رواية له منزلن بالحيل مرموق وسط الحشا -1
لــَه مَنزلـّن بآلحّيْل مَرمؤوقّ ، وسّط آإلحشآإ بإقصّى آلضمْـآيآإ . .
للكآإتبه :: ضَحِيًة حِبُيًبُيً
" يرجى عند النقل عدم مسح المصدر ، لآ آحلل النآقل بدؤن ذكر المصدر إلي يوم الدين = ) "
مصدر النقل حكاية عشق مجنونه
تجميع ريمو الدلوعه
البآرت الاول
يزوي : ألوووه ؟
سيف بكل عصبية : وينها الشيخه ماترد . ؟؟؟؟؟؟
يزوي : ويت سيفوووو ويت ابوي ع الخط . . ( علقته ع الخط وهيه تضرب ويها : اويه اويه شو اقوله بيذبحها والله بيذبحها )
ماطولت دقايق وردت كلمته . .
يزوي : ألووه . .
سيف وهو يتنهد بقهر : هاااااااا .!!! وينهاا !!!
يزوي ماخطرت في بالها اي فكره فـ اكتفت وقالت : تسبح .!
سيف : تستهبلين علي حظرتج .!! من امس لين اليوم تسبح !!
يزوي : لا مش جيه . . . ( وهيه يبين عليها تجذب ) بس شسمه رقدت ونشت وسبحت
يقاطعها : بس جذب !!!!!!!!!! مهوؤر وين !!!!
يزوي : اووووووه . . ياخي معصبة وماتبي ترمسك .!
سيف : الحين تودين لها الفون الحين .!!!!
يزوي : سيف انا ما يخصنيه !!! عقب تحرج علي مهروه مافيني .!!!
سيف : ما بتحرج عليج ( وهو يعض شفايفه بقوه ويمسك اعصابه ) : بسرعه يزوي قولي !!!!!!
يزوي: انا مالي خص ماااااالي خص ! ليش ادخلوني بمشاكلكم . .
سيف : لانج اختها يالدعمه !!!!!!! ابا اكلمها الحين ماتفهمين شوه . . والله بسوي مشاكل وبتلاقيني عند باب بيتكم . .
يزوي بدون مبالاه : والله انت بتروح فيها . .
سيف : اوكيه اوكيه . . باي
يزوي تروعت : ايييييييه تعال .! والله بحاول فيها اخر مره جان ما طاعت لا ادخلنيه مره ثانيه .!
سيف : انزين . !
يزوي : يالله باي شو تتريا .!
سيف : بتم ع الخط بسمع . .
يزوي : ياخي يا تبند يا ما بسير
سيف : اووووووووووووه انزييين باي
يزوي : باي . .
ع طول اتصلت فـ مهره . .
مهره : هلآ الجاززززي . . سمعي سمعي اهداء ( تطول ع المسجل ) روووح يا طاير وقله قله قله ( تعلي صوتها ) قلبي فيه الفين عله . . الحياه بعده ممله وحالي من بعده تدهور . . .
يزوي: ايييييييييييييه انتي . .
مهره تقصر ع المسجل : شفيج شفيج .!!!
يزوي : رمسي سيف . . اتصلبي قبل شوي ويتحرطم ياخي بسج زعل . .
مهره : جب !!!!! مااابي . .
يزوي : عشااااني والله قال بي عند بيتنا . .
مهره: والله خل يي . . ابوي الي بيأدبه وبيقوله ماشي عرس . .
يزوي : اقولج شي !!! طززززززززز فيكم اثننيكم . . لا ادخلوني بسوالفكم . . باي
مهره : باي . .
كانت بترد البيت .. جان تلف الدوار بتكمل حواطه وهيه اطول ع الاغنيه وتقول : عناد ما برد البييييييييييييت . . اانا براويك يا سيفو والله مارد البيت . . ماعليه
دقايق بس ورد اتصل فـ يزوي مره ثانيه . .
يزوي : ياخي شوف مهور طالعه من صباح الله خير .! وللحين ماردت انزين تبا تجتلها تذبحها بزوالكم مالي خص ولا تحشرنيه !!!!!! انا ثانويه عامه وابا ادرس عدل .!!
سيف وهو فاج عينه ومنصدم وحده مفول : مهووووووور برع البيت ؟؟؟
يزوي ( ياويلج يا اختي . . والله رحتي فيها ) : هييييه . .
سيف : اتصلي بها الحينه وسايريها فالرمسه .!!! وقوليلها وينج بالضبط وتتصلين فيني تقولين لي .! والله يا يزووووووووي والله وانا احلف
يزوي تقاطعه : لو عرفت مهووور اني قلتلج بتشوفين شي ما شفتيه . . حفظنااها . . والله مادري جيه مسوتلك اعتبار واخاف منك انا .!!
سيف بعصبيه : يلاااااااا . . !
يزوي : انزيييييييييييييييييييين . .ّ!!
وبندت عنه سوت الي قاله وعطته خبر . . .
.
.
الحبيبه موقفه السياره ومنزله الجامه شويه وهيه ترتعش من البرد . . تفكر تنزل ولا ما تنزل ؟ خل انزل .! كل شي بسويه اليوم عناد فيك يا سيفوووه. . . !!!
ومن بطلت باب السياره بتنزل ما حست الا بايد تسكر الباب مره ثانيه . . رفعت راسها تشوف منو ما ظهر منها غير : اوه ماي قد .!
سيف بابتسامه مصنعه ( وهو يرمسها من الجامه ) : ماشاء الله حبيبي شو تسوين اهني ؟
رفعت الجامه بسرعه بس كانت ايده اسرع : يالله سكري ع ايدي لو فيج خير سكري .!
مهره تطالعه : وخر ايدك !!!
سيف بنظره حاده : نزلي .!
مهره بعناد من دون ماتطالعه : ماااااا بنزل .! وبلا فضايح . .
سيف وهو يعض ع شفايفه : نزززززززززززززززلي .!ّ!!!
مهره : ماااااااااابي .!!!!!!!!!!! مالك خص . .
سيف اكثر شي تنرفزه هالكلمه . . ( مالك خص . . هاا . . طرطور عندها انا . . قاعدين نلعب من سنتين انا وهيه . . )
يوم حست ان الحمق خلاص بينطر من عيونه وحست ان جامه السياره بيجعلها وبيكسرها ع راسها بطلت الباب ونزلت . . .
تبين انها مش متروعه ابد : هااا !!
مطها من ايدها بشبه عنف . . . وهو يجدمها صوب البحر اكثر شوي ويدور مكان خالي مافيه حد . . وهيه تتافف
سيف بحمق : جاااااااب لا تتاففين . .
مهره بـ عناد : اووووووف اوف اوف . . .
سيف يحركها بسرعه بغت تتخرطف بس سحبها من ايدها
مهره تصارخ : ايييييييييييه طيرتني . . !
سيف يصد يطالعها بعين مفتوحه ع الاخر : لا تصارخين لا اعطيج بكس افرج فـ الدبه والله . .
مهره تخيلت الفكره وابتسمت . . ( كيف شكلي وانا فالدبه ؟ ) > وايد متفيجه .!
عقب ما تجدم وحصل مكان مناسب خلاها تجاابله . . .
وبنظره ابد ما تطمن قالها : ليش ما تردين يوم اتصلبج .؟
لفت راسها الصوب الثاني وصخت . .
سيف : طااااااااالعيني وكلميني عدل اشوف .!!!!!!!!!!
مهره بحاجب مرفوع وهيه تطالعه بعناد : كيفي .!
سيف يطالعها بحده وبنظره اشد : شو قلنا نحن ؟
لفت ويهها بعيد عنه . . زخ ذقنها وخلاها تطالعه وبصوت عصبي : يوم ارمسج طالعيني .!!! شو قلنا نحن ؟
مهره تخوز ايده عنها : لاااااا تصارخ عليّه .!!!!
سيف بهدوء : اوكي .!! ما بصارخ عليج .!!! ( وبصوت اعلى ) : ليششششششش ماتردين وانا حاااارق فونج .ّ!!!!!!!!!!!!
مهره بعصبيه اكثر : حااااااااااجز تذكره من ورااااايه وبتساااافر لبناااان حق الصايعات والمايعات الضايعات وعاطني خبر قبل السفر ب 3 ايام عشان يا حيوانه يا مهووووووووووور لا تفكرين تخربين علي ولا تفكرين تبطلين حلجج تراني حجزت وخلصت.!!!!!!! وطالع ويا ست الحسن حصوووه .!!! وحليلها خاااااطرها تسير القريه تلعب .!!!!!!! وانت عاااد خوي شمه .!! راعي فزعه .!! شاد حيلك انا بوديييييييييييييج .!!! ومااااااااااا قلتلي بعد .! انا لو ما اتصلت ف حمود اخوك جاااان انا مااااادري . . وعقبها رديييييييتوو وناقع وياها سوالف 6 ساااااااااعاااات .ّ!! انا محترقه احاااتي وانت حظرتك متفيييييزر يالس ويااها . . لااا وفوق هاا كله اتصل تقولي ( تعيب ع صوته ) دقيقه حبيبي دقيقه وبتصل( تصارخ بقوه ) دقيقه فعينك يالزززفت يالخايس . . رقدت عنك اتصلت بي ( ترد تعيب ع صوته ) راقده حبيبي ؟ نوم العوافي . ! ( تعصب اكثر ) ولا افتكرت فيييييييني ولا بررت موقفك .!!! نشيت من رقادي لا مسج ولا حتى اتصااااااااال . . . ويوم اتصلت ( تعيب عليه ) انا فدبي حبيبي . . حبك برص يالقرف ياللوعه . !! ومادري ما تبا منو يسمعك !!! ما يندرابك عند امنوه كنت تخفف صوتك جيييه . . !!! يوميييييييييييين مخلنيه زاااويه والحين شاد حيلك مشتط لاني من امس مارديت عليك بس . .
سيف يرد عليها بنفس اسلوبها : ياااااا بقره اظني قلتلج ان نسيبي يبا حد يسير ويااااه لبنان يخلص اورااقه . . و عويش اختي قالتلي سير ويااااه عشان ما يتصيع . . وحجزت التذكره يوم كنتي فعرس الهاانم ريموه .!!! وقلتيلي ( يقلد ع صوتها ) حشره ما اسمعك حبي .. عقب بكلمك . . واترقصتي وشاده حيلج اكلمج بالبي بي ماتردين علي يالسه تترقصين . !!!!!! قلتلج بعاند فيج وبسوي شي ما يرضيج لو رقصتي جدام الحريم وما سويتي لي اعتبار ورقصتي وعااااندت فيج وحجزت وما قلتلج عشان أأدبج .! مثل ماا انتي ما تسمعين رمستي يا بقره اعرف كيف ااروايييييييييج .! واحمدي ربج قلتلج بعد .!!!! ( يضربها ع راسها بخفيف ) مخج قوطي . . حصوص تامه في بيتنا . . وخالوه مسافره تتعالج ويا ريلها . . واخوها انا قايلج انه محجوز . . يدي بيوديها ؟؟ اميه جداااااااااامج قالت لا تكسر بخاطر بنت خالتك . . ويا بقره يا بقره يا بقره انتي تدرين يوم ما ارمسج عدل يكونون شباب عندي .!!!!! وهاك اليوم يو قوم سعود وعلوه من دبي .!!! وخليتهم كلهم يرقدون فالميلس .!! اتصلت بج شوي بطمن عليج كنتي راقده خليتج ترقدين وسرت عندهم الميلس سهر للصبح!! بليستيشن ووورقه وعقب يوم نشيتي انا رااقد متى بطرشلج مسج ؟؟؟ وبعدين يالعنززززز يا مهروؤؤؤ انا مودي اميه دبي .!!! يوم انج كبرتي وخرفتي ونسيتي انه اميه كل شهر عندها موعد فـ مستشفى دبي انا شوو ذنبي ؟؟ ويوم خفيت صوتي امااايا كانت قريبه مني ما رمت ارمسج عدل . .!!!! ما كنت ويا حد يا بقرره . . شفتي انج قوووطي .!!!
سكتت ولفت راسها الويه الثاني . .
سيف : شفتي انج غلطانه .!! كم مره تسوين هالحركات واقولج افهمي عقب اتصرفي .!!! ابد ماتعطين الواحد مجال .!!! غبيه وحده .!
مهور تطالعه بعصيبه : لا تقول غبيه .!! محد غبي غيرك . !!!
سيف قابض ضحكته : تصارخين ع ريلج ماشاء الله . . !!!
مهور استحت شوي بس ردت بعصبيه : بعدك مش ريلي انزين . .
سيف وحايب مرفوع : لا تعقين خيط وخيط سمعتي .!
لفت راسها بعيد . .
سيف : يالله تآسفي . .
مهور طالعته بقهر : خيييييييييييير ؟؟
سيف : خيرين !!! يالله تاسفي اشوف .!!!
مهور : حامض ع بوزك . .
سيف : لااه.؟ تاسفي تاسفي اشوف . .
مهور وهيه تمشي بعيد عنه : يالله باي . .
رد قبضها من ايدها وبملامح جااااده خلاها تجابله وبابتسامه ميته : اخر مره ارمسج وتتجاهليني وتمشين .! صدقيني ما بعديها لج مره ثانيه .!
بلعت ريجها . .
سيف : تآسفي .!
مهور بقهر وبصوت عالي : ما بتأسسسسف والي ما تروم تواصله بأيدك واصله بريولك . .
وخوزت ايدها عنه وربعت صوب السياره . .
ابتسم . !! ( صدقيني حركتج ما بتعدي ع خير .! ) . .
.
.
البارت الـ 2
يزوي : كيف تخلينه بهالحاله انتي خبله . !
مهره : يووووووووووووووووووولي . . مسويلي فيها انا الريال . . بس فالح يصارخ علي ويتحرطم ويتأمرر . . يطيييييييير لو فيه خير
يزوي : انزين اطلعي برع خليني ادرس !!
مهره : نعم اختي ؟
يزوي : شوووووووو ما ادرس يعني !!! حرام وراي امتحانات ما تبوني انجح انتو شو
مهره عاقده حياتها : خلصيني عندج لين الساعه 10 فليل وانا بي بوطي راسي . .
يزوي : انزين انزين !!! روحي يلا
مهره تطالعها بنظرة : اقص ايدي لو ما وراج ششي !
يزوي : مهوووووووووووووور
مهره تقوم : طللللللعت هاااه . .
وطلعت من الحجره . .
يزوي تسير وراها وتقفل الباب على طول . . وتشل المبايل وتحطه فاذنها
يزوي : هاه حموود . .
حمود : اكيد تتحرطم كانت ع سيفوه اخويه
يزوي : وفيه غيره يعني . .
حمود : هههههههههههههههه والله انهم ميانين . .
يزوي : انت خلك منهم . . خبرني شسويت . .
حمود : افففف اسكتي لا تقهريني . .
يزوي : شوووو قول . .
حمود : ترا اشتريت العطر الي حظرتج قلتيه ويوم عطيتها قالت مش ذوقي . . رفعت ضغطي والله . .
يزوي : بعد هاي هبله حصووووووووه . . باخذ الهديه انزين شو هالمذهب
حمود : انا ادري فيها هالهبله !!!
يزوي : انزيين قول واليوم ما شفتها . .
حمود : لا ماشفتها . . ياخي من القفطه يالس احاوط فالفريج . .
يزوي : حمود والامتحانااااااات يعني . .
حمود : يزوي خلي عنج الامتحانات . . انا وانتي من ملجو مهور وسيفو للحين نعيد وما نفلح . . كم كمممملنا ؟ سنتين ؟
يزوي : هيه وهاي الثالثه . . هههههههههههه والله شي يفششل . .
حمود : ياعممممي . .
يزوي : لالا ابويه كيفك انته انا ناويه هالسنه انجح . .
حمود : يلا عاد لا تخونين . .
يزوي : قلتلك شد حيلك . . يا العنززززززز لو تبا تخطبها لازم تشتغل . . وين بتحصل احين شغل يناسب شهادة ثاني ثانوي !!!!!!
حمود : انا ريال ماعلي خوف . . حتى لو اشتغل حمالي . .
يزوي : هيه حمالي هاه . . هاييييييج الساعه اذا حصو شافت ويهك اصلا . .
حمود : تقولين يعني
يزوي : هيه رد البيت وادرسس خلنا ننجح بسنا والله مصخناها . . حتى الحمير مره مرتين يفلحون . .
حمود : لو سمحتي لا تشبهيني فالحمار . .
يزوي : يلااااااا يلااا اانا ورايه دراسه مش فاضيه . .
حمود : ايييه عن المصاخه اصبري خل اوصل البيت . .
يزوي : افففف . .
حمود :اصلا انا عند باب البيت . . يلا يلا باي ..
يزوي : باي . .
.
.
.
عويش : وينج انتي ؟ ما قلتلج مري علينا البيت اليوم ؟
مهره : مضاربه ويا اخوج ما يصير ايييكم . .
عويش : اقولج لا تتفلسفين . . تعالي بيتي مش بيت امي . .
مهره : اخاف تسويلي حركه بركه ويكون سيفوه موجود اهناك ولا شي . .
عويش : عاد تبينها من الله انتتتتتتتتي . . تعالي تعالي يلا . .
مهره : انزين باجر الصبح بمر بشلهم . .
عويش : مهور كل يوم تقولين باجر وباجر .. تعالي شلي الاغراض وخلصيني . .
مهره : افف يالله يايه . .
عويش : باي . .
مهره : باي . .
وصعدت فوق لبست عباتها وشلت السويج وجابلت ابوها . .
بو مهره : ويييين العزم . .
مهره تبتسم وتبوس راس ابوها : ابويه فديتك انته اهني . .
بو مهره عاقد حياته . .
مهره " الله يستر " : بسير بشل اغراض عن عويش وبرد
بو مهره يطالعها : الساعه كم الحين . .
مهره تشوف ساعتها : 8 وربع . .
بو مهره : قبل الـ 10 انتي في البيت . .
مهره تبتسم : افداااااااااااك انا الغالي . . " تبوس راسه " مع السلامه . .
بو مهره : شوي شوي فالدرررررب . .
مهره من بعيد : ان شاء الله . . .
بو مهره من عقب ما راحت : الله يحفظج يارب . . .
شوي وسار فوق . . دق الباب . .
بو مهره : يزوي ؟
يزوي تركض وتفتح الباب : هلا ابويه . .
بو مهره : ليش قافله الباب ؟
يزوي : آآآآ .. كنت ابدل ملابسي ابويه . .
بو مهره يشوف ملابسها : بس ما تغيرت ثيابج !
يزوي : كنت توني ببدل ملابسي . .
بو مهره يطالعها بعين صارمه . .
يزوي تبتسم ابتسامه بارده . .
بو مهره : درستي عدل اليوم
يزوي : هيه ابويه . .
بو مهره : بيضي الويه عاد نفس اختج . . باقيلها سنه وبتتخرج من الجامعه وبشهاده بكالريوس . . مش انتي كم سنه تعيدين ثانوية . . عيب عليج لا وراج لا عيال لا هم لا مشاكل ليش ما تخلين تركيزج كله للدراسسسه . .
يزوي تطالع ابوها : ان شاء الله ابويه انا واعدتنك هالسنه ان شاء الله ناجحه ناجحه
بو مهره :كل سنه تقولينها . .
يزوي :بتشوف
بو مهره : يالله بدلي ملابسج وردي افتحي الباب سمعتي . .
يزوي تضرب له تحيه : حاظر سيدي . .
بو مهره يبتسم : انا بروح اوطي راسي . . يوم بتوصل اختج خل تمر علي وتخبرني انها وصلت
يزوي : ان شاء الله . .
وراح عنها . . وسكرت الباب وهيه تقول فخاطرها " اششششششوا "
.
.
.
حمود : السلام عليكم . .
سيف + حصوه : وعليكم السلام . .
حمود يطالعهم : ماشاء الله متجمعين . .
حصوه بدلع : دومنا نيلس ويا بعض . .
سيف ابتسم : حياااك ايلس . .
يلس حمود جريب من سيف وعينه على حصوه كيف مندمجه بنظراتها لـ سيف .
حصوه : سيفاني شوف هالفيديو . . بتموت ضحك . . " تمد له فونها "
حمود فج عينه وفخاطره " سيفآني !!!!!!!!!!!!!!!!!! . . لو تدري عنك مهور بس "
سيف يشل الفون ويتابع ويضحك بهستيريا . .
حمود يرمس سيفوه : سمعت انك متزاعل ويا العروس
حصوه ع طول ترد : بليز حمود لا تنكدد عليه ! من الصبح وهو مضايج
سيف ما يرد يشوف الفيديو ويضحك . .
حمود يطالع حصوه ويحس بقهر . . " وايد مستآنسه فاليلسه معاه ؟ شاقه الحلج وتضحكييين وشاده حيلج . . "
حصوه تشوف نظرات حمود : ليش تطالعني جيييه ؟؟
حمود يبتسم ابتسامه مصنطعه : سلامتج . . بس مستغرب من وناستج .. !!
حصوه تطالع سيف وتبتسم . .
حمود عقد حياته . .
سيف من عقب ما خلص الفيديو مد لها الفون : روعه الصراحه . . فناااان الي مسونه . .
حصوه : براويك بعد اشياء تضضضضحك وايد . .
سيف يقوم : لا ماله داعي برؤؤح عندي كم شغله . .
حمود ارتاح . .
حصوه تقوم : وين بتسير .!!!
حمود بصوت واطي : لا قومي ألوي عليه بعد وقوليله ودني وياك ..
حصوه : سيفوه لا تطلع والله يوم انت محد البيت ضييييييييييج . . ودني وييييياك اي مكان
حمود فج عينه " هاي من صدقها ولا تتمصخر "
سيف : بسير عند عويش اختي وبرد . .
حصوه : الله كشخه انا من زمان ما شفت عويش بعد بسلم عليها . .
سيف يبتسم : يالله روحي لبسي عباتج . .
حصوه :اوكي دقايق والله ما بطووووووووول . . . " وركضت تصعد فوق "
شوي ونزلت من الدري . .
حصوه بدلع : سيفاني . .
حمود يبلع غيضه . .
سيف : هلااا " يطالعها "
حصوه : لاتروح عني بليززز . .
سيف يبتسم : اترياج ما بروح . .
حصوه تبتسم : اوكي . .
وراحت فوق وهيه شاقه الحلج . .
حمود يوقف : من صدقك بتوديها وياك ؟
سيف : وليش لا . .
حمود عاقد حياته : ومهره مالها قدر عندك . .ولا حشيمه ع الاقل
سيف : حمود حصوه صغيره ومهره بيكون تفكيرها تفكير يهال لو فكرت بحصوه بشكل غلط . . وبعديين ما بينا ششي اصصصلا . . مجرد علاقه ريال بـ بنت خالته وبحكم انه اهلها محد هو ملزوم فيها . . بسسس
حمود : حصوه صغيره ؟ حصوه 18 !! وحده عااااااااقل سيف . . وعاقل عدل . .
سيف يتنهد : حمود الله يخليك لا تسويلي فيها . .
حمود يفكر : انا بي وياكم
سيف يطالعه : شووه ؟
حمود : مش توك تقول ما بينكم شي وعادي ؟
سيف : تبغي تي تعال . . محد بيمنعك . .
حمود ابتسم ابتسامة نصر . .
سيف : خلاص انا بركب السياره ويوم بتي حصوه تعالو سوى . . اترياها اوكي ؟
حمود يبتسم : افا عليك . .
.
.
.
.
.
البارت الـ 3
يتبآوسون . .
عويش : شهالحلا . . شهالزييييييين
مهره تبتسم : احم احم . . عشان تعرفين اخوج محظوظ اصلا . .
عويش : ههههههههههه واي عالعيايز الي يشوفون حالهم علينا . .
مهره عاقده حياتها : عيوز تتنطحج ان شاء الله . . مش تقولين عيوز جدام سيفو بصفعج . !!!!
عويش : ليش ان شاء الله
مهره تعدل قصتها : شو ليش بعد . . عقب يتم يدقق يقول هيه والله هاي كبرت وصارت عيوز . .
عويش : وين كبرتي بعدج شباب . .
مهره تبتسم : هالشهر بدش الـ 22 . . ما يبين علي صح
عويش تبتسم : والله انج خبله . . ايلسي ايلسي . ..
مهره فاجه عينها : حق شو ايلس . . عطيني الاغراض برووؤح . .
عويش : حق شو مستعيله . . بتشربين شي . .
مهره : لا وين ابويه متوعد لي . . مافيني اطول
عويش : كوب تركش ما يضرب . . ولا ما تبين . ؟
مهره : لا دام السالفه فيها تركش اترييي بفصخ العباه . .
مهره تفصخ عباتها . . كانت لابسه برمود اسود وتيشيرت كت آبيض ساده . . وعلى طول بطلت القباضه وفلت شعرها الاسود .
سيف حزتها يدش ومتلصقه فيه حصوه ويجابل مهره : السلام " وعينه بتركيز ع مهره " عليكم ..
مهره عينها على حصوه وبصدمه : عليكم السلام
سيف قابض اعصابه : لبسي عباتج حمدان بيدخل . .
مهره لبست عباتها على طول . .
حمود : هود هود . .
عويش تي : هدا فديتك ادخل . .
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك