رواية لا ياخذك غيري ترى خاطري فيك -10
منصور:أحـبـك
حنان وجهها ألوان من عضته:آآآآآه آآآه.
منصور:ههههههههههههههه دلوعه يالله باااي .
............>وطلع وتركها .
عند باب غرفة حنان:آلو هلا يمه.
ام منصوربعصبيه:انت وينك لي ساعه وانا ادق عليك وانت سافهني.
منصور:ههههههه حقك علي يالغاليه بس انشغلت شوي هاه جيتي للمستشفى؟.
ام منصور بعد ماهدت:ايه انا تحت بالسياره وين صارت غرفة حنان؟
منصور ابتسم وهو يحس بشوية تأنيب ضمير انه كذب على امه انهم ممكن يغيرون غرفة حنان وقالها لاجيتي عند باب المستشفى دقي علي.
ام منصور:لا انت موصاحي ابد منصور وين غرفة حنان ليش ساكت؟
منصور:اممم يمه تراهم ماغيرو غرفتها غيروا رايهم بالدقيقه الأخيره.
ام منصور:يعني غرفتها نفسها ماتغيرت.
منصور:ايه ايه نفسها تعالي انا انتظرك بالممر أوكي.
ام منصور:طيب.....>وسكرتها..
المهم دخلت ام منصور عند حنان وراااح منصور يجيب دونات لحنان وجاب لها باقة ورد وسلة شوكولاته فخمه.
واول ماحطهم بغرفتها ابتسمت حنان وهي تشوف الدونات من بين الأغراض اللي جايبهم
وبالليل ماقدر يدخل عليها لان أمه قررت تنام عندها.
فاقرر منصور انه يكتب لها رساله ويعطي هياها مع حدا الممرضات.
(للأسف ماراح أقدر اشوفك الليله بسبب وجود الغاليه والدتي معك ههه بس انشاءالله بكرى من الصبح وانا بوسط غرفتك والله مادري كيف انام وانا ماشفت روحي
المهم حنونه اتمنى انك لا طلعتي من المستشفى تصرحين بحبك لي واتمنى ان حبي لك مايكون من طرف واحد وتفرحينن بقولتك منصور انا أحبك
وتصبحين على الف خير ياأحلى تعبانه .....أحــبك...)
منصور:لو سمحتي ممكن تعطين المريضه غرفه رقم... هالورقه.
الممرضه:أوكي بس ايش قوول حق مريضه اذا يسأل من مين؟
منصور:قوليلها اقريها وتعرفين وانتبهي مافي شوف مدام كبير اوكي.
الممرضه:اوكي.
**دخلت لغرفة حنان ومن حظها لقت ام منصور بدورة المياه الله يكرمكم وحنان لوحدها بالغرفه وعطتها الرساله وطلعت.**
قرت الرساله وحست انه منصور خلاص حبها له سيطر على مشاعرها وخلاها تقرر انها تتهور وتصارحه بحبها واللي يصير يصير.
***********
الصبح الساعه:9:00
جاء منصور للمستشفى راح لغرفة حنان كعادته بس انصدم وهو يشوف الغرفه مفضيه وماكان فيها أحد
منصور عند الرسبشن:لو سمحت بسأل عن حنان محمد الـ............
الرسبشن:آآآآ حنااااان ....>ويدور بالكمبيوتر >آ قلت لي حنان إيش؟
منصور:حنان محمد الـ.......
الرسبشن رفع راسه يناظر منصور:لو سمحت ممكن ابيك بموضوع؟
منصور بخوف:آمر حنان فيها شي.؟
الرسبشن:لا لا الموضوع مايخص حنان.
منصور باهتمام:تفضل اسمعك.
الرسبشن بتردد:آآ قبل يومين تقريبا جت مريضه للمستشفى وصار لها الحين أكثر من يومين ولا أحد سأل عنها والبنت باين انها معذبه وبعنف بعد.
منصور:طيب وين أهلها؟
الرسبشن:انتظر انا ماخلصت كلامي المهم البنت اسمها رغد محمد الـ.....
منصور:طيب والمطلوب مني.؟
الرسبشن:اسمها نفس اسم حنان محمد سالم الـ....... والبنت اسمها رغد محمد سالم الـ.........فيه تطاابق بالأسماااء
منصور بصدمه:انت وش قاعد تقول ؟!!
الرسبشن بعطف على حالة رغد: اللي تسمعه والبنت ماجاء لها احد يزورها .
منصور:طيب وين اهلها اللي جابوها للمستشفى وبعدين يمكن فيه تشابه بالأسماء؟
الرسبشن:جائز وحنا لقيناها عند باب المستشفى وآثر الضرب عليهاااا .
منصور برحمه:طيب ممكن اشوف الدكتور المشرف على حالتها؟
الرسبشن:ايه تقدر واساسا الدكتور ينتظر أحد من أهلها شوف مكتبه اللي بنهاااية الممر على اليسار
منصور:يعطيك العافيه.
دخل على الدكتور وهو مصدوم من اللي سمعه بس اللي متأكد منه انه حنان مالها أحد غير ابوه.
الدكتور:تفضل.
منصور:السلام عليكم دكتور معك منصور قالي الاخ عن حالة رغد وعن تشابهه الاسماء اللي بين اسمها وبين اسم قريبتي وجاي افهم اكثر منك.
الدكتور:تفضل يابني عاوز أحكيلك ايه؟
منصور:كل شي عن هالبنت.
الدكتور:البنت لقيناها عند باب المستشفى وساعت مالقيناها كانت ملطخه بالدم الله يكرمك دخلت في غيبوبه يوم كامل ومن بكرى العشاء صحيت
بس انها تحكي ماحكتش طول وقتها بتبكي وبس والدكتور اللي بيشرف على حالة حنان قرر انه يشوفها بأمل انها تحكي معااه او يعرف شي عنها واللي استطاع معرفته ان اسمها رغد محمد سالم الـ....نفس اسم حنان محمد سالم الـ......فهمت معايا.
منصور بعدم استيعاب:طيب والمريضه وش لونها الحين.؟
الدكتور:كويسه بس حالتها النفسيه لا يرثى لها.
منصور:طيب بكرى اجيب حنان وتشوفها واذا بتعرفها اكيد بتصرح.
الدكتور:بس أعطينا رقمك علشان نتصل عليك ولا ايه رائيك
منصور:اوكي.....وعطاه الرقم ........
الدكتور:اتمنى ماتتأخرش.
منصور:ان شاءالله يالله مع السلامه.
طلع منصور وسيده للبيت كلم ابوه بالموضوع وابوه انصدم :معقوله تكون عايشه بس انا شايف جثتها مع اهلها.
منصور بخوف على ابوه:يبه وش فيك قمت تهلوس .
ابو منصور:قم قم يالله تعال نروح نشوفها ابي اتأكد يالله ياوليدي.
منصور:اوكي يالله بس ناخذ حنان معنا.؟
ابو منصور:لا طبعاااا اصبر الا مانتأكد وبعدين ناأخذها.
منصور:طيب يالله نمشي؟
ابو منصور:يالله......وراحو للمستشفى.......
************
دخلو لمكتب الدكتور المشرف على حالة رغد وعلى طول دلهم لغرفة رغد لانها كاسره خاطره البنت.
دخل ابو منصور عليها وكانت جالسه ومنزله راسها للأرض وواضح عليها التفكييييير..
ابو منصور:السلام عليكم.
رفعة راسها بخوف ورجعت على وراااااااا بسرعه.
*********
حنان:خالتي وين عمي؟سالت عن عمها علشان تعرف منصور وينه لانها من طلعت وهي ماشافته.
ام منصور:مدري طلع مع منصور .
حنان:ونواف وينه؟
ام منصور:نواف..............وقاطعها دخول نواف.
نواف:السلام عليكم هلا والله بحنانوه.
حنان:هلاا نوااافوه وينك من زمان ماشفتك .
نواف:ابد انا انسان مهم تخبريني فالقائات معي ماتوقف من مدير لسكرتير مدير وعلى هالحااال.
حنان:ههههههههههههه ياعيني يامهم اجل انتبه لاتتعب ههههه.
نواف:ايه لا لاتخافين علي.
ام منصور:وشلون الدراسه معك الحين .؟
نواف:الأول انشاءالله برفع روسكم وبتشوفون الدرجات اللي تبرد القلب.
ام منصور+حنان:الله يوفقك...
**************
رجعت على ورا أول ماسمعت صوته وكانت تناظره بخوووووووووف.
تأكد ابو منصور انها معذبه من آثر الضرب اللي عليها ومن نظرة الخوووف اللي بعيونها.
ابو منصور بحنان:لاتخااافين يابنيتي لاتخافين.
رغد:...............(مافي رد)
ابو منصور:وشلونك الحين تحسين بتعب.؟
رغد:..................(مافيه رد)
ابو منصور:مين اللي جابك هنا؟
رغد:.................(مافي رد)
ابو منصور:اسمعيني يابنيتي تذكرين شي من طفولتك تدرين وين ابوك وامك ولك خوات وإلا لا؟
رغد بتردد:انت مين؟
ابو منصور:انا بمثابة ابوك وماراح اضرك بس انتي قوليلي علشان ابي اتأكد .
رغد:ابوي وامي متوفين .
ابو منصور:طيب لك اخوان وطفولتك تذكرينها؟
رغد:انت مين ؟
ابو منصور:انا اعرف وحده نفسك وجاي هنا اتأكد اذا انتي هي وإلا لا يالله قوليلي يابنيتي..
رغد:مدري اذا لي اخوان وإلا لا كل اللي أعرفه انه اهلي توفوا.
ابو منصور:كم عمرك يوم يتوفون؟
رغد:يمكن اربع سنين ماتأكدت.
ابو منصور:طيب اربع اسنين كبيره يعني ماتتذكرين اذا لك اخوان؟
رغد:والله ماذكر........>وصارت تبكي.
ابو منصور:طيب شوي وراجع لك خلاص .
هزت راسها بهدوء ودموعها على خدها وهي تتذكر العذاب اللي عاشته كل هالسنين.........
طلع ابو منصور لولده اللي ينتظره برااا
منصور:هاااا يبيه وش صااااار؟
ابو منصور:مدري والله تقول ابوها وامها متوفين وماتتذكر اذا لها خوات.
منصور:طيب والحل.؟
ابو منصور:مدري ربك يحلها وانا بسأل عنها واشوف.
منصور:طيب خلنا نسأل حنان أكيد تعرف.
ابو منصور:صحيح ضايعه عن بالي هالشغله.
منصور:يالله اجل رح اسأل حنان وانا اجلس عند رغد وش رايك.؟
ابومنصور:زين ماتسوي ياوليدي حرام البنت مالها احد خلك عندها يمكن يحتاجون شي..
منصور:لا توصي حريص.
ابومنصور:ان شاءالله نوصل للدليل اللي يدلنا انه رغد بنتنا والله تكسر الخاطر.
منصور:ان شاءالله.
**********
سأل ابو منصور حنان وقالت له انه تتذكر اختها واسمها بعد رغد نفس اسم البنت
حنان وهي تبكي:معقوله عمي اختي تكون حييه وينها طيب كل هالسنين؟
ابو منصور:مدري يابنيتي مدري ممكن نقول هي لان الاسم مطابق لاسمك بس رغد متوفييه مع اهلك كلهم توفو.
حنان وبصوت متقطع من البكي:طيب عمي خلني اروح اشوفها ويمكن اتذكر شكلها وبعدين عندي صور لها وهي صغيره خلنا ناخذها ونشوف.
ابومنصور:طيب روحي تجهزي وجيبي الصور معك لا تنسي وانا بغير على ماتخلصين طيب؟
حنان:اوكي ثواني.
..................>وراحت تركض.
ثواني وجابت حنان الصور وعلى طووول طلعت مع عمها......
******
في المستشفى
لمحت زوله واقف عند غرفه من الغرف وصااار قلبها يرجف حست بشعووور حتى يوم كانت تحب محمد ماقد جاها
ابو منصور:هلا منصور هاه وش صار؟
منصور:ماصار شي .
ابو منصور:طيب يالله انا وحنان بندخل عندها وانت شف اذا جاء الدكتور خله يدخل طيب.
منصور رفع راسه من سمع طاريها طاحت عينه على عينها:ان شاءالله يبه لا تضغطون عليها لان اول ماطلعت من عندها انهارت.
ابو منصور:ان شاءالله.
دخل ابو منصور وحنان وراه وقبل ماتدخل حست بيد كبيره تمسك يدها الصغيييره.
منصور بصوت هااادي:اشتقت لك غناااتي.
ارتبكت حنان وبخوف سحبت يدها ماتدري هل انه خوف من عمها ابو منصور يشوفها وإلا خوف من المشاعر اللي تحس فيها ناحيته..
دخلت على رغد اللي كانت منسدحه ومعطيه الباب ظهرها وكانت متكومه على نفسها
ابو منصور بهمس:يمكن نايمه اسكتي.
هزت حنان راسها بصمت وقربت لها شوي.
حست بصوت بالغرفه والتفتت ولا شعوريا ارجعت على ورااا بخوف
حنان باإبتسامه:كيفك رغد ان شاءالله تمام؟
رغد:........(مافي رد)
ابو منصور:رغد حبيبتي ماقد شفتي هالبنت ولا تتذكري ملامحها.
هزت راسها بلا...
حنان:امم طيب رغوده تتذكري شكل امك وابوك لو اوريك صور تعرفيهم؟
هزت رغد راسها بنعم..
ابو منصور:عطيها الصور بسرعه .
حنان:خوذيهم ويالله اذا تعريفيهم خبريني اوكي.
رغد بهدوء:طيب.......>
^تتفرج على الصور.
^تتفرج ننتظر.
رغد بصوت يرجف:انتي مين؟
حنان:تعرفين اللي بصوره.؟
رغد تبكي:هذؤلا امي وابوي.......>وانهااااارت.
حنان بصوت مخنوق:رغد ليش تبكين وقفي بكي علشان احكي لك انا مين.
ابو منصور:امشي يحنان رغد محتاجه تجلس لحالها ...<يكلم رغد>فكري حبيبتي ترا حنان اختك وحنا اهلك والله تونا نعرف انك عايشه وبالصدفه بعد
>تناظره من غييير ماتتكلم....
حنان تبكي بقوه:والله انا توي اعرف انك عايشه رغد حبيبتي ابوي وامي توفوا بحادث وجثتك كانت معهم وانا اللي بقيت لحالي.
>من دوووووووووون ماتتكلم ودموعها على خدها تنزل بغزاره..
ابو منصور:حنا برا متى ماحسيتي نفسك متهيئه انك تشوفينا نادي علينا طيب.
هزت راسها بصمت من دووون ماتتكلم.
^
طلعت حنان وعمها برا وكان منصور واقف وباين عليه التعب
ابو منصور:يالله منصور رح نام باللبيت انا وحنان بنجلس هنا.
منصور:لا لاحق على النوم المهم وش قالت رغد.
ابو منصور:ماقالت شي انهارت بس.
منصور بتعب:طيب ليش تركتوها لحالها؟
ابو منصور:اقولك جلست تبكي وحبينا نتركها لحالها يمكن ترتاح شوي.
منصور:لاهدت خل حنان تدخل لحالها عندها وتكلمها اكيد بتفهم لها اكثر وانت بتنحرج منك لو صرت موجود.
ابومنصور:انا مفكر اسوي كذا ها يحنان قوليلها كل شي لكلمتيها احكي لها اللي صار قبل سنين واذكري لها وشلون توفوا اهلك خلاص.
حنان بهدوء وهي تمسح دموعها وبصوتها المبحوح:ان شاءالله عمي.
ابومنصور لاحظ السواد اللي حولين عيون منصور:ياوليدي طعني ورح للبيت لاصحيت تعال عندنا.
منصور:طيب بروح وان شاءالله بجيكم.
ابو منصور:الله يحفظك .
منصور:توصوني بشي اجيبه معي لارجعت.
ابومنصور:سلامتك.
******
انتهىا البـــــآرت
مخرج~
ابي اغفى بـ/حظنهـ يوم
ابيني بين ~>يدينه<~
وأهمس لهـ ترا اللي بين كفينك
حبيبي فدوهـ~}لعينكَـ <3
وعذراً لمغيب بعض الابطال بهذا البارت وبحول الله بتلاقون اللي يرضيكم بالقادم
وانااا بإنتظار حماسكم وتفاعلكم لاعدمتكم ^^
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بـــــآكـ
..البارت التاسع..
مـدخل~
أمانهـَ
..من قسَسَى ,طبعي عليكَـ؟!
وحَسيت منهـ بالضضيق
تحَمّلني!!
ترى قلبي حنونِ ..وقَسُوتي تمثيل ..:(
بالليل الساعه:10:00هدت رغد شوي وهي بنفسها نادت حنان.
رغد:انا اسفه طولت لساني عليكم.
حنان بابتسامه هاديه:عادي حبيبتي تمونين المهم ارتحتي الحين.؟
رغد:ايه احسن الحين.
حنان:الحمدلله طيب نقدر نتكلم؟
رغد:تفضلي اسمعك.
حنان:رغوده بالبدايه مابي اشوفك تبكين اوك لحد ماأخلص كلامي.
رغد:طيب.
حنان:رغد اللي قبل شوي شفتي صورهم امك وابوك صح؟
رغد:ايه.
حنان:يعني انت اختي يارغد اختي اللي طووول عمري احسبها راحت مع اهلي
رغد حبيبتي بتكلم وسمعيني يوم كنا اصغار تتذكري انه لك اخت او شي زي كذا؟
رغد:مادري مادري......>تفكر.
حنان وهي عارفه انها اختها بس تبيها اهي تتأكد بنفسها عشان ترتاح:تذكري.
رغد:ايه ايه تذكرت بس ماتذكرها مره لاني صغيره .
حنان:اوكي مو مهم يوم كنا صغار ابوي قرر ياخذنا يمشينا اوكي قبل السفر باسبوع انا ارتكبت خطأ وابوي عاقبني ورفض نهائي انه ياخذني وانا بهذاك الوقت عادي ماتأثرت بالعكس فرحت وجلست عند جدتي بس جدتي كانت مضيعه وكبيره مره
المهم سافرتوا انتم انا اول الايام انبسطت عند جدتي بس بالاخير صرت كل شوي اتصل وابكي عند ابوي
جلستو تقريبا اسبوع واربع ايام ماقدرتوا تطولون ابوي تضايق انه مخليني وتندم
وباليوم اللي رجعتوا فيه صار الجوووو مره شين .......>خنقتها العبره.
رغد بصوت مبحوح:ايوه كملي.
حنان:الجو كان شين وطاحت الطياره اكثر اللي فيها توفوا ومن ضمنهم اهلي امي على طول توفت بس ابوي جلس بغيبوبه اربع ايام وبعدين توفى بس قبل لايتوفى سبحان الله صحى ووصى عمي ابو منصور وعلى طول توفاء .
رغد:طيب انا ليش مادورتوا علي؟
حنان:ليش اندور وجثتك كانت مع اهلي وانصدمنا اول ماعرفنا انك عايشه.
رغد:ايه بس انا ماتوفيت انا عشت بعذاب ليش مااخذتيني عندك ليش؟......>وانهارت بالبكي
حنان مخنوقه:طيب حنا معك الحين ليش تبكين؟
رغد:ابكي على سنين العذاب اللي عشتها ابكي على مستقبلي اللي ضااع مع شخص مايعرف الرحمه........وانهارت وصارت ترمي المخدات على حنان.
طلعت حنان تركض ونادت الدكتور عطوها مهدئ وناااامت.
*****
ابومنصور بضيقه من وضع بنت صديييق عمره وبنته بنفس الوقت:هاه يحنان تحسين انها تقبلت الوضع.؟
حنان:ماأتوقع بس يمكن مع الايام تقبل الوضع.
ابومنصور:وين كانت طول هالسنين عند مين عايشه؟
حنان:والله مدري بس شكلها معذبه بعد روحي وهالشي واضح من نفسيتها.
ابومنصور:والله لاأخليه يندم اللي معذبها بس آه لو ادري من هو.
حنان:بروح للبيت بغير وبرجع لها .
ابو منصور:خلاص كلنا خل نروح ماراح يحتاجونا الحين معطينها مهدئ وماراح تصحى هالفتره.
حنان:اوكي يالله مشينا.
******
دخلو للبيت وعلى طلعت منصور من باب البيت ..
منصور:ليش رجعتوا؟
ابوه:ابد بس حنان بتغير وانا برتاح شوي وبعدين بنرجع .
منصور:طيب رغد وشلونها؟
ابوه:لا طيبه بس انهارت شوي وعطوها مهدئ ونامت علشان كذا حنا رجعنا.
منصور:اهااا اوكي يعني رغد نايمه الحين؟يعني اقدر اخلص شغلي بعدين اروح للمستشفى.
ابوه:ايه خلص شغلك ورح للمستشفى.........>ودخل
مشت حنان ورا عمها وحست بنظرات منصور لها بس تجاهلتها.
بعد مارتاح ابو منصور راح للمستشفى وومعاه ام منصور وحنان
دخلو للمستشفى ولقوه الشرطه ومنصور واقفين عند باب غرفة رغد.....
ابو منصور:وش اللي صاااير الله يستر.
ام منصور:رح بسرعه شف وش فيه..
حنان بخوف:اختي فيها شي ..
ابو منصور:وقفو هنا بروح لعندهم.
*******
مشاعل:ههههههههههاي يمممه شدعوا ليش كارهتني.
العمه مريم:مدري عنك شايفتني ماعرف اقرا ولاعبه عللي ماصارت اترجاك عشان تدقين ع خالك واتطممن.
مشاعل تبوس راس امها:اسسفه بالغاليه هاااه الحين بدق لك وبدلعك بععد وش تبين اكثر تدللي.
خالد:وش عقبه بعد ماذليتيها هااتي يمه انا ادق لك وبلا منَّتهىا.
مشاعل:لالا والله مايدق لهاغيري وخر بسسس "وأخذت الجوال ودقت ع ابو منصور"
...................
"بـــس مااافي رد"
العمه مريم بربكه:يااربي لايكون صاير لهم شي وينهم مايردون .؟!
خالد بحنان:قومي البسي عباتك ونروح لهم بالمستشفى.
قامت بسرعه قبل يغيررايها ومشاعل بهدوء:وش صار فيها رغد الحين ماقال لك شي منصور عنها؟!
خالد:لا ماكلمته عقب ذاك اليوم والله يعيين خالي ماندري هالبنت وش سالفتها كان ماجابت لخالي مشاكل.
مشاعل:لا إن شاءالله فال الله والا فاالك "وقامت وتركته"
أخذ جواله ودق ع اللي تنتظره وخبرها انه بيطلع مع امه وتهاوش معها لانه قال لها
:حببي تراني مو فاضي اليوم لك بطلع مع امي.
البنت:ياسلام وامك قاااطه معايفيك.
خالد:اقولل هيييه نسيتي نفسك من تكونين وامممي من تكون تقلعي يالله مناك عطيتك اكبر من حجمكك أنا .
البنت بعصبيه:وش افففهم يعني خلاص انتهينا؟!
خالد ببرود:انتي خسرتيني بصغرعقلك يالله سلام.
بعبره وبصوت ذليل:انت وش قاعد تقولل والعشره اللي بيناا وين راحت بهالسهوله هانت بالنسبه لك؟!
خالد:لاتلووووميني بشي انتي اخترتيه ويالله لاتذلين نفسك عشاني لاأنك ماتشكلين عندي.
بحسره وبقلب يتقطع:الله لايوفقك يجعلك تشوفها بدنياااك قبل آخرتك.
خالد:الله يسامحني وهالشي لمصلحتك يابنت الناس علاقتي معاك بحدود والله الشاهد ماقد ضريتك بشي وحبيتك بإخلاص
بس لاصارت كلمتك دايم سب ومقارنه بيينك وبين امي واختي وش تبين اسوي لاصارت الانانيه معميه قلبك وش اختار
بين جنتي وناري والا اختار بنت قلبي؟!
البنت :اككككرهك ورربي اكرررهك انقلع يالخايس.
خالد ببرود يعكس قهره من الفاظها البذيئه اللي ضل متحملها عشان قلبه :سمممي ابشري سلام .
"وسكرها بوجهها"
شغل سيارته وهو يشوف امه طالعه ركبت معاه برزانتها الدائمه وبحنيتها الغالبه.:لايكون بتعبك بمشواري هذا ياوليدي؟!
خالد:شدعووووا يمه اللي يسمعك يقول هذا مو وللدك تزعليني منك كذا.
امه:مو مسألة كذا بس اخاف الا عندك شغل وبأخرك السواق موجود كان رحت معه.
خالد باس يدها :هالشييخه ماتركب مع غريب وراسي يشم الهواء وماعاد ابي هالرسميه يالغاليه طيب.
امه بفرح من برر ولدها فيها:سم ابشر.
خالد:بشروك بالجنه يادنيتي بقرب منزل نبيك .
امه:امين يارب.
وسسساق بسرعته الجنونيه ثواني ووصله مسج
(توقعت الكل يبدر من هالتصرف وماتوقعت اللي قلبي فضله ع الكل يصير كذا
لعاب همه رغباته وشهوته اناني حقييييير كل هالصفات اتصفت فيهم
ومن فتره كنت الملاك الطاهر الحبوب الرحوم
صحيح الحب اعمىىىا
قلبي اعماني ع حقارتك قلبي نساني انانيتك قلللبي نساني من تكون ومن اكون
قللللبي خلاني اخو ناهلي واخون نفسي
تدري بتصرفك فقدت ثقتي بنفسي فقدت قلللب ملكته فقدت روح طاهره بكوني انثىا
بدعي عليك من سكرتها منك ماقدرت تدري ليش لاأني ماني قاسيه مثللك الدعوه مو راضيه تطلع من قلبي
لساني نطق فيها ونطق بكررهي لك بس لتشتيت كياني وتوضيح صورتك ونظرتي لك بس هذا الععكس
الله يأخذني انااا اللي حبيتك
اككككككرهك وليتها من قلبي هالكلمه
سلام)
رمى جواله بحضنه وصااار يسوق بسرعه خلت امه تمسك ذراعه وبرجا:يممه وليدي خفف سرعتك خااالد يممه خفف ..
خالد بعصبيه:مايصيبنا الا ماكتب الله لنا استهددي بالله انتي .
امه بصدمه من تغيرمزاجه:شفييك يمه .
اسكت خالد وهو حاس ان امه بتكشف سبب تغيره المفاجئ وهدأ السرعه وهو يشوف دمعة امه المتمرده ع راحة يدهــآ
*******
ابو منصور:السلام عليكم .
الشرطي:وعليكم السلام.
ابومنصور:خير وش صاير ليش انتم موجدين هنا؟؟!!
منصور:صايره مشكله يبه......
الشرطي يقاطع منصور:مسكنا شخص حاول يقتل رغد وباللحظه الأخيره دخل عليه الاخ منصور وإلا كان البنت رااحت بين ايدينه.
ابو منصور:طيب عرفتو من وهو وليش سوا كذا؟
الشرطي:شخص مرسله خالها اللي كانت عايشه عنده سوا كذا لانها تعرف اشياء عنه وخاف انه تفضحه.
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك