رواية لا ياخذك غيري ترى خاطري فيك -11
ابومنصور:خير وش صاير ليش انتم موجدين هنا؟؟!!
منصور:صايره مشكله يبه......
الشرطي يقاطع منصور:مسكنا شخص حاول يقتل رغد وباللحظه الأخيره دخل عليه الاخ منصور وإلا كان البنت رااحت بين ايدينه.
ابو منصور:طيب عرفتو من وهو وليش سوا كذا؟
الشرطي:شخص مرسله خالها اللي كانت عايشه عنده سوا كذا لانها تعرف اشياء عنه وخاف انه تفضحه.
ابومنصور بعصبيه:النذل قدرتوا توصلون له؟؟
الشرطي:حاليا لا لانه مسافر برا السعوديه بس ثواني وبنزل بلاغ القبض عليه.
ابومنصور:سو أي شي بس المهم النذل مايطلع منها كذا.
الشرطي:اهو لو على محاولت قتله للرغد كان صار الحكم عليه بسيط بس هالشخص مطلوب له ست سنين وللحين مو قادرين نوصل له بس ان شاءالله قرب الوقت اللي نمسكه لاننا عرفنا المدينه اللي مسافر لها بس مقره بالضبط وين هذا اللي ماقدرنا نوصل لها.
ابومنصور:ايه الله يقويكم عن اذنك بشوف رغد.
الشرطي:اذنك معك.
نادى ابومنصور حنان وام منصور ودخلوا سوا على رغد.......
كانت منهاره على السرير بس شافت حنان ارتمت بحظنها وضلت تبكي....
رغد:والله كان بقتلني ليييش تركتوني لحالي لييش ......>ورجعت تبكي
حنان:خلاص رغوده اهو الحين بالسجن لايهمك خلاص حبيبتي.
رغد:كنت بموت ليه انا وش سويت له ليه من هذا مييييين.......>تبكي.
ام منصور:خلاص حبيبتي ماصار الا الخير وربي فكك منه ارتاحي وربي مابتلاك بهالشي الا لانه يحبك وبيشوف مدى صبرك
اذكري الله يابنيتي.
رغد تبكي بصمت:لاإله الا الله استغفرالله العظييم استغفرالله .
احترموو صمتها وضلو ساكتين لفتره جاوزت الخمسة عشر دقيقه
رفعت راسها بهدوء ومسحت دموعها المعبره عن مدى الامهآ كل دمعه من دموعها تهز جبل بشموخه دموعها جرت وراها دموع حنان وام منصور اللي يتابعونها بصمت يقارب لصمتها وأصوات الشهيق والعبرات المكتومه متتاليه بأنحاء الغرفه
حنان بتغير السالفه وبصوت مبحوح من البكي:رغوده انا فرحانه اني لقيتك خلاص رغوده انتي بتعيشين معنا بتصير لك عائله.
ابتسمت رغد ابتسامه باهته وسرحت بتفكيرها لمكااااان عاشت فيه اسوء ايام حياتها
ابو منصور اللي توه داخل بصوت حنون:رغوده حبيبتي الحمدلله على سلامتك
رغد منزله راسها للأرض:الله يسلمك اتعبتكم معي ياعمي.
ابو منصور:ازعل منك لو قلتي هالكلام هذا مره ثانيه انتي بنت الغالي صحيح الله مارزقني بنات بس انتي وحنان نعمه من ربي لي انتم بحسبة بناتي واشـد
ابتسمت حنان وغصب عنها طاحت دمعه تعبر عن شعورها بهالحظه....
ام منصور:الظاهر بتقلبون السالفه بكي ومناحهـ خلاص المفروض ننبسط اليوم اكتملت عائلتنا
>طق منصور الباب وكان معه نواف ..
قام ابو منصور يفتح الباب.
منصور:يبه اذا ماعليك امر خل البنات يتغطون بندخل نسلم على رغد ونتحمد لها بالسلامه.
ابو منصور:تغطن يابنات منصور ونواف بيدخلون يسلمون على رغد.
رغد بصوت هادي:حنان تعالي جنبي استحي منهم.
حنان:هههههه طيب .
دخل منصور بهيبته كالعاده وخلفه نواف اللي مستحي من رغد شخص جديد دخل عليهم وبطبعه حيوي الولد ويحس وضعها قريب لوضعهـ
منصور:السلام عليكم مساء الخير .
الكل:وعليكم السلام مساء النور .
منصور:الحمدلله على السلامه رغد وماتشوفين شر ان شاءالله.
رغد:الله يسلمك والشر مايجيك.
نواف:الحمدلله على سلامتك .
رغد:الله يسلمك .
ابو منصور:اجلسوا ليش واقفين .
منصور:لا خلاص بنطلع اهم شي شفنا رغد وتطمنا عليها بنطلع علشان يأخذون راحتهم.
ام منصور:اجلسوا عادي البنات ماخذات راحتهم.
منصور:لا انا عندي شغل بالشركه الوالد موصيني عليها ونواف بيروح لنادي.
ابو منصور يتذكر :ايه وبعد نسيت فيه اوراق عند سكرتيري لازم اخلصها واليوم ماأتوقع اروح لشركه خلصها انت .
منصور:سم ابشر تأمروني بشي قبل اطلع مشتهيه شي يارغد أي شي بنفسك تدلعي اليوم بدلعك انا .
الكل:ههههههههههههههههههه.
رغد:سلامتك ماتقصر .
منصور ونواف:مع السلامه.
بعد ماطلعووو>>>
حنان:عمي اليوم بروح اجهز غرفة رغد اذا ماعندك مانع؟
ابو منصور:اكيد ماعندي مانع روحي من غير ماتسألين وها الله الله اختاري لها غرفة تليق فيها هذي رغوده الغاليه..
رغد بحيا:تسلم عمي مايحتاج لي غرفه .
ام منصور:لا وش دعوى مايحتاج مابيك تستحين منا يابنيتي المفروض تطلبين وش تبين نوع غرفتك مو مايحتاج يالله ياحنان خلي بكرى الغرفه علشان تروح معك تختار بنفسها غرفتها صح والا انا غلطانه.
ابو منصور:كيفكم عاد انتم اذا رغد تبي تختار اهي غرفتها نأجلها لبكرى .
حنان:اوكي بكرى بكرى بعد احسن عشان مأحتار بالإختيار.
رغد:لا والله ماله داعي.
ابو منصور:وش ماله دااعي الا ضروري انتي بنتي الحين وان شاءالله بعد تجهزوا ترا الاسبوع الجاي بحط عزيمه بمناسبة سلامة رغوده.
رغد:"ماردت من الخجل"
ام منصور:عاد ليه الاسبوع الجاي خلها الاسبوع هذا.
ابو منصور:لا ابي الا ماترتاح رغد احسن .
ام منصور:طيب اللي تشوفه.
حنان:بروح للبيت انا بجيب لي اغراض تبون شي اجيبه معي .؟
ام منصور:خلي الخدمات يجهزوا القهوه وجيبيها معك .
حنان:سمي طيب تبون شي ثاني .
الكل:سلامتك.
طلعت حنان ودخلت العمه مريم اللي الكل تفاجأ بوجودها ومعها خالد سلم ع خاله اللي طلع له برا وجلس ينتظر امه ع ماتخلص
بطبعها الحنون ودمعتها اللي دووووم منسكبه ع خدها اللي واضح عليه أثر الشيخوخه :شخبارك يابنيتي شلون صحتك الحين.؟!
رغد بعبره مكتومه وهي تشوف دموع الرحمه ع محيا العمه:تمام الحمدلله "ونزلت راسها بأسىا"
جلست ثلث ساعه وبعدها طلعت عشان رغد ترتاح وبعد المريض يتعب من طول الزيارهـ.
دخلت حنان بيتهم وكان هدوء راحت للمطبخ وقالت للخدامات يجهزون القهوه وراحت غرفتها تتروش وتغير لبسها
دخلت غرفتها ولقت هديه مغلفه بشكل خطير ومنسقه بإبداع راحت بسرعه بتشوف من مين اخذت الكرت وقرته بسرعه (الحمدلله على سلامتك حبيبتي
سوري جت متأخره بس انتي ادرى بالضروف ....حنان انا ابيك زوجه لي مستحيل اتقدم بأأي خطوه الا بعد موافقتك وهالهديه اذا انتي وافقتي علي ابيك
تلبسيها يوم خطبتنا .......احبك )
فضولها خلاها تفتح الهديه وتفاجأت بوجود فستان كلمة روعه شويه عليه طلعت الفستان وتأملته اعجبها بقوه تذكرت انها قد شافت هالفستان
بس وين ماتدري حاولت تتذكر وشهقت لما تذكرت انها شافته بتركيا واعجبها بس ماقدرت تشتريه لان المحل كان مسكر ابتسمت بحب لمنصور
وشافت انه باقي هديه ثانيه ماشافتها ولما افتحتها لقتها سلسال ذهب ومعه طبعه ناعمه ومرصع بالالماس شكله حلو لبسته وحلفت انها ماتفسخه ابد رن جوالها
وكانت ام منصور اللي تتصل ردت عليها وبسرعه راحت للحمام تتروش
خلال ساعه ونص وحنان جاهزه بس تنتظر السواق يجهز السياره
..........
مر اسبوع تقريباآآآآ وطلعت رغد من المستشفى ورغم انه ماقصرو معها بشي بس مو قادره تندمج معاهم تحس انها غريبه معهم
عانت وتألمت بذكراا دوووم ترافقها
دموع عبرات تتلاحق كل ليله
قسىا حرمان من يتيم يفقد الفرحهـ
طفولهـ برئيه لوثتها حقارت انسان
جمود مشاعر صلابة قلب اغتالة حقوق انسان
مسحت دمعه حااااره معبرهـ وبألم:ياارب ارحم ضعفي يارب ارحم قلة حيلتي يارب ساعدني والهممني النسيان"وانفجعت بنزول دمعات ودمعااات متتاليه"
دخلت عليها وهي تسمع صوت شهقاتها اللي ماليه الغرفه ضمتها لصدر الاخت الحنونه الاخت المحرومه من قرب اختها
وبألم وهي تشوف دموع اختها:خلاص كافي ياغلاي انتي وربي اتعذب من اشوفك انسي كل شي تذكري اننا اجتمعنا بعد عنااء
رغوده انتي تقتلين نفسك كذا وتقتلييني معاك.
رغد:اناا تعععبانه ياررب ساعدني "وصارت تبكي بنهيار خلا حنان تضمهاااااا اكثر وكأنها بتوصل لها شي بشدتها لصدرها"
دمعة رحمه تسللت بيين دموع عده انسكب ع شعر اختها النايمه بعد عناء من الماضي وذكراهـ
مسحت بيدها ع خد اختها اللي بحضنها وعدلت انسداحتها وصارت رغد نايمه ع صدر حنان ويد حنان لافتها ع رغد بكككل حنيه
تجمع حنان أخت وأم وصديقه وقلللللب صافي من لوث دنيااء فانيه .....
نامت وفكرها بأختها وكيف تساعدها وهي تشوف قلة حيلتها بمساعدتها لانها بختصاررر رغد مهزوزه من جواتها
رغد فاقده ثقتها بنفسها وبالدنيا
عاشت بعذاب ورجااء الكل النسيان
ومع الايام ومع قلمي انا يابنت عبدالله بيتضح لنا المكتوب بحياة انسانهـ الرحمه تغلب ع مشاعرنا ناحيتها ..
*****
قرر ابو منصور انه يحط عزيمه ويجمع العائله يمكن يغير شي من نفسية رغد اللي الكل ملاحظهاا
""""
يوم العزيمه وكان ببيت ابو منصور
الساعه:7:00 المغرب الكل كان موجوود ومابقى غير العمه مريم
نزلت حنان من فوق وقفت بأخر الممر تعدل لبسها اللي يتكون من بنطلون جنز ازرق وقميص أخضر وجاكيت رسمي سكري
وجزمتها مسكره كلهااا ومدموج اللون الأحضر والسكري مع بعض وشعرها مسويته ستريت وطالعه نعومه مره معه....
رغد:حنووو ليه تأخرتي كلهم وصلووو كان ودي اول مأدخل تكونين موجوده.
حنان:وااااااااااااااااااو فستانك رهيب وبعدين ميخالف عادي تعودي تدخلين من دوني لاني بتزوج هههه.
رغد:(لابسه فستان سكري قصير وفيه على آخر خصرها حزام ذهبي سخييف وصاير فستانها من فوق فض فاض بحيث انه مو مره باين الحزام)
حتى لو تزوجتي بضل ادخل معك .
حنان:خالتي ام منصور وينها؟
رغد:بالصاله مع زوجة العم صالح.
حنان:البنات وصلوو؟
رغد:مدري ماشفت احد وترا ماأعرف احد منهم نسيتي انه اول مره التقي فيهم.
حنان:وبتحبينهم تراهم طيبين بقوهـ .
جت عندهم ام منصور:وينكم ليه تأخرتوو يالله كلهم صارو موجودين.
حنان ورغد:يالله بندخل معك.
ام منصور:انا بروح للمطبخ بشرف على الخدم.
البنات:اوكي.
*****
بعد السلام والقهوه قامت عهود وقالت بصوت عالي :اقووول بنات مامليتو من الجلسه قومووو خلونا نفلهاا متى نجتمع حنا يالله اشوف >وزادت بصراخها<
قووووووووومووووووووا قدامي يالله
وقفت مشاعل ومسكت يد عهووود وقالت بصوت عالي :عجايز ذولاء سنه على مايتحركون .
الكل:هههههههههههه.
العمه مريم:وين تروحون وتتركونا ترا مانعرف نجلس من دونكم.
انقزت عهود جنبها وباست راسها:لاخلى ولاعدم منك ياميمتي وهـ فيدتك ياناس >وبغرور قالت<عادي قولي انه البنات عادي يروحون بس انا ماتستغنين عني صووح .
مريم:هههههههه صح بس قصري حسك اذاني تعورني .
حنان:تبون افتح الدي جي نرقص؟
مشاعل بحماااس:يالبييييييييييه ياحنوو وش عرفك انه فيني هيصه اليوم قومي افتحيه وحطي لي اغنية تناسب مودي.
حنان:هههههه وانا وش يعرفني بمودك.
مشاعل:قومي وانا بروح معك.
_قاموو البنات مع حنان وكل وحده تقول لالالا اغنيتي الاولى .
مرام:انا الكبيره لازم تحطون اللي ابي.
حنان:هههه طيب وش تبين انتي؟
مرام:اممم ابي الغرقان مشتهيه اسمعها.
عهود:انتي وخشتك اذا انتي ماترقصين ليه تختارين اسكتي احسن.
مرام:ماتدرين يمكن ارقص يالله حنان حطيها.
حنان:اوكي.....
ومن اول اغنيه حطتها بدو يرقصون المشكله انهم متفقين انهم يقهرون مرام ومايرقصون على اغنيتها بس ماقدرو يقاومون
عهود:يالله حنوو بليز حطي اغنيتي .
حنان:شو بدك ؟
عهود:ابي اغنية الحان كل يوم بليييييييييييز .
حنان:اوكي.
وحطوها قامت حنان ترقص معها تمنت ام منصور بهالحظه انه تكون من نصيب منصور لانه مستحيل يلاقو بنت بجمالها وأخلاقها
راحت حنان وهي ترقص وقومت رغد معها هزت رغد على خفيف لانها ماتعرف ترقص بس قامت علشان اختها
:::::::::::::::::::::::::::::::::::::
الساعه1:00بالليل
بعد ماراحو كلهم مابقى الا العمه مريم وبنتها مشاعل
حنان:خلونا نطلع برا بالحديقه احس الجو هنا مكتوم صح؟
مشاعل:ايه والله يالله انا بطلع واللي يبيني يلحقني هع
حنان بمزح:لالا لاتطلعين اخاف تنصدمين اننا كلنا مانبيك اذا ماطلعنا معك .
مشاعل:هههههههه لالا روحي رياضيه ماراح ازعل بس بضرب كم يوم عن السواليف معكم بصير كني خدامه مضربه عن الشغل .
مريم:هههههههههه وانا الضحيه هم حملهم منك خفيف بس انا اللي بتضلين بوجهي ورازه هالخشه .
ام منصور:ههههههه من يحصله يشوف خشة مشاعل كل يوم يالله الجنه بس.
مشاعل بخفه دم:وهـ بس ويلوموني لاقلت ليتك امي ......<وناظرت امها وكأنها تنتظرها تهاوشها.
مريم:وجع وانا مو ماليه عينك.
مشاعل تضم امها:الله لايحرمني منك يالغاليه انتي الخير والبركه <ورجعت تمزح<بس تعرفيني احب التغييير.
حنان:ههههههههه عاآآد تحبين التغير حتى بأمك؟
مشاعل:ههههههههههه احراج السؤال هذا خلاص غيروا السيره.
ام منصور:قوموا اطلعو بالحديقه وانا وعمتكم بنجلس هنا .
حنان:يالله اجل خلونا نطلع.
مشاعل بتمصلح:حنوووو حبيبتي بليييز ممكن اطلبك طلب وتنفذينه لي.؟
حنان:اطربيني بطلبك اشوف....!!!
مشاعل:صغير طلبي تكفين حنو قولي للخدامات يجيبو لنا عصير والله مشتهيته بهالليل.
حنان:هههههه شهوت عجوز انتي وخشتك.
مشاعل:بليز حنوووو.
حنان:اوك اسبقيني انتي ورغد على ماأقول لهم .
مشاعل:بس هاه ترا انا ابي عصير فراوله طازج اوك.
حنان:اوك وانتي رغوده؟
رغد بحيا:اي شي عادي.
حنان:لا وش تشتهين؟؟؟
رغد:خلاص جيبي لي مثلك.
حنان:انا ابي عصير ليمون تبين مثلي والا شي ثاني؟
رغد:خلاص خليهم يسوا لي برتقال.
حنان:اوكي يالله اطلعوا على ماأجيكم.
:::::::::::::::::::::::::::::::::::::
قالت حنان للخدامات يجيبون لهم العصير وطلعت للحديقه جلسوا ضحك وسوالف الا الساعه 3:00بالليل
مريم لابسه عبياتها وبصوت عالي:يالله يامشاعل اخوك عند الباب بسرعه.
مشاعل :طيب يالله بجيب عبايتي .
راحت تركض دخلت للباب اللي فيه دولاب العبايات وكان هو الباب الرئيسي للقصر
اخذت عبايتها وماكانت منتبه للي واقف التفتت بسرعه وشهقت بقوه وهي تشوفه واقف مصدوم من اللي قدامه....................
::::::::::::::::::::::::::::
بعد ماراحت العمه مريم ومشاعل اللي من أخذت عباتها وهي مانطقت بشي ابدا..
حنان:وش رايك فيهم اعجبوك.؟؟
رغد:ايه كلهم حبوبين بس بصراحه مشاعل أحلى شي عسل بقوه.
حنان:حتى عهود تهبل كل شي فيها نفس طبع مشاعل.
رغد:كلهم والله طيبين حتى الحريم الكبار كل وحده اطيب من الثانيه ولا وحده حسستني بشي.
حنان:اجل ليه كل هالحيا اليوم الا متى رغوده حبيبتي بتضلين كذا؟
رغد:غصب ياحنان ترا حتى انتي احياننا استحي منك .
حنان:حاولي جاهده ياعمري انك تتخلصين من هالحيا .
رغد:ان شاءالله وانتي بعد ساعديني ترا مالي غنى عنك.
حنان:انا معك دائما واي شي تحتاجينه انا في الخدمه
رغد:الله لايحرمني منك يارب.
حنان:والا منك.
:::::::::::::::::
في غرفة الضيوف بقصر ابو منصور.......
منسدح وهو يفكر باللي شافها اليوم استغفر ربه بسرعه وحاول ينام علشان ينساها
وبعد عـــرآآآآآك دام طويلا تغلب النووووم عليه
*****
بغرفة منصور جالس على الاب تبعه وعقله وتفكيره باللي بالجهه الثانيه من جناااحه طرت على باله فكره انه يروح لعندها بس على طول مسحها من باله لانه توقعه انه حنان تزعل من حركته
طفش من الاب وقرر يكمل شغله بكرى وقاآآم بملل شاف ساعته اربع الفجر وقرر انه يستعد لصلاة وبعدها ينام
دخل يتروش ولبس ثوبه وحط الشماغ عليه بس من دون عقال بما انه رايح للمسجد
نزل بهدوء من غرفته علشان مايزعج النايمين وشاف باب الفله مفتوح استغرب انه مفتوح وبهالوقت مشى لجهة الباب وحس بشي يضربه على صدرهـ
:
:
:
:
:
عند مشاعل تكلم عهود:اقولك شافني وانا ماعلي عبايتي يافضيحتي عنده
عهود:غصب عنك اللي صار موب بكيفك والا برضاكـ.
مشاعل:يي عهوده من تتوقعين يكون؟
عهود:مادري اسألي حنان يمكن تدري .
مشاعل بقهر:ضفي وجهك مضيعه وقتي معك وانتي بس مأدري كلمه ورد غطاها هذا بدل ماتتفاعلين معي مالت بس يالله انا بسكر.
عهود بصرآآآخ:احللللللللللللللللللللفي مشاعل كيف ومتى صار هالشي عساك حبيتيه بس
مشاعل ميته ضحك:هههههههههههههههههههاي انقلعي انتي وخشتك تطنزين .
عهود ببرود عكس هبالها اللي من شوي:مادري عنك يعني موضوعك تااافه بقوهـ وبعدين اذا شافك.
مشاعل تتصنع الزعل:الشرهه موب عليك الشرهه علي انا اللي اتصلت عليك اشكي لك اللي مضايقني مالت عليك من بنت اخو يالله انقلعي .
عهود:ميشو عمري لاتزعلين بس جد ياأحلى عمه بالدنيا فيني نوووم بقوه والله اني مسطله من شدته.
مشاعل:اوك نوم العوافي واكلمك بكرى.
عهود بمزح:بكرى بخليك تعيدين السالفه وبتحمس من جديد وش رايكـ؟
مشاعل:ههههههههه زين قلتي لي علشان اعمل احسابي والا اعطيك وجه واصير هدره كل شي اقوله لك هع.
عهود:زين يالدوباااااا يالله انزلعي بنام.
مشاعل:مع السلامه.
********
واقفه ومعطيته ظهرها ومنصدمه وتناظر قدامها وعيونها مليانه دموووع
77777
منصور لاشعوريا دفع اللي ضربه لقدام وصرخ بصوت عالي:هيييه مااتشوفين .
ترجف من الخوف:انــا آسفه مانتبهت .
منصور استوعب صوتها وقال في خاطره يااااالبيه والعصبيه كلها تلاشت:لا عادي بس وش مطلعك بهالوقت برا؟
ناظرت حنان رغد برجاء تبيها تتكلم بدالها ورغد الي كانت واقفه بوجه حنان وميته ضحك على اشكالهم يوم صبخت بمنصور ودفة منصور لها.
رغد بإبتسامه:طلعنا نتمشى شفنا الجو حلو وماحبينا نفوته .
منصور وعيونه مافارقت اللي قدامه ومعطيته ظهرها والحيا كاسي وجهها كله.
منصور:طيب يالله ادخلوا خلاص الجو برد الحين.
مشت رغد ودخلت التفتت حنان وشافت منصور واقف بوجهها وابتسامته مافارقت وجهه .
لفت حنان بتمشي وقفتها مسكته ليدها وبهمس :حبيبي بكرى بيوصلك خبر يفرحك .
ناظرته حنان بحيا وفكت يدها من يده بسرعه وركضت تدخل داخل.
ابتسم وهو يشوفها تركض راقبها لحتى اختفت عن نظره كمل طريقه بيمشي للمسجد ........
::
::
::
::
الساعه سبع الصبح جهز اغراضه وقرر يرجع لمكان ماجاء منه من دون مأحد يصحى...
########
الساعه وحده الظهر.........
جالس بالصاله ويقرا الجريده دخل عليه منصور وباس راسه وجلس جنبه منصور بهدوء :يبه
التفت له ابوه:هلا.
منصور بهدوء:يبه ابي اكلمك بموضوع يخــص حـــنــ......... قاطعهم دقت التليفون .
رفع السماعه ابو منصور بحكم انه قريب له وبكل هيبه تكلم:هلا والله......ايه .......من معي......
انربط لسانه ماصار يتكلم والصدمه واضحه على وجهه
قرب له منصور وقاله بخوف:بيبه وش فيك؟
ابو منصور مو مستوعب اللي صار:مــــ ــــ ـــ ـــــات مااات
منصور بخووف ممزوج مع صراخ:من اللي مات يبه تكلم.
اخذ منصور السماعه وماكان فيه احد على الخط.
منصور:يبه من اللي مات.
ابو منصور:........................؟؟؟؟؟؟
انتهى الباااارت...... ^^
أن شفتّني متضآيـق
وسألتني شفيك:$
وقلت لك <مدري >
خلآص إعرف ترآني بآلحيِّل/ محتآجككك
امممم
.. توقعاتكم ..
_علاقة حنان ومنصور بتستمر والا بتنتهي بوصول هالخبر المفجع؟؟.
_مرام وقلة ادواارها بالبارتات هل انه يخفي شي او في شي ينتضرها؟
_مشاعل واللي شافته هل انه بتنولد قصة حب مجهوله بين كل من الطرفين؟؟؟؟
_وآخيرآآآآآآ ختمت البارت بوفااااة شخص ما في روايتي من توقعون يكون؟؟؟ ^^
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
"
البارت العاشر.........
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك