رواية اشتقت لك حبيبي ضمني لصدرك وقلي احبك -1
اشتقت لك حبيبي ضمني لصدرك وقلي احبك
مشاعر انثى
تجميع
اسطورة !
مسـآئكم عطر وفل وياسمين على ارواحكم الطاهره . .
مسائكم حب وتفاعل لـ روايتي ! . .
السلام عليكم ورحمة الله وبركاته !
جلست مع نفسي وانا اجول مابداخلي . . جآئتني رغبه في الكتابه للمره الثانيه . .
ولكن ترددت وتراجعت خوف من عدم اعجاب الاعضاء ! . . ولكن لبثت بصيص من الامل ..
انهم ستعجبكم بإذن الرحمن ! . . روايتي دمجت بـ الواقع والخيال . .
فهو كثير بجمتعنا يحدث مالم يكن بالحسبـآن . . ,لكن كل من يحاول التخلص على ذلك
منهم من مرت عليه تجارب ! والبعض منا لم يحدث له ! . .
وكل من جرب يحاول بنشرها ليفيد ويستفيد ! . . لعل لايخطأ احدد منا فيها ! . .
جأتكم اليوم . . بروايه مختلفه تماما عن روايتي الاولى !! .
روايتي الثانيه : اشتقت لك حبيبي ضمني لصدرك وقلي احبك ! . .
الكاتبه : مشــاعر أنثى
روايتي فيها من الغموض كثير وفيها رومانسيه وحب وانتقام وحقد ونفاق !
ربما يمر في مخيلت البعض اشياء كثيرا ! . . ولكن بعد ماتتابعوها معي بإذن الله !
بتعجبكم ان شاء الله . .
برب للبارت الاول ! ..
البــــآرت الاول :
دخلت بكل هدوء وهي متلثمه وتوجهت لقسم الممرضـآت والخاصين بحضانه الاطفال . .
شافت دكتوره بيدها ملف ركضت لها : دكتوره ابيك ضروري لو سمحتي
الدكتوره " نهى " باستغراب : امري بقيتي شيء ! اقدر اخدمك ..
منيره بمكر وخبث : كم راتبك في المستشفى ؟
د. نهى : 2000 وشوي لاني اعتبر طبيبه عامه موب حق كل شيء بس ياخاله مافهمت وش طالبه مني؟
منيره بخبث : واللي يخليهم لك 9000 بس بشرط !
نهى بلهفه مااخفتها: امريني وانفذ لك !
منيره بمكر : عندكم مولوده جديده اسمها شذى محمد الـ . . تقريبا توها مولوده من اسبوع عندكم بالحضانه . .
نهى باستغراب : مافهمت وش تبين مني ياخاله !
منيره تلفت يمين ويسار ماشافت احد وهمست : ابيك تعطيني وياها وتسوي نفسك ماتدري بأي شيء
د. نهى نزلت راسها بتردد وموب عارفه شتسوي ! ..
منيره بخبث فتحت شنطتها وطلعت الشيك بـ 9000 ريال وحطتها قبال عيون نهى : ها ؟! وش قلتي؟
د. نهى بلعت ريقها : طيـ طيب . .
منيره لحقت نهى وراحو لـ قسم الحضـآنه . . د. نهى بتوتر : معليش خلك هنا لاحد يشك ..
منيره وهي رافعه حاجب : طيب لاتتأخري . .
د. نهى دخلت بكل حذر للحضـآنه ودورت على اسم البنت . . وشافتها " شذى محمد الـ .. " راحت بسرعه لاحد يشوفها واخذتها من لحافهاومسكتها بحذر
وطلعت من الحضـآنه وتوجهت لمنيره وهي خايفه ومدتها لها بتردد : هذي هي . .
منيره بخبث مدت لها الشيك . : وهذا نصيبك ! ولاتقولي لاحد اني انا اللي قلتلك بتتوهقي انتي . . وسلام !! . . وطلعت من المستشفى بكبره !!
بعــــــــد ثلاث سنين !
في بيت من البيوت المتواضعه نوعا ما ! . . كانت نهى جالسه وتبكي : يمه وليدي ويييييينك
اهئ ويييييينك وليدي حبيبي وينك
عفست البيت فوق تحت وماشافته ! شافت جوالها على الكمدنيه ركضت بسرعه واخذته ودورت في قائمة الاسماء على اسم " فيصـل " رن مره مرتين في الثالثه رد : هلا حبيبتي
نهى وهي تبكي : فيصل ولدي ماشووفه ماشوفه تكفى ابي ولدي
فيصل قام بسرعه بفزعه : هديي حبيبتي وانا جاي البيت يلا بـآي واخذ مفتاح سيارته القديمه . . شغلها بسرعه وركب وتوجهه للبيت بأقصى سرعه !! . .
اما عند نهى قاعده وتبكي : يمه وليدي وييينك اهئ ولدي وينك تكفى اسوي اللي تبي لك بس تعالي تعال يانظر عين امك تعال . . يارب احفظي لي وليدي ورجعه لي سالم يارب . . الا بدخله فيصل وشافها وركض لها : ويييين تركي ولدي وينه حبيبتي وينه !
نهى وهي تبكي وتشاهق : فيصل انا كنت بالمطبخ طلعت ماشافته ماشفته وقامت تبكي . فيصل تركها وطلع من البيت يدور على ولده بجنون !!
ولدهـ الوحيد اللي ياما عانا عشان يجيبه ! اخرتها يضيع بلمح البصــر ماقدر وذرفت دموعه بس بسرعه مسحهم بكفه وقام يدور ويسأل اصحـآبه لكن دون جدوى !!
عند نهى نامت على الارض وهي تردد : ولدي وينك تكفى تعال حبيب اممك ! وتبكي وتشاهق الى ان غفت عينها . .
/
في نفس الوقت . . بقصـر من القصور الضخمه المتميزه بالدقه والعنايه في التصميم . . والديكور الروسي . . كانت الحديقه منسقه بإجود الزهور والنباتات . . في داخل القصر قاعده بحزن ودموعها ينزلو وتمسحهم كل ماتذكرت بنتها اللي ضاعت !! ضاعت ولااحد يدري وينها فيه !! . . للاسف دورو بكل مكان ومالقوها !... وهي ضامه ولدها تخاف تفقده اويضيع مثل ماضاعت بنتها . . ضمته بأقوى ماعندها ودها تضم بنتها . . بس ضاعت ضاعت ! ومستحيل ترجع !! . . قطع سرحانها اللي دخل من البوابه الفخمه . . شاف وجهها وعرف انها تبكي هز راسه بيأس وتوجهه لها : حبيبتي ليه تبكي ؟!
ام احمد وهي ضامه احمد اللي نام في حظنها وتبكي : يامحمد ماني بقادره اصدق ودي ببنتي يامحمد تكفى قوولهم يجيبوها واعطيهم اللي يبوو بس يجيبو بنتي وتبكي وتشاهق . .
ابواحمد بهدوء : ياام احمد صدقيني انا ابذل جهدي واسوي اللي علي ومن زمان ادوور عنها وان شاء الله بنلقاها بس انتي ادعي وان شاء الله الله مايخيبك
ام احمد مسحت دموعها :ان شاء الله . .
/
بعد ساعتين تقريبـآ . . قاعده وتكلم بالتيلفون وهي تضحك بخبث : هههههه مستحيل ارجع له بنته الا اذا نفذ اللي ابيه . . لا لا ياحبيتي وحده بوحده . . ههههه طيب يلا باي . . سكرته وجات لها الخدامه " ميري " : ماما ذا طفل صغير كلو يبكي كلو يبكي
منيره بنرفزه : عطيتيها حليبها ! . .
الخدامه " ميري " : يس ماما . .
منيره بعصبيه : عسره مثل ابووها روحي نوميها ولاابي اسمع صوتها فاهمة !!
الخدامه : طيب ماما . . اما منيره وهي تفرك يدينها بتهديد ! . . : اووريك يامحمد لوو ماانت باخوي كان بنتك الحين بح ! بس ( ابتسمت باستهزاء ) ينقال انك اخوي فـ بحافظ عليها ! .. وصعدت فوق تتطمن على بناتها . . لان زوجها توفى من سنتين تقريبا . .
/
بعد 17 سنــــــــــــــــة !
نهى وهي تطالع في فيصل : فيصل حبيبي تكفى دورلي واحد اسمه محمد الـ . . . ابي بيته ضروري
فيصل وهو يرفع حاجب : ليه وش تبي به؟
نهى : تكفى حبيبي؟
فيصل تنهد وهو متنرفز بالقوه خصوصا عقب ماضاع ولده ولالقاه ولحد الان يدور عنه ! .
: طيب
نهى : حبيبي ماحصلت وظيفه
فيصل لف وجهه بفرح : نسيت ماقلتلك حبيبتي حصلت وظيفه رسيبشن فـ مستشفى
نهى رغم الالم فرحت لزوجها : مبروك حبيبي الله يتمم علينا بشوفة ولدنا ان شاء الله
وقامت تبكي ! ..
فيصل نزل راسه بحزن : ان شاء الله ..
/
بــــــــرب
كانت نازله وبيدها " الايفون " وتنادي : ماما ماما وينكك؟!
منيره طالعه من المطبخ بنرفزه : نعم وش هالصراخ ؟
شذى بدلع : ماما وش فيك علي .؟
منيره رفعت حاجبها : بلاش دلع يابنت واخلصي علي وش تبي ؟
شذى وهي منزلة راسها : ماما ليه تكلميني بذي الطريقه ؟
منيره : بلا طريقه بلاهم وانقلعي عن وجههي ونادي خواتك !
شذى : طيب ماما وركضت فوق وفتحت غرفه " التوأم "
شذى : لمى اند جنى يادبين يلاا
لمى وهي ماسكه الكتاب : وانتي ماتعرفي تطقي الباب على طول
جنى : دفشه كالعاده ! ومدت لسانها
شذى نطت على السرير : مادفش غيركم واخلصو علي نزلوو غدا ولاباكله عليكم .!
لمى وجنى قطو اللي معهم وقامو بهبال : لا لا بدوس ببطنها
لمى : اختي امسكيها ! لاتطير منك
شذى بخوف : لا لا ابعدوو وفلتت وركضت لـ برا الغرفه وهي تسمع صوت ضحكاتهم . .
( شذى 20 سنة في الجامعه اداره اعمال شعرها لخصرها ناعم ولونه اسود وعيون واسعه وجذابه والانف الطويل . . ورشيقه ومتوسطه الحجم وفيها غميزات تجذب ) . .
( لمى19 سنة شعرها لكتفها بني وعيون جذابه وواسعه )
( جنى توأم لمى 19 سنة شعرها طويل لنص ظهرها ماتحب تقصه لونه بني ناعم وعيونها سودا وواسعه )
/
دخل البيت وهو ينادي : نهى نهى حبيبتي . .
نهى طلعت من المطبخ : هلا حبيبي . .
فيصل وهو يبتسم بحب : حبيبتي لقيت البيت اللي قلتي عنه
نهى بلهفه ركضت له : صج حبيبي يلا يلا ودني تكفى
فيصل رفع حاجب : نفسي اعرف لوش هالحماس
نهى بارتباك : بعدين حبيبي الحين ودني تكفى
فيصل هز راسه : طيب يلا لبسي عبايتك واطلعي لاتتأخري . .
نهى : طيب . راحت غرفتهم الخاصه اخذت العبايه والغشوه من الشماعه ! ولبستهم وطلعت ..
ركبت السياره بهدوء وهي متوتره نوعا ما . . فيصل وهو يسوق وهو يهديها : وش له هالتوتر حبيبتي ؟!
نهى بتوتر واضح : لا مافي شيء حبيبي كمل سياقتك !
فيصل مسك يدها وهو مركز نظره في الطريق : عمري هدي مايسوى عليك ترى ارجعك
نهى بخوف : لا لا حبيبي خلاص بس كمل ! الله يخليك
فيصل : طيب . .
/
قعد من النوم واخذ له شاور منعش . . يسترخي فيه طلع ولبس جينز اسود وبلوزه بيضا عليها انجليزي بالاصفر وتعطر ومشط شعره اللي يوصل الى رقبته بدقه . . ونزل تحت شاف امه وباس راسها : قوه يالغاليه ! . .
ام احمد : الله يقويك حبيبي . . ها بتطلع ؟
احمد : لا يمه بقعد جنبك شوي وبعدين بطلع لاحق على الشباب
ام احمد ابتسمت : الله يخليك لي . . الا بدخله ابو احمد : السلام عليكم
احمد وامه : وعليكم السلام . .
ابواحمد جا وجلس : ها شخبار الدراسه معك
احمد وهو يحك راسه بهبال : لا لا الحمد لله هههههه ..
ابو احمد : افكر بعد ! . . قطع كلامهم رن الجرس ابواحمد : قوم يااحمد شوف من عند الباب
احمد وهو يقوم : حاضر يبه . . قام وتوجهه للباب وفتحه . . شافهم و عقد حواجبه باستغراب : نعم اخوي ؟! بغيت شيء ؟
نهى تكلمت : احم ممكن تنادي ابو احمد
احمد : من اقول له ؟
نهى : ناده وان شاء الله خييييير . .
/
لهنا بارت قصصصير كمقدمه للروايه !..
ياترى وش بتقول نهى حق ابو احمد ؟!
منيره وش تقرب لـ ابواحمد ؟! وليه اخذت شذى؟
ابواحمد بيلاقي بنته بعد 20 سنة ؟!
تركي ولد نهى ياترى بتلاقيه امه ولا ؟!
... كل هذا بالبارت القادم بس ابي تفاعل بليزز حبايبي
كل الحب لارواحكم !
سلام . .
يسعد لي مساء كل من تفاعل معي ! . .
الله ينور دربكم بالطاعه يارب ..
ولعيونكم حبيباتي البـآرت الثاني بين ايديكم . .
× البـــــــــــــــــارت الثــــــــــاني × :
بعد صلاه الظهر بعد ماصلو . . وتوجهو للقصر ابواحمد . . وهي تكلم احمد :
نهى : ناده وان شاء الله خير ..
أحمد : طيب انتظريني شوي . . دخل احمد البيت وقال لامه وابوه ان وحده تبيه ..
ام احمد لبست العباءه بما ان فيصل زوج نهى وياها ..
طلع مره ثانيه احمد بابتسامه : تفضلو حياكم . .
نهى ابتسمت له ودمعت عينها وهي تتذكر ولدها كان الحين يكون عمره 20 سنة او 21 سنة
بس للاسف ّ!! مالقته . . مسحت دموعها بسرعه والتفت لفيصل : يلا
فيصل : يلا حبيبتي . .
دخلـو بكل هدوء . . وقام ابو احمد وام احمد لبست العبايه وتغطت . .
نهى : السلام عليكم . .
الجميع : وعليكم السلام ورحمة الله وبركاته . .
ابواحمد : تفضلو حيييياكم . .
نهى مسكت يد فيصل وتوجههو للكنبه وقعدت .. بارتباك : احم ياابواحمد انا جيتك اليوم
بقولك شيء . . بس اتمنى اتمنى تسمعني للاخر . .
ابواحمد باستغراب : طيب اختي تكلمي انا معك ..؟!
نهى بارتباك : احنا حالتنا متواضعه جدا لدرجة ان زوجي فيصل توه متوظف . .
انا كنت دكتوره بمستشفى المهم جاتني يوم من الايام مره قالت لي ابي المولوده شذى محمد الـ,,,
مقابل مبلغ اعطيك اياه .. بتقوولي ياابواحمد اني طماعه .. لا للاسف لاني ذاك الوقت
كنت محتاجة للفلووس . . خصوصا ان يعتبر جزء البيت كله علي . . وبعدها بثلاث سنين
ودموعها نزلو ضاع ولدي ! . . والى الان مالقيته ! بس انا متندمه بالقوه واتمنى تسامحوني
الكل مندهش من اللي سمعه موب معقول بعد 20 سنة تطلع شذى بعدها !!
ابواحمد بهدوء : منو الي اخذ بنتي ؟
نهى : للاسف اختك منيره . .
ام احمد شهقت : مستحيل مستحيل بنتي عند اقرب الناس لي وانا مادري مستحيييييل
ونزلو دموعها . . تبي احد يجاوبها !؟ يقولها اللي هي فيه حلم ولاعلم ؟!
بنتها اللي ياما نزلو دموعها عشانها تطلع عند اقرب الناس
طيب ليه ؟! ليه ؟! كل هالتساؤلات تدور في بال ام احمد . .
احمد بعصبيه : وجايه بكل قواه عين تقوليلنا . . اختي بتجيبها ولاالمحاكم بيننا وفصل من الشغل
نهى قامت تبكي : تكفى سامحني انا ماكان قصدي ااذيكم تكفى لاتقولهم يفصلوني . . وانكبت تبكي
اما فيصل كان منهدش بقوه والتزم الصمت ! . .
مستحيل زوجته نهى ام عياله تكون كذا وعشان شنو عشان فلوس !
مستحييييييييل ! موب مستوعب لحد الان . .
ابواحمد : يااحمد اهدئ وخلني اعرف السالفه . .
ام احمد وهي تبكي : تكفي قوليلي وين بنتي انا مسامحتك بس ابي بنتي ابي اضمها
تكفي قوليلي !! وانهارت على الكنبه . .
نهى تقطع قلبها عليها وندمت انها بيوم من الايام سوت هالفعله !! . .
قلب الام . . مهما كان يظل على عياله حنون !
نهى ودموعها يجروو : ياام احمد بنتك عند عمتها منيره . . تقدرو تاخذوها . . واذا بقيتوني
بأي شيء انا بـمستشفى الـ ,,, وحاضره لكم ..
اشرت لـ فيصل زوجها بمعنى قوم وهو قام بكل صمت !!! وطلعو من القصر . .
بينما داخل القصر . . ام احمد تبكي بالقوه : تكفى محمد قوم جيب بنتي اعطيها الي تبي
بس ابي بنتي تكفى !
ابواحمد بهدوء : ياام احمد اهدي وصدقيني بجيبها ! ..
ام احمد وهي تمسح دموعها وفجأه ابتسمت : محمد مستوعب ان بنتتتتتي اللي من 20 سنة
ادورها واخيرا لقيناها مستوعب وياي
ابواحمد وهو خايف عليها : ياام احمد اي مستووعب بس تكفي هدي عشان خاطري
عشان اقوم اجيبها
احمد كسرت خاطره امه وقام بكل عصبيه ورقى فوق وهو معصب للاخر !..
بينما ابو احمد قاعد يهدي فيها . . الى لمن هدت !
/
في نفس الوقــــــــت
بعد ماصلت لمى توجهت لغرفه شذى لمى فتحت الباب بقوه على شذى : شذذذذذوي ياحلوه قوومي يلاا
شذى طوت سجادتها وهي تتكلم بهدوء : يلا بجي . .
لمى استغربت وشفيها راحت لها: وش فيك شذووي؟
شذى ودموعها نزلو : احس اني متضايقه . .
لمى ضمتها : حبيبتي اقري قرأن ترتاحي . . ومن وش الضيقه؟
شذى وهي تبكي : مدري متضايقه
لمى ضربت كتف شذى بمزح : يادبا تبي تتغلي علينا . . تراني اجاملك
شذى ضحكت من اسلوب لمى : ههههههه دبا اوقاتك غلط الا وين جنى؟
لمى وهي تهز كتفها : صلت وقعدت تذاكر لان عليها امتحان يوم السبت !
شذى : اها الله يوفقها . . يلا خلينا ننزل لا تعصب ماما
لمى : ههههههههه يلا . . وهم على الدرج وقفو على الكلمات اللي سمعوها !
تحت في الصــآله . . محمد بعصبيه : بنتي تطلعيها يامنيره ولابتشوفي شيء عمرك ماشفتيه
منيره وهي حاطه رجل على رجل وضحكت : ههههههههههههه برافوو عليك . .
كمل وش ناطر . احم وابتسمت باستهزاء لاتخاف زورت الاوراق ( رفعت حاجبها بمكر ) يعني
ماتقدر ياحلوو تاخذها لان بيعتبروها بنتي ههههههههههههه
محمد وهي مندهش من خبث اخته . . بهدوء : وش المطلوب عشان تعطيني وياها؟
منيره رفعت حاجب : مايحتاج اعيد وازيد انت تدري وش ابي ؟!
محمد نزل راسه ثم رفعه : تبي فلوس زياده على فلووس ورثك من ابوي ؟
منيره قامت تصفق : براافوو هذا اللي ابيه . .
محمد كان متوقع منها كل هذا خصوصا اللي حصل الشجار بينها وبينه لمن توفى ابوه !.
محمد طلع شيك بـ 100 الف ريال : بنتي وينها ؟!
منيره توها بتتكلم : فـ .. الا شافت شذى نازله ودموعها على عينها وتطالع فيهم ..
منصدمه !!!!!! شفتو اليتيم اللي اذا كان في دار الايتام فجأه طلع له ابوه !!!!!!!!
هذي حاله شذى بالضبط . . بعد 20 سنة تكتشف ان عندها ابو . . وامها تعتبر عمتها
شيء مو معقول . . !!!!!!! ظلت تطالع ودموعها على خدها بصمت ولاتكلمت بأي كلمة
بينما لمى كانت جنبها وخايفه عليها لانها من سمعتهم وهي تبكي !
محمد بس شافه ركض بلهفه وضمها باقوى ماعنده : حبيبتي واخيرا شفتك ياحبيبه ابووك وهو يبتسم بمرح تعالي حبيبتي عندك اخو زي القمر يشبهك
اما شذى ضمته بأقوى ماعندها ! . . تبي تحسس بالامان عنده ! . .
وظلت تبكي موب مستوعبه للان .. ابواحمد وهو يهمس لها : يلا حبيبتي تعالي نروح بيتنا
شذى مسحت دموعها وبغصه : يـ يبه , !
ابواحمد ابتسم لها بحنيه : هلا حببيتي ياعيون ابوك امري . .
اما منيره قاعده تطالع وتبتسم بسخريه !. . جباره بعدها ! ماتأثرت بولاكلمة
شذى : بسلم على جنى . . ولمى وبجي . .
ابواحمد ابتسم : طيب حبيبتي يلا انتظرك
شذى لفت للمى وضمتها باقوى ماعندها وهي تبكي !! بتفارقها بتفارق توأمها
اللي ياما كانو وياها باصعب محنها ومع ذلك مافرقو بينها ..
شذى وهي تمسح دموع لمى : بس حبيبتي بزورك كل يووم لو تتبي بس لاتبكي
لمى وهي تطالع فيها : تكفين لاتروحي تعاودت عليك وقامت تبكي
شذى بمزح : الله الله توني ادري ان غلاتي عندك هالكثر ..
لمى : هههه دبا . . ماحبك ! هههههههه
شذى : طيب يلا خلينا نسلم على جنى الدافوره هههههههه
لمى : يلا .. صعدو فوق وفتحت الباب طبعا استغربت ان جنى تطالع فيها وهي نفس الشيء
مبين عليها انها باكيه من قبل . . قالت شكلها سمعتهم . . وراحت وضمتها باقوى ماعندها
وهم يبكو . . بكل صمت يعبر عن محبتهم كانهم توأم ثلاث ! موب ثنتين
بمحنهم وبفرحهم يشتركو عليهم . . بس امهم الي تفرق لان شذى موب بنتها بنت اخوها
بعد السلام الحار والتوديع نزلت شذى وشافت ابوها وابتسمت له ومسك يدها .. توه بيطلع
فاجأته منيره وهي توقف قدامهم : ماكو طلعه الا الفلوس بيدي
ابواحمد ابتسم بسخريه وطلع الشيك ورماه عليها : عفيه عليك يااختي ياللي من امي وابوي ..
ماقول الا الله يسامحك . لهدرجة الفلوس اعمتك . . وتنهد ياخساره تربيه امي فيك ياخساره
وهمس لشذى : يلا حبيبتي
شذى طالعت في منيره : اشكرك يا وبغصه يايمه على تربيتك وعصيبتك علي وطلعت وتركتها ..
/
عند احمد في الكوفي ويا ربعه . . قاعد يسولف وهو معصب على الاخر !
احمد : الحقيره ذي عمه تاخذ بنت اخوهاااا والمشكله ان امي اقرب لها !
عبدالعزيز : هدي يااحمد وان شاء الله كل شيء بيتصلح !
احمد : وش يتصلح ياعزوز مستحيل ذي عمتي منيره مستحيل
عبدالعزيز : طيب . . اختك اخذتوها معها ولا لا ؟
احمد بنرفزه : راح ابوي يجيبيها اليوم . . بس انا اللي قاهرني ليه كذا ليه ّ
عبدالعزيز وهو يمسك كتف احمد : هد يااحمد وان شاء الله خير..
احمد : اهـ بسس الله يعين لو ماابوي وقف بوجهي كان عرفت شلون اتصرف
عبدالعزيز بمزح عشان يخفي عصبيه احمد : هههههههههه ماشاء الله عليك انت اللي تلمسه على طول على المقبره ..
احمد رفع حاجب : عزوز ماكأنك رايق فوق اللزوم . .
عبدالعزيز : هههههههه يامطيح البنات . . ماقدر انا على الحاجب المرفوع
احمد بنرفزه : عزوز بتسكت ولاشلون
عبدالعزيز : ههههههههه لاا افا عليك خلاص بنطم . . كل شيء ولاالمزيون يروح عني ههههههههههههه . .
احمد ماقدر وقام يضحك : هههههههههه صدق انك رايق . .
/
عند شذى وابواحمد وصلو القصـر ونزلت شذى وهي تتأمل فلتهم . .!
المصممه بأبرز انواع الديكورات المنسقه بعنايه وترتيب ويدل على الذوق الراقي..
شذى دخلت القصـر ولفت جهه اليمين وشافت امها ! . . امها !! امها !! قامت ترددها في بالها
امها الحقيقه الي ياما ودها بالحنان بس للاسف منيره ماتعاملها الا بالقسووه
ام احمد قامت بسرعه وهي فررحانه وراحت وضمت شذى : حبييييييييبتي يابنتني وقامت تبكي . .
وينك ياروح امك وينك وضمتتتتها !! وهي تبكي
بينما شذى قاعده تبكي بصمت ! اليوم صدمات اقوى من احتمالها !
اما ابواحمد يراقب الوضع . . وهو يبتسم بحنيه . . عانى الكثير والكثير عشان بس ياخذ بنته
بس للاسف مالقها وبكل بساطه يلقها عند اخته اللي من لحمه ودمه !
اهـ مااقسى الزمن . . يطعن من اقرب الناس لك !! . . وعشان ايش ؟!!!!!!!!!!
عشــــــــــآن فلوس لاتودي ولاتجيب ! . .
بعد السسلام وام احمد فرحانه بشوفه بنتها . . قام يسولفوو وهم مستانسين !
شذى وهي في حظن امها وبدلع : ماما وين احمد اخوي ماشفته؟
ام احمد وهي تطالع في بنتها بحنيه : ياحبيبه امك من سمع بالخبر وهو معصب وطلع
شذى حطت يدها على فمها : امبيييييييه لايسووي شيء . . بس ماما اشتقت اشووفه !!
توها بتكمل كلامها الا اللي فتح الباب ورفعت راسها وشاف اخوها !
اخوها اللي ياما تمنت يكون عندها اخو بس ماحصلت اخوها اللي اذا تأزمت معها
يكون لها العون والمساعد ! . . شافته قبالها بدون تردد قامت بسرعه وضمته باقوى ماعندها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك