رواية الغزال الشمالي -5
حبيبي ريموتي شو حالج؟
ريم الصغيرة: أنا بحير حالوه ماماتي أوحت إيه باباه ريموه أنا ماسارت…
ريم مبتسمه وهي تضمها لصدرها : فديتج ماماه بتيب نينوه حلو …
الخدامة: ماماه سير مستشفى…
ريم خذت ريم الصغيرة وياها المستشفى وراحت هناك…
وقفت برع يتريون فطامي تطلع بالسلامة، بس كان باين التوتر الشديد على راشد…
ريم: بلاك يابو ريم؟
راشد: ماشي بس خايف عليها هالمرة…
ريم اطالعته وخافت وقعدت تكلم نفسها: لا فطامي لا لا راشد بس متوتر هيه الله ما بيحرمني من فطومة بعد…
لحظات مرت مثل السنين عليهم...
طلعت الدكتورة من غرفة الولادة...
راشد بكل خوف : دكتورة فطيم يا دكتورة فطيم اشحالها؟
ريم وهي تشد الريم الصغيرة لصدرها: فطامي بخير هيه؟ يالله عاد يالله قولي شو يابت ولد صح؟
راشد: تكلمي؟
الدكتورة ساكتة..
ريم وهي تنزل ريم الصغيرة واتصلت لعبد القادر : عبد القادر ود الريم للدكان بعدين للبيت..
فهمت ريم بس ياترى هالمرة شو استوى فطيم بياخذها القدر
..
"]
ريم تطالع راشد : دكتورة فطيم شو فيه؟ كلامها كان يغلفه الهدوء والخوف من المستقبل من الدقايق الياية..
يلس راشد على كرسي قريب....: تنهد وفج أزرار كندورته..
ريم يلست على الأرض صاحت : ربي صبرني على فراقها ياربي تعبت تعبت وماقدر احتمل..
راشد يصيح: لاااااااااااا لاااااااااااااااا فطيم لاااااااااااا..
الدكتورة : البقية في حياتكم والأعمار بيد الله . كانت تقول هذا الكلام وهي قرب الريم بس الريم
في هاللحظة كانت تموت وتموت .........
الريم: سالـــــــــــــــــــــــم ... أمايــــــــــــــــــــــه... فطامي..
وينكم ياهلي وينكم لااااااااا مستحيل في شي خطأ دكتورة من 3 شهور صدر أميه فارقني من5 سنين سالم خلاني.. واليوم تقولون شقيقة روحي إختيه تموت بعد لاااااااا أكيد لااااااااا .. كانت تردد هالكلمات وهي تصيح.....
خذوا الريم للعناية لأنها تعرضت لإنهيار عصبي ..
*****
منى: هلا دكتورة شحالج؟ الريم شو حالها؟
د: الحمدالله ريم انسانة مؤمنة بربها وهذا اللي يساعدها على تخطي كل هذي العقبات..
منى: هيه والله لولا الايمان بالله كانت ميته الحين..
د: ممكن اطلعها باجر بس خلي بالك عليه..
منى: توصيني أنا ما يحتاي..
****
راشــــــــــــــد فقد زوجته وشريكة حياته..
كان يصيح ويصيح أكثر يوم يسمع صوت الياهل يصيح..راشد وهوماسك صورته وهو وفطيم وهو في صلالة..تذكر ....
فطيم: يالله ماحلى صلالة يارشود...
راشد: أي حلاة بصراحة خذت حلاها منج..
فطيم وهي تضحك : بس لا تجامل..
راشد: تتذكرين أول ما ملجنا شو كنتي تقوليلي ؟
فطيم: مالت شو ياب هالطاري؟؟
راشد: كنتي تكرهيني ..
فطيم مشت صوبه وحطت بتشفايفها قرب إذنه: بس ألحين أبوس الأرض لي تمشي عليه..
راشد اطالعها وقال بصوت عالي: فديتج أنا..
واستحى شاف الناس تطالعه وكمل: يالإمــــــــــــــــارااااااااااااات..
فطيم تضحك عليه..
هالضحكات يترددن في بال راشد وهو يصيح..ضم الصورة لصدره وهو يقول: فطيم وينج مشتاقلج وينج ياعمري؟
***
الريم كانت منسدحة علي شبريتها وهي تصيح بس هالمرة الظاهر خلاص تعبت واااااااايد من الصياح، قامت تمشي صوب كبتها.. فتحته وشافت صورة أمها.. صاحت وسكرت الكبت بقوة وصرخت: تعبانة أنا تعبانة يارب.. ويلست على الأرض وهي تصيح يتها الخدامة ورفعتها لشبريتها..
نامت الريم من زود التعب ياترى يسمونه نوم ولا هروب من الواقع..
***
في بيت قوم منى..
منى لابسه وشكلها طالعة وهي نازلة من فوق شافت بسعيد واليازية وأمها يالسين تحت..
اطالعها سعيد وقال: هاه منى وين أشوفج لابسة بتطلعين؟
منى وهي تطالعه بنظرة ما
فهم معناها: إذا الله كتبلي..
أم سعيد: منى ماوصيج الليلة باتي عندها وخلي بالج عليها..
مبنى وهي تمشي صوب أمه وتبوس راسها: فديتج يالغالية توصيني على منوه الريم؟ مب أنا إلي أتخلى عن الناس وهم محتايلي.. قالت هالكلام وهي تطالع سعيد..
سعيد حس بأنها تنغزه بهالكلام..
ب
اليازية: منى سلمي عليها والله لوما سيف تعبان كنت يتها..
منى: ماعليج ياليازية ريم مستحيل تلومج، يالله عيل من رخصتكم بروح للريم اتصلها ماترد عليه، طلعت منى بس لحقها سعيد..
سعيد: منى؟
منى وهي تطالعه: خير بغيت شي يابو سيف؟
سعيد: ليش قلتي الكلام إلي قلتيه؟
منى: اسمحلي غلطانة..
سعيد: ريم شحالها؟
منى: اسمحلي محد له علاقة بها خاصة إنته وعلى العموم بريم رب العالمين وياها أكيد بتتخطى هذي الأزمة، مع السلامة رايحة..
سعيد وهو متلوم : مع السلامة..
سعيد وهو يكلم نفسه: ليش تسأل عنها إنته اليوم متزوج بحرمه وعيال، وإنته لو كنت تحبها ماكنت خليتها.. وفجأة :أوووه أعوذ بالله..
منى وهي تصعد غرفة الريم بهدوء : ريماني حياتي فديت الراجدين أنا.. وهي تبوس راسها .
الريم وهي شكلها مستانسة وااايد: هلا والله ..
منى تسأل : الله يديم هالإبتسامة شو مستوي؟
الريم وهي تيلس: يالله حلمت حلم حلو ..
منى: شو ؟
الريم: حلمت أميه وسالم وفطيم في الجنة.. شفت سالم ياني وقالي: الريم الله مايضيع أجر الصابرين وعطاني وردة بيضاء وقال الله وياج دامج وياه.. وبعدين شفت أميه تضحك وتقول: الريم أباج أحلى البنات يوم عرسج، وفطيم يت صوبي وحضنتني وقالت: عيالي عيالي يالريم طلي عليهم تراهم أمانة.. وفجأة مسك سالم فديته ايديه وقال: لا تصيحين تراج بتينا يالغالية قريب ولا بعيد.. وسكتت الريم..
منى: بس؟
الريم: هيه يالله كم كنت بحاجة لهذا الحلم يامنوه يالله ارتحت .. احس بأني كنت محتاية لهم والله ماخيب ظني..
منى: عيل قومي بتريق؟
الريم ومنى وهن نازلات من فوق... إلا راشد والعيال داشين مشت ريم بسرعة للريم الصغيرة..
الريم الصغيرة: حالوتي ريم؟
الريم: هلا بكم فديتكم أنا..
راشد يسلم وشاف منى ووطى عيونه منى بسرعة ردت غرفة الريم..
راشد: هاه ريم شحالج؟
ريم: الحمدالله وهي تاخذ محمد ..
راشد: بخليهم عندج الليلة عندي زام لين باجر الظهر وأنا راد بخطف وباخذهم..
ريم: لا تشل همهم أبدا..
وترخص راشد بس قبل لا يطلع ربعت بنته ريم صوبه وقالها: شو تبين حبيبي أنا بروح الدوام ألحين..
الريم الصغيرة: أبى أوح ياك ببابا ماتسوي شي أنا حلوة مؤدبة..
راشد ينزل الأرض ويقول: عيب البنت ما تسير عند الرياييل.
ريم تمشي صوب ريم خالتها وبتاخذ شيلة كانت على الغنفة وتلحف ويهها وتقول: ماماه جيه أوت امبونها ريم أنا بتوي أكلها..
راشد يضمها لصدره: فديت الريم فديتج من وين يايبه هالخريط كله..
ريم الصغيرة: من الدكان ..
راشد + الريم: هاهاهاهاهاهاهاهاه..
وطلع راشد ..
ريم الصغيرة وهي تفج شنطة منى: الله أوج ... أونه روج..
الريم: يغربل ابليسج خليه عيب مال خالوه منى ..
منى وهي نازله من فوق: برايه خليها تلعب..
منى تمشي صوبها وتشلها فوق وتقولها
: شكل منوه إنتي؟
الريم الصغيرة: أكل حالوه ريم .. بس ماما آلت ريم
(أنا) أحلى واااااايد ..
الريم+منى: هاهاهاها ..
الريم: أكيد ياعمري إنتي أحلى..
منى: سمعوا عاد..
الريم الصغيرة سكتت ..
الريم عطت منى محمد وسارت صوبها وباستها: حبيبي خالوتي شو فيج زعلانه مني؟
الريم الصغيرونة: حالوه ماماتي وين؟!!
انصدمت ريم الكبيرة كانت تبى تصيح..
الريم الصغيرة: حالوه أنا أبى ماماتي أبى أتوفها باباه يدول ماماه بتي كل يوم يدول باتر متى بتي؟
الريم وهي ماسكة حالها وتضمها لصدرها: ماماه تتريانا في الجنة ..
الريم الصغيرة: وين هذي الجنة عند الكعبة؟
الريم: لالالا الجنة فوق عند رب العالمين اللي يصلي ويصوم ويحب الناس وإخوانه ويسمع الكلام يدخل..
الريم الصغيرة بكل براءة تطالع السماء: يارب أسير الجنة... ويلست وجنها زعلت..
الريم : بلاج زعلانة؟
الريم الصغيرونة: الله مابيخليني أسير الجنة..
الريم: ليش!!؟
الريم الصغيرونة: أمس أنا .........
الريم: شو سويتي؟
الريم الصغيرونة: ما تويت تي بس ضربت حمود ..
الريم: ليش؟ هذا أخوج ليش ما تحبينه؟
الريم الصغيرونة: هو يصيح يصيح واااايد وأنا ماباه يصيح ضربت عشان يسكت؟
الريم: يالله ثاني مرة أنا بعد بزعل ..
الريم الصغيرونة: والله والله حالوه ماتوي مرة ثانية بس قولي حق الله يخليني أسير الجنة عند ماماتي..
تالريم حضنتها : إنشالله حبيبتي بنسير كلنا الجنة..
منى: خلاص عاد ..
***
قررت منى والريم ياخذون الريم الصغيرة للوندرلاند في دبي ، وخلو محمد عند الخدامة..
الريم الصغيرة وهم في السيارة: حالوه منى وين عيالج؟
الريم تضحك: أبوهم وداهم للحديقة بنلقاهم ألحين..
منى: لا والله حبيبي ريموه أنا بعدني بنت صغيرة ماعرست..
راحو الوندرلاند.... استانست ريم الصغيرة وااايد ..
منى: ريماني شوفي ريم مستانسة بتشقق من الضحك..
ريم: يعله دوم فديتها مغلاها..
وفي لحظة غفلة من ريم ومنى ريم مشت ومشت وضاعت منهم وسط زحمة مب وااايدة من الناس..
ريم الصغيرة ببنطلونها وقميصها البنفسجي الهادي.. ريم بعيونها الكبيرة ورموشها الطويلة طبعا النيجتيف مال خالتها مشت وراحت صوب يهال..
ريم: تو تتون؟ (( شو تسون))
هزاع : شو تبين يالله روحي؟ هزاع ولد صغير بس شيطان ورئيس عصابة وريم شرية تراها إن اتضايقت..
ريم: والله مب حديعتكم؟
هزاع وهو يضحك: مالتنا..
ريم: مالت أجاج.. (( أونه خجاج)).
ومشت ريم وهي تسحب شنطة منى وياها..
شافت حريم هنتين مشت صوبهن على بالها منى وخالتها الريم..
شهد: أميه شوفي هالبنية حلوة موت ماشاءلله عليها..
ريم: وين حالوتي ؟
ظبية: منوه خالوتج حبيبتي؟
وهنيه يأ مايد وبسرعة سأل: شهودة منيه هذي البنية؟
شهد: مادري شكلها ضايعة؟
وريموه الصغيرة يلست في حضن الأم ظبية مستانسة ..
ريم: حالوتي ريم وينها ما يت؟
مايد: منوه خالتج شو اسمها؟
ريم: اتمها أنا..
مايد: أنا؟؟؟
شهد تضحك: يمكن تقصد بنفس اسمها؟
وشوي إلا التيلفون الي في شنطة منى يصيح
شهد: مايد التلفون يصيح الي في الشنطة ويا الصغيرة..
مايد وهو يبى ياخذ الشنطة من ريم، ريم ماطاعت ابد ومسكت التيلفون وردت: ألوه حالوه؟
الريم وهي خايفة موت: حبيبتي وين انتي؟
الريم الصغيرة: عند يدوه..
الريم: أي يدوه؟
وهنيه ريم فرت التيلفون ومسكه مايد: ألوه
الريم: مرحبا منوه وياي؟
مايد: وياج مايد ؟
الريم: دخيلك انته وين خل الريم عندك ألحين بيي..
مايد خبرها وين هم بالضبط..
منى وهي تمشي بسرعة ورى الريم : الله يغربل ابليسها من بنية لاحول..
الريم : اسكتي بسج رمسة..
منى: لا اله الا الله..
ووصلت الريم ومنى للمكان المحدد وربعت ريم لريم الصغيرة وحضنتها..
شهد: مرحبا الساع..
منى وهي تمد ايدها تسلم: هلا والله بكم ..
ظبية: هالبنية الكم ؟
الريم وهي تنزل ريم الصغيرة: هنيه نعم هذي بنت اختي مادريتبها الا شاردة عنا..
منى: ولا لقت غير شنطتي تشرد بها..
الريم: حشى من جلد الاسد مسوايه؟؟
منى: لا من جلد البقر!!
شهد وظبية ومايد يضحكون..
ولاحظت الريم نظرات مايد اللي ما شالهن من عليها..
الريم: عيل انسلم عليكم ..
شهد: أفااااا خلكم ويانا ..
ظبية: شهد يابنتي عطيهن عنوان البيت يمكن يزورنا يوم العيد الجبير ترى ما بقى شي عنه... وخذي عنوانهن..
الريم ومنى متفاجآت بس ماقالن شي وخذن العنوان وراحن..
***
في السيارة..
الريم: ماعليه يالريمان ما خبرت باباتج عليج؟
ريم:........
منى: انتي غربلتينا وغربلتي شنطتي..
الريم: شوفوا هذي بعد ما همها غير شنطتها..
منى وهي تضحك: والله بالعمالة ابى اشوف بشوه بتردين..
ريم: بس عاد ابى اردد من متى ارمتون انتو؟( ابغي ارجد من متى ترمسون)
منى : لا والله !!
في البيت..
منى: شفت الريال اللي كان ويا شهد وامها؟
الريم: شو فيه؟
منى: خيبة شجايل يطالعج؟
الريم: حتى انتي اطالعج؟
منى: هيه بس نظره عن نظرة تفرق..
الريم : أنا من اليوم ورايح بلبس نقاب خلاص ما بكشف ويهي..
منى:
me to.
الريم: يالله نبى نتعشى ونرجد... فديت حمودي محلاه..
منى : ما يشبه أبوه؟
الريم باستغراب: يشبه ابوه وانتي من وين تعرفين أبوه؟
منى : بسم الله كيف اطالعيني..
الريم: أممممممممم..
منى : اش عندج؟
***
في بيت جوم شهد..
مايد يدق باب غرفة شهد ويدش..
شهد: هلا ميود..
مايد: بالمهلي... ويلس على الشبريه.... وهو يطالع شهد..
شهد: بسم الله عليك شو فيك ؟ شو في خاطرك؟
مايد:لا ماشي عنبوة حرام اطالعج
؟
وجام وطلع ..
***
وتمر الأيام واليوم العيد..
الريم وهي تنادي الخدامة : حطي لي البخور ورتبي البصالة ربعي كلهن بين اليوم..
*ب**
في بيت جوم منى..
منى وهي تترتب وتتعدل هيه تراه العيد والعيد جنان في الامارات..
أم سعيد: ريم يالله يابنتي جوم عمج بيون الحين وانتي مازهبتي..
منى: يالله يميه اصبري عليه ما تبين بنتج تطلع قمر
أم سعيد: ياويلي منج من بنية..
منى: أوه يا اماية عاد بعدها صلاة العيد والرياييل لين ما يخلصون ويصلون ويسلمون على بعض اوووه سالفة..
ام سعيد: حسبي الله بسير حق اليازية
منى تكمل زينتها ويرن تيلفونها..
وتسمع
.. أتحرى العيد أكثر من طفل واتعذر فيه لجل اسأل عليك واسرق اللحظات منك بالعجل فيه اباركلك وابارك عمري فيك..
الريم: كل عام وانتي طيبة يا أغلى ربيعة وإخت في كل هالكون..
منى: وإنتي بخير فديتج..
الريم: هاه خلصتي وترتبتي؟
منى: باجي بس الآي شدو ..
الريم: هيه تعدلي عشان محد يدري المعرس يمكن ايي ويا العيد ويمكن اسمه عيد هاهاها..
منى: لاااا إنتي انشالله ..
الريم : يالله يالله سيري افزعي أمج وباركيلها بالعيد..
منى : أوكي بتصل بعدين..
***
الريم تمشي إلى كبت أمها طلعت صور أهلها..
سالم كل عام وانته بخير الغالي .... شحالك يااااااه اشتقتلك متى بسير لكم؟
0وطلعت صورة أمها... أميه يالله فديتج احبج مووووت وأنا بعيد هالعيد بلاكم
.. بس والله انكم في الروح والقلب وكل احساس..
ويأ دور صورة فطيم.... فطامي يالغلا ياريم الفلا وينكم وينكم؟؟
ريموه حبيبتكم اليوم اصبحت بلاكم.. صاحت ريم.. وردت الصور لمكانهن..
الريم: يالله يالريم بلاج اضحكي أمج شو قالتلج لازم تعيشين وانا لاحقتنهم لاحقتنهم ياربي ارحمني.. وارحم أهلي برحمتك وادخلهم فسيح جنانك.. يارب
***
منى وهي تسلم على سعيد _واليازية وأمها : امبارك من عيدكم..
س+ي+الام: عساج من عوادة العيد..
اليازية: منى فديتج سيري حطي البخور في الميلس البارحة مبخرتنه بس طارت الريحة..
منى: يالله الحين بسير..
أم سعيد: عرب عرب يو شوفي منو..
منى توايج من دريشة الصالة: لا لا هذا سواق ريماني..
دشت الخدامة : ماما منى هذا عبدالقادر جيب ماما ريم طرش هق انتي..
منى وهي تفج العلبة: الله بيتي فور أماية هذا الريم مسويتنه بروحها ..
أم سعيد: يالله فديت روحها ما تنسانا.. عيل روحي الميلس وحطي منه هناك..
اليازية: عطيني أذوق... أمممم شو هالرم الحلو..
منى طلعت برى ومشت صوب الميلس
..
سعيد وهويرمس في التيلفون: يا ريال ما بتينا الشارجة ؟
خالد: عاد مالك حق عاد بوظبي مشتاقتلكم تعالنا انته والاهل ترى الوالدة تسأل عنك؟
سعيد: انشالله بنييكم بخبر الاهل وبنيكم باجر وراء باجر..
خالد: برايك عيل بسير اسلم ..
سعيد: الله يحفظك..
سعيد وهو يسكر عن خالد : منى شو شاله؟
منى: شي من الاشياء تحبه وما تحبه؟
سعيد يمشي صوبها: بيتي فور وأخذ وحدة يتذوقها... الله حلو موووووت..
منى: بسك خل حق العرب..
سعيد: من وين؟
منى : عشان جذيه قلت تحبه وما تحبه..
سعيد : ليش تحاولين تحسسيني بالذنب دوم تجاه ريم؟
منى: بليز سعود أبى اعيد هالعيد ولا ابغي فيه دموع ..
سعيد: باركيلها بالعيد..
منى:
Iam sorry... ماباها تتذكر شي اسمه سعيد..
ومشت وراحت عنه..
***
في بيت جوم أبو الريم..
الريم والريم الصغيرة وراشد وإخته ((حرمة ابو الريم)) ومحمد وأبو سالم..
أبو سالم: هاه يالريم شحلج يابنتي؟
الريم الصغيرونة تربع حق يدها: أنا أنا يدي..
الريم: إنزين فديتج يالله بويه اسأل الريم حبيبتي؟
أبو سالم وهو حاط الريم في حضنه: إنتي شحالج؟
الريم الصغيرونة والابتسامة الحلوة: بحير وااايد يدي يدي باباه ماتاع يعاتيني إلق..
أبو سالم: شو هذا؟
الريم: أبو محمد شو اسمع؟
راشد: هاهاهاهاها الله على بنتي تعالي باباتي تعالي..
الريم تنزل وتمشي وهي تعبانه صوب أبوها: أنا ما احبك باباه..
راشد: تسمعون ما تحبني مرة وحدة على سبة الشلج..
الريم: الغلط منك مطلعنه لها..
وشوي الا الريم الصغيرة تروح لخالتها وتبوسها وتنام..
***
تغدت ريم عند ابوها والأهل وردت البيت العصر..
وجامت الريم وسبحت وشوي تلفونها يصيح...
الريم : ألوه..
شهد: السلام عليكم ..
الريم: هلا والله بشهد..
شهد: امبارك من عيدج الغالية..
الريم: عساج من عوادة العيد ، اشحالكم وشحال خالتي أم مايد..
شهد: بخير يسرج الحال ....
الريم: قربوا ..
شهد: أفاااااا عليج دبي كلها تترياج إنتي والريم ومنى..
الريم: لا مارووم استحي والله اييكم البيت..
شهد: اصبري..
أميه أميه تعالي...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك