:لاتكون واثق حيل لانو مثلك

مايتامن له..ولاينحب..

مشاري وهو يضغط على راسه..:انزين روحي

بدلي وتعالي نتعشــى

اعطته ظهرهاا ..وبجفاء..:مابي منك شي..

وقف ولحقهاا بسرعه ..قرب منها وهو يلفها عليه

وبصبر..:شوق لازم نعدل حياتنا اذا مو عشانا

عشان عمار ..

حركت راسها بالنفي..وبهمس مجروح..:اكرهك..

طالعها لثواني وبسرعه سحبهاا لحظنه وشد عليها

اكثر.. وهي تقاومه وصوت شهقاتهاا صارت اعلى

حس بدموعهاا على صدره بس مافيه يتركهاا

انحنى براسه وهي يبوسها على شعرهاا..

ويتنفس عطرهاا اللي ياما تمنااه..

...**..

عند ذياب..

وقف بسيارته قدام البيت وباله مشوش وبعيد ..

طالعته ساره..وبستفهام..:مابتنزل؟؟

ذياب بسجه..:امبلا روحي وانا بلحقك الحين

ساره نزلت وتركته يغوص بعالمه اللي مشتت افكاره.

رجع ظهره لوراء وهو يغمض عيونه وصورتهاا

وهي بالثاام محفوره في ذهنه..

تنهد وهو يحرك المفتاح ويطلع من القصر متوجه

لهاا..

وقف بسبب الاشاره وعيونه على ساعته..وبهمس

نفسي اشوفهاا قبل تغير ..اكيد شكلهاا غيــر.

ضرب الدركسون وهو يرجع يطالع بالاشاره

اللي فتحت ومشى بسرعه..

حلاا طلعت لفوق بعد ماتاكدت انو جدتها ماتبي شي

مسكت بيد باسل وببتسامه..:حبيبي يلا لازم ابدل ملابسك بالاول..

شالته وغيرت ملابسه وهي تشوفه ميت نوم

ابتسمت على شكله وهي تحمله وتحطه على السرير

مسحت على شعره..وبنعومه..:تبي شي قبل ادخل

التواليت..

حرك راسه بالنفي هو يغمض عيونه

وقفت قدام المرايه وهي تفك تسريحتهااا..

نثرت شعرهاا على كتفها بحريه..قربت من الكبت

فتحته شالت لها بجامه تركوازيه..

لفت بسرعه على جهة الباب وهو ينفتح ببطى..

تعلقت عيونه الولهانه بعيونهاا ..

طالعها من فوق لتحت وهو مبهور ومسحور

من شكلـــهاا ..

قرب منهاا وهو مخدر من منظـــرهاا

وقف قباله ..وبعشق ماله نهايه.:.؟؟؟؟

لاتغرك الضحكه...

الى هنا ينتهي البارت..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

فاصل إعلآني ^_^ / ..

لا احلل مسح اسمي مع على الرواية ..

تجميعي : ♫ معزوفة حنين ♫..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بسم اللـــه الرحمن الرحيـم

البارت الخامــس والعشـ25ـــرون,,

يتبع ,,,,

👇👇👇

تعديل المقال