رواية مو قادر احب انسان ثاني -6
مريم:خلااص من عنوني الحين اسويلك احلى ريوق
خليل:حياااتي طلعتي تعرفين تطبخين
مريم واهي تتخوصر:لااولله ليش شجايفني ماعرف اطبخ
خليل:حيااااتي اتغشمر ويااج فديت قلبج
مريم:ههههههه خلاص عيل خل اقوم واتسبح
بعدها اسويلك ريوق واذا تبي حمام برا يمين غرفتي في حمام
خليل:خلاص حياتي ماشي خل اقوم عيل
مريم:اوكي حبيبي
قامت مريم تتسبح
وعقب ماخلصت لبست بدله محترمه حلوه نعومه
وسوت شعرها تكسير
ونزلت تحت سوت احلى ريوق
ونزل بعدها خليل
وباس ايدها وخدها
خليل:اووف الريحه مو صج احييييييه تسلم
ايدج حياتي
مريم واهي مستحيه:الله يسلمك حبيبي
وقعدو يتريقون
نزلت ام مريم واهي منصدمه
ام مريم:هلا ولله يمه ليش مريم ماقلتيلي انه خليل اهني
مريم:... قاطعها خليل..:خالتيي انا الي طبيت فجأه ماكانت مريم تدري
مريم طالعته وابتسمت
ام مريم:هلا ولله يمه منوور ايي اشوه مجهزه الريوق
خليل:النور نوركم خالتي ايي مريم ماقصرت مسويه احلى ريووق
وعقب ماخلصو
مريم تذكرت ان اليوم ملجة زينه
مريم:ايي يمه لاتنسين اليوم ملجة زينه
ام مريم:مالي خلق انتي روحي
مريم طالعت ام مريم:بس يمه بنت رفيجتج الي بتملج شبتقولين حق امها؟
ام مريم:اييي صح اوهو مالي خلق
مريم:انا باخذ اغراضي وبروح حق زينه
عشان اساعدها
ام مريم:خلاص روحي انا شوي وايي
خليل واهو يشوف مريم:خلاص مريم لما تخلص الملجه قوليلي عشااان عازمج :d
مريم:ويييين
خليل:ماراح اقول مفاجأه
مريم:اووه عاد مالقيت غيري ام الفضول فيني
الحين اقعد افكر شنو تكون المفاجأه
خليل واهو يضحك:هههههه احسن انا ابي جذي
مريم واهي تبرطم:الله يسامحك
ام مريم صعدت عشان تشوف شنو تلبس حق الملجه
عقب ماشاف خليل ان ام مريم راحت
لم مريم حييل وبااسها
مريم واهي حيل استحت ويها صار طماطه:خليييييييييييييل
خليل:عييييييييونه
مريم واهي حيل مستحيه:ترى ولله استحي خلاص
خليل:امووت انا عالمستحييه
مريم واهي خلاص بيغمى عليها من كثر ماهي مستحيه هههه:خلييل خل اقوم الحق اروح حق زيينه
خليل:اح طرده محترمه
مريم واهي تتدلع:حبيييييبي انا ماطردتك يعني بروح الملجه وخو انتا تدري :$
خليل:يباا حياتي شفيج ادري قاعد اتغشمر
وانا بعد بروح حق حسون
واهوا يقوم خلاص حيااتي تامرين على شي
مريم:لا حبيبي سلاامتك
وطلع خليل
ومريم صعدت فووق بسرعه
وشالت اغراضها
وركبت السياره
وطيران على بيت زينه واهي ادق على فطوم
مريم:فطووم ويينج بسرعه
فطوم:انا ابيت زينه انتي وينج؟؟!
مريم:كاني فطووم يايه بالطريج كان خليل عندي
وأخرني
فطوم:ياحركات من ورانا ها ههههههههه
مريم:جب الحين يايه باي لووول
فطوم:هههههه باي
وصلت مريم وعلى طول سفطت
وتصعد الدري ركض
طاحت وطاحو الاغراض
بس اشوه كانت الطيحه خفيفه
الخبله قامت تضحك
بعدها شالت اغراضها
وصعدت حق البنات قوم
مريم واهي تعري
فطوم:شفيييج
مريم:ههههه طحت
زينه بخوف:ايالخبله وتضحكين بعد
مريم:لااشوه الطيحه خفيفه
فطوم:الحمدلله يلا قومو قومو خل نروح الصالون
زينه واهي قلبها تحس انه مقموت معورها قلبها
زينه:انزين بس خل اطمن على خالد
مريم:اقوول روحي موتي اهم شي خو اليوم بيشوفج عن هالحركاات
زينه:..بس...
فطوم:لابس ولا غيره يلا قومي قومي
اليوم ملجتج انتي وياه وادقين عليه خبله انتي
زينه واهي قلبها مقموت:شوركم وهداية الله يلا قومو
قامو كلهم وركبو سيارة مريم
وراحو الصالون
عقب حمام مغربي
وشيره وسنفره وهالاشياء
حطولهم مكياج ولبسو نفانيفهم
وبعدهاا على ماطلعو من الصالون كانت الساعه
6 ونص
ردو البيت
زينه صعدت فوق واهي قلبها مقموت ماتدري ليش
كلهم يو بيت زينه
الاا خااالد
دق ابو خالد على خالد
بو خالد:يلاا ياخاالد بسرعه تعال شفيك
تأخرت
خالد :كاااني يبه ياي بالطرييج
بوخالد:صارلك ساعه تقول هالكلام خلااص يلاا بسرعه تعال بااي
خالد:ان شاءالله باي
خالد واهوو يدووس وطاف الاشاره بدون مايدري
ولا تيله سيارة جيب تدعمه
ويطق راس خالد عالجاام وكانت الطقه قويه
دمامين صار
وبعدها ناس جزاهم الف خيير
ماقصرو ودقو على الاسعااف
قعد بو خالد يهز بريوله ينطر خاالد
بوخالد بقلبه"يالله عليه هالولد يحن يبي
يتزوجها ويبي يتزوجها اخرتها يتأخر"
زينه واهي بغرفتها مااتدري ليش تحس قلبها مقموت
ماقدرت تسكت دقت على
خالد لقته مغلق
زينه انصدمت لاا خالد اول مره يارب مافيه شي
اووف ياربي ياكريم يارزاق ياعليم يالله يارب مايصير شي بخالد
دشت مريم على زينه لقت عيون زينه مغورقه
مريم بصدمه:زيينه شفيج سم الله عليج
زينه:مرييم قلبي مقموت يوم دقيت على خالد
لقيته مغلق خالد ولا مره حوله مغلق
مريم قلبي معورنيي
مريم واهي توترت:أستغفري ربج شهالكلام
ان شاءالله مافيه الا كل خير انتي بس يتروالج
هاذا من الخرعه مااقبل الزواج على قولتهم
ياللله مسحي دموعج هوو خو اهله اهنيي
زينه تحاول تهدي نفسها:أ..ن.شااء..الله
بعدها مريم يابت ماي حق زينه
بالصاله تحت وخصوصا الديوانيه
الكل ساكت
مافي غير صوت تلفون بو خالد يرن
بو خالد شاف رقم غريب ورد عليه:الوو
...:ألسلام عليكم
بوخالد:وعليكم السلام ياهلا
..:انتا بو خالد
بوخالد:اي نعم منو معاي
..:احنا بمستشفى الـ... ولدك مسوي حادث والحين اهو عندنا ياريت تيي
بوخالد واهوا منصدم وقف على حيله:شنوووو
..:ياعم احنا بمستشفى الـ... ولدك عندنا مسوي حادث
بوخالد:سكره بويهه وقال حق الكل شصار
والكل منصدم
قامو بسرعه راحو المستشفى حق خالد
بالطوارئ
بوخالد:اناا ولدي عندكم اسمه خالد مـ.... الـ..
..:ايي تفضل
وداه عند الدكتوور
بوخالد:دكتور طمني على ولدي شفيه
وويه الدكتور مايبشر بالخير:تفضل ياعم أوعد
بوخالد:قولي تدكتور والي يعافيك قلبي بيوقف بمكانه
الدكتور:سم الله عليك ياعم ايه الكلام ده
ولد ياعم فاقد الذاكره مؤقتا يعني مش حيعرفكم دلوئتي بس حيسترجع الزاكره مع مرور الايام
بوخالد قعد واهو منصدم:يعني راح ترجع ذاكرته
الدكتور:ايووه
بوخالد:اللهم لا اعتراض اللهم لااعتراض
الله يسهل الامور ان شاءالله
الله يشافيك ياولدي دكتور اقدر اشوفه الحين؟؟
الدكتور:لا هو الحين نايم مش حيرد عليك
شوفو بكره عالصبح
بوخالد:لاحول ولاقوة الا بالله خلاص
يادكتور اول مايقعد طمني عليه
الدكتور:من عنيا حازر
وطلع بو خالد
والكل سأله عن حالت خالد وقالوله
ام خالد ماتت بجي على ولدها
اماا زينه للحين بالبيت ماتدري موعارفين شراح يقولولها!!!!!
زينه واهي بالبيت:اووف ياربي ليش تأخرو
البيت مافيه حس انطر والله كريم
رجعو البيت
والاهل كلهم ضايق خلقهم
ومريم وفطوم لمو زينه حيل
وزينه جنها حاسه ان صاير حق خالد
شي قلبها بغى يوقف
زينه بخوف وبجي:خااااالد فييييييه شي !!
مريم واهي تدمع عيونها:زيون اهو مسوي حادث فاقد الذاكره
زينه بصراااخ وبجي واطق عمرهاا
:لااااااااااا خاااااااااااالد لااااااااااا
يااربي ليش صاااار جذي
خااااااااااااالد
وقعدت اطق عمرها حيل
فطوم ومريم يحاولون يهدونها ماقدرو عليها !!
اغمى على زينه!!
ودوها المستشفى نفس المستشفى الي فيها خالد
ام زينه:والي يعافيك يادكتور شفيهااا
الدكتور:ياخالتي مافيها الا العافيه بس صار فيها انهيار عصبي
ام زينه واهي تبجي:ياحسرتي على بنتي
الدكتور:ياخاله هدي نفسج بنتج محتاجتلج
ومريم وفاطمه يبجون ويحاولون يهدون بأم
زينه
ام زينه:ااناا بناام عندهاا
مريم واهي تبجي:خالتي موزين عليج
انتي فيج ظغط وسكري راح تتعبين واايد
انا انام عندهاا
ام زينه:لااا انا بناام عندهاا خلوني عندهاا
مريم واهي تحاول تقنع فيها واهي مور اضيه
اخر شي استسلمت مريم وقالت لها:
خلاص خالتي انا الحين بروح ايبلكم اغراضكم
ام زينه:مشكووره يابنتي جزاج الله الف خير
مريم:خاالتي شدعوه ماسويت شي
فطوم:...أنـ......
توقعااااااااتكم ؟؟
ان شاءالله عجبكم الباارت
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
البارت الثالث عشر
فطوم:خلااص مريوم حياتي قعدي عند
خالتي وانا اروح ايب اغراضهم
مريم:فطوم انتي شايفه حالتج ماعتقد راح تقدرين تسوقين
فطوم بتعب وويها صار طماطه من البجي:لا مريوم تكفين خليني انا اروح
مريم:خلاص حياتي ناطرينج
فطوم:اوكي باي
وراحت فطوم بيت زيون عشان تيب اغراضهم
مريم قعدت تفكر "ادق على خليل ولالا اخاف
اتعبه معاي واضايقه امم خل ادق لازم يعرف انا وين"
وتوكلت على الله ودقت على خليل
مريم بتعب:خليل
خليل جنه حاس:شفيه صوتج حيااتي
مريم:خليل ... وقالتله السالفه
خليل:بيييه وانا ليش ماقلتيلي
مريم:خفت اضايقك
خليل:مريم مستحيل تضايقني اي شي يصيرلج
على طوووول ادقين علي فاهمه
مريم:ان شاءالله
خليل:الحين يايلج اي مستشفى انتو؟
مريم:مستشفى..الـ...!
خليل:خلااص مسافت الطريج
مريم:اوكي حبيبي ناطرتك
خليل:اوكي حبيبتي باي
مريم:باي
وقعدت مريم وام زينه من التعب والارهاق الزايد
نامت
مر صوب مريم دكتور حلو مشالله وجسم وعرض
وجمال وقعد يتحرش فيها
مريم واهي اطالع من فوق لي تحت:نعم
الدكتور المزيون:ينعم بحالج شلوون مخلين الحلوه قاعده بروحها
مريم بنرفزه:ولله ناس فاضيه انتا شلون مخلينك دكتور بالله
دكتور:ولله مثل الناس
مريم:حمدلله والشكر حاطيلنا دكاتره يهال ببا روح روح
دكتور:افااا انا يااهل كل هالوك ومو عاجبج
مريم:الله والوك عااد روح خلاص عاد ترى زودتها
دكتور:لعيونج ازودها في واحد يشوف قمر جدامه
ومايحاجيهااا
مريم:شوف ولله العظيم وانا حلفت ان ماذلفت مابتشوف خير مني
مانشوف الا خليل ماااسك الدكتور من غولته
جنه حثاله بيده يحرك فيه
خليل وبقهر وعصبيه مو طبيعيه
بغه يعطي الدكتور بكس
بس...
مريم:خلييل حياتي خله لاتوصخ ايدك بهالاشكال
وبعدين حبيبي احنا بمستشفى فشله الناس رايحه وراده تعاال حبيبي يمي
خليل حذف الدكتور بأقوا ماعنده
وقعد يم مريم
مريم تهديه بأسلوبها لما تتكلم
يحس انه كل عصبيته تروح يطخ
الدكتور اصلن اخترع رااح ركض لوول
خليل:ها حياتي شصار على زينه
مريم بضيقه:بعد عمري للحينها نايمه
خليل:الله يشافي خالد ويقوم زينه بالسلامه
مريم:اميين الله يسمع منك
وبعدها يت فطوم
مريم قامت تاخذ الاغراض من فطوم
فطوم:انا ماعرفت شنو اخذ اغراض حق خالتي
هذول زينين
مريم واهي اطل بالاغراض:ايي جذي اوكي
وزيون
فطوم:لا زيون عرفت شنو ايب لها انزين صج مارحتو سألتو اذا خالد قام ولالا
مريم:لا وماعتقد راح يقوم الحين
فطوم بتعب:يارب شافي جميع المرضى اللهم امين
مريم وخليل :اميين
فطوم:وي اسفه خليل ماشفتك شلونك شخبارك
خليل:ولله تمام وانتي اختي شلونج
فطوم:ولله الحال مايسر فا راح اقول لا
خليل:ماعليه الله يشافيهم يارب
تدرون بوخالد نسى نقطه مهمه ماقالها حق
اهل زينه
انه خاالد فاقد الذاكره مؤقت
اهو بس قالهم فاقد الذاكره وعبالهم الحين
خلاص راح يتم على هالحال على طول
مريم:فطوم قومي روحي البيت ارتاحي
فطوم:من صجج مستحيل اخلي زينه اهني بروحها
وحتى امها تعبانه
مريم:مو بس امها الي بتم اهني بعد خالت زينه راح اتم اهني واهي اكبر منا بشوي اهي تفهم
وتعرف حق هالسوالف
فطوم:شلون نخليها مريم قلبي مايطاوعني
مريم:ادري ياحياتي بس فشله احنا مانقربلها واهلها اكيد بيولها بعدين
احنا شنو موضوعنا من الاعراب واهي بعد اهلها
مشالله اكثريتهم شباب فشله يعني
فطوم:اي صح كلامج خلاص عيل انا بدق على حسون عشان يردني البيت
مريم:ولله ماتستحين على ويهج واحنا شنو عندج انا وخليل؟؟؟!!
فطوم:مريوم فشله بالله بيسولف وياج شي عيب
مريم:فطوم عن الملاقه بتين يعني بتين
فطوم:مريوم لحضه انتي بتروحين مع خليل بسياره وحده؟
مريم:ايي
فطوم:وسيارتج
مريم:ايي صج نسيت تصدقين
فطوم:خلاص انا باخذ سيارتج عيل والصبح اخلي
السايق يقطها عليكم
مريم:امم اوكي حبي يلا عيل تيك كير
فطوم:يو تو باي حتاتي
مريم:باي
خليل:يلا عيل امشي حياتي
مريم:اوكي
وراحو لي السياره
خليل:شنو تبين تاكلين
مريم:ولله مو مشتهيه اكل ولا شي نفسيتي
منسده
خليل:لا عشان ازعل عليج صح؟
مريم:حيااتي خليل صج مااقدر اكل ولله
خليل:شوفي انا راح اطلب غصبا عليج مو بطيبج
مريم واهي عرفت انه ماتقدر تقنعه:خلاص حبيبي اوكي
خليل:امم ياترى شنو نااكل امم شرايج بجيليز
مريم:انجيين جيليز جيليز
خليل:يانتي ياام الجين يلاا انطلقناا الى هنااك
مريم وهي تضحك:هيااا بنا
وراحو جيليز
اماا بمكاان ثاني فطوم
فطوم:حسوون حدي متضايقه من الي صار
حسن واهو متضايق على ضيقتها:ماعليه حياتي
الله يشافيه ويقوم رفيجتج بالسلامه حياتي هالشي مكتوب حق خالد مانقدر نسوي شي
فطوم:اميين ادري حبيبي بس موقادره اوخر الضيقه
حسن واهو يلمها حيل:احببج
فطوم:اموت فيك
حسن خل فطوم تنسدح بحضنه
ويلعب بشعرها
وهالشي كله جدام البحر وبالسياره ورى
وحاطين اغنية
يوم سمعت هالغنيه فطوم قامت بسرعه
وشافت حسون
حسون اخترع:شفييج حيااتي
فطوم واهي تبجي:حسون ولله العظيم راح ازعل علييك اذاا سقت بسرعه اقل شي 80
ولله رااح اموت اذا صار فيك شي الله لايقوله ياارب
حسن واهوا يطالعها:حيااتي ولله ماراح اسوق بسرعه حيااتي وباسها على خدها ومسح دموعهاا
مالا داعي هالبجي كاني جدامج فطوم تدرين
ماحب اشوف دموعج يلا مسحي اشووف
فطوم واهي تمسح دموعهاا:لاتلومني من الي شفته اليوم ماقدرت اتحمل
حسن ورد لمها حييل:احبببببج وباس راسها حييل
فطوم واهي ماتبي تهده :اعشششقك اعشقك ولله اعشقك
ان شاءالله عجبكم الباارت
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء الاخير .. الرابع عشر
بعد 3 سنين ،
خالد رجعت ذاكرته وتذكر زينه وكل شي ورجعو مثل قبل .. على قلب واحد !
قبل سنتين شهر 5 تاريخ 24 يوم الاحد
بـالافنيو وتحديدا ستار بوكس كانت سرحانه وتعلب بقهوتها
سمعت صوت ماتنساه لو شصير رفعت عينها ونزلو دموعه ابتسمت وهي تشوف ضحكاته تعلي المكان
تتمنى تقوم تبوسه وتقوله تتذكرني .. تتمنى اتلمه وتقول انا زوجتك انا حبيبتك انا الي حبيتها
شهقت وانتبهو لها .. لف عليها خالد واستغرب حس انه يعرفها ركز على عينها وقرب صوبها : زز .. ززز ينه ؟
زينه إنصدمت : ...
خالد حس نفسه دايخ قربو ربعه ومسكوه وقعدوه بالكرسي
حسون : خالد ماتذكر زينه ؟
زينه : حسون خلاص لا تذكره انا
قاطعها حسون : سكتي زينه ! لي متى بتخشون عليه
خالد لف عينه عليها : احبج
-
حسون : انتي من صجج لا ينيتي شلون شلوووون تقولين جذي فطوم انا احبج تعرفين شنو يعني احبج
فطوم تمسح دموعها : انا يعني ماحبك انا طول عمري عشته عشانك وانت ضيعته بغلطه وحده انت خاين تعرف شنو يعني خاين غلطتي يوم حبيتك غلطتي اكرهك اطلع بره مابي اشوووفك
حسون قرب صوبها ومسك ايدها : حبيبتي فطوم هدي الله يخليج هدييي والله العظيم انه طيش شباب وبعدين انتي الي بالقلب
فطوم : خلاص حسون .. عفتك !
وخرت عنه وهو يناديها يمسكها يهديها .. حست انها روح بلا جسد بهاللحظه
،
خليل : اففففففف خلصي خللصصصصصصي ماصارت تراااا وربي بين تأخرنا على اهلج بسرعه
مريم : وااي خليل افففف شسوي يعني تدري اني حامل وماقدر اتحرك وايد .. نصوووووووور نااصر وييينه هذا ولدك
خليل يقوم : انا لازم اسوي كل شي صح
مريم : خليل اشفيك اليوم خلصنا
خليل : أففف
قام من مكانه ودش غرفة نصور
فتح الباب شافه قاعد يبجي
قرب صوبه : بابا ناصر ليش تبجي
ناصر : امي زفتني
خليل : اففففف عليج يامريم .. بابا تدري ماما مو قصدها وبعدين انت قاعد اطق بطنها مايصير حرام بعدين البيبي يموت
ناصر : احثثثن خل يموت انا مابيه انتو تحبونه انا لاء
خليل : ههههه امش تعال
مسك ايده ودش الغرفه على مريم
خليل : يالله خلصتي
مريم : شفيه نصوري ؟
خليل: قاعد يبجي ليش زفيتيه
مريم قربت صوبه و لمته : يمه فديييته انا الزعول وفديت هالبرطم والله
خليل :اي اي يبنا يهال ونسيتينا
مريم : وي وانا اقدر انساك انتا عين السيح انتا بالقلب
خليل قرب صوبها بخبث : شرايج انكسل الطلعه
مريم : وااي خليل وااي امش امش
خليل يمشي : هههه زين يالله
مريم : اااااااا .. خلييييييييل بطنيييييييييييييييييييييييييي
-
يابت مريم حوراء الصغيرونه ~
-
عند زينه
كانت نايمه وطاقتها شخير
قرب صوبها خالد : زيونه .. زن زن قلبي قومي يالله
زينه لفت عليه : حبيبي خالد خلني عفيه والله بطني يعورني
خالد : افف على هالبطن !! قلت لج لا تحملين الحين تو الناس
زينه : باباتي يعني صارلنا سنه وماتبيني احمل ! كافي الناس تتكلم
خالد : انا مابي يهال امبجر
زينه مسكت ايده : شرايك انروح مطعمنا المفضل
خالد ببتسامه : جليز !
زينه وهي مستحيه : اي
خالد قرب صوب خدها وباسها : اموت انا على هالمكااان
-
جليز .. اول ماتعرفو خالد وزينه على بعض ~
زينه كانت داشه جو مع البنات ضحك و حاله مو طبيعيه
كان طول الوقت خالد يخزها وهي مو معطيته ويه
زينه : بنات عفيه قومو حد امي انزعجت
لطيفه تلف ويها : وااي اينن صج ماعندج ذوق قومي شوفي حظج طاح حظج
انفال : هههههههه مو صج زيون قووومي شوفي شحلاته
زينه :اففف وانتي ليش تضحكين يعني !! ضحكتي من سرج بلااا ماابي تعرفون اني استحي و
ماكملت كلامها الى وخالد مقرب صوبهم ببتسامه تذوب : السلام
الكل ماعاده زينه : وعليكم السلام !!
خالد : بنات ابي منكم طلب !
البنات : شنو
خالد : ابي هذي [ اشر على زينه ] تاخذ رقمي
زينه بشوية عصبيه : وهذي ماعندها اسم !
خالد - خليني اعرفه اول
زينه - اسمي زينه
خالد - اوكي زيونه عفيه اخذي رقمي
زينه - امممم اوكي
الكل انصدم واستغرب زينه تاخذ رقم ! شصاير بالدنيا
خالد - اوكي سجلي 667*****
-
عند فطوم كانت بغرفتها وكالعاده الدموع ماخذه مجراها
كانت داشه جو وتمسع bring me to life - Evanescence
شافت تلفونها يرن وكالعاده [ حسون ] نزلت دموعها اكثر : بس يا حسون ابي انساك عذبتني حرام علييييييك
دز لها مسج [ انا بره بالحديقه طلعيلي ] انصدمت فطوم : امبيييييه هذا ين وقعد
دقت عليه ومو قاعد يرد عليها تاففت وهي خايفه
طلعت ابجامتها وكان شعرها شبه كشه لانها كانت مسويه فير ومفركه راسها بالمخده لمه قالت بس .. نزلت ركض بالحديقه وقلبها يرقع طبول
راحت الحديقه وصكت باب الحديد وراها
قربت شافته قاعد ناطرها
قربت صوبه : حسوون
حسون بكل لهفه وشوق وضيقه مو طبيعيه لف عليها : فطوم
قام وعلى طول بدون لا تقول شي لمها بحضنه نزلت دموعها مثل الشلال وشهقت وهي تلمه اكثر .. حسون : احبج والله احبج و اوعدج اخر مره اسويها حرام عليج فطوم والله مو قصدي والله طيش شباب فطوم انا احبج وماقدر اعيش بدونج حرام عليج هالاسابيع كانت مثل الجحيم بدونج والله اني تعذبت احبج الله يخليج لا تخليني تكفيين
فطوم حست انها جد غلطت انصدمت كل هذا بقلبه حست انه روحها خلاص تملكه له اهو وبس وخرت عنه وشافت شكله كان لون ويها اصفر وعيونه ذبلان ردت لمته : ولا انا ماقدر اعيش بدونك انت كل شي بالنسبه لي انا يوم عفتك صدقني اني كنت جسد بلا روح لاني يوم مشيت حسيت روحي خلتني وراحت لك
مسك ايدها وباس خدها لدرجة انه صار احمر مسك ايدها وقرب
صوب الكراسي وقعدها وغنى لها : تعذبني عذبني تموتني موتنيييييييي واحرمني من الروح
منك لا تحرمنيييي بدموعي غرقني وبنارك احرقني فدوه لك انا سهرني طول الليل مالومك انا
-
رجعو حق بعض مثل السمنه على العسل ..بعد جم اسبوع خطبها وخلو الملجه بعد اسبوعين و العرس بعد ثلاث اشهر
-
مريم وفطوم وزينه قاعدين بجوكلت بار
وكل وحده تقول حق الثانيه شصار لهم بهالفتره
مريم:اخ يا حيااتي انتو الثنتين جذي يصير فيكم وانا اخر من يعلم ومريم وعيونها مغورقه لمتهم حيل ..المهم انكم رديتو حق بعض عسى الله لايفرق بينكم ولا يفرق بينا
فطوم واهي مستانسه:اامبيييييه تدرون شنو مشتاقتلكم
زينه:انتي مسكره على نفسج الباب ومنتي راضيه تكلمين احد بس حياتي هم ماتنلامين على الي صار صعبه ولله صعبه
فطوم:الله كرييم
مريم:المهم انه ردلج وتحسف على الي سواه بعدين هاذي نزوه وعدت والحمدلله على كل حال يعني تدرين انه كل الشباب لازم يصير وياهم جذي واهي تلم فطوم حييل
فطوم:حبيييبتي انتي
زيون:عااد تصدقون يوم خالد قال اسمي بالمجمع ماستوعبت ماتوقعت انه يتذكرني واهم قالو انه فقد ذاكرته انصدمت ماتوقعت انه يتذكرني لمه الحين اخر شي طلع فاقد الذاكره مؤقتاً ليش جذبو علي مادري
مريم : حياتي الحمدالله على كل حال
فطوم : اي والله المهم بنات ترى حد امي يوعانه
----
وبس وخلصت الروايه
ان شاءالله يارب عجبكم ويعطيها العافيه بنت عمي العبيطه
ماقصرت وانا كتبت اخر بارت وماكتبت ولا بارت بس تدرون جامعه وحاله الله كريم بس
يالله سلم لم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تجميعي / ♫ معزوفة حنين ♫..
اللهم لك الحمد حتى ترضى وإذا رضيت وبعد الرضى ,,, اضف تعليقك