رواية صرخات هادئة -31
في الليل على الساعه 9 بالليل
وسن تعبت كثير وغرور ماعرفت وش فيها صارت تبكي دقت على راشد بس مغلق
غرور بعصبيه:ليه مسكر ليه ,راشد افتحه تكفى ورد.......وحاولت كم مره وكل مره مغلق
دقت علة هدى مالاقت رد وعلى خالتها كمان ماشافت رد
دقت على جنا بس جوالها مشغول
غرور بعصبيه:ياربي وش اسوي
وماخلت احد الا ودقت عليه راشد مغلق وجنا مشغول وابو راشد وام راشد وهدى مايردون
غرور رمت جوالها على الكنب واخذت عباتها ووسن:محمد تعال بناخذها المستشفى...........وركبوا مع السواق
غرور وهي حاضنه وسن الي كانت شبه دايخه:وسن حبيبتي خليك معي
محمد بخوف:هي بتموت
غرور تهدي محمد:لا حبيبي ماراح يصير عليها شئ
مرت ربع ساعه
نص ساعه
غرور شافت انهم طولوا وهم ماوصلوا ووسن بدت تفقد وعيها كلمت السواق:ياللا راجوا وين مستشفى
راجوا وهو يشوفها من المرايه:الحين انا يوصل انت مستشفى
محمد:بس مستشفى مو هنا
غروروهي تشوف انهم داخلين حواري مظلمه وتخوف وبخوف:راجوا وين رايحين
راجوا بأبتسامه تقرف:رايحين مكان حلو انا وانت
غرور وقف قلبها
&&&&&&&&&&&&&&&
في الرياض
تركي:وهذا الي صار
ايمن:العن ابليسك هذا كله يصير معك وماتقول لي
تركي:والله وش اسوي انا كان كل تفكيري اعرف ليه ماتبيني
ايمن:الله يشفيها ويصبركم
تركي:آمين
ايمن:متى عرفتوا
تركي:انا عرفت قبل اسبوع بس هم عرفوا قبل شهر
ايمن:ليه ماتعيدون الفحوصات
تركي:سعود يقول انها رافضه
ايمن:تركي لازم تعيدون لأنه يصير غلط في الفحوصات كثير
تركي:ماهي راضيه تعيد ماادري وش اسوي معها
ايمن:حاول معها ,انت جيبها عندي في المستشفى وانا راح اوصي عليها
تركي :كيف اجيبها المستشفى
ايمن بحيره:ماادري سوي اي شئ علشان تقتنع
بعد صمت مو طويل
ايمن:وش رايك تسوي انكم بتطلعون مع بعض وتجيبها المستشفى ونمسكها ونسوي لها فحوصات
تركي عجبته الفكره بس بعدين تراجع:لا اخاف تزعل مني انا ماصدقت ان تصالحنا ,انا راح احاول اقنعها بكل الطرق واذا مانفع سويت فكرتك
ايمن:على راحتك بس اهم شئ جيبها وهي مااكلت شئ
تركي:شلون يعني
ايمن:اتفقوا على انك تعزمها على الفطور ولزم عليها انها ماتاكل ولا شئ
تركي:هذه سهله خالتي بتساعدني
ايمن:اجل الله يوفقك ويعينك
تركي:آمين........وهو يناظر ساعته:ياللا انا بروح مواعد غيوض نطلع نتعشى بره
ايمن باابتسامه:وانا اقول ليه رافض تتعشى
تركي وهو يقوم:هههههههههه شفت,ادفع حساب القهوه
ايمن بمزح:مو كأنك انت الي عازمني
تركي:هههههههههههه مره ثانيه............وطلع
*
بعد ربع ساعه تركي كان في بيت ام سعود ينتظر غيوض تنزل
غيوض نزلت وهي لابسه عباتها وبابتسامه:ياللا انا جاهزه
تركي:ياللا....ووقف
غيوض لفت عليه:وش فيك واقف
تركي يناظرها:غيوض وش لابسه
غيوض انحرجت:هههههههههههههه وش هالسوأل
تركي:هههههههه أنت قولي وش لابسه اول
غيوض:مالك دخل
تركي بجديه:غيوض قولي وش لابسه علشان اقول لك شئ
غيوض:لابسه فستان قصير
تركي:افتحي عباتك خليني بشوفه
غيوض:تركي وجع
تركي:ههههههههه وش فيك عادي
غيوض بملل طلعت عباتها
تركي انبهر بلبسها الي كان ثوب قصير ضيق لونه بصلي وعليه حزام عريض على الخصر لونه اسود وجزمه كعب سودا طالعه جنان
تركي بانبهار:جنااان ,الله لو نتعشى هنا واشوفك
غيوض بحيا:وجع خلاص ........ولبست عباتها:ياللا نمشي
تركي:لحظه ماينفع لبسك ,روحي البسي بنطلون وجزمه ارضيه
غيوض بأسغراب:وليه؟وين رايحين؟مو احنا بنروح مطعم
تركي ابتسم:ايه وبعدها بنروح منتزه نتمشى ونلعب شوي,يعني لبسك ماينفع
غيوض فهمت الحين:اها اوكيه دقايق وجايه.........وطلعت بسرعه غيرت ونزلت وهي لابسه بنطلون جينز سكيني وبلوزه ورديه تجي من تحت اطرافها مطاط وتكون البلوزه بف من الشيفون ولبست جزمه ارضيه ورديه
غيوض وهي تدور:كذا تمام
تركي بااعجاب:تمام التمام
*
تركي وغيوض ركبوا القوارب المائيه>>> الي تحركينها برجولك مااعرف كيف اوصفها لكم
تركي:غيوض وش رايك نعيد الفحوصات
غيوض تضايقت:مابي اعيدها ماراح يغير شئ
تركي:الا ماتعرفين
غيوض بملل:تركي قفل على الموضوع مابي اتكلم فيه
تركي:ليه العناد ليه ماتبين تعيدينها
غيوض:واذا عدتها وش بيصير نفس النتيجه
تركي:وانت وش عرفك يمكن يكون غلطوا يالتحاليل
غيوض:ماغلطوا ماهي فوضى علشان يغلطون
تركي:ايمن يقول انه في مستشفيات كثير تغلط خلينا نجرب مره وحده بس ووعد ماعاد افتح معك الموضوع
غيوض تبي تنهي الموضوع:طيب مو الحين
تركي فرح:ايه مو الحين بكره الصبح
غيوض بسرعه:لا مو بكره
تركي:متى؟
غيوض:ماادري بس لما احس اني مستعده
تركي يبي يجاريها:اوكيه بس ماتطولين
غيوض:لا ماراح اطول
راجوا بأبتسامه تقرف:رايحين مكان حلو انا وانت
غرور وقف قلبها وبتهديد:وين مكان ياللا ودي انا مستشفى
راجوا سكت منها
غرور بكت:راجوا بليز البنت بتموت
راجوا:مافي خوف انا يودي عند صديق كويس
غرور شوي تنجن:الله ياخذك الله ياخذك .........وماعرفت تتصرف:راجوا وقف الحين والله اخلي بابا يذبح انت
راجوا ضحك بأشمئزاز:ههههههه كيف بابا يعرف
غرور وهي تبكي:ايه والله اني غبيه اكيد بيذبحني...وشافت وسن خلاص تشنجت عليها صارخت:وسن وسن,راجوا ياحقير وقف
راجوا ولا كأنه يسمعها
محمد وهو يبكي صار يضرب راجوا:وقف ياحمار وقف......راجوا دف محمد
غرور صارت تضرب راجوا وتترجاه:راجوا امانه وقف حرام عليك ........وشافت بأيد محمد عصير سيزر كان قزاز اخذته بسرعه وضربت راس راجوا الي ضغط البنزين من الضربه
راجوا وهو يمسك راسه:آي
غرور فتحت الباب جهة محمد بسرعه:محمد انزل بسرعه
محمد نزل وغرور جات بتنزل وهي حامله وسن راجوا مسكها من ايدها :تعالي
غرور سحبت ايدها بقوه وتمخشت بأظافره الي قطعت جلدها وطلعت بسرعه :اركض محمد للشارع العام .........وصارت تركض مع محمد
الى ان شافو سياره الموزين,غرور فرحت ووقفتها وركبت هي ومحمد ومعها وسن
غرور تبكي:بسرعه الله يخليك ودنا على المستشفى
*
بعد وقت مو طويل غرور كانت رايحه وجايه بسيب المستشفى تنتظر خروج الدكتور علشان يطمنها على وسن حست بتعب جلست
غرور:آه ياربي ظهري وبطني يعورني
محمد :خاله ليه طولوا
غرور تضمه:الحين بيطلعون لا تخاف
غرور تحط ايدها على بطنها(ياربي وش فيني اكيد من الخوف)
طلع الدكتور غرور بسرعه قامت:ها دكتور طمني
الدكتور يطمنها:لا تخافين هي بخير ,السكر كان عندها مرتفع واحنا عطينها ابره نزلناها والحين حطينا لها مغذي
غرور بصدمه:سكر؟!!!!!!!!!!!
الدكتور:ايه سكر هي عندها سكر,ليه ماتعرفين؟
غرور:لا مااعرف
الدكتور:كيف ماتعرفين ,انت مو تقولين انك خالتها
غرور:ايه انا زوجة خالها توني متزوجه ماصار لي مده وماني عارفه
الدكتور فهم:حصل خير الحمدالله انكم لحقتوا عليها بسرعه
غرور:اقدر اشوفها
الدكتور:ايه تفضلي
غرور دخلت عند وسن على طول حضنتها وصارت تبكي
*
في بيت ام راشد
دخلوا ام راشد وهدى ونور الي كانوا يتكلمون عن احداث الملكه
وجلسوا
وبعد ربع ساعه
ام راشد:مااشوف غرور
هدى:ايه والله ولا حتى عيالي
نور:تلقينهم يلعبون مع بعض
هدى قلبها نغزها:اخاف صار فيهم شئ انا من اول قلبي ناغزني بروح اشوفهم وين
بعد ربع ساعه
هدى بخوف:ماهم موجودين في اي مكان
ام راشد:دورتي عليهم عدل
هدى:ايه مالقيتهم ماخليت مكان الا ودورتهم فيه
ام راشد:اليسون اليسون
اليسون:نعم ماما
ام راشد:وين مدام غرور وبيبي
اليسون:مافي معلوم انا مافي شوف
ام راشد:روحي شوي وين راجوا
اليسون:راجوا مافي موجود
ام راشد:خلاص روحي
هدى:ياربي وين راحوا
نور:تلقينهم راحوا يتمشون ,أكيد غرور اخذتهم علشان كذا السواق ماجانا ولا يرد علينا لو مو سواق اهلي موجود كان تفشلنا
ام راشد طنشت كلامها:يمكن راحوا سوبرماركت وبيرجعون خلينا ننتظرهم شوي
*
مرت ساعه
هدى وهي تشوف ساعتها وبقلق:الساعه 11 ونص تأخروا اخاف صار فيهم شئ خليني بكلمهم..........طلعت الجوال من شنطتها شافت 6 مكالمات لم يرد عليها من غرور
هدى بخوف:6 مكالمات من غرور اكيد صار فيهم شئ اكيد......ودقت سمعت رن جوال قريب منها قامت تدوره لاقت جوال غرور على الكنب وببكاء:جوالها هنا,ياويلي يايمه صار فيهم شئ
ام راشد قامت بخوف:ياويلي أن شاءالله مايكون فيهم شئ
دخل راشد:سلام........وشاف بكاء هدى وخوف امه:خير وش فيه
ام راشد:رجعنا مالقينا غرور وعيال هدى سألنا اليسون تقول ماادري ولا لقينا السواق موجود
راشد:وكيف رجعتوا
نور:رجعنا مع سواق اهلي
راشد:طيب دقوا على غرور
هدى وهي تبكي:غرور جوالها هنا
راشد:يعني وين بيكونون راحوا
نور:ماادري عنها تلاقيها تتمشى ولا مهتمه بااحد حتى ماهي ماخذه اذن احد
راشد عصب:مو وقت كلامك نور يكون احسن تكسرين الشر(والله ياغرور ياويلك مني دائماً تحطيني بهالمواقف)
هدى:دقت علي 6 مكالمات
راشد(الله يستر):وليه ماردتي؟
هدى:كان جوالي على السايلنت
راشد فتح جواله :بدق عليها
ام راشد:تدق عليها كيف والجوال هنا
راشد:ايه صح .......دق على السواق:اف مسكر
هدى:مين؟
راشد:السواق.........وفجاءه رن جوال راشد بإيده رد بسرعه :الو
:الو راشد
راشد بسرعه:غرور,انت وين؟
هدى وام راشد قاموا بسرعه يسمعون
هدى:هذه غرور أسألها وينهم وين عيالي
راشد يسكتها:اسكتي خليني اعرف اتكلم ,غرور انت وين رحتي
غرور وهي تبكي:راشد انا بالمستشفى
راشد بخوف:في المستشفى ليه
هدى جلست تبكي:ياويلي عيالي
غرور:وسن تعبانه
راشد:في اي مستشفى
غرور:ماادري لحظه بسأل........وبعد دقايق عطته الأسم
راشد عصب:وش يوديك هناك,انا دقايق وجاي
*
بعد ساعه الكل كان في السياره راجعين البيت من المستشفى
هدى وهي تحضن وسن:ياحبيبتي ,كانت بتروح مني كله منك ياغرور
ام راشد:هدى مو وقته
غرور كانت تبكي:انا وش عرفني انها فيها السكر انت ماقلتي لي
راشد بعصبيه:خلاص مابي اسمع حرف
غرور بهدوء:راشد اسمع
راشد قاطعها:غرور انا قلت ولا حرف
*
وصلوا البيت واستقبلتهم نور وجنا الي اخذت وسن وحطتها بغرفتها
جلسوا الكل ماعدا غرور الي جات بتجلس
راشد سحب غرور بعصبيه:ليه مادقيتي علينا
غرور بصراخ ماهي قادره تتحمل الكل من اول من المستشفى ويحط عليها اللوم:دقيت ,دقيت عليكم بس مااحد رد ,انت مقفل جوالك وهدى وخالتي وعمي مايردون وجنا مشغول
راشد:وليه مااخذتي جوالك معك
غرور:نسيته ,كل تفكيري كان بوسن
هدى بعتاب:ليه اكلتيها حلويات
غرور وبصراخ:ماكنت اعرف انها فيها السكر,ليه ماقلتي لي كنت اخذت احتياط.......وصارت توجه كلامها للكل:ليه مقفل جوالك راشد لو كنت فاتحه كنت عرفت وجيت تساعدني وانت ياهدى ماقلتي لي انه بنتك فيها السكر وماتردين على جوالك وجايه تلوميني وخالتي ماترد وجنا ليه مشغول جوالك ,انا المفروض الي اسألكم ليه مو انتم
راشد بعصبيه:لا تصارخين وتكلمي بأدب
نور باسلوب ينرفز:ليه مادقيتي على الأسعاف
غرور وماهي هاضمه اي كلمه منها:اسعاف تأخذ جنازتك ان شاءالله
راشد بصراخ:غرووووور احترمي
غرور بصراخ:ماااااااااااااابي احترمها ,ليه زعلت عليها علشانها اخت حبيبتك
راشد رفع ايده بيضربها بس وقفه صوت ابو راشد الي دخل وسمع نص كلامهم:راااااااااشد
راشد وقف
ابو راشد بصرامه:نزل أيدك انا ماربيتك تضرب حرمه
راشد نزل ايده وهو قابض عليها:طيب وش موديك هناك
غرور حطت ايدها على راسها:ياربي ماأنت راضي تفهم ليه اقول لك السواق وداني هناك جعله مايربح وياخذه ربي وياخذني ربي ارتاح منكم
راشد وهو ضاغط على اسنانه:غرور تكلمي عدل معي,طيب وينه السواق
غرور:ماادري عنه هو كان ..........
ابو راشد قاطع كلامهم:خلاص اسكتوا مايصير الكلام كذا
غرور:لا ماراح اسكت لازم يفهمون كل شئ ,انا تعبت وكل شخص يقول ليه وليه
راشد بعصبيه:غرور ابوي قال خلاص يعني خلاص
غرور بعناد:بس.........
قاطعها راشد بعصبيه:غروووووووووور
غرور بتعب:انت بس تصارخ اسكتي وبعدين تسأل بس ماراح اجاوب على اي شئ..........وطلعت لغرفة جنا
ابو راشد بصرامه:ياللا الكل يروح على غرفته مابي اشوف اي احد او اسمع اي صوت
*
اليوم الثاني في الصباح
الكل قاعدين في الصاله بعد مافطروا
غرور نزلت وهي لابسه ثوب طويل واسع مشجر من الشيفون يغلبه اللون الاخضر
غرور بتعب وباين شحوب وجهها:السلام عليكم
الكل ماعدا راشد:وعليكم السلام
غرور جلست بجنب راشد لانه المكان الوحيد الفاضي(مين زين سلامك عسى عمرك مارديت)
هدى بأعتذار:غرور أنا اسفه ماكان قصدي احط اللوم عليك بس كنت خايفه
غرور بأبتسامه:حصل خير وانا عاذرتك مهما كان هذه بنتك
راشد يناظر كل حركه تسويها
غرور وهي تبعد شعرها عن وجهها وترجعه ورى اذنها:وانا بعد اسفه لأني عصبت عليك وصارخت
راشد انتبه على علامه المخش على ايدها:هذه وش؟
غرور شافت ايدها:وش شايف؟
راشد:مين سوى فيك كذا
غرور:مالك دخل أنا قلت ماراح اجاوب على اي سوأل تسأله اليوم .......وقامت
راشد قام وبعصبيه:غرور تكلمي مين سوى فيك كذا
محمد :السواق
الكل لف على محمد
راشد:السواق وش دخله
محمد:السواق كان يبي يخطف خالتي ويخطفنا
ام راشد حطت ايدها على صدرها:ياويلي
راشد لف على غرور:صدق كلامه
غرور تحس بغصه بحلقها:ايه صدق علشان كذا كنا في هذيك المستشفى لأنه اخذنا بهذاك الطريق
راشد وهو مضيق عينه بعصبيه:وليه ماتكلمتي
غرور بكت:وانت عطيتني مجال اول ليه وبعدين تسكتني
هدى تحضن عيالها:وكيف سويتوا
محمد:خالتي ضربته بالقزاز عصير كان معي
ام راشد:حمدالله حمدالله
راشد:سوى لك شئ
غرور هزت راسها بلا
راشد والشرر يتطاير من عينه:والله مااخليه الكلب.....وكان بيروح
ابو راشد:راشد استهدي بالله ,خلنا نبلغ الشرطه
راشد :مافي شرطه موته على ايدي
غرور مسكته خافت عليه:راشد بلغ الشرطه احسن
راشد بعدها:مابي لأذبحه........ومشى بيروح بس وقفه صراخ:غرووووووور
نهاية البارت
هاااااااي
البارت وصل
اتمنى بعد قراءته اشوف تعليقاتكم وردودكم
ابي تقولون الشخصيه الي حبيتوها
ووش حبيتوا بكل شخصيه من ابطالي ووش كرهتوه فيه
انتقاداتكم بروايتي سواء سلبي او ايجابي بكل صراحه
وش الغلط في روايتي وش الي يعجبكم
عارفه اني طولتها معكم بس ابي اشوف رايكم بكل صراحه
قراءه ممتعه واتمنى انه ينال اعجابكم
ويكون نهايته حلوه
البارت الثلاثون والاخير
غرور مسكته خافت عليه:راشد بلغ الشرطه احسن
راشد بعدها:مابي لأذبحه........ومشى بيروح بس وقفه صراخ:غرووووووور
غرور طاحت على ركبها بتعب شبه دايخه
راشد قرب منها وقعد بجنبها وبخوف:غرور وش فيك؟
غرور:........
ام راشد:غرور حبيبتي تكلمي
ابو راشد:ابعدوا عنها خلوها تتفس شوي
غرور بتعب:مافيني شئ
راشد:جيبوا عباتها بوديها المستشفى
غرور بااعتراض:لا مابي مافيني شئ
راشد قومها وجلسها على الكنب وجلس بجنبها:اليسون جيبي مويه, جنا جيبي العبايه
اليسون جابت مويه وعطتها راشد الي اخذها وشرب غرور
جنا مدت لراشد العبايه:هذه عباتها
غرور :ماراح اروح المستشفى ماله داعي الحين بصير تمام.......وحطت راسها على كتف راشد
راشد:قومي اوديك المستشفى وعن الدلع
غرور:راشد والله تعبانه اتكلم ,قلت مابي مستشفى بنام وبصير احسن
هدى:غرور مايصير لازم نتطمن عليك
غرور:اذا شفت نفسي ماتحسنت بروح المستشفى
ابو راشد:خلاص خلوها على راحتها ولاتتعبونها ,راشد خذها للغرفه خلها ترتاح
راشد شال غرور بين ايدينه ودخلها غرفته وحطها على السرير وغطاها
*
جنا:مسكينه غرور والله ماتستاهل الي يصير فيها
هدى:ايه والله امس ضغطنا عليها ومارحمناها
ام راشد:حسبي الله على راجوا الأبليس هو السبب
جنا:وراشد بعد احسه قاسي معها زودها كثير عليها
ام راشد:ايه والله
نور بسخريه:ليه هذا كله علشان داخت شوي كسرت خاطركم
ام راشد:ماتشوفين شكلها كيف تعبانه
نور:واذا
ابو راشد مااعجبه كلام نور:نور قومي روحي غرفتك يكون افضل او اسكتي
نور قامت:كلمة الحق ماتعجب هالايام........وراحت لغرفتها
جنا كشت بايدها:مالت عليك ,انت ووعد السبب في الي صار لغرور
ابو راشد:جنا عيب هالكلام هذه بنت عمك وزوجة اخوك
جنا:من زينها, وانا صادقه بكلامي هم السبب ,والله لو انا مكان غرور كان تطلقت بنفس اليوم وقلبت الدنيا عليهم ماادري وش مصبرها
ابو راشد:لانها بنت عاقله واصيله
جنا:مابي اكون عاقله ولا اصيله اذا كان هذا الحال
*
عند راشد وغرور
راشد:كيف صرتي الحين
غرور حطت ايدها على عيونها :دايخه احس الغرفه تدور وراسي بينفجر
راشد:قلت لك خليني اوديك المستشفى وانت معنده
غرور:مو الحين بنام بعدين نروح اذا ماتحسنت
راشد:بنشوف اخر عنادك
&&&&&&&&&&&&&&&
في الرياض
تركي كان هو وغيوض في المجلس
ام سعود نادت غيوض بعصبيه:غيوض غيوض
غيوض:جايه ماما.......ووجهت كلامها لتركي:بروح اشوفها واجي
تركي:اوكيه
غيوض راحت عند امها:هلا ماما
ام سعود:هذه وش؟.............ورفعت علبة دواء غيوض
غيوض (رحنا فيها):دواء
ام سعود بعصبيه:عارفه انه دواء,ليه مليان ؟ليه ماتأكلينه؟
غيوض بكذب:أكلها ماما
ام سعود:والعلبه أمتلت كذا فجاءه ,غيوض ليه تكذبين ومتأكلين دواك,كل ماسألتك تقولين أكلته
غيوض بدلع:مااحبه مااحبه يتعبني وينومني
ام سعود:عن الدلع ........وبعتب:مو حرام عليك الي تسوينه في نفسك ,ارحمينا ياغيوض حرام عليك تعذبينا معك......وراحت المطبخ وهي زعلانه
غيوض دمعت عينها ومسحتها بسرعه يوم سمعت صوت تركي يناديها:جايه......ودخلت المجلس
تركي:وش فيها خالتي تصارخ؟
غيوض تحس بغصه بحلقها:مافيها شئ
تركي يناظرها:وش فيك متضايقه
غيوض بضحكه مصطنعه:ههه من قال اني متضايقه
تركي وهو يقرب منها ويرفع وجهها بإيده:غيوض اعرفك عدل اذا كنت متضايقه تكلمي
غيوض بكت:ماما زعلانه مني
تركي بحنيه:وليه ؟وش سويتي خلاها تزعل؟
غيوض خافت تقوله:على شئ تافه
تركي:وش هو؟
غيوض:..............
تركي:غيوض تكلمي والا اسأل خالتي
غيوض:شافت علبة ادويتي مليانه
تركي:ايش؟!! مليانه يعني كيف؟انت ماتشربين دواك
غيوض بكت:مااقدر اشربه مااحبه
تركي عصب بس بعدين هدا:في احد يحب الأدويه ,بس لازم نشربه
غيوض بدلع:تركي والله يتعبني احس اني دايخه وبس أبي انام
تركي يجاريها:طيب عادي يمكن هو مفعوله كذا قوي شوي
غيوض:مابي اشربه ليه تضغطون علي
تركي عصب:نضغط عليك علشان نبيك تتحسنين,ليه تتعبينا معك
غيوض قامت وهي تبكي:لهالدرجه انا متعبتكم ,امي تقول اني معذبتها وانت تقول متعبتك ,ليت ربي يأخذ عمري وترتاحون مني
تركي يبي يفهمها:غيوض احنا نبي مصلحتك ونخاف عليك
غيوض:مابيكم تخافون علي ,أنا كنت عارفه انكم ماراح تقدرون تتحملون معي اكثر.......وطلعت وهي تركض دخلت غرفتها ورمت حالها على السرير
تركي دخل اصابعه بشعره بتعب
ام سعود دخلت:وش فيها غيوض
تركي:زعلت ليه عاتبتها على دواها
ام سعود جلست:ياربي هالبنت تعبتني ماادري وش اسوي معها
تركي:الله كريم ويشفيها,الحين وش يراضيها
ام سعود:خلها هي بتعرف انها غلطانه وانا نبي مصلحتها
تركي بتنهيده:انا بحاول اجي اليوم في الليل
ام سعود:حياك الله
تركي:ياللا مع السلامه تبين شئ
ام سعود:سلامتك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك