رواية انتي نظر عيني دامك معي -7
عبير: أبيك توديني بيت أهلي أبي أشوف أمي
فهد: أأيه عمتي وشلوونها وش صار على بدر متى يطلع
عبير: مادري بس قريب إن شاء الله
فهد: الله يسمع منك..يالله تجهزي عشان أقطك
..
وهم طالعين وإن هند بوجههم..
هند: إلى أين أيها الغلام؟
فهد: ياليييل وإنتي من تخصصتي لغة عربيه إنهبلتي
هند: لا تضيع الموضوع ويييين رايحين >> ملقوفه صراحه
فهد: إف منك ..رايحين بيت عمتي ام محمد
هند: صدددددددق؟؟ إنطروني ..أبي أتطمن عليهم أبروووووووح
فهد: بسرررررررعه انطرك
هند: حاضر إبن عمي..تكه وبكون جاهزة
فهد: يالــــيل ذي البنت عبيطه >>> ياما تحت السواهي دواهي مايدري المسكين
:
:
:
:
:
بعد ما طلع ..
فتح جواله بتردد: أتصل ولا لأ...
والله إني مستحي..طيب ماني مجبور أتصل.. لالا أبي أسمع صوتها ..وفعلا إتصل..
:
:
كانت قاعدة سرحانه وفجأة
((تتصل بي ياهلا بك من بعد طول غيابك
إتصالك غير عندي مرحبا بك مرحبا بك...))
مشاعل فزززت: جوال مريم
>> وان المتصل فيصل ردت وهي مندفعه
مشاعل: هلا وش صااار على مريم؟؟
فيصل: منو إنتي؟؟ >> حركات مراهقين نص كم خخخ
مشاعل: اناا مشاعل وش صار على مريم >> الواحد ينسى نفسه بالأزمات لوول
فيصل: إيه مريم زينه ماعليها
مشاعل: طيب وش قاااال الدكتور؟
فيصل: يقول سوء تغذيه وإرهاق ولازم ترتاح وصرف لها أدويه >> أشوف يوم ريم
تسألك تقول لها إرهاق ومدري وشو ..ومشاعل معطيها الملخص لوول
مشاعل:طيب شكرا..مع السلامه
فيصل : مع السلامه
مشاعل وبتردد: فـ..فـ..فـ..ـيصل!
فيصل (أخ يازين إسمي بصوتها): هلا..سمي
مشاعل: ترا أمك تتصل على جوال مريم
فيصل(تضايق من كلمة أمك وشو بزر أنا؟؟!؟): ردييييييتي عليها؟
مشاعل: لأ خفت إنها ماتدري
فيصل: إيه أشوا فعلا هي ماتدري..إيه زين سويتي
مشاعل: طيب..أبسكر تبي شي؟
فيصل: إيــه أبي.
مشااعل إستغربت: وشووووو؟
فيصل: انا الحين جايكم بس أجيب مريم..بس اعطيك رنه على جوال مريم
طلعي أغراضها وخصوصا الجوال >> يخطط لشي
مشاعل: طيب
:
:
:
:
فيصل: يالله تمشون
ريم: ايه ..ترا الدكتور صرف لها دوا
فيصل: مو مشكله وحنا طالعين نمر الصيدليه
:
بالسيارة
فيصل: ها يادوبه وش تحسين فيها
مريم: ماحس بشي
فيصل: أبي امر مطعم أجيب لك شي تاكلينه
ريم: لحظة أول شي قطوني على بيتي
فيصل: طيب
بعد ما قطو ريم ..
فيصل : ها وش تبين أطلب لك
مريم: نفسي مسدودة بس عشانك أبي "سفن دايز" وحمضيات >> آآه يالبى السفن دايز أمووت فيه
فيصل وبنظرة: أقوولك مطعم تقولين لي "سفن دايز"؟؟
مريم: خلالالالاص جيب لي على ذووقك
فيصل: طيب..
:
:
:
:
مشاعل: ياربي وينهم طولووو
وفجأة تجي رنه لجوال مريم..
مشاعل: أكيد هو عند الباب..ماااري (الخدامه) خوذي جوال والشنطة عطيها
السيارة اللي برا
:
:
أخذ فيصل الشنطة والجوال.. عطى مريم شنطتها وفتح الجوال وقام يفتش فيه
مريم: وش تسوي؟
فيصل وهو مدقق بالجوال: لحظة إنطري
مريم:بسرعه أبي انزل
فيصل وعيوونه طايحه بجوال مريم: ليه ماتنزلين عندنا؟
مريم: لالا ..طيب وش تسوي قولي
فيصل يحرك حواجبه وعيونه على الجوال: قاعد أشوف متى أتصلت امي علي
مريم : ويعني؟
فيصل ولازال مركز بجوال مريم: لانها ماتدري عشان كذا ابشوف متى إتصلت
مريم: وكل هذا تشوف وقت مكالماات يالله فيصل بسرعه
فيصل ويعطيها الجوال: طيب إمسكي..
إنزلت مريم وفيصل يطلع جوال بسرعه ويسجل رقم (050.........إلخ) ويقول بقلبه
: يالبى هالرقم وراعيه
!!!!!!!!!!!!!
إنتهى البارت..
تتوقعوون فيصل سجل رقم مين ؟؟
وشنو صار بين ليلى ومشعل.. هل ليلى راح تتخذ
قرار بالإبتعاد عن مشعل..؟؟
وكيف راح تكون الأيام الجايه بين بدر ومريم؟؟؟؟؟
كل هذا ومع مزيد من الأحداث في البارت القادم
إنتظرووني
((أحبـــــــــــــــــــــــــــكم))
البآرت الحادي عشر
قرب منها لين صار وراها وحضنها من ورا
وكان يشم ريحة عطرها ..ليلى نزلت راسها
ليلى: مشعل انا متضايقة ممكن تبعد شوي؟
مشعل: لأ..طيب ممكن تسمعيني شوي؟
ليلى وتآخذ نفس:أسمعك
مشعل: أنا آسف
ليلى: طيب والمطلوب؟
مشعل: أبيك ترضين
ليلى: ومن قال إني زعلانه
مشعل ولا زال حاضنها: أدري إنك زعلانه..للوش
حبيبتي أعرفها لما تكون مطنقرة علي
ليلى: طيب حصر خير
مشعل: ليلى والله انا أسف ياحياتي إنتي تعرفين
إن هالموضوع يضايقني
ليلى: وتبيني أقعد أسايرك طول عمري بس عشان ما
تتضايق ..؟ وربي حتى انا أتضايق ولا مشاعرك أهم؟
مشعل: ليلى إنتي عارفه حنا كم مرة حاولنا والاطباء قالو
مسالة وقت يعني مافين امل
ليلى: وشو مافي أمل..العمر قدامنا مشعل وحنا صغار
مشعل: طيب لاتزعلين
ليلى: .......>> لا رد
مشعل: راح أفكر بالموضوع مرة ثانية
ليلى: صصصصصصصصصدق؟
مشعل:عشانك بس
ليلى: مشعل كنت متأكدة إنك راح توافق
مشعل: وأنا أقدر أرفض لــ للوش طلب
ليلى وتبعد إيدين مشعل عنها ومشعل إستغرب
وتلف ناحيته وتحضنه مرة ثانيه
ليلى: الله لايحرمني منك
مشعل: آآآآه ياقلبي
ليلى وتبعد عنه : ليـــه وشفيك؟
مشعل: عشانك حضنتيني .. ليه بعدتي ردي مرة
ثانيه
ليلى: ههههههههه
:
:
:
:
:
دخلت البيت ولقت مشاعل قدامها ..على طول حضنتها
مريم: شوي شوي
مشاعل: ياعرررره خرعتيني عليك
مريم: هذا انا قدامك مافيني شي
مشاعل: سلااااااااامتك..
مريم: الله يسلمك..إمشي ندخل
وهم داخلين.. وإن مشعل بوجههم طالع..
الموووهم
دخلو بالصاله وجلسو طبعا البيت كان فاضي
ام محمد كانت بغرفتها منسدحه >> مالومها تعب
مشاعل: ها شفتي بدر؟
مريم: ايه الحمدلله الوضع مرررة متحسن
مشاعل: إيه بس قطع قلبي >> وتبكي
مريم: مشاعل لاتبكين يكفي إنه قام لنا بالسلامه
مشاعل:ايه والله صادقه..بس والله كسر خاطري
مريم وتغير الموضوع: صح وين ليلى؟
مشاعل وتمسح دموعها: فوق بجناحها
مريم: طيب إتصلي فيها خليها تنزل من زمان عنها
مشاعل : طيب ..
:
:
:
((على الأحباب تتغلى ..لاتسأل ولاتشتاق
على بالك انا ولا..نسيت الود والأشوااااااق
ودام إن الغلا كله..عشانك خافقي دفاق
اناظر يامتى طله..متى ياشاغلي تشتاق))
ـ>>يالبى اناشيد خالد السبيعي..الموهم نرجع للقصه
سمعت ليلى نغمة جوالها
ليلى: أهلين مشاعل
مشاعل: للوش مريم عندنا تعالي تسأل عنك
ليلى: صددق.؟ يالله ألحين أنزل
:
:
:
:
فهد: متى تبون أرجع لكم
عبير: مدري بس أبطول شوي
هند وبإندفاع: لأ.. تعال بدري محنا مطولين>> ملقووفه من قالك تعالي معهم
فهد: ها عبير وش قلتي؟
عبير وتضايقت من حركة هند: طيب تعال بدري
نزلو
عبير وهند : السلام عليكم
مشاعل: هلا والله بعبير حيااك
عبير : الحمدلله
هند: كيفك مشاعل
مشاعل: بخير الحمدلله
وقعدو وسلمو على مريم وقعدو يسولفون عن حالة بدر
وانه قام بالسلامه والحمدلله
عبير: وين امي؟ أنا جايه عشانها
مشاعل: أمي بغرفتها ألحين اناديها
وراحت مشاعل..
ونزلت ليلى: هلا والله الحبايب مجتمعين اليوم
عبير: ههه أكيد على سلامة بدر
ليلى: ايه والله صادقه
وجت ام محمد وقعدو سوالف ومناقشات وبخصوص وضع بدر
هند: طيب إنتو بتسفرونه
مريم: ايه إن شاء الله
هند: تروحين معه؟.>>لقافه والله
مريم: إيه أكيد
هند: يؤ والجامعه؟
مريم: لا هالسنه أبي أقدم إعتذذار
هند: من جدك إنتي والله لو إني مكانك ما أقعد بالبيت أدرس أحسن لي
مشاعل وبنظرة: والله مريم براحتها تبي تقابل زوجها
هند: يؤ حطو له خادم يقوم بأمورة
أم محمد : ليه و ولدي معووق؟ مافيه إلا العافيه
هند: لا ماقصدي كذا بس أنا اقول يعني
عبير وتقاطعها:هنننند أبتصل على فهد نبي نمشي
هند: لاااااه عبير خلينا نطول
عبير وتهمس: وين كلامك اللي بسيارة
ليلى:عبير خليك
عبير: لا والله فهد عنده دوام لازم ينام بدري
:
:
وطلعو
مشاعل: أوووف منها إسلوبها سخيف
ليلى: منو هذي؟
مشاعل: بالله عليك وفي غيرها ..
ليلى: قصدك هند
مشاعل: إيه قهرتني
ليلى: مشاعل يعني قايله شي جديد هي من زمان كذا
مشاعل: إيه والله لاتذكريني..تذكرين يوم تقولك
إذا صار عندي ولد أعطيكياه
ليلى: إيه ههه
مشاعل: ماعندها إسلوب بالمرة
مريم: بنات خلاص أكلتو لحم البنت
مشاعل: إستغفر الله..انا اللي قاهرني ليلى تضحك
ليلى: وش أسوي لها يعني تبين أبكي عندها
مريم: خلالالالالاص بنات
:
:
:
:
بعد يومين الشباب كلهم قاعدين عند بدر..
مشعل ونواف ومحمد بالإضافه لحمد وسعدون
سعدون: بدر ..تبي أرفع من برودة التكييف
بدر: إيه حاس بحر
محمد: الله يعين والله هاليومين حررر من قلب
نواف: إيه والله حتى الواحد مايطلع من بيته
حمد: من جدك..انا اليوم متسبح مرتين ..كأني مو متسبح
مشعل: خييييسه مهما نسوي نحس بعفن >> بالله هذا موضوع تفتحوونه؟؟ّ!؟
بدر: شباب ماعليه أبي أرتاااح..
محمد: أوكي أصلا حنا ماشين.. ويغمز للباقي يعني إطلعووو
:
:
:
:
حمد: الحمدلله بدر صاير هادي وضعه أحسن من أول بكثيــــر
سعدون: الحمدلله ع كل حال..يعني مابقى شي ويطلع
حمد: ايه الدكتور قال أبي أرخصه يوم الخميس
سعدون: من جدك يعني مابقى إلا ثلاث أيام؟؟ هو ماخلص تمارين حتى
حمد: يقول الدكتور جسمه متعافي واذا على التمارين يسويهم بالبيت
سعدون: أيه اشوا ..الله يكتب اللي فيه الخير
حمد: والله بنفقده الدوب
سعدون: يؤ لاتذكرني..بس فووق هذا مراااح راح نزورة بالبيت
حمد: من جدك أنت أنا بنام عندهم أصلا
سعدون: هههههه
:
:
بيت أبو محمد
مشعل: يممممممممه
أم محمد: هلا
مشعل: ترا بدر يطلع يوم الخميس
أم محمد: صصصدق؟ الحمدلله يارب
مشعل: أبي أروح ألحين تبين شي يالغاليه
أم محمد: الله معك..
:
:
:
كانت فاتحة الدولاب وتناظر لملابسه ..
مريم:آآه يابدر لو تدري وش كثر إشتقت لك
وفجأة تستمع باب جناحها>> طق طق طق
راحت وفتفحت الباب
مريم: هلا مشاعل ..إدخلي
مشاعل: لا أبي أروح بس ابي اقولك شغله
مريم: وشو؟؟
مشاعل: ترا بدر يوم الخميــــــس يطلع من المستشفى
مريم وبفرحه: من جدك؟؟؟؟؟؟؟
مشاعل: والله العظيم مشعل من شوي قال لأمي
مريم: آآه من زمان مانور هالمكان
مشاعل : أفا عليك انا انوره لك خخخ
مريم: ياحياتي ههههههه
:
:
:
:
ثاني يوم..
((رن ياجوالي..رن ياجوالي
خل الحبايب دووم تتفقد احوالي..
ماترن ياجوال وبصوتك العال..خلي
اللي يسمعك دوم يصلي عالآل..إلخ))
مشاعل وترد على جوالها : هلا ميمو
مريم: مشاعل أبي أروح بيتنا أبي أجيب كم غرض خليتهم عند أهلي ومنها
أشوف أمي
مشاعل: طيب..
مريم: أبيك تجين معاي
مشاعل: مريم ماراح اسوي شي ولا استفيد شي
مريم: وإنتي من جدك بس بجيب الأغراض وارد
مشاعل: أجل؟؟؟
مريم: بصراحه ريم عند أهلي يعني نقعد شوي
ونتقوى ونسولف مع ريم وبعدها نرد
مشاعل: تصدقين مررريم؟؟
مريم: وشو؟
مشاعل: من حادث بدر وانا ماطلعت إلا بالمستشفى عشان أشوف بدر
يعني الأيام اللي طافت مررره صعبه..محتاجه لمشوار صغير أونس نفسي فيه بعد ما هدأت الأمور
مريم: وهذي تسمينها مشوار لاتنسين بيتنا جمب بيتكم؟؟
مشاعل: يكفي الموضوع فيه طلعه وقوة وسوالف يعني تغيير
مريم: صاااادقه والله ..يالله ألحين البس واجي غرفتك ألقاك لابسه
>>طبعا ما كشخو كثير لبسوو جلابياات نااعمه مرة وحطو مرطب
:
:
:
:
بيت أبو سالم..
فيصل ويدخل المطبخ: الله من زمان عن القهوة ريحتها تفك الراس
ريم: صووتك ينرفزني إطلع برااااا
فيصل: زين زين بس وين أمي
ريم: مو هنآآ ..راحت بيت خوالي
فيصل: طيب ليه مارحتي معها..راازة وجهك عندنا؟
ريم: مريم تبي تجي ألحين ونبي نقعد نتقوى
فيصل: جـــد أبقعد معكم طفشاااااااااان وربي
ريم: أقول رح بس ..حماتها مشاعل تجي معها
فيصل بإبتسامه: اها.. طيب خلاص
..وصوووووووت الجرس
ريم: رح إفتح الباب..ولا تجي
فيصل : طيب طيب
:
:
:
مريم: وينهم مايفتحووون.
مشاعل: مدري والله دقي على جوال ريم
مريم: لحظة اطلع جوالي..مشاعل خلي إصبعك على الجرس لين يسمعوونا
مشاعل وحطت إصبعها عالجرس: يالله متى يفتحووون
وفجأة ينفتح الباب بقوووووووة
فيصل: خرررررررررررررربتي جرس بيتنا يااادووووووبه
مشاعل شالت إيدها بسرعه:......>> لارد
فيصل متنح قدام الباب ((يازين هالعيون))؟
مريم: وخر وخر نبي ندخل
فيصل: هاا؟
مريم وهي داخله: وين أمي
فيصل: راحت بيت خوالي
مريم: وينك مشاعل
مشاعل: هنا وراك ؟
مريم: أحسيك رحتي البيت
مشاعل: ههه لا وش دعوة
فيصل بقلبه: زين سمعنا صوتك
ودخلوووووووووو.......
وقعدو بالصاله الداخليه وسوالف وقهوة ..
وفيصل تعبت نفسيته كل شوي يمر من الصاله يمكن يلمح له شي ولا شوياات >> حركاات بزراان
:
:
:
((إتعب علي لو تبغي توصل انت لي ..
أعمل عشاني أي شي إتعب علي....))
مرام: هلا بالمزعجه
هند: حراام عليك وربي إنك مو كفو
مرام: ههههااي أمزح معك
هند: طيب أخبارك
مرام: مثل أخبارك المغبرة
هند:والله انا أخباري مو مغبرة
مرام: غريبة إشعندك؟
هند: قبل ثلاث أيام كذا رحنا بيت عمتي
مرام: انتي ومنو
هند: رحت مع عبير
مرام: إيه وشصار
هند: ماصار شي..بس مشاعل ياثقل دمها
مرام: ليه وش سوت
هند: كل ما أسال مرت مرت سؤال تدخلت هي وجهها
مرام: إي شرايك بعد..صديقتها مريم
هند: من جدك إنتي؟
مرام: إيه وربي صديقتها من قبل لايدخلون الجامعه
هند: وانا أقول ضبطت صديقتها لبدر
مرام: إيه وإنتي طحتي بكبد أهلك
هند: يوووووه مرام خلاااص الرجال وراح
مرام: يحليلك وين راح..هذا إن ماتطلقت منه مريم
الإخت ستااايل ماتقعد مع عميان
هند: يووه وانا كل ما أتصل عليك تقعدين تعيبين..يالله باي
مرام: ههه باي
:
:
:
:
قاعد يحوس بالممر المسكين تعبت نفسيته..
فيصل: إيه صح وين جوالي؟ نسيته بالصاله
راح و وقف عند باب الصاله مسكر
وبصوت كله ثقل(أخس إخس): ريــم
ريم: هلااااا وش عندك
فيصل: أبي جواااالي عندكم
ريم: طيب.. ياااو ماتكثر حاجاته إلا لما يصير عندنا حريم
مريم: أفا عليك تعلميني فيه..؟
طلعت ريم وحذفت عليه جواله..
فصيل: شوي شوي ترا هذا بلاك بيري مو جوالك
السكه
ريم: إرحمنا ياشيخ... ودخلت عند البناااات
:
:
:
في مدينة الملك فهد الطبية..
سعدون: آمال..خلي عند التقارير هذي
تراني مراجعهم كلهم بس الأخير راجعيه إنتي
آمال: ليه الدكتور قالك؟
سعدون: لأ بس نبي نروح نقعد عند بدر..تكفين
آمال: طيب..كسرت خاطري
سعدون: تسلمين يا أم خاطر..يالله سلام
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك