رواية له منزلن بالحيل مرموق وسط الحشا -3
سيف : ماعليج منها انتي . . تفكيرها تفكير يهال ومخها صغيير
مهره : وااااااي بتبط جبدي تراك
سيف : خلاص خلاص !! سدي طاريها احنا طالعين نغير جو . . " يعقد حياته " انتي وين يايه . .
مهره : بننزل المنتجع . . ابا اتمشا وياك يعني !
سيف : منتجع ابوج هالوقت . .
مهره تطالعه : لو منزلتنك البيت وايد احسن
سيف : هههههههههههههه امزح معاج ياخي . .
مهره : حيوان . .
سيف : بصمج كف . . عيب يلاا . .
يرن فون مهره . .
سيف : منو ؟
مهره تشوف المتصل وتعطيه الفون : رمسها . .
سيف يبتسم : مرحبا الساع
يزوي : بسم الله الرحمن الرحيم
سيف : سامعه صوت ابليس ؟
يزوي : انتو شو تسووون
سيف مبتسم : بعد شو نسوي . . الي انسويه انتي شو يخصج ؟
يزوي : لا صدق ما اتمصخر
سيف : لا والله . . ولا انا اتمصخر . . نعم شو تبين
يزوي : ابا مهور ابا اطمن عليها وابا اقولها كم شي
سيف : قوليلي بقولها . .
يزوي : عطني ايااااااااااااها
سيف يمد الفون : تبا ترمسج . .
مهره ترمس : ألوو . .
يزوي : ايه يالخايسه متى لحقتو تتراضون
مهره : هههههههههه قبل شويه
يزوي : هرووووم . . المهم متى بتردين ؟؟؟؟
مهره : انا قايله لابويه انه بحدود الـ 10 بكون فالبيت والحين بعدها 9 . .
يزوي : تمي لين الفيييييييييير بعد . .
مهره : قولي قولي . .اكيد ابويه سار مكان . .
يزوي : اول شي قال لي انه بيرقد لكن عقب رد ياني قال بيروح مطار دبي بيشل ربيعه من المطار وبيوديه بوظبي . . وبيتم اهناك وعقب صلاه الفيررر بيرد راك . .
مهره : فدييييييييييييييتج انا وفديت هالاخبار الحلوووووه . .
سيف : شو قوليلي . .
مهره : يلا اوكي اذا صار شي يديد خبريني اوكي ؟
يزوي : يالله اوكي . .
مهره : وانتي اسمعي اقعدي ادرسي عن اللعبان وراج امتحان باجر . .
يزوي : انزيييييييييين
مهره : باي . .
يزوي : باي . .
سيف : شفيها ؟
مهره : ابوي طالع وبيرد ع الفير .. يعني اليوم حصوه تحلم تشوفك . .
سيف : لا اختي الغاليه ورايه دوام . .
مهره ادق جتفه بقوه : لا اتقول اختي . .
سيف يأشر : بركني اهني . . " يطالعها " اونج تبين تفعدين معايه لين الفير . .
مهره : وليش ما اقعد معاك . . ع الاقل تعوضني عن الزعل الي زعلتني اياه والقهر الي اكلتني اياه . .
سيف : اسميها مطالبج ما تخلص
مهره تسويله مالت : . .
سيف مبتسم : فديتج انا . . يالله انزلي انزلي . .
.
.
.
البارت الـ 5
يزوي : لا يعني لاااااااااااااااااااااا
حمود : انزين ليش ابا افضفضلج ياخي
يزوي : فضفضلي اهننننني فالفون
حمود : من شو خايفه مش واثقه فيني
يزوي : حمود السالفه مش سالفه ثقه . . انته اتعرفني انت اكثر واحد فالدنيا اثق فيه وبعديييين احنا اهل واعرف انك ما بتضرني بس بعد ما اقدر ادخخخخلك البيت ومحد فيه
حمود : انزين بندرس
يزوي : اوكي اتصل لسيفوه وقوله خل يخلص هياته بسرعه ويرد ويا مهور يقعدون فالبيت ويانا وعقب بندرس سوا . .
حمود : اسميج انتي بعد قوطي
يزوي : جب لا تسبني . .
حمود : لسانج انتي واختج كل وحده اطول عن الثاني
يزوي : جب جب لا تغير السالفه . .
حمود : انزيين اوكي بدقله . . اترييي " يمسك فونه الثاني ويتصل "
سيف : هلا حمود . .
حمود يحط سبيكر : لا تسب ها ولا تقول كلام وصخ ترا حاطنك سبيكر . . شحالك
سيف : بخييير . . شعندك
حمود : طلبتك
سيف : مش وقتك يعني خلصني
حمود : ادريبك طالع ويا العروس لكن لو تقدرون تخلصون هياته بسرعه وتردون بيتها عشان اروح عند اختها وتدرسني . . ماشاء الله تعرف تشرح
سيف : هيه والدليل انها راسبه وياك سنتين مادري ثلاث ههههههههههههههه
يزوي : هههههههههههه حيوان ما يقصد يجرحني
حمود : ههههههههههههههههههه اييه لا تجرحها . .
سيف : اجرح منو
حمود : آآآ مهوووور . . بتزعل لو قلت جي عن اختها
سيف : ما تزعل . . يزوي غاليه علي وانا روحي مارضى عليها
يزوي : اووووووووووب اول مره . والله وطلعت غاليه عند سيفوه
حمود : خبرني شو الترتيب الحين
سيف : خلاص تمام عطنا بس ساعتين وبنرد البيت . .
حمود : اوكي اخويه . .
سيف : وداعه الله . .
حمود : ساعتين . . مش جنه وايد
يزوي : برايه خلهم يتراضون . .
حمود : يزوي ياخي شسوي فيها هاي الحين العميا الي ما تحس . .
يزوي : ودرها خلاص لين متى بتم تحبها . . ياخي ما منها فايده
حمود مبوز : يزوي لا تقولين جي . . احس اتحططططم
يزوي : اااااااااااتتتتتتحططططططم . . يمكن تطيح على ببببببببوزك وتفهم وتتعلم
حمود يحط ايده ع قلبه : والله قلبي يعورني . . ليش يوم حبيييييت واول حب طلع الحب من طرف واحد
يزوي : حظظظك النحسس . . قرادت حظك . .
حمود : ههههههههههه خايسه على فكره
يزوي : هههههههههه بسك لا تسويلنا افلام هنديه . . بند خلني ادرس
حمود : طااع ويهج . . من صدقج انتي شو
يزوي : هيه قلتلك هالسنه ابا انجح
حمود بحماس : عيل خلاص بشد حيلي جد
يزوي : مليت مابا اتم اعيد اعنبوه
حمود : والله حتى انا . .
يزوي : عيل يالله فارج خلني ادرس اخلص علشان يوم ادرسك اكون فاهمه شسالفه
حمود : انزييين . . يالله . . بااااي
يزوي : لحظظظظظظظه حمود
حمود : هااه
يزوي : اقولك انت بترد البيت ؟
حمود : هيه ليش . .
يزوي : بتجابلها . .
حمود : هيه صح . . شسوي
يزوي : مممممم
حمود : اثقل عليها صح . . اسوي عمري مش مهتم واروح عنها غرفتي
يزوي : عداااااااال . . خف علي توم كروز . . بتموووت عليك عاد هي . . ولا بتسويلك سالفه ولا بتفتكر فيك
حمود : هيه والله صدقتي . . عيل شسوي
يزوي : اقعد فالصاله اكيد هيه تامه اهناك تتريا سيفوه دامه طالع ويا مهور . . ف تم اهناك شوف تلفزيون وخلها هي بروحها اذا بغت تسولف معاك . . بس المهم كون حواليها . .
حمود : تمممممممم
يزوي : يالله فارج . .
حمود : تمام . . باي . .
يزوي : باي . .
.
.
.
سيف : يالله عاد فجي ايدج . .
مهره : ماااااااابا . . كمل مشي . .
سيف : ياربي
مهره : بعد شو تبا اكثر . . حرررمتك تقودك . .
سيف : انزين ما احب امشي جي . .
مهره : مابي . . خل نوصل عقب . .
سيف : يعني بتقولين لي اني ما شايف المكان ؟. تراني شايفنه . .
يحط ايده ع ايدها يبي ينزلها من عينه بس مهره ايدها اقوى . .
مهره : مااااااابا نزل ايدك . . لين نوصل عقب بفج ايدي . .
سيف : عنيده .
مهره مبتسمه : طالع ـه ع واحد . .
سيف : يا حيوانه قولي طالعه ع ريلي لا تقولين طالعه ع واحد .
مهره : ان شاء الله . . طالعه ع ريلي
سيف مبتسم : عفيه . .
مهره : يلا شوي وبنوووصل . .
سيف : يالله نزلي ايدج عيل
مهره : اصصصصصصببرر . .
سيف : صبرنا
مهره : واحد . . اثنييييييين . . ثلااثثثه . .
وفجت ايدها عن عينه . .
سيف متفاجأ وتام مصدوم . .
الاضائه وايد خافته . . مجابل البحر طاولة عريضه مع كرسيين مجابلين بعض . . الشموع منوره المكان ومنورة البحر بأضائه رومنسية رهيييييييييبه . . الشموع كانت حيييييل طوال . . وفالنص باقه حمممرا كبييره . . وكله ولا الاكل . . من كل الانواع . . لحوم وعيوش و سلطات وعصاير . . شي رهييييييب . . واحلى شي النسيم البارد فالشتآء . .
مهره مبتسمه : شرايك . .
سيف فاج عينه . . : متى لحقتي تسوين كل ها . . والله مش مصدق الي اشوفه . .
مهره : مسج فديتك واحد بس يحل الموضوع كله . .
سيف : طرشتي مسج حق امنوه ان شاء الله
مهره : مالك خصص . .
سيف: بهالسرعه
مهره : اول ما اتصل بك حمود جان اطرش مسج وطبعا كل شي بأجره فاتصرفو بسرعه . .
سيف مبتسم : فديتج انا
مهره : بس حبيبي طبعا يوم بنطلع من اهني بتسير تدفع حساب كل ها وحساب الرشوه وحساب السرعه القصوى
سيف : هههههههههههههههههههههههههههههههههه حقيره
مهره مبتسمه : بعد ابتلشت فيني شو بتسوي . . صدق ارمس ما اتمصخر
سيف :ان شاء الله
مهره مبتسمه . .
سيف مبتسم بحنان : هاتي ايدج . .
ومسك ايدها وتجدمو علشان يروحون صوب الطاوله بقرب اكثر . .
رجع لها الكرسي ورى علشان تيلس . . وعقبها راح عشان ييلس مجابلنها . .
سيف يزاعق : تسمعيني . .
مهره تضحك : هيه يا حمار . . يخرب بيت الرومانسية المزعجه . . خف صوتك
سيف فاج عينه : انتي وايد بعيد ما اسمعج شو تقولين والله . .
سحب كرسيه وتجدم لين عندها . . وحطا كرسيه حذالها . .
مهره تطالعه : اخيييه مول مش برستيج
سيف : برستيج انتم نسولف واحنا نصارخ الله يهديج . . " يبتسم " البرستيج بقربج فديتج
مهره ترتب له لقمه خفيفه بشوكه وتحطه فحلجه . .
سيف : يممم . .
مهره تبتسم : بالعافيه عليك حياتي . .
سيف يسحب ايدها ويبوسها . . : الله لا يحرمني من دلالج . . والله فرحتيني . .
مهره : هذا المطلوب . .
سيف : مفاجاه روعه . . " يبتسم بحنان " والاروع وجودج . .
مهره مستحيه بس تحاول ما تبين . .
سيف :استحي استحي عادي
مهره : ما استحي انا
سيف : كل ها وما تستحييين " يقرص خدها وهو مبتسم " خدج احمممر . . صرتي طمااطه
مهره : آآآآي . . لا تقرصني . . " تنزل ايده وتمت قابضه ايده بقوة "
سيف : منو بياكل كل هذا الحينه . .
مهره مبتسمه . .
سيف : مسسرفه مسرفه
مهره : يلا عاد يوم واحد ما يسوي شي . .انا فخاطري كنت اسويلك جي يعني . .
سيف : اهم شي ما خليتيه فخاطرج حبيبي . . سوي الي تبينه . . وبعدين بتصل فالربع يون بيهجمون عليه ف دقيقه ماعليج . . حتى الصحن بينلحس
مهره :هيه اذا جي مش خساره عيل . .
سيف : شرايج ادق لحمود يمر على اختج يزوي ويييبها اهني . . ياكلون بعد منها وعقب نتمشى كلنا سوى اهني . . وعقب نرد البيت عشان يدرسون . . شو تقولين
مهره : فكرة حلوه . . ع الاقل تنفتح نفسيتتهم للدراسه . .
سيف ياخذ تلفونه ويكتب مسج لحمود سريع ويودر الفون . .
من عقب ما ودر الفون مسك ايدها وخلاها توقف . .
مهره : شفييك . .
سيف يسحبها ويتمشون ع البحر من قرب . .
مهره : برررررررررررررررد . .
سيف : حماره لابسه قصير تحت العباه كيف ما بتبردين
مهره : شدراني اني بطلع وبحوط فهالبرد . .
سيف يفصخ غترته ويحطيها شرات الشال ع جتفها . . واستانست ع حركته وايد . .
مهره مبتسمه : ياي كشخه الشي . .
سيف مبتسم : هبله حبيبي . .
مهره ادق جتفه : لا اتقولي هبله . . بتم احوط فيه . . عشان الناس يغارون
سيف : وشتبينهم يغارون
مهره : بس جي كيفي . . عسب هم مساكين ماعندهم حد يدفيهم . . وانا عندي . .
سيف : احين غترتي دفتج . .
مهره : يعني احسن عن قبل شوي . .
سيف : انزين جوفي اهناك . .
صدت مهره وجابلت البحر وياها من ورى وحظنها بحنااان وهو منزل راسه حاط راسه ع رقبتها . . مخلي ويهه لاصق فويهها . .
سيف : والحييييين . .
اما البنت انشششششششلت مره وحده . . لا اسمع لا ارى لا اتكلم . . ما تقدر تنطق بـ ولا حررررررررررف . . فاجئها بحركته ! ماعطاها مجال تستوعب سرعة الحركه الي سواها . . كل الي سوته بلعت ريجها وتمت صاخه بحيا تتمتع بدفوة اللحظة . .
.
.
.
.
البارت الـ 6
حمود : شوفي انا والله كنت واصل البيت توني وسيفوه طرش مسج . . قولي ما بتين دقي لسيفوه خبريه خليني بسير روحي . .
يزوي : كيف اخلي البيت خالي يعني . . اخاف ابويه ييي في اي وقت
حمود : عاد اتفاهمي ويا مهور كيفج . .
يزوي : اففف . . خلاص دقيقه بلبس عباتي . .
حمود : انا برا اترياج
يزوي :انزين اترياني لين اخلص
حمود : اوكي . .
يزوي : باي . .
حمود : باي ..
حمود : اتريييييي اقولج . .
طوط طوط طوط
حمود : افف سخيفه . .
رد اتصل بها . .
يزوي : هاه بعدني توك مبند
حمود : ياحماره هاتي الكتاب وياج
يزوي : كتاب شووووو
حمود : كتاب امتحان باجر يابقره
يزوي : هيييييييه انزين انزين باي . .
حمود : باي ..
وبند وتم يترياها . .
ااما يزوي تمت متوتره وتتصل فمهور لكن مهور مودره تلفونها فالسياره . . عقب عناء لبست عباتها وحطت جحال وقلوس خفيف وطلعت . .
ركبت السياره . .
يزوي من دون لا تطالعه : السلـام عليكم . .
حمود مبتسم : عليج السلام والرحمه . .
يزوي : يالله فكنا حررك . .
حمود : سكررررري الباب انزين
يزوي قفطت وسكرت الباب . .
حمود : انتي ايه بلاج مستحيه . .
يزوي : مش مستحيه من زييييييييييينك استحي منك . . لكن مفتشله وقافطه وخايفه
حمود : مفتشله ليش
يزوي : لاني راكبه وياك
حمود مبتسم : وقافطه ليش . . ؟
يزوي : لاني يالسه حذالك . .
حمود قابض ضحكته : وخايفه ليش . . ؟
يزوي : مننننك طططططططبعا ومن وجودك . . انت تخوف ترى . .
حمود يشغل المسجل وهو مبتسم ع الاذاعه ووو يصد ويطالعها : الحين انا اخووووف يزوي . .
لما جت عينك في عيني .. وابتدى بينهـم كـلام
قلتلك مليـون بحبـك .. قلتها من غيـر كـلام
طب ماقلتش أي حاجـه .. وأنت سامع كل حاجـه
من يوميها يا حبيبـي .. رمشي مش عايز ينـام
العيون قالـت معانـي .. عن هوايا وعن حناني
بس تاهت من لسانـي .. كلها في لحظـة هيـام
قولي ليه أنده بصوتـي .. مانت سامعني بسكاتي
والكلام باين في عيني .. يحكي ع الشوق والغرام
بلعت ريجها برعب وبندت المسجل من غير ما تحس : الاغنيه سخيفه . .
حمود : حرام عليج والله انها طرر . . " يرد يشغل المسجل " افا خلصصت . .
يزوي تحس قلبها يدق بقو . . تمت حاطه ايدها ع قلبها باستغراب مش عارفه ليش . .
يزوي " شفيني . . انا ليش قلبي يدق . . ليش من حط عينه في عيني جي صااار ليش . . لا مستحييل . . خسسسسسسسي هذا الا حمود يعني . . صديييقي . . ياربي شسااالفه شسالفه . . حسبي الله عليج يا مهور . . حسبي الله عليك يا سيفوه "
حمود مبتسم ويصدلها : شعندج ساكته ؟
يزوي تصد الصوب الثاني : وانت شعندك شاق الحلج ؟
حمود : ههههههههه انا معاج كيف ماا اشق الحلج . . وجودج حلو والله . .
يزوي تصد تطالعه
حمود : جان زين طلعتي اختي بالغلط . . اففففف بجابلج طول الوقت
بلعت ريجها وابتسمت : الحمدلله اني مش اختك . . وع ما اتنززززل . .
حمود يطالعها بنظرة ساحره : صدق ؟
يزوي تحس قلبها يدق " شفيني انا شفيني . . ف الفون ما احس جي والله ما احس جي "
حمود يسوق ويطالع جدامه : صدق ياليازيه
يزوي : صدق يا حمدان . .
حمود من غير لا يطالعها : لا تزقريني حمدان ..
يزوي : حمدان
حمود : لا تزقريني حمدان قلتلج . .
يزوي : حممممممممدان !
حمود يطالعها عين بعين: لاتزقريني حمدان . .
يزوي تبلع ريجها : حمود . .
حمود : هيه اتحرا . .
يزوي تصد الصوب الثاني " لاااا والله لو يلست بعد زياده بروح فييييها بروح فيها "
حمود : اكيد حصوه مجروحه الحين . .
يزوي تطالعه . .
حمود مبتسم بضيج : اكيد مسكينه قاعده وتنطر سيفوه .. وقلبها متحرقص ومحترق
يزوي : لهالدرجه شال همها . .
حمود : انتي اكثر وحده تعرفين شكثر تعنيلي . .
يزوي : تحب غيرك . . بعدك راضي بهالشي . .
حمود : راضي ..
يزوي تطالعه بتمعن : صعبه صح . .
حمود يحط ايده ع قلبه : وايد قسم بالله
يزوي : يعور هالشعور . .
حمود ساكت ويسمعها . .
يزوي : بسنا بسنا همممممم . .
يت بتشغل الـ أف أم . .
حمود بدون ما يقصد لمس ايدها : لا تشغلينه . .
اخلق الاعذار من لمسة ايديك
والمس جروحي واداويها دواك
يزوي تشل ايدها بسرعه : حمود اسرع خلنا نوصل بسرعه علشان ندرس . .
حمود يطالعها : شوه فيج يزوي .؟
يزوي من دون لا تطالعه : ماااششي . .
حمود: لا صدق صدق شوه فيج .. ؟
يزوي : قلتلك مافيني شي . .
حمود : ليش ما تبين تخبريني . . تتحريني ما ادري . . مبين . .
يزوي تطالعه باهتمام : شوه الي مبين . .
حمود بابتسامه بارده : كل شي . .
يزوي : شوه ارمس . .
حمود : سلامتج . .
يزوي بتوتر : شوه الي باين !!!!!!!!
حمود : تصرفاتج فضحتج . .
يزوي : فضحتني ّ!!!!!!!!!!!!!
حمود مبتسم : اهدي . . عادي . .
يزوي بلعت ريجها . . " لا مستحيل مستحيل انه كشفني . . مش لهالدرررجه !! لالالا هو يعرفني عدل علشششششان جي كشفني . . يا فشششششششششششيلتي كيف بطالعه الحين !! كيف بتصرف وكييييييييييف برمسه !!! "
حمود : وصدقيني اخر مره . .
يزوي بتوتر اكثر : شو الي اخر مره . .
حمود : يزوي بلا لف ودوران . .
يزوي : . .
حمود : ادري انج مضايقه من وجودج معايه . . وما حبيتي اني امر عليج . .
يزوي تحط ايدها ع قلبها " الحمدلله "
حمود : عشان جي اقولج اخر مره امر عليج يعني لا تحاتين . .
يزوي : لا حمود انت فاهم غلط . .
حمود يطالعها عين بعين : فهميني . .
يزوي تطالع ملامحه وعينه بتركيز . . عينه متوسطه . . لا هي كبيره ولا صغيره . . رموشه طوال الواحد يلاحظها لـو غمض ولو فتح . . حواجبه مقرونآت مرتبات ع طول العين . . ويهه نحيف بشكل خفيف مخلنه وسيم . . شفايفه صغييييره وخشمه مثل ما يقولون سلسبيل . . مطول شعره لين تحت اذنه ومغطي الشعر بـ كآب فيراري . .
حمود : شفيج تطالعيني جي . . حللتيني . .
يزوي : لانك اهبل . . وتلوع الجبد
حمود فاج عينه : بذمتج . .
يزوي : اسكت اسكت
حمود : يمكن عشان جي حصوه لايعه جبدها مني . .لان سيفوه احلى عني . .
يزوي تحط ايدها ع قلبها " وينج يامهور وينج . . اسميني بسفل فيج " : مابا اسمع صوتك لين نووووووصل
حمود : شفتي انج مضايقه . .
يزوي تصد تطالعه : مش مضايقه بس ورانا امتحااان باجر لازم ندرسسس عدل ولازم نفلح ولازم ننجح صح ولا لاء . !! ما اتفقنا ان هالسنه لازم نعديها . . بسسسنا من الاعاده ! لو حمار جان فهم المنهههههج . .
حمود : انزين انزين خلاااااص . . بنروحلهم وبندرس ان شاء الله . .
يزوي : . . .
حمود : وبعد . . في شي مضايقنج غير الدراسه . .
يزوي تطالعه : مافي شي . .
حمود يطالعها : والله ششي . . بتعلميني فيج !!!!
يزوي : اخاف ابويه ييي ولا ششي . .
حمود : احين الساعه 11 ونص . . ابوج لين الفير بيكون مممممحد . . يلا عاد . .
يزوي : والله هاي مهور تسوي كل شي غلط ف غلط . .
حمود : قصدج احنا الغلط . .
يزوي : . . .
حمود : هم متزوجين واحنا لاء . .
يزوي : اكيد . . هي محلله له وعادي لو يلست معاه لين باجر . . احنا لاء
حمود : يزوي بردج البيت الحين . .
يزوي تطالعه : عن الاستهبال . .خلاص الحين وصلنا . .
حمود : . .
يزوي : شوه فيك معصصصصصب . .
حمود يطالعها ببرود : مش معصب . . انا ما اعصب . . متى عصبت اصلا ؟
يزوي تتنهد وتمد له الكتب : شششششلهم هاه " وفرتهم ع ريله ونزلت من السياره "
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك