رواية الغزال الشمالي -4
ريم عيونها مدمعه وهي تحضن ربيعتها يمشن جدامهم..
وغطوا على عيونهن.. وفجأة وقفت السيارة
ريم: اللهم سألتك باسمك الأعظم الذي إذا سئلت به أجبت..
منى وريم يصيحن.. فجوا الرباط إلي على عيونهن..
ريم: يالنذل شو تبى؟
منى: منوه هذا؟؟
ريم: بعدين أقولج..
مروان: ياسلام هنتين مب وحدة..
ريم: شو تبى؟
مروان: شو رايج نتفاهم داخل الغرفة..
ريم: بتبطي..
مروان: إذا مب بالطيب تراه بالغصب ..
منى بصوت واطي: يبون يعتدون علينا مب جذيه؟
ريم: لا إنشاء الله..
منى : لاااااااااا ..
ريم: بهذا وصاك أخوي سالم؟؟
مروان: هاهاها أخوج أي وصايه لا وصاني ولا شي..
ريم: يالحيون..
مروان : هاتوها يا سيف الغرفة ورايه غصبن عنها حتى لو قطعتوا شعرها..
ريم: لحظة..
مروان: خير؟
ريم: منى محد إييها ولا يمس شعره من راسها..
مروان: زين..
منى وهي تصرخ
: ريموه لا مب على حسابج.. ريموه سعيد ياريم لا تنسينه..
مروان: منوه الحبيب؟
ريم وهي تصيح بدل الدموع دم: دخيلك لا تسويبي شي ... دخيلك أغلى ما عند البنت شرفها..
مروان: هاهاهاهاهاهاهاهاهاه..
وكانت ريم تتوسل لمروان وهم في الغرفة وكانت تصارخ تحاول تتخلص منه لكنه كان حيوان.
.
منى تصيح وتدعي ربها: يالله تنتقم منهم يالله ما يسويبها شي بس لما كانت تسمع صراخ ريم كانت تموت ألف مرة.. ريموه ووجهت كلامها للي واقفين حواليه: إنتو حيوانات بلا احساس ولا رحمة لو تموتون ألحين على شو بتحشرون.. حسبي الله حسبي الله.. كانت تصيح وفجأة نادت واحد منهم: لو سمحت أبى الحمام؟
........: تعالي روحي هناك ..
منى: مشكور ..
منى كانت حاطة تيلفونها في مخباة بنطلونها الجينز وكان من المحاضرة الأخيرة محطوط على السايلنت..
طلعته ويرت الماي على أساس ما يسمعونها وهي تتكلم..
دقت لسعيد..
سعيد: هاه وينج أدق لج من متى ماتردين؟
منى وهي تصيح: سعود خطفونا أنا وريماني ؟
سعيد متعيب من هالرمسة: شوه !!!!!!!!
منى : بكتبلك السالفة بالمسج ماقدر اتكلم.
سعيد: شووووووووه!!!!
سكرت وشرحتله السالفة بالمسجات ..
سعيد(( إنزين وين إنتن))
منى(( ماعرف هالمكان))
بندت منى تلفونها وطلعت عن لا يشكون فيها..
سعيد محتار شو يسوي ألحين إخته وإلي يتمنى تكون زوجته راحن..
***
هالوقت مروان خلص شغله مع ريم..
ريم كانت طايحة على الأرض مايعرفونها ميته ولا حيه..وطلع مروان..
منى: إيه إنته دخلني عند ريماني..
........: تعالي...
منى دشت ركض عند ريم: ريماني بلاج وتمت تصيح وهي تشوف ربيعتها بهالحالة؟؟
ريم: ادعيلي أموت اعتدى عليه..
منى وهي تصرخ: حسبي الله ونعم الوكيل.. ريموه خلينا نسير البيت ..
ريم: أبى أموت منى أكره حالي..
منى طلعت برى وسارت صوب الريال الي وداها للحمام: ردونا مب خلاص..
.......: يالله..
وهم في السيارة..
منى: لو سمحت ودنا عند ذيج البناية..
........: ليش؟
منى : انته نزلنا ومالك خص..
.......: أوكي..
منى تطالع ريم وتمسح على راسها : فديتج والله ما بيخلي هالأشكال بينتقم منه..
ريم كانت تصيح من خاطرها ..
نزلت ريم عند دكتورة نساء.... تعرفها زين..
منى: هلا بج دكتورة ميسون
الدكتورة مستغربة من حالة ريم: خير منى إيه إلي حصل؟
منى تصيح : اكشفي عليها بليز ..
ميسون: مالها؟
منى: بسرعة ..
دخلتها وعطتها إبرة مهدئة ..
منى: هلا سعيد انا في العيادة عند دكتورة ميسون،
سعيد: ريم شحالها؟
منى تصيح.. وسكرت التيلفون بعد ½ ساعة يأ سعيد من دون ما يخبر أي حد..
د. ميسون : يعني عاوزاني أتأكد من عذوريتها؟
منى:بالضبط...
د. ميسون: أوكي بتأكد..
منى: دكتورة وإلي يخليج بينا ماتطلع عند حد..
د.ميسون: أكيد ماتوصيش حريص..
بعد مدة من الزمن...
د.ميسون: منى البنت عذراء..
منى: واللـــــــــه كيف دكتورة هو اعتدى عليها..
د.ميسون: أيوه بس مش كل البنات واحد على حسب غشاء البكارة عندها..
منى: هيه والله كيف غاب هالشي عن بالي..
الحمدالله الحمدالله..
د.ميسون: تقدري تاخديها وتروحوا هيه محتاجة للراحة مش أكثر..
طلعت ريم برى عن الدكتورة..
سعيد: بلاها ريم؟
منى: الحمدالله ماشي
سعيد: شو استوى هناك؟
منى وهي صادة عن أخوها من المستحى لأنه مب بهالسهولة بتتكلم في هالسوالف وياه: الحيوانات حاولو يعتدون علينا، واحد منهم كان يلاحق ريم من فترة وكان يباها هي
.. بس ريم شرطت ما يمسوني، توسلت له بكل مافيها، بس للأسف الحيوان حيوان..
سعيد يضرب بإيده على اليدار من القهر: يعني اعتدى ..
قاطعته منى: لا ريم بكر ... خلنا نروح ألحين..
سعيد: يالله هاتي ريم..
***
وصلوا ريم البيت وفي البيت كانت ريم تعبانة واااايد 080وفطامي سئلتها كذا مرة بس ماكانت تقول غير: شوية تعب تدرين فيه فقر دم..
ريم بعد اسبوع داومت الجامعة..
منى: ريموه شحالج الحين زينة؟
ريم ساكته.............
منى: كلميني فديتج من متى اتصلبج مغلق؟
ريم تصيح وتحضن ربيعتها: بموت مب قادرة أنام.... تعبانة منوه تعبانة وايد.
منى: انسير وياج نتمشى ... بتغيرين جو..
ريم: أخاف ..
منى: ماعليج بنسير ويا سعيد بينزلنا وبيرد خلاف..
ريم: لاااا!!!
منى: شو فيج؟
ريم: أخاف..
منى: مب من سعيد..
اتصلت منى حق أخوها الساعة 4 العصر الوقت إلي خلصن فيه محاضراتهن.
منى: السلام عليكم..
سعيد: شحالكن؟
منى: ممكن تسيربنا صوب البحر؟
سعيد: من هالعين هذي قبل هذي..
ريم كانت ساكته... وصلوا البحر نزلت ريم قبلهم وراحت قرب الشاطي..
لحقها سعيد وقال لمنى تمي هنيه أبى أكلمها بروحي...
سعيد: ريم ..
ريم التفتت صوبه واطالعته بنظره كلها حسرة: لبيه..
سعيد: بسج حزن من عرفتج والدموع مافارقت عيونج..
ريم: كل شي قضاء وقدر.... وإنته الله يوفقك يا أخ سعيد..
سعيد فهم قصدها ..
ريم: خلني بروحي أبى أتم بروحي..
راح سعيد عنها ..
منى: شو فيها؟
سعيد: تبى اتم روحها..
منى: ألحين ماتباها صح؟
سعيد تفاجأ بكلام منى..
منى: ليش ساكت ماتتكلم.... تعرف كان ممكن إلي صار حق ريم يكون فيه بس ريم ضحت عشاني..
سعيد: بس......
منى تطالع ريم : هذي أشرف من الشرف وأشرف مني ومنك بس حسبي الله على ذاك الحيوان
سعيد: ليش محرجة عليه؟
منى: اسكت مابى أسمعك..
راحت منى لريم..
بس سمعتها تكلم البحر
ريم: سالم تعال شوف شو سوا بي ذاك الحيوان.. وهي تصيح.. سالم الغزال الشمالي تعبان، أمسى شبح مب غزال، سالم الغالي وينك؟ قلتلي ملايين يتمنونج اليوم محد يباني.. سالم تعال محتايتنك.. كله من أبويه ماهتم فينا خلانا ماعندنا حد نشكيله..
ويلست تصيح..
منى ركضت صوبها: ريم حبيبتي جومي إنتي الكل يباج وبعدين إنتي بكر فهميني محد يعرف غيري أنا وسعيد... ومافي حد في الدنيا بيعرف..
ريم احضنتها وهي تصيح..
منى راحت السيارة تيب لها ماي...
سعيد: شو فيها؟
منى طالعته بنظرة ولا كلمته..
رن تيلفون ريم..
ريم: ألوه فطامي شو فيج؟
فطامي : وينج تعالي أباج تشرحيلي..
ريم: يالله يايه..
منى: يالله بنسير..
قبل ما تنزل مدت إيدها وعطت سعيد كيسه..
منى فهمت السالفة..
***
سعيد قاعد بروحه مافتح الكيس وقرر ألحين يفتحها..
سعيد: هذي الهدية إلي طرشتها ويا منى يوم نجاح الريم في الثانوية..
بس شو هذا ؟ رسالـــــــــــــة فتحها وقراها...
(بسم الله الرحمن الرحيم.. سعيد يعلم الله إني ياما تمنيت أكون زوجتك مثل ما إنته تمنيتني..كتبت هالرسالة عشان أعرف إنك مستحي تقول ماتباني، ورديت لك هديتك لأنها ماكانت من عند منى كانت من عندك.. سعيد وايد أشياء نتمناها ولا نقدر نوصل لها..فأنا مقدرة موقفك ولا ألومك.. بجذيه أقولك مع السلامة والله يوفجك في حياتك..
الريم..
ملاحظة ماعليك أمر احرق هالرسالة..
)
سكر سعيد الرسالة وتم مهموم وقال: ياربي ليش بس؟
***
بعد مرور 3 سنوات..
تخرجت منى وريم بإمتياز وحاولن يبنن حياتهن.. سعيد تزوج اليازية وعندهم ولد وفطامي بعد تزوجت وعندها بنية وسمتها الريم على ريم وهي حامل.. الأم تعيش ويا الريم.. الريم اشتغلت في بنك هي ومنى.. غيرت الريم بيتهم وتغير حالهم وصار أحسن ماديا..
ريم وهي تسوق السيارة: منوه بصراحة عفت هالمدير؟
منى: يالله بنتحمله لين ما إيي حد ويزحلقه..
ريم وهي تضحك: يالله يسمع منج..
ريم: منى الليلة بنروح سيتي سنتر أبى أشتري عباية من المحجبة نازلة تشكيله يديدة..
منى: هيه صدقج حتى أنا أبى ... بغار منج..
ريم: أوكيك أمر عليج المغرب 8 زين..
منى: زين وااااايد..
***
ريم تدش البيت ..
الخدامة: ماماه زيادة تعبان..
ريم وهي تفج عبايتها: شوووووووه أميه تعبانه شو فيها؟
الخدامة: ماما فاطمة مني وبابا راشد مادري سنو فيه؟
ريم لبست شيلتها ودشت غرفة أمها: السلام عليكم
ومن دون ماتسوي سالفة لأحد يلست على كرفايت أمها وباست أمه على كل ويهها وقالت: بلاج ياعمري ؟
فطامي وهي حزينة:ما رضيت ناخذها المستشفى..
راشد: من متى نحايلها تراها وااايد تعبانة بس مافي فايدة..
ريم: يالله بلبس عباتي وبيي... أنا باخذها..
الأم تأشر لريم أنها ماتبى تروح للمستشفى..
ريم اطالعتها والدموع ينذرفن على خدودها: أميه بريت بكل ما فيني طعتج في كل شي وإنتي أدرى إلا اليوم بعصيج وباخذج المستشفى..
وبمساعدة فطامي وريلها ركبوها السيارة..
في المستشفى..
ريم: دكتورة طمنيني الغالية؟
د: خير إنشاء الله ..
فطامي : شو يعني نفهم؟
الدكتورة ساكتة ..
ريم: ممكن تقولين شو صاير وأميه شو فيها؟
د: الوالدة من متى تعبانة يا إختي؟
ريم: من متى!! اليوم..
د: لا الوالدة تعبانة من فترة بس للأسف محد الظاهر مهتم فيها..
ريم: جب إنتي ماتحكمين عليه ، أنا أميه حطيتنها في عيوني..
فطامي تحاول تهدي ريم ، وفي هذي الأثناء يأ راشد..
راشد: دكتورة شو السالفة؟
د: تقربلهم؟
راشد: أنا ولي أمرهم.. خير عمتي بلاها؟
د: بصراحة أنا يؤسفني أقولك بأنها تعاني سرطان في الدم..
راشد: شوووووووه!!
ريم إلتفتت صوب راشد وركضت للدكتورة : شوقلتيله ؟ أميه شو فيها؟
فطامي: ريم شو بلاها إمايه؟
راشد مب قادر يتكلم وبالقوة قال: قولن الحمدالله ..
ريم: راشد شووووه!!!
راشد : بيحولون عمتي لمستشفى (.......)
ريم: لااااااااااااااا
(صرخت) لا تقولون سرطان لااااااااااا مستحيل ماصدق أميه بعد بتخليني..
أغمي على ريم وتم نقل الأم للمستشفى..
فطامي وهي تصيح وتمسح راس أمها : أميه فديتج أحبج يا أميه ..
دشت ريم اطالعت أمها وهي عند الباب صاحت، الأم فزت من شافت الريم وتكلمت من بعد 4 سنين وقالت لها : تعالي..
الريم انصدمت وركضت صوب أمها : لااااااا لا تخليني أميه لا ماقدر أعيش بلاج والله ماقدر
الأم ترفع راس بنتها والدموع تنهمر على الخدود وأشرت بإيدها للسماء ..
الريم تحضن أمها بقوة: أدري الحمدالله بس أباج لا تروحين عني ..
فطامي طلعت برى وهي تصيح ..
راشد : بس إحمدي الله يا أم ريم... مسك زوجته وحاول يخفف عنها..
الريم عند أمه
ا تحاول تقضي معاها اللحظات الأخيرة تخاف تروح وفي هاللحظات تموت..بس ريم طلعت وراحت المصلى تصلي وبعد ماسلمت قالت: ياربي أنا مب معترضة وإنته تعلم بي سالم راح والحمدالله واعتدوا عليه والحمدالله واللي احبه تزوج والحمدالله وأم .. سكتت صاحت توسلت لربها يالله ترحمني تعبت والله ياربي أمي لا لا يالله لا..وكانت تتحرك بتثاقل صوب غرفة أمها...
راشد: ريم..
ريم اطالعته: شوه؟
راشد:وين رايحة؟
ريم: عند أميه.
راشد: عمتي............
ريم ركضت صوب الغرفة وشافت الممرضات يبن يطلعن أمها من الغرفة
ريم وهي تصرخ: أميه لا اصبري شوي بس شوي وما شالتها ريولها ومشت بالقوة لأمها باستها وقالت: الله يرحمج..
تعبت ريم وااايد بعد موت أمها ومحد كان وياها غير منى وإختها فاطمة ..
بعد مرور 3 أشهر ..
منى تدق الباب ..
الخدامة: مرحبا..
منى: هلا وين ماماه؟
الخدامة : داخل هبيبتي تعالي..
منى دشت داخل وراحت ل
ريم بغرفتها..
منى: السلام عليكم..
ريم: وعليكم..
منى : شو حال حبيبتي ريم اليوم؟
ريم: أوكي تدرين منوه اتصلبي اليوم؟
منى: منوه؟
ريم: أبويه تذكر إنه له بنت في هالدنيا..
منى: شو يباج؟
ريم: يباني أعيش وياه..
منى: وشو رديتي عليه؟
ريم : قتله بأني مرتاحة ويا الخدامة وأنا مب حاية حد.. تدرين هو ماعليه المهم ماطلبه فلوس وأنا مابى شي غير بعدهم عن حياتي هو وحرمته..
منى: الله يعينج..
ريم : أبى أطلع أغير جو اليوم منوه شو رايج؟
منى: ياليت والله ملانة من مدة ماطلعت أتكشت..
ريم
: اصبري مطرشه الدريول للجمعية بيي بعد شوي.
منى: وليش ماتسوقين إنتي؟
ريم: لا دخيلج أنا ماداني السواقة بس تدرين كانت الحاية مضطرتني بس الحمدالله هالدريول حاي وطيب وشيبة حليله..
ريم: عبدالقادر نحن بنتسوق شوي روح برايك بتصل فيك لما أخلص زين؟
عبد القادر: زين إنشاء الله..
نزلت ريم ومنى..
وفي محل للذهب..
ريم: يالله شو هالخاتم الحلو!!
منى : لو سمحت عطني هذا ..
لبست ريم الخاتم : شو رايج حبيبتي حلو عليه؟
منى : يالله تصدقين زدتيه حلاه..
ريم: أوكي غلفه حقي وبعد ماغلفه قالت لها هذا هدية من ريموه حق ربيعة عمري فديتها أنا مناني..
منى: شكرا..
وفي الكوفي شوب..
منى:ريماني اطالعي بعد شوي وراج وقوليلي ذاك الريال من يشبه؟..
ريم: ليش منوه يشبه؟..
منى :مادري بس شايفتنه مكان مادري وين!..
وفجأة قالت منى لا لا تطالعينه اتغشي وردت منى بغشاها على ويهها وريم بعد منى: ريم يالله أبى أطلع من هذا المكان..
ريم: شو فيج؟
وفي هذي اللحظة ريم اطالعت صوب الريال، كانت واقفه هي ومنى ويلست اريولها ماشلتها دمعت عيونها تتذكر شي شو هو؟ منوه هذا الريال ياربي؟
منى: ريماني دخيلج لا حد يحس بشي وهو يحس دخيلج خل نطلع من هنيه..
ريم وهي مب قادرة تتحرك وقالت وصوتها مخنوق: هذا اللي ؟؟
منى: أدري..
وبعد شوي طلعت منى وريم من السيتي وفي السيارة..
منى: ريموه خلاص بسج من الصياح..
ريم: خليني .... عبد القادر روح صوب البحر..
عبدالقادر : زين..
منى: يالله شو هالبلوة؟؟
عند البحر نزلن هناك..
منى: حبيبتي ريم هذي سالفة وعدت من سنين لا تعذبين روحج وتتذكرينها كل حين..
ريم: آآآآآآآآآآه يامنى آآآآآآه بس إنتي مب حاسة بلي أنا فيه..
منى: أفاااا عاد تقولين جذيه.. وسكتت منى وشكلها زعلت..
ريم قامت صوبها: منى تزعلين مني وأنا الريم... والله مب قصدي شي بس تدرين أنا حتى مب قادرة أتزوج..
منى: مب زعلانة ولا شي بس إنتي مكبرة الموضوع إنتي مافيج شي والحمدالله..
ريم: كيف مافيني شي... لا تغرج حلاتي..
منى: حطي الحلاة على يمب أوكي هذيج الحادثة من 4 سنوات ألحين تقريبا وكم دكتورة عرضتي نفسج عليهن يقولن نفس الكلام بعدج بكر والحمد الله الله ستر حبيبتي... إنتي لو توافقين على واحد من إلي تقدمولج وتتزوجين وتستقرين عاد مب أحسن؟
ريم ساكتة تفكر وماردت على منى..
بمنى: تدرين أنا مابدوملج يالريم ..
ريم وعيونها مدمعة: ليش تقولين جذيه حراااام عليج... قامت ريم وصدت صوب البحر،
وقالت: منى فقدت كل شي مابى أفقد شي ثاني ماقدر
منى مشت صوبها وحضنتها وتمت ريم تصيح : بس خلاص ماكان قصدي أصيحج والله بس بغيتج تفهمين
***
في بيت فطامي
راشد: فطيم حبيبتي وين الريم؟
فطيم: في الصالة تلعب
راشد: هالبنية ماخذه حلاة خالتها اسم على مسمى…
فطيم: هيه فديت الريم…
راشد: أي وحدة منهن؟
فطيم: كلهن…
راشد وهو يضحك: هن حليوات بس إنتي شيختهن
فطيم: لاااااا زين يوم تذكرت لو ماقلتها كنت…
قاطعها راشد: لا لا بويه إنتي كل شي حلو في هالدنيا يالله فديتج أنا
فطيم:لو يبت بنت مرة ثانية شو بنسميها؟
راشد: كلثم على اسم أميه الله يرحمها..
فطيم: الله يرحمها… إنزين ولو ولد؟
راشد: محمد…
فطيم: اسمع ياراشد لو صابني شي ماوصيك عيالي ماتربيهم غير الريم اختي
راشد اتضايق من كلامها: وشو هالكلام ؟ مسك إيديها أنا وإنتي بنربيهم سوى ياعمري ..
فطيم: مابى عيالي يتلتهون عقبي ، حبيبي الأعمار بيد الله وهذي وصيتي فديتك..
راشد يطالعا بنظرة زعل من كلامها: ماطلبتي.. وقام وطلع عنها…
***
الريم: ألوه فطامي حبي شحالج؟
فطيم وصوتها تعبان: بخير…
ريم: صوتج تعبان تبيني أييج؟
فطيم: لا فديتج عندج دوام ما بعطلج برايج…
ريم: لا والله !! ألحين أنا يايه…
وصلت ريم بيت فطيم
.. دقت الباب فتحت الخدامة الباب ويت الريم الصغيرة تربع صوب خالتها ريم احضنتها : حبيبي ريموتي شو حالج؟
ريم الصغيرة: أنا بحير حالوه ماماتي أوحت إيه باباه ريموه أنا ماسارت…
ريم مبتسمه وهي تضمها لصدرها : فديتج ماماه بتيب نينوه حلو …
الخدامة: ماماه سير مستشفى…
ريم خذت ريم الصغيرة وياها المستشفى وراحت هناك…
وقفت برع يتريون فطامي تطلع بالسلامة، بس كان باين التوتر الشديد على راشد…
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك