رواية لا ياخذك غيري ترى خاطري فيك -8
منصور:طيب راحت للمستشفى شافوا رجلينها؟؟؟
ام منصور:ايه راحت وقالوا لها احتكاك بالركبه وسببه كبر السن .
منصور:حتى ولو أحسها ماوصلت لسن اللي يخلي حالتها كذا ليش ماتقرا .؟
ام منصور:هي الحين تروح تقرا وتقول الحمدلله حست انها استفادت مع القران.
منصور:الله يشفيها هاه نواف للحين على عزيمتك لي؟
نواف:آفـــــا عليك انا رجال وقد كلمتي رح للمكان اللي تبيه واكلك على احسابي.
منصور:ههههه اوكي مشينا.
ام منصور:انا ودوني للبيت.
نواف:لا والله ماتروحين انتي بعد معزومه معهم وبعدين اذا رجعتي رجعت معك حنان .
منصور باستعجال:معه حق وبعدين تصفى علي وعلى نواف.
نواف:خلاص منصور انا ادري انه امـــي وافقت رح توكل على الله.
انــــــــصـــــدم الكــــل على كلمة امــــي اللي قالها نواف وهو يحس انها غاليه وبمكانة امه وقرر انه من اليوووم ورايح يناديها بيمه.
ام منصور بفرح مع انها مو مستوعبه بس ماحبت تبين انها استنكرت هالكلمه:هههههه خلاص أجل بروح معكم.
حنان بصوت واطي:أنــا ودوني للبيت .
التفت منصور لجهتها لاشعوريا واستوعب حركته بعد مانتبهت له حنان وحست ان دقات قلبها كل اللي بالسياره اسمعوهاااا.
نواف:أقول كلكم معزومين والا خلاص بلغي العزيمه وبعزم عمي علي وانتم اقعدوا خلوا تغليكم ينفعكم.
منصور:هههه وانت تبيها من الله لا العزيمه بتم وكلـــــــنا بنروووووح ســـوا صـــــــح>يقصد امه وحنان......بس ماجاه جواب الا من امه....
وفي أحد الكافيهات في احد الغرف جالسين على طاوله وحده وميتين ضحك على نواف اللي قاعد يقلد منصور اليوووم
منصور:هههههههه غيييييور.
نواف:ههههههه عاد يمكن انه مو كل اللي قلتها فيك يمكن موب اكيد.
ام منصور:ههههههه كلكم كاملين ومافيكم شــــي ههه
منصور حب يجمع علشان يحسس نواف انه منهم:علشانا عيالك يعني.
نواف بفرح:هههههههه ايه صادق منصور تمدحنا علشانا عيالها
ام منصور:من قال لكم انكم عيالي انا بنتي حنان وبس صح حنان.
حنان:ههه صــح.
نواف شهق:حتى اناااااا.
ام منصور:يمكن بكرى تصير ولدي .
نواف:هههههه آفــــا.
منصور:يالله نمشي.
الكل:يالله مشينا.
بعد ماطلعوا توجهه نواف للمحاسب علشان يحاسب بس انصدم يوووم قاله المحاسب انه الحساب مدفوووع وعلى طوووول جاء على باله منصور
نواف:منصور.
منصور:هلا!!!
نواف:انت دافع الحساب..
منصور:لا مو انا.
نواف:والله انت اللي دافعه انا عارف.
منصور:طيب واذا انا اللي دافعه انا وانت واحد صح.
نواف:صح حنى واحد بس انا اللي عازمكم معناته انا الللي ادفع ليش تدفعه .
منصور:خلاص المره الجايه عليك بس عااااد هالمره اعتبره انا اللي عازمكم اووووكي.
نواف:هالمره بمشيها لك بس المره الجايه ياويلك تعيدها ترا بزعل..
منصور لف يده على كتف نواف:ان شاءالله ولا يهمك ياللا تأخرنا على امي وحنان .
نواف:ياللا......
******
بيوم جديد بحياة ابطالي...
الساعهـ11وخمس .
اجتمعو كل البنات وحنان كانت مجهزه كل شي لسهرهـ ومستعده لها.
بالبدايه قدمت لهن قهوه وضحك واستهبال وتعليق مر الوقت بسرعه عليهم ع الساعه وحده طلبت لهم عشاء من برا
وبعد العشاء قامت عهود وهي تحس انها ثقلت بالاكل اختفت عن نظرهم شوي ودخلت ومعها نواف استغربو شكل نواف اللي لابس لبس عهود
وعهود لابسه ثوب وشماغ ومرسمه بإتقان دخلت بعربجه وهي ماسكه يد نواف ونواف مبسوط ويتمييع يقلد البنات.
قامو يصارخون ويضحكون ع شكل نواف اللي طالع تقل دجاجه مشويه مع هالمكياج.
وعهود ضابطه لها الدقن ومخشنه صوتها.
قربت لمشاعل وتسوي انها تحتك فيها ومشاعل ميته ضحك ع شكلها الغبي.
مرام :اتحححداك تطلعين عند خالتي وعمي
عهود:هههههههههاي عااادي تتحدون اطلع؟!
البنات بصوت واحد:اتحداااااك.
ابتسمت واقامت بشقاوهـ
مسكت يد نواف ونواف سحب يده منها :لالالا شتبين ابوي يقول عني بنييه لالا فكينا بس.
عهود:تعال معاي والله مابيقولون شي .
نواف:لالا مابي انقرفت بروح اغسل.
عهود:احسن انققلع.
ومشت لحالهاا وهي خايفه من ردة فعل ابو منصور.
دخلت لصاله وكانو جالسين وواضح انهم يتناقشون بموضوع فتح فمه ابو منصور منفجع من شكل اللي قدامهـ
وبصوتها الخشن :بتعطونن ووجه والا اطلع؟!
ام منصور منفجعه فجيعه ماتبعد عن زوجهاا:من انتتي.
عهود:من انت لو سمحتي ياخااله كل هالرزه وهالملح وبالاخير من انتييي عرفطتيني والله.
ابو منصور:مشاعل؟!
عهود بنذاله:ههههههههههاي ولووو خالي ذكي كيف كشفتنيي.
ابو منصور:وش انتي مسويه بعمرك الله يصلححك.
عهود:ماعجبتككك....
ابو منصور:استغفرالله الله لايقلب بنا وش هالشكل يالله لك الحمد انك جعلته بنييه.
عهود:هههههههههههههاي شدعوااا خال شكليي ابد ماعجبتك هههههههاي.
ابو منصور كاتم ضحكته:قومي قومي اغسلي وجهك والبسي لبس بنيات المسلمين .
عهود:ههههههههههههاي ياربببي ربااهـ لييه التحطيم هذا وانا ناويه اطلع بالشارع.
ابو منصور يمثل العصبيهـ:ان كاان امك داعيه عليك خلي رجلك تعتب باب هالصالهـ
بالجهه المقابله صوته يتنحنح :اححم ياولد"وهو عارف انه البيت مليان بنات"
تلطمت عهود وجلست ع جنب وخالها يهاوشها :قومي يااابنت ادخلي عيب عليك.
عهود:لالا خال مايمديني انحاش شفه واقف عند الباب فشله اقطعه.
ابو منصور يكلم منصور اللي داخل من باب الصاله وعيوونه ع اللي لابس ثوب ومتلطم :السلام عليكم.
ابو منصور:ارجع ياوليدي شوي خل هالبنات يتستررن.
منصور :سم ابببشر.
ورجع ع وراو ينتظر اشاره من ابوه تسمح له بدخوله وهو يسمع صوت البنت تضحك وتعلق ع ابوه بمزح:
يي ياخالي قسسم ماتوقعتك متحجر كذاا هذا بدل ماتجلسني مع منصور.
ابو منصور:بصير متحجر لاقمت هفيتك كف ع راسك يالله مناك وافسخي لبسك شوي وبجي اشوف بععد تتشبهين بهالرجال.
عهود:ههههههههههههههاي والله العظيم وسعت صدري ياخال.
وراحت تركض وهي تسمع منصور ينادي بملل:هااه يبه ادخل.
وابوه مسك المنديل وشاته ع عهود وهو يكلم منصور:اصبر ياولدي.
وام منصور بدورها ميييييييييييته ضحك:
دخل منصور وهو يضحك ع عهود وبهدوء: ياحليلها هالبنت اشك انها عندها مخ تفكر فيه.
ابو منصور:ههههههههه والله وقت ضيقتي قبل لاشفتها غصب اضحك برائتها تنسيك الدنيا ومافيها.
منصور:الله الله وينك ياعهود تسمعين اللي من شوي يصارخ عليييك.
ابو منصور:ههههههههه شخبار يومك.؟!
منصور:تماام التمام
................."وجلس يسولف لاابوه عن شركته اللي بالشرقيه وكيف يوسف قدر يسيطر ع الوضع لحالهـ."
دخلت ع البنات وهي ميته ضحك وقالت لهم انه بالبدايه خالها يحسبها مشاعل ومشاعل قامت اضربتها
بمزح طبعاً
عهود:حنوون قومي بسرعه مشتهيه اتنكس ع هالثوب حسافه كشختي تروح هـدر"أي ع الفاضي"
شغلت حنان المسجل وقامو يرقصون وعهود ترقص بينهم ويعنني انا الشاب بينكم وشوي مع ذي وشوي مع هذي
ومابين لحظه ولحظه توقف تعدل لطمتهااا.
نامو عند حنان والظهر طلعو سوا يتغدون وام منصور معاهم اهي ونواف وبعدها كل وحدهـ ع بيتهااا
منسدحهـ ع سريرها وتقرا رسايله لها وتقرا كيف كانت قبل وكيف كانت ضايعهـ ومنتهيه
ابتسمت وهي تتذكره وتتذكر كيف غيرت من نفسها عشانه
تكلم نفسها"والله بسماهـ ان يكون لي وانا وانتي يابنت"
قالت هالكلام ونست انه كل شي مكتوب ومقدر نست انه العالم كله يمشي بقدر يجهله
والعالم الله وحدهـ سبحانهـ....
رمت جوالها ونزلت ع صوت ابوها اللي ينادي تحت
وبغرور وقفت قدام المرايا:ياااي وش حلاتي ياناااس فديت وجهك مررومتي
ونزلت تحت
......
دق عليه وهو محتاس وملخبط مايدري وش يبدأ فيه وحس انه ماله الا الله ثم منصور
وبعد السلام والسؤال عن الحال.......^^
:اسمع ماتجي لشرقيه لك يومين وقسسسم مره محتاس مع شركتك ووضعها متأزم مرهـ
منصور:ليش وش حاصل فيها.؟!
يوسف:ابد بس بعض الموضفين مسوين اضراب وماني قادر اسيطر عليهم ورافضين يشتغلون الا بجيتك..
منصور:اوووف لاحول الله طيب شسبب اضرابهم؟!
يوسف:محاسب الشركه كشفته يلعب بذيله من ورانا والمهم طردته وجبت واحد بداله قام لك عبأ روس الموضفين الباقين انه جاي دوركم وبيطردونكم مثل ماطردوني والمغفلين صدقوهـ
والله ماني قادر اسيطر عليهم تعال تفاهم مع موضفينك,
منصور بمزح:الحين مانت قادر تتحمل مسؤليه بسيطه مثل ذي وش له فاتح بيت خلف الله علي اللي صادقتك.!
يوسف:هههههه تقارن بيت كله تحت سيطرتي وانا الامر والناهيفيه بشركه فيه الخاين والخوان؟!
منصور:طيب طيب بجيكم الليله وبكرا الصبح نروح سوا لشركه والا يهمك والسموحه ياخوي اتعبتك معي .
يوسف:اقول وش هالرسميه؟!
منصور:ليش مالبقت علي؟!
يوسف:لالا مره لابقه بس فكنا من ميانتك.
منصور:افااا ماتبيني امون.
يوسف:اقول شكلك فاضي وامصفوط ع جنب بالبيت ومحد لمك وانا رجال وراي ولد وحرمه ولهم حق علي يالله توكل الله يصلحك.
منصور:ههههههههههه طيب سلام .
يوسف:سلام...
*****
يلعب بجواله ودخلت عليه اخته وهو ابد مو داري عنها
دعست راسها قدام وجهه وهي تناظر جواله وطبعاً قاصده حركتها عشان تشوف اخوها وش طايح عليهـ.
رفع جواله تلقائي وهو يسحب شعرها لوراا.
:وين وين ضايع لك شييي؟؟!
مشاعل بألم:اييييي خلاص اسسسفه وخرر.
خالد:اانتي وجلستي ماقلنا شي راسك وش يبي رز عمره هننا هااه؟!
مشاعل تناظره بنص عين :مييين هاللي تقرق معها؟!
خالد برتباك:صديقي .
مشاعل :اما صديقك اتوقع اجل اسمه هاني وانت بالغلط طبعاً بحكم املائك الضعيف سجلته هناء هااه ؟!
خالد:وش تخربطين انتي ؟!
مشاعل بهدوء وهي منزله راسها:الا متىا طيب؟!
خالد بخجل من وضعه:شفيه..!
مشاعل بنفاذ صبر بسبب استغباءهـ:لاتقعد تسوي لي فيهاا بريئ ومانت فاهم لشيي انا عارفه وش انت طايح عليه وعارفه بكل علاقتك
ماتتعب من حياتك ماتخاف الله؟!
خالد وهو مستحيه من ربه قبل حياهـ من اخته:طيب مشاعل لاتحطين علي بالكلام وانتي ماتدرين عن شي انا تارك كل البنات بس وحده اللي استمريت معها لاني احبها.
مشاعل:قااال ايش قال احبها يابابا لاتلعب علي عمرره الشاب مارضىا يتزوج عن هالطريق لاتلعب ع نفسك ياخالد وتضيع بنت الناس معاك ترا الدنيا دوارهـ ولاتنسىا انه عندك خواات....
خالد:ماني ناسي وعلاقتي كلها بحدود وبالاساس انا بغير نفسي لربي قبل مايكون عشانك فاهمه..
مشاعل:طيب سؤال الحين دامك تحب هالبنت ليش ماتتزوجها هل بييييوم فكرت انها تكون ام عيالك وشريكة حياتك؟!
اسكت خالد ومارد عليها وهو رافع راسه لسقف وعاض شفته
زفر بشدهـ من الضيقه اللي حاسس فيها
ناظرته بإستحقار: هه ماعندك جواب لنفسك اصلاً عشان تجاوبني انت ماتعرف نفسك عشان تقرر وش انت تبي مضيع نفسك بنفسك...
........"وقامت وتركتهـ"
رمى جواله بعيد عنه وكلام اخته ينعاد بإذنه وقلبه مضطرب مايدري وش يسوي تذكر كيف فقد شخصهـ
بعد سالفه حصلت له تذكر كيف كرامته انداست تذكككككر قبل كل شي انه عرش الرحمن جل جلالهـ اهتتتتز بسبب فعايلهـ
وقفــهـ ترجعنا لوراااا....."""
:يابعد قلبي انت طيب حبيبي متى اشوفك.؟ّ!
الشاب:ههههاي ليش اشتقت لي ؟!
:بقوه يالله عاد تعبت اصبر يكفي.
بمعنىا اصح يقال عنه شاب وبحقيقه نجهلها شاب يتنكر بمسحوق تجميلي وتاتو يحدد دقة ملامحهـ وبشرهـ يعتني بها اشد من اختهـ الانثثثىا
رجل يتحسر الشنب انه ظهر ع محياهـ
الشاب:تييب اليوم بشوفكـ.
عدل جلسته بسرعهـ:تمااام عليك اليوم اليوم وين تبي؟!
الشاب:ههههاي شوي شوي عللي ياربي.
:يالله حببي وين تبي؟!
الشاب:امممم انا بطلع مع صديقي وبخليه ينزلني عند المحطه وبعدها انت تأخذني ونروح نتمشى سوا حلو هيك.!؟
بغيرهـ يخفيها عنه:تمام انتظرك اجل.
الشاب:اوك يالله تشاوو.
:سلام.
..........
وقفت سيارة خالد عند المحطه
وهو ينتظره بملل شغل اغنية وبطفش سكرهاا نزل وسند ظهره ع سيارته
دق جوالهـ ورفع الخط ع طول وهو يشوف رقمه ظاهر ع الشاشهـ
وبلهفه:هلااا حبي هاه وينك تأخرت.!؟
الشاب:ههههاي يالله تعال انا بالسياره اللي قدامك جالس ومعاي اصحابي بعرفك عليهم.
خالد:طيب طيب لعيونك نجي ههههه.
انفتح الشباك وشافه جالس ومتوسطينه اثنين يعرففهم وقدام اثنين يعرفهم عززز المعرفه وبصدمه انعقد لسانهـ.
الشاب:ههههههههههاي شفيه حبيبي مايتكلم.
وامتلت السياره بضجيج ضحكاااااااااااااااات نرفزت خالد وهزت كيانه حس رجولته اللي كان يدعي بها انمسحت بالارض
ولد عم خالد اللي يسوق:هههههههه بعذرهـ ههههههههههههههه
كل الاربعه يقربون الخالد قرابه من ابوهـ عيال عمانه وعماته.
ومايطيقهم وكانو دايماً يتمنون يمسكون الزله عليه عشان جدهـ حبه له جنوني وثقته فيه عمياااااء.
خالد بصدمه:وش افهم؟!
ولد عمه:افهم ياحبيبي انه هالعلاقه تحت تدبيرنا هههههههاي يابزرنجي(اعتذر من الجميع ع هالكلمه لكن هذا الحاصل صح)؟!
اجل ولد صغير كبر فخذك تعلمه ع اشياااء يجهلها خاف ربك ههههههههه.
خالد:خوفي من الله بقلبي وانتم لو بكم ذرة رجوله ماسويتو هالشي الا لانه الحقد مالي قلوبكم
واصواااتهم تعلاااااااااا وصدىىا الصوت يرجع ويضرب اذن كل واحد منهم وكلمه تنحفر بالقلب وكلمه الهواء يمسحهاا
الشاب :سوري خلللود بس تراني حبيتك جد ماعلينا منهم خلينا نمكل ههههاي.!
خالد يتآلم من جواته وهو يحس فقدانه لاأبوه هو السبب اللي وصله لهالطريق عيشته يتيم من صغرهـ كبرته ع الضياع
خالد بشموخ:انا هالحين بفترة مراهقه وعمرنا ماتواخذنا ع مراهقتنااا لكن شرهتكم ع الشنبات اللي نابته بوجيهكم ياحثاله ممكن اللي حصل لي درس رجع عقلي لمحله ورجع خوفي من الله لقلللبي هزيت عرش الرحمن بفعلتي وكللللللللله بسبتكم ونصنع من انفسنا رجال بسبب اخطااء والدنيا تجارب
والله لايسامحكم لادنيا والاآخرهـ .."وابتسم لهم وهالحكمه تتردد في راسه"(المهزوم اذا ابتسم افقد المنتصر لذة الفوز)
ورمى كيسهـ معاه بوجه ولد عمه وراح وتركهم يضحكون ضحكه تعلن انتصااارهم
ركب سيارته وانسكبت دمووع تعلن عن ضعف رجل رجل اتصف بالرجوله رغم صغر سنه تحمل مسؤليه وهو في الصبأ
تذكر يوم يتوفا ابوه كان بالابتدائي والمتوسط عاناااا بسبب تحمله لمسؤلية امه وخواته عانا ع ماصنع من نفسهـ رجال وبالاخير بثالث ثانوي يجيون
اللي يسمون عيال عمه وبالاصل اعداء يجعلونه ينحرف عن الطريق المستقيم
قرر مجرد ماينزل من هالسياره بينسى الحاصل وبيبدأ من جديد
مشى ع الفطرهـ حب شاب لفتاة
وترك حب شاب لشاب مثلهـ (تهز عرش الرحمن هالكلمه بحالهااا)
نرجع لحاظر خالد اللي سلك عليهـ
وقف وأخذ نفس عميق يعبر عن مدى انزعاجهـ لذكرىا اصبحت شقاوة طفل بالنسبه له مقارنتاً بعمره اللي يبلغه الآن 30 سنهـ
يسمىا بالشيخ الان وليس شاب
تكلمت عن واقع حاصل في كثير من المجتمعات اقتلبت فطرتنا وذلك بفرض عقول صغيرهـ تجهل امور الدين امور تحصل يشيب الرأس بسماعها من شباب وفتيات
رغم معرفتنا ورؤيتنا لذلك الا اننا لاننهىا عن الفحشاء والمنكر لاأعلم ماهي الاسباب؟!
بصمه مني انا يابنت عبدالله
(لمآذا ..؟!
[العيب] عندنآ..*
أشد من [الحرآمُ] !
هل لأننا..*
نهتَم للخلق...,؟!
أكَثر منِ آلخآلقِ ..!
******
بعـــــد مروووووور شـــــهــر كـــامل بعد تغييير كبييير حدث في حياة ابطالي....>>خلونا نرجع لهم وتعيشووون الجو معهم أحسن...
مراام:حنانوه اعترفي لي فيه احد في بالك...
حنان:لا ليش تسألين.؟
مرام:كذا حسيت انك حاااابه .
حنان:اييييييييه لا اجل احساسك غلطااان.
مرام:ههه انا يعني لحااالي حبيت؟؟؟
حنان تكابر:انا حاليا مافيه احد بهذااا.....وتأشر على قلبها.
مرام:منصور دخل هذاااا من زمااااااااااان....تقصد قلبهاااااا.
حنان:ههه حرااام تتعلقين فيه وبعدين تنصدمييين.
مرام:ليه خايفه يصيرلي مثل مااااصار لك قبل.
حنان:ايه ماودي تعيشين تجربتي اللي من بدايتها فاشله..
مرام:بس منصور غيييير احسه رحوووم ويمكن يرحمني ولا يجرحني مو مثل محمد...........>بتعرفووونه قريييب
حنان:تكفيين مرام لا تذكرييني فيييه .
مرام:طووووول بشهر العسل صح.
حنان:ايه خلاص ماعلينا منه.
مرام:وييين خالتي ام منصور؟
حنان:طالعه مع منصور.
مرام:احس منصور قربه مع امه مبالغ فيييه صح.
حنان:لا حراااام عليك ولدها الوحيد وش تبينه يصير بالعكس احسه كبر بعيني بسبب قربه من امه.
مرام:وانتي مامليتي من شكل شعرك مع انه شيييين مره عليك ابد ماناسب لك بس اول مره تطولين على لوووك.
حنان تحاول تخفي جرحـــــها:انا عاجبني وبعدين ماااصار لي اسبوعين مسووويته.
مرام بغيييره:حتى المفروووض غيرتيه بسرعه لانه قوووووووووه باااايخ ومشوهك زياااده.
حنان وكانها تمزح وهي قاصده لانها تعبت من مجاملتها:ههه مانيب صايره اشييين منك صح ولا لا.
مرام بقهر:هههه ليييش انا وش ناقصني.
حنان باستهزااء:ابد مو ناقصك شي كاااامله.
مرام:غصبن عنك كامله على الاقل عندي اهل موووو مثلك مووس بحلق عمي.
حنان بغصـــه:احترمي نفسك كل شي لـــه حدووود يامرام كل شي له حدود.....>وطلعت لغرفتها وتركتهاااا
حست مرام انها زودتها معهاا ورقت لها للغرفه طقت عليها الباب وجاها بالجهه الثانيه:مرام تركيني لحالي الله يخليييك.
مرام:حنون والله آسفه تعرفين كيف لساني مفلوت تكفين لاتتضايقين.
حنان بصوت مبحوح:ماني متضايقه بس ابيي اجلس لحالي.
مرام:اوعديني اذا ارتحتي تنزلين ليي.!
حنان:ان شاءالله.
نزلت مرام تحت وجلست تقلب بقنوات التلفزيون وثواني ودخل نواف انبسطت لما شافته
و على طول جلست معاه وقامت تسولف وكل سالفتهم عن منصور وطبعاً نواف ذكي وماضااع عن باله انه مرام تـــكن لمنصور نوعاً مااا من المشاعر
ابتسم بمكر وبذكاء:تدرين دايم اشوف منصور يحتك بحنان شكله يحبها.
مرام بصدمهـ:كييف؟!
نواف حس انه خطته بتنجح:ذاك اليوم لقيته ماسك حنان بالغصب ويقول انا احبك ومابي احد غيرك وحنان شكلها ماتبيه
مرام:انت وش قاااعد تقول مستحيل يصير كذا حنان ماقلت لي شيي .
نواف بضحكه مكتومه:موو كل شي لازم تقول لك عليه البنت لها خصوصيه بس جاك العلم انا قلت لك عن اللي شفت وانتي براحتك...
وقام وتركهااااا تغلي من القهر....^_~
رقت فوق لحنان طقت عليها وحنان لامجيييب وواضح انها نامت
اخذت عباتها وهي تلسبها بقهر وتنتظر السواق يجيها وفكرررها كله عند كلام نواف
ونواف اللي واقف بغرفته ويطل عليها وهي تتهاوش مع العباة وواضح غيضضضها من حنان..
*****
بيوم جديد بدنيا تحمل ثلاثة ايام
يوم عشناهـ ولن يعود
ويوم نعيشهـ ولن يدوم
ويوم سنعيشهـ ولانعرف مع من سنكون...!!$
وهاأنا بنت عبدالله افتتح صفحه جديدهـ بكتاباتي
افتتح صفحهـ جديدهـ بأحداث روايتي
افتتح صفحهـ جديدهـ مع اعضاء الغرام
واتمنىا ان كتباتي تنول رضاكم
:$
:$
كانت جالسه بالصاله ودخل نواف يركض وهو ناااوي على شي.
وكانت جالسه عند التلفزيون وفاسخه جاكيتها وحطته على رجولها قرب لها نواف وسحب جاكيتها وحنان بدورها بسرعه مسكت طرف الجاكيت وحاولت تسحبه وحست انه خلاص بيقواااها وقفت بسرعه وصااارت تسحب بحمااااااس وظهرها للباب ....
ونواف بمكر زاااد في سحبه على الجاكيت وحنان سحبة بكل قوتتها وهي تصرخ على نواف صح انه مو هااامها الجاكيت بس كانت تحس بمتعه وحست انها رجعت لقبل كم سنه ورااا...
نواف:هههههه ياااحول ضعيفه هع هع مانتي قادره تأخذينه ههه.
حنان:انا اقوى منك وبتشوف.......>وزادت في سحبه وحس انه الوقت المناسب انه ينفذ خطته ....
دخل من عند الباب وهو منزل راسه ومندمج بالجوال وابد مو منتبه للي بالصاله..
ترك الجاكييييت اللي كانت حنان تسحبه بحمااس ومن شدة قوة سحبها أول ماتركه نواف صااارت ترجع على ورا وهي تحاول انها تثبت توازنها
اللي أختل وفـــجـــــــــأهــ صدمت بشي ورااها خلاها تطيييييييح على ظهرها كانت مغمضه عيونها خايفه من الالم اللي بتحس فيه من قوة طيحتها
بس استغربت الشي اللي طـــــاحت عليه التفتت وشافت.........
مخرج~
كــل مآفتقدهـ في دنيآي..
كنت أجدهـ بِكـَ ,
كنـتُ ...ولذلكَـ أنَآ أتعذّب الآن !!
انتهــىا البارت
أرائكم واعتقاداتكم تمدني بنشاط وحماسي بتفاعلكم بيزيد لاتحرموني ذلك
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
&&الـــبـارت الثـــامن&&
مــدخل~
بدأتْ أتآكد آنني ؛
آتنفسككـَ عشقاً ,
فعندمآ آستلقي للنومَ
لآيمر على مخيلتي
سوآ صورة ملآمحكَـ آلهَآدئهـ ؛:$
انـــصــدمــــــت وهي تشوووف منـــصــور تحتها واتحجرت الدمـــوع بعينهااا من الاحراج ...
ناظرها بعدم استيعااااب للي صار توه كان بيرقى للدرجه اللي بداية الصاله المرتفعه وحس بشي ضربه خل توازنه وتوه يستوعب ان اللي فوقه هي حــنــان
صحاااهم من الصدمه ضحــــكـة نواف اللي انتشرت بالمكان قامت حنان بسرعه وعلى طول على غرفتها
قااام منصور من الأرض وهو يحس انه يحلم ومو مستوعب اللي صااار توها كانت على صدره تذكر دموعها اللي ماليه عيونها وحس بالذنب مع انه ماله دخل....
منصور:وش صاااااااااار وشلون طااحت؟
نواف:هههه انا تركة اللي كانت تسحبه هعهع وطااااااحت على طووول هههههههههه
منصور بعصبيه:حرام عليك يانواف ياللا أشوف رح اعتذر لها بسررررعه.
نواف بحترااام:ان شاااءالله هههه عن اذنك.
منصور:وشف اذا يوجعها شي طيييب.
نواف مبتسم:ان شااااااءالله ....>وقااام لغرفة حنان.
طق الباب عليها وكانت تبكي ودموعها تنزل بغزااااره...>طق عليها الباب
حنان بصوت مبحوووووح:نعم.
نواف كاتم ضحكته:انا نواف ممكن ادخل.
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك