رواية انتي نظر عيني دامك معي -8
في مدينة الملك فهد الطبية..
سعدون: آمال..خلي عند التقارير هذي
تراني مراجعهم كلهم بس الأخير راجعيه إنتي
آمال: ليه الدكتور قالك؟
سعدون: لأ بس نبي نروح نقعد عند بدر..تكفين
آمال: طيب..كسرت خاطري
سعدون: تسلمين يا أم خاطر..يالله سلام
:
:
:
مد يده اليمين بحذر ومسك كوب الماء
مشعل: بدر تبي أساعدك
بدر: لأ
مشعل: براحتك
وبعد ماشرب...
مشعل: بدر ترا بعد بكره تطلع
بدر: إيه أدري
مشعل: من قالك
بدر: قبل لاتجي ..سعدون قال لي..
ويدخل سعدون.....
سعدون: سمعت إسمي وشفيه سعدون؟؟
بدر: لا بس كنت أقوله إنك عملتني اني أطلع
بعد بكره..
سعدون: أها..عاد ماوصيك أهم شي الراحة
النفسيه والجسديه وإهتم بالغذاااء
بدر: لا توصي
مشعل: إيه بدر ترا أمس محمد قالي بيشوف
مستشفيات بالخارج عاد ماحدد وين
بدر: طيب متى السفرة
مشعل: أول ما أخلص الترم الجاي
بدر تضايق لانها المدة طويله: أها خير إن شاء الله
سعدون: طيب إنتو وين ناوين..؟
مشعل: ماأدي يا أمريكا أو ألمانيا
سعدون: أمريكا أحسن..
مشعل: صدق؟
سعدون: خذها مني ..أمريكا أحسن والله
:
:
:
:
كان قاعد بالصاله وفاتح جواله..
قائمة الأسماء.. ويناظر إسمها اللي
سماه إياها بالجوال "فديت دموعها"
وكان يفكر بينه وبين نفسه مادامها
عندنا أبي أستغل الفرصه وأرسل...
:
:
:
:
ريم: مريم جد تبين تقدمين إعتذار هالسنه
مريم: ايه والله مالي خلق بالمرررة
ريم: براحتك
مشاعل: ودي أقدم إعتذار مالي خلق حتى انا
مريم: أقوول ترا الجامعه حلوة هااااه؟
مشااعل: لاتلوميني يضيق خلقي والله
ريم: ليه مشاعل ماتقعدين مع احد بالجامعه
مشاعل: وربي بس مريم..تخيلي فيه شلات بنات وفصلة
بس مالنا خلق..
مريم: ماعليه على بدايه السنه إقعدي مع شلة هند
مشاعل: وعععع إنتي من جدك؟؟؟؟
وفجأة صووووووت مسج..
فتحت مشاعل جوالها..
رساله من (05510*****) >> رقم غريب
مكتووب فيها
""بيتنا منور بوجودك""
مشاعل وبقلبها: منو هذي؟؟>> وتذكرت إن فيصل
توه أخذ جواله..>> لالا شكو فيصل ماظن هو ويقطع
تفكيرها صوت رساله ثانيه وفتحتها
مكتوب فيها
"" أنا فيصل تراني قاعد بالصاله الثانيه
"" >>> حركااات مبزرة خخخ
مشاعل دهشه وبقلبها: وش عرفه برقمي؟؟؟ وانا
وش دخلني فيه..؟ >> وتذكرت يوم مريم أغمى عليها
و.. و.. و,,, >> أها فمهت السالفه
ردت عليـه "" البيت منور بأهله ""
ويقطعها حبل أفكارها مريم
مريم: مشاعل إمشي معاي فوق.. أباخذ أغراضي
ونمشي بعدها
ريم: لاااا إقعدو تعشو
مريم: تراك مصختيها..نبي نروح خلاص
ريم: يوووه قلت لخالد لاتجي..ألحين أقابل فيصل
24 ساعه عيونه بالبلاك بيري ..ماعنده حتى سالفه
تنقال كل سوالفه خبال
مريم: ههههه هذا آخر العنقود تحمليــه ..يالله مشاعل
إمشي فوق
مشاعل : اوكي
:
:
:
(((((يوم الخميــــس)))))
أم محمد: مريم نبي نروح نطلع بدر تمشين معنا
مريم: لأ أبي أقعد أرتب غرفتي >> تحط شمووع خخخ أمزح نرجع للقصه
أم محمد: طيب براحتك
مشاعل: يمه أبي أروح معكم..مكان مريم
أم محمد: وتخلين مريم لحالها يضيق خلقها
مشاعل: يممه ليلى عندها تكفين أبروووح
أم محمد: إمشي لاتمووتين
وينزل مشعل: يالله أنطركم بالسيارة
:
:
:
:
ليلى: ليــه مارحتي
مريم: أبي أرتب غرفتي وأجهز لبدر المكان عشان يرتاح
إنتي عارفه
ليلى: أها..إمشي تبين أجي معك
مريم: أوكي تعالي بس بشرط
ليلى: وشو؟
مريم: ماتتعبين نفسك ولاتسوي شي..
ليلى: لااا إنتي ترتبين وانا أطالع لك
مريم: والله للوش مابي اتعبك
ليلى: طيب خلي الخدم يرتبون
مريم: لا وش دعوة بس أبي أبخرها وأغير
غطاء السرير وأجهز ملابس لبدر
ليلى: أوكي يالله إمشي
وراحو فوووق وترتيب خفيف وريحة البخور
ياسلام وبعد ما خلصو قاعدين سواالف وتفتح جرووح
>> خخخ
مريم: ياااه طيب وش صار بعدين
ليلى: من درو أهلي بالموضوع صارت هوشه
مريم: من جدددددك؟
ليلى: تخيلي يامريم وش كثر إنحرجت أبووي حط براسه
إلا يطلقني منه
مريم: يا الله وهو طيب وش كانت ردة فعله
ليلى: احس تحطمت نفسيته وخاصتن بعد اللي سواه ابوي
مريم: وش سوا أبوك
ليلى: تخيلي جأ تهاوش مع عمي ابو محمد عشان يخلي مشعل يطلقني
مريم وبذهول: من جدك؟؟ طيب وإنتي
ليلى: صراحة ماكنت أبي أتطلق منه ..مشعل أطيب إنسان عرفته
مريم: صراحه موقفك لايحسد..الله يخليكم لبعض ويرزقكم
ليلى: آمين..يووه خل نغير الموضوع ماحب اتذكره
مريم : إيه والله خل نغيره
ليلى وتشم ريحة البخور: وش بخوور مررة رووووعه
مريم: من الماجد للعود
ليلى: لايكون علبته زي الفخار تجي كبيرة ومن دااخل شوي
مريم: أيواا هذي
ليلى : واااو ..خواتي يمدحووونه مررررة يجنن..
وفجأة
((تتصل بي ياهلا بك
من بعد طول غيابك.. إلخ))
مريم: هذي مشاعل
وردت: هلا مشااعل
مشاعل: إنتو وينكم حنا بالصالة تحت جينا
مريم: جددددد يالله جااااااايه...
إنتهى البارت
تتوقعون كيف راح تمر الأيام الجاية
وهل راح تتطور العلاقه بين فيصل ومشاعل؟
وهل راح تكون الأيام الجايه سعيدة أو تعيسه
إنتظروني في البارت القاادم
((أحبـــــــــــــــــــــــــــــــكم))
البارت الثاني عشر
أم محمد: البيت نور ياوليدي
بدر: منور بأهله
أم محمد: هذي إمرتك نزلت ..ألحين
تاخذك فوق عشان ترتاح
بدر: مريم
مريم: هلا
بدر: وين كنتي
مريم: كنت فوق
بدر ويمد إيده: طيب وديني فوق برتاح
مريم وتمسك يده: يالله إمش
وراحو فووق
:
:
((أسهرتني من عقب صدك وفرقااك
ياللي بطيبتك حيل طبعك سحرني
...إلخ))
مشعل: ألو ..هلامحمد
محمد: هلا بك أكثر
مشعل: ها وش صار
محمد: والله راسلت مستشفيات بالخارج
وسألت معارفي والحمدلله إكتفيت بالمعلومات
مشعل: والحجز متى
محمد: يبا تو الناس ..ألحين خلصت من كل
شي المعلومات عندي والمستشفى أخذنا إسمها بس باقي على نهاية
الترم الجاي نحجز
مشعل: طيب وين أي ولايه بأمريكا؟
محمد: إذا ماني غلطان إسمها نبراسكا
مشعل: يعني حاليا كل المعلومات عند بس باقي حجز
محمد: مضبووط
مشعل: على خير إن شاء الله ..فمان الله
محمد: فمان الله
:
:
:
فتحت الباب ودخلت معاه ...كان يمشي بخطوات حذرة
مريم: حياك نور المكان والله
بدر: كافي نورك
مريم:تبي تقعد عالسرير ترتاح
بدر: إيه..وطلعي لي ملابس أبي غير
مريم: مجهزتهم لك
وقعد بدر عالسرير ومريم واقفة قدامه تساعده يبدل ملابسه
رمى التي شيرت وجت تبي تلبسه
الفالينه الداخليه وفجأة لف إيدينه حول خصر مريم ضمها
بقوووووووووة وراسه على صدرها
مريم : بدر خليني ألبسك
بدر : تدرين وش احسن شي؟
مريم: وشو؟
بدر:لما أكوووون بحضنك أحس إني أشوف الدنيا كلها
مريم: ...........>>لا رد
بدر ولازال حاضن خصر مريم: مريم ليه كذا؟
مريم: وشو؟
بدر: إنتي نحفاااانه ..ليه ماتاكلين
مريم: تتوقع تجيني رغبه للأكل وإنت بالمستشفى؟
بدر تذكر الأيام اللي مر فيها: ........ >> لا رد
بعد مالبس بدر نام وإرتاح ومريم نااامت وإرتااااحت لأنها مرهقه
:
:
:
:
بالليـــل قاعد بغرفته قبل لابنام
ماسك الجوال يقرآ رسالتها
من ""فديت دموعها"ـ
((البيت منور بأهله))
كآن يفكر فيها : من وين طلعت لي ذا البنت
يازينها..أول مررة أفكر كذا..قسم بالله إنها فلللللله
وربي تجــــــــــــنن يالبى دمووعها بس..أبي أتصل
لالا اخاف ماترد علـــــــــي ولا أقول أبي أرسل لها رساله
:
:
:
:
أم محمد: بكره عندنا عشا
مشاعل: يممه بدري على العشا
ام محمد: لا بس عشا حريم وماني عازمه كثير
بس بنات أخوي وام عبدالله وبناتها وام سالم
مشاعل: طيب على خيرر
ام محمد: يالله تصبحين على خير
مشاعل : وانتي من أهله
راحت غرفتها وإنسدحت ولقت رسالة فتحتها
رقم غريب ..شافته وعرفت الرقم
ومكتوووب
((قـــــــــاعدة؟؟))
>> وش هالميانة؟
مشاعل إستغربت: وش سالفته ذا الولد؟
أرسلت
(( إيه..خيررر؟))
رد عليها:
((لا بس أبي أقول لك أنا آسف))
أرسلت:
((طيب على وشو؟؟))
رد عليها:
((لما جيتي مع مريم وفتحت الباب وقلت
اللي قلته))
أرسلت:
((حصل خير))
رد عليها:
((والله أحسبك مريم))
أرسلت:
((خلاص قلت حصل خير))
رد:
((طيب إنتي زعلانه))
مشاعل: وش ذا النشبة؟؟
أرسلت:
((أزعل على وشووووووووو))
رد:
((طيب ليه إسلوبك كذا))
مشاعل: تحقيق هو؟
أرسلت :
((إسلوبي عادي))
رد:
((طيب أبي أقولك شي))
أرسلت :
((تفضل))
إنتظرت مشاعل..:غريبه ليه مايرد ..يوووه أبي
أنام شكله فاضي..
وفجأة صوت المسج
فتحت وإن الأخ كاتب تقرير..
((مشاعل امانه لاتفهميني غلط بس والله العظيم
من يوم شفتك لما مريم طاحت عند بابكم وانا أفكر
فيك ..مدري ليه ..ولا مرة فكرت كيذا..والله حتى لما جيتي
مع مريم كنت قاعد وماطلعت من البيت عشاني كنت مبسوط إنك عندنا
والله يامشااعل فكررررررت كثــــــييييير واول تفسير عرفته من تفكيري
فيـــــك كل يوم إني..""أحبـــــــــــــــــــــــــــــــــــك"")ـ
!!!!!!!!!!!!!!!!!!!!!!!!!!!!!!!
:
:
:
ثاني يوم
أم محمد: مريم
مريم: هلا خاله..
أم محمد: دقيتي على امك عزمتيها
مريم: لا مادقيت نسيت والله
أم محمد: ماعليه يابنيتي دقي هالحين وإعزميها
مريم: حاضر ياخاله
:
:
:
:
((إتعب علي لو تبغي توصل
إنت لي إعمل عشاني أي شي
إإإإإإتععب علي.... إلخ))
ترد مرام: ألو هلا هند
هند: اخبارك
مرام: بخير.......وانا أبعرف مافي غيرك
يدق علــي
هند: انا قدرك تحملي ههههههه
مرام: إإمحق..
هند: وش قاعدة تسوين
مرام: أتابع مسلسل ام البنات
هند: حددددك متفرغاااااااا
مرام: وش تبين أسوي طففففففش
هند: ياحظي روحي فكري وش تلبسين اليوم
مرام: واللي يرحم والديك فكينا مدري ليه
مسوين >ا العشا
هند: أكيد على سلامه ولدهم إشفيك إنتي.؟
مرام: أي سلامة ياشيخه..رادينه البيت أعمى
عشا على وشوووو
هند: مرام وبعدين معك
طبعا نواف كان داخل بيته وسمع كل الكلام
نواف: السلام عليكم
مرام إرتبكت: هــ..هـ..هلا نواف
نواف وبنظرة : حطي غدا
مرام: طيب..يالله هند أكلمك بعدين..(وبقلبها تقول
ياويلي لايكون سمعني)
:
:
:
:
صحت من نومهاوكانت تتذكر رساله أمس
مشاعل وبقلبها: ياااه والله صدمني من جده
ذا ولايمزح؟؟
وأخذت جوالها تبي تشوف رسالة أمس وأول مافتحت الجوال
لقت رسالتين جدد فتحتهم الأولى من عبير
مكتوب فيها (( مرحبا..منو يجيكم اليوم))
والثانيه من فيصل
(( مشاعل حلمت فيــك ))
وشافت وقت الرسآله وإنه أرسلها قبل لاتصحى بشوي
ردت عليــه:
((وش حلمت؟؟))
رد:
((الحلم ماينقال برساله..أبي أتصل وأقوله لك))
مشاعل حست بتوتر: ياااه مرة أحراج بس ليه ياربي
أرد عليه لما يرسل أحس إني مرتاحه له..لالا و قاعدة أقول
وفجأة
((رن ياجوالي..رن ياجوالي..خل الحبايب دوم تتقفد أحوالي..))
مشاعل: أرد لا لأ؟؟ أبرد..أبشوف وش حلمااان ههههه
ردت: ألو
وإن فيصل حاط لها إغنيه ((بوسة لروحك))!!!!
((بستك بالحلم مرة..وظل طعمك على شفافي
في الواقع أريد انا..بس مو بالحلم مو كافي
..لا تتعب أعصابك لا ..ولا تتعب أنا أعصابي
إنت إختار وين تريد..والبوسه على حسابي))
مشاعل سكرت الجوال بسررررررعه: يممممه أكيد
مو صاحي..داش بقوووووة ذا !!!!
وفجأة جاها مسج منه
(( أسف والله .. أحرجتك))
ردت عليه:
((إنت أكيد مو صاحي))
رد فيصل
((وربي صرت مو صاحي من عرفتك..أحبك))
مشاااعل: أنا أبعرف من وين يجيب كلام ذا البزر!!!
:
:
:
:
((آآه والله أحبهااااا يالبى قلبها
يازين صوتها يوم قالت ""ألوو"" مبين
دووبها صاحيه من النووووم يالبى
هالبنت))
قااام فيصل أخذ شوووور وراح يتغدى
:
:
:
:
عبيــر: فهد نبي نمشي تودينا ولا نروح مع السواق
فهد: نمشي؟؟؟ ليه منو يروح غيرك
عبير: انا وخالتي وهند
فهد: طيب ألبس وأجي
عبير: طيب ابرووح اقول لهند وخالتي يجهزون حالهم
:
:
:
:
وقت العشا مريم لابسه وكاشخه مررة شكلها ناعم
ٍماراح اوصف اللبس ((أترك الخيال لكم))
وكانت تحط عطر ((دافنشي))
بدر كان قاعد: وش العطر اللي حاطته؟
مريم: وصلتك الريحه؟
بدر: إيه مرررة حلوة
مريم: دافنشي..
بدر: عطيني أحط منه
مريم: أنا أحط لك
بدر: لأ..الأمور البسيطة انا اسويها بحالي
ماني محتاج شفقه من أحد
مريم إنصدمت: إيـــــــــــــش؟؟
بدر: .............(( لا رد))
مريم: حب الناس لك تسميه شفقه؟؟؟؟؟
بدر: أسف ما كان قصدي
مريم: ماله داعي تعتذر..بس مرة ثانيه
لا تعتبر حب الناس لك شقفه
بدر: مريم خلالاص
مريم: هااااك العطر ..عشان ماتفهمها شفقه بعد
بدر: يووووه مريم خلاص قلت ماكان قصدي
مريم: طيب..تدري مقدر ازعل عليك
بدر بإبتسامه خفيفه: مدام كذا إنتي حطي لي عطر
مريم: لا إنت حط لحالك ..
بدر: مريم يالله عاااد
مريم: طيب..بتقعد هنا؟
بدر: لأ ..أبيك توديني مجلس الرجال محمد ونواف يبون يجون
مريم: أها طيب
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك