رواية صرخات هادئة -28
تركي:ابي اعرف انت ليه تعامليني كذا؟ليه طالبه الطلاق
غيوض:قلت لك السبب
تركي:عطيني سبب غيره
غيوض بملل:ليه في سبب اقوى من كذا
تركي:السبب مااقنعني
غيوض:عسى عمرك مااقتنعت
تركي يبي يستدرجها بالكلام:طيب ماراح تضيفيني
غيوض تبي تفتك:ادخل المجلس,كالي جيبي عصير
تركي دخل المجلس وقعد بجنب غيوض وغلف الجو الصمت
دخلت كالي وعطت تركي عصير وطلعت وبعد دقايق دخلت وبايدها صحن صغيرفيه دواء ومويه
كالي مدت الصحن لغيوض
تركي نزل العصير وبأستغراب:وش هذه....ومد ايده بيأخذ الحبه بس غيوض سبقته واخذتها واكلتها بسرعه وبعصبيه لكالي:خلاص روحي
تركي:غيوض وش هذه
غيوض بتوتر:مخدرات يعني وش,حبة وجع راس
تركي بشك:وليه ارتبكتي؟
غيوض قامت وفتحت الباب:خلاص ضيفناك تفضل
تركي مشى بسرعه لها وسحبها بعصبيه
غيوض:اي أتركني
تركي طنشها ودخلها المجلس الداخلي وسكر الباب بالمفتاح
غيوض بخوف:وش قاعد تسوي؟
تركي بنفاذ صبر:تكلمي وش فيك؟
غيوض:وش اقول مافيني شئ.....وحاولت تفتح الباب بس تركي مسكها واخذ المفتاح وحطه بجيبه
تركي:مافي طلعه الا ان تقولين كل شئ
غيوض بعصبيه:ماعندي شئ اقوله لك
تركي بصراخ:ليه تعامليني كذا؟ليه متغيره؟ليه شكلك تعبانه؟
غيوض بنفس الصراخ:قلت لك ماابيك اكتشفت مااحبك
تركي من بين أسنانه:غيوض طلاق ماراح اطلقك وراح اتزوجك غصب عنك ومابي حبك
غيوض:مافي شئ اسمه غصب ,ماراح اتزوجك
تركي:والله ياغيوض اقدر اخلي اهلك يزوجونا بسهوله
غيوض خافت من كلامه:وشلون يالشاطر؟
تركي قرب منها
غيوض تراجعت ,وتركي قرب اكثر وكل مايقرب غيوض تتراجع الى ان صدمت بالكنب وجلست بخوف
غيوض بخوف:تركي ابعد
تركي بابتسامه:واذا مابعدت؟
غيوض والدموع بعينها وبترجي:تركي تكفى ابعد
تركي باسها بشفاتها المرتجفه:لا تخافين ماراح اسوي لك شئ ,أساساً انا مابي هذا الشئ غصب عنك
تركي جلس بجنبها:غيوض أترجاك أرحميني
غيوض الي تمسح دموعها:ماعندي شئ اقوله لك اكثر من الي سمعته
تركي غمض عينه بتعب:اجل راح ننحبس هنا
غيوض بعناد:ماراح نطول مصيرك تفتح ,أمي جايه
تركي ناظرها:واذا جات ماراح افتح أنا زوجك
غيوض خافت يسويها تعرفه مايهمه شئ بس مابينت:بنشوف اذا جاء سعود
تركي وهو ياخذ راحته:مايهمني شئ............وصار يلعب بالجوال
غيوض(أعرفك مجنون)
وغلف الجو الصمت
بعد ربع ساعه
تركي وهو مغمض:غيوض ماراح تتكلمين؟
غيوض:.......................
تركي:غيوض
غيوض:...............
تركي لف على غيوض شافها نايمه,غيوض نامت بتاثير الحبه
تركي قرب منها وهزها شافها نايمه :ياحبي لك على رغم العذاب الي تعيشيني ياه الا اني احبك.......وجلس يتأمل شكلها بحب
بعدين فتح الباب وحملها بين أيدينه وطلع لغرفتها وحطها على السرير وغطاها وباسها بجبينها بهدوء:متى نرتاح متى؟
ونزل وقبل مايطلع:كالي مافي يقول الي احد انه انا في يجي اوكيه
كالي هزت راسها:اوكيه
تركي بتهديد:اذا انت في يقول انا يسفر انت.........وطلع
&&&&&&&&&&&&&&&&&&&
على الساعه 11 الصبح في دبي
رن جرس الباب في بيت راشد غرور نزلت من غرفتها وهي لابسه شورت قصير للفخذ جينز وتيشيرت ابيض نزلت بسرعه وهي حافيه وشعرها مبلول تبي تشوف مين الي يجي بهالوقت
غرور وهي نازله:سيلينا افتحي الباب
سيلينا:اوكيه مدام .........وفتحت الباب
غرور نزلت :مين؟!
سيلينا:مستر راشد
غرور بتعجب:راشد؟!!!!!!!!!
دخل راشد:شكراً خليل.........ووسكر الباب وراه >>>>>>>خليل صديق راشد
غرور بتسأول:ليه راجع بدري............وناظرت شكله وملامحه التعبانه وبقلق:راشد وش فيك؟
راشد وهو يمشي بتعب:مافي شئ؟
غرور مسكت راشد الي فقد توازنه:شكلك يبن انك تعبان مو قادر تمشي ,تعال اوديك غرفتك ترتاح
غرور حطت راشد على السرير وحطت ايدها بحنيه على جبينه تتحسس الحراره:اوبتس حرارتك مرتفعه لازم تروح المستشفى
راشد مسك ايدها وبصوت مبحوح:ماله داعي الحين انام وبتحسن
غرور:وين تتحسن لازم تروح المستشفى
راشد بتعب:غرور خلاص قلت الحين بنام وراح اتحسن ان شاءالله
غرور قامت:بروح اجيب لك بنادول
راشد مسكها وجلسها:لا تجيبين شئ مااحب ادويه
غرور:بلا دلع راشد على بالك بزر مابي مستشفى ومابي بنادول...........وطلعت تجيب له بنادول
غرور عطته البنادول وعصير ليمون :تفضل
راشد اخذ منها وشربه:شكراً
غرور ابتسمت:العفو ,بروح اسوي لك شوربه
راشد:مابي بنام
غرور طنشته وطلعت
*
بعد ربع ساعه غرور دخلت وبايدها شوربه
غرور حطت الشوربه بحضنه:ياللا اشرب الشوربه
راشد بتعب:مالي نفس
غرور باصرار:راشد اشربها وبلا دلع
راشد:قلت لك مابي
غرور اخذت الملعقه:قاعده اتعامل مع بزر.........ومدت الملعقه الي فيها شوربه لفمه:افتح فمك
راشد ابتسم وفتح فمه ,وصارت غرور تشربه
راشد:خلاص شبعت
غرور:لسه ماخلصت الصحن
راشد:اف تبيني اخلصه كله ,لالا مابي هذا يكفي
غرور ابتسمت:اوكيه الحين نام شوي ..........وجات بتقوم
راشد مسك ايدها:غرور .....................
نهاية البارت
أسفه اذا كان قصير
هااااي ياحلوين البارت وصل
اتمنى يعجبكم وينال أعجابكم وان شاءالله مايكون قصير
وكل عام وانتم بخير
ملاحظه حبيت اقولها لكم وهو رجاء مني انكم ماتنقلون روايتي لأي منتدى اخر سواء كان بأسمي او اي اسم اخر
البارت الثامن والعشرون
غرور اخذت الملعقه:قاعده اتعامل مع بزر.........ومدت الملعقه الي فيها شوربه لفمه:افتح فمك
راشد ابتسم وفتح فمه ,وصارت غرور تشربه
راشد:خلاص شبعت
غرور:لسه ماخلصت الصحن
راشد:اف تبيني اخلصه كله ,لالا مابي هذا يكفي
غرور ابتسمت:اوكيه الحين نام شوي ..........وجات بتقوم
راشد مسك ايدها:غرور ...........وسكت
غرور تناظره تبيه يتكلم
راشد كان وده يقول لها ننسى كل شئ ونعيش حياة مثل كل المتزوجين بس تذكر قبل اربعة ايام يوم كانوا في المزرعه
غرور وهي حاضنه نفسها مقربه رجولها وحاطه راسها على ركبتها وتبكي:استغليت ضعفي ياراشد,أنت واحد أناني
راشد وهو واقف ومعه لبسه وبملل:غرور أنا زوجك يعني الأمر عادي
غرور بصراخ:زوجي بس على الورق ,أنا كنت عارفه انك حقير بس مو لهالدرجه ,ماتوقعت تستغل ضعفي وماترحمني
راشد بعصبيه:أنت كنت راضيه يعني انا ماغصبتك على شئ
غرور وهي تبكي قهرانه من ضعفها ومن استغلاله لها:اكرهك ياراشد أكرهك
راشد بتافف:افففف الكلام معك ضايع .......ودخل الحمام ياخذ شور
وغرور وراشد من يومها مايشوفون بعض
راشد رجع للواقع على صوت غرور:راشد وش فيه؟
راشد تركها:لا ولا شئ بس طفي النور معك
غرور تحس في عيونه كلام (لا تضعفين له ياغرور ) قامت وطفت الضوء وطلعت
*
على الساعه 10 الليل
غرور دخلت بهدوء غرفة راشد قربت من السرير شافت راشد نايم
جلست بجنبه بهدوء وصارت تناظره بحب(آه ياراشد لو تدري بحبي لك ,احس اني مجنونه احبك على رغم جرحك لي بس الي يشوفك غصب يحبك كيف لما يشوف حنيتك ومعاملتك) ومسكت ايده بايد مرتجفه(ياليت تحبني مثل ماأنا احبك ياليت .......وبتنهيده....بس كلمة يالليت ماتعمر بيت......ياحظ وعد فيك)
وصحت من سرحانها وتفكيرها على تأوهات راشد
غرور بهدوء:راشد .......حطت ايدها على جبين راشد شافت الحراره مرتفعه خافت ونزلت بسرعه للمطبخ جابت صحن حطت فيها مويه بارده ومنشفه صغيره وحطتها على جبين راشد تسوي له كمادات
راشد ارتجف من البروده وجاء بيشيل المنشفه بس غرور مسكت ايده
غرور:خلها علشان تنزل الحراره عنك
راشد فتح عينه بتعب وبهمس:برد.........ورجع غمض عينه من جديد
غرور غطته والدموع بعينها( أول مره أشوفك بهالضعف ياراشد ,ياخوفي تروح وتخليني بروحي)
وقضت كل الليل وهي تسوي له كمادات الى الفجر ,غلبها التعب ونامت وهي جالسه في الكرسي
*
على الساعه7 الصبح
راشد فتح عيونه حس بشئ على جبينه مد ايده شافه منشفه صغيره رماها بجنبه ولف شاف غرور نايمه على الكرسي ابتسم(مسكينه كانت سهرانه علي,ياحبي لها بس هي لو تفهم وتترك غرورها) قام :غرور
غرور قامت بسرعه وبقلق:وش فيه؟ فيك شئ؟
راشد ابتسم:لا مافيني شئ ,بس كنت اقومك علشان تقومين تنامين شوي ترتاحين
غرور وهي تحط ايدها على رقبتها الي توجعها من النومه الغير مريحه:لا خلاص شبعت نوم,كيفك الحين
راشد:حمدالله صرت احسن
غرور:حمدالله..........وشافته يفتح دولابه:وش تسوي؟
راشد:بطلع لي لبس بروح اتسبح
غرور قامت وتوجهت له:روح انت تسبح وأنا بطلع لك لبس وبتلاقيه على السرير
راشد دخل الحمام تسبح وطلع شاف الغرفه نظيفه ولبسه على السرير كان بنطلون جينز وتيشيرت ابيض ,لبس ونزل تحت للمطبخ شاف الفطور جاهز كالعاده جلس:وين الكوفي
سيلينا مدت له عصير برتقال:مدام غرور قالت اعطيك عصير
راشد باعتراض:بس انا اشرب كل صبح كوفي
دخلت غرور الي اخذت لها شور سريع وهي لابسه قميص بيت قصير لونه كحلي مخطط بخطوط رفيعه سماوي وشعرها المبلول تاركته على كتفها بحريه وريحة عطرها الي ماليه المكان
غرور:مافي اليوم كوفي ,اشرب العصير علشان تخف بسرعه
راشد يناظرها باعجاب(والله الكحلي عليها يهبل ,علشان كذا تحب الكحلي)
غرور جلست:سيلينا صبي لي شاي
راشد شرب العصير بهدوء
&&&&&&&&&&&&&&
في الرياض الساعه 7 الصبح
غيوض كانت صاحيه منسدحه في السرير سمعت ضرب على شباكها بالحصى طنشته بس الضرب استمر
غيوض قامت بعصبيه ببجامتها االصفراء :مين الي ناوي يكسر الشباك؟......فتحت الشباك شافت تركي يلوح لها بإيده
غيوض ابتسمت:مجنون والله........وصارت تأشر بإيدها وش تبي
تركي يأشر لها انزلي
غيوض تهز راسها بلا
تركي بصوت عالي:أذا مانزلتي والله لأطلع
غيوض حطت ايدها براسها بمعنى فضحتنا تركي ضحك على شكلها
غيوض بعناد تاشر له مابي
تركي بصوت عالي:طيب انا بوريك العناد........ وراح دق الجرس
غيوض خافت:ياويلي.........وسكرت باب الغرفه بالمفتاح
تركي فتحت له ام سعود:هلا تركي
تركي أنحرج:هلا خالتي, اسف صحيتك
ام سعود باأبتسامه:لا عادي أنا كنت صاحيه
تركي(ياسلام اكيد شافتني وسمعت صوتي)
ام سعود تبعد عن الباب علشان يدخل:ادخل حياك ,أكيد تبي غيوض
تركي:ههه ايه والله
ام سعود دخلته المجلس:اجلس الحين اناديها لك
*
بعد دقايق غيوض نزلت بنفس بجامتها ماغيرتها وهي معصبه:نعم وش تبي؟
تركي قام:ياهلا والله ,جيت اشوفك
غيوض لفت حول نفسها وبسخريه:شفتني الحين خلاص ارتحت
تركي:هههههههههههه ........ومشى متوجه لها :وش رايك نتمشى بره شوي نسولف
غيوض:مابي ,روح تمشى بروحك
تركي مسكها ببرود ومشى وهو يمشيها معه للحديقه:غيوض في احد سوى لك شئ,أذاك,زعلك
غيوض:لا ليه؟
تركي:طيب وش فيك ضعفانه؟
غيوض بملل:مافيني شئ ,قاعده اسوي رجيم
تركي يجاريها :وليه الرجيم جسمك حلو مو سمين
غيوض:ابي اضعف زياده
تركي:خلاص وقفي الرجيم طالع وجهك اصفر مثل لون بجامتك
غيوض:مابي ومالك دخل
غيوض وهي توقف وبنفاذ صبر:تركي انت وش تبي ؟
تركي ببرود مصطنع:مابي شئ بتمشى معك ,اشتقت لك
غيوض بصراخ:تركي انت ماتفهم انا مابيك
تركي عصب:ليه ؟ليه؟صار لنا شهر على نفس الموال عطيني سبب مقنع
غيوض :مااحبك ,أنت ماتفهم مااحبك
تركي :غيوض حطي عينك بعيني وقوليها
غيوض (يارب تساعدني)
تركي:ياللا قوليها
غيوض تقوت وحطت عينها بعينه وضغطت على كل حرف:أنا مااحبك
تركي ترفز وشرر يتطاير بعينه:وتحبين مين أن شاءالله؟
غيوض بصراخ:مالك دخل ,طلقني وبس
تركي:حنيتي لخالد ,أكتشفتي انك تحبينه؟
غيوض عصبت:رجعت ياتركي, رجعت لنفس الموال, خالد يحب جنا وبيتزوجون قريب ,ليه مو راضي تفهم هالشئ
تركي:انا فاهمه بس انت الي رجعتي الفكره,خالد ماملك الى الأن وانت الحين تبين تتطلقين مني ,فسري الوضع
غيوض :وش تقصد ,أني قاعده افكر بخالد
تركي:ماادري عنك .........
غيوض قاطعت كلامه بكف على وجهه وبصراخ:انا مو بنت قلة ادب علشان افكر بااحد وانا متملكه على رجال , ولا افكر بخطيب صديقتي
تركي تفاجاء من الكف وبعدين استوعب وبعصبيه:غيوض طلاق ماراح اطلقك والله لأخليك معلقه الى ان ترجعين لعقلك........وطلع من البيت
غيوض جلست على ركبها وصارت تبكي:أحبك ياتركي بس مو بإيدي ماابيك تتعذب معي
&&&&&&&&&&&&&&&
بعد مرور اسبوع
في الأمارات في دبي العصر
غرور كانت لابسه ثوب قصير فوق الركبه بدون اكمام لونه احمر كان بسيط وناعم وتاركه شعرها مفتوح
وقاعده في بلكونة غرفتها تشرب عصير سمعت اصوات قامت ونزلت راسها للحديقه تفاجاءت يوم شافت خالد وبصراخ وهي تلوح بإيدها الثنتين العاريه :خاااااااااااااالد
خالد وراشد وابو خالد رفعوا راسهم لغرور
خالد وهو يضحك:ههههههههههه سربرايز
غرور بفرح:لحظه نازله............ونزلت بسرعه وهي تركض ورمت نفسها بحضن خالد :اشتقت لك وش هالمفاجاءه الحلوه
خالد:ههههههههههههه وانا بعد اشتقت لك
راشد حس بغيره من خالد(والله ترمي نفسها بحضنه عادي وانا زوجها محروم من هالشئ ,ياحظك ياخالد ياليتني انا بدالك)
ابو خالد:كيفك يابنتي؟
غرور:هلا عم ,كيفك انت
ابو خالد:حمدالله بخير
غرور:نورتوا الأمارات
خالد وهو يضمها:منور بوجودكم...............وباسها بخدها بقوه:والله لك وحشه
غرور:هههههههههههه
راشد ماقدر يتحمل سحب غرور من حضن خالد وحط ايده ورى ظهرها:تفضلوا ادخلوا
غرور استغربت من تصرفه بس بعدين ماعطت الأمر اهميه:ايه حياكم
الكل قعد وغرور جلست بجنب خالد تسولف معه بعفويه:اخيراً شفناك قاطعنا
خالد:هههههههه انت الي قاطعه ,حتى تلفون ماتكلمين
غرور بدلع:لا والله ,مين المفروض الي يكلم ويسأل أنا والا انت؟
خالد بمزح:أنت
غرور:ايه بالحيل,عم مين المفروض يسأل
ابو خالد:خالد المفروض يسأل
غرور وهي تحرك حواجبها:شفت شلون ........وقربت منه وبهمس:أنت حتى جنا ماتسأل عنها الله يعينها عليك
خالد بنفس الهمس:وانت وش عرفك اني مااكلمها
غرور:معروفه وكل شئ واضح
خالد:لا يالفهيمه,بعدين مالك دخل
غرور:الا لي دخل ,خلاص ماراح نزوجك جنا ....وبمزح:تعرف انه جنا قالت لي انها ماتبيك وقالت لي اقولك بس انا نسيت
خالد صدق:هي قالت كذا؟!!!!!!
غرور:ايه ,قالت واحد مايسأل ولا شئ ليه اتزوجه
خالد خاف:غرور انت تتكلمين جد
غرور ضحكت بصوت عالي:هههههههههههههههههههه كنت امزح
خالد صار يعفس شعرها الي طال وصار لنص ظهرها:آه منك ماتتركين حركاتك ابد
وصار يلعب بشعرها:شعرك طال بالحيل صار احلى
راشد الي كان ضغطه مرتفع من الي يدور قدامه يحس بالغيره ذابحته تكلم بحده:غرور
الكل لف عليه مستغربين حدته
راشد حس على نفسه وسوى نفسه يكح :كح كح .....وابتسم:غرور قولي لسيلينا تجيب عصير
ابو خالد وخالد مشى معهم الأمر
غرور تحس راشد مو طبيعي قامت:اوكيه.......وراحت للمطبخ
راشد وهو يسوي نفسه يكح:كح كح كح معليش بروح اشرب مويه ماادري وش فيه حلقي
ابو خالد وخالد هزوا راسهم يعني روح
راشد قام بسرعه ودخل المطبخ شاف غرور بوجهه:تعالي هنا ,وش هالراحه الي انت ماخذتها مع خالد
غرور وهي ترفع حاجب بأستغراب:وش فيها عادي خالد اخوي
راشد:حتى ولو مو لهالدرجه
غرور:راشد انت وش فيك مسخن
راشد عرف انه غيرته مالها داعي بس مايبي يبين انه غلطان:انا اتكلم معك جد
غرور باابتسامه:تغير ياراشد ,تغير من اهلي هههههههه مو معقول
راشد ماعرف يبرر تصرفاته(احس اني استخفيت) وبسخريه:هه وعلى مين اغير
غرور:ايه صح مو معقول تغير علي
راشد(والله اني اغلي من الغيره):غرور انت شفتي لبسك سخيف وقصير وماله داعي روحي غيريه.....وباأمر: ولا تجين الا وانت مغيرته........ورجع لخالد وابو خالد ماحب يتاخر عنهم
غرور ناظرت لبسها شافته قصير عرفت انه كلامه صحيح بس حبت تعانده على اسلوبه اخذت العصير ودخلت الصاله
راشد ارتفع ضغطه منها وصار يناظرها بتهديد وقام كأنه بياخذ الصينيه منها:هاتي عنك ........ودف الصينيه بخفه بدون مااحد يلاحظ على غرور وانكب عليها العصير
غرور ابتعدت:اوبتس
راشد ابتسم باانتصار:سوري حبيبتي
غرور تناظره بحقد عرفت انه متعمد
ابو خالد:حصل خير يابنتي روحي غيري
راشد وهو يشوف نظراتها الحاقده:روحي غيري وانا بقول لسيلينا تجي تمسح وتجيب عصير ثاني
غرور بااعتذار:اسفه ..........وطلعت وهي قهرانه من راشد
غرور اخذت جوالها وارسلت رساله لراشد"سخيف ,حركتك مره سخيفه"
راشد ابتسم وهو يقراء الرساله وارسل لها"أدب ,علشان ثاني مره تتركين العناد وتسمعين الكلام"
غرور ارسلت له"مالت عليك"ورمت جوالها على السرير
بعد ربع دقيقه رجعت وهي لابسه تنوره قصيره نفاش للركبه لونها بني وبدي برتقالي ضيق عناد في راشد
غرور بمرح وبابتسامه جكاره لراشد:انا رجعت
راشد حمر وجهه من عنادها(تعاندين ياغرور راجعه بلبس ثاني بس نفس القصر ,طيب حسابك معي بعدين)
راشد بابتسامه وهو يأشر بجنبه:تعالي عيوني اجلسي بجنبي
غرور ناظرت راشد (الله يستر منك)
خالد يحسب انها مستحيه:هههههههههههه غرور معقول الى الأن تستحين من راشد,اقعدي عنده عادي
راشد قام ومسك ايدها وجلسها بجنبه:اختك مره تستحي ذبحتني,هذا واحنا صار لنا شهرين متزوجين
راشد وهو يضغط على جنب غرور بقهر وبهمس:تعاندين ياغرور راجعه بلبس غير بس نفس القصر
غرور بنفس الهمس:علشان تعدل اسلوبك البايخ
راشد:وش فيه اسلوبي؟
غرور:مو وقته الحين هالكلام ,لا تخليهم يلاحظون
راشد:اوكيه بس ماراح اعديها
غرور باستهزاء:يمه خوفتني,وش بتسوي يعني
راشد:بعدين بتشوفين
غرور:طيب ابعد ايدك جنبي عورني ......راشد مطنشها واذا حس انه مااعجبه الكلام او حس بالغيره يضغط على جنبها
*
مر الوقت سريع وخالد وابوه راحوا للفندق ينامون مارضخوا لاصرار راشد وغرور انهم ينامون عندهم
راشد بعصبيه:انت ليه تعاندين نفسي اعرف
غرور:ماتشوف اسلوبك الأمر معي
راشد:عادي وش فيها اذا امرتك
غرور:لا مو عادي ياراشد في أساليب احسن من كذا,بعدين وش هالتصرفات والغيره الي طالع ونازل فيها,مو معقول تغير من خالد
راشد(الا معقول ونص):ومن قال اني اغير
غرور:طيب فسر لي تصرفاتك أنت ذبحتني جنبي عورني من كثر ماتضغط عليه كل ماتشوفني اتكلم او اضحك مع خالد تضغط
راشد:في كلام مايعجبني
غرور عصبت:وش هو الكلام الي مااعجبك ,وش قلت انا؟
راشد يصرف:ماادري مااتذكر........وبتهديد:اسمعي غرور نهاية الكلام لبس قصير عند احد او عاري مافي فاهمه
غرور بعناد:لا مو فاهمه مو على كيفك ,وبلبس كل الي ابيه
راشد:غرور انا قلت عند احد مااحب اشوفك بهاللبس وكم مره قلت لك لا تلبسينه
غرور:وانا قلت مو على كيفك تتحكم بلبسي
راشد :انا بوريك كيف مو على كيفي.........وطلع الدرج
غرور تلحقه:وش بتسوي يعني
راشد دخل غرفتها
غرور تسحبه:تعالي وش بتسوي
راشد بعدها عنه وفتح دولابها وصار يطلع ملابسها
غرور تبعده عن دولابها:راشد اترك ملابسي
راشد وهو يبعدها:والله لأقطع ملابسك كله وارميه بالزباله
غرور بصراخ:راشد وجع ابعد مو على كيفك.........وصارت تضربه بظهره
راشد سحبها وطلعها بره الغرفه وسكر الباب
غرور صارت تضرب الباب بقوه:راشد افتح الباب تكفى افتح ,لاتلمس ملابسي
راشد طنش ضربها للباب وتوسلاتها واخذ مقص وقص كل ملابسها القصيره وبعد ماخلص فتح الباب
راشد:انا تركت لك الملابس الطويله والبلايز المحتشمه والباقي سلمي عليه,خلي العناد ينفعك.......وراح لغرفته
غرور دخلت غرفتها شافتها معتفسه بالملابس المقصوصه اخذت تشوف لبسها وتبكي:والله انك اناني ومجنون ومريض وبكت الى ان نامت على ملابسها
&&&&&&&&&&&&&&&&
اليوم الثاني في ابو ظبي
كان يوم ملكة خالد وجنا
غرور ماكلمت راشد ابد كانت زعلانه منه وراشد مطنشها مو مهتم يقول هي الي جابته لنفسه
ملك خالد وجنا وجاء وقت دخول جنا على خالد
جنا كانت لابسه فستان قصير لونه موف كان ناعم وحلو عليها وماسك على جسمها
خالد قام:ماشاءالله,وش هالحلى
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك