رواية صرخات هادئة -27
غرور:جنا انا بطنشك,محمد عادي اذا طولت يعني تبيني اتعلم بسرعه
محمد:ايه مايحتاج سهل
غرور:خلاص ابعد واسكتوا الحين عرفتها
جنا:ياللا بنشوف
غرور صارت تلعب :ههههههههههههه بديت اعرفها وناااااااااااااااااسه هههههههههه
محمد:ايه كذا تمام كملي
غرور:شفتوا قلت لكم بتعلمها
راشد دخل شاف غرور تلعب وقف:غرور
غروركانت بعيده شوي بصراخ:ابعـــــــــــــــــــــــــــد
راشد:وقفي
محمد:ابعد خالي
غرور:ابعد مااعرف اوقف .................وحاولت توقف وطاحت تحت رجول راشد
غرور تألمت:آآآآآآآآآآه اقول لك ابعد ,ارتحت يوم طحت
راشد ابتسم ونزل لها:وانت ليه ماوقفتي
غرور بدلع:قلت لك مااعرف توني قاعده اتعلم
راشد:وانت كل شئ تبين تتعلمينه ,مره مرعب والحين سكيت
غرور:ايه وش فيها
راشد وهو يناظر لبسها بنظرات اعجاب اخفاها:تتعلمين بهاللبس ...........وقرب منها وهمس باذنها بغيره:كم مره قلت ماابي اشوفك بهاللبس عند احد
غرور بنفس همسه:مافي احد غريب
راشد:نفرض شافك فيصل
غرور:ماشافني فيصل ,وبعدين انا عارفه فيصل في دوامه
راشد:ونفرض انه رجع
جنا بلقافه:هيه انت وهي وش تقولون,عيب راعوا في اطفال وتاشر بعينها على محمد
راشد قام:ياللا قومي
غرور مدت ايدها لراشد:قومني
راشد:طلعي السكيت وقومي
غرور:لا بكمل
راشد:اجل قومي لحالك
غرور عناد في راشد قامت بالتعب وحاولت تمشي بس طاحت من جديد:اخ رجلي تكسرت
راشد:ههههههههههههه احسن علشان تتركين عنادك
محمد بملل:خلاص خاله غرور روحي ارتاحي مره ثانيه نكمل
غرور:ههههههه ايه صرف ,اوكيه مره ثانيه نكمل .........وطلعت السكيت وقامت وصارت تمشي على الخفيف وتوقف
راشد كان يشوف مشيها وهي تعرج وتوقف علشان ترتاح قرب منها وحملها على رغم اعتراضها:اشوفك تلعبين سكيت مابي وحده مكسره
غرور حطت ايدها على رقبة راشد وطنشته
جنا:الله على الرومانسيه والحب
غرور وجهها صار احمر من الأحراج وبعدين بعينها حزن(آه ياجنا لو تدرين)
راشد وهو يناظر غرور الي باين عليها انها تفكر(غرور جد تخلين الواحد يتعلق فيك ويحبك ,أنا حبيتك بس لو اقدر انسى كل الي صار ,لو انت تنسين كل شئ ونبدا من جديد)
دخلوا الصاله راشد حط غرور بكل هدوء على الكنب
غرور:شكراً
جنا:ههههههههههه والله انكم تحفه هههههههههههه
راشد طنشها:اليسون اليسون
اليسون:يس مستر راشد
راشد:روحي جيبي ثلج لمدام غرور وعصير برتقال لي
غرور:ثلج ليه؟
راشد:علشان تحطينه على رجلك ويخف الألم
جنا بعبط:وانا ليه ماتعطيني وجه وماطلبت لي شئ
راشد(لو تروحين وتخلينا بروحنا يكون احسن ,ياربي احس نفسي طالع مراهق)
جنا:ياهو وين سرحت
راشد جلس بجنب غرور:روحي اطلبي لنفسك
جنا تمثل الزعل:غرور عجبك كلام راشد
غرور ناظرت راشد وابتسمت:ايه عجبني وهو صادق روحي اطلبي لنفسك
جنا وهي تمشي:مالت عليك ابيك عون قلبتي فرعون
غرور وراشد:ههههههههههههه............جنا راحت عنهم
راشد بسخريه:اشوفك اليوم معي ضد جنا,وش الطاري؟
غرور مااعجبها كلامه(ياربي مايكمل شئ عدل):كنت امثل قدام جنا مو احنا اتفقنا على كذا
راشد قرب منها أنقهر من كلامها(لا ماكنت امثل ,أنا سويت كل شئ باإيرادتي)وباابتسامه:طلعتي ممثله بارعه
غرورتحس بحرارة انفاس راشد على وجهها وبسخريه:هذا مماعندكم
راشد ناظرها
دخلت اليسون بايدها ثلج وعصير:تفضل مستر راشد
راشد ابتعد عن غرور وقام:حطي الثلج على رجلها وعطيها العصير
غرور:بس انا مااشرب برتقال
راشد طلع وهو منقهر منها
بعد مرور اسبوع
في الرياض
تركي بعصبيه:ياربي ليه ماترد علي ليه مقفله جوالها اففففففففف
راح عند شموخ :شموخ
شموخ الي كانت تشوف التلفزيون:خير وش العصبيه
تركي:غيوض ترد عليك؟
شموخ:ماكلمتها ليه؟ليكون متزاعلين
تركي:لا بس ماادري ليه مقفله جوالها صار لها اسبوع
شموخ:ماادري عنها بدق عليها وبشوف
تركي:اقول لك مقفل تقولين بشوف,انا بروح بيتهم
شموخ:خذني معك
تركي:اقول امسكي ارضك.............وطلع بسرعه
*
بعد ربع ساعه تركي كان في بيت ام سعود
تركي:خالتي ممكن تنادين غيوض
ام سعود والحزن باين على ملامحها:غيوض نايمه الحين
تركي وهو يقوم:طيب معليش قولي لها تدق علي
ام سعود:ان شاءالله
تركي قبل مايطلع بقلق: خالتي غيوض فيها شئ؟
ام سعود كان ودها تقوله بس تذكرت وعدها لغيوض:هي تعبانه شوي ,اذا صحت خليتها تكلمك
تركي ماارتاح بس مايقدر يقول شئ:ياللا مع السلامه ,تبين شئ
ام سعود:لا سلامتك
*
بعد مرور يومين يوم الجمعه
تركي خلاص ماعاد يقدر يصبر اكثر غيوض ماكلمته ابد ولا فتحت جوالها
تركي راح بيت ام سعود شاف سعود بعد السلام والحديث العادي
تركي:سعود غيوض وش فيها؟
سعود خاف انه تركي عرف شئ:وش فيها
تركي:أنا أسألك
سعود ارتاح يوم شافه مو عارف شئ:مافيها شئ
تركي عصب:اجل ليه ماتكلمني ولا ترد علي وانتم ماتبون تقولون لي شئ
سعود:تركي هدي قلت لك غيوض مافيها شئ هي شوي تعبانه
تركي هدا شوي:طيب خلها تنزل ابي اشوفها
سعود يصرف:ماهي موجوده عند صديقتها
تركي ماصدقه:الحين؟! الظهر؟!!!!!!
سعود:ايه عازمتها على الغدا
تركي قام:انا طالع بنشوف نهايتها معكم ,أنا حاس انه في شئ..........وطلع
*
سعود:يمه مايصير كذا حرام الرجال صار له يومين على هالحال لازم غيوض تكلمه
ام سعود:وش اسوي غيوض ماهي راضيه تكلم اي احد ,حتى ماهي راضيه تتكلم على الموضوع
سعود:الله يصبرها ويصبرنا
ام سعود:الله يشفيها
سعود:آمين
&&&&&&&&&&&&&&&
في الأمارات في دبي
غروربترحيب:هلا وغلا تفضلوا نورتوا دبي
جنا:عارفين انه منور بوجودنا
غرور:هههههه مو لك لخالتي وعمي
ام راشد:منور بوجودكم
غرور تدخلهم الصاله:تفضلوا
جلسوا الكل في الصاله
غرور:سيلينا جيبي عصير
دخل راشد:هلا والله حيا الله من جانا
ابو راشد:تسلم
جنا بمرح:بننام عندكم
غرور(رحنا فيها وطي):وناسه
راشد:اهلا وسهلا فيكم
*
في الليل
ابو راشد وام راشد دخلوا ينامون
جنا:غرور وش رايك نشوف فلم زي هذيك المره
غرور:لا اذا كان مرعب ماابيه
جنا:لا هندي لشروخان
غرور:اوكيه تمام,ونااسه شاروخان
راشد قام:لا مافي روحوا ناموا
غرور:مانبي ننام ابي اشوف فلم
راشد(هذه متى بتسمع الكلام):مانبي فلم وبلا عناد
جنا:راشد ليه ماتشوف معنا الفلم والله يهبل
غرور(الله يأخذك ياجنا من قال لك تعزمينه)
راشد شاف نظرات غرور الي تدعي انه مايوافق ابتسم:اوكيه ليه لا ..........وجلس بجنب غرور
غرور جالها احباط(ياربي طفش) ومن غير نفس:بروح اجيب لكم طقطقه
جنا:اوكيه ياللا لا تتاخرين بعد شوي بيبدا
*
جلسوا يشوفون الفلم الهندي "Kal ho naa ho"
راشد حط ايده ورى غرور وبهمس:انت ليه تعاندين لما اقول ننام يعني ننام
غرور تبعد ايده وبنفس الهمس:وانا مااحب اسمع الكلام ومابي انام
راشد حط ايده من جديد:لا والله
جنا:اشششششش بلا ازعاج بعدين تكلموا
راشد:ناظري الفلم وانت ساكته
غرور تجاكر راشد:جنا صادقه اسكت خلنا نشوف بهدوء
راشد ضغط على جنب غرور
غرور تبعد ايده بألم:اي وجع راشد ابعد ايدك
جنا بطفش:اف ياربي ازعاج
غرور:مااحد قال لك اعزميه
راشد تضايق من كلامها:اساساً أنا راح اقعد من غير عزيمه
جنا:خلاص شوفوا الفلم
وجلسوا يشوفون الفلم وغرور كل شوي تبكي
راشد يبتسم على شكلها تبكي مثل الأطفال ,انتهى الفلم
غرور وهي تمسح دموعها:ياحرام كسر خاطري
راشد بابتسامه:من اول الفلم لأخره وانت تبكين ,والله غباء
جنا:زوجتك رقيقه زياده عن اللزوم
راشد(يالبى روحها):طيب ياللا ننام
*
طلعوا الدرج جنا وهي بتدخل غرفة الضيوف :تصبحون على خير
غرور كانت بتفتح غرفتها وتدخل:تصبحين على خير
جنا استغربت غرور وين رايحه راشد انتبه سحب غرور وضمها على جنب :الأخت مضيعه من البكاء,تصبحين على خير
جنا ابتسمت ودخلت الغرفه
غرور انحرجت ابتعدت
راشد:كنت بتفضحينا
غرور:نسيت تصبح على خير
راشد مسكها:على وين؟
غرور:بروح انام بغرفتي ماراح احد يدري
راشد سحبها ودخلها معاه الغرفه:تعالي نامي هنا ولاتفضحينا
غرور استسلمت:اوكيه
راشد وهو ينام:ياللا تعالي نامي.........وبسخريه:اوه نسيت ماتبين تنامين معي اجل نامي بالكنبه
غرور(ياليتك تعطيني السرير وانت تنام على الكنب بس مافي احساس)
غرور اخذت بطانيه ومخده وحطت راسها تنام وجلست تتقلب لان الكنبه مو مريحه(والله مافي غير اني اطب عليه بالسرير)
نطت غرور في السرير
راشد وهو مغمض:خير
غرور:بنام هنا الكنبه مو مريحه
راشد يحس بحركه فتح ضوء الأبجوره شاف غرور تحط مخدات بالنص:وش تسوين
غرور:احط مخدات فاصل كل واحد له مكانه
راشد ابتسم(والله انك هبله وبزره):طيب نامي وبلا حركه
غرور وهي تتغطى:طفي الضوء
راشد طفى الضوء:وهذا الضوء وطفيناه
&&&&&&&&&&&&&&&
بعد يومين
تركي في بيت ام سعود وبنفاذ صبر:خاله والله خلاص ابي اشوف غيوض الحين,انا متأكد انه فيها شئ تكلمي تكفى قولي وش فيها
دخلت غيوض الي باين عليها التعب:وش تبي تركي؟
تركي صار يناظر شكلها يحس انه مشتاق
ام سعود طلعت
تركي قرب:وش فيك ليه شكلك كذا
غيوض وهي ماتناظره:تعبانه,وش تبي تركي؟
تركي مستغرب اسلوبها:ليه تكلميني كذا ,انا وش سويت؟
غيوض:ماسويت شئ
تركي:طيب,ليه ماتكلميني
غيوض:اسمع تركي اختصار للموضوع طلقني
تركي انصدم:................
نهاية البارت
البااااااااااااااااااااااارت وصل ياحلوين
عارفه اني تاخرت عليكم بس كنت مشغوله عندنا ضيوف من الدمام وانشغلت معهم
وتوني مخلصه من كتابة البارت
قراءه ممتعه واتمنى ان تنال اعجابكم
على فكره البارت الي قبل كان البارت السادس والعشرون بس انا غلطت
"مافي صوره اليوم ماني فاضيه ههههههههههه"
البارت السابع والعشرين
تركي قرب:وش فيك ليه شكلك كذا
غيوض وهي ماتناظره:تعبانه,وش تبي تركي؟
تركي مستغرب اسلوبها:ليه تكلميني كذا ,انا وش سويت؟
غيوض:ماسويت شئ
تركي:طيب,ليه ماتكلميني
غيوض:اسمع تركي اختصار للموضوع طلقني
تركي انصدم:نعم؟!!!!!!!!!!!!!!!!!!!!
غيوض وهي تعطيه ظهرها:الي سمعته
تركي عصب لفها وخله وجهها قباله:على كيفك هو؟وش السبب؟
غيوض:أكتشفت اني مااحبك
تركي ضحك بقهر:هههههههههههه لاوالله بزران احنا
غيوض عصبت:انا اتكلم معك جد انا مااحبك ياتركي
تركي وهو يمسك اعصابه:لعبه هي احبك نملك مااحبك نتطلق ,غيوض أنت تعرفين وش تقولين؟
غيوض:أيه عارفه وش اقول,أنا اقول لك طلقني لآني مااحبك
تركي مسكها من يدها وهزها بعصبيه:غيوض لاتجننيني
غيوض تبعده بهدوء:تركي انا قلت كل الي عندي .................ومشت عنه ودموعها على خدها
تركي طلع وهو معصب صار يضرب السياره بقوه بايده ورجله من القهر وبصراخ:والله لو على موتي ماراح اطلق
*
غيوض دخلت الصاله وصارت تبكي:آه يايمه
أم سعود الي سمعت الكلام كله:ليه ياغيوض ماقلتي لتركي ,ليه طلبتي الطلاق؟
غيوض وهي تبكي:مابي اقوله ,اخاف اذا قلت له انه عندي سرطان يتركني ,مابي انصدم يكفيني صدمه وحده مابيها ثنتين
ام سعود:تركي ماراح يتركك هو يحبك,المفروض تخلينه هو الي يقرر مو انت
غيوض:واذا تركني ,والله لأموت من القهر,يمه مابي انصدم بتركي صدمته راح تموتني ,أبي صورته نظيفه بعيني مايشوهها شئ
ام سعود:بس مايصير نخليه كذا اخاف يكرهك
غيوض:مصيره بيعرف اني سويت هذا لمصلحته مابيه يتعذب معي.............وقامت:انا بروح انام شوي
*
اليوم الثاني
تركي راح عند سعود
تركي وهو ياخذ القهوه من سعود:سعود تكلم تكفى غيوض وش فيها ؟ليه تبي تتطلق؟
سعود:هي وش قالت لك؟
تركي:انا مابي الي قالته ابي اعرف منك غيوض وش فيها
سعود خايف يقوله وغيوض تزعل:مافيها شئ
تركي بنفاذ صبر:اجل ليه تبي تتطلق
سعود:ماادري ,ليه ماسألتها
تركي:سألتها مااقنعني كلامها
سعود:اجل انا اسف تركي مااقدر افيدك بشئ
تركي قام:والله حرام عليكم الي تسونه فيني انت واختك ,بس قول لأختك طلاق ماراح اطلق ابد...........وطلع
سعود بحزن:لا حول ولا قوة الا بالله
&&&&&&&&&&&&&&&&&
بعد اسبوعين
في الأمارات راحوا اهل راشد للمزرعه
راشد وجنا كانوا يتسابقون بالخيل وابو راشد وغرور ومحمد يشوفون السباق
راشد:ههههههههههه سبقتك
جنا بزعل:غشاش والله
راشد:غشيت بشنو؟
جنا:انت تجي قدامي وتخوفني
راشد:ياكذبك انا كنت مااخوفك ياكذابه
غرور:ههههههههه عذر البليد مسح السبوره
ابو راشد ومحمد:هههههههههههههه
جنا مدت البوز:بابا بدل ماتوقف معي تضحك ,وانت قومي سابقيه ان كنت شاطره
راشد:يعني تعترفين اني مافي احد يجاريني
جنا:لا مااعترف بشئ بس اقول لغرور تقوم تسابقك بدل ماتقول امثال
غرور(ياذا البلشه):لا شكراً مابي
ابو راشد:ليه ياغرور ,قومي سابقي راشد
جنا:ايه خلينا نشوف مهراتك
ابو راشد:عاد غرور انا اعرفها شاطره بركوب الخيل ,أبوك الله يرحمه كان يقول انك بتطلعين خياله
غرور بأبتسامة حزن:الله يرحمه
محمد بتشجيع:ياللا خاله غرور قومي سابقي خالي وفوزي عليه
غرور:لا مره ثانيه الحين انا لابسه تنوره مااقدر اسابق>>>>>غرور كانت لابسه تنوره طويله غجريه ملونه وبلوزه ضيقه اسود
جنا تردها لها: الا قولي انك جبانه ,عذر البليد مسح السبوره تقدرين تروحين تغيرين لبسك
راشد:ياللا غرور قومي
غرور خافت راشد يلزم عليها ويحرجها:لالالا مو الحين
راشد ناظر غرور بشك(ليه ماتحب تركب الخيل أكيد في شئ):خلاص خلوها على راحتها
جنا بأصرار:لا ابيها تسابقك
ابو راشد:ايه والله من زمان ماشفتكم تتسابقون
غرور ماعرفت وش تقول
راشد حب ينقذها من الموقف نزل:لا مره ثانيه الحين انا تعبان وجوعان
غرورتنهدت باارتياح(الحمدالله) وبسرعه:حتى انا جوعانه
*
على الفجر غرور طلعت تتمشى جافاها النوم وكلمات ابو رشد تتردد في اذنها" أبوك الله يرحمه كان يقول انك بتطلعين خياله"
راشد قام من النوم ماشاف غرور بجنبه ولا في الغرفه طلع يشوفها وين, شافها من بعيد تمشي مشى وراها
غرور صارت تمشي الى ان وصلت لأصطبل الخيول ووقفت قدام خيل راشد"حرب"
غرور بحزن:خاب ظنك بابا........ومدت ايدها بتلمس الخيل بس على طول تراجعت ومدت ايدها من جديد وتراجعت من جديد
راشد جاء من وراها ومسك ايدها وحطها على الخيل وهمس بحنيه وهو يمسك ايدها ويمررها على شعر الخيل:كذا بهدوء
غرور سرت قشعريره بجسمها سحبت ايدها:خلاص
راشد حط راسه على كتف غرور:ليه ماتحبين الخيول او بالأصح صرتي ماتحبينهم
غرور ارتبكت:مين قال هذا الشئ؟
راشد:تصرفاتك
غرور جات بتبتعد:انت تتخيل
راشد مسكها وحط ايدها من جديد :طيب ليه ماتركبينه
غرور غمضت عينها:انا اركبها بس انت ماتشوفني
راشد:وامس ليه رفضتي؟
غرور:كنت لابسه تنوره ,وبعدين هو تحقيق؟
راشد وهو يمرر ايدها على راس الخيل:لا مو تحقيق
غرور صار جسمها يرجف حاولت تسحب ايدها ماقدرت تتحمل اكثر:ابعد عني
راشد ماسك ايدها بقوه:وش فيك ترجفين؟ غرور ليه تكرهين الخيل تكلمني يمكن اقدر اساعدك
غرور دفته وبصراخ :اكره الخيل لانها هي السبب بموت بابا........ودمعت عينها:حرمتني من اعز الناس عرفت ليه اكرهها
راشد عقد حواجبه
غرور كملت ببكاء:شفت بابا وهو يطيح من ظهرها شفته وهو يموت قدامي ,أنا أكرهها أكرهها
راشد ضمها لصدره بحنيه
غرور من بين شهقاتها :أشتاق له ياراشد ,أشتاق لأبوي ,وكل مااشوف الخيل اشوف صورة ابوي وهو يطيح
راشد بحنيه:غرور ابوك مامات من الخيل ,ابوك مات بسكته قلبيه وهو على ظهر الخيل
غرور تبتعد عن راشد:لا انا شفته وهو يطيح
راشد:ايه بس هو مات وهو على ظهرها بعدين طاح
غرور تهز راسها بنفي
راشد:غرور انت يوم دختي يوم كنت راكبه معي دختي وانت راكبه الخيل بعدين طحتي وابوك صار معه نفس الشئ فهمتي؟
غرور تحس بتعب من التفكير والبكاء:خلاص مابي اتكلم في هالموضوع ابي انام
راشد حط ايده ورى ظهرها ومشى معها راجعين للغرفه
&&&&&&&&&&&&&&&&&
في الرياض على المغرب
تركي دق على ام سعود:الو كيفك خاله
ام سعود:حمدالله بخير,كيفك انت
تركي:بخير الحمدالله,خاله ابي اجي اشوف غيوض
ام سعود:بس والله ياولدي انا موموجوده توني طالعه يمكن اتاخر شوي خلها بكره
تركي :اوكيه اشوفكم بكره,مع السلامه
تركي بملل:اف ياربي.......وخطرت على باله فكره ابتسم عليها
*
بعد ربع ساعه تركي عند باب ام سعود دق الجرس فتحت له كالي
تركي:وين غيوض
كالي:غيوض فوق في غرفه ,بس ماما مافي موجود
تركي يدخل :عارف ,وين غرفة غيوض
كالي تطلع وهو طلع معها لغرفة غيوض
تركي بهدوء:اوكيه خلاص روحي ........ودخل بهدوء للغرفه كان هدوء قرب من السرير الي كانت منسدحه فيه غيوض وعطس
غيوض قامت بخوف من صوت العطسه وفتحت ضوء الأبجوره:مين؟
تركي عطس من جديد
غيوض تركز على الملامح تحس انها تتخيل:تركي؟!!!!!!!!!!!!!!
تركي أبتسم:كيفك؟
غيوض قامت بسرعه وفتحت الأضواء:وش قاعد تسوي هنا
تركي وهو يناظر شكلها من شعرها الي طايح على كتفها بفوضويه ووجهها الذبلان الى لبسها الي كانت لابسه بجامه شورت للركبه كاروهات بتدرجات الوردي والموف وبلوزه واسعه ورديه:جيت أسلم عليك واتكلم معك
غيوض بخوف:تركي أطلع بره
تركي:مافي احد لا تخافين
غيوض:حتى ولو مايصير تدخل كذا ............وطلعت بره بسرعه
تركي لحقها:غيوض وش فيك
غيوض وهي تنزل:مافيني شئ ........ونزلت للصاله بسرعه
تركي لحقها:وش فيك تركضين
غيوض:انت كيف تجي ومافي احد
تركي:عادي وش فيها
غيوض وهي تتكتف:قول وش تبي وخلصني
تركي:ابي اعرف انت ليه تعامليني كذا؟ليه طالبه الطلاق
غيوض:قلت لك السبب
تركي:عطيني سبب غيره
غيوض بملل:ليه في سبب اقوى من كذا
تركي:السبب مااقنعني
غيوض:عسى عمرك مااقتنعت
تركي يبي يستدرجها بالكلام:طيب ماراح تضيفيني
غيوض تبي تفتك:ادخل المجلس,كالي جيبي عصير
تركي دخل المجلس وقعد بجنب غيوض وغلف الجو الصمت
دخلت كالي وعطت تركي عصير وطلعت وبعد دقايق دخلت وبايدها صحن صغيرفيه دواء ومويه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك