رواية انتي نظر عيني دامك معي -9
بدر بإبتسامه خفيفه: مدام كذا إنتي حطي لي عطر
مريم: لا إنت حط لحالك ..
بدر: مريم يالله عاااد
مريم: طيب..بتقعد هنا؟
بدر: لأ ..أبيك توديني مجلس الرجال محمد ونواف يبون يجون
مريم: أها طيب
:
:
:
بالليل..جمعة الحريم والكل كاشخ
وسوالف ونقاشات وحشش ((أهم شي بجلسات الحريم))
مريم كانت معاها طبق حلا كانت تدور في عالحريم
أم محمد: يابنتي خليه الخدم يدورون بالأطباق إرتاحي
مريم: لا خاله ماحب أقعد كذا
أم محمد: براحتك..
قاعدة تمر عالحريم وحدة وحدة جت عند
ليلى ومشاعل
مشاعل: صايرة جرسون يادووبه
ليلى: عالأقل أحسن منك
مريم: إخلصو تاخذون ولا أروح
مشاعل تمووت عالحلا: لالالا بنااخذ والله
ليلى أخذ قطعه حلا وقالت: إن شاء الله
ناكل حلا تخرجك
مريم : ان شاء الله
ليلى: بقى صينية حلا
مريم: لا هذي آخر وحدة..في
صيانني معجنات و ورق عنب
ليلى: أول مايخلص الحلا ابي
أخذ أوزع أبي أصير سنافيه نفسك ههه
مريم: ههههههه خلاص تحدي نسوي
:
:
جت عند هند
هند: إإإمممم أي وحدة أحلا؟
مريم: مدري والله إنتي وحظك
هند: إإممم خلالالاص مابي رووحي رووحي
مريم إستغربت من إسلوبها وبقلبها تقول: الحمدلله وشكر
:
:
مجلس الرجال
محمد: إحتمال العشا ببيتي الإسبوع الجاي
نواف: صح أبوي ليه ماسوا عشا رجال
بدر: أنا قلت له
نواف: ليه طيب
بدر: بس كذا ..نخليها بعدين لين أتعافى
نواف: بس يابدر...
ويقاطعه مشعل: خلاص نواف خله براحته
بدر: الساعه كم
مشعل: عشرة إلا ربع
بدر: خلالاص أحس تعبان أبي أروح فوق
محمد: براحتك..أوصلك عند الباب
بدر: إيه ياليت..وياليت إمرتي تجي عند باب الصالة عشان
توصلني فوق
مشعل إتصل على ليلى عشان تقول لمريم
تروح عند الباب..
ومحمد وصل بدر عند الباب اللي
ب
يفصل بين المطبخ والممر اللي فيه
المقلط ومجلس الرجال وراح عشان تجي مريم
:
:
:
عند الحريم
مرام: وين رايحه؟
هند: المطبخ..أبي أشرب موويه
مرام: بيت أبوك؟
هند: لا بيت عمتي هههه
وراحت هند صوب المطبخ وبأخر المطبخ شافت بدر واقف
قرربت منه ..
بدر: مريم جيتي ..تعالي وصليني فوق
هند: ......... >> لا رد وبقلبها تقول: يالبى
قلبك ويالبى عيوونك بس
بدر: لايكون للحينك زعلانه
ومد إيده : مريم طيب عطيني إيديك وصليني فوق
هند ترددت تسوي هالحركهه لكنها سوتها
قربت منه ومسكت إيده وقامت تمشي وهي ماشكه
إيده بدر
وبقلبها تقول: آآه يابدر لو تدري وش
كثر أحبك..بديت بنت الجيران على بنت خالك
بدر: مريم ليه ساكته..و وش هالخاتم اللي لابسته مرة كبير
عور إصبعي عطيني إيدك الثاثية..
سمعت صوت وتركت يده وطلعت على طول..
بدر: مررريم ..مرييم وين رحتي
وتدخل مريم: هذا أنا جيت ليه وشفيك
بدر حس إن الموضوع فيه شي: لالا مافي
شي..يالله وديني غرفتي........
:
:
:
هند على طول دخلت عند الحريم وقلبها
يدق بقووووووووة: يممه الحمدلله ماشافتني مريم
مرام: وينك كل هذا تشربين موويه
هند: ماشربت أصلا
مرام: ليه؟
هند: شفت بدر بالمطبخ!
مرام: وش جايبه بالمطبخ هو مايشوف
يادوب يمشي خطوتين
هند: كان ينطر مريم توديه فوق
مرام: وإنتي وش درااك؟
هند: سمعته يقوول
:
:
:
:
مريم: يالله إرتاااح..أبي أنزل تبي شي
بدر:سلامتك أبي أنام
رااحت مريم عند الحريم
والحريم يسولفوون وماخلو موضوع مافتحووه
أم عبدالله: والله جارتي إتدور لولدها وكل مادخلت
بيت ناس شروطهم تعجيزيه
أم فهد: وليه ماتاخذ لودها من بنات عمه ولا بنات خاله
أم عبدالله: الولد ماعنده بنات عم وبنات الخال كلهم متزوجات
أم فهد:الله يعينها بتتعب على ماتلقى له
أم عبدالله: والله شكلها تبي تاخذ من البيت اللي جمبنا
أم فهد: ليه وهم يقربون لهم؟
أم عبدالله: لا والله بس جيرانهم وبناتهم مشالله عليهم
أم فهد: ياويلي وشلون يطاوعها قلبها؟
أم عبدالله: عادي يا أم فهد المرة تبي تخطب من بنات
جارتها والحرمه مشالله عليها
أم فهد: والله لو اني مكانها ما أدخل الغريييبه لبيتي حتى لو إنها
بنت جارتي مابقى إلا الغرب
أم محمد: وش الكلام اللي تقولينه عادي الحين الناس تاخذ من بعضها
ام فهد: إلا الغريبه يا ام محمد.. مابقى إلا الغرب ندخلهم بيوتنا
>>>أم فهد ماخذه على خااطرها بقوووة عشان أم محمد ما أخذت
هند حق بدر..!!
مريم تضايقت من هالكلام وحست أم فهد تقصدها..
مر الوقت بسرعه وإنتهت العزيمه وكلن بغرفته تعبان
يبي ينااااام
رآآحت مشاعل لغرفتها: أوووف تعبت كله بصوووب
وملاااقه هند بصوووب
مريم: خليها إشفيك هالبنت؟
مشاعل : أكرهها..ماتدخل مزاجي
مريم: خليها حاطه دوبك ودووبها
مشاعل: سخييفه صرااحه..طاافك مريم يووم رحتي المطبخ
تاخذين بدر..وإنها جايه من المطبخ تررركض كنها مسويه جريمه
شكلها شايفه بدر وطالعه يعني إستحت منه ..ياي مووو لايق عليها حتى الحيا
مريم: إيـــــــش؟؟
تتوقعون مريم فهمت الموضوع؟؟
و وش راح تسوي ؟؟
وكيف راح تكون العلاقه بين مشاعل وفيصل هل راح
تتقبل أو لأ ؟؟
وماهي التطورات اللي رآح تصير في الأيام الجايه
إنتظرووني..
((أحبـــــــكم))
البارت الثالث عشر
مريم: إيــــــــش؟؟!؟
مشاعل:أقوووول لك مو لايق عليها الحيا
مريـم فهمت الموضوع: أها...يالله ميشو
أبي أروح انام مرررررررة مرهقه
مشاعل: يالله تصبحين على خير
مريم: وإنتي من اهله
:
:
:
دخلت جناحها شوي شوي عشان ماتصحي بدر
بدر: وين كنتي؟
مريم: يممممه خرعتني
بدر: إسم الله عليك
مريم: كنت عند مشاعل
بدر: تعالي عندي إمسحي على راسي
حاس بعوار
مريم: اجيب لك بنادول؟
بدر: لا ماله داعي..بس أبقولك شي
مريم: وشو؟
بدر: اليوم لما كنت بالمطبخ كان فيه أحد
مريم وحسب ماقالت لها مشاعل: مدري بس قبل لا
أجيك هند طلعت من المطبخ
بدر وصدمه: وشوووو هند؟
مريم: ليه مستغرب؟
بدر: لا بس كنت أحسبها إنتي بس حسيت احد دخل وطلع
>>ماحب يقولها فشلة مايبي يطلع خيااس البنت
مريم: أهاا..يالله حبيبي إرتاااح
:
:
:
((مرت أسآآآبيع خلصت العطله الصيفيه مع همومها
ومشاكلها وأحزانها..مريم قدمت إعتذار للجامعه ومشاعل تداوم
لحالها..وفيصل آخر سنة ثنوي يعني الناس بوسط العام الدراسي
وكلن لاهي بأشغاله..))
:
:
:
كانت قاعدة لحالها بالكافتيريا..وفجأة
هند وشلتها
هند: مرحبـــا
مشاعل أووف: هلا هند
هند: كيفك؟؟
مشاعل: بخيرررررر
هند: ليه ماتقعدين معنا؟
مشاعل: وش أسوي محد عزمني
هند: لا وش دعوة تعالي معنا
مشاعل: لا المرة الجايه ألحين أبي أطلع
هند: طيب برااااحتك
مشاعل: يالله سلاااام
رااااحت مشاااعل وبدى الحش
نور: هذي بنت عمتك اللي أخوها أعمى؟
هند: إيه..ولاتقولين أعمى بدر سوا حادث وصار
اللي صار
نور: باين عليه مزيون زي أخته
هند: مزيووون وبس؟ ااخ لاتفتحين الجروح
نور: ههههه شكلك متحطمه..طيب وين زوجته
مو قلتي معنا
هند: خليها مقطعها الوفاء ..تخيلي قدمت إعتذار عشان تقابله
نور: وليه تتطنزين عليها فعلا هي وفيه
هند: لاااااااه اقول إسكتي بس
نور: وليه أسكت ولا فيه أحد يخلي مستقبله عشان شخص
صراحه يابخته فيها
هند: أقول إسكتي بس وخلينا نطلع
:
:
:
في بيت أبو محمد
مريم ماسكة الريموت وتقلب بالقنوات
وبدر كان جالس عندها
بدر: ردي على القناة اللي قبلها
مريم: وشو أي قناة؟
بدر: مدري بس سمعت صوت باب الحارة
مريم: هههههههه من جدك؟
بدر: والله رديه عليه
مريم وردت عليه
بدر: أي جزء اللي طالع؟
مريم: الرابع
بدر: إيــه عرفته اللي معهم نمس
مريم: إيه ومعتز آآآآآه بس
بدر: خلالالاص مريم غيريه
مريم: ليه خله والله حلو باب الحارة
بدر: أدري انه حلو بس غيريه
مريم وفهمت: ههه لييييييييييه طيب
بدر: مدري عنك انتي ومعتز
مريم: بدر وشفيك أمزح والله
بدر: لالا تمزحين تراني حطيته براسي خلاص
مريم: هههههههههههه طيب خلاص
:
:
:
((رن ياجوالي ..رن ياجوالي
خل الحبايب دوم تتفقد أحوالي.....إلخ))
>>>> جوال مشااعل
كااااانت نايمة وماااردت..
:
:
فيصل: ليه ماترد شكلها نايمه
أبي أرسل لها مسج
((مساء الحب ياحب..
لاتستغربين من المكالمة بس كنت أبي أسمع صوتك
أحبك دوووبه))
:
:
:
مشعل: ليلى..وين المذكره اللي كانت عالسرير
ليلى: يووووه اللي كانت هنا
مشعل: إيه لييييييه وشفيه
ليلى: رميتها أحسبها قديمه
مشعل: من جدك إنتييييييييييي؟ إختباري الإسبوع الجاي
ليلى: مدري والله
مشعل: تطلعينها من تحت الأرض
ليلى: هههههههههههههه امزح معك
حطيتها بالدرج
مشعل: إيه أشوا..لو رميتيها كان مافي لاتخرج ولا
سفر
ليلى: إيه وش صار على موضوع السفر؟
مشعل: ماصار شي كل شي جاهز بس
أنطر يخلص هالترم عشان الحجوزات
ليلى: طيب ومن يروح؟
مشعل: بدر وإمرته وانا معهم
ليلى: طيب وانا..ابي اجي معكم
مشعل: والجامعه؟
ليلى: أقدم إعتذار
مشعل: لاااا بعدين الجامعه تظلم بدونك خليك قاعدة أحسن
ليلى: مممممشعععل اقعد وش أسوي أبي أروووح
بعدين من يقووم بأمرووك ومريم تجلس لحالها أذا بدر جلس بالمستشفى والله
صعععععبه
مشعل وكنه إقتنع : يصير خير
:
:
:
كان جالس يفكر ..
نواف وبقلبه: هذي ليه تقول كذا..وليه تفكر كذا
ماظن أحد داس لها على طرف..إسلوبها ..طريقتها ..تعاملها
كله غلط بغلط بس انا ليه صابر عليها
مو اول مرررة أسمعها تسب اهلي واسكت لالا بس يمكن مسوين لها شي..
بس وش مسوين ..من تزوجنا وحنا طالعين بيت بلحالنا!!أجل وش السالفة
إستغفر الله يااارب..
وفجأة
مرام: نواف فيك شي؟
نواف: لالا مافيني شي
مرام: طيب أبي أفاتحك بموضوع..
نواف: أسمعك
مرام: إممممم وش رايك نسافر
نواف: وشوو؟ نسافر وحنا تونا مخلصين
عطلة الصيف
مرام:لالالا مو هالحين
نواف: أجل متى؟؟
مرام: بعطلة الربيع أول عطلة العشر أيام على بداية الترم
الجاي
نواف: قصدك نروح مع بدر أمريكا
مرام: لا مو قصدي كذا
نواف: أجل وين تبين؟
مرام: النمسا
نواف: يصير خير
مرام: وإذا منت راضي خلاص نروح مع بدر
منها نتطمن عليه ومنها نغير جو..سمعت إن نبراسكا حلوة
نواف: طيب أشوف
:
:
:
:
صحت من نومها الساعه 7 ليلاً
فتحت الجوال لقت رسالة قرتها
إبتسمت إبتسامه خفيفة: وش أرد عليـــه إإإمممم
وردت:
((هلا باللي إذا أرسل فرح قلبي بمرسوله
يدق جوالي باعلى صووت هذا القمر ردووو له.. ))
فيصل جته الرساله قراها وطااااار : ياااااا
لبى قلبهااااااااااااااا أحبها وربي أحبهاااااااااااااااااااا
رد عليها:
((حبيبي تكفى لاتبعد وخذ كل العمر وياك
ثلااثه كلها فيني أحبك .أعشقك.اهوااااااااااك))
قرت الرساله وفرحت فيها: يالبى قلبه..أحس بدى
يدخل قلبي هالدوووووب >>يااااااااااه بس
وفجأة >>((رن ياجوالي..رن ياجواالي خل الحبايب دوم
تتفقد أحواااالي.....إلخ))
و ردت
مشاعل: ألو
فيصل: مرحبااا
مشاعل إحرااج: هلا
فيصل: هلااااا بك أكثر بس منو معاي>>مايخلي سوالفه
مشاعل: والله مدري إنت على منو متصل؟؟؟
فيصل: والله متصل على وحدة أحبها
مشاعل: طيب وانا وش دخلني
فيصل: إنتي اللي أحبها
مشاعل والوجه طماطه: إرحمنا بس..
فيصل: ههههههههه طيب كيفك؟
مشاعل: بخير
فيصل: توك قاعدة؟
مشاعل: يب
فيصل: انا ماحب انام أول ما اجي من المدرسه
مشاعل: يووء وكيف تركز باقي يومك
فيصل: عادي انا متعود على كذا
مشاعل: اها..يالله فيصل عندي أشغال أبي أسويهاا بعد شوي
فيصل: بدينا بالتصريف؟
مشاعل: هههه ولا والله جد ..أبي أكتب بحث
فيصل: أها..تبين أكتب لك تراني أكتب سريع
مشاعل: لا لا شكرا انا اكتب مابقى إلا البزران يكتبون لي هههههههه
فيصل: طيييييييييييييب بزران هااااااااااه
مشاعل: هههههههه لا وربي أمزح معك
فيصل: لالالا خلاص انا فاهم قصدك يالله وانا اسف
إنتي وحدة مو كفو
مشاعل: قلت أمزح خلااااااص وربي
فيصل: شفتي شلون قلبت السالفة عليك؟ خخخخخ
مشاعل: وربي إنك دووووووووب
فيصل: يالله مو تبين تكتبين بحث؟
مشاعل: إيه..
فيصل: وانا ابي أحفظ قصيدة كتبت كل واجباتي
بس باقي لي قصيدة خمسطعش بيت
مشاعل: طيب ..باي
فيصل: مشاااعل لحظه أبقولك شي
مشاعل: وشو؟
فيصل: أحبك
مشاعل وانوااع الإحراج: ططيييييييب باااااااي
سكرت وجهها طمااااااااااطه: يممممممممه منه
عليها حركااااات وربي مو صاحي
بالنسبه لفيصل: آآآآآه فديت اللي يستحووووووون
يالبى قلبهااااااااا أحبها أحبها أحبهاااااااااااااااااااا
ويصرخ بأعلى صووته: وربي تججججججججججنن ياااااااو
وفجاة تدخل أم سالم عليه : وش فيك تصارخ إنهبلت
على غفله؟؟؟
فيصل وانواع التورط: هاااه؟ لا بس قاعد أسمع القصيدة
ام سالم: إيه عفيا ولدي ..قلنا لك ذاكر بس مو كذا تزعحنا
فيصل: خلالالالالاص والله أذاكر بصوت واااطي
أم سالم: إيه عفيه على نبي نسبة هالسنه
فيصل: أفا عليك من 90 وفوووق أجيب
:
:
:
:
أم محمد: والله يا أبو محمد من زمان ماطلعنا
إنت عارف من حادث بدر وحنا ماقعدنا يوم مبسوطيم
إنت أدرى بالحال
أبو محمد: والله غن هالسالفة على طرف لساني
نبي ناخذ العيال وحريمهم عمره كلنا
أم محمد: نبيها على خميس وجمعه عشان العيال
دوامات عندهم
أبو محمد : وانا بعد قايل كذا
أم محمد: إنت اليوم قول لمشعل عشان يرتب أموره
أبو محمد: والله إني مفكر أقول لأبو سالم
يخاوينا
أم محمد: والله يا أبو محمد ابو سالم جارنا ونسيبنا
وكل هذا على العين والراس بس مايخليك تنسى أخوك ابو عبدالله
أبو محمد: ومن قالك إني ناسيه قلت له وقال إن البنات
عندهم جامعه والأشغال كثير والرجال مو مشتهي الرووحه
أم محمد: أجل مدامه معيي كلم ابو سالم
أبو محمد : على خير
:
:
:
((إتعب علي لو تبغي توصل إنت لي
إعمل عشاني اي شي إتعب علي...إلخ))
مرام: ااووف الو
هند: و لف إنشالله
مرام: وجععع هند
هند: إشفيك طيب.؟
مرام: عيااالي جننوني
هند: هههه تستاهلين من قالك جيبي
عيال
مرام: لا والله والحين كل من زهق من عياله
تبينه يتحسر إنه جابهم
هند: لا مو كذا بس الواحد لازم يفكر العواقب
والنتائج!
مرام: تكفين ياشيخه نامي بس
هند: هههههه
مرام: إيه صح اليوم كلمت نواف بموضوع السفر
واااه طفشااااانه
هند: للنمسا؟
مرام:لا غيرت الوجهة..لنبراسكا
هند: هذي وين بالمريخ
مرام: هذي بأمريكا يابعدي..إحتمال نروح مع "طه حسين"
هند: طه حسين منو
مرام: بدررر خخخخخخخخ
هند: شكو
مرام: إنه مايشوف خوش لقب صح
هند: مرام إنتي من جدك؟
مرام: أمززززح..
هند: طيب ماعلينا وش قال؟
مرام: قال يصير خيرر..بس تصدقين من نطب نبراسكا
نبي نروح فندق بعيد مالي خلق مستشفياات أبي أستانس صراحه
هند: إيه أحسن وش لك باللجه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك