رواية اكابر واقول فراقه عادي وانا في داخلي اصرخ -57
الــفـــنـــددق
ردت ساره بفرحه وهي تاقف:هلا وغلا كيفك ياروحي؟؟
ريناد:ههههه الزواج خلاك بنت يعني؟؟الله يرحم ايام(تقلد صوت ساره)نعم؟؟وش تبين؟؟
ساره:ههههههه قسسم اشتقتلك
ريناد:لالالا مااصدق هذي ساره؟؟
ساره:ههههه ياسخفففك قسسم صاادقه
دخل فارس وهو يسمعها تكلم عصب مااعرف من تكلم تقدم لها وسحب السماعه وهو يسمع صوت ريناد
ريناد:ههههه اجل فارس خلاك بيوووم نعومه؟؟
ساره بعصبيه وهي تسحب الجوال وحطت يدها عليه:خير؟؟وش تبي؟؟
تفشل فارس وناظرها من فوق لتحت وطلع
ريناد باستغراب:الوو؟؟الوو؟؟سااررره
ساره وهي ترد بسرعه:هلا هلا معك بس صوتك كان يقطع المهم اخبار امي وابوي؟؟ورغد؟؟
ريناد بهدوء:كلنا بخير سديم سافرت اليوم ووريوف بكرا بتمشي
ساره بهدوء:الله يوفقهن
ريناد:ويوفقك بعد
ساره:اميين
ريناد:يلا اجل مااطول عليك فشله اكيد زوجك يبي يقعد معك
ساره بسرعه:لالا عاادي
ريناد:لالا مو عاادي يلا انتبهي لنفسك ومتى بتسافرون؟؟
ساره بهدوء:ماابي اسافر
ريناد باستغراب:ليش؟؟
ساره:اا مدري كذا المهم انتبهي لنفسك ولاامي وابوي يلا مع السلامه
ريناد باستغراب:مع السلامه(سكرت وهي تتامل الجوال""اااه الكل تزوج واخذوا اللي يبون ياليتك تحس فيني ياافواز ودي بس اعرف انت تحبني زي ماانا احبك؟؟اااف""اوقفت وهي تبعد هالافكار عن راسها""خليني اروح اتجهز"")
بـــيــت مــنـــيــرررره
منيره وهي تنزل وتتدخل المطبخ وتسكر عبايتها:ييمه كلمتي ماجد عشان يوديني؟؟
ام منيره:كلمته وقال انه بالبر مع اصدقاءه
منيره بصدمه:ييمه يعني توك تتقولين لي بعد مالبست؟؟يااربي وفواز بالدوام ياربي
ام منيره:بس كلمت عبدالعزيز(دق جوالها)هاه هذا هو وصل اطلعي له
ناظرت منيره امها بصدمه:ييييمه؟؟وش تقولين؟؟تبيني اروح مع عبدالعزيز ولا بعد لحالي؟؟مستحيييل
ام منيره:لا مايصير تفشليني مع الولد بعد ماجبته من بيتهم
منيره بعصبيه:يييممه انا ماقلت لك كلمييه خليه يوولي انا مو راكبه معه
ام منيره:منيره يييمه عييب(دق الجرس)هاه هذا هو اطلعيي يلا
منيره بعصبيه:يييمممه وشلون تبيني اركب معه؟؟
ام منيره:عااادي زي ماتركبين مع ماجد وفواز
منيره وهي تكتف يدينها:لا ماجد وفواز غير
ام منيره:الحين اطلعي وبعدين نتفااهم واذا وصلتي دقي علي
هزت منيره راسها بقهر ومشت بعصبيه لبرا البيت
الــفــنـــددق
كانت ساره قاعده على الكنبه ورافعه رجولها وماسكه بيدها الريموت وتناظر التلفزيون بس عقلها ماهو معه
انفتح باب الجناح ودخل وهو معه اكياس وقال بهدوء وهو يحط الاكل على الطاوله:تعالي كولي من امس ماااكلتي شيء
ساره وهي تنزل رجولها على الارض:ماني مشتهيه(وعيونها مثبته على التلفزيون)
ناظرها بهدوء وفتح الاكياس وصار ياكل وطلع بيبسي وافتحه وهو يشرب
ناظرته بطرف عينها بقهر""ووشلون يصير بارد كذا؟؟""بعصبيه:انت ووشلون تقدر تصير بهالبروود؟؟
رفع عيونه لها وهو ينزل البيبسي من يده:ليه يعني مطلوب مني اعصب واصير مجنون مثلك؟؟
ناظرته بغضب وهي تاقف مدت يدها بتهديد له:لاتقول عني مجنووونه فااااهم؟؟لانه ماافيه احد مجنوون ومريض بالغرفه الا انتتت فاااهم؟؟
فارس بكل برود وهو يسحب البيبسي بيد والريموت بيده الثانيه:فااهم
افتحت افمها بصدمه وهي تهز راسها بلا:لالا انت مو صاحي اكييد؟؟شاارب شي؟؟
رفع عيونه لها وابتسم بقوه:ايه وسكيي(بعد الابتسامه عن وجهه ولف للتلفزيون)
ساره بذهول:اييه اكيييد اكييد شاارب ولا فيه انساان ثلج مثلك؟؟
تنهد بهدوء وناظرها:يعني وش تبين اسوي؟؟
ساره بصراخ:كللمننني قووليلي ليش انا؟؟وش تبي مني؟؟ليش تزووجتني؟؟تكلللللم قوول أي شيء
وقف وهو يقرب لها وبصوت قصير:تبيني اتكلم؟؟
ساره بصراخ وهي تحرك يدينها:ايييييييه
قرب لها وصار جنبها يعني كتفه عند كتفها لف رقبته لها وبهمس وملامح بارده:احببك(ومشى)
اوقفت بصدمه ولفت وهي تناظره يمشي للغرفه صارت ترمش بصدمه اقعدت على الكنب""ايش؟؟""هزت راسها بالنفي وهي تاقف اتجهت للغرفه بعصبيه وافتحت الباب بكل قوته بس اشهقت بصدمه ولفت وجهها
كان فارس فاصخ بلوزته وبنطلونه وماعليه الا شورت قصير
ساره وهي تغطي وجهها:استرر نفسسسك ياااحقيرر
ابتسم باستخساف عليها وهو يدخل بالفراش:اقول طفي النور معك
ساره وهي تفتح عيونها شوي شوي:قذررر هيييييه اسممع لايكوون على بالك انا لعبه تلعب فيها تقولي احببك واصدق لااا فاااهم؟؟
فارس وهو يعطيها ظهره:بس انا مالعبت عليك طفي النور
انصدمت من بروده بس حست بالصدق بصوته""لالا لاتقصدقينه كذااب""اطلعت بدون ماتسكر النور
لف وهو يبتسم""ااه صدق عنيده""سكر عيونه وناااام وهو يفكر بساره
بــررآآآ الـغــررفـــه
اوقفت ساره وهي تكتف يدينها بغضب وتفكر بكلامه""لالا ياساره لاتصدقينه كذااب حقيرر""اضربت رجلها بالارض بكل قوتها بعصبيه وغضب وهي تصرخ على خفيف
ســيـــآآآرره عــبــدالــعــززيــزز
كانت منيره ساكته ومكتفه يدينها بغضب وصاده تناظر من الشباك
ناظرها عبدالعزيز ومد يده يشغل الااذاعه وانتشر صوت ماجد المهندس:
ناديت وينك
وانت قدام عيني
مع كل رمشة عين
اناديك وينك
اشتاق لك
واثرك هنا تحتريني
واحن لك وانا استلذ بحنينك
والزين عندك
يشبه الشوق فيني
ولا البشر مافي احد
بمثل زينك
بيني وبينك عاطفة تحتويني
و اجمل دروب الحب بيني وبينك
وناديت وينـك
ناديت وينك
وانت قدام عيني
مع كل رمشة عين
اناديك وينك
ابتسم عبدالعزيز وهو يناظر للطريق:بجد اناديك وانتي قدامي اشوفك بس مااقدر اطوولك
لفت منيره وناظرته وهي تبلع ريقها
نزل عيونه عبدالعزيز بعدين لف وناظرها:انا احبك وادري انك تحبيني بس اا تكفين انسي الماضي
منيره وهي ترجع تناظر الشباك:لا ياعبدالعزيز انت ماحبيتني انت تشفق علي لاني حبيتك وانت ماتحبني
عبدالعزيز بصدمه:لاااا هذا الكلام مو صحيح اا
قاطعته منيره وهي تلف بجسمها له وبانفعال:الا صحيح اوو يمكن ماالقيت لك احد تحبه قلت يلاا هذي منيره تحبني خلني احببه
عبدالعزيز وهو يدخل البيت بالسياره ووقف وهز راسه بالنفي:لا مو كذاا
بـــيــت آآبــووســدديـــم
الــحــدديــقــه
كانوا قاعدين ريناد وقمر ومنيره وفارشين فرشه وعليها انواع الحلويات والشبسات والعصيرات
ريناد:بصراحه قلت نقعد بالحديقه احسسن نغير جو
منيره:ايه والله احسن من البيت وخاصة الجو حلو
قمر:اييه والله حلو الا وشلون ساره؟؟
ريناد ببتسامه:بخير ماعليها بس مدري مااحسسها مرتاحه
منيره:عاادي شي طبيعي شخص اول مره تشوفه وتقعد معه اكيد ماراح ترتاح بالبدايه
قمر وهي تبتسم:اييه صادقه منيره لاتحطين ببالك رنوده
ابتسمت ريناد:اييه صح بس بصراحه البيت مايسوى من دون خواتي قسسم طقيت من الزهق
قمر:هههه كلنا زييك
منيره:اييه والله فقدت نور الدبا قسسم لها وحشه اول كل يوم ياانا عندها ياهي تجيني
قمر بهدوء وهي تلعب باصابعها حول كوب العصير:بنااات بقولك شي بس اماانه لاتقولون لاااحد حتى البنات
منيره بخوف:وشفيه؟؟
ريناد:قولي
قمر وهي تتاملهن:انا قررت اسافر لباريس اكمل دراستي الجامعه
منيره بصدمه:تسافرين؟؟يعني ماراح نشوفك؟؟
ريناد:لمدة كم؟؟
قمر وهي ترجع بعيونها للعصير:4 او 5 سنوات
منيره:لالالا انتي تكذبين صح؟؟قموور قولي الصدق
قمر وهي تناظر منيره:هذا الصدق منور
ريناد:طيب ليش؟؟تقدرين تكملين هنا
قمر:ادري بس انا ابي ابعد عن كل هالمكان لفتره
منيره بعصبيه:عشانه؟؟
قمر وهي تناظر منيره:اييه عشااانه انا تعبت افكر فيه يمكن لو انشغل بدراستي وافكر اني انا بدوله وهو بدوله بقدر انسااه
ريناد وهي تسكت شوي:بس قمر بنفقدك
قمر:اكيييد بجي بالاجازات ماراح اغيب عنكم كثير بس هي فتره تتقدرون تقول فترة نقاهه عن كل اللي صار لي
منيره وهي تمسك يد قمر بقوه:بنفقدك ثاني مره
ابتسمت قمر:اوعدك انها الاخيره
ريناد وهي تقوم وتضم قمر بقوه:وومتى السفره؟؟
قمر وهي تضحك:بعد 3 ايام
ريناد وهي تبعد عن قمر:وليش ماتبين احد يدري؟؟
قمر:امم مااحب لحظات الوداع ابي اروح كذا
بــعــد 3 ســآآعــآآآت
قمر وهي تلبس عبايتها:يلا انا طالعه
ريناد وهي تاقف:يووه تونا قسم
قمر وهي تبتسم:تاخرت والله يلا(ضمت ريناد بقوه)باي
ريناد وهي تضمها بنفس القوه:بنشتاقلك
قمر وهي تبتسم:وانا اكثر
اوقفت منيره وهي تضم قمر بكل قوتها وماسكه دموعها وبصوت مبحوح:اوعديني ترجعين بااسرع وقت
قمر وهي تبتسم وتحاول ماتبكي:اووعدك(بعدت عنها وهي تلف الطرحه زين)يلا بااي
ريناد ومنيره:بااي
ريناد وهي تشد على يد منيره:قمر ماتستاهل اللي يصير لها الله يساامح الكل
منيره وهي تتنهد:مسكينه قمر اااه كلنا مساكين
ريناد بدون شعور:نحب بس مانقدر نناصل للنحبهم
منيره وهي تناظر ريناد:ريناد انتي تحبين فواز؟؟
لفت ريناد بسرعه لمنيره وهي تبعد يدها وبارتباك:هاه؟؟لالا من قال؟؟
منيره وهي تبتسم:تحبينه؟؟
تنهدت ريناد وهي تقعد على الارض:حتى لو احبه ماراح اوصله ااه اكيد هو يكرهني ولا اصلا مادرى عني او مااهتم حتى
منيره وهي تجلس:تبين اقيس نضبه عنك؟؟
ريناد وهي تناظرها باستغراب:ووشلون؟؟
منيره وهي تبتسم:هذي خليها علي بس
ريناد بسرعه:بس ايش؟؟
منيره وهي تتنهد:لو طلع يحبك؟؟وش بيصير لكم؟؟
ريناد وهي تصد وتتامل العشب اللي صار يتحرك مع الهواء القوي:قصدك اننا مختلفين؟؟
منيره:اييه يعني مااتوقع ابوك يوافق على فواز ولا اتوقع انك تتقدرين تعيشين بمستوانا
ريناد بانفعال:الا اقدددر وابوي بيواافق هذا هو زوج سديم لحمد
منيره:بس حمد مو زي حالتنا ولا مديتنا صح فواز راتبه حلو وزين بس لما يكون ينصرف على بيت كاامل يكون قليل كيف لو تجي مرااه جديده؟؟ريناد انتي بالذات صعب تعيشين زينا
ريناد بغضب:الا اقدددر وليش مااقدر؟؟انتي بس شوفيه اذا يحبني انا راح اتمسك فيه للاخير واذا مايحبني(اسكتت شوي بعدين قالت)راح انساااه
منيره وهي تتنهد:خلاص ابشري(دق جوالها)هذا هو
ريناد:بترجعين معه؟؟
منيره:ايه(ردت)هلا فواز حاضر 5 دقايق واطلع باي(اوقفت تلبس عبايتها)
ريناد وهي تاقف معها:منور طمنيني اوك؟؟
ابتسمت منيره:اكييد يلا باي
ريناد:باااي
ســيـــآآآرره فــووآآآآآزز
منيره وهي تحاول تفتح الموضوع:امم والله ياحليلها ريناد جمعتنا انبسطنا معه مراا عسل هالبنت
فواز بهدوء:ايييه زين
منيره""يااربي عاد فواز يلا يطلع اللي بقلبه"":ااييه بس انا لاحظت شيء فيها
فواز اللي عصد حواجبه وانفعل مع السالفه:وشو؟؟
ابتسمت منيره لانها حست انه اندمج معه:مدري يعني هو مجرد احساس بس
فواز:اييه وشو؟؟
منيره:مدري بس احسها اذا جبنا طاريك تتحمس وتحسها كذاا مدري وشلون؟؟(وناظرته وكانها تبي تقرا علامات وجهه)
بلع ريقه فواز وابتسم على خفيف:جد؟؟
منيره""تحبها؟؟"":اييه جد امم الا اقول وش رايك فيها؟؟
فواز بارتباك:ووش وشلون يعني؟؟
منيره بهدوء:تحبها؟؟
كان واقف عند الاشاره الحمرا اشتغلت وهو ساكت
منيره بخوف:فوازز امشش الناس يضربون بوري علينا
ناظر الطريق ومشى:اييه
منيره:يعني تحبها؟؟
تنهد فواز وابتسم:حتى لو احبها انا وييين وهي وين؟؟
منيره:عااادي المستوى ماله دخل
فواز:الا له دخل يامنيره ولا كان مارفضتي عبدالعزيز بعد ماكنتي تتمنين تشوفينه
اسكتت منيره وهي تناظر للشباك:انا وعبدالعزيز غير اسمع لاتتطير البنت من يدينك امم وش رايك تكلمها؟؟
انصدم فواز وهو ياقف قدام بيت منيره:اكلمها؟؟
منيره:اييه اعطيك رقمها وتكلمها بدال ماانتوا بعيدين عن بعض كذا
فواز وهو يرفع حاجب:هي اطلبت منك؟؟
منيره بسرعه:لا والله بس انا اقووله
سكت فواز:لالا مايصير بطيح من عينها
منيره:لالا ماراح تتطيح انا بتكلم معها واقنعها هاه وش رايك؟؟
سكت فواز شوي بعدين قال:موافق
ابتسمت منيره:يلا اجل مع السلامه
فواز:منيره؟؟
لفت له وهي ترجع للسياره:هلا
فواز:اقول ماترد عليك دقي علي وقوليلي
ابتسمت منيره:اكييد يلا باي
فواز وهو يبتسم:باي(ركى راسه على المرتبه""معقوله بيوم بتكونين من نصيبي؟؟ااه""حرك السياره لبيتهم اللي قبال بيت منيره)
لـيــلــة ســفــررة قـــمـــرر
بـيـت خــآآلــد الـررآآسـي
كانوا الكل متجمع حتى البنات ارجعوا من السفر والكل مبسوط ويضحك
ريناد وهي تقعد جنب منيره بهمس:هاه وش صار؟؟
منيره وهي تبتسم وبنفس الهمس:اممم
ريناد بقهر:يوووه منوره يلا قوولي
منيره:ههه احمسك شوي
ريناد وهي تبتسم:محتمسه من اول ماطلعتي ذاك اليوم يلا عاد قولي
منيره:امم ايه
ريناد وهي تبلع ريقها:ايه؟؟ايه ايش؟؟
منيره:هههه يحبك يعني ايش؟؟
رينااد وهي تبتسم بفرحه:جد؟؟تكفين لاتكذبين منيره
منيره:هههه والله مااكذب امم الا انا جتني فكره وقلت له بس هو تردد وقال انه خايف يطيح من عينك
ريناد بصدمه:يطيح من عيني؟؟مستحييل بس وشو الفكره؟؟
منيره بهمس:انا اقول تكلمون بعض
ناظرتها ريناد بصدمه وبنفس الهمس:قصدك بالجوال؟؟
منيره:ايه ياالغبيه
ريناد بخوف:لالالا ييمه اخااف
منيره:يووه قسم انك غبيه يعني انتوا وين تشوفون بعض؟؟وغير كذا تقوى علاقتكم اكثر هو يدري انك اول واحد بتكلمينه وانتي تتدرين انك اول وحده بيكلمها صح؟؟
ريناد بتردد:صح بس اا
قاطعتها منيره:لا بس ولا شي طيعيني
ناظرتها ريناد بتردد وخوف
قاطعتهم سديم بصوت عالي:لااا وصار فيه اسرار انتي وياه؟؟من جينا وانتن تتهامسن؟؟
منيره وهي تبتسم:لاوالله لا اسرار ولا شي بس(بمزح)حنا بنوتات مانكلم المتزوجاات
ريوف:عشتواااا ههههه
نور:ههه يعنني انتي وياها
وسن:اصلا هم غيرنين منا ههههه
منيره:هههه من زينكن اصلا عشان نغار منكن طسن مناك بس
ساره وهي تبتسم بهدوء""ريناد مو على بعضها"":صادقه منيره يغارون من ايش ياحسره؟؟
قمر وهي تتامل ساره""صادقه ياريناد شكل ساره ماهي مرتاحه"":ليش؟؟
ريوف:صاير شي بينك وبين فارٍس؟؟
ساره بهدوء وبكذب:لا بالعكس عادي بس العزوبيه احلى
سديم وهي تبتسم بحب:لاوالله الزواج احلى
ريوف:الا تعالي ساره كل مااباسلك انسى ليش ماسافرتوا؟؟
ساره بارتباك:اا مدري الا بنسافر يقول هاليومين مدري عنه يقول مفااجاه اييه
سديم وهي تبتسم:زين حلوو مفاجاه
ريوف:روحوا باريس مراا روعه
نور:لا والله روحوا سويسرا تخقق يوم رحنا انا وناصر
قمر وهي تبتسم:انبسطتي؟؟
نور وهي تبتسم بقوه:حييييل
قمر وهي تشد على يد نور:دووووم يارب
نور وهي تشد على يد قمر:امين
سديم:قمور اميره ادق عليها ماترد متى بترجع من ماليزيا؟؟
قمر:امم اليوم كلمتها خالتي تقول انها بترجع هاليومين بس والله مدري متى بالضبط
ساره وهي تبتسم:لها فقده هالدبا
قمر وهي تبتسم:حييل
نور بحماس:قمووور غني لنا
سديم:ايه ايه غني
وسن:ايييه يلا
ابتسمت قمر:بس انا بختار اول اغنيه
البنات وهم يصفقون بحمااس:يلاا
تنهدت بهدوء وهي تاخذ نفس وطرى ببالها فهد افتحت افمها وهي تعلي بنبراات صوتها باحساااس:
ودي اكون اي شخص ثاني
اي شخص عابر والتقاك
وبسالك وش منك جاني
وبالمقابل شاللي جاك
انت ما تذكر حناني
وكيف كنت اشري رضاك
كنت اشوف العمر فاني
واللي يبقالي هواك
كنت احسب الله عطاني
ما دريت انه عطاك
الله بشرك بلاني
وانت بالخير ابتلاك
كنت عايش بالاماني
وكنت اعدي لك خطاك
لي متى بمسك لساني
واكتم العبره معاك
كنت اعاند بك زماني
واتحداه بوفاك
انت رحت وهو بكاني
قال انا بوقف معاك
اكتشفت انك اناني
واني اكبر من خطاك
حظك اللي ما قواني
جابك و رد و خذاك(ابتسمت على خفيف وهي تمسح دمعه خفيفه وتخفيها بضحكه)ههههههه
صفقوا البناات بحماااس ومرر الووقت بالضحك والسوالف عن الزواج والعزوبيه والاغااني وجااء الوقت اللي الكل بيروح لبيته
صاروا يسلمون على بعض عند الباب
قمر وهي تضم نور بقوه:تتدرين اني احببك وانك اختي
نور باستغراب وهي تضم قمر بقوه:وانا بعد اموت فيك بس وشفيك؟؟ههه قمور كانك بتسافرين؟؟
بعدت قمر عن نور وهي ماسكه يدها وتبتسم وتحاول ماتبين دموعها:اهم شي انتبهي لنفسك ولزوجك اوك؟؟
نور بخوف:قموور خوفتيني فيك شي؟؟
قمر:لالالا مافيني شي بس كذا هههه
ابتسمت نور وهي تضمها بقوه:يلا بااي اشووفك بكرا ان شاء الله لاننا بنجي انا وناصر نتغدى معكم
ابتسمت قمر:ان شاء الله مع السلامه
بعدت نور وهي تتغطى:مع السلامه
تنهدت قمر وهي تتاملها وهي تتطلع""سامحيني اني كذبت عليك""
ريناد وهي تمسك منيره بهمس:امم انا موافقه
ابتسمت منيره:خلاص اقووله يلا باي
ريناد:باااي
منيره وهي تلف وتضم قمر بقوه:اول ماتوصلين طمنينا اووك؟؟
قمر وهي تضمها بنفس القوه:اكييد يلا مع السلامه
منيره وهي تبعد عنها:مع السلامه
وسلمت ريناد على قمر واطلعت
يـــوووم جــدديـــدد
الــمــطــآآآآآآآآآرر
اوقفت قمر عن نقطة التفتيش ولفت لابوها وهي تبتسم:مشكور
تنهد خالد وضمها:سامحيني على كل شي سويته لك
قمر وهي تبتسم وماسكه دموعها بالقوه:مسامحتك ييبه
ابتسم بقوه وهو يبعد عنها بس مسك كتوفها:كل شي جاهز قدامك اول ماتوصلين بيكون فيه مراه اسمها جولي بتاخذك للشقه وعندك كل اللي تبين وبطاقتك البنك معك فيه فلوس وانا كل اسبوعين برسلك واذا احتجتي أي شي كلميني واول ماتوصلين كلميني من جوال جولي بعدين رووحي اشتري شريحه على طوول وو
قاطعته قمر وهي تضحك:ههههه ييبه تراني مو صغيره فااهممه كل شي
ابتسم بقوه:ادري يلا مع السلامه(ضمها بقوه وهو يبعد عنها)رووحي
هزت راسها ومشت خطوه بعدين لفت له:لاتنسى تسلم لي على الكل وتقولهم مااكنت ابي اوعدهم مع السلامه
هز راسه خالد:ابشري مع السلامه
مشت وهي تاخذ نفس ومدت جوازها للموظف ولفت تناظر الشرقيه لااخر مره""بووعدك واحفظي من عليك""لفت وهي تتدخل القاعه الدوليه بخطوات ثقيله
يــوووم جــدديـــدد
الكل انصدم يوم اعرفوا بسفرة قمر المفاجاه طبعا ماعدا ريناد ومنيره
بــيــت نــآآصــرر وو نـــووور
نور اللي تبكي ومسويه مناااحه
ناصر وهو يمسك يدها:ياحبيبتي خلااص بكي يكفي
نور وهي تشهق بقوه:ااه ااه ليش ماقالت لي انها بتسافر؟؟ااه ااه
ضمها ناصر بقوه وهو يبوسها:بس ياروحي اكيد عشان ماتسوين لها هالمنااحه ولا تبي تضايقك
نور وهي تضم ناصر:اه ااه ايه بس ولو كان تقولين اصلا امس حسيت انها بتروح بعيد عني
ناصر وهو يبتسم:وانا مااكفي؟؟
نور وهي تمسح دموعها وتضمه اكثر لها:الا تكفي بس قمر اختي
ناصر وهو يبتسم:هي مو ماراح ترجع للابد بترجع ان شاء الله(بعد عنها بس مسك يدها)مفروض تفرحين لها هي راحت تكمل دراستها وبترجع بكرا وهي دكتوره قد الدنيااا
هزت راسها نور:صح هذا حلم قمر من الطفوله
ابتسم ناصر:شفتي يعني حنا مفروض نفرح لها ووعد مني بالاجازه اذا ماجات انا اوديك لها
ابتسمت نور بقوه:صصدق حبيبي؟؟
ناصر:ههه اجل اكذب عليك؟؟
ابتسمت بقوه وهي تضمه:احبببك
ناصر:هههه وانا اموووت فيييك
شــقــة فــآآآررس وو ســآآآرره
فارس وهو يقعد:ان شاء الله اعجبتك الشقه؟؟
اسكتت ساره وهي لامه رجولها لصدرها فوق الكنب:اييه حلوه
سكت فارس باستغراب قام وقعد جنبها:فيك شي؟؟
لفت وجهها وناظرته وهي معصده حواجبها""ليش احسه مهتم؟؟ااه""لفت وجهها لقدام:قمر بنت عمي سافرت لباريس تتدرس
فارس باستغراب:واذا؟؟
ساره وهي تتنهد:ماقالت لنا راحت بدون ماانودعها بس بفقدها
سكت فارس شوي:بترجع
هزت راسها ساره:ادري بس ولو بنفقدها كل ماتجمعنا
فارس:بتجيكم ان شاء الله وهي معه الشهاده
ابتسمت ساره:الله يوفقها
فارس:امين
اسكتت ساره شوي:فارس
فارس:همم
ساره:بسالك بس ابيك تجاوبني بصراحه اوك؟؟(لفت ناظرته)
ناظر وجهها اللي قريب له هز راسه بايجاب
ساره:ليش تزوجتني؟؟
ارمش بعيونه على خفيف وصد عنها وهز راسه بالنفي:ماراح تصدقيني
ساره:جرربني
لف وجهه وناظرها:حبيتك اا انا(صد بعيونه عنها)يمكن مااعرف اعبر عن حبي يمكن اخترت الطريقه الخطا بس(رفع عيونه وناظرها)انا بجد احبك
ابلعت ريقها ساره وهي تتنهد:اا اا وليش سويت فيني كذا؟؟انا كرهتك اكثر
فارس وهو يعض شفايفه السفليه:مدري(ضحك باستهزاء)هه لاني غبي مدري
اسكتت ساره وهي تتامله وابلعت ريقها
لف وجهه وناظرها بتركيز وطااالت النظارات بينهم
تنهد فارس وهو ينزل راسه بعدين رجع ارفعه:ساره ابيك تعطيني فرصه ثاانيه اا تخيلي اننا ماتقابلنا من قبل وانك اول مره تشوفيني فيها ااه اما(رفع راسه وناظرها)ما كنتي تبيني تعطيني أي فرصه اا انا مستعد اتخلى عنك
اسكتت ساره شوي بعدين ابتسمت:مستعد تتخلى عني بهذي السرعه؟؟افااا ماتوقعتك ضعيف ولا قد موفقك
ابتسم بقوه بعدين ضحك:هههههه ماتتغيرين؟؟يعني(قرب وجهه من وجهه وبهمس وعيونه على شفايفها)افهم انه هذي فرصه ثانيه؟؟
ابتسمت ساره على خفيف وهزت راسها بهمس:ايه
مد يده ومسك يدها باابتسامه واسعه:امم اسمي فارس نائب مدير شركة ابوي امم احب البنات العنيدات مثلك
ساره بخجل:ههههه ايوه؟؟
فارس وهو يبتسم بقوه:احب ان تكون زوجتي تفهمني واتمنى انك ماتشوفين مني الا كل خير
ساره وهي تبتسم:امم اسمي سارره باطله دون عمل
فارس:ههههه ايوه؟؟
ساره وهي تبتسم بقوه:احب الرجال اقوياء الشخصيه وابي زوجي يعرف وش فيني قبل حتى مااتكلم امم وودي اجيب بنتين وولد بس وش رايك؟؟
فارس:ههههه مواافق
ساره:هههههههههه
بـــعـــد مــرروورر آآســبــووووع
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك