رواية صرخات هادئة -32
تركي دخل اصابعه بشعره بتعب
ام سعود دخلت:وش فيها غيوض
تركي:زعلت ليه عاتبتها على دواها
ام سعود جلست:ياربي هالبنت تعبتني ماادري وش اسوي معها
تركي:الله كريم ويشفيها,الحين وش يراضيها
ام سعود:خلها هي بتعرف انها غلطانه وانا نبي مصلحتها
تركي بتنهيده:انا بحاول اجي اليوم في الليل
ام سعود:حياك الله
تركي:ياللا مع السلامه تبين شئ
ام سعود:سلامتك
&&&&&&&&&&&&&&&
في الأمارات في المستشفى
غرور وراشد عند الدكتوره
الدكتوره وهي تناظر نتائج التحاليل ورفعت راسها وعلى وجهها ابتسامه عريضه:مبروك المدام حامل
غرور كأنه أنكب عليها مويه بارده :ايش؟!!!!!!!!!!!!!!
الدكتوره:انت حامل بشهر
راشد فرح من قلبه:ههههه الله يبارك فيك........وناظر غرور الي كانت ملامحها متضايقه
الدكتوره بجديه:اسمعي غرور من نتائج التحاليل انه عندك فقر دم
راشد بأهتمام:يعني؟
الدكتوره بابتسامه:لا تخاف بس هذا مو زين لها لآزم تهتم بنفسها ووزنها ضعيف لازم تأكل عدل علشان صحتها وصحة الجنين,ممنوع كثرة الحركه بالذات في 3 الشهور الأولى ولازم تبتعد عن الضغوطات النفسيه وعن الأنفعلات ولاتضحكين كثير وكمان لا تبكين كثير هذا يضر بالجنين
غرور بضيق:ايه احسن شئ يحنطوني علشان الجنين
الدكتوره مافهمت عليها:نعم؟
راشد بسرعه:ولا شئ مشكوره دكتوره
الدكتوره:انا كتبت لها فايتامينات تاخذها باانتظام
*
في السياره
غرور كانت تبكي:ليه انا حامل ليه؟
راشد وهو معصب من بكاها:انا اول مره اشوف وحده ماتبي تكون حامل
غرور:انا ,أنا مابي اجيب طفل
راشد:ليه؟
غرور:مابي اي شئ منك ,مابي شئ يربطني فيك
راشد جرحه كلامها:بس انا ابي.......وبسرعه:ابي اكون اب
غرور:جيبه من وعد مو مني
راشد(الله ياخذ وعد الي تعبتني,انا ابيه منك ابيك انت مو وعد):خلاص الحين صرتي حامل وش يفيد هالكلام
غرور:كيفي ابي اطلع الي في قلبي
راشد:طلعي الي في قلبك
غرور سكتت منه
وبعد ربع ساعه رجعت تبكي:ياربي ليه يصير معي كذا ,كل شئ يجي مره وحده مااستوعب ضربه الا تجي ضربه ثانيه,ليتني اموت
راشد يهز راسه يمين ويسار دليل الملل
غرور:ياربي ليه صرت حامل بالذات في هالوقت
راشد:غرور خلاص
غرور بصراخ:مابي مابي اسكت,تعبت من السكوت تعبت من التمثيل تعبت من كل شئ ........وشافت الطريق:وين رايحين؟
راشد:رايحين بيتنا
غرور:اي بيت؟
راشد:ليه كم بيت عندنا ,بيتنا الي في دبي
غرور :لا مابي اروح معك دبي ,رجعني لعند خالتي
راشد:لمتى بتقعدين عند امي ها؟
غرور:الى ان امل ,رجعني الحين
راشد:مافي ,بنروح وانت ساكته ,خلاص دلعك اتركيه
غرور بملل:دلع ودلع كل كلمه والثانيه دلع,مابي اتركه ,انت اتركني بحالي ,اساسا الحين بترتاح مني ومن دلعي
راشد:مافهمت
غرور:بكره روح احجز لي برجع عند اهلي ماراح اقعد معك
راشد:مو على كيفك
غرور:الا على كيفي ,مابيك مااحبك
راشد زعل من كلامها:عسى عمرك ماحبيتيني,اسمعي ولدي بشوفه يكبر ببطنك ويطلع للدنيا وبعدين كيفك اذا تبين تروحين كيفك
غرور:واخلي ولدي يتربى عندك انت والعقربه وعد,والله تحلم
راشد:انا قلت الي عندي وماراح ازيد
غرور بتحدي:وانا ماراح اقعد عندك
*
وصلوا لدبي غرور على طول نزلت بسرعه وصارت تطلع الدرج بعجله ودخلت غرفتها وقفلت عليها الباب
راشد لحقها ودق الباب:غرور افتحي
غرور:مابي ,روح ,وش تبي مني
راشد:غرور افتحي الباب
غرور:لا تخاف ماراح اسوي شئ وانزل الجنين اذا كنت خايف عليه ,أنا مو مجرمه
راشد طفش وراح لغرفته
&&&&&&&&&&&&&&&&&&&&&
اليوم الثاني
الكل عرف بمرض غيوض وزعلوا عليها
بس راشد على باله غرور ماتعرف وماقال لها
وعرفوا بحمل غرور وفرحوا لها وباركوالها
غرور تكلم تلفون:ههههههههه الله يبارك فيك ماما
ام سعود:اهتمي بنفسك حبيبتي ,كلي عدل ولا تتحركين كثير
غرور:ان شاءالله مامي
ام سعود:واتركي عنك العصبيه ترى مو زين,راشد يقول انك تعصبين كثير
غروروهي تناظر راشد(والله شين وقواة عين):هو يعصبني ماما قولي له لا يرفع ضغطي
راشد ابتسم
غيوض اخذت الجوال من امها:كلوووووولوش مبرووووك
غرور :هههههههههههههه الله يبارك فيك,كيفك غيوض
غيوض بنبرة حزن بانت بصوتها:بخير
غرور عيونها امتلت دموع بس مانزلتهم:وش فيه صوتك احسك متضايقه
غيوض بمرح تحاول تخفي الحزن:مافي شئ ......وغيرت الموضوع:غرور اذا جبتي بنت
غرور تقاطعها:بسميها غيوض هههههههههههه
غيوض بضيق:ايه علشان كل ماشفتيها تتذكريني
غرور قلبها عورها:غيوض وش هالكلام..........وقامت علشان راشد مايسمعها على بالها راشد مايعرف:وليه اتذكرك وانت موجوده
غيوض:انا الحين موجوده بكره لا
غرور مااعجبها الكلام:غيوض وجع لا تتكلمين كذا مره ثانيه
غيوض:هذه الحقيقه
غرور بكت:غيوض لا تعورين قلبي كافي الي فيني
غيوض بكت معها
غرور:وجع انقلعي مابي اكلمك..........وقفلت السماعه وصارت تبكي
راشد دخل:غرور
غرور الي كانت معطيته ظهرها مسحت دموعها بسرعه ولفت عليه:نعم؟
راشد قرب منها وناظر في ملامحها:وش فيك تبكين
غرور تلف وجهها وبغصه:مافيني شئ
راشد:علي انا حافظك
دق جوال غرور ردت بسرعه علشان تتهرب من راشد:هلا............خالد ...........كذاااااب.....وقفلت منه وبسرعه فتحت الشباك شافت خالد
غرور:هههههههههه.........ونزلت بسرعه
راشد عصب:شوي شوي
غرور طنشته وفتحت الباب وحضنت خالد
خالد:ههههههههههههه شوي شوي يالهبله الطفل بينزل
غرور(ياليت ينزل):ههههههه
خالد:مبروووك
غرور وهي تمشي معه لداخل:الله يبارك فيك
خالد:انا اول ماقالت لي جنا على طول ركبت الطياره وجيتك قلت ابارك لك فيس تو فيس
غرور تغمز لها:ههههه علينا,قول انك جاي تشوف حبيبة القلب جنا
خالد وهو يقرص خدودها:ههههههههههه ايه ماانكر بس انت كنت السبب الرئيسي
غرور:اضحك على جنا بهالكلام هههههههههههه
*
مر الوقت بسرعه كاالعاده
راشد يودع خالد عند الباب:كيف غيوض الحين؟
خالد:حمدالله بس خالتي تقول مثل ماهي
راشد:الله يشفيها ويكون بعونهم
خالد:آمين
راشد:اسمع لا تقول لغرور
خالد:بس غرور عارفه
راشد:عارفه؟مين قالها
خالد:خالتي تقول انها عارفه من قبل يوم كانت عندنا
راشد:غريبه ماقالت لي
خالد:ماادري عنها,المهم ياللا باي بلحق على الطياره
راشد:مع السلامه
خالد:هالله هالله بغرور
راشد:ان شاءالله.............ودخل داخل عند غرور الي كانت توها مغيره ولابسه بيجامه رمادي منقط بالاخضر وبلوزتها خضرا مرسوم عليها أرنوب وكانت واقفه تمشط شعرها
راشد بهدوء :غرور انت عرفتي بمرض غيوض
غرور تجمدت ايدها على شعرها :مين قالك؟
راشد:الكل عرف
غرور نزلت المشط وجلست على الكنب بحزن:شفت وش صار؟
راشد كسرت خاطره جلس بجنبها:الله يشفيها ان شاءالله وهذا ابتلاء من ربي
غرور بكت:حمدالله على كل حال,بس والله قلبي يتقطع عليها
راشد ضمها لصدره وصار يمسح على شعرها:كلنا بس هذا المكتوب
غرور من بين شهقاتها:تقولي جيبي بنت وسميها غيوض علشان تتذكريني,تقول انها بتموت
راشد يهديها:اشششش اهدي ان شاءالله ماراح تموت وتتعالج
غرور:ياخوفي افقدها مثل مافقدت ابوي ,احس نفسي بموت
راشد ضمها بقوه:غرور ليه هذا الكلام
غرور رفعت رجولها على الكنب وحطت ايدها على صدر راشد وهي ماسكه فانيلته:تعبانه ياراشد والله اني تعبانه .........وصارت تبكي بحضنه
وراشد يمسح على شعرها ويهديها الى ان نامت
مر اسبوع
*راشد اصر على غرور انه تنام معه واخذ مفتاح غرفتها علشان ماتسكر على روحها والعلاقه بينهم عاديه
راشد يهتم كثير بغرور وغرور متضايقه لآنها تحس أهتمامه فيها علشان الي في بطنها
وراشد كان يعصب من برودها وعدم اهتمامها بنفسها
*تركي وغيوض ,تركي كل يوم يحاول مع غيوض تعيد التحاليل وغيوض تأجل وتركي بدا صبره ينفذ
*جنا وخالد انتهى دورهم
*تحدد زواج شموخ وايمن
في الرياض
تركي بعصبيه:غيوض خلاص انا مليت
غيوض:تركي حبيبي خلاص اخر مره الاسبوع الجاي
تركي:شايفتني بزر عندك كل يوم بكره والحين الاسبوع الجاي
غيوض:لا مو بزر بس خلاص قلت الاسبوع الجاي
تركي :اليوم مافي الاسبوع الجاي
غيوض بعصبيه:مابي اروح اعيد شئ ,راح يطلع نفس النتيجه ومابي اتعالج خلاص خلني براحتي ,أنا الي بتعب
تركي:انت انانيه غيوض ماتفكرين الا بنفسك مافكرتي بامك ولا اهلك ولا حتى فيني.........وطلع وهو معصب
&&&&&&&&&&&&&&&&&&
في الأمارات
راشد دخل غرفته ماشاف غرور:اكيد بغرفتها........وراح لغرفتها
راشد دخل:سلام
غرور وهي تشوف الرسمه الي كملتها وانتهت من رسمها:وعليكم السلام
راشد:وش رسمتي.......وشاف رسمتها ووقف منصدم وهو يشوف الرسمه:هذا سلطان؟!!!!!!!!!
غرور بعفويه:عرفت ارسمه؟
راشد ناظرها بعدم تصديق فجاءه تحولت نظراته لغضب وطلع وهو معصب من غير مايتكلم بحرف
غرور بااستغراب:هذا وش فيه,حمدالله والشكر
راشد وهو في السياره يضرب الدركسون:هذه تبي تموتني ,وش ناويه عليه ,ترسم سلطان وتقول بكل برود عرفت ارسمه
وبقهر:ليه ترسمه ,ولا مره فكر ترسمني ,مره ابوها والحين سلطان, شكلها اذا مت بترسمني
رن جواله شاف اسم امه:هلا يمه
ام راشد:وينكم ؟ماراح تجون
راشد:نجي وين؟
ام راشد:راشد وش فيك ,انت قلت اليوم بتجون عندنا
راشد وماله خلق:مره ثانيه
ام راشد:ليه ,تعالوا بسوي لكم احلى عشى
راشد ماحب يكسر بخاطر امه:ياللا الحين بنطلع..........وقفل من امه ورجع بسيارته لعند غرور
*
في ابو ظبي
غرور كانت تشوف فلم هندي وجنا بغرفتها وام راشد في المطبخ وراشد طلع من عند ابوه وقفه صوت
:راااااشد
غرور لفت للصوت شافت وعد ارتفع ضغطها
راشد من غير نفس:هلا
وعد تقرب من راشد وبدلع ماصخ:أشتقت لك
راشد طاحت عينه على غرور الي لفت وجهها على طول تسوي نفسها تشوف فلم (والله لأقهرك مثل ماتقهريني لأخليك تموتين غيره مثل ماانت معيشتني) وبابتسامه:وانا بعد
وعد ماصدقت على الله قربت بكل وقاحه اكثر:صدق اشتقت لي
غرور منقهره منها وتناظر التلفزيون وهي ماهي شايفه ولاشئ(يشتاق لك الموت ان شاءالله وياخذك)
راشد وهو يناظر بطرف عينه غرور:ايه صدق,كيفك؟
وعد:بخير حبيبي
غرور(حبك برص وشياطين خرص بجهنم)
راشد انقهر من برود غرور(هذه ماتحس ,ماتغير)
وعد وهي تلمس خده:احبك
غرور ضغطت بايدها على الريموت شوي وينكسر(وقحه)
وعد تكمل:احبك احبك واحب الارض الي تمشي عليها
غرور قامت ومشت لعندهم بكل ثقه وبسخريه تبين انها ماهي منقهره:في غرفه على يمينكم اذا حابين ......وطلعت فوق بكل هدوء(الله ياخذها الله ياخذها)
وعد زعلت:قلة ادب
راشد بعدها عنه وهو منقهر من غرور:بروح عندي اجتماع.......وراح وهو تارك وعد
*
بعد العشى
غرور:تسلم ايدك خالتي ,احلى أكل
ام راشد بابتسامه:بالعافيه عليك
راشد:اليسون سوي لي كوفي
ابو راشد:راشد وش فيك
راشد:مافي شئ
ام راشد:من اول ماجيت وانت متضايق ,خير وش فيه؟
راشد:مافي شئ بس مصدع شوي ,غرور ياللا نمشي
غرور راحت تجيب عباتها
جنا:بدري
راشد:لا تعبان ابي انام بكره وراي اجتماع
غرور جات وبإيدها لفه من الورق:خاله نسيت اعطيك هذه.....ومدتها لها
ام راشد وهي تاخذها:وش هذه؟
غرور بابتسامه:افتحيها
ام راشد فتحتها وحطت ايدها على فمها وهي تشوف رسمة سلطان
غرور:هذه الي طلبتيها مني
ام راشد بدموع:كأنه حقيقه مو رسمه,شكرا غرور
غرور:العفو مع اني تاخرت عليك فيها بس تعرفين الي صار
ام راشد:لا عادي ,تعالي احضنك
غرور حضنت ام راشد
راشد(يعني امي الي قالت لغرور ترسمها وانا ظلمت غرور)
جنا سحبت الرسمه:يوه ماشاءالله عرفتي ترسمينها
غرور:ههههههههه جد
جنا:والله انك فنانه,ارسميني انا
راشد(خليها ترسمني انا بالاول , بس الظاهرغرور ماترسم الا الأموات)
&&&&&&&&&&&&&&&&
اليوم الثاني في الصباح الساعه 8
تركي:ياللا غيوض تاخرتي
غيوض ومعها عباتها:ياللا جيت,ليه مستعجل الي يشوفك يقول مافطر بحياته كلها
تركي:ههههههههههه جوعان مااكلت شئ
غيوض وهي تلبس عباتها:يعني انا الي اكلت
تركي:اوكيه ياللا نروح ناكل,مع السلامه خالتي........وغمز لها
ام سعود هزت راسها:مع السلامه
*
في السياره
غيوض بتردد:تركي أنا جد انانيه
تركي ناظرها:من قال؟
غيوض:انت
تركي:ههههههههه انا كنت معصب وابيك تعيدين التحاليل بس انت معنده
غيوض ارتاحت:تركي انا عارفه اني متعبتكم بس اعذروني والله مو بيدي انا نفسيتي زفت
تركي:عاذرينك.........ووقف:ياللا انزلي
غيوض فتحت الباب و جات بتنزل شافت مستشفى:وين المطعم؟
تركي:اول بنسوي التحاليل
غيوض زعلت:كذبت علي ياتركي
تركي:وش اسوي انت معنده
غيوض قفلت الباب وتكتفت:ماراح انزل رجعني البيت
تركي بترجي:غيوض الله يخليك انزلي خلينا نعيد التحاليل ,خلينا نتأكد ونتطمن ماراح نخسر شئ
غيوض بعناد:مابي
تركي:غيوض اترجاك
غيوض:..........
تركي:اذا كنت تحبيني او في قلبك لو ذرة حب لي انزلي
غيوض:احبك ياتركي والله احبك بس مابي اسوي التحاليل
تركي:ليه؟
غيوض:كذا
تركي:غيوض مابي كلام ابي فعل اذا كنت جد تحبيني انزلي
غيوض:تركي الله يخليك
تركي:اثبتي لي حبك ياغيوض
غيوض:.............
تركي شغل السياره وبزعل:شكراً ياغيوض عرفت وش كثر تحبيني
غيوض حطت ايدها على ايده:خلاص بنزل
تركي فرح:جد؟!!!!!!
غيوض بخوف:ايه جد علشان ترتاحون وتريحوني
تركي طفى السياره:ياحبي
غيوض:بس انا خايفه
تركي:لا تخافين انا بكون معك
*
بعد ربع ساعه
غيوض وتركي متوترين من نتايج التحاليل
الدكتوره:التحاليل سليمه الحمدالله
غيوض وقفت ماهي مصدقه:سليمه؟!!!!!!!!!!!
الدكتوره:ايه سليمه مافيك شئ
تركي بفرح:انت متأكده؟!
الدكتوره:ايه متاكده
تركي حضن غيوض :هههههههههههه انت سليمه
غيوض وهي تبكي:انا سليمه ,مافيني شئ ,ماني مصدقه
تركي:حمدالله حمدالله
الدكتوره ابتسمت على شكلهم
تركي وهو يكلم الدكتوره:شكراً دكتوره
الدكتوره:العفو
طلعوا تركي وغيوض من الدكتوره وهم فرحانين
غيوض:ماني مصدقه الحمدالله
تركي حملها في المستشفى ودار فيها وهو مو مهتم للأنظار الي تشوفه:هههههههههههههه
غيوض:هههههههههههه تركي عيب
تركي نزلها وحضنها:يالله هذا احلى خبر في حياتي كلها
غيوض تبتعد عنه:حمدالله اني عدت التحاليل والا كان عشت بعذاب
تركي وهو يضرب رسها بمزح:علشان ثاني مره تتركين العناد
غيوض:ههههههههه خلنا نبشر ماما وسعود
تركي:ايه تلقينهم منتظرين على نار
غيوض وقفت:ليه هم عارفين اني بعيد التحاليل
تركي ابتسم:اكيد ,كنت ابي خالتي تساعدني وماتخليك تأكلين شئ
غيوض:علشان كذا ماما كل شوي واقفه على راسي لا تأكلين شئ وتركي تأخر
تركي:هههههههههههه
غيوض:انت شلون خطرت هالفكره في بالك
تركي:مو انا بصراحه ايمن
غيوض:تسون تخطيط من وراي
تركي:هههههههههه وش نسوي تعبتينا بعنادك
&&&&&&&&&&&&&
التكمله
ماقدرت انزله كله مره وحده مايكفي كله مع بعض النص كبير
في الأمارات
راشد دخل الغرفه شاف غرور ماسكه الجوال وتبكي ماهي قادره تتكلم خاف:غرور وش فيك
غرور من البكاء ماقدرت تتكلم
راشد هزها:غرورتكلمي وقفتي قلبي
غرور رمت حالها بحضن راشد:غيوض غيوض
راشد حضنها (لا يكون ماتت) وبخوف من الي راح يسمعه:وش فيها غيوض؟
غرور وهي تبعد عنه وتضحك:ههههههههههههههه
راشد خاف(ياويلي انجنت)
غرور:ههههههههههه غيوض مافيها شئ ههههههههههه
راشد عقد حواجبه:مافهمت
غرور:غيوض عادت التحاليل ومافيها شئ طلعت سليمه ههههههههههههه ماني مصدقه
راشد فرح:حمدالله حمدالله
غرور رجعت وحضنت راشد:ماني مصدق غيوض مافيها السرطان يالله ياراشد فرحانه احس اني طايره من الفرح
راشد ضمها بقوه:ان شاءالله دوم الفرحه
غرور تبتعد عن راشد:راشد ابي اروح عند اهلي
راشد:لا مافي
غرور بترجي:راشد الهر يوفقك ابي اشوف غيوض الله يخليك
راشد:لا ماله داعي
غرور:خلني اروح اساسا مابقى الا اسبوع على زواج شموخ
راشد:انت قلتيها اسبوع ,قبل الزواج بيوم بخليك تروحين
غرور:راشد ان كان في قلبك اي معزه لي لو صغيره خلني اروح ابي ارتاح احس اني تعبانه ومضغوطه
راشد(تعبانه ومضغوطه مني):اوكيه بكره احجز لك
غرور باسته على خده:شكراً
&&&&&&&&&&&&&&&&
عند تركي في المستشفى عند الدكتور الي اول مره سوا فحوصات لغيوض بعد مااخذ كل التقارير الأولى والثانيه
تركي باسلوب يخوف:انتم شلون تغلطون بالتحاليل
الدكتور:اسفين بس في نفس اليوم كان في بنتين نفس الاسم الي هي زوجتك ووحده ثانيه
غيوض بندر وغيوض بدر تشابه اسماء فصارت غلط بالتحاليل>>>>>>>هذه صارت صدق بس شبيه لها صارت تشابه اسماء في بنت قالوا انها حامل وابوها ذبحها بنفس اللحظه وبعدين اكتشفوا انه تشابه اسماء ,انتبهوا هههههههههه
تركي بعصبيه وهو يضرب الطاوله بإيده:تشابه اسماء وتغلطون المفروض تتأكدون,انتم كنتم بتدمرون حياتي ,عيشتونا بجحيم
الدكتور بخوف:ياخوي اسفين ,وانت مافكرت بالعايله الثانيه وش حالتهم
تركي هدا شوي:وش يفيدني اسفك ,والعايله الثانيه الله يكون بعونهم ويشفي بنتهم مو لازم تعيشونا بنفس حالتهم
وبتهديد:هالمره راح اعديها لكم بس المره الثانيه ياويلكم هذا اذا جينالكم..........وطلع
&&&&&&&&&&&&&&
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك