رواية لا ياخذك غيري ترى خاطري فيك -7
ابو منصور:لا والله للحين ادعي انها توافق.
حنان بفرح:يــــــــــــــــارب يسلام تعطي جو للبيت ونضامنا كله يتغير.
ابو منصور:ههههههههه اصبري لاتأملين نفسك اصبري إلا ماتجي موافقتها.
حنان:لا انشاءالله بتوافق.
*********
دخلت عليه بعد ماخلتهم ينتظرون اسبوع ونص وقالت بتردد :أنا موافقه بس بشروطي.
منصور بفرحه لاتوصف:كل اللي تبينه بيصير بس لحظه بدق على ابوي علشان يجي ويسمع اشروطك.
امه:لا اصبر ابيك انت اللي تسمع شروطي.
منصور باهتمام:طيب اسمعك ياللا.
امه:ابيك تنقل لرياض وتسكن معنا وشركتك كل فتره تجي لشرقيه وتشوف الوضع فيها ..
منصور:لا يمه صعبه بس لاتخافين بصير كل بعد اربع ايام وانا عندكم وش تبين بعد.
امه:لا ابيك قدام عيني اربع وعشرين ساعه ولا خلاص مافي زواج.
منصور:حرام عليك يمه رابطه مصيرك بمصيري وبعدين انتي بتصيرين مع ابوي وبتنسيني واذا ذكرتيني تلقيني عندك .
امه:لا خلاص انا مابي اتزوج موب مشكله عندي عشت السنين اللي راحت من دون ابوك اقدر اكمل عمري من دونه بس ماقدر اعيش لو ساعه ماأشوفك فيها.
منصور ضمها بأيدينه:خلاص موب مشكله بنقل لرياض وبتتزوجين ابوي وبسوي اللي انتي تبين ها وش تبين بعد.
تمسح دموعها:مابي شي غير كذا الحين قول لبوك عن خبر الموافقه.
منصور رفع جواله:انا متأكد بيفرح من الخبر.
امه:هههههههه يالله وانا بسوي الشاهي على ماتخلص.
منصور:تعالي اسمعي صوته لسمع الخبر هههه.
امه:عييييب عليك.......>وقامت مستحيه<
منصور:ههههههههههه ياعيني على اللي يستحووون.
*********
سمع الخبر وطـــــــــار من الوناسه وقرر على طووول يروح لشرقيه ويجيب عروسته خخخخ.
وحنان بادرت على طوووول بتأثيث غرفة المعاريس وتجديدها من أول وجديد....
>ووباليوم اللي بيأخذ ابو منصور زوجته صممت نوره انها تحط لها شوي مكياج وبعد عدة محاولات اقتنعت ام منصور....
^
^
امممم أحس انه ماله داعي اوصف واشرح واوضح شعور كل واحد منهم يعني باختصار بعد سنين طويله التقو من جديد وحبهم لبعض زاااااد عن قبل
وخاصه بوجود منصور وحنان اللي اضافوا جو حلو بسبب تعليقاتهم ....
..................>مر شهر كامل على زواج شيبانا خخخخ
ومنصور طول هالفتره وهو بالشرقيه بسبب شركته وسوى ليوسف توكيل علشان يشرف على الشركه بانتظااام..
وطبعا وظيفته اللي بالبنك بسهوله جااء نقله لرياض بسبب مركز ابوه ومبراطوريته بالمملكه حاول ابوه فيه انه يمسك شركاته بس منصور رفض وصمم انه يكمل شغله بالبنك ........
المهم....>
^
^
جاء منصور لرياض من دون مايخبر أحد وسواها مفاجئه لهم دخل للبيت وكــــــان هدوء سأل الخدامه وقالة له انهم طالعين ومافيه الاحنان بس نووووم
جلس بالصاله وقلب بهالقنوات بملل سند راسه على الكنب وبسبب التعب من الطريق على طوووول ناااام
نزلت بكسل وكانت لابسه سبور عباره عن برموداء جييينز أزرق وتيشيرت فوووشي فيييه رسمة الممثله الامريكيه سلينا قوميز وصندل فوشي خفيف شكله رهييب
وشعرها حطته ذيل مرتفع وحاطه مكياج خفيف....
شافت التلفزيون مفتوح وماعنده أحد راحت تسكره ومانتبهت للي نايم على الكنبه لانها معطيته ظهرها لفة بتطلع وانتبهت لمنصور حطة يدها على فمها تخفي شهقتها وناظرته بصدمه انتبهت انه ممكن يصحى بأي وقت طلعت للحديقه تركض وهي لحد الحين يدها على فمها..
فتح عيونه وهو يحس انه تافه بسبب حركته كان يتأملها وهي مو محرم له حس انه حقييير قااام من الكنب بثقل ورقى لغرفته وصورتها مافارقته من جت تسكر التلفزيون الا ماراحت تركض وهي على بالها انه نااايم ومادرت انه حس فيها ولما شاف انها حنان قرر يسوي نفسه انه نايم ويناظرها بخفيه .
وقت العشاء....
تعشوا سوا ماعداء حنان اللي كانت معزومه وعلشان كذا حطووو عشاء منصور وابوه ونواف مع ام منصور لان حنان مو موجوده..
^
دخلت للبيت والاناره خفيفه والهدوء يــــعم المكان شافت الكنبه اللي كان جالس عليها منصور وحست بشعووور غريب داهمهـــا
رقت لغرفتها ومرت من عند جناح عمها وام منصور وسمعتهم يسولفون ويضحكون وابتسمت وهي تتذكر عمها ونفسيته اللي تغيرت ميه وثمانين درجه
بسبب وجود منصور وأمه قطع سرحانها صوت قفل غرفة منصور افسخت جزمتها بسرعه وركــــــض على غرفتها قبل مايطلع...
نزل من الدرج وطلع للحديقه اتجهه للمسبح الكبــــير اللي من الجهه الخلفيه للبيت بحيث معطي شكل جمالي للبيت
فسخ تيشيرته وارتمى بالمويا وصااار يسبح بمهااااره..
:مجنون هذا والا فيييه عاقل يسبح بالليل ...>حست انه ممكن يشوفها وبوضوح بعد بسبب انارة غرفتها العاليه سكرت النور وارجعت تطل عليه وتتأمله وهو يسبح ومادرى انه فييييه أحد يناظره ......
:خالتي يمكن تجي مرام الحين عادي ؟
ام منصور بابتسامه هاديه:وش دعوى يابنيتي البيت بيتك قبل مايصير بيتي اعزمي اللي تبين ومره ثانيه لاتشاوريني ترا بزعل منك.
حنان بحيا:لا مايهون علي زعلك
ام منصور:أجل لا اسمعك تستأذنين مني ضيوفك هم ضيوفي يابنيتي .
حنان:تسلمين لي ياأحلى خاله في هالدنيا.
ام منصور:ترا اشوف نفسي عليك هههه.
حنان:هههههه مو مشكله أهم شي اقولك عن اللي في داخلي وأعبر لك ههه
ام منصور:ههه خلي مدحك لاصاار فيه عمك ابو منصور.
حنان:هههههههه ابشري من اليوم بابداء ههه.
عمها من وراها:وش تبدين فيييه وانا عمك.؟
حنان:آآآآآآه ولا شي ياللا انا بقووووم اتجهز تبون مني شي ؟؟
ام منصور+ابو منصور:سلامتك.
*****
انهت مكياجها بوضعها قلووووس وردي مناسب مع قميصها الوردي من رالف لورين بولو وبنطلونها الجينز السكيني وجزمتها الورديه بكعبها العالي اللي زادها انوثه عدلت شعرها اللي مسويته كيرلي ورافعه غرتها ولبست طوق سخيف وردي ويتوسطه فيونكه ورديه انيييييقه.
نزلت تحت وشافتها ام منصور:ماشاءالله وش هالزين هذا والله زايد حلاك هاليومين
حنان بحيا:هههه ترا استحييي .
ام منصور:هههههههه الله يرزقك يابنيتي بالزوج اللي مايشوف غيرك من الحريم قولي آمييين.
حنان:آميييين اممم تأخرت مرام صح؟.
ام منصور:ايه دقي عليها وشوفي ليش تأخرت؟
حنان:انشاءالله...>وراحت تكلمها..
جت مرام بعد ماكلمتها حنان بعشر دقايق
اجلسن بمجلس الحريم وجلست معهن ام منصور وكانت مرام طول الوقت تسولف مع ام منصور علشان تضبط العلاقه بينها وبين ام منصور
وحنان عارفه مخطط مرام اللي واضح من اسلوبها بالحكي.
حنان:فنجالك خالتي .
عطتها الفنجال وهي تسولف مع مرام طلعت حنان علشان تجيب الحلا اللي ناسيات الخدامات يحطونه دخلت للمطبخ وشافت منصور واقف ومعطيها ظهره وكان يسوي شاهي لانه مايحب يشرب الشاهي الا من امه او هو يسويه بنفسه مايعجبه شاهي الخدم.
مرام من وراها وبصوت عالي:وش تسوين هـــــــنا؟؟؟
سكرت فمها بيدها ورجعت ورا بسرعه وهي تشوف منصور التفت يشوف صاحبة هالصوت ,مرام بصوت واطي اقرب للهمس:مـــين هذا؟
حنان:هذا منصور فضحتينا انتي وجهك.
مرام:وااااااااو خطيييييييييييير وخري شوي بشوفه زيين......>لفت حنان وصارت مرام تشوفه بوضوح...
مرام:يجننن صح سماره زايده حلا .
حنان:ايه صح يالله امشي اخاف ينتبه لنا عيييب والله.
مرام:ياسلام وانتي لك ساعه قاعده تأملينه ويوم جيت انا تقولين اخاف يشوفنا.
حنان:كيفك اقعدي بس انا حذرتك والله اذا شافك ان تطيحين من عينه يالله انا بروح.
مرام:ايه روحي واذا اسألتك خالتي قولي لها اني بالحمام.
حنان:اوكي.
ادخلت على ام منصور ولقتها تكلم عمتها ...
سمعت صوت عمها برا بالصاله وطلعت عنده:هلا والله جيت بوقتك لساتنا ماخلصنا متقهوين.
ابو منصور:ههههه اجل يالله وين جالسين ترا مشتهي قهوه .
حنان مسكت يده:تعال حنا جالسين هنا بالمجلس.
لاقتهم مرام وهي جايه من المطبخ وكااانت باين انها فرحااانه من شي:هلا والله بعمي هلا بالغالي اكيد مشتاق لي صح؟
ابو منصور:ههههه صح صدقتي بهذي هاه شفتي خالتك ام منصور؟
مرام:ايه شفتها.
ابو منصور:وش رايك فيها؟
مرام:بصراحه انك ذويييق ياعمي اخترت وحده تغطي على كل البنات حتى انــــا غطت علي.
حنان:ههههههههههه ايوه ياثقه.
مرام بغرور:ايه وليش ماأثق شوفيني قدامك وانتي تعرفين انه يحق لي اثق بنفسي.
ابو منصور:كلكن بسم الله عليكن حلوات ويالله عاد خلصونا وين القهوه.
حنان:يوه نسينا يالله تفضل حيااك عمووو.
عمها:الله يحيك يابنيتي..
.............>ودخلوو يكملووون قهوتهم
انتضروني بالـــباااااارت الجــــديـــــــد^_^
:مـخرج ~
تــدري لآمـن غلبني الحنين وآشتهيت شوفتكـ
وش اسوي؟؟!!!
أتنهد وأقول المهم انه /بخــير ~<3
السموحه ع التقصير بهالبارت وبإذن الله بكرا بنزل لكم البارت السابع او يوم الجمعه لانه يوم الاربعاء مأقدر يوم الخميس زواج اخوي وتعرفون الاستعداد والحوسهـ^_~
فالذلك بغير الموعد هالاسبوع بس وبإذن الله تلاقون اللي يعجبكم ورضاكم يهمني قبل كل شي^^
دمــت/ـم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البـــــــــــارت السابــــــــــع.......
مـــدخل~
اللي بقىا فيني ترىـآ "شوية آحسـاس
"
صَعبهـ علي آخفيهـ وأخفي "أنيييييينهـ..........
"
~
بعد ماطلعو ام منصور وابوه اجلسن حنان ومرام سوا .
مرام:بقولك شي صااار قبل شوي.
حنان:وشو وش صـــار.
مرام:شفتي يوم كان منصور بالمطبخ .
حنان:أيـــــــــه بسرعه تحكين بالقطاره انتي.
مرام:لما شفت وجهه من جهة الباب سويت نفسي مادري انه موجود ودخلت عليه .
حنان بصدمه:كــــــملـــي.
مرام:هههههه والله لو شايفه وجهه ان تموتين ضحك ضل خمس دقايق يمكن يتأملني وانا مسويه نفسي منصدمه هههه شوي وهو كاشفني وبسرعه طلعت اركض هههه علشان اكمل التمثيليه.
حنان:حركتك جريئه بصراحه وبعدين ماخفتي من ربك وانتي تسوين كذا وتطلعين قدام واحد مو محرم لك.
مرام:ياشيخه اسكتي ترا حدي مستانسه فالاتضيقين خلقي بكلامك اللي مامنه فايده.
حنان:كيفك انا نصحتك وانتي براحتك المهم امشي نطلع بالحديقه احس الهواء معدوووم هنا.
مرام:اوكي امشي بعد يمكن اشوف منصور ويضبط كل شي انا ابغاه.
حنان:الحين انا ابي اعرف انتي لوين تبين توصلين؟
مرام:لا حبيبتي موكل شي اقولك عنه وبعدين هذا الشي خـــــــــاص فاسوووووري مأقدر اقولك.
حنان:أحسن عمر جدك لاتقولين لي.
مرام:ههههههههه ليش تسألين اجل والله من الغيره فيك ياحنانوه.
حنان بقهر ماتدري ليش متحمله هالمخلوقه:انـــــــــا حنان الــ........ اغار منك انتي يامرام ههه اقول امشي نطلع احسن.
مرام :يالله.
طلعن برا ومر الوقت بسرعه وراحت مرام وحنان على طوووول راحت تنام لانها قايمه بدري...
^
^
مر اسبوع ونص واقترح منصور انهم يسافرون تغيير جوا وبـــعد يكون شهر عسل لابوه وامه
ابو منصور:ويــــن تبون نسافر ؟
ام منصور:لاي مكان مومشكله وياليت بعد يكون لمكه من زمان مارحت لها.
ابو منصور:تبون تسافرون لمكه كيفكم واذا تبون برا السعوديه بعد كيفكم اهم شي انكم تقررون بسرعه.
منصور:أحس مكه تصير زحمه بالعطل والا وش رايكم .
ابوه:الا والله مليانه الحين بس مومشكله حنا وش علينا من الزحمه اللي كفت هالخلق انشاءالله بتكفينا.
انطقت حنان بصوت هادئ ماسمعه الا منصور:فرنسا احسن .
رفع راسه يناظرها وارتبكت هي من نظرته لها .
منصور:طيب يمه انتي وحنان قررو وين تبون ترحون واتفقوا سوا اوكي.
ام منصور:طيب .
ابو منصور:بس عــــاد بسرعه علشان يمدي نجهز التذاكر لا تقعدن تفكرن اسبوع.
حنان:هههه انشاءالله عمو بكرا الفجر وحنا رادين عليك والا خالتي وش رايك.
ام منصور:الا انشاءالله لا صليت الفجر تلقى جوابنا جاهز.
منصور:ههههههه طيب ننتظركن.
>>>المهم قرروا الجميع على السفر لسوريا ومن سوريا لتركيا وبنسبه لحنان وابو منصور سبق وسافروا لتركيا
^
^
بـــــدا التجهييييز للسفر..........نستنى شوي .....................☺ننتظر.......>>وأخيييرا خلصو من التجهييز للسفر اللي أخذ من الوقت اسبووع ونص
امممم نبدا بداية الرحله....
قررو يروحون لسوريا بالسياره وهذا اقتراح ام منصور على قولتها علشان يستمتعون أكثر ويحسون انهم سافروا جلسوا بسوريا ثلاث ايام بس قضوها بالزبداني وبلودان ونص يوم على شاطئ الاذقيه وبعدها طلعوا لتركيا
وكل الطريق وهم سوالف وضحك وقفوا عند الحدود جلسو نص ساعه تقريبا عند الحدود وبعدها ادخلو تركيا وعلى طووول على الفندق اللي حاجزينه وهو من أفخم فنادق اسطنبول ...
قررو يرتاحون شوي عقب التعب من السياره ولو ان المسافه مو من طولها بس جلست السياره ممله....
^
^
اول من صحى حنان وام منصور جهزوا الاغراض اللي ممكن يحتاجونها وجهزن وجبه سريعه علشان يستعيدون فيها نشاطهم قبل مايطلعون....
***********
اطلعو وقررو اليوم انهم يتعشون ويرجعون للفندق وبكرى انشاءالله يبدون بتمشيه والكل وافق على هالقرار
اليوم الثاني الساعه:9:00صباحا...
اتجهوا للمتاحف الاسلاميه ومنطقة المدينه القديمه وقرروا يقضون يوم كامل هناك (قصر توبكابي,متحف آيا صوفيا,السوق المسقف)
اوهـ نسيت اقول لكم"استغرب منصور وهو يشوف حنان متغطيه وكانها بالسعوديه مع انها يوم يشوفها قبل فتره كانت كاشفه وجهها
توقع انها متغطيه علشانه المهم....>باليوم الثالث لهم بتركيا قررو يروحون لمدينة يلوا وطبعا عن طريق الباخره اللي فضلوها عن الباص لانهم يبون يستمتعون من منظر البحر اللي يشرح الصدر ..
قام ابو منصور ومسك يد ام منصور:قومي ناقف هناك علشان تشوفين البحر بوضوح.
ام منصور:ياللا...
منصور:لحظه لحظه يبغالكم صوره على هالرومنسيه ههه وبعدين لاحظوا العزاب اللي معكم.
ابو منصور:هههههههه ماتركناك لحالك هذا حنان ونواف قاعدين وماقالوا شي .
منصور:ههههههههههه روحوا الله يسهل دربكم .
نواف:وانا بقوم بس لا تخافون مو معكم .
منصور:وين بتروح؟
نواف:بتمشى مليت من الجلسه يالله عن اذنكم
راحوا وعم الصـــمت بالمكان اللي جالسين فيه حنان ومنصور وطبعا لا يخلوووو من صوت الامواج الهائجه
بلحظه اركدت الأمواج وصــــار الهدوء طاغي رفع راسه وصارت عينه بعينها نزلت راسها بسرعه من الإحراج ومنصور
حس بشي غريب اجذبه بهاللي قدامه وبهالحظه هذي بالذات قام لان جلسته معها غلط وقف بعيد عنها شوي بحيث انها تأخذ راحتها
وصار يراقبها من فتره لفتره علشان يتطمن عليها....
نزلوا آخيرا من الباخره اللي استغرقوا فيها ساعه وعشر دقايق .....
اتجهوا لقرية ترمال دخلو للحمامات الموجوده فيها واستمتعوا ومر الوقت عليهم بسرعه ولما صار الوقت متأخر قرروا انهم ينامون بيلوا
والصبح يرجعون لاسطنبول.....وأخذو فندق Elegance Resort 4
والصبح صحوا وكان الجو روعه في يلوا وقرروا نهم يكملون هاليوم فيــها وراح نص اليوم وهم في السوق اوهــ لحظه صار شي مهم ونسيت أقول لكم
"ابو منصور:منصور بروح باصل محل قريب من هنا وانت وحنان روحوا كملوا تمشيه وحنا نجي بالمكان اللي انتم تكونون فيه
طيب؟
منصور:بـــس....
ابو منصور:لا بس ولا شي يالله انا وامك بنتمشى سوا مليت منكم ياللا سلام وانتبه لا اتصل عليك نواف يسألك حنا باأي مكان.
منصور:لحظه ...والتفت يناظر حنان وشافها ملتفته وباين انها ماسمعت شي.
مسك ابو منصور يد زوجته وراح بسرعه من غير مايعطيه مجال يناقشه..
قرب منصور لحنان وبصوته الهادي:يالله نمشي؟
التفتت حنان وانصدمت وهي تشوف منصور بــــس اللي معها.
فهم من نظرتها انها تتسأل وين عمها وخالتها:آآآ ابوي وامي راحو يتمشون ههه يقولون ملوا منـا.
اكتفت حنان بأبتسامه من خلف نقابها اللي مستحيل منصور يشوفها.
منصور:يالله خلينا نتمشى ولاخلصوا هم يجون لنا وإلا وش رايك.؟
حنان وقلبها يضرب بشـــدهـ:اللي تشوفه.
منصور تقدم شوي عنها:يالله امشي وراي.
.....................................>ضلو يمشون لحد ماشافوا زحمه مو معقوله
وناس مجتمعه بشكل ملفت للانتباه
منصور:تعالي من هنا عن الزحمه.
مشت وراه حنان بهدوء وعلى جيتهم ابتعدو الناس وبان انه فيه شخصين يتضاربون وكان واحد منهم يركض بكل سرعته من جهة حنان وبيده سكين
قرب لها منصور وبحركه غير ايراديــــه مسك يدهـــا وحط يده ورا ظهرها ولفها بسرعه للجهه الثانيه...
وطبعا حنان من صدمتها كانت مثل المجنونه تتحرك بالجهه اللي يوجهها منصور ومن غير أي معارضه.
منصور بعصبيه:جاك شي لمسوك ولاشي.؟
حنان بصوت يرجف:لا مافيني شي.
استوعب منصور يد حنان اللي بقبضة يده الدافئه وبسرعه سحب يده وبهدوء:آسف مانتبهت.
حنان من الاحراج ماردت عليه....
تقدم عنها ومشت وراه وكل واحد بعـــــالـــــــم ثانـــي.....^_^
رن جوال منصور ولما رد لقاه ابوه واتفقوا انهم يلتقون بمكان معين
واتصل منصور على نواف وقرروا يروحون يااخذونه من الملاهي اللي بسوق....
المهم مر اليوم بسرعه ولما صار العصر توجهوا بالسياره اللي معهم الى مدينة بورصه اوصلو لها وكان جوها قمـــــه بروعه ارتاحوا بالبدايه وبعدها اطلعوا يتعشون وتمشو شوي وبعدعا ارجعوا للفندق يرتاحون علشان يقومون الصبح مهما كان أحلى مافي السفر قومة الصبح.....^_^
الصبح الساعه:9:00
اركبو التلفريك وصارو يتفرجون على جبل الأولوداغ والمنظر خيـــــــالـي هههه وطبعا منصور وحنان مستحيل يطالعون بعض من الفشيله عقب اللي صار أمس ههه وطول الوقت يتهربون.
وبعد رحله ممتعه بالتلفريك قرروا يتغدون وحجزوا طاوله من أحد المطاعم التي تنثر طاولاتها بين الاشجار وطبعا منصور تكفل بالشوي اللي من حقك انك تشوي بنفسك مو من نفس المطعم والـــــكل كـــــــان متمتع بالجو والطبيعه اللي تسحر....
وبعدها كملوا تمشيه لحد ماتعبوا ورجعوا للفندق الساعه 11بالليل...
ومن بكرى راحو لحديقة الحيوانات وتمشوا فيها وبعدها طلعوا لسوق السفير بلازا واعجبهم وبعدها طلعوا لسوق الحرير القديم
ومروا على مكان قريب ريساملار سوكاك ويسمى <شارع الصباغين>وهو انهم يرسمون الشخص بمكان مفتوووح وبالهواء الطلق
كلهم رسموا وكانت من أحلى مايكون صورهم المرسومه خاصه منصور طالع شي بالرسمه ولا نواف اللي طول الوقت وهو يضحك والرسام تعب منه.
وحنان اللي خلتهم يرسمونها بمكان بعيد شوي عن نظر منصور علشان تجلس على راحتها......
............>المهم مر شهر كامل وهم بتركيا وهالرحله غيرت الكل وهدت الانفوووس وضلت محفورهـ بخيال وقلب ابطـــــالي وحسوا بشي غريــــب
يضرب قلوبهم......^_^
********
وصلـــوا لرياض وسوت أخت ابو منصور عزيمه بمناسبة وصولهم بالسلامه
استعدت كل العائله لهالعزيمه .....
...........>يــــوم العزيمه....
البست حنان فستان كانت مشتريته من تركيا وشكله حــــلوووو ومرتب.
......(وصف لبس حنان... اممم فستان يصل لركبه ولونه اسود ماسك على جسمـــها ومبرزه أكثر ووووويتوسطه حزام تايقر
وجزمتها>وانتم بكرامه<سوداء وفيها فيونكه تايقر ببداية ساقها وشعرها مسويته ويفي عريض ومسوى بشكـــل متقن.. )
نزلت لتحت وكان الكل مخلص ينتظرونها.
ركبت سيارة منصور اللي هذي ثاني مره تركبها....
دخلوا لبيت العمه مريم اتجهوا لصاله اللي جالسات فيها الحريم وكانت تقريبا مليانه سلموا على الموجودين وتوجهت حنان لغرفه دلتها عليها عمتها
وكانوا البنات مجتمعات هناك...
^
أعرفكم على الاشخاص الموجودين بالغرفه :"مشاعل>بنت العمه مريم وعمرها 21 حلوهـ وطبعها مرحه ومرجوجه أهم ماعليها بطنها...
عهود>بنت ولد العمه مريم وعمرها نفس عمر مشاعل لجتمعوا هالثنتين طيروا أهل البيت بلكامل .
ومي>أخت مشاعل عمرها 22 متزوجه ومعها بنوته صغيره بالمهاد.
مرام سبق وجاء دورها بس ماعرفتكم على شخصيتها:عمرها22 مغروره وشايفه نفسها حلوه فيها آحياناً شويت طيبه بس تغلبها الغيره وخاصه من حنان...
^
اجتمعوا البنات سوا والوقت راح سوالف وضحك واللي محلي الجلسه مشاعل وعهود
مشاعل:يكااافي عنك حنوون تروحين وتجيين من سفرتك بليااا هدايا لنا .
عهود تشيل معها بمزح:ايييه صح وخزياهـ ياحنانووه كيف تقويين تجين لنا ترا نص عزيمتنا هذي عشان الهدايا.
حنان:هههههههههههههاي بسم الله علي اكلتووني شوي شوي عللي تراااي مررره رقيقه هههههههاي.
مشاعل:اييه بسم الله عليك صدقتك.
حنان:هههههههههههاي لييه عندك ششك؟!
مرام:خلاص انتي وياها تراكم صدعتو براسييي..
مشاعل تناظرها بنص عين:شوووف النفسيه .
عهود:مالت علييك دايم مبوزه هالببنت.
مرام:شسوي اذا كنتو سامجاتت.
مشاعل:هههههههههاي احنا سامجين اجل انتي ياجاااره شنوو.
حنان:بنات خلونا بكرا نسهر سوا مشتاقه لسهراتنااا.
عهود بتسرع:تــم يالله قدام.
مشاعل:ههههههه شوفه البنت ماتقل عندها اهل تشاورهم .
عهود:هههههههههههههاي عادي اهلي يوافقونني الراي اهم شي وناستي.
مشاعل:ههههههههاي اييه هين.
بعد العشاء اتفقو البنات ع السهره واتفقو انها تكون عند حنان.
نادت ام منصور حنان وقالت لها تجهز لانهم بيروحون.
اول ماركبو السياره اكتشفت انه منصور وهي على بالها انه السواق المهم جلست ام منصور تسولف على ولدها ونواف اللي جالس بالخلف مع حنان
وطول الوقت سوالف معها لفت انتباه حنان اسم نطقه منصور وركزت معهم على طول....
منصور:ههههههه معقوله انا اسوي كذا
ام منصور:ايه والله اذكر دخلنا الغرفه ولقيناك حاط يدك على وجه مرام ومنسدح عليه لو اننا مادخلنا بالوقت المناسب كان البنت راح نفسها
منصور:هههههه ياحليلها مرام ...
ام منصور:كبرت والله وش زينها الحين .
منصور غير السالفه لان طبعه مايحب يتعمق بسوالف الحريم كثييير:حسافه ماسلمت على عمتي مريم كان ودي اناديها بس حسيت انها موب قاويه تطلع لي
ام منصور:مسكينه عمتك هي وهالرجلين حالتها حاله.
منصور:طيب راحت للمستشفى شافوا رجلينها؟؟؟
ام منصور:ايه راحت وقالوا لها احتكاك بالركبه وسببه كبر السن .
منصور:حتى ولو أحسها ماوصلت لسن اللي يخلي حالتها كذا ليش ماتقرا .؟
ام منصور:هي الحين تروح تقرا وتقول الحمدلله حست انها استفادت مع القران.
منصور:الله يشفيها هاه نواف للحين على عزيمتك لي؟
نواف:آفـــــا عليك انا رجال وقد كلمتي رح للمكان اللي تبيه واكلك على احسابي.
منصور:ههههه اوكي مشينا.
ام منصور:انا ودوني للبيت.
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك