رواية صرخات هادئة -33
تركي بعصبيه وهو يضرب الطاوله بإيده:تشابه اسماء وتغلطون المفروض تتأكدون,انتم كنتم بتدمرون حياتي ,عيشتونا بجحيم
الدكتور بخوف:ياخوي اسفين ,وانت مافكرت بالعايله الثانيه وش حالتهم
تركي هدا شوي:وش يفيدني اسفك ,والعايله الثانيه الله يكون بعونهم ويشفي بنتهم مو لازم تعيشونا بنفس حالتهم
وبتهديد:هالمره راح اعديها لكم بس المره الثانيه ياويلكم هذا اذا جينالكم..........وطلع
&&&&&&&&&&&&&&
بعد يومين في الرياض
راشد وهو قاعد بجنب غرور الي منسدحه على السرير:سويتيها ياغرور ونزلتي الي في بطنك
غرور تبكي:انا مانزلته والله مانزلته
ام سعود:راشد انت وش تقول الدكتوره قالت انه الجنين نزل بسبب الضغوطات النفسيه الي مرت فيها
سعود عصب من راشد:راشد انت صاحي هذا وقت كلامك ماتشوف غرور كيف تعبانه
ام راشد:ماعليه ياسيوف هو زعلان خلونا نطلع بره ونخليهم يتكلمون على راحتهم
طلعوا الكل
راشد بقهر:بسبب الضغوطات والا انت الي تعمدتي ونزلتيه ,ثاني يوم توصلين للرياض على طول نزلتيه
غرور عصبت:انا مانزلته انت ماتفهم,انا مو مجرمه علشان انزله
راشد:اجل هو الي طاح بروحه
غرور بصراخ:ايه,واحسن انه نزل علشان مايكون في شئ يربطني فيك ,ومابي ولدي يتربى بعيد عن ابوه او امه
راشد انقهر قام :ماراح اسامحك ياغرور ابداً........وفتح الباب :ماراح اسامحك......وطلع
غيوض وقفته بعصبيه:هي الي ماراح تسامحك
الكل لف على غيوض
غيوض تكمل:غرور نزلت الطفل بسبب الضغوطات الي صارت لها وانت واحد منهم
راشد:اي ضغوطات الي تتكلمين عنها
غيوض:اولها مرضي غرور كانت حامل يوم عرفت بمرضي هذا اول ضغط
تركي يهدي غيوض:غيوض اش احنا بالمستشفى
غيوض مطنشته:خله يفهم عذب اختي ......ووجهت كلامها لراشد:وثاني ضغط انت,غرور تجي عندنا بس اسبوع ترجع تلاقيك مملك على بنت عمك وعد
الكل شهق من الخبر
غيوض تناظرهم:ايه راشد ملك على وعد ولا الأخ يقول مافي ضغوطات
سعود جن جنونه مسك راشد من ثوبه:ملكت على بنت عمك,ملكت ياراشد واختي ماصارلها الا شهرين من تزوجتك
تركي وخالد فكوا راشد من سعود
تركي:سعود مايصير كذا عيب احنا بالمستشفى
خالد بعتب:ليه ياراشد ,غرور قصرت معك
راشد بضيق:انتم مو فاهمين شئ........وراح وتركهم
ام سعود بعتب:ليه ياموضي ليه
ام راشد بااحراج:انا والله مالي دخل راشد ماسمع كلامي وزعلت منه وقلت هالكلام لغرور والله مالي ذنب
ام سعود:وليه ماعلمتينا؟
ام راشد:غرور قالت مااقولكم هي تبي تقولكم بنفسها
سعود:وانت غيوض ليه ماتكلمتي من اول
غيوض:وانا وش عرفني مادريت الا امس علشان كذا غرور تبكي وتعبت
سعود دخل على غرور بعصبيه ودخلوا الكل معه الا تركي وغيوض
تركي:ليه قلتي لهم الحين كان سكتي
غيوض:قهرني ماراح اسامحك وماراح اسامحك ,قاعد يلومها وما يشوف نفسه
تركي:الحين وش يفكه من يد سعود
غيوض:احسن خله يتأدب
*
سعود بعصبيه:غرور ليه ماقلتي انه راشد ملك ها؟
غرور:كنت مابي ازيد همكم,كافي غيوض وسالفة مرضها,مابي ازيد ثقل فوق ثقلكم
سعود بزعل:افا توقعتي انك بتكونين ثقيله علينا ,انا اخوك اذا ماشكيتي لي وحميتك بتشتكين لمين
غرور بكت:عارفه والله بس خفت اضايقكم
خالد يهدي الوضع:خلاص مو وقته هالكلام غرور تعبانه وخلوها ترتاح
اليوم الثاني
راشد كان في مجلس ام سعود
سعود:انا ودي اعرف ليه ملكت على بنت عمك؟,انت تحبها؟ ,واذا كنت تحبها ليه تزوجت غرور؟
راشد:لا مااحبها انا مااحب الا غرور ولا بحب الا هي
سعود:طيب ليه ملكت؟
راشد:بصراحه ياسعود هذا الكلام ماكان يعرفه الا انا وابوي وعمي بس بقول لك علشان تعذرني ,بنت عمي كانت تحبني ويوم تزوجت غرور تعبت نفسيتها واهلها ودوها طبيب نفسي بس هي تعبت اكثر ووقفت العلاج وحاولت تنتحر نفس اليوم الي جات فيه غرور عندكم
سعود كان يسمع الكلام بهدوء
راشد يكمل:وعمي ناداني وطلب مني وترجاني اني املك على وعد واقنعها انها تكمل العلاج وبعدها اطلقها وانا ماحبيت ارد عمي ,صعبه عمك يجي ويترجاك
سعود تفهم الوضع:لا حول ولا قوة الا بالله,طيب وش بتسوي الحين
راشد:أنا طلقت وعد مااقدر اتحمل اكثر ,انا احب غرور ومابي اخسرها
سعود:طيب هي رجعت تتعالج
راشد:لا ماتبي ......وبترجي:سعود اترجاك تساعدني ,انا ابي ارجع غرور مااقدر اعيش بدونها
سعود:شوف انا بنادي لك غرور وانت قول لها كل شئ ,غرور ماراح تقتنع الا اذا قلت لها الحقيقه
راشد:انا مقرر اني اقول لها كل شئ
*
سعود راح ورجع :راشد انا اسف بس غرور ماهي راضيه تشوفك
راشد تضايق:والحل؟
سعود:انا اشوف لو تتركها كم يوم بعد وانا من عندي بحاول فيها
راشد بقلة حيله:الله يصبرني,سعود انا بروح الأمارات وبعد اسبوع بجي وان شاءالله يكون اقنعتها
*
راشد وصل الأمارات دخل البيت وهو يحس بضيق وطفش :انا والله الي جبته لنفسي
طلع لغرفته ورمى حاله على السرير بتعب
رن جواله معلنه وصول رساله فتحتها شافها رساله صوتيه كان من غرور
غرور ارسلت له اغنيه بصوتها
ياما خبيت بعيني دمعي وهمي الساكن فيا
وماخليك تحس علي وداويك وقلبي موجوع
اذا كنت بعذابي راضي وجاي ترجعني
انا ياحبيبي جرح الماضي بعده عم يوجعني
اذا شايفني مش عم ببكي ليش انت خليت دموع ؟؟
اذا شايفني مش عم بشكي فكرك يعني مش موجوع ؟؟
ضيعني حبك ضيعني ليه
ياما اشكي وماتسمعني
حتي الاأأه اللي بتوجعني صوته عندك مش مسمووووع
حتي الاأأه اللي بتوجعني صوته عندك مش مسمووووع
اذا كنت بعذابي راضي وجاي ترجعني
انا ياحبيبي جرح الماضي بعده عم يوجعني
اذا شايفني مش عم ببكي ليش انت خليت دموع ؟؟
اذا شايفني مش بشكي فكرك يعني مش موجوع ؟؟
راشد قام وعاد الرساله من جديد:آه يالقهر والله اني كنت قاسي واناني معك
وحاول ينام بس النوم كان مجافيه قام وراح غرفة غرور جلس يدور فيها ويفتح الدولاب ويشوف لبسها الي تركته علشان اذا رجعت ,فتح الكبت شاف كراسة رسمها فتحها وشاف انها رسمته وهو يضحك ابتسم بعدم تصديق:رسمتني مو معقول,ليه مو ورتني ياها
فتح الرسمه الثانيه وكانت راسمته وهو معصب ضحك:ههههههههههه
وكانت كل الكراسه غرور راسمه راشد بكل حالاته وهو مبتسم وهو مضيق عينه وهو متضايق
واخر صفحه كانت غرور مشخبطه فيها بكلمات
كم هي صعبة تلك الليالي
التي أحاول أن أصل فيها إليك
أصل إلى شرايينك
إلى قلبك
كم هي شاقة تلك الليالي
كم هي صعبة تلك اللحظات
التي أبحث فيها عن صدرك ليضم رأسي
*******
حبيبي
الشوق إليك يقتلني
دائماً أنت في أفكاري
وفي ليلي ونهاري
صورتك
محفورة بين جفوني
وهي نور عيوني
عيناك ..... تنادي لعيناي
يداك ..... تحتضن يداي
همساتك .. تطرب أُذناي
******
عندما أبدأ بالكتابة
أجد نفسي وأجد ذاتي
أجد نفسي تنطق بالحروف المقهورة
التي تأبى أن تتوراى بين السطور
أجد ببعض الأحيان
أدمعي تنساب على ورقتي تبللها
فتبقى حروفي هي ذاتي الخجول
الذي تريد التحرر ولكنها تأبى
وأحياناً عندما أكتب
أنسى أن لي أبجديات ومقاييس
المفروض لا أفرًط بها
أما عندما أكتب عن حبي
أجده يتجسد بمعاني ضعيفة بين السطور
لأنني أجد حبي بداخلي
نابع بكل حساسية
وعندما أهدي حبيبي أحرفي
أجدها لاتعطي معنى
مثل الذي في وجداني
لأن الذي في وجداني
أكثر بكثير
فأحتار
وتبدأ معاناتي
وتبدأ فصول إعترافاتي
بورقتي التي قد أمزقها بعد ذلك
لأنها قد تظهر نقاط ضعفي
ولكن بعدها
أحس بالراحة
وأنني وجدتُ ذاتي التائه
فهل ياترى أستطيع إهداء أحرفي
*منقول*
وكتبت في الأخير" آه ليته يحس"
راشد حضن الكراسه يحس بفرح انه غرور تحبه :ليتني اكتشفت هالشئ قبل
ونام على سرير غرور وهو حاضن مخدتها وبجنبه الكراسه
&&&&&&&&&&&&
بعد شهر
راشد دائماً يحاول يرجع غرور ويقابلها بس غرور ماتبي تشوفه ورافضه تكلمه او ترد على مكالماته
غرور وغيوض كانوا عند الكوافيرا
دق جوال غيوض ردت:هلا حبيبي
تركي:هلا بروحي وعمري
غيوض:هههههههههه
تركي:كيفك؟
غيوض:بخير وانت؟
تركي:انا تمام التمام,وينك؟
غيوض:في المشغل
تركي:وش تسون في المشغل الزواج وخلص
غيوض:ههههههه غرور تبي تصبغ شعرها وتقصه
تركي:اها
غيوض:ليه وش كنت تبي؟
تركي:ابد كنت ابي اقولك وش رايك نحدد زواجنا
غيوض:لا مو الحين خله بعدين
تركي:متى بعدين؟
غيوض:الحين غرور متضايقه مو حلوه
تركي:ومن قال انا بكره بنتزوج يعني بعد شهر شهرين
غيوض:على كيفك شوف اهلي
تركي:وهذا الي بيصير لو عليك كل يوم بتطلعيني بسالفه
غيوض:هههههههههههه
تركي:ياللا باي
غيوض:باي
غرور وهي تناظر نفسها بالمرايه كانت صابغه شعرها احمر برغندي طالع عليها حلو مبين بياضها اكثر
غرور:وش يبي تركي
غيوض:يبي يحدد زواجنا
غرور بفرح:حلو زين والله
الكوافيرا تمسك شعر غرور:كيف تبيني اقصه لك
غرور تمسك شعرها وتذكرت راشد وهو يلعب بشعرها بافتره الأخيره اذا جات بتنام ويقول لها حلو وهو طويل واذا كان مفتوح يرجع شعرها لورى اذنها اذا كانت تاكل ,ابتسمت
غرور صحت على هز غيوض
غيوض تهزها:غرور الكوافيرا تكلمك تقول لك كيف تقصه
غرور قامت:لا ماراح اقصه بخليه كذا......ولفته بشباصه
*
في السياره
غيوض:ماقصيتيه علشان تذكرتي راشد
غرور هزت راسها بايه:يحبه طويل
غيوض:وانت تحبين راشد صح؟
غرور ماانكرت:ايه احبه ومااقدر انكر هالشئ
غيوض:طيب ليه ماترجعين له هو طلق وعد وسعود قالك ليه هو ملك عليها
غرور(مو بس هذا السبب ,ياخوفي راشد يبي يرجعني يكمل انتقامه):بس جرحه لي الى الأن ماطاب
وصلوا للبيت شافوا سيارة راشد واقفه
غيوض:هذه سيارة راشد
غرور قلبها دق:اشتقت له
غيوض:طيب قابليه ولا تعندين
غرور نزلت:لا مو الحين
غيوض نزلت معها وهم داخلين راشد نزل من سيارته وسحب غرور:غرور الله يخليك اسمعيني
غيوض دخلت بسرعه
وراشد وغرور دخلوا المجلس
غرور وهي تفك عباتها بهدوء كانت لابسه ثوب قصير للركبه لونه ابيض ضيق على جسمها من الستان بأكمام قصيره وجزمه بيضه بكعب واطي
راشد يناظرها باشتياق :رجعتي للبسك ياغرور
غرور بهدوء:ايه ,خلاص ماصرت تقدر تحكمني ياراشد
راشد قرب منها:قالوا كنت عند الكوافيرا
غرور:ايه
راشد قرب اكثر وهو يشوف شعرها:صبغتي شعرك
غرور تحس دقات قلبها تزيد مع قربه:وش شايف
راشد:قصيتيه؟خالتي قالت انك بتقصين شعرك
غرور:مالك دخل
راشد قرب منها ومد ايده لشعرها,غرور تحس بتسارع انفاسها من قربه ومن ريحة عطره
راشد سحب الشباصه وطاح شعرها بحيويه على كتفها ,راشد ابتسم(حمدالله):ماقصتيه ,ليه؟
غرور ابتعدت عنه بتوتروجلست:الحين انت تبيني علشان تتكلم عن شعري
راشد جلس:لا ,انا ابيك ترجعين معي
غرور بسخريه:هه بهالسهوله
راشد:قولي وش تبين وانا اسويه لك
غرور:مابي منك شئ الا انك تطلقني وتتركني بروحي
راشد:الا الطلاق ,غرور انا احبك والله احبك
غرور قلبها دق من كلمته تحس انها مو مصدق:كذاب
راشد:والله احبك انا اموت فيك
غرور:ووعد؟
راشد:وعد مااحبها خلاص طلقتها ,انا عمري ماحبيتها ولا راح احب غيرك
غرور فرحت من كلامه بس مابينت:وكلامك وحركاتك معها
راشد:كنت ابي اقهرك كنت ابيك تغيرين مثل ماانا اغير
غرور:تغير, انت تغير علي؟
راشد:ايه اغير كنت اغير من جسوم واغير من خالد ومن اهلي
غرور:تغير من خالد واهلك؟!!!!!!!!
راشد:ايه ,انت كنت تحضنين خالد عادي وتاخذين راحتك معه وانا لا ,كنت اغلي من الغيره,تصوري كنت اغير من محمد
غرور:ههههههههههههههه من محمد؟
راشد:ههههه ايه والله اغير يوم اشوفه يقولك صديقتي وتلعبين معه وتاخذين راحتك
غرور:هههههههههه مو معقول
راشد:الا معقول انا اغير عليك اغير اذا احد شاف جمالك غيري اذا احد شافك بهاللبس
غرور:ووعد وش صار عليها
راشد:ماادري عنها مالي دخل فيها>>>>>>>>>اكيد تبون تعرفون وش صار عليها انا نفسي مااعرف هههههههههههه
غرور ابتسمت
راشد بترجي:غرور ارجعي معي سامحيني
غرور:لسه ماانتهينا
راشد:وش باقي؟
غرور:وانتقامك ,تبيني ارجع لأنتقامك
راشد بسرعه:لالالا انا والله نسيته ,غرور انا اول ماشفتك في المستشفى حبيتك وكنت قهران منك علشان سلطان وبعدين نسيت هالشئ لاني حبيتك اكثر واكثر وخطبتك وانا احبك بس يوم رفضتيني انقهرت ورجع قهري وقررت أأدبك بس يوم ملكت عليك قررت انسى كل شئ بس انت الي ذكرتيني يوم سافرنا استراليا ,انا كنت في هاللحظه قهران ومع الوقت شفتك تحبين سلطان وحسيت بالغيره تتذكرين كل شئ يحبه سلطان ,تقرين نفس الكتاب "سقف الكفايه"وتحبين نفس الأغاني وترسمينه
غرور:انا كنت احب سلطان مثل اخوي
راشد:عارف ورسمتيه لأن امي طلبت منك
غرور:انت جرحتني وانا مالي دخل بموته
راشد:مايهمني خلينا ننسى كل شئ ونرجع لبعض
غرور:ماتبي تعرف الحقيقه
راشد:لا ماعاد يهمني ابيك انت وبس,حبيني ياغرور مثل ماانا احبك
غرور ارتاحت لكلامه وحست بصدق كل كلمه:بس انا كنت احبك وكنت انا بعد اغير من وعد
راشد:كنت؟!!!!!!!!والحين
غرور ابتسمت له:حبك ماطلع من قلبي ابد
راشد حضنها بحب:احبك واموت فيك
غرور:وانا بعد.........وابتعدت عنه:راشد انا كنت راسمتك بكل حالاتك
راشد:ههههههههههههه عارف شفتها
غرور:شفتها؟!!!!!!!!
راشد:هههههه ايه شفتها يوم سافرتي وانا كل يوم احضن مخدتك وانام بسريرك واشم ملابسك
غرور:ههههههههه لهالدرجه ...........وغنت
طلع عاشق طلع مهتم طلع ذايب طلع مشتاق
وانا أحسب وحدي المغرم طلعنا إثنينّا عشّاق
طلع مشغول هو مثلي مثل ما أسهرله يسهرلي
وأنا أحسب من زمان أهواه أثاري يحبني من قبلي
راشد حضنها بحب:هههههههههههه احبك ,المفروض انا الي اغنيها لك
غرور:هههههههههه وانا بعد احبك
راشد فرح:وش رايك نسافر شهر عسل جديد
غرور:ههههههههههه موافقه
راشد:وش رايك نروح استراليا؟
غرور بسرعه:لا استراليا لا
راشد باستغراب:ليه؟
غرور:مااحبها كرهتها
راشد:هههههههههههههه
غرور:ابي اروح البلده الي انت تحبها
راشد ابتسم:سويسرا وش رايك نروح سويسرا
غرور:اوكيه......و بتردد:راشد ماتبي تعرف مين السبب بموت سلطان
راشد يسكتها:قلت لك مايهمني
غرور:بس أنا يهمني,اسمع راشد ..........وقالت له كل شئ
&&&&&&&&&&&&&&&&&&&&&&
بعد مرور سنه
سعود وخلود الله رزقهم بولدين توأم بدر وبندر
حنان وفهد جابوا بنت سموها وجدان وينتظرون مولود جديد
غيوض وتركي,غيوض حامل
شموخ وايمن مشغولين بمهنتهم الطب
جنا وخالد في شهر العسل
غرور وراشد جابوا ولد سموه مشاري
وعد تزوجت ولد خالتها الي يحبها وماتركت حقدها لغرور>>>>>>>>>>تابعوني بالجزء الثاني من صرخات هادئه ههههههههه امزح عليكم لا تصدقون مافي جزء ثاني على بالكم باب الحاره هههههههههههههههه
تمت ولله الحمد
سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ
ردودكم
اللهم لك الحمد حتى ترضى وإذا رضيت وبعد الرضى ,,, اضف تعليقك