رواية تضحية الأخت الأم -5

رواية تضحية الأخت الأم -5

نوف وقت على رجولها قصب وبدت تفت بالغرفه وتصارخ

نوف : مافيني شي اقولج شوفيني كاني قاعده افتر

نوف وهي تفتر طاحت واغمى عليها بشاير من الخوف صرخت بصوت عالي نــــــــــــــــــــــــــــــــــــــوف

تجمعوا خواتها عليها وصبوا عليها ماي بس نوف ماكانت تستجيب كانت شبه ميته

((اليوم بعتني مشيت بدروبي حزينه مدري اداري دمع العين ولاموت القلب وسنينه جيتك بطيب القلب وكرم الاخلاق ومشيت بنفس مكسوره حزينه ادري حبيبي الخطا ماهو خطاك الخطا من قلب عطاك دفى عمره وسنينـــــــــــــــه))

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

فاصل إعلآني ^_^ / ..

لا احلل مسح اسمي من على الرواية ..

تجميعي : ♫ معزوفة حنين ♫..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مها وساره خذوا نوف ودوها المستشفى وغرام ومرام وبشاير وشيماء توا قاعدين بالبيت

بشاير وهي تبجي : ياربي ليش صار فيها جذي ليش

مرام وهي تهدي عليها : يالله بشور مافيها شي كله صخونه وكيد بترجع معاهم اللحين مافيها شي لاتخافين

بشاير :مرام انتي ما شفتيها كانت تكسر الخاطر وهي تبجي

مرام بأستغراب : شنو ؟؟ تبجي ؟؟ ليش شفيها

بشاير : مبارك

مرام : ومنو مبارك هذا ؟؟

بشاير : اللي تحبه نوف

مرام : انزين ؟؟ وبعدين

بشاير : بهذلها جدام خالد جان تقوله احنا اشرف من الشرف نفسه جان يقولها بأستهزاء ((واضح الشرف )) ومن صارت السالفه ونوف تعبانه وماهي على حالها وقبل شوي شيماء كانت تقول والله لأذبحه اذا صار فيها شي ونوف كانت تسمعنا وقعدت تبجي وقامت تفتر بالغرفه علشان تقنع شيماء انها مافيها شي وطاحت

مرام : خلاص خلي هالموضوع انحله بعدين بس انتي هدي نفسج شوي وديري بالج اتقعدين امي مها مبهه علينا ما انقعدها

بشاير وهي تبجي : انزين

شيماء : غرام عطشانه قومي جيبي لي ماي

غرام وهي قايمه : ان شاء الله

راحت غرام تجيب لشيماء ماي اللي من الضيقه نامت لأن شيماء معروفه اذا تضايقت تنام علشان تتهرب من الضيقه اللي مو من طبايعها

غرام دخلت الصاله وبيدها ماي : شيوم شيوم قعدي شربي ماي وروحي نامي

شيماء قعدت شربت ماي وردت انسدحت :ابي انطر نوف علشان جذي ابي انام بالصاله لأني اكيد بحس فيهم

غرام : بكيفج انا رايحه عند بشاير ومرام

شيماء وهي تأشر بيدها : روحي روحي

مبارك كان قاعد بغرفته ويحاول يشيل نوف من باله

مابي افكر فيها انا ما سويت شي ايضايقها ماسويت شي انا ماسويت شي ليش تزعل علي ليش آآآآآآآآه ياقلبي

وبين الصراع الي كان بين عقل مبارك وفلبه انهار واستسلم لقلبه

(( نعم اهواه وذابحني وعلى الرجعه ابي الشاره اهو بس خل يسامحني وانا ارجعله طياره انا من بعد ليله امس وشوقي الي دمعله بلا يا عمري عزه نفس انا راجعله راجعله يا قلبي لا تدورلي عذر للرجعه او حافز لعلمك لو يأشرلي انا جاهز انا جاهز احـــــــــــــبه حيل ومن بعده ترى فعلآ انا تعبان اذا ما ردلي برده وأساسآ انا الغلطان ))

مها دخلت نوف اللي كانت شبه ميته المستشفى وكانت ماسكه نفسها عن الدمعه لأنه كان شكل نوف وهي تعبانه ومغمي عليها يلين الحجر خصوصآ ان نوف اول مره اتطيح هالطيحه

ساره : دكتور الله يخليك شوفها الله يخليك

الدكتور بصوت عالي : اخذوها الأنعاش بســـــــــــــــــــرعه

دخلوا نوف النعاش ومهاوساره تموا ينطرون برى على نار ومن بعد انتظار نص ساعه طلع الدكتور مع نوف اللي لازالت بحاله الاغماء

مها : دكتور اختي شفيها الله يخليك طمني عليها

الدكتور بحكمه : ان شاء الله خير ان شاء الله خير

الدكتور بعصبيه : ودوها العنايه المركزه

ساره بس اسمعت العنايه المركزه واهي انهارت : مها ليش العنايه ليش نوف شفيها ليش ماخذينها اهناك ليش اهى اهى اهى

مها : ساره شفيج تبجين وانا اللي ماخذتج واقول ساره قويه وتتحمل

ساره وهي تمسح دموعها : الله يخليج قوليله بنشوفها الله يخليج

مها : ساره قومي امشي معاي وهدي شوي

راحت ساره ومها لغرفه العنايه المركزه وتموا قاعدين ساعه كامله

بشاير : غرام قومي لغرفتج نامي

غرام وهي منسدحه : انزين بعد شوي خليني انام اللحين

بشاير بعصبيه : يالله قومي

غرام :يــــــــــــــــــــــــــــوه شنو مابي ابي انام هي

بشاير : ابي اغير ملابسي يالله برى

غرام وهي قايمه : انزين انزين والله اللي يقول غرفتها الحالها وماتبينا ندخلها

راحت غرام غرفتها ونامت ومرام تمت مع بشاير ينطرون نوف ومها وساره

بشاير : مرام دقي على مها شوفيهم طولوا صارلهم اللحين ساعتين ومها لازم تنام اللحين لأن وراها قعده الصبح امي عندها موعد بالمستشفى

مرام مسكت التليفون ودقت رقم مها

مرام : ما ترد

بشاير : دقي على ساره شوفيها

مرام دقت على ساره بس هم بعد ساره ما كانت ترد

مها : هذول تأخروا داخل

ساره : أي والله الحين شنو انسوي

مها : والله ما ادري

وبين حديثهم طلع الدكتور

ساره وهي قامزه من مكانها : هااا دكتور بشر شلون نوف

الدكتور وهو يهز راسه : واللــــه ما ادري شنو اقولكم

ساره بخوف : دكتور شنو نوف شفيها

الدكتور : حالتها النفسيه تعبانه حيل وهذا اللي اثر عليها واكيد صار لها شي اللي خلاها اتطيح بأنهيار عصبي حاد

مها : وهذا يأثر عليها

الدكتور : اكيد بيأثر عليها

مها : شلون

الدكنور: نوف لمن كانت واقفه طاحت بأنهيار عصبي والطيحه كانت على ثقلها كله يعني ماكانت شايله نفسها وطاحت على راسها وهذا الشي خلاها تدخل بغيبوبه مؤقته وتفقد شوي من ذاكرتها

مها بخوف : شـــــــــــــــنو غيبوبه

الدكتور : أي غيبوبه بس مؤقته يعني ممكن بأي وقت تصحى

ساره : ومتى تصحى

الدكتور : ارجع واقول ان العلم عند الله سبحانه بس ممكن بأي وقت تصحى مثل ماقلت

ساره : ممكن تصحى اللحين

الدكتور :ممكن وممكن بعد ساعه وممكن بعد ساعتين او باجر انا قلت انها حاله مؤقته يعني بتصحى منها اكيد

ساره وهي متحكمه بأعصابها : اللـــــه كريم

مها : يعطيك العافيه

الدكتور : بس واللي يعافيكم ما عليه تخلصون اوراق دخولها للمستشفى

مها : دكتور اهي جم يوم بتنام عندكم هني

الدكتور : على حسب اذا شفنا حالتها النفسيه متحسنه طلعناها

مها : على خير ان شاء الله

راح الدكتور ومها وساره راحوا يخلصون اوراق نوف

مها دخلت تخلص الاوراق وساره تمت قاعده بلأستراحه وتذكرت خواتا اللي كانت مواعدتهم اتدق عليهم مسكت تليفونها ودقت على مرام

مرام : ساره ساره قاعده اتدق

بشاير : ردي ردي بسرعه

مرام :ها ساره وين نوف شلونها زينه

ساره وهي تبجي : نوف ........نوف ............

مرام بخوف : شفيها شفيها نوف

ساره : بغيبو .....بو............بو.......بوبه

مرام : شــــــــــــــــــــــــــــــــــنو غيبوبه

ساره : أي اهى اهى اهى

بشاير :شنو؟؟ بغيبوبه

بشاير انهارت بالبجي وقعدت تلوم نفسها

ساره :نوموها عندهم يقولون بتفقد الذاكره

مرام :شنــــــــــــــو تفقد الذاكره

بشاير زادت بالبجي

ساره : الله يخليج مرام سكتي بشاير وهدي عليها

مرام : ان شاء الله ان شاء الله بس انتوا متوا تجون

ساره : اللحين نجي لأن مها وراها قعده الصبح عندها مقابله حق الوظيفه

مرام : شنو وظيفه أي وظيفه هذي

ساره :بعدين اللحين مو وقته ديري بالج على بشاير يالله باي

مرام : ان شاء الله بايات

بشاير وهي تبجي : وديني لها الله يخليج مرام ابي اشوفها

مرام : بشور هذا وانتي الكبيره جذي تبجين شاون اليهال

بشاير وهي تصارخ وتبجي :هذي نـــــــــوف نــــــــــوف افهمي

وبين دموع بشاير وألم نوف وشوق ............

مبارك شوقه خانه وأتصل على نوف بس اللي رد عليه مو نوف

بشاير : وانت لك عين بعد تتصل بعد اللي سويته اهى اهى

مبارك : بشاير شفيج ليش تبجين

بشاير : انت ذبحت نوف نوف راحت خلاص نوف راحت

مبارك بخوف وهو يفز من كانه : بشاير قولي الصج نوف شفيها

بشاير وهي لازالت تبجي : نوف بغيبوبه بسبتك انت اللي ذبحتها انت اللي ذبحتها

مبارك ودموعه خانت قلبه وخانته : بشاير قوليلي نوف شفيها ترى راح انفجر قوليلي ويـــــــــــــــــنها

بشاير : نوف فقدت الذاكره وهي اللحين بغيبوبه

مبارك بخوف :شــــــــــــــــــــــــــــــــنو

بشاير : انت السبب انت السبب والله شيماء ما راح تخليك واللــــــــه كله منك جرحت قلبها الله يجرحك حس فيها حس انها ما تنام الليل بس على شانك واذا زعلت حضرت جنابك تسهر وتقعد تترجى فيك وما تخلي احد ما اتدق عليه بس علشان تتطمن انك بخير ولا اذا صخنت مليون صيدليه تروح لها وتجيبلك علاج وهذا غير التوصيات اللي توصيك اياها علشان اتدير بالك على نفسك وانت ولا هامك وما تحس فيها ومع كل هذا تقولها ((واضح الشرف )) امانه عمرك شفت احد يهتم فيك كثرها امك اللي اهي امك ما تهتم فيك وتخاف عليك كثرها انت ذبحت نوف يامبارك ذبحتها ليش سويت جذي ليش اهى اهى

مبارك اجرحه كلام بشاير اللي جبرت دموعه تنزل

مبارك وهو يحاول يتمالك نفسه : اهي بأي مستشفى

بشاير : السلام

سكر مبارك التليفون وقعد يلوم نفسه ودموعه تنزل قصب عنه

أأأأأأأأأأأخ أأأأأأأأأأأأخ يا نوف أأأأأأأأأأخ انا السبب انا السبب كله مني انا اللي سويت فيج جذي

لبس ملابسه وطار على المستشفى دخل مبارك المستشفى وصار وجهه بوجه ساره ودعمها من غير قصد

مبارك وهو يمسح دموعه ومبين عليه البجي : اسف

ساره : لا عادي

مها بتعاطف : ياحرام شكله احد ميت له او صاير له شي لأنه ياي مستعجل

ساره : آآآآآه واحنا يا مها اللي صار لنا مو مأثر فيج

ياليتج تدرين يا ساره اني ماسكه نفسي عن الدمعه قصب بس علشان ما اضعف عند احد انا قويه انا قويه انا قويه لاتضعفين يا مها لاتضعفين لاتضعفين

ساره : ليش ساكته

مها : اركبي السياره

ركبت مها السياره وهي ساكته وساره سكتت لأنه حست ان مها متضايقه وتحاول تخبي ضيقها

مبارك وهو يركض ودموعه ما فارقته : ويـــــــــــــــــــــــــنها وين نوق وينها

الدكتور :شفيك يا اخوي هدي شوي

مبارك وهو يبجي كأنه طفل ماخذين منه لعبته : الله يخليك خلني اشوف نوف الله يخليك ابي اشوف حبيبتي

الدكتور بتفكير : شنو اسم ابوها نوف شنو

مبارك : سالم أي اسم ابوها سالم كانت عندكم من شوي هني فيها فقدان ذاكره واهي اللحين بغيبوبه

الدكتور : أي عرفتها بس اهي شتصيرلك زوجتك

مبارك من بعد صمت : حبيبها

الدكتور وهو يهز راسه: انت اكيد مبارك

مبارك بأستغراب : انت شدراك

الدكتور : لأن نوف من ثواني صحت من الغيبوبه وكانت تقول كلام مو مفهوم

مبارك : وشنو كانت تقول

الدكتور : مثل لحد يقرب صوب مبارك لحد يمسك حبيبي الله يخليكم خلوه افحاله ممكن افهم الموضوع

مبارك بدت دموعه تنزل : شنو اقولك يا دكتور اقولك ان انا ذبحت نوف ان انا ذبحتها بعد نوف مستحيل تسامحني مستحيل

الدكتور : نوف اللحين فاقده الذاكره يعني تقدر تصلح اللي سويته مهما كان كبره

مبارك : يعني نوف ما تتذكرني اللحين كلش

الدكتور : نوف فاقده اشياء بسيطه من حياتهاومع الايام راح ترجع لها ذاكرتها

مبارك : الله يخليك ابي اشوفها

الدكتور : اللحين ما اقدر اخليك تشوفها باجر الصبح ان شاء الله بخليك تشوفها

مبارك : خلاص انا بقعد هني لي الصبح علشان اشوفها

الدكتور : انا اقول قعدتك هني ما منها فايده انت روح ارتاح وتعال الصبح

مبارك : بس أخاف اهلها يشوفوني وتصير سالفه

الدكتور : انا بعطيك حل انت روح وانا بدق عليك اذا ما كان احد موجود عندها وبخليك تتطمن عليها

مبارك : مشكور يا دكتور مشكور

الدكتور : العفو ما سويت شي

راح مبارك البيت وهو شايل هم كبيــــــــــــــــــــــــــــــــــر

مها فتحت باب البيت ولقت شيماء نايمه بالصاله تنطرهم

مها : شيوم شيوم يالله قعدي

يماء بفزع : وين نوف وينها

مها سكتت ونزلت راسها بحزن وساره ...........

ساره : خليناها بالمستشفى

شيماء بخوف : ليـــــــــــــش شفـــــــــــــيها

ساره : ماكو عياره بنات والدكتور قال بينومها جم يوم علشان يتطمن عليها

شيماء : ساره مها قولولي الصج نوف شفيها

ساره : شفيج مو مصدقه نوف ما فيها شي بســ .................

مها : نوف طاحت وصار فيها انهيار عصبي حاد وهذا أثر عليها وايد علشان جذي فقدت شوي من ذاكرتها ومع الايام بترجع لها

شيماء كانت ماسكه نفسها عن الدمعه : ليش صار كل هذا ليش

مها : محد يعرف شنو اللي كانت شايلته نوف اللي خلاها اتطيح هالطيحه هذي اللي صار فيها انهيار عصبي حاد وخلاها تفقد الذاكره وهذي حاله نادره ان الانسان يفقد الذاكره من انهيار عصبي

شيماء بتنهيده : اااااااه الله كريم

دخلت مها غرفه امها اللي هيغرفتها وسكرت الباب غيرتملابسها ونامت على السرير وتفكر بالي صار ودموعها كانت تنزل من غير شعور فتحت حضن امها ونامت بأحضانها وهي دموعها ما فارقتها

هذا المكان الوحيد اللي ارتاح فيه حضنج يا يما المكان الوحيد اللي ينسيني همومي ويريحني اللـــــــه يخليج لي يا يما انتي الوحيده اللي احس جدامها اني صغيره وطفله انتي الوحيد اللي احس اني اخاف منها من بعد الله سبحانه انتي امي انتي اللي تحميني كافي ثقتج فيني اللي معطيتني كل شي وجودج يمي يعني قوتي الله يخليج يما تحملي علشاني انا من غيرج ولا شي

ساره : شيماء يالله روحي كملي نومج بغرفتج يالله

شيماء كانت تفكر بنوف ومبارك وشكثر نوف تحبه وبس اسمعت ان انا بذبحه صار فيها جذي شلون لو ذبحته صج جان توت وراه آ آ آ آه يعني في حب جذي يعني نوف تعبد مبارك بس ليش اهو ما يحبها أي تذكرت لأن نوف فقيره وهوغني ذبح اختي الله لايوفقه

ساره : هي انتي شيوم

شيماء وهي منتبهه على نفسها : ها هلا شنو

ساره : قومي غرفتج يالله

شيماء وهي قايمه : تصبحين على خير

ساره : وانتي من اهله

راحت شيماء غرفتها وهي شايله هم على ضهرها فتحت الباب ودخلت

بشاير : ها مها وساره اجو

شيماء بهم : أي

بشاير وهي قايمه : وينهم

شيماء : مها راحت تنام وساره بالصاله

مرام : ياربي شنو هالمصيبه اللي طاحت علينا

شيماء كانت تفكر شنو راح تسوي بمبارك

بشاير : شيماء الله يخليج انسي سالفه مبارك انا اعرفج عدل اذا سكتي هالسكته يعني وراج سالفه

شيماء : وليش انساه

بشاير : شنو؟؟ ليش تنسينه ؟؟ انتي شفتي شصار بنوف بس لأنج قلتي بتذبحينه

مرام : شيماء خلي عنج هالسوالف هذي الله يخليج مانبي نوف تموت علينا

شيماء : الله كريم

مرام : بشور عطيني الوجبات ابي اكل يوعانه

بشاير وهي قايمه تجيب الجيس : وليش انتي ما تقومين انا الكبيره استحي على ويهج

مرام : اقول اسكتي بس كلها سنه

بشاير عطت مرام جيس الوجبات وقعدت بهم

شيماء نامت من غير ما تقول حق احد ولا كلمه

بشاير : والله فاقده نوف

مرام : ادعيلها يا بشاير ادعيلها

بشاير : الله يقومج لنا بالسلامه يا نوف وتقومين لأمج ولخواتج

مرام : شنو بنسوي على امي بنقولها ولا لأ

بشاير : احنا مالنا شغل مها اهي اللي تحلها

مرام : يالله بشور انا رايحه انام

بشاير : وانا بعد ابي انام تصبحين على خير

راحوا كلهم ينامون وبشاير كانت فاقدهنوف وما كانت قادره تنام وسرير نوف فاضي راحت اتدور أي شي تحطه على سرير نوف بس علشان توهم نفسها ان نوف نايمه يمهم دخلت غرفت خواتها وخذت لعبة غرام

كانت العبه طويله حطتها على سرير نوف وراحت نامت على سريرها وكانت تتخيل ان نوف نايمه وكانت تسولف وتضحك وكأن نوف تسمعها لين ما داخت ونامت

ومبارك كان حاط راسه على المخده ومو قادر ينام كان يتقلب يمين وشمال وكان كل ما يغمض عينه كان يتذكر كلام بشاير

انت السبب انت السبب ذبحت نوف نوف نوف نوووووووووووووووووف

مبارك من غير شعور صارخ بصوت عالي : خــــــــــــــــــــــــــــــــــــــــــــــــل اص اللــــــــــــــــــه يخليج بشـــــــــــــأير ارحميني ارحميني

شروق اسمعت صراخ مباركلأن غرفتها عند غرفته راحت تركض فتحت الباب بخوف

شروق وهي تركض صوب مبارك : بروك شفيك خوفتني مبارك شفيك مبارك تكلم مبارك مبارك

مبارك كان منسدح ومغمض عيونه وما كان يتكلم وشروق كانت تحركه بقوه بس ماكان يرد عليها كان شكله يخووف وكان جسمه معرق ولون ويهه اصفر وكانت حرارته مرتفعه حيل شروق شافته جذي راحت تركض حق بندر

شروق وهي اتطق الباب بقوه : بندر بندر بندر افتح بسرعه بندر

بندر وهو يفتح الباب بخوف : شنو شفيج

شروق بخوف : مبارك مبارك ..........

بندر : شفيه

شروق وهي ماسكه راسها من الخوف : ما ادري ما ادري تعال شوفه

بندر وشروق راحوا بسرعه لغرفه مبارك كان الباب مفتوح لأن شروق ما سكرته لمن طلعت ومبارك لازال مسكر عيونه وما يبي يكلم احد

ابي اموت ولا افقدج يا نوف ابي اموت ولا تكرهيني يا نوف يا رب اخذ روحي ولا اشوف نضرات الكره بعيونج يا نوف

بندر وهو يحرك مبارك بقوه : مــــــــــــــــــــــــــــــــــــــــــبارك

الكل تجمع على مبارك اللي مو قادر يتكلم ولا كلمه وكأن لسانه انقطع

بدت ام محمد تقرأ قرآن على مبارك وتبجي وشوق كانت تاكل بأضافرها وميته من الخوف ومن بعد نص ساعه من الخوف والدموع

مبارك وهويفتح عيونه ع الخفيف : شفيكم شصاير

بندر : مبارك الله يهديك شفيك خوفتنا عليك

ام محمد وهي ماسكه ويه مبارك يما مبارك فيك شي تبيني اوديك المستشفى

ابو محمد : لا مافيه الا العافيه بس انتوا خلوه يرتاح شوي

شروق : مبارك حبيبي تبي ماي

مبارك :لأ

شروق كانت حاسه ان مبارك فيه شي علشان جذي انطرت الكل يروح وتمت قاعده علشان تعرف شفيه مبارك اللي ما تعود يخش شي عن شروق

ومن بعد ما راح كلآ بغرفته

شروق : مبارك قول شفيك

مبارك حط ايده فوق راسه وكان سرحان

شروق : مبارك انا حاسه انه فيك شي وما راح اتحرك قبل ما تقولي شفيك

مبارك بهم : نـــــــــــــوف

شروق : شفيها

مبارك : بغيبوبه ويقول الدكتور راح تفقد الذاكره

شروق بخوف : شـــــــــــــــــــــــــــــــنو

مبارك : وانا السبب بالي قاعد يصير لها

شروق بأستغراب : ليش انت شننو سويت

بدى مبارك يقول حق شروق السالفه من الالف لي الياء

شروق بحيره : وانت ليش قلت جذي

مبارك : الغيره عمت عيوني والله اني مت من الغيره لمن شفتها مع خالد

شروق : بس انت لازم تتأسف لها او تبين لها انك غلطان لأنها تحبك ولو ماتحبك جان طنشت بس نوف لأنها تحبك شوف شنو صار فيها بس لأنها سمعت كلمه تجرح من الانسان الوحيد اللي تحبه وتحس قربه بأمان

مبارك : مو هذا اللي بيذبحني اليوم كنت عندها بالمستشفى بس ما خلوني اشوفها وأخاف اذا رحت لها اهلها يكونون عندها

شروق : شرايك انا اروح لها بلأول امهد لها الموضوع واذا شفت انها مو زعلانه عليك ونفسها تشوفك اتصل عليك واخليك تصعد عندها شرايك

مبارك وهو يعدل قعدته : صج شروق تقدرين

شروق : أي اقدر

يتبع ,,,,,

👇👇👇

تعديل المقال