رواية العرس حلم يراود كل فتاة -3
عهد: الله يالمعمره يعني انتي لا متى يطلع تحتك نفط
انا: اجل نفسك غاز طبيعي
عهد: بس لامتي ورينا قبرك ياملعونة الجدف
انا: بصير نذله ولاني معلمتكم
عذاري: بس يا ازعاج في ناس نايمين
انا: والله احسبه بهايم
عهد.. خخخخخخخخخخخخخخخخخ
عذاري: مالت على الكشره بس بنام والله مانمت الا الفجر
انا: أي والله من الدوجه تالي الليل ..
عذاري: موتي حره كل يوم اطلع اتمشى وانتي ماتطلعين مسكينه
عهد: لا حنا نطلع ياقلبي
عذاري: متى
انا: صلاة العيدين ولا بغينا نشتري بدال العيد
عهد: اجل تحسبينا نفسك مغير تدوجين بالشوارع
انا: أي حنا راعياات بيت
عذاري: طيب ظفوا وجيهكم
انا .. وانسحب بكل كرامه وشموخ .. امحق كرامه اجل امك خلت فيك كرامه .. يالله خلوها على الله .. اصلن الكرامه مايمدحونها هالاياام ..
نزلت لدور السفلي وعهد راحت تغسل الملابس .. عقب كرفنا المعتاد في البيت رحنا ارتحناا انا وعهد عقب مافرشنا لنا فرشه بالحوش ماهي إلا خمس دقايق إلا جدتي صيته جلست ودلتها في يدها ..
صيته: عذيبب انهجي ظفي الملابس وحطيها بصندوقي
انا: جدها انا طالبتك مالي غير خمس دقايق من جلست اللله يرحم لك امك وابيك
خليها شوي
جدتي: لالالاع ابيها هلحين
انا: ياجده تفكين خليها بعد شوي
جدتي.. لالالالا مابي هاللحين هاللحين
عاد جدتي لا تنحت وش يفككم منها والله ينها تتنيحت صعيدي متريق فول مطمس
انا: زييييييين < واهد فنجالي مسويه ويا ذا الفيس زعلانه وانا وجهي محدن درى عني
والله وادخل الغرفه واصفط الملابس وانا الهم كاسيني كل انا كل انا والله لو اني جحش حموني على الاقل اعطفوا عليه << والله يذا الجده لا حقوق الانسان نافع فيها ولاشي مافي غير اجيب حقوق الشغالات كود يعتقوني من مطالبها اللي يجيب صداع بالركب ..؟..
عقب هالترتيب وانا اطلع من الغرفه واتجهه للحوش اكنسه وانا اغني وطربانه ..؟..
** يالله انك اتهون كل ماجاني.. تحسن الخاتمه وتزين النيه**
**اشهد ان الشباب اقفى وخلاني.. راح وماعاد له بالوجهه ماريه**
**عزتي لج وان جاك ماجاني.. أتقلب ولا ادري وش جرى ليه**
**صرت ماعاد أسير يم جيراني .. لطري البر والروحات والجيه **
ماوعيت ولا على صوت صيحه واحدن متهيض .. يااااااااااااااااااااااااااااااااو
رفعت راسي للسماء ماهو غرور << يختك الهبال واجد .. رفعت راسي للسماء ولا اشوف زول
ورعن هاه تعطونة حروت 15 مدري 14 لا استخفر الله 13 المراد ورعن داجن مدججته امه
انا: ياعلك وش اللي اقول كيف تطل على حوش جيرانكم جعلك ما تفلح
هو: بدال هالمطالب روحي تستري وجهك غبر
وقام يقصد ..
< مسكين ياعقدن على عنق شينه .. وجهن غبر خرب وهج الالماس
منهو الهبيل اللي تبين تفتينيه.. والله يالولا العقد لقول عباس >
وانا اللي ينصفق وجهي .. ياصباح التحطيماات .. قلت : حسبي عليك سبعت تحاسيب
الاوله جعلك على هالقصيده تنطرم والثانيه جعلك ماتكمل خطاك والثالثه ثكلتك امك
الرابعه
هو: بس بس السموحه ولا يهمك بنقصد فيك
انا: قل
هو:
< مية هلا باللي يكحل ثناياه .. اللي يحط الديرمه في عيونه
اللي حدا نهديه من خلف علباه .. والنهد الاخر روحوا يطردونه>
انا: يكون مرقعها مع هالوجهه اصبر علي اطلع لي كم بيت وارد عليك ايها الورع المورنع
هو: ههههههههههههههههههههههه
امي.. ابج ياعذبيه وش رايتس تروحين معاي العرس عنود تقول ماهي رايحه
انا.. سرحانه اركب بيتن على بيت
امي: ياعذيب وش رايتس
انا: ولاني يمهاا
امي.. والعداد ظرب حده والدخان يتصاعد من نافوخها بصراخ : عــــــــــذااااب
وانا .. اللي ينمرج قلبي من التفكير وصحيت من الروعه << حتى الجمل قلبتها من الروعه ياو
لاتشفون امي تصيح .. اصلن مفروض اتعود على عصبيه امي بس بنت الحلال كل يوم لها صيحه غير وعصبيه غير يعني مايمداك تالف على وحده الا الثانيه جايه طردي وراهاا
ولا هلحين الوالده لها 6 عصبيات وصرخات
الاولى: لا قامت من النوم والبيت عفيسه
الثانيه: لا دعت عليها جدتي
والثالثه: لا كانت جوعانه
الرابعه: لا درت ان جونا ظيوف فجأه وهي ما استعدت
الخامسه: علي انا وعهد لا جلسنا مع بعض نسولف ونضحك ولا ردينا عليهاا
السادسه: لا انتثر شي او انكسر شي بفعلهاا هي .
على طاري لا انكسر شي افتكر مره امي طلبت مني اودي دولكة فيمتو< حيخلصوه
للدوانيه عشان الفطور المراد وانا اللي انطلق بالدولكه كد المذن اذن وبلحق افطر ألا وانا اللي ازلق والفيمتو كله علي والدولكه انكسرت منو اللي سمع صوت الانفجار
صح قلتو الوالده .. ولا تجيني طايره انا من الروعه خفت لا تشوفه الدولكه انكسرت رحت جلست فوق القزاز خوف انهاا تشوفها وهي اللي تلعن جدفي ليش كبتي الفيمتو وانا اللي بقوم انحاش ولا تشوف القزاز متكسر وهي اللي تنفجر انفجار خلى ام بخيت جارتنا تسخن خبيزاتها على النيران اللي طالعه من البيت ..
طبعا انا عضيت على ثوبي وطيراان لغرفتنا .. ناا
وامي من الحره تمسك عهد وتمسح الفيتو بوجهها .. والحمدلله مشت على امي .. بس الله يسامحهاا جلست اسبوع وانا اطلع القزاز ..
المهم نرجع لمحور حديثنا اللي هو عن ويش ياطويلين العمر أي تفكرت يوم امي تصيح ..
انا: موافقه موافقه
امي:وتحسبيني باخذ رايك قومي ألبسي وسنعي شعرك ..؟
رحت لغرفتي .. وجلست استشور شعري الطويل .. اللي انكسرت ايدي وانا استشوره
والله يالربع من الساعه 2 الظهر إلى 6 المغرب وانا ماسكتهاا استشور
بس تخللها غسيل المواعين .. وتصفيط الفرش .. وكنس السطح .. وحنيت راس جدتي..
وتصليح أريل البيت والقائمه تطول ..؟..
المراد
وانتي ياعهد تفرك كبدها تبي تروح معنا راحت ريحها أي والله .. وراحت تزن على راس امي تبي تروح معناا
عهد .. وتفرك ايدهاا : تفكين يا يمه ودي اروح معكم
امي: لا بس وحده
عهد: الله يخيك يمه ودي اتونس من زمان ماطلعت من البيت
امي: لا عندك شغل روحي كملي شغلك
عهد: والله والله اني خلصت كل شي
امي: اكنسي السطح
عهد: كنسته وخلصت << الكذوب والله اني انا اللي كنسته وهي ظلت تسولف مع جوزه
امي: اغسلي الفرش
عهد: والله اني غسلتها من اوليه الصبح
امي.. وتهد سكانتها : ياملعونة الجدف مانتي برايحه
عهد.. وتبكي: أأأأأأأأأأأأأأأع ودي ارووح
امي: تمسك وجهها وتفركه بالنخله اللي شوهه وجهها فوق ماهو متشوهه ..
تصدقون توني اعرف ان ليش حنا يابنات امي جياكر والله من كثر ماتفرك وجيهنا بالقاع وتحذفنا باللي عندها بعكس أولادها المدللين ..
المهم .. وعهد الفطينه تبي تفتك من طق امي .. سوت نفسها ميته ..
وامي .. على كثرطقها لنا وهبدها لنا إلا انهاا تخاف علينا يعني ماترضى احد يهينا غيرها هي
وهي اللي ينمرج قلبها وتقعد تصيييييييح ..
امي: واا قر جيبي قررااه يابعيدي يابنتي ياويلي عليك
عهد.. ومطلعه لسانها .. يعنني ميته اكسر الخاطر
امي.. وتهزها مع كتوفهاا: قومي يا عهيد وتروحين معنا العرس
عهد: وهي اللي تفز : صحيح يمـــااه
امي: وتهبدها هاك الراشدي : نعنبوا ذا الزول مرجتي قلبي عليك
عهد.. وتحظن امي : لهدرجه تحبيني يا أميمتي
امي: وتكزها ألا هي والجدار عيال عم : وش عدوتي انتي بنيتي ورى ما احبك
عهد: تلملم ماتبقى من عصاقيلها وتنهج تروح فوق تبي تكشخ ولكن ما أمداها
فا قررت انا تروح متبرقعه ..؟..
انا يوم خلصت من شعري واروح لختي عنود تحط لي مكياج ..
انا: عنود الله يخليك حطي لي مكياج
عنود: اسفه مشغوله حييل
انا: الله يخليك
عنود: ماتشوفين جالسه احط لنفسي مايمديني احط لك
انا: من يحط لي مكياج
عنود: يعنني المكياج وش بيسوي فيك جيكره جيكره ..
انا: ألعن يوم التحبيط انا ما اصدق معنوياتي ترتفع وانتي بكل بساطه تحبطيني ..؟
ورحت اجر اذيال الخيبه .. وافكر من يحط لي مكياج قلت مافي غير اني اخبص بوجههي لا منة الناس.. مثل مايقول الشاعر ..
مانبــي من ورى الناس منه .. رزقناعلى منشي الغيوم
صح اللسانه اشهد انه جابها اخو بطحه
المراد .. واروح لكبت عذاري واصرق منها كم كحيله على حميره على فلاش (تقصد بلشر) المراد وتوني بسكر الكبت ألا وعذاري حاطه يدها على خصرها وتهز رجلها
عذاري: وش تسوين بكبتي
انا: ماسكه الاغراض : اعوذ بالله يا عذاري تظنين اني اصرقك
عذاري: اجل هذا شنو
انا: مكياجك بس كنت بحط منه وبضربه عليك
عذاري: بس عقاب لك رجعيه ومافي مكياج
انا.. واقلب وجههي لوجهه يكسر الخاطر : تفكــــــــين ماعاد بقى غير انتي
عذاري. بكل حقاره وتكبر : رجعيييه
انا: عناد فيها : أحذفهه بالارض واروح واخليهاا : ماعاد فيه مرجله تتناحس معي على شأفة كحيله على حميره ..
واروح أصرق كحل جدتي مافي غيرها واتكحل منه من غير لا شدو ولا كريم اساس ولا هم يحزنزن بس كحلت عيون حيل من فوق ومن تحت ومطيتها لي ورى .. ,
اروح ألبس ثوبي الاحمر اللي عباره عن كت احمر وقصته لتحت الخصر مع انه مامن خصر ومن تحت الخصر كله بليسيه ومنثر عليه كرستلات صغيره وفوقه جكيت قصير يوصل للصدر دانتيل ذهبي .. لان الوالده مثل ماقلت لكم ماتحبنا نتفصخ ... وفكيت شعري على طوله عقب ما أستشورته ووصل لي فوق الركب بشوي وكثافته اصراحه كان احلى مافي شعري واخذت من عنود ربطه حمرا وربطها فوق شعري ...
المهم كان شكلي يترقع شوي صحيح انها مو الكشخه اللي يبيها قلبك بس مافي باليد حيله ..
وعقبها لبست عباتي الراس وبوشيتي .. وامي كشخت في برقعها اصقر وملفعها الزري الشيفون ودراعتها التايقر وخطت لها خطه كحل مع شدور بردقاني والله يا انك لو تشوفني انا وامي انك تقول انا الام وامي البنت المهم وراحت معنا عنود وعهد . واما عذاري راحت مع اخوانها لبيت عمانهاا ...
++++++++++++++++++++++++++++++++
الجزء الرابع ..؟..
في العرس ..
دخلنا مع الباب وفي استقبالنا اهل المعرس اللي رحبوا بأمي حيل لان الوالده وجابه ماشالله عليهاا وبخرونا وجلسونا بأحسن الكراسي كانت امي جالسه وجنبهاا عنود وانا وعهد امي طردتني عقب ما انصمت بشكلي قالت اجلسوا وراي ولا جاء دوري في الرقص صوت عليك ..
المراد وانا ارتحت احسن عشان افصل على كيف كيف امي ..
ونجلس انا وعهد اللي متبرقعه ببرقعها المحروق .. والله يا ان شكلي انا وياها تقل شكل هلعقديات اللي يجن للعرس يبن العشااء...
بدت الطقاقه بأغنيه ترحيب بالحظور .. وبعدها بالقهوه ... وبعدهاا غنت بأهل المعرس
والمعرس وبعدها بقبيلته وبعدها بالحظور اللي جايين لعرسهم يعني كل وحده وقصيده بأسمها..
مرت للي الفلبينيه اللي توزع الحلا والقهوه وانا اللي اخذ لي واحد .. وازرطه .. واشرب لي فنجال .. عشان اكيف الراس واضبط لي الرقصه ..؟..
ويجي دوري للرقصه وانا اللي انفض العباة الل تقول عباة زورو ناقصني بس سيف وكملت يغنون لي باتماااااااااان .. شكو المراد مشوها ياكثر مامشيتوا بس اصبروا ان الله مع الصابرين ..؟..
وانا اللي اضبط لكم الشعر وانزل يوم الطاقه نادت بأسمي واقف بالملعب عقب ماتراهنت انا وعهد اني والله لهيض الحريم واخليهم يلاعبني ... لان الرقص كان ميت ...
وتطق الطقاقه ..
طبي الميدان ياشمعة عربهاا .. واطلعي مثل القمر بين النجومي
ياهنوف بالعرب محدن عجبهاا ..
اطلـــــــــــــــع ســـــــرى ورى
وانا اللي اقوم لكم لفح بشعري واخليه على وجهي .. عشان مايبان جكري واقوم وارفع يدي واهلي بالحظور وردح وردح والله ان دكيت القاع
ولا الغاليه اميمتي يوم شافت رقصي وهي اللي تقوم تتهيض وتقوم اختي عهد ما استحملت تشوف الملعب فاضي ويقومن حريم جيرانا وبنات خاله امي واهل المعرس والله يا ان الملعب انترس ماتشوف الراقصه من كثر ولا تقوم عجوز تمسك عباتهاا وتحذفها فوق .. يعني ماعقب هالحركه شي << يعرفنا بنات البدو يعنني انك عجبتيها بس ادعي يكون عندها ولد ..
وتخلص الرقصه ويقومن الحريم يصيحن .. كـــــله لك كله لك ..
أي والله يا اني فرحت اخيرا احد قدر مواهبي .. وانااللي اجلس
وعقبها طلبت لي ام المعرس اغنيه ورقصت بس والله اني نسيتها بس اذكر من كليماتهاا
ان هالبنت زينها مايتطوف .. تكفون بغلو رجال الدفاع والداخليه .. يعني يخطبنهاا
المراد .. وقربت دخلت العروس وتدخل وجلست بالكوشهه وبدوا هلها يرقصون بعد نص ساعه دخل المعرس يابعد حيي
تصدقوا بالله اني رايحه العرس ومدري وشيقربون لنا بالاخير اكتشفت انه ابو المعرس خال امي من الرضاع .. يعني مو حكوا ظهري ألا اغسلو بكلوركس ..؟
المراد ويدخل المعرس معه ابوه وعمانه واخوانه الاثنين واللي راح تنصدمون لو قلت لكم منو اخوه
طلع يامقصوفين الرقبه << تقصد ياطولين العمر .. (((القريعه )))
يا ان قلبي رف ..وعيني تسارعت نبضاتهاا.. وبطني يصدر اصوات << يالكذوب من الجوع
مو من الهيام ..
انا: اشهق .. عهييد عهييد
عهد: علامك
انا: القرعه القرعه خوي مشاري
عهد: وينه وينه << وتتلفت العقديه
انا: اصقعها ابك عانيه قدامك تتلفتين ليه في رياجيل غيرهم بالصاله ..
عهد: ياملحه ملحااااااااااااه يهباااااااااااا وش هالزين
المراد امي راحت سلمت على المعرس وباركت له وباركت لخالها ابو المعرس
وقاموا اخوان المعرس يرقصون بعقلهم .. ويلاعبون حريم عجايز ألا القريعه اللي كان واقف بشموخ وغرور ويبتسم وهو يطالع الحريم من تحت لي تحت .. ياعليه غمازات دميره ملعون الجدف
انا .. من الغيظ يشوف حريم .. وكنت قريبه شوي من الملعب اللي هم واقفين فوقه .. فأشرت بيدي اني ... ببط عيونك يا مقصوف الرقبه
ظل الورع يطالع فيني متروع .. وش هالخبله .. اللي تبي بط عيوني ... بعدين ابوهم اخذهم من علباهم وطلعوا برى الصاله..؟..
المراد اخذ المعرس العروس وراحوا توكلوا على الله .. وحنا تعيشنا عقبها مشينا لبيتناا
وانا بالطريق افكر .. شلون القرعه طالع وهو محجوز بمعسكر الصمموود مع مشاري
شلون هو طلع واخوي ماطلع << طلع ابن الحلال وصل عنده واسطه اجل نفس اخوك داج ماعنده غير الدجه
وقلت اليوم لازم اعرف كل شي ..
انا: يماا العرس وش يقربون لنا
امي: عيال خالك
انا: أي يعني خالي الشايب
امي: لا المعرس اكيد الشايب اجل من
انا: ايي يما مو كنه القرعه خوي مشاري اخوي
امي: من فارس أي خوي مشاري
عنود: هم مو جيرانا بعد
امي: الا جيرانا بيتهم لاصق في بيتنا
انا: واللي تنفتح كشرتي وناسه طلعوا جيراناا ..
امي: مساكين : يتمينين ولا عندهم ام ولا اخت مغير3 عيال في بيت واحد مع ابوهم ومرت ابوهم
عهد: ياعيشه اكيد متعذبين
امي: يقولون ان مرت ابوهم قشره وماهي طيبه فيهم
انا: ايييييييييييه يامساكين ..؟..
عهد.. وتكزني .. اسمه فارس فارس
انا: وألكمها بواحد .. دريت دريت انطمي
ورجعنا البيت وعقبهاا نمنا نووووووومت العوافي ..؟..
....................................
مرت سنه من سكنا في بيتنا الجديد ومامن جديد كل يوم نقوم اصبح نكرف في هالبيت
ونصلح دلال قهوه لجدتي .. وزادة خبالي مع شلتي الجديده شله الداشرات ..
وفارس القرعه ما عندي له خبر غير انه زاد غلاه في قلبي ..؟..
المراد
اليوم رايحن السوق مع شلتي الداشرت رايحين نشتري بدل حق العيد اللي عقب يومين وهو عيد الفطر .. وكنا راكبين باص حق اهل نوير كان باص صغير ابيض تعرفون اللي كان باص هو بس نقص على اللي يصنعه حديده وخلاه مشروع باص ..
انا: نوير الله يخسك ومن اليوم باص وباص وبالاخير محول كهرب
الكل:ههههههههههههههههههههههه
نوير : تفتح الباب: يالله طسن للي مو عاجبه البعير ياسع للباب
عهد: والله ماهو عاجبنا بس ماباليد حيله
نوير: يانعنبوا ذا الوجيه صحيح انكم ماتستحن
محيله: عادي ووجهننا مغسول بمرقه
وتونا طالعين من شارعناا مرينا صوب بيت القرعه ولا عرفتوا اسمه فارس < يلبي قلبه
ولا توه نازل من سيارته البورش ولابس هاك الدشداشه االناصعة البياض اللي غاسله بتايد للغسيل مفيس سمنتحيل (مستحيل) ..
المراد والله وكلنا لفينا نشوفه يعني تخيلو معاي المنظر
انا وعهد ونوير ومحيله وجوزه ومريم وخزنه ووضحه كلنا لفينا روسنا نطالع فارس .. معاي يعني 8 حريم وراكبين باص وعيوننا تبي تتبقق على الورع لو انتم مكان فارس وش تسوون
كان فارس توه نازل من السياره وبيده كيس وجبه من برقع كينج (برقر كنق) واول ماشافنا من الروعه طاح الكيس منه وقام يشوفنا متروع .. شككنا الورع بنفسه
ومن عدينا الشارع ولا كل وحده فينا ترجع لوضعها الطبيعي اللي تفصفص واللي تهرج بالتليفون واللي يتحاورون انا ومحيله كنا نقصد ونرد على بعض وللي تحقق مع السايق واللي تتكحل يعني كلن ألتهى بشغله بمجرد من طلعنا من الشارع يعني كأنه وحانا مارين من بيت فارس طاقينا صطب (ستب) وعقبها طاقينا بلي ..
دخلنا السوق .. وقررت اني انظم البنات اجل ندخل فوج تقل فوج غنم .. وصفينا طابور كل ثنتين مع بعض وندخل محل ونحوس فيه ونجنن الراعي وعقبهاا نطلع ..؟..
دخلنا محلنا الاخير وكل وحده تجودت لهاا في بدله ودخلت غرفه التبديل الي كانت بس اربع غرف واستحليناهاا ..؟...
انا.. من ورى باب غرفة التبديل : يالله جوزه عجلي عليناا
جوزه: زين السحاب عيه لا يتسكر
انا: هذا وانتي عصاقيل اجل انا وش اقول
جوزه : روحي جيبي لي مقاس اكبر
انا : واروح اجيب لها مقاس اكبر
عهد .. تصيح ومحيله تحاول تسكر لها لسحاب بالغرفه اللي جنبنا: أأأأأأأأأأأ
محيله: اصبري جعلك لساحق
عهد: عورتيني سكرتي على لحمي جعلك ما تكبرين
محيله : يحووول اصبري اصبري
عهد: وترفس :أأأأأأأأأأأأأأأأأأأأأأ
محيله: والله ماني قادره اسكر من هسروال الطويل
عهد: وتصيح: لالالالا إلا سروالي
محله: ياننبو من علمكم الستر
خزنه ووضحه يتهاوشون مع بنت على الغرفه ..
خزنه: حنا جايين قبلك واختك هذي وينهاا
البنت: مالك خص بوقف على الباب لين تختار بدلتهاا
وضحه: ابك هديني عليها ألعن جدفها : هيه لا جت اختك تدخل هاللحين ماعندكم شي بالغرفه
خزنه: وعلى ماتجي اختك يمديناا نخلص
البنت : سوري
ويمسكنها البنات ويدخلنها داخل الغرفه ويقفلن الباب عليها من برى وهم ميتات ضحك
جاء صاحب المحل بيطردنا معاه السكرتي عاد حنا من شفناهم وحنا ركض برى المحل
يعني اشكالنا حدث لا حرج .. اللي متجوده بنعلها وتركض حافيه واللي تركض ورافعها عباتها ولا تشوفون ثوبها تحت العباة والله بنقاليه اشكال حدث ولا حرج
المراد طلعنا من السوق وكل وحده متجوده في كيسها حق البدله وهي حدها مبسوطه
ورحنا لبيوتنا .. وتواعدنا من بكرى نروح لصالون عشان نكشخ للعيد ..
انا ماسكه الكيس واركض بحوش المنزل .. ورجل قدام ورجل ورى .. واغني لالالاله لللهلووه لله << ولا فلونها بزمانهاا ..؟..
ويقطع علي حبل افكاري صراخ اخوي مشاري : سكووووووووووووووت
كان عنده رياجيل بالدوانيه .. وانا يمال الطفاقه اللي تطفقني رديت عليه رد يدل على غباء راعيه
انا: حنصـــــــــــور خخخخخخخخخخخخخ
ومادريت ألا ومشاري طالع من الدوانيه جايني يركض : أأأأأأأأأأ << الزير سالم
وانا اللي اعرط بطرف ثوبي وركض ولا ركض الارنب يوم تلحقه السلحفاة .. انكم والله ماتشوفون غير غبرتي <<عجااج عجه ان حتى من عقب ركضي نفضنا بيتنا من جديد من الغبره ..
واروح انخش ورى امي وانا اصيح : خشيني خشيني
امي: والله لو اني فيل ماقدرت ادسك
وانا: اللي احط راسي ورى ظهر امي ويجي اخوي يرفسني من ورى ويوم خلص
وانا اللي اقوم : الحمدلله ماجاء راسي شي
إلا والدله فوق راسي ..
جدتي: صلحي لي قهوه
انا: جده انتي شنو تتنفسين قهوه بسك حرام اعتقي اللي يزرعون القهوه كانوا شالين بعضها حق الاجيال القادمه بس انتي جبرتيهم يبعونك اياها ماعاد فيه جيل قدام يوخيتك
جدتي: اقوووول بس فلفستك اللي تمصع لبطن جهزي دلالي بيجيني ضيوف
انا: منوو << يمال الطفاقه تستاهلين ماجااك
امي: وانتي شكوو شكووو روحي سوي اللي جدتك امرتك عليه ..؟..
والله واروح اسوي هاك القهوه اللي حكتها حووك خليت للي مايشتري يتفرق ..
واحط الدلال ولا اسمع رياجيل عند حوش جدتي ناظرت من ورى الباب ولا اشوف خالي ابو فارس ومعاها فارس ومشاري جالسين عند جدتي وامي ..
انا: اتنحنح وانعم صوتي .. قهوه
نط مشاري.. واخذ مني الصينيه : اقول لك اتركيهاا
انا: وابحلق فيه ومتجوده فيه : الله يحفظك يارب صب القهوه على رواق
مشاري: يا غبيه اتركي الصينيه
انا: واتركها .. واودع اخوي كأني ماني شيفته عقبها..؟..
ورحت نطيت لغرفتنا .. ناا ولا عهد تفرك رجولها بفكس ..
انا: الله يروح فيك وش هالدهن وليه متدهنه فيه
عهد: بكرى لعيد وأبي اكشخ أي اصير بيضه
انا: والله انك بتصرعين الناس يمال المرض تبين البياض هاه
عهد: أي والله ودي به
انا: اقول والله هاك اليوم سمعت بالرادو يمدحون الفلاش يقولون انه يبيض
عهد.. وتحط ايدها على ذقنها : ايي وانتي صادقه انا اشوف حمامنا يبرص اثره من الفلاش
انا: أي والله الفلاش ومايسوي
عهد: وتقوم تبي تحط فلاش .. بلحق عليه قبل مايخلص
انا: وكان تبين تصيرين انتي واللمبه واحد حطي كلوركس
عهد/ انتي صادقه
انا: وهل عهدتي علي الكذب من قبل
عهد: وياوخيك هل عديتي الصحيح من قبل
انا: واقمط مكاني أي والله اني كذوووووب
واروح انسدح بفراشي بعد يوم طويل حافل بالتعب .. وتوني بغمض عيني .. وزانت النومه ولا تدخل عذاري تركض وحاطه ادينها على وجهها وتضحك بحراج كبير ..
عذاري: امـــــبيه فشلها احرااااج
انا من شفتها تضحك وخدودها حمر ومتفشله وحاظنه المخده وتبتسم بخجل : وانا يطري علي فارس والله ان قلبي ناغزني ..
انا: وحاطه يدي على قلبي ..علامــك متفشله
عذاري: وتتعدل بجلستها .. وانا طالعه للحوش كنت بعطي جدتي التلفون ولا اشوف رياجيل عند جدتي جلست مصنمه ساعه من الاحراج وبعدها دخلت وانا متفشله
انا.. واغمض عيوني: بلبسك هذا الشنقووط والبدي العلاق
عذاري.. امبيه : أيـــــــــــه
انا:واطقها لكم بكيه ولا بقره متعشين ورعها : أأأأأأأأأأأأأأأأأأأأأأأأأأأأأأع عزالله غسلت يدي أأأ
عذاري: منصدمه ..شفيك ليش تبكين
انا: على موقفك اللي يفشل
عذاري: يضحك مايبكي هذا
انا.. وامسح خشمي بطرف كمي : ابج انخشي لا يجي مشاري يلعن مترسك
عذاري: لا مشاري كان يضحك من الموقف
انا: ألعين ابو ذا الفيس أللحين انا بس طلع صوتي طقني طق 5 سنين قدام وانتي طلعتي بوجهه الرجال وماقال لك شي . صج دنيا حظوظ
عهد.. وهي جالسه تفرك وجههها بليمونه : أي يوخيتك عذاري بنت مزيونه حرام تنطق اجل على بالك جيكره نفسناا اطق محتوم عليناا
انا:أي والله ياأنه حنا مظدهدااات كله من امي اللي خلت اخوان يمدون يدهم عليناا
عهد:ههههههه ابج جايه اللحين مسويه فيها ابو الكرم اصبري كلها سنتين ونروح لرياجيلنا ومعاد احد ماد يده عليك
انا: أي والله صبرت هالاسنين كلها وعجزانه عن سنتين
عذاري: وربي انكم مهبل مهبل ياناس مهبل
عهد: وش الجديد
انا: أنا ادري اللي يقول مكتشفه لها اختراع غيرك قالوها من اول
عهد: وتطفي الليت : هالله هالله يالله بنات ارقدوا
انا: خمدوا نامو نامو خمدوا نامت عليكم طوفاا
عهد: غانم الصالح هش ولا كلمه ..
......................
اصبحنا الصبح وكرفنا في البيت ..
وعقبها يوم اذن المغرب وانااللي اتصل على شلتي نبي نروح للصالون .. نتكشخ حق الحف والاستشوار والنقش والصبغ والقص كلن ومراده ..؟..
المهم ونركب هالمره سوبرنا الازرق اللي بيبانه مهرقله يعني البيبان تتجود فيك مو انت تتجود فيهاا واللي يقهرك كاتبين ورى السوبر .. ماشاء الله
يختكم على شنو والله لو ان بس عيني حاره كان هبدته هاك العين اللي تخليه فحمه اجل ماشالله ..
تحاشرنا بالسوبر ورحنا للصالون الاول قفل الباب في وجهنا ورحنا للثاني كذالك بالاخير رسينا لنا على صالون مروح داج مافيه غير 4 اللي يشغلون ولا فوق هذا زحمه بس شنسوي هم اللي رضوا يستقبلوناا
انا: وانطر دور الحف لاني ناويه احف واستشور .. والباقيات يبن يقصون شعورهن وانا وعهد متحطمات نبي نقصه.. المراد وانا ماسكه لي دور
ولا تجي عهد وعيونها متغورقه .. تفكين بقص شعري
انا: عشان الوالده تقرعك على الصفر
عهد: أأأأأأأأأأأأأأأأ اجل بصبغه
انا: يابنت تعوذي من بليس
عهد: بس بصبغه ماني قاصته
انا: يحووول كيفك
عهد: اااااااااااااااااااااا
انا: علامك روحي اصبغي
عهد: تمد فلوسها : ماتكفيني الفلوس
انا: وش اسوي لك
عهد: عطيني فلوسك
انا: وانا ابي احف واستشور
عهد: تكفن مو لازم حف ملابسنا كمومها طوال انا احفك بالبيت واستشورك بس الصبغ مانعرف له
المراد ماطولت معي إلا وانا اقتنع وتروح تصبغ لكم شعرهاا نحاسي بس وربي ان لوونه قمممممه
انا يوم اشوف عهد عقب الصبغ والاستشوار .. وربي ماعرفتها طلعت اختي حلوه وانا مدري.. لا الحمد لله في امل نصير حلوات .. ونرجع لبيت وانا مغير عيوني ناقزه على اختي .. من الفرحه اخيرا وحده تجرأت فينا وغيرت بشكلهاا ..؟..
دخلنا البيت ومكان فيه احد ورحنا ركض ..لغرفتنا ناا ؟؟
ولا كانت عذاري جالسه بالغرفه وتلعب بالهيس الاربد (قصدها الاب توب )
انا.. مستغربه : علامك مارحتي للصالون تحورفين بعمرك مثل كل عيد
عذاري: حابه لوكي الجديد ومابي اغيره بالوقت الحالي ..
وتوها عهد تدخل الغرفه وتفصخ عباتهاا .. ولا تصيح لكم عذاري صيحه ولا صيحه ام عواد يوم تشوف فلم المرعب
انا: علامك
عذاري.. وتأشر على عهد : أأ عهـــــــد صابغه شعرهاا
انا.. وبنتصار: وش فيهاا
عذاري: ليش ماقلتوا لي انكم بتغيرون اشكالكم كان غيرت من شكلي
تقوم تتصل بصالونه اسمها شهيناز تجي تغير لها لوكهاا الحسوده ..؟..
انا: يالله نزلنا تحت نفاجئ جدتي وامي
عهد: هم جوو
انا: يقولون
عهد: وتفتح شعرها على طوله يالله
انا: واركض وراهاا .. وننزلنا تحت ..
واول مادخلنا المجلس على امي وجدتي .. ويوم امي شافت عهد واعرفت انها عهد .. قامت تصيح : ياااااااااااااااااافضحي فضحاااه صابغتن شعرررك
عهد:يما صبغته ماقصيته
امي: أنا الغلطانه اللي خليتكم تروحون بروحكم للصالون
عهد: يما والله اخر مره والله وربي
امي: ليه كنتي ناويتن غيرهاا
عهد: أي كنت ناويه اشقر
وتمسك امي عهد من شعرها وتروح للمغسله حق المطبخ وتفرك شعر عهد بفيري .. صحيح انه يبض يا امي العزيزه بس ماقالوا انه يطير الصبغه
امي: عذبييه جيبي لي قااااااز بنوخر الصبغه
عهد.. وترفس : التوبه التوبه يمااااااااا
انا..واركض احب راس امي وميته بكي على اختي : تكفين لا تحرقينها ترى كلها صبغه الله يخليك اتركيها الله يخليك
وجدتي.. تركض ورى امي .. ياملحه تعوذي من ابليس ماصار شي اتركيهاا يابنت ..
امي: وتترك عهد : والله ان سمعت انك صبغتي شعرك مره ثانيه والله اني للعن ماترسك ..؟..
...................................
ترن ترن ترن <<صوت جرس الباب
انا: يا جوهره قومي شوفي من على الباب
جوهره بنتي : يماا تكفين كملي القصه اندمجت معاها حيل
انا: روحي يالله افتحي شوفي من على الباب يمكن ضيوف
بندر : يمـــه اخلصي كملي السالفه وش صار بعدين على خالتي عهد
انا: والله ماكمل لكم قصة حياتي إلا لين تفتحون الباب
بندر: سعود روح افتح الباب
سعود: كله انا كله انا
عهد: أي اصغر القوم مندابهم ..
يقوم سعود بتثاقل البطيطه ويمشي يتدربح فتح الباب حتى ماشاف منو .. وقام يركض يبي يلحق على القصه ..
انا: هااه منو
سعود: ويحك شعره.. مدري
مادرينا إلاوداخله عهد اختي علينا وكرشها متر قدامهاا .. وبيدها عيالهاا خالد وسيف ..
انا: يالله حيها ارحبي
عهد: وتجلس المهلي مايولي ..
انا: الله يسهل عليك ياوخيتك
عهد: اجمعين يابعيدي عهـــــد عهــــد
عهد بنتي: خير خاله وش تبين
عهد: روحي تكفين غسلي ولدي مسفر طايح بالطين
عهد: يؤ خاله بسمع السالفه
عهد: صحيح بنت عذبيه تحب الهرووج اخصي اغسليه
عهد.. وتمسك مسفر .. يؤؤؤؤؤه
عهد.. يؤؤؤه بعينك والله ان حرام فيك اسم عهد والطقمين الذهب اللي جبته لمك يوم سمتك علي
انا: ذليتينا على ذهب يمال الدجه ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك