رواية نهاية العشق الراحة من العناء -1
حبايبي احلى عالم زوار واعضاء غرام
ابدخل في احداث القصة سريع سريع
الابطال :
• ألين ( بطلة الرواية اللي هي أنا ) : بنت حلوة عيونها عسلية شعرها كستنائي بشرتها بيضاء وطويلة ورشيقة وخفيفة دم و حبوبه وتدخل القلب من أول مره .
• الجوري : صاحبة ألين الروح بالروح وبنت جيرانهم و يتشابهوا مره عيونها عسلية وشعرها طويل مقصوص قصة الفراولة وبشرتها بيضاء وجسمها رشيق وطويلة و وحيدة الماما والبابا مره ناعمة و جميلة .
• يارا : توأم صديق خال ألين وزميلتهم بالمدرسة دلوعة و شايفة نفسها بزيادة مو بيضا ولا سمرا بشرتها حنطاوية عيونها بني غامق في شبه بسيط بينها وبين أخوها .
• لوجين : بنوتة كيوت و كشخة وبنت عز و دلال أبوها مليونير بس رافض وجودها بحجة أنها جاية بطريق حرام وهي صارت تسمع القصة من كل شخص وتظن أنها حقيقتها بس الحقيقة غير ونتعرف عليها الأحداث القادمة و لوجين بنت بيضاء وطويلة نوعاً ما و شفايفها ورديه وخدودها حمرة وشعرها أشقر على بني ناعم و يوصل لنص الظهر .
• حسام : خال ألين واخو جوليا لبناني ما خذ جنسية سعودية عمره نفس عمر ألين بالضبط حبوب واجتماعي و وسيم وجذاب عليه عيون واسعة تذبح لونها رمادي على ازرق وابيض من الين وشعره لونه بني فاتح أبوه مات الله يرحمه وأمه متزوجة واحد ثاني وهو ينام مره في بيت أخته أم ألين و مره في بيت أخته أم أمواج بس علاقته اكبر في بيت أم ألين مع ألين .
• دانيال : ولد خال حسام و عايش بالسعودية بروحه من عمره سنتين أمه وأبوه تركوه مع الخدم بس ليش نتعرف على السبب في الأجزاء القادمة وعيونه واسعة وسودا وبشرته حنطاوية وشعره اسود وناعم .
• نادر : زميل حسام من الروضة وعلاقتهم مرة قويه ببعض وهو توأم يارا و أبوه متزوج وحدة ثانية وأمه متية من زمان فيه شبه بسيط بينه وبين يارا بالذات في العواين والشعر نفس الشيء تقريبا
طبعا في شخصيات تظهر في الرواية بس ما هي من الشخصيات اللي مهم نذكرها ونذكر مواصفاتها .
الفصل الأول : الجزء الأول : 1 /1
ألين : 13.4 سنة .
الجوري : 13.5 سنة .
حسام : 13.6 سنة .
يارا و نادر : 13.5 سنة.
دانيال : 13.7 سنة .
ألين جالسة من الصباح تصارخ : يمه وين كتبي ؟
أم ألين : وجع أن شاء الله قعدتي الجيران من هالصريخ .
ألين : بسررررعة وين كتبي ابغى اروح المدرسة بسررررعة.
أم ألين :يا مهملة كتبك على الطاولة وعمى .
ألين : اوك شفتهم خلاص .. خلاص.
ألين اخذت كتبها وهي تتحلطم : أف وش هالبيت ما يقدروا أن فيه مراهقة قمر حلوه مثلـــ...
ما مداها تكمل كلامها ألا نط لها حسام : بلا هذرة زايدة يلا صاحبتك الجوري جات اطردها .
ألين اخترعت : بسم الله .. جنانوة انتوا تخرعون الواحد غصب .. ومن سمح لك تدخل غرفتي .. ويا ويليك لو طردت الجوري بس ...
حسام : شوي ،، شوي أكلتيني بقشوري ترا انا خالك مو الخدامة .
ألين تتأفف : اوك اطلع وانا وراك .
الجوري كانت قاعدة في الصالة ومر حسام وقعد يطالع فيها وقعد يقول في نفسها ( اذا هذا جمال رباني يا رب يدوم عليها ولا انحرم من شوفته )
والجوري نزلت راسها في الأرض من نظرات حسام ..
ألا دخلت ألين وشافتهم وقامت تغني : الحب غير معنى الكون .
خلى لو طعم وشكل ولون .. سكر زيادة ... لا مش بعادة انا حاسة اني هطير .
حسام صرخ فيها : الين تأدبي احسن لك .
ألين راحت ووقفت جنب الجوري وقالت : أه يا حلو الحب ع أصحابه .
الجوري بارتباك : يلا عاد خلونا نروح المدرسة احس أن حنا تأخرنا .
وطلعوا وركبوا السيارة وألين بتغني : أحم أحم .
حسام : عز الله فلحنا غناوي من الصباح لا فيها المسالة رسوب اكيد .
ألين ما هتمت وكملت : ياللي على البال تطري وانت ما تدري
وش ذنبه اللي يحبك وانت خليته ؟
وش ذنب قلب ٍ رسم لك حبّه العذري؟
وش ذنب دمع ٍ علي طاريك هلّيته ؟
لو كان عمري بيدّي فدوتك عمري
لكنّ عمري بيدّ اللي ترجّيته
إنه يرد الزمان اللي علي خبري
وأعيش ليلك وحلم ٍ كم تمنيّته
يوم إن قلبك بصدري وأنت في صدري
ضيف ٍ سكن بالحشا وأثر الحشا بيته
الأيام تجري وعمري بالشقا يجري
حتى الشقا منك رافقته وحبيّته
أصبر على حالتي ويملّني صبري
وأعيش في لوعتي وآقول يا ليته
والليل في ناظري يا صاحبي يسري
والشعر لاجل الهوي جبته وغنّيته
وإذا تكلم عذولي قلت له عذري
إن الهوى يذبح العاشق .. وأنا جيته
وإلا أنت ما تدري إنك كل ما تطري
يصيح بين الحنايا شيْ خليته !!
وكانت جزمة حسام كل شوي تنفتح وكانت ألين تقول : الحب وما يسوي .
طبعا ألين كانت تعرف أن الجوري تحب حسام خالها .
قالت الجوري بهمس : وش قصدك بهالكلام .
ردت عليها ألين : يقولوا لو انفتحت خيوط تاجزمة حقك يعني حبيبك يفكر فيك .
قالت الجوري بعصبيه : أوكيه خلاص ترى بزعل .( وطالعة النافذة )
وحسام كان يطالع فيها من المرآآية بس هي مو حاسة كانت حدها معصبة .
******************
وصلت الجوري مع ألين الفصل و الجوري كانت زعلانة من كلام ألين حتى ما كلمتها .
ألين ما تقدر على زعل صاحبتها ورفقت عمرها : خطيبة خالي شفيك ؟
الجوري تقلد الاطفال : مابي خالك خليه منقع عندك .
الين مصدومة : ليه حياتي والله اسفة وما كنت أقصد صدقيني
الجوري : لا والله احرجتيني بصرااحة من هالكلام .
ألين : بس انا طولت عمري اقوله لك .
الجوري قاطعتها : ايه تقوليه لين صرنا بروحنا مو مع خالك .
الين : والله أسفة ما كنت اقصد .
الجوري بابتسامة تذبح : وانا اقدر ازعل منك دقيقة وحده بس
الين : تدرين أن حسام اليوم انقهر مني لما جيت وغنيت الدنيا حلوة بالذات مقطع الحب غير معنى الكون .
الجوري : وجهه صار احمر .
الين : كذابة وانتي بعد .
ألين & الجوري : هههههههههههههههههههههههههه
بعدها دخلت المعلمة ومعاها طالبة عمرهم ما شافوها بالمعنى طالبة جديدة .
الفصل الأول : الجزء الثاني : 1/2
المعلمة : هاذي طالبة جديدة واسمها يارا أتمنى تكون زميلتكم وترحبون فيها عدل .
ألين تهمس للجوري : يا ربي وبعد طالبة جديدة ... أف زهق .
الجوري : تادبي ترى شكلها تقعد جنبنا .
الين : هااا .. ليه .
الجوري : لآن الكرسي اللي جنبنا فاضي بالعقل يعني .
ألين : اف والله زهق .
المعلمة : يارا روحي قعدي جنب ألين والجوري ( واشرت ع الكرسي الفاضي )
يارا : حاضر أن شاء الله .
وراحت جلست جنب ألين و الجوري وألين حدها زهقانة حطت راسها على الطاولة من شدت الملل وأما الجوري فحاولت تتعرف على يارا بس المعلومة تطلع من عند يارا بالموت والهلاك .
********************
حسام دخل الفصل معصب وصفع بالكتب بالطاولة .
دانيال : عسى ما شر .
نادر : وش فيك لا يكون ما ذاكرت .
حسام : هيه انت مع وجهك قالوا لك داااافور .
دانيال : اجل وش فيك .
حسام : لا بس بنت أختي فشلتني تفشيل مو طبيعي قدام الجوري.
نادر : لا بس أحلللللللللف بقوة.
حسام : والله .
دانيال : انزين قول وش صار .
وقال لهم حسام كل القصة وطبعا انصدموا وماتوا ضحك .
نادر : هههههههه الله يقطع بليسك وبليس بنت أختك طلعتوا مو هينين .
حسام : عيب عليكم فشلتوني .
دانيال : والله طلعت زلمة ع قولتنا .
نادر : ههه ألا صحيح بقول لك اختي نقلت اليوم للمدرسة اللي فيها بنت أختك .
حسام : و انا وش دخلني
نادر : ابغاك توصيها ع اختي تراها غالية عندي .
حسام : ليه قالوا لك ديوان موظفين .
نادر : بس اخو دنيا .
دانيال : أي والله .
نادر : واليوم غداكم عندي .
حسام : انزين .. انزين سكتوا الاستاذ جا .
دانيال : قلنا داافور .
حسام : وجع .
الاستاذ حس فيهم وعطاهم نظره سكتوا فيها .
*************************
الجوري تعرفت على يارا و يارا تعرفت على ألين وعرفت أنها بنت أخو حسام .
يارا: ألا انتي يا ألين عندك خال لبناني صح .
الين مصدومة : أي بس ليه السؤال .
يارا: لا بس .. لان اخوي يعرف واحد اسم بنت اخته الين .
ألين : اي عندي .
يارا : اسمه حسام على ما عتقد .
الجوري قاطعتها : أيوه بس تعرفنه من قبل كذا يعني .
يارا : اخوي التوأم يقول أن حسام كل سواليفه عن ألين و جور
ألين شهقت : جور ... يعني طلع عاشق متيم ويدلع بعد .
الجوري : وبعدين .
الين : خلاص .. لكن راح اراويك تقول اسمي عند الشباب اروايك يا زلمة .
الجوري & يارا : ههههههههههههههههههه
( يارا كانت معجبة في حسام بس ما بينت لهم )
يارا : اوكي اليوم راح تتغدون معي اوكي .
الجوري : اوكي بفكر
الين : اهم شي انه يشبع .
يارا : هههههه لا تخافي يشبع ويسمن .
ورن الجرس وخلص اليوم الدراسي و طلعوا طبعا حسام ودانيال ونادر جايين بسيارة وحدة .
ركبت الين وهي تصارخ تفكر حسام حاي بروحه وشافت دانيال ونادر واستحت وجلست وبعدها نزل نادر ينادي على اخته .
دانيال من ركبت الين السيارة وهو يطالع فيها وقطع عليه حبل افكاره حسام : اقول متى بتروح لنادر علشان الغدا اليوم .
الين كان عادي تتكلم قدام شباب وجديه وقالت : لا ع كيفكم احنا اليوم بنروح لاخته يارا ع الغدا.
يارا قالت : لا عادي انتوا معي وهم مع اخوي .
ويارا كانت جالسة جنب الجوري قبال حسام والجوري ما تكلمت ولا كلمة .
الين قالت : والحلوين ما سمعنا رايهم .
الجوري : انا والله ماللي خلق امي وابوي مسافرين اليوم وما بيرجعاوا ألا السبوع الجاي .
دانيال : يعني زيي حتى انا امي وابوي من جابوني وصار عمري سنتين وانا عايش مع الخدم .
الجوري : لا امي سافرت مع ابوي لانه شغل مهم .
الين فرحانة : يعني بتنامي معنا خلاص.
الجوري : مدري بفكر ع حسب الظروف .
كانت تقول هالكلام وهي تطالع في حسام .
حسام : ترى احتمال جوليا & امواج يجوا الليلة او اليوم العصر من لبنان .
الين : عيب عليك فضحت اسامي البنات كلهم يا عم استح على وجهك حتى اسم اختك بعد .
حسام : لا بس حبيت اقول لك .
الين : اها .. اوكي خلاص .
الجوري وصلت أول وحده ونزلت واخذت قلب حسام معاها .
وصارت يارا قبال حسام وتطالع فيه وهو مو مهتم فيها ويطالع النافذة ونادر حس أن اخته فيها حاجه وقال لحسام : حسام بدلني بمكانك ( وبدله حسام )
وصار حسام قبال الين ويارا قبال نادر ، وبعدها وصلت يارا وأخوها .
نادر وهو بينزل : مو تنسون نشوفكم ع الغداء .
حسام & دانيال : أن شاء الله .
حسام بعد ما نزل نادر : شكلي بروح اليوم بيت اختي ام أمواج .
الين خافت وصرخت :لااااااااا ( طبعا بيت أم امواج قبل بيتهم ).
حسام همس ليها : لا بنزل هناك وترى دانيال ما بيعمل لك شيء
الين بدون نفس : اوكي
ولما وصل حسام نزل وتركها مع دانيا لبروحها ودقات قلب الين صارت طبول ويطلع صوتهم لبره .
دانيال تكلم بعد طول فترة من الصمت : ليه خايفة مني تكلمي ... مو انا اصير قريبك ولا لا .
الفصل الثاني : الجزء الأول : 2/1
جوليا : 16.8 سنة .
أمواج : 16.9 سنة .
بعد ما طلعت الجوري من عند ألين من غرفة ألين وهي تركض راح حسام يركض وراها .
حسام : جور .. جور .. وقفي ..
الجوري وقفت وقالت في نفسها ( أول مره ينادي ويقول لي جور ويا حلوها من لسانه )
حسام : ليه تبكين ؟
الجوري : مسحت دموعها : انا لا ابكي ولا شيء هاذي دموع الفرح لأن الين قامت بالسلامة .
حسام : انزين خليني اذوق طعم دموعك.
الجوري : قلت لك ما فيني شي انا فرحانة لالين .
حسام : علينا هالحركات .
الجوري استحت وقالت : انا باروح البيت اجيب ملابس لالين الدكتور قال احتمال تطول في المستشفى.
حسام في داخله ( والله اصيلة ) : اوكيه باي .
******************
مشت الجوري ونست اللي صار وهي طالعة شافت بنت من قدهم ماسكة كيس دوا ومو قادرة توقف .
الجوري حاولت تسندها على كتفها : وش فيك ؟
ردت عليها : انا تعبانة شوي .
الجوري : وش اسمك .
ردت : لوجين .
الجوري : تعالي استرحي معي بالسيارة .
لوجين : حااا...ظر
وركبت لوجين السيارة مع الجوري ..
الجوري: اقول لوجين انتي شفيك بالضبط ؟
لوجين : انا معااااي الكلى .
الجوري : انزين ليش ما جيتي مع ابوك .
لوجين : بابا ... انا اكرهه .. بابا ما همة ألا الفلوس
الجوري: لا حرااااام .. تقولي عن ابوك كذا .
لوجين : انا اصلا ما اشوفه ألا في الشهر مره .
الجوري تناظر الساعة : المهم انا الحين باروح بيت خالتي بجيب ثياب لصاحبتي تجين معي .
لوجين : اوكيه .. وش وراي .
الجوري : تصدقين ارتحت لك .
لوجين : وانتي بعد تدخلي القلب من أول نظره .
*******************
ووصلت الجوري بيت ألين واخذت لألين كم فستان على كم بدله .
واخذت لاب توب الين ومفكرتها وكم حاجه .
وطلعت للسيارة للوجين وتوجهوا للمستشفى .
***********************
الجوري & لوجين وصلوا المستشفى وكانت لوجين لابسة العباية ومفتوحة ولابسة الطرحة ع اكتافها وخصلات شعرها تتطاير مع الهوا نادر انصدم معقولة في بنت عليها جمال مثل ذي ..
حساام : خلاص امحي اثار الصدمة من وجهك .
حساام : من دي القمر يا جوري .
الجوري عصبت لآنه قال عن لوجين قمر وهي بالطقاق : مالك شغل فيها
حسام : والله ما كنت اقصد .
الجوري طنشته ومسكت ايد لوجين ودخلت معها لغرفة ألين ..
********************
دانيال يكلم حسام : رحت تضبطها .
حسام : عيب عليك .. عندي القمر .. اروح للنجوم ..
نادر : والله هي حلوة وكيوووت ومعه الواحد حق يروح يضبطها .
حسام : نادر وش فيك .. حب من أول نظره .
نادر : لا بس هي قمر 15 يا ربي (وكان يقولها وهو ذايب ).
حسن : يا روميو تأدب تراك فاضحنا .
نادر : انا خلاص بمشي (وقام بيطلع ).
دانيال : تعال واختك .
نادر بنبرة ذااايبة : أي صح روحوا نادوها لي .
حسام : انا بناديها .
دانيال : علشان تشوف قمر 14
حسام : لا علشان أشوف قلبي .
دانيال : بنشوف .
وقام حسام ودق الباب ...
***************
فتحت الجوري الباب وهي تغني ....
حبيبي طب حقك عندي .. أنت اللي في الدنيا فضل لي .. طب لي تزعل أواااااان .. وحياتي اوعه تكبرهاااا ...كلمة هتبعد غيرها ... انا البي وحياتي ليك ..
الجوري سكتت وبدون نفس : هلا حسام ..
حسام : قولي ليارا ان أخوها بيمشي .
الجوري : اوكيه ..... يارا اخوك بيمشي .
يارا : انزين الحين بطلع
طلعت يارا وكان حسام واقف عند الباب بس مشى .
***********************
ألين : والله انك حلوة يا لوجين .
لوجين : هذا من ذوقك .
الين : ألا ما قلتي لينا ا جور تصير لك .
الجوري بتتكلم ألا قاطعتها لوجين : هي بنت عم جد خالي امي .
ألين : ول ول النسب طويل عريض .
الجوري : أي .. أي
دخلت الممرضة : انتهى وقت الزيارة .
ألين : اوكيه .. اشوفكم بكرة ... باااي .
الجوري : اوكيه بااااياااات .. نامي عدل ..
ألين : أن شاء الله ماما
الجوري : هههههه حتى وانتي مريضة .
الفصل الثاني : الجزء الثاني : 2 / 2
• طلال : خال لوجين وسارق قلوب البنات ومعذبهم ألا وحده راح تعذبه عذاب من هي علشان تعرفونها اقروا الرواية ومن هوياته الانترنيت و الشات وMsN وهو آخر العنقود و كل بيتهم بنات بس متزوجين بس شكله عذاآاآاآاآاآاآاآاآاآاآاآب عيونه لونها زيتي و طويل و ابيضاني و مثقف نوعا ما .
الين : لو سمحتي جيبي لي لاب توبي .
الممرضة : اوكي .
الين : شكرا .
الممرضة : المهم لا تطولين خلصي ونااامي .
ألين بتأفف : انزين ( قعدت تتحلطم ) حتى في المستشفى يراقبونا .. اف زهق .. خليني اشبك بالنت اللاسلكي .
وطلعت الممرضة و ألين تحاول تخليه يشبك : يلا عاد .. يلا .. واخيرا ..
وفتحت ماسنجرها وشافت دانيال شابك وكاتب نك نيم ( مسكت ايدك بقوة قلتي لي اتركها وتركها بس تمنيت تقدرين حبي بهالسرعة ) وحاط صورة قلب في قفص .
وكلمها ع المحادثة :
دانيال : هلا .
ألين في نفسها ( وش يبغى ذا بعد ) : اهلين .
دانيال : كيفك ؟
ألين في نفسها ( يسوي نفسه ما يدري ) :مو بخير .
دانيال : أفا ليه؟
ألين : اللبيب بالاشارة يفهم ..
دانيال : انزين انا أسف و اوعدك ما راح يتكرر هالشيء مرة ثانية .
ألين : اوكيه بفكر .
وطلعت من المحادثة وحطت ( أوف لاين ) وقامت تدور في المنتديات ودخلت منتدى وكان فيه شااات وقالت : خليني اسلي نفسي بس ..
ودخلت شات فيه واحد نكه فيه ( الحب غلطة الكل بيندم عليها )
وكان هذا خال لوجين طلال .. وبصرراااحة نكه عجب الين ودخلت تكلمه :
ألين ( عيون القمر) : هلا .
طلال ( الحب غلطة الكل بيندم عليها ) : أهلين وسهلين ؟؟ كيفك ؟
ألين ( عيون القمر ) : الحمدلله وانت كيفك ؟
طلال ( الحب غلطة الكل بيندم عليها ) : الحمدلله تمام بس منو معاي.
ألين ( عيون القمر ) : معك عيون القمر ..
طلال ( الحب غلطة الكل بيندم عليها ) : ههههههههه أقصد اسمك الحقيقي.
ألين (عيون القمر) : أسمي جوليت ..
طلال ( الحب غلطة الكل بيندم عليها ): وانا روميو يا جوليت..
ألين (عيون القمر) : يلا عاااااد بلا سخافة ..
طلال ( الحب غلطة الكل بيندم عليها ): أنا طلال محمد سعود الـ.......
ألين ( عيون القمر) : الـ...........
طلال ( الحب غلطة الكل بيندم عليها ): ايه .. مصدومة..
ألين ( عيون القمر) : يعني أنت ولد المليونير محمد سعود
طلال ( الحب غلطة الكل بيندم عليها ): ايوه
ألين ( عيون القمر ) : اها بس غريبة انت تدخل شات .
طلال ( الحب غلطة الكل بيندم عليها ):لا مو الغريب ألا الشيطان ،، المهم انا الحين باطلع اخذي ايميلي وضيفيني : T********@hotmail.com.
الين اخذت الأيميل وضافته وسكرت اللاب توب ونامت .
******************
لوجين رجعت مع الجوري بيتها وقعدوا يسولفون والشبسات والشكولاتات والعصيرات ع الطاولة ألا رن التلفون ...
الجوري : آلوو
حسام ( يا حلو هالألو ).
الجوري : الو مين معي .
حسام : اهلين .
الجوري بدون نفس : خير أن شاء الله .
حسام : حبيت اطمئن عليك بس .
الجوري : انا بخير مادمــ....
حسام : مدام شنو .
الجوري : لا ولا شيء اوكيه باااااااااي .
حسام : بايات ( وسكر )
الجوري طبعا كانت بتقول انا بخير مادمت انت بخير .
وبعد ما قفل راحت تكمل الهذرة مع لوجين .
*********************
أما يارا فكانت حدها معصبة حيل لآن محد جا عزومتها حقت الغدا .
يارا ماده بوزها شبرين : ولا كأني موجودة ..
نادر سرحان :هاا .. لا بس وش تبغين يعني ..
يارا : يعني فكرك في وحده ثانية غير أوخيتك القمر .
نادر: يارا وبعدين معاااك .
يارا : انا ولا انته .
نادر بعصبيه وتأفف : أوووف اقوم أنام احسن لي .
يارا بدون نفس : تصبح ع خير .
نادر : وانتي من اهله ( ودخل غرفته وسكر الباب )
بعدها يارا قالت : أووووووف ... والله طفش ... قهر ... ملل
الفصل الثاني : الجزء الثالث : 2 / 3
أمواج في غرفتها وقبل لا تنام قاعدة تهذر مع جوليا : تصدقين جوليا أحس أن حسام هالأيام متغير .
جوليا : أكيد خمس سنوات ما شفناه .
أمواج : لا اقصد أنه يوم شافك ارتمى بحضنش كانه مليون سنة ما شافك .
جوليا : أكيد .. طفل زيه فقد ابوه وهو في الروضة وامه تخلت عنه ع شان زوجها واخته هي الوحيدة اللي اهتمت فيه وش تبينه يسوي لما يشوفها ، وانتي تعرفين أن امك الله يرحمها و خالتك ام الين ما تقبلوا وجودنا بسهوووووولة .
أمواج بضيقة خلق : ليت بس ابوي يحس فيني أمي ماتت وخلتني مع اب ما في قلبه أي ذره ابوه او عاطفة تجاه بنته .
جوليا : عيب عليكي هالكلام مهما صار هيدأ ابوكي .
أمواج وعيونها مليانة دموع : احس اني من وعيت على هالدنيا والمشاكل تتحذف علينا من كل صوب .. لما جابتني امي ماتت وابوي تزوج واخوي الكبير انتحر .
جوليا حضنت أمواج وقالت : موج حبيبتي لا تبكين .. انا ما اخبرك كذا .
امواج زادت شهقاتها بالبكي و زادت في الصياح وهي تصيح سمع صوتها حسن وهو مار ع غرفتها فدخل : أمواج وش فيك تبكين .
أمواج مسحت دموعها : لا بس عيوني دخل فيها .
حسن : تبين اوديك الطبيب.
أمواج : لا ما يحتاج .
حسن : اذا بغيتي أي شي ناديني انا بنزل الديوانية عند الربع .
أمواج : اوكيه .
جوليا بعد ما طلع حسن : يلا عاد شفتي حتى حسن أخوك حس .
أمواج : اوكيه خلاص مسحت دموعي .
جوليا حبت تغير السالفة : تعالي بسألك تعرفين هالبنت الكيوت الحلوة اللي جات مع الجوري .
امواج : لا أول مره اشوفها .. بس عيلها جمال يطير العقل .
جوليا : أي والله بسم الله ما شاء الله عليها قمر تهبل .
أمواج بغرور : أي بس انا أحلى .
جوليا & أمواج : هههههههههههههههههههههههههههه .
***********************
• رائد : ولد عم جوليا وحسام توأم مع أخوه سائد يتشابوهن مره مره لدرجه انك ما تقدر تفرق بينهم بس الفرق البسيط أن رائد عيونه زرقاء ويدرس هندسه.
• سائد : ولد عم جوليا وحسام توأم مع أخوه رائد يتشابوهن مره مره والفرق البسيط هو أن سائد عيونه خضراء ويدرس طب .
وتمر الأيام ولا حد حاس فيها والكل يكبر جوليا كبرت و خطبها ولد عمها سائد وأمواج خطبها التوأم حق سائد رائد و دخلوا الجامعة ..
وحسن تزوج بنت عمه وجاب بنت سماها شفق ..
*********************
الفصل الثالث : الجزء الأول : 3 / 1
جوليا : 18.7 سنة .
أمواج : 18.8 سنة .
ألين : 16.5 سنة .
الجوري : 16.6 سنة .
دانيال : 16.9سنة .
حسام : 16.7 سنة .
يارا & نادر : 16.5 سنة .
طبعا الكل كبر وعقل ألين كبرت وعقلت وصارت بالثانوية وصار كل همها الدراسة ..
ألين : يمه .
أم ألين : وصمه ..
ألين : يمه انا ابي اسافر بره اكمل دراستي .
أم الين : احنا ما عندنا بنات يسافرون بره .
ألين : وليش أن شاء الله ؟.
أم ألين : البنت ما تطلع من بيت أهلها ألا لبيت زوجها .
ألين : أف .. أمثال فاضية ..
أم ألين : أقول قومي عن وجهي .. احسن لك.. لين فلحتي بالثانوية تكلمي بعدين .
ألين : أف من هالبيت .. يحطموا الواحد غصب .
وقامت وهي حدها معصبه لغرفتها .
**********************
دانيال في البيت بروحه كالعادة يراجع امتحان الحاسب ألا يرن التلفون .
دانيال : ألو .
... / هلا باحلى ألو .
دانيال بلع ريقه : بابا .
أبو دانيال : ايه بابا يا بعد روح بابا انت.
دانيال قام يصيح : وينكم عني 14 سنة ما شفتكم..
أبو دانيال : لا يا بابا الرجال ما تبكي .
دانيال : بابا انا مشتاق لكم كثير
أبو دانيال : واحنا بعد ..
دانيال : ماما جنبك ولا لا .
أبو دانيال يناظر زوجته وهي نايمة : ايوا جنبي بس هي نايمة الحين .
دانيال : أوكيه سلم لي عليها لما تصحى .
أبو دانيال : واصل أن شاء الله .. تامر ع شي.
دانيال : سلامتك بس متى راح تيجوا ..
أبو دانيال : الله أعلم ..
دانيال : بليز بابا اذا قررتوا تيجوا اتصلوا علي .
أبو دانيال : حاضر .. المهم اخليك الحين مع السلامة .
دانيال : مع السلامة .. ( وسكر الخط)
ابو دانيال كان متحسف انه ما قال له عن أمه المريضة بالسرطان واللي هي تعالج لحد الآن ولا حتى قال له عن خواته غلا وحلى .. وهو كان خايف يقول له وينصدم او ما يتقبل الوضع ..
أما دانيال فجلس يفكر هل امه تغيرت هل ابوه تغير هل ... هل ..... هل ....
أسئلة كثيرة تطري على باله ....
******************
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك