رواية العرس حلم يراود كل فتاة -2
لفيت على عهد مره ثانيه واللي انا وياها نفس الطبايع شفت الشعر منكوش وهو مجدول والجدله طويله وبنت الحلال ماعندهاا قذله يعني الصنديحه ياكبرها كبراه انا في يوم كنت نفسهاا بس الله ستر وطلعت لي قذله بعد معناة اترجي امي تقص لي قذله لان الوالده اكره ماعندها المقص يطب شعورناا << بحكمه انه الشعر الطويل يستر يوم القيامه يوم الناس كلهم سلطن ملطن
المراد
قمت ورحت للحمام وغسلت وجهي وطلعت ورحت للمطبخ اسوي الفطور وكانت الساعه في ذاك الوقت على ما اظن الساعه 6 لا استغفر الله 8 لان يوم قمت إلا جدتي قايمه من مبطي وجدتي ماتقوم الا لساعه 7 و43 دقيقه في انتظار قهوتها
المراد سنعت الفطور ودلة القهوه لجدتي عقب مافرشت الفرشه لها بالحوش تحت النخله جلست تتقهوى وانا اكمل ترتيب البيت والخم والكنس يوم خلصت الا جتني عهد تتمخطر تبي تفطر كذا بالساهل ..
انا: وامسكهاا : مافي فطور الا لما تغسلين الملابس
عهد: ابج قولي لا أله الله الله
انا: لا اله الا الله
عهد: محمد رسول اله
انا: محمد رسول الله
عهد: وتقلد الهنود : أشهدوا ان
انا: يبنت الحلال والله مسلمه وربي اخلصي علي
عهد: بغسلهاعقب الفطور
انا" لا هللحين
وتدخل علينا المطبخ عذاري عقب مالبست روبها الحرير الابيض ومرسوم عليه ورد جوري احمر وواصل لتحت الركب ولابسه نعول ريش
عذاري: هاااي
انا وعهد: هايات
عذاري: وتسحب لها كرسي وتجلس على الطاوله اللي بالمطبخ البلاستيك عقب ماسكبت لها عصير بردقان من الثلاجه
انا وعهد: نطالعها بستغراب : اخص يالذربه تشرب عصير على الصبح << لاتستغربون يعني ليش مانعرف طبايعها من تطلقت امها وهي عند ابوها الدكتور وماجتنا عاشت عندنا الا قبل شهرين لان ابوها يموت عليها حيل ..
عذاري: ابوي ما اتصل
انا: وش درانا عنه
عذاري: طيب انا طالعه اخذ لي شور لو اتصل بلغيني
انا: حاظر مو انا سكرتيره عندك
عذاري: بغرور : اكيد
انا: وكنت بقعد فوقهاا واحاول ألحقها بس مسكتني عهد اللي نفخت في بطني لين هديت
انا: ايتها الدلوعه الماصعه اجل حتى كوبها ماتغسله كوت لها كم ثوب وبغت تموت علينا هذا اللي ناقص نشتغل لهاا ..
عقب فطورنا الصباح رحت انا وخيتي العزيزه لغرفه المعيشه نشوف برنامجنا المعتاد تلفزيون الاطفال خخخخخ
المهم ولا يرن التليفون وكل وحده فينا تعزم الثانيه تشيل التلفون
انا: ياوخيتك ردي عليه
عهد: يابنت انت اخف
انا: أي اخف والله اني شحوم متراكمه
عهد: تفكين خففيها وروحي ردي عليه
انا: يابنت انتي حركي دمك وردي عليه
عهد: ياحول ورى كل انا وانتي وش وظيفتك
انا: وظيفتي اكنس واطبخ
عهد: يامسكينه كني انا ماعونك في الشغل
مادرينا ولا يوقف رن التلفون
انا: جت منه احسن
عهد: طقت كبده ومحد رد عليه
انا: لا يكون ابو المفعوصه
عهد: ليته
انا:هههههههههههههههههههههههههههههه
ويرن التلفون مره ثانيه ولا تدخل عذاري
عذاري: انتم ماتسمعون التلفون
انا: إلا نسمعه
عذاري: وليش ماتدردون
عهد: لعااانه
عذاري: تلعنك انتي وياها وترفع السماعه
عذاري: أأألو
هاي باباي
مشتاقه لك حيل حيل حيل
ههههههههههههههههههههههههه
حبيبي باباي والله
انا وعهد كنا فاتحين فمنا على الاخر ياحلو الدلع حلوااه
بباي الله يخليك جيب لنا خدامه
أي أي ماعندناا
ههههههههههههههههههه
الله يخليك لا تكسر فيني
بتمرنا اليوم
طيب زين الساعه كم
خلاص راح اقول لمجودي وودي طيب
باي باي
وباست السماعه وعقبها ردتهاا
وحنا شهقنا خوش شهقه .. يافضحي تبوس ابوها
مو انا وعهد ماعرفنا الوالد رحمة الله عليه ولا عمرنا بسنا رجال حتى اخواني
يااااااااو يافضحي اتخيل اني بس حبيت اخوي ...؟...
المراد
وتمسك عذاري الريموت وتقلب القنوات واللي مافيها غير كويت الاولى وكويت الثانيه وكويت الرياضيه وكويت الرابعه << شخباري شالوها من زماان
عذاري: ماعندكم ستلايت
انا: لا حرام
عذاري: طاع هذي شنو حرام في قنوات زينه مو كل الستلايت حرام
عهد: عيب جيرانا يشوفون عندنا دش وشيقولون اهل البيت مارجين
عذاري: واااي وااي شنو هذا
المهم
انا وعهد متعودين على القنوات ولانطالب باكثر الحمد لله مستوره رحت نزلت مسجلتي ام ليتات
وحطيت على الراديوا ولا تطلع اغنيه
لي ثامر حصني << مدري هو صح ولا خطأ
اللي اغنيته كلها يتارع
أأأع
<<كل مره بشوفك فيها يبأه نفسي أأأ أأه
ادري اني بدعت بالاغنيه بس ماعليه مشوها لعيوني ..
المراد وقامت عذاري تهز مصاري وترقص وانا وعهد منصدمات حنا غير ردح البدو مانردح حتى الدوسريات مانرقص
كان انتهيض انا وعهد على الاغنيه
قمت انا ألفح بشعري واردح بدوي
وعهد كنها عجوز تلعبني ناسفه العباة تلاعب
ادري ان شكالنا غلط بس حلو روح التجربه
يعني اغنيه مصريه وحنا ردح عجايز الله تخيلو معاي المنظر الحمد لله ماكان في هاك اليوم بلوتوثات كان تلقون المقطع منتشر بكل مكان << يادجه فيه بس انتي ماتعرفون شي
طبعا بنت اختنا الماقصه ميته ضحك علينا وتحاول تسوي نفسنا بس لو شنو ماتقدر تردح مثل ردحنا اللي يدك القاع اللي يزلزل الارض تحتنا اللي ردح يخلي كل مافيك يرقص
حتى اكثر (اذكر) جارنا بو حمود الحظري طلع يهاوش مع هالفره
بو حمود .. عيب عيب في ناس بتنام
انا: احد ينام القايله
بو حمود .. من الحره قام يردح هههههههههه
.....................
المراد
دخل علينا اخوي ناصر الدختر ويطالعنا وحده نااقد مو اول مره يشوف هالمنظر الغريب كل مادخل يشوفنا بشكل جديد .. وقف وهو مكتف ايدينه ولابس بنطرون اسوود فيه مخابي كبار على جنوبه وتي شيرت بيج عليه روسومات كريزي وشعره طويل يطير مع الهواا .
سبحان الله الوالده عيالهاا مزايين لكن سبحان البنات قمه في الجكر مدري ليه اللي يشوفنا انا وعهد ويشوف اخواني ناصر ومشاري ينصدم يقول تخسون هذولا اخوانكم يعني فرق حيل هم شرق وحنا غرب ..
ناصر: امنيتي ادخل البيت وألاقيكم منثبرين بالارض يانايمات يا منهبلات
انا: وانزل راسي السموحه ياطويل العمر
عهد: نرفه عن مافي انفسناا
عذاري: أهلين خالي .. وراحت تركض له تحبه ( حبة الصباح )
انا وعهد نطالعها . بستنكار وش هالمصاعه روحي تستري عقب حبي راس خالك مو تحظنينه جعلك الساحق الماحق والبلا المتلاحق
ناصر: اهلين عذاري كيفك
عذاري: بطلع (دلع) : بخير
انا .. بصوت واطي .. حسافه
عهد: ليه
انا: هي بخير
عهد: شناويه عليه يامعلمه
انا: واضحك ضحكه شريره نهااهاهاهاهاهي قهزي الميه السخنه
عهد .. وترقص : يختي عليها ويختي عليها شمعه منور وحنطفيهاا
انا: واللي معاها راحوا فيها يختي عليها ويختي عليهاا
ناصر.. بستغراب : ريا وسكينه مو عذبيه وعهد
عذاري:ههههههههههههههههه هم كل يوم جذي بس يضحكون ماعندهم هم غير الضحك
انا: ولا في هم العرس بعد
عهد: أي والله هم العرس
ناصر: استحوا على وجيهكم عيب انا قدامكم بنات اول مايقلون هالكلام صحيح ماعاد في بنات
وانا: افرقع بصابعي: بناااااات اول مو هاللحين
عهد: هللحين البنات يخطبون الرياجيل مادريت
ناصر: والله تسوونهاا
انا: هاه ماوصيك تجهز
ناصر: وليه
عهد: بنروح نخطب
ناصر: كانت معاه شنطه لحقنا فيهاا لين دخلنا غرفتنا كان بيضربنا لولا ربك ستر ...
..........................
انا: واجلس على السرير .. عهد
عهد: بخشونتها المعتاده : نعم << لا والله اكذب قالت بالحرف الواحد هااااااااااااااه
انا: وجعااه قولي نعم
عهد: نعم
انا: اخص يالذربه قولي هااه
عهد: هااااااااااااااااااه
انا: فجرتي اذني
عهد: تقوم وتوطي في كرشي .ان ماخلصتي لا اقوم اتوطى في بطنك ..
انا: خلاص بقول عهد ودي اصير ناعمه وحلوه
عهد.. تطالعني منصدمه وبعدها بدون سابق انذار:هههههههههههههههههههههههههههههاي
ناعمه قال ناعمه قال هههههههههههههه ياحليك يا عذبيه مو لايق وربي مو لايق هههههههه
تكفين بطني
انا: واضحك .. تخيلي عاد شكلي قاصه شعري وحاطه مصاصه واتدلع بطه وتتدلع هههههه
ههههههههههههههههههههه ياحليلي حليلاه
عهد: ههههههههههههههههههههههه يابنت تكفين غيري السيره
انا: وانتفض ..جتني نفضه
عهد: يهب مسكونه علامك
انا: تخيلت نفسي دلوعه وااااااااااااااااااااااااااااااااااع
عهد: أي والله اقول ورى ما نروح للسطح نتحرش بسطوح جيراناا
انا: يالله يام الفكر
ونروح للسطح ونطينا بسطح جيرانا الي يطل على حوشهم كان معانا بطل ماي بارد وخدامهم تغسل ملابس بسطل .. نثرنا عليهاا ماي بارد وقامت ترتجف هههههههههههاي
شكلها تحفه
ونروح للسطح الثاني ولا نشوف جدتي بحوشنا تشرب قهوه ونرش عليهاالماي
جدتي: ابك ابك مطر مطر امطرت
انا: يمال الدجه مطر بشهر 7 حنا صيف صيف
جدتي: جعلك ماتربحين عذيب انزلي لا اطلع عليك نويصر يلعن جدفك
انا: بعدين حرام عليك جده اعيش من غير جدف يرضيك هالشي ..
ورحنا نركض لاخر سطح سطح جارنا ابو نوير
وحنا ننقز وتونا بنرش المااي ولا ينفتح الباب وتطلع لنا هاك البنت المعصقله اللي معاهاا جدر وتصيح فينا انتم منو وشجابكم للسطح
انا وعهد : نصيح : أأأأأأأأأأأأأأ طاحوا علينا
وقمنا نغني ونصفق .. وطااااااحوا علينا وطاحووو علينا وياويلنا ويلاه ويلي ويلي ويلي
مادرينا ولا هالبنت تنزل الجدر وترفع ايدها وترقص .. وتشيشناا : أأطلع أأطلع ششيل رووح
روح عاشوا عااشو
انا وعهد قمنا نلاعبهاا ونشيشهاا كود انهاا تنسى انا طبينا في بيتهاا ..
انا : واقصد .. ياليتـــني من بنات اليوم .. وعندي سايق وهنديه
ولساعه وحده وانا ماقوم .. وغداي كيكه وبيبسيه
عهد.. يااااااااااااااااااااااااااااااااااااااااااو اردح اردح
اما البنت فهذي بنت الحلال زيرت وقامت ترقص بهستريا انا خفت لا تكون ملبوسه فا سكت
ولا تلتفت علي
هي: كثر الله خيركم انتم من جيرانا الجدد
انا.. وامس شعري : أي حنا الجدد انا عذبيه وهذي زيتونه يووه اقصد عهد
هي: ههه ياحليكم انا نوير الا وش تسوون
عهد: كنا نرفه عن نفسنا نتحرش بخلق الله
نوير: يالله مشينا نرفه عن نفسنا
وتمسك الجدر ونروح بيت جارنا الاخر
نوير: هذا بيت خويتي محيله لحظه اناديها تلعب معناا تراهاا داجه نفسنا ..
محــــــيله محــــــــيله
محيله تطل مع الحوش .. حلوا بطنك من البلعه وش تبين
نوير: تعالي تعرفي على بنات جيرانا الجدد
محيله: اللي اخوهم قرعه
انا: أي أي
محيله: لحظه اكشخ و اجيكم كود تخطبيني لخوك ..
انا وعهد ونوير: ههههههههههههههههههههههههههههههههههههه
جتنا محيله هي واختهاا وضحه رحنا معنا طياسنا نطينا للسطح جارنا اللي بعدوا
محيله .. لحظه انادي خويتنا جوزه ..
جــــــــــوزه جـــــــوزه
جوزه.. يانعم ..
محيله: تعالي معنا بنات جدد نبيك تتعرفين عليهم
جوزه.. تهي تهي اليوم يومي بغسيل المطبخ انطروني بعد ربع ساعه اجيكم بطرش اختي خزنه عليكم
محيله: عجلي عليناا
وماهي الا دقايق وجوزه وخزنه يوصلون لناا
ونسلم على بعض وكلنا اشكالنا دجهه من امه
جوزه تكفون خلونا ننط بيت خالي تلقين بنته مريم قايمه نمرها تتونس معنا
يالله طيب
ومرينا مريم واخاذناها بعد دقايق
انا: الحين نرش على منو اذا خلصنا كل البيوت ..
عهد : على بعض
وماكملت البنت كلمتها الا وكلنا نرطش من الماء عليهم سرعه بديهيه هالبناات ..؟..
ههههههههههههههههههههههاي
مريم: يالربع مشينا بيت شلشبيل نزعجها هي وخواتهاا
انا: من شلشبيل
نوير: ذي بنت جارنا بنت المصريه يانا نكرهها كرره دايم هواش
خزنه: هي اسمها كوثر بس حنا نسميهاا شلشبل لشده شرهاا ..؟..
والله ونروح البيت ونغرق حوشهم مااء
مادرينا ولا الركض على الدرج عرفناا انهاا جت تبي تطقناا
وحنا كل وحد تجودت في طرف ثوبها ونحشناا لبيتها وتواعدنا عقب صلاه العصر نجي فووق السطح
...................
انا انزل من الدرج وثوبي يرطش ماء واضحك بكل سخافه عهدتها بحياتي
الا بستقبالي اخوي ناصر توه طالع من الحمام ولابس شورت سماوي وفنيله علاق بيضه
انا .. انصدمت مو متعوده اشوف اخواني بهلمنظر وعقبها غضيت البصر وقلت : حج يا حاج تستروا تستروا
ماوعيت إلا وناصر يضرب بالارض من كثر الضحك هههههههههههههههههههه
كان يضحك بهستريه
انا اطالعه بكل تعجب شلي يضحكه .. وبعدها راح غرفته وهو ميت ميت ضحك ..؟..
المهم كملت نزلت الدرج وليتني مانزلت
أأه كل ما اتذكر هاك اليوم احس بعوار في ساقي تهي تهي الله يسامحك يمه شوهتيني دمرتي مسقبلي المهني .. كنت ناويه اطلع طقاقه شلون اصير طقاقه وانا رجلي مشووه
أأأه بقول لكم السالفه هذا الله يسلمكم ..
يوم نزلت من الدرج وبضحكتي السخيفه المعهوده تفاجأة بوجود امي بالصاله تتفطر يوم شافتني
والماء يرطش مني وشعري مبلل ولا مجنونه اهلها تاركينها تهيت بالشارع
المراد
امي.. تشهق .. يامقصوفه الرقبه هذا وشوو
انا: أأأ ههه ذ ذذا ممممااي
امي: اجل عسل اشوفه ماي قالوا لك عميه ومنين جالك
انا: كنننت أأأألعععب بالصصصصصطح << من الخرعه نسيت حرف السين
امي: وتمسك كوب الحليب عقب ما شربت منه الحليب وترميه علي وانا اللي انقز تفاديته
انا: ههههههههههههاي ماجاني هههههههههاي
ماوعيت ولا الصحن برجلي الي انشلخ شلخ كبير رحت اركض ركض ولا ركض بسه وراها كلب مسعور
الله ذكرني بالشاعر اللي يقول
<< يامرحبا ترحيبتن اسبق من الفار .. ياللي على دربها ثمنين بسه <<
الله يخلي له لسانه ويستر عليه اجل هذا ترحيب مالت على الفره بس ... بس والله انه شاعر ورجال
المراد
وامي تتجود فيني من ثوبي وياأله على متني ياعرب وسمني الا ان امي شالتني وحذفتني على الكنبه اللي انكسرت وامي يزيد فيهاا الغيض اللي خلها تخنفر وعيونها تقلب حمر ووجهها صار الوان الطيف السبعه حتى في لحظتها كنت اتمنى لو عندي كامره كان صورتها وارسلتها لمجله يحطونها ابحث عن الاخطاء السبعه ..
المهم نكمل محور حديثناا ..
وكانت تبي تكمل ظرب لكنني وقفت بشموخ وعزه وفخر اني مابكيت عند امي ومسكت امي
وانا اتعوذ من ابليس اللي راكبها ..
انا: يمه تعوذي من بليس ماصارت ماي تغرقت فيه
امي: يوم انك ورع خليتيني اعصب
انا: يمه قولي لا أله الا الله
امي: لا اله الا الله
انا: ماصار ش هلحين ببدل ملابسي وين الغلط
امي: الغلط الكنبه مكسوره قومي صلحيهاااا
انا: نجار الله يهديك مو عذبيه بس ولا يهمك اصير لك كنبه ولا تزعلين وهذي حبة راس
امي: ياااااحول اعوذ بالله منك يابليس روحي بدلي ملابسك يالله انهجي ..
واروح اركض لغرفتي ابدل ملابسي وألبس دراعه خضراء مشجره بازرق ولبست تحتها سروال طويل احمر < صارقته من جدتي .. بس لا تعلمونهاا ...
المهم وانا نازله امي .. عقاب لك تروحين هاللحين تغسلين الحوش
انا: بس الصبح كنسته
امي: انا وش قت اغسليه
انا: طيب
واروح اخذ المساحات ..
واكفس ثوبي الاخضر واربطه حول خصري ويطلع سروالي الاحمر اللي شاريته بفلوس عدياتي .. ياكذوب توك صارقته من جدتك عادي مشوها السوالف واجد
. المهم وامسك الهوز واغرق الحوش بالماء ثم مسكت الصابون وغرقت الحوش به المهم واقعد ألعب لكم خمسات بالمساحه واقحص فيها والصابون يزلق وكانت اخر وناسه ومادرت الا وماجد يدخل مسرع ومعاه درعان وخلى الباب مفتوح وانا اصيح عليه يا رجال سكر الباب ماكملت جملتي الا والولد داخل البيت
المهم رحت بسكر الباب لانه انفتح صرت مكشوفه ماسكه المساحه وانا أركض بسكر الباب ومن كثر الصابون وانا اللي ازلق لكم من اول الحوش لين باب بيتنا ورجل فوق ورجل تحت واقوم وانا كلي الم بطه وطاحت شيقومني .. مادريت ولا سياره لكسزس قدام بيتنا كانت ليتاتها مفتوحه عقب طيحتي الليتات طفت ولا اشوف صاحب القرعه البراقه ميت ضحك حتى ان قام يضرب بيري (بوري) من كثر الضحك ..
كان ينطر اخوي مشاري بيروحون مع بعض للمعسكر معسكر الصمود
خلصت عطلتهم خخخخخخخخخخ
المراد
انا اقوم واسكر الباب بأقوى ماعندي ..
كرهته حسبي عليه بدل مايقول لي الحمدلله على السلامه اشوفه يضحك ..
ويضرب بيري مالت على هالقرعه ماعليه شرهه قرعه خخخخخخخخخخخ
اللهم لا شماته ..
عقب ماخلصت من الحوش رحت أركض داخل البيت بركض لغرفتي قبل ماتشوفني امي
مادريت وانا اصعد الدرج الا وشي يسحبني لي ورى
مدري ليه طرت على بالي بهذيك اللحظه جاذبيه لبتون << هو صح ولا خطأ ياعمي مشوها
المهم واحد اسمه على شاي نشربه مدري اسمه ريد بيبل ولا ربيع والله مخبرش
نرجع للقصه..؟؟..
وانا انسحب لي ورى ورفعت ايدي لسماء وانا ماده يدي بكل قوتي
انا .. يارب مو امي يارب مو امي ..ربي استر علي ربي امن روعاتي ..
امي: تعالي يا ملعونة الجدف ورع انتي جاهل ثوبك كله مااي ليه ليه ليييييه
انا.. واسوي نفسي ابكي واشاهق .. والله عظيم اني كنت ابي اسكر الباب ولا القرعه جالس يضحك وماجد يركض ويضرب بوري وانا زلقت كلي صابون وأأأأأأأأأأأأأأأأأأأأع
امي: كلمات متقاطعه هذي ولا شنو نعنبو دارك كم مره افهم فيك اذلفي معاد انتي مغيره ثوبك روحي عاوني اختك بالمطبخ ..
واروح اركض لختي عهد بالمطبخ وانا كلي ألم وحرقه
الجزء الثالث ..
عهد.. علامك تلهثين
انا: امي طقتني
عهد: خخخخخخخخخخخخخ مسكينه انا نحشت وماقدرت تصيدني
انا: أي العصقوله تقدر تنحاش لكن وحده نفسي وش اللي يخليها تركض
عهد : فكينا من هرجك وروحي قصي البصل وسنعي لنا الزلطه
انا: زيييين مطرح مايسري يهري
عهد: تهبين أي والله كلش ولا غداي لا تدعين عليه غداك كيفك بس انا لا
امي.. وتجلس جنب جدتي: يؤؤ يا يمه هالبنات بيجلطني ياربي دخيلك ..
جدتي: ماعليه ادري انهم مهبل بس استحمليهم لين ربي يرزقهم عيال الحلال وربي يفكك من شرهم ..؟...
امي: وترفع ايدها : يارب يارب ياللي ماتخيب ظن من رجاك انك تزوجهم وافتك منهم يارب..
اناوعهد نطلع روسنا من المطبخ : امــــــــــــــــــــــــــين
مادرينا الا بالدله على روسناا
جدتي: تهبين مالقيتي الا دلتي
امي: يمه ذبحني كرفني جنني معاد استحمل غثاهم
جدتي: ياحول وغرتي عاد على دلالي جعلك ماتربحين
امي: والله اني ماربحت من هالدنيا شي من ورى دعاويك يمه زوجتوني شايب وجبت ورعاني الا هو ميت من 17 سنه وحط برقبتي 5 ورعان وانتي لاهلحين تدعين علي وين اربح يمه وين
جدتي: ياحول ماينضحك معك
وتقعد امي .. تطنها بكوه .. وتتحلطم على حالهاا ..؟
جدتي: ياحول هذ وش اللي يسكتها
وانا مطلعه راسي من ورى المطبخ واغني ..
)) لابوج يالعين بدموعك فضحتيني .. تبكين عند العرب والناس نقاده
تبكين يالعين لاهم ولا ديني .. ابوك يالعين خليتي البكي عاده((
امي .. ويزيد بكاها وتردد هالاغنيه وتلطم لطم والله ولا لطم ام خيبر على دجاجها اللي صرقنااه خخخخخخخخ
......................................
العصر
جونا جيرانا يقهوونا بسب نزول بيتنا الجديد ..؟..
جتنا ام نوير وام محيله وام مريم وام جوزه وكلن معه دلاله وانا اقهوي الحريم بفرح واسمع سوالفهم
بس طبعا عقب ماكشخت على سنقة عشره ..
لبست دراعه لونها فوشيا طويله وفيها حزام خصر واطي عليه احجار كرستال شوار فسكي ملون ومن تحته جايه كسرات الثوب طبعا هذا من مشغل اختي عنود ..؟.. ولافه شعري كبه وماحطيت مكياج مع اني وجهي يالله لك الحمد جكر ودك لو تضبطين فيه بس ياعيال الحلال ماعرف احط مكياج
واما عهد لبست دراعه بيضه وفيها قطع سوده مشكله من تحت ومن فوق عند الصدر مزمزم بشريط ستان اسود وعليه فراشه كرستال ابيض .. ورفعت شعرها نفسي .. ونفس الشي مو حاطه مكياج يبي لنا دورة مكياج ..
واما عذاري لبست بنطرون جنز سماوي برمودا وفوقه بدي لونه احمر كت ومركبه عليه كموم دانتيل سماوي ولابسه حزام جلد وعليه كرستال احمر وسماوي ولابسه شحطات ربط احمر
ولفت شعرها على صوب وحط ورده حمره ورسمت على جفونها شدو سماوي وداخل عيونها كحل اسود ومده لي بره كان شكله وااو وحط مسكرا وكثرتهاا حيل وحط بعد روج احمر
الصراحه كان شكلهاا يجنن حتى العجايز طاحت عيونهم وهم يطالعونها وانا وعهد مالت على اشكالنا يقال لنا كاشخات مع الفره احمد ربي ان الحريم ماشافوا شنو لابسه تحت الدراعه
كنت لابسه سروال طويل كاروهات اصفررر من اللي يحبه قلبك
لازم اسوي شي عشان الكشخه تكمل ..؟..
انا اصب القهوه وعهد توزع الحلا على الحريم ومرات نتبادل الادوار انا اوزع الحلا وهي
وتصب القهوه بس مع ذالك فشلنا في لفت انتباه الحريم
اللي حتى وانا اخذ منها الفنجال ماتطالعني تمده وعيونها على عذاري
اللي كانت جالسه وحاطه رجال على رجل وتبتسم بوجيه الحريم .. صحيح ان عذاري قلبها ابيض وانا متأكده انها مليون بالميه ما كانت تفكر باللي حنا نفكر فيه .. بس من يلومنا بنت في نفس عمرنا مسموح لها كل شي وحنا محروم علينا كل شي مو شي يمصع الكبد ..
المراد راحن الحريم لبيوتهن بعد ماعزموا امي بكرى على العشااء الذبيحه..
رحت انا قطيت كشختي خفت عليهاا .. ورحت انا وعهد للسطح بعد ماراحت معانا عذاري
البنات كانو متجمعات وحاطات فرشه بوسط السطوح ويسولفون وها القهوه وهالحليب وهالشاهي وهالكاكاوات والخرابيط ويوم جينا جلسنا معهم والبنات كل وحده شكلها ألعن من الثانيه
يوم شافوا عذاري وهم اللي يبطلون حلوقهم شالكشخه شازين
وجلسوا يمسحون عليها منبهرين كانت جميله بشكل يعور في البطن
جلسنا نسولف ..
محيله وعيونها بنتفقع .: ابج يا عذبيه هذي منهي
انا: يؤؤ نسيت اعرفكم في بنت اختي عذاري
خزنه: ياملحك ملحاااه
عذاري: تسلمين هذي عيونك الحلوه
نوير: ولا تتكلم حلو بعد
عهد: علامكم كليتوا البنت .. وتقوم تضم البنت في حظنهاا : تتفل على البنات
قل اعوذ برب الفلق
عذاري: ههههههههههههههههههههههههههه
مريم: اللي كانت شوي اذربنا ممشطه شعرهاا ولابسه دراعه نظيفه مفصله جسمهاا :ماشالله
عليك كشخه حيل
عذاري: أي مو امي عندها مشغل وتفصل لي اللي ابي
مريم: وتجلس جنبها وبدت رغي معاها وصاروا اصحاب
سبحان الله مريم ما ارتحت لها من شفتها تمشط شعرها وانا ناغزني قلبي
المراد ونجلس حنا نكملها سوالف وهبل وتعرفنا على بعض اكثر واكثر واكثر
انا: هههههههههههههههههههههههه الله يقلعك اجل يا محيله تطارحتي انتي والرجال
محيله: اجل يقول لي يا خالتي ملعون الجدف
الكل:هههههههههههههههههههههههههههههههههه
عهد: مالومه شاف عجوز مخثرقه تكلمه مو بنت عمرها 19 سنه
محيله: المراد علمته معاد ينطق كلمة خالتي
انا: ههههههه ياحليك يا محيله
محيله: ياحليلك انت
انا: لاتقلولين ياحليلك قل الله حلاك
نوير: خلووووهاااا
انا: هـــــــــــــــيه خليناهاا
نوير: لا خلاص ماعاد اني قايله
انا: والله لا تقولين
نوير: اقول بدال هالهرج ورى ماتقصدين لنا تخلينا نردح شوي
انا: واشمر عن ذاراعي وابد بالقصيد طبعا ملحنته .. محمد ابو نوير
يا محمد بيتكم مبني .. ومشيده مبانيه
ياعل البت مايخلى.. ولايدور العزا فيه
يا محمد ردي لي زملي.. من خليلن شرعت فيه
نطحني ناسف الغتره..يقول زملك اخليه
يامحمد ياجنين امه.. عسى ربي يخليه((
محيله: وانا وانا غني لي ..
انا: واخطفها بنظره خاطفه .. وكانت لابسه ثوب احمر واغني
)) هيض القلب لباس الحمر .. هيض القلب لباس الحمر
وألعبي وألعبي لاتستحين.. وألعبي وألعبي لا تستحين
لايهمك صغير ولا كبير.. لا يهمك صغير ولا كبير
جوزه . وانا دوري يعلك المرض .. وكانت جوزه عروس
انا: المرض اللي ياخذك قبل عرسك بيوم
جوزه.. تهباا
انا,, واغني
(( عروسنا بالحلا محدن يعذربها ..عزالله اللي خذاها ماخسر فيها
صفوا اهلها وصوا مع جماعتها .. والي حظر سطحنا كلن يهنيهاا))
كلولوووووووووووووووووووووووووش
وختمتهاا بقصيده محورفه شوي من تأليفي عن بيتنا ...
)) بيت غزاي معروف .. وبيت غزاي معروف << ابوي
وكل المطاعم تدله .. وكل المطاعم تدله
وريوقهن يطلبنه .. وريوقهن يطلبنه
وغداهن تال الليل .. وغداهن تالي اليل
والزين مايعرفنه .. الزين مايعرفنه
ادري بتقلون كلامات لا قافيه ولا شي بس وربي لما تسمعونها ملحنه بتعجبكم ..
المراد سلمنا على بعض ونزلناا وتوعدنا نشوف بعض المرات الجايه
..........................
يوم نزلت الا عذاري لابسه عباتها الكتف ولفت لفتها وطلعت قذلتها اكيد وراحت
انا: وين انشالله
عذاري: طالعه
انا: مع من انشالله
عذاري: وانتي شكو
انا: وشكو هذا شيطلع << على بوني صايده الحركه مال نعل تفرك وجهي
عذاري:ههههههههههههههههه وربي غبيه وتطلع وتخليني بحيرتي
شكو منو هذاا .. وكل من سألته يطالعني بستغراب شكو منو .. يقول انتي غبيه ولا تستغبين
عاد بالاخير عرفت ليش يربطون اسم شكو بغبيه طلعت زوجته وانا مادري
المهم..
ورحت غرفتي انسدحت وكان البيت فاضي امي وجدتي رايحين لعرس بنت عمة خالة امي .. يعني تعالوا حكوا ظهري .. وعنود رايحه السوق ومشاري بمعسكر الضباط وعذاري واخوانها طالعين مع ابوهم يمشيهم ..
انا انبطحت بغرفتي اتقلب وعهد ماسكه مجلة المختلف اللي من سنتين شرتها من عياديها وجالسه تقرى فيها لاهلحين مع اني عارفه ان مسكت المجله وسمعت لعهد وش مكتوب بالمجله بتقول على طول اجل سنتين وهي تقرى فيها ياحافظ ..
دخل ناصر علينا .: البيت ليش هدووء
عهد: كلن طالع
ناصر: وانتم
انا: وحنا شنو
ناصر: بس منثبرين بالبيت
انا: وين نطس
ناصر: تطلعون مع امي
عهد: امي تخلينا نطلع معهاا عشان تنجلط
ناصر : مالومها والله لانكم فضيحه
انا: طيب وش تبي
ناصر: بس زهقت وقلت اجي عندكم
عهد..وتتعدل في جلستها حياك الله ..
ناصر.. واستحى : الله يحيك
انا: ورى ماتروح لربعك
ناصر: مالي خلق اطلع من البيت
عهد: دام انك فاضي ياوخيتك انا مريضه
ناصر.. وينسدح ..وش فيك
عهد: والله ياوخيتك احس بمراره بحلقي دايم ونومي قل ماعد انام الارق ذبحني
وعيوني لا جت الساعه 8 بدت تصي حمراا
ناصر: طيب وين المرض
عهد:وهذ شنو
انا: يمكن ماعجبه مرضك مرضي بيعجبه اكيد يختك اسمعني انا والله صايره مغير اتحكك
جسمي بس يحكني وو
ناصر : تسبحي يالجربانه
انا: هااااه والله اني اتسبح
ناصر: انا وش مجلسني عند مهبولات اروح غرفتي ابرك لي ..
طلع ناصر وانا حطيت راسي وبسابع نووومه وعهد ماطولت خمس دقايق الا وهي تشاخر وبدت معاناتهاا مع الثوب ..؟..
.....................................
قمت من النوم وانا اتمغط ورجل في كرش عهد والرجل الثانيه مرفوعه بالسماء ياحلو الذرابه ياناس .. وقفت قدام سريري ابي اطير النوم قمت انتفظ ابي النوم يطير وعقبها طقيت ظهري وصحت بأعلى صوتي .. أصبحنـــــا واصبح الملك لله
عهد .. متروعه : هااااااه منهو جونا طرحووه
انا: وش تخربطين
عهد: الله بس يبيدك من البشريه مرجتي قلبي جعلك للمراج
انا: تهبين أي والله اصلن ان مت انا فقيده صج
عهد.. ووتعدل: وليه ياوخيتك
انا: لان ربي ماخلق مني فصيلتي غير بنتين وحده ماتت بزلزلال باكستان والثانيه انا حفظني الله ورعاني
عهد: الله يالمعمره يعني انتي لا متى يطلع تحتك نفط
انا: اجل نفسك غاز طبيعي
عهد: بس لامتي ورينا قبرك ياملعونة الجدف
انا: بصير نذله ولاني معلمتكم
عذاري: بس يا ازعاج في ناس نايمين
انا: والله احسبه بهايم
عهد.. خخخخخخخخخخخخخخخخخ
عذاري: مالت على الكشره بس بنام والله مانمت الا الفجر
انا: أي والله من الدوجه تالي الليل ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك